Il-Ġurnal Uffiċjali
ta'l-Unjoni Ewropea
MT
Is-serje L
|
|
Il-Ġurnal Uffiċjali |
MT Is-serje L |
|
2026/662 |
20.3.2026 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2026/662
tat-13 ta’ Marzu 2026
li temenda l-Annessi tad-Deċiżjoni ta’ Implimentazzjoni (UE) 2025/1708 dwar ċerti miżuri ta’ emerġenza relatati mal-infezzjoni bil-virus tal-marda tal-infafet fil-ġilda fi Franza
(notifikata bid-dokument C(2026) 1815)
(It-test bil-Franċiż biss huwa awtentiku)
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Liġi dwar is-Saħħa tal-Annimali”) (1), u b’mod partikolari l-Artikolu 259(1) tiegħu,
Billi:
|
(1) |
L-infezzjoni bil-virus tal-marda tal-infafet fil-ġilda hija marda infettiva li tinġarr minn vettur u li taffettwa lill-annimali bovini. L-okkorrenza tagħha tista’ tħalli impatt serju fuq il-popolazzjoni tal-annimali kkonċernati u fuq il-profittabbiltà tal-biedja, u tikkawża disturb fil-movimenti ta’ dawk l-annimali u tal-prodotti tagħhom fl-Unjoni u fl-esportazzjonijiet lejn pajjiżi terzi. Fil-każ ta’ tifqigħa tal-infezzjoni bil-virus tal-marda tal-infafet fil-ġilda fl-annimali bovini, hemm riskju serju li dik il-marda tinxtered fi stabbilimenti oħra tal-annimali bovini, b’mod partikolari minħabba l-mod ewlieni ta’ trażmissjoni tagħha permezz tal-vetturi. |
|
(2) |
Ir-Regolament Delegat tal-Kummissjoni (UE) 2020/687 (2) jissupplimenta r-regoli għall-kontroll tal-mard elenkat kif imsemmi fl-Artikolu 9(1), il-punti (a), (b) u (c), tar-Regolament (UE) 2016/429, u definit bħala mard tal-kategoriji A, B u C fir-Regolament ta’ Implimentazzjoni tal-Kummissjoni (UE) 2018/1882 (3). B’mod partikolari, l-Artikoli 21 u 22 tar-Regolament Delegat (UE) 2020/687 jipprevedu l-istabbiliment ta’ żona ristretta f’każ ta’ tifqigħa ta’ marda tal-kategorija A, inkluż l-infezzjoni bil-virus tal-marda tal-infafet fil-ġilda, u ċerti miżuri li għandhom jiġu applikati fiha. Barra minn hekk, l-Artikolu 21(1) ta’ dak ir-Regolament Delegat jipprevedi li ż-żona ristretta trid tkun tinkludi mill-inqas żona ta’ protezzjoni, żona ta’ sorveljanza, u, jekk ikun meħtieġ, żoni ristretti ulterjuri madwar iż-żoni ta’ protezzjoni u ta’ sorveljanza jew maġenbhom. |
|
(3) |
Id-Deċiżjoni ta’ Implimentazzjoni tal-Kummissjoni (UE) 2025/1708 (4) tistabbilixxi ċerti miżuri ta’ emerġenza relatati mal-infezzjoni bil-virus tal-marda tal-infafet fil-ġilda fi Franza. B’mod aktar partikolari, l-Artikolu 1 tad-Deċiżjoni ta’ Implimentazzjoni (UE) 2025/1708 jipprevedi li fi Franza tiġi stabbilita żona ristretta, li tinkludi żoni ta’ protezzjoni u ta’ sorveljanza, f’konformità mal-Artikolu 21 tar-Regolament Delegat (UE) 2020/687, kif ukoll żona ta’ tilqim, f’konformità mal-Parti 1 tal-Anness IX tar-Regolament Delegat tal-Kummissjoni (UE) 2023/361 (5). Barra minn hekk, l-Artikolu 1 tad-Deċiżjoni ta’ Implimentazzjoni (UE) 2025/1708 jipprevedi li dawk iż-żoni ta’ protezzjoni u ta’ sorveljanza, kif ukoll iż-żona ta’ tilqim, iridu jinkludu mill-inqas iż-żoni elenkati fl-Annessi tagħha, u l-miżuri meħtieġa li għandhom jiġu applikati f’dawk iż-żoni jridu jiġu applikati mqar sad-dati stabbiliti f’dawk l-Annessi. |
|
(4) |
Mill-aħħar emenda tad-Deċiżjoni ta’ Implimentazzjoni (UE) 2025/1708 bid-Deċiżjoni ta’ Implimentazzjoni tal-Kummissjoni (UE) 2026/393 (6), ma ġiet innotifikata l-ebda tifqigħa addizzjonali tal-infezzjoni bil-virus tal-marda tal-infafet fil-ġilda fi stabbilimenti li jżommu l-annimali bovini fi Franza. Madankollu, Spanja nnotifikat żewġ tifqigħat ġodda tal-infezzjoni bil-virus tal-marda tal-infafet fil-ġilda fi stabbilimenti li jżommu l-annimali bovini fil-provinċja ta’ Huesca, fil-Komunità Awtonoma ta’ Aragón, fit-2 u fit-3 ta’ Marzu 2026. Bi tweġiba għal dan, Franza stabbiliet żona ta’ sorveljanza fid-dipartiment ta’ Hautes-Pyrénées, li fih qed jiġu applikati l-miżuri ta’ kontroll tal-mard stabbiliti fir-Regolament Delegat (UE) 2020/687. |
|
(5) |
Fid-dawl tas-sitwazzjoni epidemjoloġika li qed tevolvi, b’mod partikolari t-tifqigħat il-ġodda tal-virus tal-marda tal-infafet fil-ġilda kkonfermati fi Spanja, iż-żoni elenkati bħala żoni ta’ protezzjoni u ta’ sorveljanza fi Franza fl-Anness I tad-Deċiżjoni ta’ Implimentazzjoni (UE) 2025/1708 jenħtieġ li jiġu emendati kemm fir-rigward tal-ambitu ġeografiku tagħhom kif ukoll fir-rigward tad-durata tagħhom. Għalhekk, jeħtieġ tiġi emendata l-lista taż-żoni ristretti u l-perjodu ta’ applikazzjoni tal-miżuri stabbiliti f’dak l-Anness, sabiex jiġi evitat it-tixrid ulterjuri tal-virus tal-marda tal-infafet fil-ġilda fi Franza u fil-bqija tal-Unjoni. |
|
(6) |
Id-daqs taż-żoni indikati bħala żoni ta’ protezzjoni u ta’ sorveljanza, u d-durata tal-miżuri li għandhom jiġu applikati fihom, huma bbażati fuq il-kriterji stabbiliti fl-Artikolu 64(1) tar-Regolament (UE) 2016/429 kif ukoll fuq ir-regoli stabbiliti fir-Regolament Delegat (UE) 2020/687. Il-kriterji applikati għall-għażla tad-daqs taż-żoni ta’ protezzjoni u ta’ sorveljanza, kif ukoll tad-durata tal-miżuri li għandhom jiġu applikati fihom, ma jqisux biss is-sitwazzjoni epidemjoloġika fir-rigward tal-infezzjoni bil-virus tal-marda tal-infafet fil-ġilda fiż-żoni affettwati minn dik il-marda, iżda anke fatturi epidemjoloġiċi oħra, inklużi l-parametri ġeografiċi u r-riskju li l-marda tkompli tinxtered fid-dawl tal-preżenza ta’ insetti vetturi. Meta ntgħażlet id-durata tal-miżuri previsti f’din id-Deċiżjoni tqiesu wkoll l-istandards internazzjonali tal-Kodiċi tas-Saħħa tal-Annimali Terrestri tal-Organizzazzjoni Dinjija għas-Saħħa tal-Annimali (7). |
|
(7) |
Iż-żoni ta’ tilqim stabbiliti fl-Anness II tad-Deċiżjoni ta’ Implimentazzjoni (UE) 2025/1708 jibqgħu meħtieġa, u t-tilqim jenħtieġ li jkompli f’konformità mal-pjan uffiċjali tat-tilqim ta’ Franza, li ġie ppreżentat skont l-Artikolu 6(4), il-punti (a) u (b), tar-Regolament Delegat (UE) 2023/361. |
|
(8) |
It-tip, id-daqs u d-durata taż-żoni ta’ tilqim I u II stabbiliti fil-Partijiet B u A tal-Anness II tad-Deċiżjoni ta’ Implimentazzjoni (UE) 2025/1708 huma bbażati fuq is-sitwazzjoni epidemjoloġika fir-rigward tal-infezzjoni bil-virus tal-marda tal-infafet fil-ġilda, u l-progress tal-kampanji tat-tilqim fi Franza, b’mod partikolari billi jitqiesu l-evoluzzjoni tal-livell ta’ kopertura tat-tilqim miksub, il-pjan uffiċjali tat-tilqim tal-Istat Membru u r-rapporti ta’ progress ippreżentati f’konformità mal-Artikolu 11 tar-Regolament Delegat (UE) 2023/361, kif ukoll fuq ir-rekwiżiti stabbiliti fl-Anness IX ta’ dak ir-Regolament Delegat. |
|
(9) |
L-Artikolu 2 tad-Deċiżjoni ta’ Implimentazzjoni (UE) 2025/1708 jipprojbixxi l-movimenti tal-annimali bovini miż-żoni ta’ protezzjoni u ta’ sorveljanza stabbiliti fl-Anness I ta’ dik id-Deċiżjoni ta’ Implimentazzjoni għal destinazzjonijiet barra mill-perimetru estern ta’ dawk iż-żoni fi Franza jew barra minn dak l-Istat Membru sad-dati elenkati f’dak l-Anness. Fid-dawl taż-żoni ristretti eżistenti marbuta mal-infezzjoni bil-virus tal-marda tal-infafet fil-ġilda fit-territorju ta’ Franza, huwa meħtieġ li dik il-projbizzjoni tiġi applikata fiż-żoni ta’ protezzjoni u ta’ sorveljanza elenkati fl-Anness I ta’ dik id-Deċiżjoni ta’ Implimentazzjoni. |
|
(10) |
Minħabba ż-żoni ristretti aġġornati fid-dipartiment ta’ Hautes-Pyrénées, fi Franza, huwa meħtieġ li jiġu aġġustati ż-żoni ta’ tilqim I u II għall-infezzjoni bil-virus tal-marda tal-infafet fil-ġilda attwalment stabbiliti fl-Anness II tad-Deċiżjoni ta’ Implimentazzjoni (UE) 2025/1708, f’dak l-Istat Membru. |
|
(11) |
Għalhekk, jenħtieġ li l-Annessi tad-Deċiżjoni ta’ Implimentazzjoni (UE) 2025/1708 jiġu emendati kif xieraq. |
|
(12) |
Fid-dawl tas-sitwazzjoni epidemjoloġika attwali fi Franza fir-rigward tal-infezzjoni bil-virus tal-marda tal-infafet fil-ġilda, l-emendi li għandhom isiru fl-Annessi I u II tad-Deċiżjoni ta’ Implimentazzjoni (UE) 2025/1708 b’din id-Deċiżjoni jenħtieġ li japplikaw malajr kemm jista’ jkun biex jiġi evitat aktar tixrid ta’ dik il-marda fi Franza, fi Stati Membri oħra, jew f’pajjiżi terzi, kif ukoll biex jiġi evitat kwalunkwe disturb bla bżonn għall-kummerċ fl-Unjoni jew kwalunkwe ostaklu mhux ġustifikat għall-kummerċ ma’ pajjiżi terzi. |
|
(13) |
Il-miżuri previsti f’din id-Deċiżjoni huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
L-Annessi tad-Deċiżjoni ta’ Implimentazzjoni (UE) 2025/1708 huma sostitwiti bit-test stabbilit fl-Anness ta’ din id-Deċiżjoni.
Artikolu 2
Din id-Deċiżjoni hija indirizzata lir-Repubblika Franċiża.
Magħmul fi Brussell, it-13 ta’ Marzu 2026.
Għall-Kummissjoni
Olivér VÁRHELYI
Membru tal-Kummissjoni
(1) ĠU L 84, 31.3.2016, p. 1, ELI: http://data.europa.eu/eli/reg/2016/429/oj.
(2) Ir-Regolament Delegat tal-Kummissjoni (UE) 2020/687 tas-17 ta’ Diċembru 2019 li jissupplimenta r-Regolament (UE) 2016/429 tal-Parlament Ewropew u tal-Kunsill fir-rigward tar-regoli għall-prevenzjoni u l-kontroll ta’ ċertu mard elenkat (ĠU L 174, 3.6.2020, p. 64, ELI: http://data.europa.eu/eli/reg_del/2020/687/oj).
(3) Ir-Regolament ta’ Implimentazzjoni tal-Kummissjoni (UE) 2018/1882 tat-3 ta’ Diċembru 2018 dwar l-applikazzjoni ta’ ċerti regoli għall-prevenzjoni u l-kontroll tal-mard għal kategoriji ta’ mard elenkat u li jistabbilixxi lista ta’ speċijiet u gruppi ta’ speċijiet li jippreżentaw riskju konsiderevoli għat-tixrid ta’ dak il-mard elenkat (ĠU L 308, 4.12.2018, p. 21, ELI: http://data.europa.eu/eli/reg_impl/2018/1882/oj).
(4) Id-Deċiżjoni ta’ Implimentazzjoni tal-Kummissjoni (UE) 2025/1708 tad-29 ta’ Lulju 2025 dwar ċerti miżuri ta’ emerġenza relatati mal-infezzjoni bil-virus tal-marda tal-infafet fil-ġilda fi Franza u li tħassar id-Deċiżjoni ta’ Implimentazzjoni (UE) 2025/1336 (ĠU L, 2025/1708, 5.8.2025, ELI: http://data.europa.eu/eli/dec_impl/2025/1708/oj).
(5) Ir-Regolament Delegat tal-Kummissjoni (UE) 2023/361 tat-28 ta’ Novembru 2022 li jissupplimenta r-Regolament (UE) 2016/429 tal-Parlament Ewropew u tal-Kunsill fir-rigward tar-regoli għall-użu ta’ ċerti prodotti mediċinali veterinarji għall-finijiet tal-prevenzjoni u l-kontroll ta’ ċertu mard elenkat (ĠU L 52, 20.2.2023, p. 1, ELI: http://data.europa.eu/eli/reg_del/2023/361/oj).
(6) Id-Deċiżjoni ta’ Implimentazzjoni tal-Kummissjoni (UE) 2026/393 tas-17 ta’ Frar 2026 li temenda l-Annessi tad-Deċiżjoni ta’ Implimentazzjoni (UE) 2025/1708 dwar ċerti miżuri ta’ emerġenza relatati mal-infezzjoni bil-virus tal-marda tal-infafet fil-ġilda fi Franza (ĠU L, 2026/393, 20.2.2026, ELI: http://data.europa.eu/eli/dec_impl/2026/393/oj).
(7) https://www.woah.org/en/what-we-do/standards/codes-and-manuals/terrestrial-code-online-access/.
ANNESS
“ANNESS I
Żoni ta’ protezzjoni u ta’ sorveljanza stabbiliti madwar it-tifqigħat ikkonfermati
|
Żona amministrattiva u numru ta’ referenza tal-ADIS tat-tifqigħa |
Żoni stabbiliti bħala żoni ta’ protezzjoni u ta’ sorveljanza, parti miż-żona ristretta, kif imsemmi fl-Artikolu 1 |
Data sa meta applikabbli |
||||||||||||||||||||||||||||||||||||||||||||||||||||
|
Region of Occitanie (‘ZR8’) ES-LSD-2026-00002 ES-LSD-2026-00003 |
Surveillance zone: The following municipalities in the following departments in the Region of Occitanie Hautes Pyrénées Department
|
22.4.2026 |
ANNESS II
Parti A: Żona ta’ tilqim II
It-territorju kollu ta’:
|
1. |
il-muniċipalitajiet tad-dipartimenti elenkati fl-Anness I sal-aħħar jum tal-perjodu ta’ rkupru, kif imsemmi fil-Parti 4 tal-Anness IX tar-Regolament Delegat (UE) 2023/361; |
|
2. |
il-muniċipalitajiet li ġejjin fir-Reġjuni ta’ Auvergne-Rhône-Alpes u Bourgogne-Franche-Comté sal-aħħar jum tal-perjodu ta’ rkupru, kif imsemmi fil-Parti 4 tal-Anness IX tar-Regolament Delegat (UE) 2023/361:
|
Parti B: Żona ta’ tilqim I
It-territorju kollu tar-Reġjun ta’ Korsika sal-aħħar jum tal-perjodu ta’ rkupru, kif imsemmi fil-Parti 4 tal-Anness IX tar-Regolament Delegat (UE) 2023/361;
It-territorju kollu tad-dipartimenti li ġejjin fir-Reġjuni ta’ Occitanie u Nouvelle Aquitaine minbarra l-muniċipalitajiet elenkati fl-Anness I u fil-Parti A tal-Anness II:
|
— |
Id-dipartiment ta’ Aude |
|
— |
Id-dipartiment ta’ Haute Garonne |
|
— |
Id-dipartiment ta’ Gers |
|
— |
Id-dipartiment ta’ Herault |
|
— |
Id-dipartiment ta’ Pyrénées Atlantiques |
|
— |
Id-dipartiment ta’ Tarn |
|
— |
Id-dipartiment ta’ Landes |
ELI: http://data.europa.eu/eli/dec_impl/2026/662/oj
ISSN 1977-074X (electronic edition)