(1)

Ir-Regolament ta’ Implimentazzjoni tal-Kummissjoni (UE) 2020/2156 tal-14 ta’ Ottubru 2020 li jispjega fid-dettall il-modalitajiet tekniċi għall-implimentazzjoni effettiva ta’ skema komuni fakultattiva tal-Unjoni għall-klassifikazzjoni tal-potenzjal ta’ intelliġenza tal-bini (1) għandu jiġi inkorporat fil-Ftehim ŻEE.

(2)

Minħabba l-ispeċifiċitajiet tal-istokk tal-bini relattivament reċenti u uniformi tal-Iżlanda, intlaħaq qbil dwar eżenzjoni temporanja u kundizzjonali mill-applikazzjoni tad-Direttiva 2010/31/UE tal-Parlament Ewropew u tal-Kunsill tad-19 ta’ Mejju 2010 dwar ir-rendiment tal-bini fl-użu tal-enerġija (2), skont id-Deċiżjoni tal-Kumitat Konġunt taż-ŻEE Nru 135/2022 tad-29 ta’ April 2022 (3) u d-Deċiżjoni tal-Kumitat Konġunt taż-ŻEE Nru 175/2025 tal-11 ta’ Lulju 2025 (4). Jenħtieġ li l-eżenzjoni tkun strettament limitata fiż-żmien u jenħtieġ li tapplika biss sakemm id-Direttiva (UE) 2024/1275 tal-Parlament Ewropew u tal-Kunsill tal-24 ta’ April 2024 dwar ir-Rendiment tal-Bini fl-Użu tal-Enerġija (riformulazzjoni) (5) tiġi inkorporata fil-Ftehim ŻEE.

(3)

Għalhekk, jenħtieġ li l-Anness IV tal-Ftehim ŻEE jiġi emendat skont dan,

“17c.

32020 R 2156: Ir-Regolament ta’ Implimentazzjoni tal-Kummissjoni (UE) 2020/2156 tal-14 ta’ Ottubru 2020 li jispjega fid-dettall il-modalitajiet tekniċi għall-implimentazzjoni effettiva ta’ skema komuni fakultattiva tal-Unjoni għall-klassifikazzjoni tal-potenzjal ta’ intelliġenza tal-bini (ĠU L 431, 21.12.2020, p. 25).

Għall-finijiet ta’ dan il-Ftehim, id-dispożizzjonijiet tar-Regolament għandhom jinqraw bl-adattament li ġej:

Dan ir-Regolament ma għandux japplika għall-Iżlanda.”