ANNESS

L-Anness għad-Deċiżjoni (PESK) 2019/797 jiġi emendat kif ġej:

(1)

L-entrati li ġejjin jiżdiedu taħt l-intestatura “A. Persuni fiżiċi”:

Isem

Informazzjoni ta’ Identifikazzjoni

Raġunijiet

Data tal-elenkar

“18.

CHEN Cheng

陈诚

(ortografija Ċiniża)

Psewdonimi:

Jesse Chen

lengmo

l3n6m0

Data tat-twelid: 20.10.1984

Post tat-twelid: Yancheng, Jiangsu, China

Nazzjonalità: Ċiniża

Sess: raġel

Chen Cheng huwa negozjant Ċiniż, kofundatur u wieħed mill-maniġers ġenerali (Uffiċjal Kap Operattiv) ta’ Anxun Information Technology Co. Ltd. Huwa wkoll rappreżentant legali tal-fergħa ta’ Sichuan ta’ dik il-kumpanija.

Anxun Information Technology Co. Ltd, magħrufa wkoll bħala i-Soon, hija kumpanija bbażata fir-Repubblika tal-Poplu taċ-Ċina (RPĊ) li toffri servizzi ta’ ‘hacking-for-hire’. Anxun Information Technology Co. Ltd.qiegħdet fil-mira infrastruttura kritika u funzjonijiet kritiċi tal-istat tal-Istati Membri u aċċessat u biegħet informazzjoni klassifikata. Barra minn hekk, Anxun Information Technology Co. Ltd. attakkat gvernijiet ta’ diversi stati terzi, u b'hekk thedded il-miri tal-politika estera u ta’ sigurtà komuni (PESK) tal-Unjoni, kif stabbiliti fl-Artikolu 21(2), il-punti (a) sa (c) tat-Trattat dwar l-Unjoni Ewropea.

Anxun Information Technology Co. Ltd.tikseb benefiċċju ekonomiku importanti mis-servizzi pprovduti.

Għalhekk, Anxun Information Technology Co. Ltd.hija responsabbli għal attakki ċibernetiċi b’effett sinifikanti li jikkostitwixxu theddida esterna għall-Unjoni u l-Istati Membri tagħha kif ukoll attakki kontra Stati terzi.

F’din il-kapaċità, Chen Cheng huwa responsabbli għal attakki ċibernetiċi b’effett sinifikanti, u huwa involut fihom, li jikkostitwixxu theddida esterna għall-Istati Membri kif ukoll attakki ċibernetiċi b’effett sinifikanti kontra Stati terzi.

16.3.2026

19.

WU Haibo

吴海波

(ortografija Ċiniża)

Psewdonimi:

shutdown

shutd0wn

Post tat-twelid: China

Nazzjonalità: Ċiniża

Sess: raġel

Wu Haibo huwa negozjant Ċiniż, kofundatur u wieħed mill-maniġers ġenerali (Uffiċjal Kap Eżekuttiv) ta’ Anxun Information Technology Co. Ltd. Huwa wkoll r-rappreżentant legali, president u maniġer ġenerali tal-fergħa ta’ Shanghai (‘omm’) ta’ Anxun Information Technology Co. Ltd. Barra minn hekk, huwa qed jaġixxi wkoll bħala r-rappreżentant legali tal-fergħa ta’ Sichuan ta’ dik il-kumpanija.

Anxun Information Technology Co. Ltd., magħrufa wkoll bħala i-Soon, hija kumpanija bbażata fir-Repubblika tal-Poplu taċ-Ċina (RPĊ) li toffri servizzi ta’ ‘hacking-for-hire’. Anxun Information Technology Co. Ltd.qiegħdet fil-mira infrastruttura kritika u funzjonijiet kritiċi tal-Istat tal-Istati Membri u aċċessat u biegħet informazzjoni klassifikata. Barra minn hekk, Anxun Information Technology Co. Ltd. attakkat gvernijiet ta’ diversi Stati terzi, u b’hekk thedded il-miri tal-politika estera u ta’ sigurtà komuni (PESK) tal-Unjoni, kif stabbiliti fl-Artikolu 21(2), il-punti (a) sa (c) tat-Trattat dwar l-Unjoni Ewropea.

Anxun Information Technology Co. Ltd.tikseb benefiċċju ekonomiku importanti mis-servizzi pprovduti.

Għalhekk, Anxun Information Technology Co. Ltd. hija responsabbli għal attakki ċibernetiċi b’effett sinifikanti li jikkostitwixxu theddida esterna għall-Istati Membri kif ukoll attakki kontra Stati terzi.

Wu Haibo kien involut fit-tmexxija u l-inkoraġġiment ta’ tentattivi ta’ attakki ċibernetiċi b’effett sinifikanti kontra l-Istati Membri.

Fil-kapaċità tiegħu, huwa responsabbli għal attakki ċibernetiċi b’effett sinifikanti, u huwa involut fihom, li jikkostitwixxu theddida esterna għall-Istati Membri kif ukoll attakki ċibernetiċi b’effett sinifikanti kontra Stati terzi.

16.3.2026”;

(2)

L-entrati li ġejjin jiżdiedu taħt l-intestatura “B. Persuni ġuridiċi, entitajiet u korpi”:

	Isem	Informazzjoni ta’ Identifikazzjoni	Raġunijiet	Data tal-elenkar
“5.	Integrity Technology Group	永信至诚科技集团股份有限公司 (ortografija Ċiniża) Psewdonimu: Beijing Integrity Technology Company Limited, Yongxin Zhicheng Technology Group Company Limited Indirizz: Fenghao East Road, Room 103, Building 6, No. 9, Beijing Haidian District, China Post tar-reġistrazzjoni: Beijing, China Data tar-reġistrazzjoni: 2.9.2010 Kodiċi ta’ Kreditu Soċjali Unifikat: 91110108562135265P	Integrity Technology Group hija intrapriża taċ-ċibersigurtà, ibbażata fir-Repubblika tal-Poplu taċ-Ċina (RPĊ), li ffaċilitat attakki ċibernetiċi marbuta mat-Theddida Persistenti Avvanzata (APT) Flax Typhoon,. Dik l-APT użat l-prodotti u t-teknoloġija ta’ Integrity Technology Group biex timplimenta l-attivitajiet tagħha ta’ sfruttament tan-network tal-kompjuters. Minn dak iż-żmien ’l hawn, il-prodotti ta’ Integrity Technology Group ntużaw biex jikkompromettu u jaċċessaw l-apparati tal-Internet tal-Oġġetti fl-Istati Membri,kif ukoll f’pajjiżi fl-Ewropa u madwar id-dinja. Bejn l-2022 u l-2023, Flax Typhoon aċċessat mill-inqas 65 600 apparat tal-Internet tal-Oġġetti f’sitt Stati Membri billi użaw il-prodotti ta’ Integrity Technology Group. Għalhekk, il-prodotti kummerċjali u l-infrastruttura ta’ Integrity Technology Group intużaw b’mod regolari f’attakki ċibernetiċi kontra l-Istati Membri kif ukoll Stati terzi. Konsegwentement, billi taffettwa s-sistemi ta’ informazzjoni relatati mal-infrastruttura diġitali, Integrity Technology Group qed tipprovdi appoġġ tekniku u materjali għal attakki ċibernetiċi b’effett sinifikanti li jikkostitwixxu theddida esterna għall-Istati Membri u Stati terzi.	16.3.2026
6.	Emennet Pasargad	Psewdonimu: Anzu Team, Holy Souls, Aria Sepehr Ayandehsazan, Haywire Kitten Post tar-reġistrazzjoni: Teheran, Iran Numru tar-reġistrazzjoni: 554267 Post prinċipali tan-negozju: Teheran, Iran	Emennet Pasargad huwa attur ċibernetiku Iranjan (kumpannija) li qiegħed fil-mira bosta entitajiet, b’mod partikolari, fl-Istati Membri kif ukoll fl-Istati Uniti (US). Emennet Pasargad, li jopera taħt il-psewdonimu ‘Anzu Team’, qiegħed fil-mira infrastruttura diġitali fl-Iżvezja u kkomprometta servizz tal-SMS Żvediż, li affettwa għadd kbir ta’ nies. Barra minn hekk, billi aġixxa taħt il-psewdonimu ‘Holy Souls’, l-entità kkompromettiet il-bażi tad-data tal-abbonati tar-rivista satirika Franċiża, Charlie Hebdo, u rreklamatha għall-bejgħ fuq id-dark web. Emennet Pasargad ikkomprometta l-billboards tar-reklamar matul il-Logħob Olimpiku ta’ Pariġi u wera kampanji ta’ diżinformazzjoni. Emennet Pasargad ipprova wkoll jinterferixxi fl-elezzjonijiet presidenzjali tal-Istati Uniti tal-2020, billi hedded id-demokrazija u l-istat tad-dritt, billi kiseb informazzjoni kunfidenzjali dwar il-votanti tal-Istati Uniti u kiseb aċċess mhux awtorizzat għan-network tal-kompjuters ta’ kumpanija tal-media tal-Istati Uniti. Għalhekk, Emennet Pasargad huwa responsabbli għal attakki ċibernetiċi b’effett sinifikanti li jikkostitwixxu theddida esterna għall-Istati Membri u għal attakki ċibernetiċi b’effett sinifikanti kontra Stat terz.	16.3.2026
7.	Anxun Information Technology Co. Ltd.	安洵信息技术有限公司 (ortografija Ċiniża) Psewdonimu: i-Soon Indirizz: Room 1002, Qiangqiang Building, No. 1318 Qixin Road, Minhang District, Shanghai Kodiċi ta’ Kreditu Soċjali Unifikat: 91510105332025597A (fergħa ta’ Sichuan) Kodiċi ta’ Kreditu Soċjali Unifikat: 91310116561906136G (fergħa ta' Shanghai) Siti web: i-soon.net, isoon.net, i-soon.com.cn, isoonren.com, isoon.win Numri tat-telefown: +862161119992, +8605645893417, +8613761671735, +864000665915 Posta elettronika: shutdown@163.com, isoon2015@126.com, tao_tingting@i-soon.net, li_ping@i-soon.net	Anxun Information Technology Co. Ltd. hija kumpannija bbażata fir-Repubblika tal-Poplu taċ-Ċina li toffri servizzi ta’ ‘hacking-for-hire’. Hija qiegħdet fil-mira infrastruttura kritika u funzjonijiet kritiċi tal-Istat tal-Istati Membri u aċċessat u biegħet informazzjoni klassifikata. Barra minn hekk, Anxun Information Technology Co. Ltd. attakkat gvernijiet ta’ diversi Stati terzi, u b’hekk thedded il-miri tal-politika estera u ta’ sigurtà komuni (PESK) tal-Unjoni, kif stabbiliti fl-Artikolu 21(2), il-punti (a) sa (c) tat-Trattat dwar l-Unjoni Ewropea. Anxun International Technology Co. Ltd. tikseb benefiċċju ekonomiku importanti mis-servizzi pprovduti. Għalhekk, Anxun Information Technology Co. Ltd. hija responsabbli għal attakki ċibernetiċi b’effett sinifikanti li jikkostitwixxu theddida esterna għall-Istati Membri kif ukoll għal attakki ċibernetiċi b’effett sinifikanti kontra Stati terzi.	16.3.2026”.