(1)

Sabiex jiġu żgurati l-adegwatezza u l-effettività tas-sistemi, tar-riżorsi u tal-proċeduri tagħhom, ir-rieżaminaturi esterni jenħtieġ li jikkunsidraw b’mod komprensiv l-arranġamenti interni tagħhom, mir-robustezza tas-sistemi ta’ informazzjoni sas-suffiċjenza tar-riżorsi umani, tekniċi u materjali. Ir-rieżaminaturi esterni jenħtieġ li jiżviluppaw qafas ta’ valutazzjoni robust bħala parti mill-proċeduri tagħhom, li jenħtieġ li jinkludi l-kriterji minimi li għandhom jiġu applikati għall-valutazzjoni tal-kwalità tal-informazzjoni u l-affidabbiltà tas-sorsi użati fl-attivitajiet ta’ valutazzjoni.

(2)

Għall-istess raġuni, kwalunkwe nuqqas tas-sistemi, riżorsi u proċeduri identifikati meta jiġu mmonitorjati u evalwati l-adegwatezza u l-effettività tagħhom jenħtieġ li jiġi rreġistrat, rimedjat u rrapportat b’mod adegwat, u l-membri tal-korp maniġerjali tar-rieżaminatur estern jenħtieġ li jissorveljaw l-azzjonijiet korrettivi.

(3)

Sabiex il-funzjoni ta’ verifika tal-konformità jkun jista’ jkollha l-awtorità li twettaq ir-responsabbiltajiet tagħha kif suppost u b’mod indipendenti, ir-rieżaminaturi esterni jenħtieġ li jkollhom politika jew politiki dwar il-funzjoni ta’ verifika tal-konformità approvati mill-bord u l-preżenza tal-funzjoni ta’ verifika tal-konformità fl-istrutturi organizzazzjonali rilevanti tar-rieżaminatur estern, inklużi l-kumitati.

(4)

Sabiex jiġu ggarantiti r-riżorsi meħtieġa tal-funzjoni għall-konformità u sabiex il-funzjoni għall-konformità tkun tista’ twettaq b’mod effettiv il-kompiti ta’ monitoraġġ tagħha, ir-rieżaminaturi esterni jenħtieġ li jiddedikaw biżżejjed riżorsi tekniċi u umani għal din il-funzjoni.

(5)

Sabiex jiġi stabbilit l-għarfien espert meħtieġ tal-funzjoni għall-konformità, ir-rieżaminaturi esterni jenħtieġ li jiżguraw il-ħila u l-esperjenza kollettivi u aġġornati tal-persuni li jwettqu l-funzjoni għall-konformità, inkluż billi jivverifikaw jekk dawk il-persuni għandhomx l-istorja tal-impjieg u l-kwalifiki professjonali meħtieġa, u billi jipprovdu livelli għoljin biżżejjed ta’ taħriġ intern.

(6)

Sabiex il-funzjoni għall-konformità jkun jista’ jkollha aċċess għall-informazzjoni rilevanti kollha, ir-rieżaminaturi esterni jenħtieġ li jiżguraw li l-funzjoni għall-konformità tkun tista’ tikseb informazzjoni mis-sorsi kollha li teħtieġ biex twettaq il-kompiti tagħha b’mod adegwat, inklużi rekords korporattivi u tal-funzjoni ta’ kontroll, rapporti tal-awditjar, rapporti ta’ żvelar ta’ informazzjoni protetta u lmenti tal-klijenti. Minħabba l-ħtieġa li jiġi żgurat li l-fornituri terzi ta’ servizzi u unitajiet kummerċjali oħra jaderixxu mal-istess standards bħar-rieżaminatur estern innifsu, il-funzjoni ta’ verifika tal-konformità jenħtieġ li jkollha wkoll aċċess għall-informazzjoni dwar kwalunkwe funzjoni esternalizzata jew linji operatorji oħra tar-rieżaminatur estern.

(7)

Sabiex tiġi żgurata s-solidità tal-proċeduri amministrattivi u kontabilistiċi tagħhom, ir-rieżaminaturi esterni jenħtieġ li jżommu rekords adegwati tal-avvenimenti kontabilistiċi rilevanti u jikkonformaw mal-istandards u r-regoli kontabilistiċi applikabbli.

(8)

Sabiex jinżammu mekkaniżmi ta’ kontroll intern sodi, ir-rieżaminaturi esterni jenħtieġ li jimplimentaw sistema komprensiva ta’ kontroll intern iffukata fuq il-ħolqien ta’ ambjent ta’ kontroll b’saħħtu u proporzjonat, il-ġestjoni effettiva tar-riskji, l-implimentazzjoni tal-attivitajiet ta’ kontroll meħtieġa, l-iżgurar ta’ flussi ċari ta’ informazzjoni u komunikazzjoni u l-monitoraġġ kontinwu tal-attivitajiet.

(9)

Sabiex tiġi ggarantita l-effettività tal-arranġamenti ta’ kontroll u ta’ salvagwardja għas-sistemi tal-ipproċessar tal-informazzjoni, ir-rieżaminaturi esterni jenħtieġ li jimplimentaw qafas ta’ kontroll għall-ġestjoni tar-riskju tal-ICT li jinkludi valutazzjonijiet tal-IT u tas-sigurtà tal-informazzjoni u l-ittestjar ta’ sistemi tal-ICT ta’ riżerva biex tiġi żgurata l-kontinwità tal-operat.

(10)

Sabiex jiġi żgurat li l-opinjoni tagħhom tkun ibbażata fuq analiżi bir-reqqa ta’ informazzjoni li tkun ta’ kwalità suffiċjenti u minn sorsi affidabbli, jenħtieġ li r-rieżaminaturi esterni japplikaw fil-metodoloġiji ta’ valutazzjoni tagħhom kriterji speċifiċi għall-valutazzjoni ta’ tali informazzjoni.

(11)

Sabiex tiġi evalwata l-kwalità tal-informazzjoni użata, ir-rieżaminaturi esterni jenħtieġ li jiżguraw li tali informazzjoni tkun kompluta, rilevanti, f’waqtha u bbażata fuq suppożizzjonijiet raġonevoli, inkluż billi jiżguraw li tali informazzjoni tipprovdi rappreżentazzjoni komprensiva tal-proġett iffinanzjat mill-bonds filwaqt li jitqiesu t-tip u s-settur tal-attivitajiet ekonomiċi. Għal din ir-raġuni, l-informazzjoni għandu jkollha konnessjoni diretta mal-karatteristiċi tal-bond, toffri riflessjoni preċiża tal-proġett iffinanzjat, tkun aġġornata u tikkunsidra l-limitazzjonijiet tat-tbassir u l-inċertezzi inerenti.

(12)

Sabiex tiġi evalwata l-affidabbiltà tas-sorsi, ir-rieżaminaturi esterni jenħtieġ li jiżguraw li dawk is-sorsi jipprovdu informazzjoni oġġettiva u sostanzjata. Is-sorsi jenħtieġ li jkunu kredibbli u akkumpanjati minn dokumentazzjoni li tiddeskrivi l-passi għall-ġbir u l-ipproċessar tal-informazzjoni, l-approċċ rigward ir-reviżjoni tad-data storika fejn applikabbli, u kwalunkwe limitazzjoni li taffettwa s-sors. Ir-rieżaminaturi esterni jenħtieġ li jagħtu prominenza xierqa lill-informazzjoni li tirriżulta minn rekwiżiti regolatorji jew lil informazzjoni soġġetta għal assigurazzjoni jew ċertifikazzjoni indipendenti, u lil standards rilevanti rikonoxxuti internazzjonalment, meta disponibbli.

(13)

Sabiex tiġi promossa l-komparabbiltà tal-informazzjoni miġbura, ir-rieżaminaturi esterni jenħtieġ li japplikaw il-kriterji għall-valutazzjoni tal-kwalità suffiċjenti tal-informazzjoni u l-affidabbiltà tas-sorsi ta’ informazzjoni b’mod li jista’ jitkejjel għal kull rieżami estern u għal kull sors ta’ informazzjoni.

(14)

L-Awtorità Ewropea tat-Titoli u s-Swieq (ESMA) jenħtieġ li tkun tista’ tivvaluta jekk l-applikanti għar-rikonoxximent bħala rieżaminaturi esterni ta’ pajjiż terz jissodisfawx il-kundizzjonijiet imsemmija fl-Artikolu 23(2) u 42(3) tar-Regolament (UE) 2023/2631, inklużi l-kundizzjonijiet stabbiliti fir-Regolament Delegat tal-Kummissjoni (UE) 2025/2180 (2). Għal dik ir-raġuni, l-applikanti jenħtieġ li jipprovdu informazzjoni li tkun aġġornata u li tinkludi d-dettalji rilevanti kollha f’format ċar u mhux ambigwu.

(15)

Biex tissalvagwardja s-sigurtà u ttejjeb il-ġestjoni u l-użu tad-data, l-ESMA adottat mezz diġitali ta’ reġistrazzjoni li jispeċifika l-informazzjoni, il-forma u l-kontenut tal-applikazzjoni għar-rikonoxximent bħala rieżaminatur estern ta’ pajjiż terz tal-Bonds Ekoloġiċi Ewropej. Għalhekk, kwalunkwe informazzjoni sottomessa lill-ESMA f’applikazzjoni jenħtieġ li tkun tista’ tinqara minn magna u f’mezz durabbli.

(16)

Biex jassistu lill-ESMA fl-identifikazzjoni tad-dokumenti li applikant ikun issottometta bħala parti mill-applikazzjoni għar-rikonoxximent bħala rieżaminatur estern ta’ pajjiż terz, l-applikanti jenħtieġ li jipprovdu numru ta’ referenza uniku li jikkorrispondi għal kull dokument.

(17)

Għall-finijiet ta’ assigurazzjoni u ta’ responsabbiltà, l-applikanti li japplikaw għar-rikonoxximent bħala rieżaminatur estern ta’ pajjiż terz jenħtieġ li jikkomplementaw dik l-applikazzjoni b’ittra ffirmata minn membru tal-maniġment superjuri tagħhom, li tiċċertifika li l-informazzjoni sottomessa hija preċiża u kompluta sa fejn jaf dak il-membru.

(18)

Dan ir-Regolament jirrispetta d-drittijiet fundamentali u josserva l-prinċipji rikonoxxuti fil-Karta tad-Drittijiet Fundamentali tal-Unjoni Ewropea, u b’mod partikolari d-dritt għall-protezzjoni tad-data personali. Jenħtieġ li l-ipproċessar ta’ data personali għall-finijiet ta’ dan ir-Regolament jitwettaq f’konformità mad-dritt tal-Unjoni dwar il-protezzjoni ta’ data personali. F’dak ir-rigward, jenħtieġ li kwalunkwe pproċessar ta’ data personali mwettaq mill-ESMA fl-applikazzjoni ta’ dan ir-Regolament jitwettaq f’konformità mar-Regolament (UE) 2018/1725 tal-Parlament Ewropew u tal-Kunsill (3). Kwalunkwe pproċessar ta’ data personali mwettaq minn entitajiet li japplikaw għar-rikonoxximent bħala rieżaminatur estern fl-applikazzjoni ta’ dan ir-Regolament jenħtieġ li jitwettaq f’konformità mar-Regolament (UE) 2016/679 tal-Parlament Ewropew u tal-Kunsill (4) u mar-rekwiżiti nazzjonali dwar il-protezzjoni ta’ persuni fiżiċi fir-rigward tal-ipproċessar ta’ data personali.

(19)

Huwa meħtieġ li l-ESMA tkun tista’ tivvaluta jekk applikant li japplika għar-rikonoxximent bħala rieżaminatur estern ta’ pajjiż terz jikkonformax mal-kundizzjonijiet għal tali rikonoxximent, filwaqt li jiġu żgurati salvagwardji xierqa. Għal dik ir-raġuni, id-data personali relatata mal-applikanti għar-rikonoxximent bħala rieżaminatur estern ta’ pajjiż terz jenħtieġ li tinżamm minn dawk ir-rieżaminaturi esterni u mill-ESMA għal mhux aktar minn ħames snin wara li dak l-applikant ikun waqaf iwettaq il-funzjoni tiegħu. Għall-istess raġunijiet, meta l-ESMA tkun irrifjutat ir-rikonoxximent bħala rieżaminatur estern ta’ pajjiż terz jew meta l-applikant ikun irtira l-applikazzjoni tiegħu għar-rikonoxximent bħala rieżaminatur estern ta’ pajjiż terz, id-data personali relatata ma’ dak l-applikant jenħtieġ li tinżamm mill-ESMA għal mhux aktar minn ħames snin wara r-rifjut tar-rikonoxximent tal-applikant jew wara l-irtirar tal-applikazzjoni.

(20)

Il-Kontrollur Ewropew għall-Protezzjoni tad-Data ġie kkonsultat f’konformità mal-Artikolu 42(1) tar-Regolament (UE) 2018/1725 u pprovda kummenti formali fid-19 ta’ Novembru 2025,

(21)

L-istandards tekniċi regolatorji li għandhom jiġu adottati abbażi tas-setgħat stabbiliti fl-Artikolu 26(3), it-tielet subparagrafu, fl-Artikolu 29(4), it-tielet subparagrafu, fl-Artikolu 30(3), it-tielet subparagrafu, fl-Artikolu 31(4), it-tielet subparagrafu, u fl-Artikolu 42(9), it-tielet subparagrafu tar-Regolament (UE) 2023/2631 huma marbuta mill-qrib ma’ xulxin, peress li kollha japplikaw għar-rieżaminaturi esterni. Sabiex tiġi żgurata l-koerenza bejn dawk id-dispożizzjonijiet u biex tiġi ffaċilitata perspettiva komprensiva mir-rieżaminaturi esterni prospettivi tal-obbligi tagħhom skont ir-Regolament (UE) 2023/2631, dawk l-istandards tekniċi regolatorji jenħtieġ li jiġu raggruppati f’Regolament Delegat wieħed.

(22)

Dan ir-Regolament huwa bbażat fuq l-abbozz tal-istandards tekniċi regolatorji ppreżentat mill-ESMA lill-Kummissjoni Ewropea f’konformità mal-Artikolu 10 tar-Regolament (UE) Nru 1095/2010 tal-Parlament Ewropew u tal-Kunsill (5).

(23)

L-ESMA wettqet konsultazzjonijiet pubbliċi miftuħa dwar l-abbozz tal-istandards tekniċi regolatorji li fuqu huwa bbażat dan ir-Regolament, analizzat il-kostijiet u l-benefiċċji potenzjali relatati u talbet il-parir tal-Grupp tal-Partijiet Interessati tat-Titoli u s-Swieq stabbilit f’konformità mal-Artikolu 37 tar-Regolament (UE) Nru 1095/2010,

(a)

is-sistemi li huma fis-seħħ jissalvagwardjaw is-sigurtà, l-integrità u l-kunfidenzjalità tal-informazzjoni u jiżguraw il-kontinwità u r-regolarità fit-twettiq tar-rieżamijiet esterni;

(b)

ir-riżorsi umani, tekniċi u materjali użati huma biżżejjed biex jidentifikaw, jimmaniġġjaw, jimmonitorjaw u jirrapportaw ir-riskji:

(c)

il-proċeduri li huma fis-seħħ għall-applikazzjoni oġġettiva u konsistenti tal-metodoloġiji ta’ valutazzjoni jinkludu l-elementi li ġejjin:

(a)

il-monitoraġġ u l-evalwazzjoni jitwettqu minn funzjoni li hija indipendenti mil-linji operatorji;

(b)

il-miżuri biex jiġu indirizzati n-nuqqasijiet identifikati fil-valutazzjonijiet tal-monitoraġġ jinkludu:

(a)

il-korp maniġerjali tar-rieżaminatur estern ikun adotta politiki li jippermettu lill-funzjoni tal-konformità biex:

(b)

mill-inqas membru wieħed tal-funzjoni għall-konformità:

(a)

l-għadd ta’ persuni li jwettqu l-funzjoni ta’ verifika tal-konformità jkun xieraq għan-natura, l-iskala u l-kumplessità tan-negozju tar-rieżaminatur estern;

(b)

il-persuni li jwettqu l-funzjoni ta’ konformità kollettivament ikollhom il-ħiliet u l-esperjenza meħtieġa fil-ġestjoni tar-riskju, l-awditjar, il-liġi jew il-konformità;

(c)

il-funzjoni għall-konformità għandha sistemi li jippermettulha:

(a)

il-funzjoni ta’ verifika tal-konformità għandha drittijiet ta’ aċċess fiżiċi u diġitali għall-informazzjoni kollha meħtieġa biex dejjem twettaq il-kompiti tagħha b’mod effettiv, inkluż:

(b)

il-funzjoni tal-konformità għandha aċċess fiżiku għall-bini u l-faċilitajiet tan-negozju tar-rieżaminatur estern.

(a)

ir-rekords miżmuma mir-rieżaminatur estern f’konformità mal-Artikolu 34 tar-Regolament (UE) 2023/2631 jiżguraw li jkun hemm rekord tal-awditjar ċar tal-avvenimenti rilevanti kollha;

(b)

is-sistema kontabilistika tippermetti riflessjoni ġusta u preċiża tal-pożizzjoni finanzjarja tar-rieżaminatur estern u hija konformi mal-istandards u r-regoli kontabilistiċi applikabbli.

(a)

il-mekkaniżmu ta’ kontroll huwa:

(b)

hemm qafas ta’ ġestjoni tar-riskju li jistabbilixxi l-mekkaniżmi tar-rieżaminatur estern għall-identifikazzjoni, il-valutazzjoni, il-monitoraġġ, il-mitigazzjoni u r-rapportar effettivi tar-riskji kollha li jista’ jkollhom impatt materjali fuq il-kapaċità ta’ rieżaminatur estern li jissodisfa l-obbligi tiegħu skont ir-Regolament (UE) 2023/2631;

(c)

hemm miżuri ta’ kontroll preventivi u ta’ detezzjoni biex jiġu indirizzati riskji operazzjonali speċifiċi;

(d)

hemm proċeduri interni u esterni ta’ informazzjoni u komunikazzjoni li jiżguraw il-fluss ta’ informazzjoni rilevanti, f’waqtha u affidabbli;

(e)

proċeduri ta’ monitoraġġ li jippermettu l-evalwazzjoni kontinwa tal-adegwatezza u l-effettività tal-mekkaniżmi ta’ kontroll intern.

(a)

tiġi implimentata struttura ta’ kontroll u salvagwardja li:

(b)

hemm ġestjoni effettiva u prudenti tar-riskji tal-ICT li tinkludi:

(a)

l-informazzjoni tkun kompluta u tipprovdi rappreżentazzjoni komprensiva tal-proġett iffinanzjat mill-bond, inklużi biżżejjed dettalji fir-rigward tat-tip u s-settur tal-attivitajiet ekonomiċi kkonċernati;

(b)

l-informazzjoni għandha relazzjoni diretta u ċara mal-karatteristiċi tal-bond u tipprovdi rappreżentazzjoni preċiża tal-proġett iffinanzjat;

(c)

l-informazzjoni tkun konformi mal-aktar data aġġornata disponibbli għar-rieżaminaturi esterni meta jipproduċu r-rieżami tagħhom u, fejn disponibbli u meħtieġ mill-metodoloġiji tagħhom, ikun fiha data storika;

(d)

kwalunkwe informazzjoni relatata, inklużi komputazzjonijiet, proporzjonijiet u stimi, hija bbażata fuq dikjarazzjonijiet raġonevoli.

(a)

is-sors tal-informazzjoni, meta jkun meħtieġ, jipprovdi informazzjoni li tkun oġġettivament sostnuta b’evidenza;

(b)

is-sors tal-informazzjoni jkun kapaċi juri l-kredibbiltà tagħha;

(c)

is-sors tal-informazzjoni huwa akkumpanjat mid-dokumenti li ġejjin:

(d)

is-sors tal-informazzjoni jipprivileġġa informazzjoni li hija soġġetta għal rekwiżit ta’ divulgazzjoni bil-liġi, awditi, valutazzjonijiet tal-konformità, aċċertament indipendenti jew ċertifikazzjonijiet rikonoxxuti jew, fejn ma tkunx disponibbli, informazzjoni soġġetta għal standards applikabbli rikonoxxuti internazzjonalment, inklużi prinċipji u l-aħjar prattiki żviluppati minn korpi internazzjonali kredibbli li jiggwidaw kif l-informazzjoni relatata mas-sostenibbiltà jenħtieġ li titħejja, tiġi ppreżentata jew evalwata, anki jekk ma tkunx legalment meħtieġa jew soġġetta għal awditu statutorju.