“7.

GEDO Hamdan Ahmed

Psewdonimu: Abu Nashuk

Deżinjazzjoni: Kmandant għat-taqsima tat-Tramuntana tad-Darfur tal-Forzi ta’ Appoġġ Rapidu.

Nazzjonalità: Sudaniża.

Sess: Raġel.

Data tad-deżinjazzjoni min-NU: l-24 ta’ Frar 2026.

Raġuni għall-elenkar:

Gedo Hamdan Ahmed ġie elenkat fl-24 ta’ Frar 2026 skont il-paragrafu 3(c) tar-riżoluzzjoni 1591 (2005).

Informazzjoni mit-taqsira narrattiva tar-raġunijiet għall-elenkar ipprovduta mill-Kumitat tas-Sanzjonijiet:

Gedo Hamdan Ahmed, jew Abu Nashuk, Logutenent Ġeneral u Viċi Kmandant tal-RSF, qed jiġi deżinjat għall-involviment f’azzjonijiet jew politiki li jheddu l-paċi, is-sigurtà, jew l-istabbiltà tad-Darfur, inkluż atti ta’ vjolenza u abbużi tad-drittijiet tal-bniedem. Abu Nashuk kien wieħed mis-sitt ġenerali tal-RSF preżenti f’El Fasher, fit-Tramuntana tad-Darfur fis-26 ta’ Ottubru 2025 u deher f’filmati flimkien ma’ Abdul Rahim Hamdan Dagalo, Viċi Kmandant tal-RSF. F’din id-data l-RSF wettqu atroċitajiet inkluż il-qtil tal-massa ta’ persuni ċivili fl-università ta’ El Fasher u l-isptar Sawdi, u l-isparar lejn il-Majjistral tad-Darfur. Il-vjolenza f’El Fasher kienet tinkludi wkoll l-eżekuzzjonijiet immirati etnikament ta’ Zaghawa u gruppi oħra mhux Għarab. Hemm rapporti ta’ vjolenza sesswali mifruxa inkluż stupru minn gruppi organizzati quddiem il-qraba, u vjolenza sesswali oħra abbażi tal-ġeneru. Huwa rrappurtat li t-truppi tal-RSF qed iżommu lil persunal mediku ostaġġ għal riskatt, u li ħatfu erba’ tobba, spiżjar u infermiera għal riskatt ta’ aktar minn $150 000. L-avvenimenti f’El Fasher allegatament spostaw 70 000 persuna mis-26 ta’ Ottubru 2025, b’persuni ċivili li baqgħu maqbuda jew nieqsa, jew miżmuma mill-RSF ġewwa l-belt.

8.

DAGALO, Abdul Rahim Hamdan

Deżinjazzjoni: Viċi Mexxej tal-Forzi ta’ Appoġġ Rapidu (RSF).

Data tat-twelid: l-1 ta’ Jannar 1972.

Post tat-twelid: Khartoum, Sudan.

Nazzjonalità: Sudaniża.

Sess: Raġel.

Data tad-deżinjazzjoni min-NU: l-24 ta’ Frar 2026.

Raġuni għall-elenkar:

Abdul Rahim Hamdan Dagalo ġie elenkat fl-24 ta’ Frar 2026 skont il-paragrafu 3(c) tar-riżoluzzjoni 1591 (2005).

Informazzjoni mit-taqsira narrattiva tar-raġunijiet għall-elenkar ipprovduta mill-Kumitat tas-Sanzjonijiet:

Abdul Rahim Hamdan Dagalo, Viċi Kmandant tal-RSF u ħu l-Kmandant tal-RSF, Mohamed Hamdan ‘Hemedti’ Dagalo, qed jiġi deżinjat għall-involviment f’azzjonijiet jew politiki li jheddu l-paċi, is-sigurtà, jew l-istabbiltà tad-Darfur, inkluż atti ta’ vjolenza u abbużi tad-drittijiet tal-bniedem. Dagalo ġie identifikat li kien preżenti fil-bażi tas-Sitt Diviżjoni tal-Infanterija tal-SAF f’El Fasher, fit-Tramuntana tad-Darfur fis-26 ta’ Ottubru 2025, u li ssorvelja l-operazzjonijiet fil-jum tat-teħid ta’ kontroll ta’ El Fasher mill-RSF. Filmat maħsub li huwa ta’ Dagalo jurih jagħti ordnijiet diretti lill-ġellieda tiegħu biex ma jieħdux priġunieri iżda biex joqtlu lil kulħadd. Dagalo qabel kien deskritt bħala li għandu rwol ewlieni f’ħafna mill-offensivi li l-militar u l-RSF wettqu fir-reġjuni tal-fruntiera tas-Sudan, u jitqies bħala l-kmandant fil-kontroll tal-RSF. Fis-26 ta’ Ottubru, l-RSF wettqu atroċitajiet inkluż il-qtil tal-massa ta’ persuni ċivili fl-università ta’ El Fasher u l-isptar Sawdi, u l-isparar lejn il-Majjistral tad-Darfur. Il-vjolenza f’El Fasher kienet tinkludi wkoll l-eżekuzzjonijiet immirati etnikament ta’ Zaghawa u gruppi oħra mhux Għarab. Hemm rapporti ta’ vjolenza sesswali mifruxa inkluż stupru minn gruppi organizzati quddiem il-qraba, u vjolenza sesswali oħra abbażi tal-ġeneru. Huwa rrappurtat li t-truppi tal-RSF qed iżommu lil persunal mediku ostaġġ għal riskatt, u li ħatfu erba’ tobba, spiżjar u infermiera għal riskatt ta’ aktar minn $150 000. L-avvenimenti f’El Fasher allegatament spostaw 70 000 persuna mis-26 ta’ Ottubru 2025, b’ċivili li baqgħu maqbuda jew nieqsa, jew miżmuma mill-RSF ġewwa l-belt.

9.

AL-FATEH, Abdullah Idris

Psewdonimu: Abu Lulu

Deżinjazzjoni: Brigadier Ġeneral tal-Forzi ta’ Appoġġ Rapidu.

Nazzjonalità: Sudaniża.

Sess: Raġel.

Data tad-deżinjazzjoni min-NU: l-24 ta’ Frar 2026.

Raġuni għall-elenkar:

Al-Fateh Abdullah Idris ġie elenkat fl-24 ta’ Frar 2026 skont il-paragrafu 3(c) tar-riżoluzzjoni 1591 (2005).

Informazzjoni mit-taqsira narrattiva tar-raġunijiet għall-elenkar ipprovduta mill-Kumitat tas-Sanzjonijiet:

Al-Fateh Abdullah Idris, magħruf bħala Abu Lulu, Brigadier Ġeneral tal-RSF, qed jiġi deżinjat għall-involviment f’azzjonijiet jew politiki li jheddu l-paċi, is-sigurtà, jew l-istabbiltà tad-Darfur, inkluż atti ta’ vjolenza u abbużi tad-drittijiet tal-bniedem. Fis-26 ta’ Ottubru, l-RSF wettqu atroċitajiet inkluż il-qtil tal-massa ta’ persuni ċivili fl-università ta’ El Fasher u l-isptar Sawdi, u l-isparar lejn il-Majjistral tad-Darfur. Abu Lulu huwa magħruf bħala l-‘Biċċier ta’ El Fasher’, awtur ewlieni tal-vjolenza f’El Fasher fis-26 ta’ Ottubru. Huwa ta ordnijiet lill-ġellieda tiegħu biex joqtlu persuni innoċenti, u filmat jurih jesegwixxi persuni ċivili u jiftaħar bil-qtil ta’ aktar minn 2 000 persuna. Xi filmati ttieħdu u ġew ippubbliċizzati mill-RSF stess, u Abu Lulu ffilmja lilu nnifsu jitbissem u joqtol persuni waqt li kienu qed jittallbu għall-ħniena, kif ukoll filmati fejn jagħmel eżekuzzjonijiet immirati etnikament. Filmat jurih jispara fuq irġiel mhux armati u jippoża fost il-katavri biex juri n-nies li qatel. L-avvenimenti f’El Fasher allegatament spostaw 70 000 persuna mis-26 ta’ Ottubru 2025, b’ċivili li baqgħu maqbuda jew nieqsa, jew miżmuma mill-RSF ġewwa l-belt.

10.

MOHAMED, Tijani Ibrahim Moussa

Psewdonimu: Al Zeir Salem

Deżinjazzjoni: Kmandant ta’ operazzjonijiet militari tal-Forzi ta’ Appoġġ Rapidu.

Nazzjonalità: Sudaniża.

Sess: Raġel.

Data tad-deżinjazzjoni min-NU: l-24 ta’ Frar 2026.

Raġuni għall-elenkar:

Tijani Ibrahim Moussa Mohamed ġie elenkat fl-24 ta’ Frar 2026 skont il-paragrafu 3(c) tar-riżoluzzjoni 1591(2005).

Informazzjoni mit-taqsira narrattiva tar-raġunijiet għall-elenkar ipprovduta mill-Kumitat tas-Sanzjonijiet:

Tijani Ibrahim Moussa Mohamed (Al Zeir Salem), Kmandant ta’ operazzjonijiet militari tal-RSF, qed jiġi deżinjat għall-involviment f’azzjonijiet jew politiki li jheddu l-paċi, is-sigurtà, jew l-istabbiltà tad-Darfur, inkluż atti ta’ vjolenza u abbużi tad-drittijiet tal-bniedem. Al Zeir Salem ġie identifikat bħala preżenti fil-bażi tas-Sitt Diviżjoni tal-Infanterija tal-SAF f'El Fasher, fit-Tramuntana tad-Darfur fis-26 ta’ Ottubru 2025, fil-jum tat-teħid ta’ kontroll mill-RSF. Huwa deher ukoll f’filmat f’din id-data li fih jista’ jidher jindirizza grupp kbir ta’ individwi detenuti f’ilbies pajżan. F’din id-data l-RSF wettqu atroċitajiet inkluż il-qtil tal-massa ta’ persuni ċivili fl-università ta’ El Fasher u l-isptar Sawdi, u l-isparar lejn il-Majjistral tad-Darfur. Il-vjolenza f’El Fasher kienet tinkludi wkoll l-eżekuzzjonijiet immirati etnikament ta’ Zaghawa u gruppi oħra mhux Għarab. Hemm rapporti ta’ vjolenza sesswali mifruxa inkluż stupru minn gruppi organizzati quddiem il-qraba, u vjolenza sesswali oħra abbażi tal-ġeneru. Huwa rrappurtat li t-truppi tal-RSF qed iżommu lil persunal mediku ostaġġ għal riskatt, u li ħatfu erba’ tobba, spiżjar u infermiera għal riskatt ta’ aktar minn $150 000. L-avvenimenti f’El Fasher allegatament spostaw 70 000 persuna mis-26 ta’ Ottubru 2025, b’persuni ċivili li baqgħu maqbuda jew nieqsa, jew miżmuma mill-RSF ġewwa l-belt”.