It-testi oriġinali tan-NU/KEE biss għandhom effett legali skont id-dritt internazzjonali pubbliku. L-istatus u d-data tad-dħul fis-seħħ ta’ dan ir-Regolament jenħtieġ li jiġu vverifikati fl-aħħar verżjoni tad-dokument tal-istatus tan-NU/KEE TRANS/WP.29/343, li jinsab fuq dan l-indirizz: https://unece.org/transport/road-transport/status-1958-agreement-and-annexed-regulations

Ir-Regolament tan-NU Nru 164 — Dispożizzjonijiet uniformi li jikkonċernaw l-approvazzjoni ta’ tajers bl-istuds fir-rigward tal-prestazzjoni tagħhom fuq il-borra [2026/430]

Li jinkorpora t-test validu kollu sa:

Is-Suppliment 1 tal-verżjoni oriġinali — Id-data tad-dħul fis-seħħ: l-24 ta’ Settembru 2023

Dan id-dokument huwa intiż purament bħala għodda ta’ dokumentazzjoni. It-test awtentiku u legalment vinkolanti huwa:

ECE/TRANS/WP.29/2023/7

KONTENUT

Regolament

Kamp ta’ applikazzjoni

Definizzjonijiet

Applikazzjoni għall-approvazzjoni

Markaturi

Approvazzjoni

Speċifikazzjonijiet

Modifiki tat-tip ta’ tajer bl-istuds u estensjoni tal-approvazzjoni

Konformità tal-produzzjoni

Penali għan-nuqqas ta’ konformità tal-produzzjoni

10.

Produzzjoni mwaqqfa għalkollox

11.

Ismijiet u indirizzi tas-Servizzi Tekniċi responsabbli mit-twettiq tat-testijiet tal-approvazzjoni, u tal-Awtoritajiet tal-Approvazzjoni tat-Tip

Annessi

Komunikazzjoni

Arranġamenti tal-marka tal-approvazzjoni

Proċeduri għall-ittestjar tal-prestazzjoni fuq is-silġ fir-rigward tat-tajers tas-silġ tal-klassi C1

Appendiċi 1 —

Ir-rapporti tat-test u d-data tat-test għat-tajers C1

1. Kamp ta’ applikazzjoni

1.1.

Dan ir-Regolament japplika għat-tajers pnewmatiċi ġodda bl-istuds (1) tal-klassijiet C1, C2 u C3 fir-rigward tal-prestazzjoni tagħhom fuq il-borra.

Madankollu, ma tapplikax għal:

1.1.1.

Tajers tal-kategorija tal-użu “tajers għal użu temporanju” kif iddikjarat fir-Regolament tan-NU Nru 30 għat-tajers tal-klassi C1;

1.1.2.

Tajers li jkollhom kodiċi tad-dijametru nominali tar-rimm ≤ 10 (jew ≤ 254 mm) jew ≥ 25 (jew ≥ 635 mm);

1.1.3.

Tajers iddisinjati għall-kompetizzjonijiet;

1.1.4.

Tajers maħsuba biex jiġu mmuntati fuq vetturi tat-triq ta’ kategoriji għajr M, N u O (2);

1.1.5.

Tajers bi klassifikazzjoni tal-veloċità ta’ inqas minn 80 km/h (simbolu tal-veloċità F);

1.1.6.

Tajers iddisinjati biss biex jiġu mmuntati fuq vetturi rreġistrati għall-ewwel darba qabel l-1 ta’ Ottubru 1990;

1.1.7.

Tajers tal-kategorija tal-użu “Normali” kif iddikjarati fir-Regolament tan-NU Nru 30 għat-tajers tal-klassi C1 jew fir-Regolament tan-NU Nru 54 għat-tajers tal-klassi C2 jew C3;

1.1.8.

Tajers li jistgħu jkunu bl-istuds.

1.2.

Minkejja d-dispożizzjonijiet ta’ dan ir-Regolament, Parti Kontraenti tista’ b’mod permanenti, temporanju jew kondizzjonalment tipprojbixxi l-użu ta’ tajers bl-istuds, jew timponi rekwiżiti addizzjonali għalihom.

2. Definizzjonijiet

Għall-fini ta’ dan ir-Regolament, minbarra d-definizzjonijiet li jinsabu fir-Regolamenti tan-NU Nri 30 u 54, u fir-rigward tal-prestazzjoni tal-borra tat-tajers tal-klassijiet C1, C2 u C3 u l-prestazzjoni tat-tajers tal-klassi C1 fuq is-silġ, fir-Regolament tan-NU Nru 117, japplikaw id-definizzjonijiet li ġejjin.

2.1.

“Tip ta’ tajer bl-istuds” tfisser tajers li ma jvarjawx fil-karatteristiċi essenzjali bħal:

(a)	L-isem tal-manifattur;

(b)	Il-klassi tat-tajer;

(c)	L-istruttura tat-tajer;

(d)	Il-kategorija tal-użu: borra jew użu speċjali;

(e)	Għat-tajers tal-klassi C1, jekk huwiex tajer li jaqbad fuq is-silġ jew le;

(f)	Id-disinn tat-tread (ara t-taqsima 3.2.1. ta’ dan ir-Regolament);

(g)	Il-lista ta’ mudelli tal-istuds (3).

2.2.

“Klassi tat-tajer” tfisser wieħed mir-raggruppamenti li ġejjin:

2.2.1.

Tajers tal-klassi C1: tajers approvati skont ir-Regolament tan-NU Nru 30;

2.2.2.

Tajers tal-klassi C2: tajers approvati skont ir-Regolament tan-NU Nru 54 u identifikati permezz ta’ indiċi tal-kapaċità għat-tagħbija f’formazzjoni unika ugwali għal 121 jew inqas u simbolu tal-kategorija tal-veloċità ugwali għal “N” jew ogħla;

2.2.3.

Tajers tal-klassi C3: tajers approvati skont ir-Regolament tan-NU Nru 54 u identifikati permezz ta’:

(a)	Indiċi tal-kapaċità għat-tagħbija f’formazzjoni unika ugwali għal 122 jew ogħla; jew

(b)	Indiċi tal-kapaċità għat-tagħbija f’formazzjoni unika ugwali għal 121 jew ogħla u simbolu tal-kategorija tal-veloċità ugwali għal “M” jew inqas.

2.3.

“Tajers iddisinjati għall-kompetizzjonijiet” tfisser tajers maħsuba biex jiġu mmuntati fuq vetturi involuti f’kompetizzjonijiet sportivi tal-vetturi u mhux maħsuba għal użu mhux kompetittiv fit-toroq.

2.4.

“Tajer għall-użu f’kundizzjonijiet ta’ borra severi” tfisser tajer li d-disinn tat-tread, il-kompożizzjoni tat-tread jew l-istruttura tiegħu huma ddisinjati speċifikament biex jintużaw f’kundizzjonijiet ta’ borra severi u li jissodisfa r-rekwiżiti tal-paragrafu 6.1. ta’ dan ir-Regolament.

2.5.

“Tajer li jaqbad fuq is-silġ” tfisser tajer tal-borra tal-klassi C1 għall-użu f’kundizzjonijiet ta’ borra severi u ddisinjat speċifikament biex jintuża fuq uċuħ ta’ toroq miksija bis-silġ u li jissodisfa r-rekwiżiti tal-paragrafu 6.3. ta’ dan ir-Regolament.

2.6.

“Tajer bl-istuds” tfisser tajer li huwa ddisinjat biex ikun mgħammar u biex jintuża dejjem bl-istuds biex itejjeb il-proprjetajiet tat-trazzjoni fuq l-uċuħ bis-silġ.

2.7.

“Tajer li jista’ jkun bl-istuds” tfisser tajer li huwa ddisinjat biex ikun jista’ jiġi mgħammar bl-istuds u biex jintuża bl-istuds jew mingħajrhom.

2.8.

“Stud” tfisser apparat(i) addizzjonali mdaħħal/mdaħħlin fit-tread tat-tajer jew fuqu biex itejjeb/itejbu (i)l-proprjetajiet tat-trazzjoni fuq l-uċuħ bis-silġ.

2.9.

“Mudell tal-istuds” tfisser studs li ma jvarjawx fl-għamla, fid-dimensjonijiet ewlenin u fil-massa tagħhom.

2.10.

“Dimensjonijiet ewlenin tal-istud” tfisser l-għoli massimu tal-istud, il-wisa’ massima tal-korp tal-istud u l-wisa’ massima tal-flanġ tal-qiegħ tal-istud.

2.11.

“Indiċi tal-qabda fuq il-borra”(SG) tfisser l-unità mingħajr dimensjoni biex jiġi espress il-livell tal-prestazzjoni fuq il-borra ta’ tajer kandidat meta mqabbel mal-prestazzjoni tal-SRTT applikabbli.

2.12.

“Indiċi tal-qabda fuq is-silġ”(GI) tfisser l-unità mingħajr dimensjoni biex jiġi espress il-livell tal-prestazzjoni fuq is-silġ ta’ tajer kandidat meta mqabbel mal-prestazzjoni tal-SRTT applikabbli.

3. Applikazzjoni għall-approvazzjoni

3.1.

L-applikazzjoni għall-approvazzjoni ta’ tip ta’ tajer bl-istuds fir-rigward ta’ dan ir-Regolament għandha titressaq mill-manifattur tat-tajer jew mir-rappreżentant akkreditat b’mod xieraq tiegħu. Din għandha tispeċifika:

3.1.1.

Il-karatteristiċi tal-prestazzjoni li jridu jiġu vvalutati għat-tip ta’ tajer bl-istuds; “livell ta’ prestazzjoni fuq il-borra” kif ukoll “livell ta’ prestazzjoni fuq is-silġ” f’każ ta’ tajer li jaqbad fuq is-silġ;

3.1.2.

L-isem u l-indirizz tal-manifattur;

3.1.3.

Jekk applikabbli, l-isem u l-indirizz tar-rappreżentant tal-manifattur;

3.1.4.

Il-klassi tat-tajer (klassi C1, C2 jew C3):

3.1.5.

Il-kategorija tal-użu (borra jew użu speċjali);

3.1.5.1.

Għat-tajers tal-klassi C1, jekk huwiex tajer li jaqbad fuq is-silġ jew le;

3.1.6.

L-istruttura tat-tajer;

3.1.7.

L-isem/ismijiet tad-ditta/it-trademark(s), id-deskrizzjoni(jiet) kummerċjali/l-isem/ismijiet kummerċjali;

3.1.8.

Lista tad-deżinjazzjonijiet tad-daqs tat-tajers koperti minn din l-applikazzjoni u li tispeċifika għal kull isem tad-ditta/trademark u/jew kull deskrizzjoni kummerċjali/isem kummerċjali d-deżinjazzjonijiet tad-daqs tat-tajer u d-deskrizzjonijiet tas-servizz applikabbli, filwaqt li f’każ ta’ tajer tal-klassi C1 jiżdied jekk huwiex “rinforzat” (jew “tagħbija żejda”) jew le.

3.1.9.

Il-lista ta’ mudelli tal-istuds.

3.2.

L-applikazzjoni għall-approvazzjoni għandu jkollha magħha:

3.2.1.

Dettalji tal-karatteristiċi ewlenin, fir-rigward tal-effetti fuq il-prestazzjoni fuq il-borra, u, jekk ikun applikabbli, fuq il-prestazzjoni fuq is-silġ, tat-tajers, inkluż id-disinn tat-tread, inklużi fil-medda deżinjata tad-daqsijiet tat-tajers. Dan jista’ jsir permezz ta’ deskrizzjonijiet issupplimentati b’data teknika, tpinġijiet, ritratti jew skennjar tat-Tomografija Kompjuterizzata, u jrid ikun biżżejjed biex jippermetti lill-Awtorità tal-Approvazzjoni tat-Tip jew lis-Servizz Tekniku jiddeterminaw jekk kwalunkwe bidla sussegwenti fil-karatteristiċi ewlenin hijiex se taffettwa b’mod avvers il-prestazzjoni tat-tajer. L-effetti ta’ bidliet f’dettalji minuri tal-kostruzzjoni tat-tajer fuq il-prestazzjoni tat-tajers se jkunu evidenti u jiġu ddeterminati waqt il-kontrolli tal-konformità tal-produzzjoni;

3.2.1.1.

Tpinġijiet tal-mudelli tal-istuds.

3.2.2.

Tpinġijiet jew ritratti tal-ħajt tal-ġenb tat-tajer, li juru l-informazzjoni mogħtija fil-paragrafu 3.1.8. ta’ hawn fuq u l-marka tal-approvazzjoni msemmija fil-paragrafu 4, għandhom jitressqu ladarba tkun ġiet stabbilita l-produzzjoni, iżda mhux iktar tard minn sena wara d-data tal-għoti tal-approvazzjoni tat-tip.

3.2.3.

Fil-każ tal-applikazzjonijiet relatati mat-tajers għal użu speċjali, għandha tiġi pprovduta kopja tat-tpinġija tal-forma tad-disinn tat-tread sabiex ikun jista’ jiġi vverifikat il-proporzjon tal-ispazji u l-mimli.

3.3.

Fuq talba tal-Awtorità tal-Approvazzjoni tat-Tip, l-applikant għandu jissottometti kampjuni ta’ tajers għat-test jew kopji tar-rapporti tat-testijiet mis-Servizzi Tekniċi, ikkomunikati kif indikat fil-paragrafu 11. ta’ dan ir-Regolament.

3.4.

Fir-rigward tal-applikazzjoni, l-ittestjar jista’ jkun limitat għal daqs rappreżentattiv tat-tip ta’ tajer bl-istuds, skont id-diskrezzjoni tal-Awtorità tal-Approvazzjoni tat-Tip.

4. Markaturi

4.1.

It-tajers kollha li jikkostitwixxu t-tip tat-tajer bl-istuds għandhom ikunu mmarkati kif preskritt mir-Regolament Nru 30 jew 54, skont kif ikun applikabbli.

4.2.

It-tajers bl-approvazzjoni tat-tip skont dan ir-Regolament għandu jkollhom (4):

4.2.1.

il-kelma “BL-ISTUDS” b’għoli ta’ mill-inqas 4 mm.

4.2.2.

Is-Simbolu tal-Qabda fuq il-Borra għat-Tajers bl-Istuds kif definit fl-Illustrazzjoni 1 f’każ li t-tajer jissodisfa r-rekwiżiti tal-paragrafu 6.1.

Illustrazzjoni 1

Definizzjoni b’pittogramma tas-“Simbolu tal-Qabda fuq il-Borra għat-Tajers bl-Istuds”

Bażi minima ta’ 16 mm u għoli minimu ta’ 15 mm.

It-tpinġija ta’ hawn fuq ma hijiex skont l-iskala.

4.2.3.

Barra minn hekk, is-Simbolu tal-Qabda fuq is-Silġ kif definit fl-Illustrazzjoni 2 fil-każ li t-tajer jissodisfa r-rekwiżiti tal-paragrafu 6.3. ta’ hawn taħt.

Illustrazzjoni 2

Definizzjoni b’pittogramma tas-“Simbolu tal-Qabda fuq is-Silġ”

Bażi minima ta’ 15 mm u għoli minimu ta’ 13 mm.

It-tpinġija ta’ hawn fuq ma hijiex skont l-iskala.

4.3.

It-tajers għandhom jipprovdu spazju adegwat għall-marka tal-approvazzjoni kif muri fl-Anness 2 ta’ dan ir-Regolament.

4.3.1.

F’każ li l-approvazzjoni ta’ tip ta’ tajer bl-istuds skont dan ir-Regolament tkun ingħatat mill-istess Awtorità tal-Approvazzjoni tat-Tip bħal dik li tagħti l-approvazzjoni skont ir-Regolamenti tan-NU Nri 30 jew 54, il-marki tal-approvazzjoni jistgħu jiġu kkombinati bl-użu tas-sinjal “+” li jindika li l-approvazzjoni tiegħu hija kkomplementata minn approvazzjoni skont dan ir-Regolament, kif deskritt fl-Anness 2 ta’ dan ir-Regolament.

4.4.

Il-markatura msemmija fil-paragrafu 4.2. u l-marka tal-approvazzjoni preskritta fil-paragrafu 5.4. ta’ dan ir-Regolament għandhom ikunu jinqraw b’mod ċar, ma jitħassrux u imqabbżin mill-wiċċ tat-tajer jew imdaħħlin fih.

4.4.1.

Il-markatura msemmija fil-paragrafu 4.2.1. u l-marka tal-approvazzjoni għandhom ikunu fil-parti t’isfel tat-tajer fuq mill-inqas wieħed mill-ħitan tal-ġnub tiegħu. Madankollu, fil-każ ta’ tajers identifikati bis-simbolu “A” jew “U” tal-konfigurazzjoni tal-immuntar tat-tajer mar-rimm, il-markatura tista’ titqiegħed fi kwalunkwe post fuq barra tal-ħajt tal-ġenb tat-tajer.

5. Approvazzjoni

5.1.

Jekk id-daqs rappreżentattiv tat-tip ta’ tajer bl-istuds imressaq għall-approvazzjoni skont dan ir-Regolament jissodisfa r-rekwiżiti tal-paragrafi 6. u 7. ta’ hawn taħt, għandha tingħata l-approvazzjoni ta’ dak it-tip ta’ tajer bl-istuds.

5.2.

Numru tal-approvazzjoni skont l-Iskeda 4 tar-Reviżjoni 3 tal-Ftehim tal-1958 għandu jiġi assenjat lit-tip approvat ta’ tajer bl-istuds. L-istess Parti Kontraenti ma tistax tassenja l-istess numru lil tip ieħor ta’ tajer bl-istuds.

5.2.1.

Minflok ma tagħti n-numru tal-approvazzjoni tat-tip oriġinali skont ir-Regolament tan-NU Nru 164, fuq talba tal-manifattur, l-Awtorità tal-Approvazzjoni tat-Tip tista’ tagħti n-numru tal-approvazzjoni tat-tip, li kien ingħata qabel lil dak it-tip ta’ tajer bl-istuds skont ir-Regolamenti tan-NU Nru 30 jew 54 bin-numru tal-estensjoni sussegwenti.

5.3.

L-avviż tal-approvazzjoni jew tal-estensjoni tal-approvazzjoni jew tar-rifjut tal-approvazzjoni ta’ tip ta’ tajer bl-istuds skont dan ir-Regolament għandu jkun ikkomunikat lill-Partijiet għall-Ftehim, li japplikaw dan ir-Regolament permezz ta’ formola li tikkonforma mal-mudell fl-Anness 1 ta’ dan ir-Regolament.

5.3.1.

B’referenza għall-paragrafu 5.2.1. ta’ hawn fuq, il-manifatturi tat-tajers huma intitolati li jressqu applikazzjoni għall-estensjoni tal-approvazzjoni tat-tip għar-rekwiżiti ta’ Regolamenti oħra rilevanti għat-tip ta’ tajer. F’dak il-każ, kopja tal-komunikazzjoni(jiet) rilevanti tal-approvazzjoni tat-tip, kif maħruġa mill-Awtorità tal-Approvazzjoni tat-Tip rilevanti, għandha tiġi mehmuża mal-applikazzjoni għall-estensjoni tal-approvazzjoni. L-estensjonijiet kollha tal-approvazzjoni(jiet) għandhom jingħataw biss mill-Awtorità tal-Approvazzjoni tat-Tip li tkun ħarġet l-approvazzjoni oriġinali għat-tajer.

5.3.1.1.

Meta tingħata estensjoni tal-approvazzjoni biex tiġi/jiġu inkorporata/i ċertifikazzjoni(jiet) ta’ konformità ma’ Regolamenti oħra fil-formola ta’ komunikazzjoni (ara l-Anness 1 ta’ dan ir-Regolament), in-numru/i speċifiku/speċifiċi (kollha) tal-approvazzjoni tat-tip u r-Regolament innifsu għandhom jiżdiedu mal-punt 9. tal-Anness 1 “Komunikazzjoni”.

5.4.

Fl-ispazju msemmi fil-paragrafu 4.3. u f’konformità mar-rekwiżiti tal-paragrafu 4.4. ta’ hawn fuq, ma’ kull daqs ta’ tajer, konformi għat-tip ta’ tajer bl-istuds approvat skont dan ir-Regolament, għandha titwaħħal marka tal-approvazzjoni internazzjonali li tkun magħmula minn:

5.4.1.

Ċirku madwar l-ittra “E” segwit min-numru distintiv tal-pajjiż li ta l-approvazzjoni (5); kif ukoll

5.4.2.

Il-parti tan-numru tal-approvazzjoni speċifikat fil-paragrafu 3 tat-Taqsima 3 tal-Iskeda 4 tar-Reviżjoni 3 tal-Ftehim tal-1958, li għandha titqiegħed qrib iċ-ċirku preskritt fil-paragrafu 5.4.1. hawn fuq, jew fuq jew taħt l-“E” jew fuq ix-xellug jew fuq il-lemin ta’ dik l-ittra.

5.5.

Jekk it-tajer ikun konformi mal-approvazzjonijiet tat-tip skont Regolament wieħed jew iktar anness(i) mal-Ftehim fil-pajjiż li jkun ta l-approvazzjoni skont dan ir-Regolament, is-simbolu preskritt fil-paragrafu 5.4.1. hawn fuq ma hemmx għalfejn jiġi ripetut. F’dak il-każ, in-numri u s-simboli addizzjonali tar-Regolamenti kollha li skonthom ingħataw l-approvazzjonijiet fil-pajjiż li ta l-approvazzjoni skont dan ir-Regolament, għandhom jitqiegħdu ħdejn is-simbolu preskritt fil-paragrafu 5.4.1. ta’ hawn fuq.

5.6.

L-Anness 2 ta’ dan ir-Regolament jagħti eżempji ta’ arranġamenti ta’ marki tal-approvazzjoni.

6. Speċifikazzjonijiet

6.1.

Il-prestazzjoni fuq il-borra tat-tajers bl-istuds, meta ttestjati skont l-Anness 7 tar-Regolament tan-NU Nru 117 u l-paragrafu 6.2. ta’ dan ir-Regolament.

It-tajer bl-istuds għandu jissodisfa l-valur minimu tal-indiċi tal-qabda fuq il-borra mqabbel mat-Tajer tat-Test ta’ Referenza Standard (SRTT, Standard Reference Test Tyre) rispettiv kif ġej:

Klassi tat-tajer	Indiċi tal-qabda fuq il-borra (il-metodu tal-ibbrejkjar fuq il-borra) (1)		Indiċi tal-qabda fuq il-borra (il-metodu tat-trazzjoni tat-tidwir) (2)	Indiċi tal-qabda fuq il-borra (il-metodu tal-aċċelerazzjoni) (3)
	Ref.s = SRTT14, SRTT16	Ref. = SRTT16C	Ref. = SRTT14, SRTT16	Ref.s = SRTT19,5, SRTT22,5
C1	1,07	Le	1,10	Le
C2	Le	1,02	1,10	Le
C3	Le	Le	Le	1,25

6.2.

Il-prestazzjoni fuq il-borra ta’ tajers bl-istuds approvati skont dan ir-Regolament għandha tiġi ttestjata f’forma bl-istuds.

6.3.

Il-prestazzjoni fuq is-silġ tat-tajers bl-istuds tal-klassi C1 meta ttestjati skont l-Anness 8 tar-Regolament tan-NU Nru 117 u l-paragrafu 6.4. ta’ dan ir-Regolament.

It-tajer bl-istuds tal-Klassi C1 fil-kategorija tat-tajer għall-borra għall-użu f’kundizzjonijiet ta’ borra severi għandu jissodisfa l-valur minimu tal-indiċi tal-qabda fuq il-borra mqabbel mat-Tajer tat-Test ta’ Referenza Standard (SRTT) rispettiv kif ġej:

Klassi tat-tajer	Indiċi tal-qabda fuq is-silġ
	Ref. = SRTT16
C1	1,18

6.4.

Il-prestazzjoni fuq is-silġ ta’ tajers bl-istuds approvati skont dan ir-Regolament għandha tiġi ttestjata f’forma bl-istuds u skont il-preskrizzjonijiet addizzjonali għall-ittestjar kif definit fl-Anness 3 ta’ dan ir-Regolament.

7. Modifiki tat-tip ta’ tajer bl-istuds u estensjoni tal-approvazzjoni

7.1.

Kull modifika tat-tip ta’ tajer bl-istuds, li tista’ tinfluwenza l-karatteristiċi tal-prestazzjoni approvati f’konformità ma’ dan ir-Regolament, għandha tiġi nnotifikata lill-Awtorità tal-Approvazzjoni tat-Tip li tkun approvat it-tip ta’ tajer bl-istuds. Dik l-Awtorità tista’ jew:

7.1.1.

Tqis li l-modifiki x’aktarx li ma jkollhomx xi effett avvers sinifikanti fuq il-karatteristiċi tal-prestazzjoni approvati u li t-tajer se jikkonforma mar-rekwiżiti ta’ dan ir-Regolament; jew

7.1.2.

Tirrikjedi li jitressqu iktar kampjuni biex jiġu ttestjati jew tirrikjedi iktar rapporti tat-test mingħand is-Servizz Tekniku maħtur.

7.2.

Il-konferma jew ir-rifjut tal-approvazzjoni, fejn jiġu speċifikati l-modifiki, għandhom jiġu kkomunikati permezz tal-proċedura mogħtija fil-paragrafu 5.3. ta’ dan ir-Regolament lill-Partijiet għall-Ftehim li japplikaw dan ir-Regolament.

7.3.

L-Awtorità tal-Approvazzjoni tat-Tip li tagħti l-estensjoni tal-approvazzjoni għandha tassenja numru tas-serje għal tali estensjoni li għandu jidher fuq il-formola ta’ komunikazzjoni.

8. Konformità tal-produzzjoni

Il-proċeduri ta’ konformità tal-produzzjoni għandhom jikkonformaw ma’ dawk stabbiliti fl-Iskeda 1 tal-Ftehim (E/ECE/324-E/ECE/TRANS/505/Rev.3) bir-rekwiżiti li ġejjin:

8.1.

Kwalunkwe tajer bl-istuds approvat skont dan ir-Regolament għandu jkun immanifatturat b’tali mod li jkun konformi mal-karatteristiċi tal-prestazzjoni tat-tip ta’ tajer bl-istuds approvat u jissodisfa r-rekwiżiti tal-paragrafu 6. hawn fuq;

8.2.

L-awtorità li tkun tat l-approvazzjoni tat-tip tista’ fi kwalunkwe ħin tivverifika l-metodi ta’ kontroll tal-konformità applikati mill-manifattur. B’mod ġenerali, il-metodi ta’ kontroll tal-konformità għandhom iqisu l-volumi tal-produzzjoni tat-tip ta’ tajer bl-istuds f’kull faċilità tal-manifattura. Il-frekwenza normali ta’ dawn il-verifiki għandha tkun mill-inqas darba kull sentejn.

8.3.

It-testijiet ta’ verifika għandhom jitwettqu fuq kampjuni aleatorji ta’ tajers li jkollhom il-marka tal-approvazzjoni meħtieġa minn dan ir-Regolament meħuda mill-produzzjoni tas-serje. L-Awtorità tal-Approvazzjoni tat-Tip għandha tkun sodisfatta li t-tajers kollha li jaqgħu taħt tip approvat jikkonformaw mar-rekwiżit tal-approvazzjoni.

8.3.1.

Fil-każ ta’ testijiet ta’ verifika fir-rigward tal-approvazzjonijiet f’konformità mal-paragrafu 6. ta’ dan ir-Regolament, dawn għandhom jitwettqu bl-użu tal-istess metodu ta’ ttestjar bħal dak adottat għall-approvazzjoni oriġinali kif iddikjarat fil-punt 8 tal-formola ta’ komunikazzjoni.

8.4.

Il-produzzjoni għandha titqies bħala konformi mar-rekwiżiti ta’ dan ir-Regolament jekk il-livelli mkejla jikkonformaw mal-limiti preskritti fil-paragrafu 6. ta’ dan ir-Regolament.

9. Penali għan-nuqqas ta’ konformità tal-produzzjoni

9.1.

L-approvazzjoni mogħtija rigward tip ta’ tajer bl-istuds skont dan ir-Regolament tista’ tiġi rtirata jekk ma jkunx hemm konformità mar-rekwiżiti stabbiliti fil-paragrafu 8. ta’ hawn fuq, jew jekk kwalunkwe tajer bl-istuds tat-tip ta’ tajer bl-istuds ma jissodisfax il-limiti mogħtija fil-paragrafu 8.4. ta’ hawn fuq.

9.2.

Jekk Parti għall-Ftehim, li tapplika dan ir-Regolament, tirtira approvazzjoni li tkun tat preċedentement, hija għandha tinnotifika minnufih lill-Partijiet Kontraenti l-oħra li japplikaw dan ir-Regolament permezz ta’ kopja tal-formola ta’ approvazzjoni li tikkonforma mal-mudell fl-Anness 1 ta’ dan ir-Regolament.

10. Produzzjoni mwaqqfa għalkollox

Jekk id-detentur ta’ approvazzjoni jieqaf għalkollox milli jimmanifattura tip ta’ tajer bl-istuds approvat f’konformità ma’ dan ir-Regolament, huwa għandu jinforma b’dan lill-Awtorità tal-Approvazzjoni tat-Tip li tkun tat l-approvazzjoni. Meta tirċievi l-komunikazzjoni rilevanti, dik l-Awtorità għandha tinforma b’dan lill-Partijiet l-oħra għall-Ftehim tal-1958 li japplikaw dan ir-Regolament permezz ta’ formola tal-komunikazzjoni li tikkonforma mal-mudell fl-Anness 1 ta’ dan ir-Regolament.

11. Ismijiet u indirizzi tas-Servizzi Tekniċi responsabbli mit-twettiq tat-testijiet tal-approvazzjoni, u tal-Awtoritajiet tal-Approvazzjoni tat-Tip

11.1.

Il-Partijiet Kontraenti għall-Ftehim tal-1958 li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti, l-ismijiet u l-indirizzi tas-Servizzi Tekniċi responsabbli mit-twettiq tat-testijiet tal-approvazzjoni u, fejn ikun applikabbli, tal-laboratorji tat-testijiet approvati, u tal-Awtoritajiet tal-Approvazzjoni tat-Tip li jagħtu l-approvazzjoni u li lilhom għandhom jintbagħtu l-formoli li jiċċertifikaw l-approvazzjoni jew l-estensjoni tal-approvazzjoni, jew ir-rifjut tal-approvazzjoni jew l-irtirar tal-approvazzjoni, jew il-produzzjoni mwaqqfa għalkollox, maħruġa f’pajjiżi oħra.

11.2.

Il-Partijiet Kontraenti għall-Ftehim tal-1958 li japplikaw dan ir-Regolament jistgħu jaħtru laboratorji ta’ manifatturi tat-tajers bħala laboratorji tat-testijiet approvati.

11.3.

Meta Parti Kontraenti għall-Ftehim tal-1958 tapplika l-paragrafu 11.2. ta’ hawn fuq, tista’, jekk tkun tixtieq, tiġi rrappreżentata fit-testijiet minn persuna waħda jew iktar tal-għażla tagħha.

(1) Għall-fini ta’ dan ir-Regolament “tajers” tfisser “tajers pnewmatiċi”.

(2) Kif definit fir-Riżoluzzjoni Konsolidata dwar il-Kostruzzjoni tal-Vetturi (R.E.3.), id-dokument ECE/TRANS/WP.29/78/Rev.7, il-para. 2 – https://unece.org/transport/vehicle-regulations/wp29/resolutions.

(3) It-tibdil tal-lista ta’ mudelli tal-istuds jista’ jsir bħala estensjoni taċ-ċertifikat tal-approvazzjoni tat-tip.

(4) Uħud minn dawn ir-rekwiżiti jistgħu jiġu speċifikati separatament fir-Regolament tan-NU Nru 30 jew 54.

(5) In-numri li jiddistingwu l-Partijiet Kontraenti għall-Ftehim tal-1958 huma riprodotti fl-Anness 3 tar-Riżoluzzjoni Konsolidata dwar il-Kostruzzjoni tal-Vetturi (R.E.3) (ECE/TRANS/WP.29/78/Rev.6).

(1) Ara l-paragrafu 3. tal-Anness 7 tar-Regolament tan-NU Nru 117.

(2) Ara l-paragrafu 2. tal-Anness 7 tar-Regolament tan-NU Nru 117.

(3) Ara l-paragrafu 4. tal-Anness 7 tar-Regolament tan-NU Nru 117.

Appendiċi 1

Rapporti tat-test u data tat-test għat-tajers C1

Parti 1 – Rapport

L-Awtorità tal-Approvazzjoni tat-Tip jew is-Servizz Tekniku: …

Isem u indirizz tal-manifattur: …

Nru tar-rapport tat-test: …

Isem tad-ditta u deskrizzjoni kummerċjali: …

Klassi tat-tajer: …

Kategorija tal-użu: …

Mudell tal-istuds: …

Indiċi tal-qabda fuq is-silġ relattiv għall-SRTT

8.1.

Proċedura tat-test u l-SRTT użati …

Kummenti (jekk ikun hemm):

10.

Data: …

11.

Firma: …

Parti 2 – Data tat-test: l-ewwel ċiklu tat-test tal-ibbrejkjar

Data tat-test: …

Post tat-trakka tat-test: …

2.1.

Karatteristiċi tat-trakka tat-test:

	Fil-bidu tat-test	Fi tmiem it-test	Speċifikazzjoni
Temp
Temperatura ambjentali			–15 °C sa +4 °C
Temperatura tas-silġ			–15 °C sa –5 °C
Oħrajn

Vettura tat-test (id-ditta, il-mudell u t-tip, is-sena): …

Dettalji u data dwar it-tajer tat-test …

	SRTT (Test inizjali tal-ibbrejkjar)	Kandidat 1	Kandidat 2	SRTT (test finali tal-ibbrejkjar)
Isem tad-ditta
Deskrizzjoni kummerċjali/isem kummerċjali
Deżinjazzjoni tad-daqs tat-tajer
Deskrizzjoni tas-servizz
Kodiċi tal-wisa’ tar-rimm tat-test
Tagħbija tat-tajer FL/FR/RL/RR (kg)
Rata tat-tagħbija fuq it-tajer (FL/FR/RL/RR) (%)
Pressjoni tat-tajers (kPa)

Sporġenzi tal-istuds imkejla qabel it-test tal-ibbrejkjar (mm)

	Minimu	Massimu	Medja
In-naħa tax-xellug fuq quddiem
In-naħa tax-xellug fuq wara
In-naħa tal-lemin fuq quddiem
In-naħa tal-lemin fuq wara

Riżultati tat-test: deċelerazzjonijiet medji żviluppati għalkollox (m • s–2)

Numru tal-prova	SRTT (Test inizjali tal-ibbrejkjar)	Kandidat 1	Kandidat 2	SRTT (test finali tal-ibbrejkjar)
1
2
3
4
5
6
7
8
9

dm,ave
σd
CVd ( ≤ 6 %)
(≤ 5 %)
dm,adj(R)
Indiċi tal-qabda fuq is-silġ	1,00

Parti 2 – Data tat-test: it-tieni ċiklu tat-test tal-ibbrejkjar

Data tat-test: …

Post tat-trakka tat-test: …

2.1.

Karatteristiċi tat-trakka tat-test:

	Fil-bidu tat-test	Fi tmiem it-test	Speċifikazzjoni
Temp
Temperatura ambjentali			–15 °C sa +4 °C
Temperatura tas-silġ			–15 °C sa –5 °C
Oħrajn

Vettura tat-test (id-ditta, il-mudell u t-tip, is-sena): …

Dettalji u data dwar it-tajer tat-test …

	SRTT (Test inizjali tal-ibbrejkjar)	Kandidat 1	Kandidat 2	SRTT (test finali tal-ibbrejkjar)
Isem tad-ditta
Deskrizzjoni kummerċjali/isem kummerċjali
Deżinjazzjoni tad-daqs tat-tajer
Deskrizzjoni tas-servizz
Kodiċi tal-wisa’ tar-rimm tat-test
Tagħbija tat-tajer FL/FR/RL/RR (kg)
Rata tat-tagħbija fuq it-tajer (FL/FR/RL/RR) (%)
Pressjoni tat-tajers (kPa)

Sporġenzi tal-istuds imkejla qabel it-test tal-ibbrejkjar (mm)

	Minimu	Massimu	Medja
In-naħa tax-xellug fuq quddiem
In-naħa tax-xellug fuq wara
In-naħa tal-lemin fuq quddiem
In-naħa tal-lemin fuq wara

Riżultati tat-test: deċelerazzjonijiet medji żviluppati għalkollox (m • s–2)

Numru tal-prova	SRTT (Test inizjali tal-ibbrejkjar)	Kandidat 1	Kandidat 2	SRTT (test finali tal-ibbrejkjar)
1
2
3
4
5
6
7
8
9

dm,ave
σd
CVd (≤ 6 %)
(≤ 5 %)
dm,adj(R)
Indiċi tal-qabda fuq is-silġ	1,00

Parti 2 – Data tat-test: it-tielet ċiklu tat-test tal-ibbrejkjar

Data tat-test: …

Post tat-trakka tat-test: …

2.1.

Karatteristiċi tat-trakka tat-test:

	Fil-bidu tat-test	Fi tmiem it-test	Speċifikazzjoni
Temp
Temperatura ambjentali			–15 °C sa +4 °C
Temperatura tas-silġ			–15 °C sa –5 °C
Oħrajn

Vettura tat-test (id-ditta, il-mudell u t-tip, is-sena): …

Dettalji u data dwar it-tajer tat-test …

	SRTT (Test inizjali tal-ibbrejkjar)	Kandidat 1	Kandidat 2	SRTT (test finali tal-ibbrejkjar)
Isem tad-ditta
Deskrizzjoni kummerċjali/isem kummerċjali
Deżinjazzjoni tad-daqs tat-tajer
Deskrizzjoni tas-servizz
Kodiċi tal-wisa’ tar-rimm tat-test
Tagħbija tat-tajer FL/FR/RL/RR (kg)
Rata tat-tagħbija fuq it-tajer (FL/FR/RL/RR) (%)
Pressjoni tat-tajers (kPa)

Sporġenzi tal-istuds imkejla qabel it-test tal-ibbrejkjar (mm)

	Minimu	Massimu	Medja
In-naħa tax-xellug fuq quddiem
In-naħa tax-xellug fuq wara
In-naħa tal-lemin fuq quddiem
In-naħa tal-lemin fuq wara

Riżultati tat-test: deċelerazzjonijiet medji żviluppati għalkollox (m • s–2)

Numru tal-prova	SRTT (Test inizjali tal-ibbrejkjar)	Kandidat 1	Kandidat 2	SRTT (test finali tal-ibbrejkjar)
1
2
3
4
5
6
7
8
9

dm,ave
σd
CVd (≤ 6 %)
(≤ 5 %)
dm,adj(R)
Indiċi tal-qabda fuq is-silġ	1,00