Il-Ġurnal Uffiċjali
ta'l-Unjoni Ewropea
MT
Is-serje L
|
|
Il-Ġurnal Uffiċjali |
MT Is-serje L |
|
2026/421 |
19.2.2026 |
DEĊIŻJONI TAL-KUNSILL (PESK) 2026/421
tad-19 ta’ Frar 2026
li temenda d-Deċiżjoni (PESK) 2025/1577 li taġġorna l-lista ta’ persuni, gruppi u entitajiet koperti mill-Pożizzjoni Komuni 2001/931/PESK dwar l-applikazzjoni ta’ miżuri speċifiċi fil-ġlieda kontra t-terroriżmu
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 29 tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fis-27 ta’ Diċembru 2001, il-Kunsill adotta l-Pożizzjoni Komuni 2001/931/PESK (1). |
|
(2) |
Fid-29 ta’ Lulju 2025, il-Kunsill adotta d-Deċiżjoni (PESK) 2025/1577 (2). Dik id-Deċiżjoni tistabbilixxi lista aġġornata ta’ persuni, gruppi u entitajiet li għalihom japplikaw il-miżuri fl-Artikoli 2 u 3 tal-Pożizzjoni Komuni 2001/931/CFSP. |
|
(3) |
Il-Kunsill iddetermina li awtoritajiet kompetenti skont it-tifsira tal-Artikolu 1(4) tal-Pożizzjoni Komuni 2001/931/PESK adottaw deċiżjonijiet fir-rigward ta’ entità li kienet involuta f’atti terroristiċi skont it-tifsira tal-Artikolu 1(3) ta’ dik il-Pożizzjoni Komuni, u li jenħtieġ li l-miżuri fl-Artikoli 2 u 3 ta’ dik il-Pożizzjoni Komuni jiġu applikati għal dik l-entità. |
|
(4) |
Jenħtieġ li l-lista ta’ persuni, gruppi u entitajiet fl-Anness tad-Deċiżjoni (PESK) 2025/1577 tiġi emendata kif meħtieġ, |
ADOTTA DIN ID-DEĊIŻJONI:
Artikolu 1
L-Anness tad-Deċiżjoni (PESK) 2025/1577 huwa emendat f’konformità mal-Anness ta’ din id-Deċiżjoni.
Artikolu 2
Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, id-19 ta’ Frar 2026.
Għall-Kunsill
Il-President
M. RAOUNA
(1) Il-Pożizzjoni Komuni tal-Kunsill 2001/931/PESK tas-27 ta’ Diċembru 2001 dwar l-applikazzjoni ta’ miżuri speċifiċi fil-ġlieda kontra t-terroriżmu (ĠU L 344, 28.12.2001, p. 93, ELI: http://data.europa.eu/eli/compos/2001/931/oj).
(2) Id-Deċiżjoni tal-Kunsill (PESK) 2025/1577 tad-29 ta’ Lulju 2025 li taġġorna l-lista ta’ persuni, gruppi u entitajiet koperti mill-Pożizzjoni Komuni 2001/931/PESK dwar l-applikazzjoni ta’ miżuri speċifiċi fil-ġlieda kontra t-terroriżmu, u li tħassar id-Deċiżjoni (PESK) 2025/207 (ĠU L, 2025/1577, 30.7.2025, ELI: http://data.europa.eu/eli/dec/2025/1577/oj).
ANNESS
Fl-Anness tad-Deċiżjoni (PESK) 2025/1577, l-entità li ġejja tiżdied taħt l-intestatura “II. Gruppi u entitajiet”:
|
“23. |
‘Korp tal-Gwardjani tar-Rivoluzzjoni Iżlamika (IRGC)’.”. |
ELI: http://data.europa.eu/eli/dec/2026/421/oj
ISSN 1977-074X (electronic edition)