ANNESS

Format tal-valutazzjoni teknika Ewropea

Meta l-ETA tkun tista’ tiġi stampata, il-kampijiet tad-data jridu jiġu pprovduti b’mod li jippermettu identifikazzjoni ċara. F’ETAs li jinqraw mill-bniedem u mill-magni, l-informazzjoni trid tiġi pprovduta b’mod strutturat formalment li jkun disponibbli għall-pubbliku.

Il-kampijiet li jridu jiġu inklużi fl-ETA:

Lista tal-kampijiet li jridu jiġu inklużi biss fl-ETAs li jistgħu jiġu stampati

(a)	il-logo tal-korp tal-valutazzjoni teknika li joħroġ l-ETA;

(b)	il-logo tal-organizzazzjoni Ewropea għall-valutazzjoni teknika;

(c)	firma (fl-aħħar tad-dokument għajr l-annessi).

Lista tal-kampijiet li jridu jiġu inklużi biss fl-ETAs li jinqraw mill-magni

(a)	il-kodiċi ta’ identifikazzjoni tal-format strutturat użat (skema) bil-verżjoni;

(b)	il-permalink għall-informazzjoni li tiddeskrivi l-format strutturat użat (mudell tad-data u dizzjunarju tad-data);

(c)	il-firma diġitali.

Lista tal-kampijiet li jridu jiġu inklużi fil-parti ġenerali tal-ETA (formati li jistgħu jiġu stampati u li jinqraw mill-bniedem u mill-magni)

(a)	ir-referenzi għar-Regolament (UE) 2024/3110;

(b)	il-kodiċi tal-ETA;

(c)	in-numru tal-verżjoni tal-ETA;

(d)	il-verżjoni tal-ETA li ġiet sostitwita, jekk ikun hemm;

(e)	id-data tal-ħruġ tal-ETA;

(f)	il-lingwa tal-ETA;

(g)	in-numru ta’ identifikazzjoni tal-korp tal-valutazzjoni teknika li joħroġ l-ETA;

(h)	l-isem tal-korp tal-valutazzjoni teknika li joħroġ l-ETA;

(i)	l-indirizz tal-korp tal-valutazzjoni teknika li joħroġ l-ETA;

(j)	l-isem kummerċjali tal-prodott kopert mill-ETA;

(k)	il-kodiċi sħiħ tal-EAD użat għall-ħruġ tal-ETA;

(l)	it-titolu tal-EAD użat għall-ħruġ tal-ETA bl-Ingliż;

(m)	il-manifattur;

(n)	l-indirizz tal-manifattur;

(o)

l-impjanti tal-manifattura koperti mill-ETA (il-kamp jrid jiġi ripetut meta l-ETA tkopri aktar minn indirizz wieħed tal-impjant tal-manifattura):

(1)	l-indirizz;

(2)	il-kodiċi, jekk l-indirizz jrid jiġi ttrattat bħala informazzjoni kunfidenzjali;

(p)	l-għadd ta’ paġni tal-ETA;

(q)	l-għadd ta’ annessi mhux kunfidenzjali tal-ETA, jekk ikun hemm;

(r)	l-għadd ta’ annessi kunfidenzjali tal-ETA, jekk ikun hemm;

(s)	ir-referenza għall-anness li fih l-informazzjoni kunfidenzjali u mhux inkluż fl-ETA meta tixxerred pubblikament, jekk ikun hemm (il-kamp jrid jiġi ripetut fejn jiġi pprovdut aktar minn anness wieħed).

Lista tal-kampijiet li jridu jiġu inklużi fil-parti speċifika tal-ETA (formati li jistgħu jiġu stampati u li jinqraw mill-bniedem u mill-magni)

(a)	id-deskrizzjoni teknika tal-prodott jew tal-firxa tal-prodotti koperti mill-ETA;

(b)	l-ispeċifikazzjoni ulterjuri tal-użi maħsuba skont l-EAD applikabbli;

(c)

ir-riżultati tal-valutazzjoni tal-prestazzjoni tal-prodott, inkluża l-valutazzjoni tal-prestazzjoni għall-karatteristiċi essenzjali ambjentali predeterminati f’konformità mal-Artikolu 15(3) tar-Regolament (UE) 2024/3110 u l-informazzjoni meħtieġa biex jiġu żgurati l-linji gwida dwar id-diġitalizzazzjoni pprovduti fl-EAD inkluża l-informazzjoni li ġejja għal kull karatteristika essenzjali:

(1)	l-isem tal-karatteristika essenzjali;

(2)	ir-referenza mingħajr ebda ambigwità għall-metodu ta’ valutazzjoni applikabbli;

(3)	il-kwantità fiżika tal-prestazzjoni espressa skont is-sistema metrika SI: il-ħin (T), it-tul (L), il-massa (M), il-kurrent elettriku (I), it-temperatura termodinamika (K), l-ammont tas-sustanza (N) u l-intensità tad-dawl (J), derivazzjoni tal-unitajiet bażi SI jew proporzjon;

(4)	l-espressjoni tar-riżultati bħala livell, klassi jew deskrizzjoni;

(5)	l-unitajiet li fihom hija pprovduta l-prestazzjoni jew huma mingħajr dimensjoni;

(6)	l-informazzjoni addizzjonali meħtieġa biex tiġi interpretata l-informazzjoni pprovduta;

(d)	is-sistema ta’ valutazzjoni u verifika li trid tiġi applikata (il-kamp jrid jiġi ripetut f’każ li aktar minn sistema waħda ta’ valutazzjoni u ta’ verifika tkun applikabbli);

(e)	id-dettalji tekniċi mhux inklużi fl-EAD meħtieġa għall-implimentazzjoni tas-sistema ta’ valutazzjoni u verifika, jekk ikun hemm;

(f)	ir-referenza għall-bażi legali li tistabbilixxi s-sistema applikabbli ta’ valutazzjoni u verifika (il-kamp jrid jiġi ripetut f’każ li aktar minn bażi legali waħda tkun applikabbli);

(g)	id-dettalji tekniċi meħtieġa għall-implimentazzjoni tas-sistema ta’ valutazzjoni u verifika.

Lista tal-kampijiet li jridu jiġu inklużi fir-rigward tal-persuna responsabbli fil-korp tal-valutazzjoni teknika għall-ħruġ tal-ETA

(a)	l-isem tal-persuna responsabbli;

(b)	il-pożizzjoni tal-persuna responsabbli.