(1)

Ir-Regolament (UE) 2026/261 introduċa projbizzjoni legali fuq l-importazzjonijiet ta’ gass naturali li joriġina jew li jiġi esportat direttament jew indirettament mill-Federazzjoni Russa.

(2)

L-Artikolu 5(3) ta’ dak ir-Regolament introduċa proċess ta’ awtorizzazzjoni minn qabel li huwa maħsub biex jippermetti proċess ta’ verifika bla xkiel tal-pajjiż tal-produzzjoni qabel ma jidħol il-gass fit-territorju doganali tal-Unjoni.

(3)

F’konformità mal-Artikolu 5(4) tar-Regolament (UE) 2026/261, l-importazzjonijiet ta’ gass naturali minn pajjiż terz, għajr il-Federazzjoni Russa, jistgħu jiġu eżentati mill-obbligu ta’ awtorizzazzjoni minn qabel taħt kundizzjonijiet definiti b’mod ċar. Il-kundizzjonijiet iridu jitqiesu ssodisfati meta pajjiż terz jipproduċi gass naturali, ikun esporta aktar minn 5 bcm ta’ gass naturali lejn l-Unjoni fl-2024 u jkun ipprojbixxa l-importazzjoni tal-gass Russu jew ikun qed japplika miżuri restrittivi oħra li jikkonċernaw il-gass Russu, jew meta pajjiż terz ma jkollu l-ebda infrastruttura tal-gass stabbilita li tippermetti l-importazzjoni tal-gass naturali likwifikat jew tal-gass mill-pipelines.

(4)

Din id-Deċiżjoni tistabbilixxi l-lista ta’ pajjiżi terzi li jissodisfaw il-kundizzjonijiet stabbiliti fl-Artikolu 5(4) tar-Regolament (UE) 2026/261 fil-mument tal-adozzjoni tagħha.

(5)

Minħabba l-ħtieġa li tiġi żgurata l-implimentazzjoni effettiva tar-Regolament (UE) 2026/261 u li jitressqu minnufih l-elementi meħtieġa għall-funzjonament bla xkiel tal-proċedura ta’ awtorizzazzjoni minn qabel, billi tingħata ċarezza dwar liema importazzjonijiet ta’ gass naturali huma eżentati minn awtorizzazzjoni minn qabel, huwa meħtieġ li din id-Deċiżjoni tidħol fis-seħħ minnufih wara l-adozzjoni tagħha biex tiġi evitata l-inċertezza għall-awtoritajiet ikkonċernati u għall-parteċipanti fis-suq.

(a)

l-Alġerija;

(b)

in-Niġerja;

(c)

in-Norveġja;

(d)

il-Qatar;

(e)

ir-Renju Unit;

(f)

l-Istati Uniti.