Isem

Informazzjoni ta’ identifikazzjoni

Dikjarazzjoni tar-Raġunijiet

Data tal-elenkar

“60.

Dmitry Viktorovich GUBERNIEV

(bir-Russu: Дмитрий Викторович ГУБЕРНИЕВ

Funzjoni: preżentatur tat-TV, ġurnalist, kummentatur tal-isports; konsulent għad-direttur ġenerali tal-istazzjon ta’ propaganda televiżiva ‘Russia’;konsulent tal-Ministru għall-Isport tal-Federazzjoni Russa

Data tat-twelid: 6.10.1974

Post tat-twelid: Drezna, Moscow region, USSR (issa Russian Federation)

Nazzjonalità: Russa

Sess: raġel

Dmitry Guberniev huwa preżentatur televiżiv Russu, ġurnalista, kummentatur sportiv, konsulent għad-direttur ġenerali tal-istazzjon ta’ propaganda televiżiva ‘Russia’, kif ukoll konsulent tal-Ministru għall-Isport tal-Federazzjoni Russa.

Guberniev huwa figura pubblika li ilu juża l-popolarità u l-influwenza tiegħu fl-isfera pubblika biex isemma’ l-propaganda Russa u jiġġustifika l-gwerra ta’ aggressjoni Russa li għaddejja kontra l-Ukrajna. Huwa appoġġa l-annessjoni tal-Krimea fl-2014. Kien wieħed mill-preżentaturi tal-manifestazzjoni ta’ propaganda b’appoġġ tal-gwerra ta’ aggressjoni tar-Russja kontra l-Ukrajna, li saret fit-18 ta’ Marzu 2022 f’Luzhniki Stadium f’Moska. Guberniev ippreżenta diversi kunċerti oħra ddedikati għall-magna tal-gwerra Russa jew għal Vladimir Putin.

Dmitry Guberniev kien fost ir-rappreżentanti fdati ta’ Vladimir Putin fl-elezzjonijiet presidenzjali tal-2024.

Għalhekk, Dmitry Guberniev huwa responsabbli għall-implimentazzjoni, l-appoġġ u li jibbenefika minn azzjonijiet u politiki attribwibbli lill-Gvern tal-Federazzjoni Russa li jdgħajfu jew jheddu d-demokrazija, l-istat tad-dritt, l-istabbiltà u s-sigurtà fl-Unjoni u f’pajjiż terz (l-Ukrajna), permezz tal-użu ta’ manipulazzjoni tal-informazzjoni u interferenza, u permezz tal-appoġġ għal kunflitt vjolenti f’pajjiż terz.

29.1.2026

61.

Ekaterina Sergeevna ANDREEVA

(bir-Russu: Екатерина Сергеевна АНДРЕЕВА)

Funzjoni: preżentatur tat-televiżjoni Russa, ġurnalista tal-propaganda, u editur, ilha mill-1997 il-preżentatur u l-wiċċ ewlieni tal-programm tal-aħbarijiet ‘Vremya’ fuq ‘Channel One’

Data tat-twelid: 27.11.1965

Post tat-twelid: Moscow, Russian SFSR (issa Russian Federation)

Nazzjonalità: Russa, Montenegrina, Hondurjana

Sess: mara

Ekaterina Andreeva hija preżentatur ewlenija tal-aħbarijiet tat-televiżjoni tal-istat Russu. Ilha mill-1997 il-preżentatur u l-wiċċ ewlieni tal-programm tal-aħbarijiet ‘Vremya’ fuq ‘Channel One’.

Andreeva regolarment ixxerred id-diżinformazzjoni u l-propaganda dwar il-gwerra ta’ aggressjoni kontra l-Ukrajna u tappoġġa l-forzi armati Russi u l-hekk imsejħa ‘Donetsk and Luhansk People’s Republics’.

Hija tfaħħar regolarment lir-reġim ta’ Putin u xxerred id-diżinformazzjoni u l-propoganda dwar l-Ukrajna, kif ukoll dwar il-Punent. Barra minn hekk, Andreeva ppreżentat ‘Direct Lines’ ma’ Vladimir Putin darbtejn fl-2001 u fl-2007, ikkummentat dwar l-inawgurazzjoni ta’ Putin fl-2004, fl-2012 u fl-2018, u anke kkummentat dwar il-parata tal-armata fid-9 ta’ Mejju. Andreeva tiddikjara li tikteb l-introduzzjoni tal-artikli mingħajr edituri.

Għalhekk, Ekaterina Andreeva hija responsabbli għall-implimentazzjoni, l-appoġġ u li tibbenefika minn azzjonijiet u politiki attribwibbli lill-Gvern tal-Federazzjoni Russa li jdgħajfu jew jheddu d-demokrazija, l-istat tad-dritt, l-istabbiltà u s-sigurtà fl-Unjoni u f’pajjiż terz (l-Ukrajna), permezz tal-użu ta’ manipulazzjoni tal-informazzjoni u interferenza, u permezz tal-appoġġ għal kunflitt vjolenti f’pajjiż terz.

29.1.2026

62.

Maria Eduardovna SITTEL

(bir-Russu: Мария Эдуардовна СИТТЕЛЬ)

Funzjoni: preżentatur tat-televiżjoni Russa, ġurnalista tal-propaganda, u editur; ippreżentat il-programm tal-aħbarijiet ‘Vesti’ fuq l-istazzjon televiżiv ‘Rossiya’ mill-2001; president tal-organizzazzjoni statali pubblika tal-All-Russian ‘Union of Women of Russia’

Data tat-twelid: 9.11.1975

Post tat-twelid: Penza, Russian SFSR (issa Russian Federation)

Nazzjonalità: Russa

Sess: mara

Maria Sittel hija preżentatur ewlenija tal-aħbarijiet tat-televiżjoni tal-istat Russu. Ilha l-preżentatur u l-wiċċ tal-programm tal-aħbarijiet ‘Vesti’ fuq l-istazzjon televiżiv ‘Rossiya’ mill-2001.

Sittel ippreżentat manifestazzjonijiet ta’ propaganda fl-2022, fl-2023, fl-2024 u fl-2025 u rċeviet ammonti sinifikanti ta’ flus għall-prestazzjoni tagħha. Hija lekċerer fl-Ostankino Media Institute (skola tal-propaganda Russa).

Regolarment tfaħħar lir-reġim ta’ Putin u xxerred id-diżinformazzjoni u l-propaganda dwar il-gwerra ta’ aggressjoni kontra l-Ukrajna. Sittel hija inkluża fil-lista ta’ ‘1 500 Warmongers’ (stabbilita mill-Forum Free Russia, li huwa konferenza tal-oppożizzjoni Russa) u ppreżentat ‘Direct Lines’ ma’ Vladimir Putin fl-2015.

Għalhekk, Maria Sittel hija responsabbli għall-implimentazzjoni, l-appoġġ u li tibbenefika minn azzjonijiet u politiki attribwibbli lill-Gvern tal-Federazzjoni Russa li jdgħajfu jew jheddu d-demokrazija, l-istat tad-dritt, l-istabbiltà u s-sigurtà fl-Unjoni u f’pajjiż terz (l-Ukrajna), permezz tal-użu ta’ manipulazzjoni tal-informazzjoni u interferenza, u permezz tal-appoġġ għal kunflitt vjolenti f’pajjiż terz.

29.1.2026

63.

Pavel Aleksandrovich ZARUBIN

(bir-Russu: Павел Александрович ЗАРУБИН)

Funzjoni: ġurnalista, kopreżentatur tal-programm ‘Moscow. Kremlin. Putin’ fuq il-kanal ‘Russia 1’, preżentatur, intervistatur; preżentatur ta’ ‘Direct Line with Vladimir Putin’

Data tat-twelid: 7.9.1981

Post tat-twelid: Beloretsk, Russian SFSR (issa Russian Federation)

Nazzjonalità: Russa

Sess: raġel

Pavel Zarubin huwa propagandist prominenti Russu b’aċċess esklużiv għall-aġenda ta’ Vladimir Putin. Huwa jippreżenta l-programm ‘Moscow. Kremlin. Putin,’ fejn jintervista lil Putin u jfaħħru, filwaqt li jsejjaħlu ‘mexxej eċċezzjonali’.

Zarubin kien l-ewwel propagandist li tħalla jintervista lil Putin wara l-bidu tal-invażjoni Russa fuq skala kbira kontra l-Ukrajna. Spiss ixerred diżinformazzjoni kontra l-Ukrajna, u jirreferi għall-gvern Ukren bħala ‘reġim’, fost affarijiet oħra.

Fl-2025, Zarubin koppreżenta wkoll l-avveniment ewlieni ta’ propaganda ta’ dik is-sena, ‘Direct Lines’ ma’ Vladimir Putin.

Għalhekk, Pavel Zarubin huwa responsabbli għall-implimentazzjoni, l-appoġġ u li jibbenefika minn azzjonijiet u politiki attribwiti għall-Gvern tal-Federazzjoni Russa li jdgħajfu jew jheddu d-demokrazija, l-istat tad-dritt, l-istabbiltà u s-sigurtà fl-Unjoni u f’pajjiż terz (l-Ukrajna), permezz tal-użu ta’ manipulazzjoni tal-informazzjoni u interferenza, u permezz tal-appoġġ għal kunflitt vjolenti f’pajjiż terz.

29.1.2026

64.

Roman Vasilyevich CHUMAKOV

(bir-Russu: Роман Васильевич ЧУМАКОВ)

Funzjoni: attur u kantant Russu

Data tat-twelid: 8.4.1984

Post tat-twelid: Moscow, Russian SFSR (issa Russian Federation)

Nazzjonalità: Russa

Sess: raġel

Roman Chumakov huwa attur u kantant.

Wara l-bidu tal-gwerra ta’ aggressjoni fuq skala kbira tar-Russja kontra l-Ukrajna, huwa appoġġa b’mod attiv l-armata Russa. Roman Chumakov spiss iżur suldati fuq il-front u jikteb kanzunetti patrijottiċi. Ifaħħar u jigglorifika pubblikament lil Vladimir Putin u jiġbor ukoll flus għall-forzi armati Russi. Chumakov jikkritika artisti li ma jappoġġawx il-gwerra ta’ aggressjoni tar-Russja kontra l-Ukrajna. Skont il-fehma tiegħu għad-dinja, ir-Russja, l-Ukrajna u l-Belarussja huma nazzjon wieħed, u jridu jerġgħu jingħaqdu. Chumakov irċieva żewġ premjijiet statali minn Putin.

Għalhekk, Roman Chumakov huwa responsabbli għall-implimentazzjoni, l-appoġġ u li jibbenefika minn azzjonijiet u politiki attribwibbli lill-Gvern tal-Federazzjoni Russa li jdgħajfu jew jheddu d-demokrazija, l-istat tad-dritt, l-istabbiltà u s-sigurtà fl-Unjoni u f’pajjiż terz (l-Ukrajna), permezz tal-użu ta’ manipulazzjoni tal-informazzjoni u interferenza, u permezz tal-appoġġ għal kunflitt vjolenti f’pajjiż terz.

29.1.2026

65.

Sergey Vladimirovich POLUNIN

(bir-Russu: Сергей Владимирович ПОЛУНИН)

Funzjoni: żeffien tal-ballet u attur tal-films, eks rettur ta’ Sevastopol Choreography Academy

Data tat-twelid: 20.11.1989

Post tat-twelid: Kherson, Ukrainian SFSR, (issa Ukraine)

Nazzjonalità: Russa

Sess: raġel

Sergey Polunin huwa żeffien tal-ballet Russu mwieled fl-Ukrajna, eks rettur ta’ Sevastopol Choreography Academy, u rebbieħ ta’ Presidential prize of Young Cultural Figures.

Mill-bidu tal-gwerra ta’ aggressjoni fuq skala kbira kontra l-Ukrajna, Polunin appoġġa b’mod attiv l-armata Russa, inkluż billi ta flus lill-forzi armati Russi. Huwa ħeġġeġ oħrajn biex jagħmlu l-istess.

Polunin jipparteċipa fi programmi televiżivi ta’ propaganda tal-Kremlin u fl-istazzjonijiet ta’ bloggers tal-internet, fejn jispjega u jiddefendi fehtu dwar id-duttrina ‘Dinja Russa’. Polunin jikkritika wkoll lill-artisti li ħarbu mir-Russja wara l-bidu tal-gwerra ta’ aggressjoni fuq skala kbira kontra l-Ukrajna, u jfaħħar lill-kap taċ-Ċeċenja Ramzan Kadyrov.

Għalhekk, Sergey Polunin huwa responsabbli għall-implimentazzjoni, l-appoġġ u li jibbenefika minn azzjonijiet u politiki mill-Gvern tal-Federazzjoni Russa li jdgħajfu jew jheddu d-demokrazija, l-istat tad-dritt, l-istabbiltà u s-sigurtà fl-Unjoni u f’pajjiż terz (l-Ukrajna), permezz tal-użu ta’ manipulazzjoni tal-informazzjoni u interferenza, u permezz tal-appoġġ u l-ffaċilitar ta’ kunflitt vjolenti f’pajjiż terz.

29.1.2026”.