DEĊIŻJONI TAL-KUMITAT KONĠUNT TAŻ-ŻEE Nru 239/2025

tal-24 ta’ Ottubru 2025

li temenda l-Anness IX (Servizzi Finanzjarji) għall-Ftehim ŻEE [2026/216]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b’mod partikolari l-Artikolu 98 tiegħu,

Billi:

(1)

Ir-Regolament ta’ Implimentazzjoni tal-Kummissjoni (UE) 2025/863 tat-8 ta’ Mejju 2025 li jistabbilixxi informazzjoni teknika għall-kalkolu tad-dispożizzjonijiet tekniċi u l-fondi proprji bażiċi għar-rapportar b’dati ta’ referenza mill-31 ta’ Marzu 2025 sad-29 ta’ Ġunju 2025 f’konformità mad-Direttiva 2009/138/KE tal-Parlament Ewropew u tal-Kunsill dwar il-bidu u l-eżerċizzju tan-negozju tal-Assigurazzjoni u tar-Riassigurazzjoni (1) għandu jiġu inkorporat fil-Ftehim ŻEE.

(2)	Jenħtieġ għalhekk, li l-Anness IX tal-Ftehim ŻEE jiġi emendat skont dan,

ADOTTA DIN ID-DEĊIŻJONI:

Artikolu 1

Il-punt li ġej jiddaħħal wara l-punt 1zzg (ir-Regolament ta’ Implimentazzjoni tal-Kummissjoni (UE) 2025/216) tal-Anness IX tal-Ftehim ŻEE:

“1zzh.

32025 R 0863: Ir-Regolament ta’ Implimentazzjoni tal-Kummissjoni (UE) 2025/863 tat-8 ta’ Mejju 2025 li jistabbilixxi informazzjoni teknika għall-kalkolu tar-riżervi tekniċi u l-fondi proprji bażiċi għar-rapportar b’dati ta’ referenza mill-31 ta’ Marzu 2025 sad-29 ta’ Ġunju 2025 skont id-Direttiva 2009/138/KE tal-Parlament Ewropew u tal-Kunsill dwar il-bidu u l-eżerċizzju tan-negozju tal-Assigurazzjoni u tar-Riassigurazzjoni (ĠU L, 2025/863, 12.5.2025).”

Artikolu 2

It-test tar-Regolament ta’ Implimentazzjoni (UE) 2025/863 bil-lingwa Iżlandiża u b’dik Norveġiża, u li se jiġi ppubblikat fis-Suppliment dwar iż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 3

Din id-Deċiżjoni għandha tidħol fis-seħħ fil-25 ta’ Ottubru 2025, dment li jkunu saru n-notifiki kollha skont l-Artikolu 103(1) tal-Ftehim ŻEE (*1).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE tal-Ġurnal Uffiċjali tal-Unjoni Ewropea u fis-Suppliment tiegħu dwar iż-ŻEE.

Magħmul fi Brussell, l-24 ta’ Ottubru 2025.

Għall-Kumitat Konġunt taż-ŻEE

Il-President

Stefán Haukur JÓHANNESSON

(1) ĠU L, 2025/863, 12.5.2025, ELI: http://data.europa.eu/eli/reg_impl/2025/863/oj.

(*1) Ma huwa indikat l-ebda rekwiżit kostituzzjonali.