Il-Ġurnal Uffiċjali
ta'l-Unjoni Ewropea
MT
Is-serje L
|
|
Il-Ġurnal Uffiċjali |
MT Is-serje L |
|
2026/76 |
14.1.2026 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2026/76
tat-12 ta’ Jannar 2026
dwar l-użu tas-sustanzi li jnaqqsu s-saff tal-ożonu bħala aġenti ta’ proċess skont l-Artikolu 7(1) tar-Regolament (UE) 2024/590 tal-Parlament Ewropew u tal-Kunsill, u li tħassar id-Deċiżjoni tal-Kummissjoni 2010/372/UE
(notifikata bid-dokument C(2026) 12)
(It-testi bil-Franċiż, bil-Ġermaniż u bl-Olandiż biss huma awtentiċi)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2024/590 tal-Parlament Ewropew u tal-Kunsill tas-7 ta’ Frar 2024 dwar sustanzi li jnaqqsu s-saff tal-ożonu, u li jħassar ir-Regolament (KE) Nru 1005/2009 (1), u b’mod partikolari l-Artikolu 7(3) tiegħu,
Billi:
|
(1) |
Fid-dawl tar-responsabbiltajiet tal-Unjoni skont id-Deċiżjoni X/14 u d-deċiżjonijiet sussegwenti tal-Partijiet għall-Protokoll ta’ Montreal dwar Sustanzi li Jnaqqsu s-Saff tal-Ożonu, l-Artikolu 7(1) tar-Regolament (UE) 2024/590 jillimita l-użu tas-sustanzi li jnaqqsu s-saff tal-ożonu elenkati fl-Anness I ta’ dak ir-Regolament bħala aġenti ta’ proċess. |
|
(2) |
Id-Deċiżjoni tal-Kummissjoni 2010/372/UE (2) stabbiliet lista ta’ installazzjonijiet operazzjonali tal-impriżi li fihom l-użu tas-sustanzi li jnaqqsu s-saff tal-ożonu bħala aġenti ta’ proċess għandu jkun permess skont ċerti kundizzjonijiet. Ir-Regolament (UE) 2024/590 jippermetti l-kontinwazzjoni tal-operat tal-installazzjonijiet li għadhom jeżistu. |
|
(3) |
Il-lista ta’ kumpaniji li joperaw installazzjonijiet rilevanti jenħtieġ li tiġi aġġornata u l-kwantitajiet massimi użati għall-kompożizzjoni jew għall-konsum u l-livelli massimi ta’ emissjonijiet jenħtieġ li jiġu aġġustati filwaqt li jitqiesu l-kwantitajiet irrapportati mill-kumpaniji fis-snin reċenti u l-ħtiġijiet mistennija tagħhom fis-snin li ġejjin. |
|
(4) |
Għalhekk, għal raġunijiet ta’ ċarezza legali, id-Deċiżjoni 2010/372/UE jenħtieġ li titħassar. |
|
(5) |
Il-miżuri previsti f’din id-Deċiżjoni huma f’konformità mal-opinjoni tal-Kumitat dwar is-sustanzi li jnaqqsu s-saff tal-ożonu stabbilit bl-Artikolu 28 tar-Regolament (UE) 2024/590, |
ADOTTAT DIN ID-DEĊIŻJONI:
Artikolu 1
Definizzjonijiet
1. “Kompożizzjoni” tfisser il-kwantità totali ta’ sustanza li tnaqqas is-saff tal-ożonu f’tunnellati metriċi, kemm jekk pura, irkuprata jew miġjuba lura, li ma ntużatx qabel fiċ-ċiklu tal-ipproċessar u li tintuża għall-ewwel darba f’dan iċ-ċiklu.
2. “Emissjoni” tfisser il-kwantità totali ta’ sustanza li tnaqqas is-saff tal-ożonu f’tunnellati metriċi rilaxxata fl-atmosfera, fl-ilma jew fil-ħamrija matul l-użu tal-aġent ta’ proċess u l-ħażna u l-maniġġ fuq is-sit tal-installazzjoni.
Artikolu 2
Użi permessi tal-aġenti ta’ proċess u limitu għall-emissjonijiet u l-kwantitajiet
1. Il-lista ta’ impriżi li għalihom l-użu tas-sustanzi li jnaqqsu s-saff tal-ożonu elenkati fl-Anness I tar-Regolament (UE) 2024/590 bħala aġenti ta’ proċess għandu jkompli jkun permess hija stabbilita fl-Anness I ta’ din id-Deċiżjoni.
2. Kull impriża elenkata fl-Anness I għandha tuża biss is-sustanza u l-proċess stabbiliti f’dak l-Anness.
3. Il-kwantitajiet li jistgħu jintużaw kull sena bħala kompożizzjoni u li jistgħu jiġu emessi kull sena minn kull impriża ma għandhomx jaqbżu l-kwantitajiet stabbiliti fl-Anness I.
Artikolu 3
Notifika tad-dekummissjonament
Fil-każ tad-dekummissjonament tal-installazzjonijiet ikkonċernati, l-impriżi elenkati fl-Anness I għandhom, fi żmien 3 xhur, jinnotifikaw b’dan lill-Kummissjoni u lill-awtorità kompetenti tal-Istat Membru li fih kien hemm l-installazzjoni.
Artikolu 4
Destinatarji
Din id-Deċiżjoni hija indirizzata lill-impriżi li ġejjin:
|
||||
|
||||
|
Artikolu 5
Tħassir
Id-Deċiżjoni 2010/372/UE tħassret.
Ir-referenzi għad-Deċiżjoni mħassra għandhom jinftiehmu bħala referenzi għal din id-Deċiżjoni u jinqraw f’konformità mat-tabella ta’ korrelazzjoni fl-Anness II.
Magħmul fi Brussell, it-12 ta’ Jannar 2026.
Għall-Kummissjoni
Wopke HOEKSTRA
Membru tal-Kummissjoni
(1) ĠU L 2024/590, 20.2.2024, ELI: http://data.europa.eu/eli/reg/2024/590/oj.
(2) Id-Deċiżjoni tal-Kummissjoni 2010/372/UE tat-18 ta’ Ġunju 2010 dwar l-użu ta’ sustanzi kkontrollati bħala aġenti tal-ipproċessar skont l-Artikolu 8(4) tar-Regolament (KE) Nru 1005/2009 tal-Parlament Ewropew u tal-Kunsill (ĠU L 169, 3.7.2010, p. 17, ELI: http://data.europa.eu/eli/dec/2010/372/oj).
ANNESS II
Tabella ta’ korrelazzjoni
|
Deċiżjoni tal-Kummissjoni 2010/372/UE |
Din id-Deċiżjoni |
|
Artikolu 1 |
Artikolu 1 |
|
Artikolu 2 |
Artikolu 2 |
|
Artikolu 3 |
– |
|
Artikolu 4 |
Artikolu 3 |
|
Artikolu 5 |
– |
|
Artikolu 6 |
Artikolu 4 |
ELI: http://data.europa.eu/eli/dec_impl/2026/76/oj
ISSN 1977-074X (electronic edition)