DEĊIŻJONI TAL-KUMITAT KONĠUNT TAŻ-ŻEE Nru 196/2025

tad-19 ta’ Settembru 2025

li temenda l-Anness II (Regolamenti tekniċi, standards, testijiet u ċertifikazzjoni) tal-Ftehim ŻEE [2026/3]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b’mod partikolari l-Artikolu 98 tiegħu,

Billi:

(1)

Ir-Regolament ta’ Implimentazzjoni tal-Kummissjoni (UE) 2025/808 tal-5 ta’ Mejju 2025 li jemenda r-Regolament ta’ Implimentazzjoni (UE) 2015/408 fir-rigward tat-tħassir tal-gamma-ċjalotrina, tal-ipkonażol u tal-oksamil mil-lista ta’ sustanzi attivi li għandhom jitqiesu bħala kandidati għas-sostituzzjoni (1) għandu jiġi inkorporat fil-Ftehim ŻEE.

(2)

Ir-Regolament ta’ Implimentazzjoni tal-Kummissjoni (UE) 2025/833 tal-5 ta’ Mejju 2025 li jġedded l-approvazzjoni tas-sustanza attiva ta’ lenasil f’konformità mar-Regolament (KE) Nru 1107/2009 tal-Parlament Ewropew u tal-Kunsill, u li jemenda r-Regolamenti ta’ Implimentazzjoni tal-Kummissjoni (UE) Nru 540/2011 u (UE) 2015/408 (2) irid jiġi inkorporat fil-Ftehim ŻEE.

(3)

Ir-Regolament ta’ Implimentazzjoni tal-Kummissjoni (UE) 2025/845 tal-5 ta’ Mejju 2025 li japprova s-sustanza attiva ħadid elementali bħala sustanza attiva b’riskju baxx f’konformità mar-Regolament (KE) Nru 1107/2009 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) Nru 540/2011 (3) irid jiġi inkorporat fil-Ftehim ŻEE.

(4)	Jenħtieġ għalhekk, li l-Anness II tal-Ftehim ŻEE jiġi emendat kif xieraq,

ADOTTA DIN ID-DEĊIŻJONI:

Artikolu 1

Il-Kapitolu XV tal-Anness II tal-Ftehim ŻEE huwa emendat kif ġej:

L-inċiżi li ġejjin jiżdiedu mal-punt 13a (ir-Regolament ta’ Implimentazzjoni tal-Kummissjoni (UE) Nru 540/2011):

“—	32025 R 0833: Ir-Regolament ta’ Implimentazzjoni tal-Kummissjoni (UE) 2025/833 tal-5 ta’ Mejju 2025 (ĠU L, 2025/833, 6.5.2025),

—	32025 R 0845: Ir-Regolament ta’ Implimentazzjoni tal-Kummissjoni (UE) 2025/845 tal-5 ta’ Mejju 2025 (ĠU L, 2025/845, 6.5.2025).”

L-inċiżi li ġejjin jiżdiedu fil-punt 13zzzzt (ir-Regolament ta’ Implimentazzjoni tal-Kummissjoni (UE) 2015/408):

“—	32025 R 0808: Ir-Regolament ta’ Implimentazzjoni tal-Kummissjoni (UE) 2025/808 tal-5 ta’ Mejju 2025 (ĠU L, 2025/808, 6.5.2025),

—	32025 R 0833: Ir-Regolament ta’ Implimentazzjoni tal-Kummissjoni (UE) 2025/833 tal-5 ta’ Mejju 2025 (ĠU L, 2025/833, 6.5.2025).”

Il-punti li ġejjin jiddaħħlu wara l-punt 13zzzzzzzzzzzzzzzh (ir-Regolament ta’ Implimentazzjoni tal-Kummissjoni (UE) 2025/150):

“13zzzzzzzzzzzzzzzi.

32025 R 0833: Regolament ta’ Implimentazzjoni tal-Kummissjoni (UE) 2025/833 tal-5 ta’ Mejju 2025 li jġedded l-approvazzjoni tas-sustanza attiva lenasil f’konformità mar-Regolament (KE) Nru 1107/2009 tal-Parlament Ewropew u tal-Kunsill, u li jemenda r-Regolamenti ta’ Implimentazzjoni tal-Kummissjoni (UE) Nru 540/2011 u (UE) 2015/408 (ĠU L, 2025/833, 6.5.2025).

13zzzzzzzzzzzzzzzj.

32025 R 0845: Ir-Regolament ta’ Implimentazzjoni tal-Kummissjoni (UE) 2025/845 tal-5 ta’ Mejju 2025 li japprova s-sustanza attiva ħadid elementali bħala sustanza attiva b’riskju baxx f’konformità mar-Regolament (KE) Nru 1107/2009 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) Nru 540/2011 (ĠU L, 2025/845, 6.5.2025).”

Artikolu 2

It-testi tar-Regolamenti ta’ Implimentazzjoni (UE) 2025/808, (UE) 2025/833 u (UE) 2025/845 bil-lingwa Iżlandiża u b’dik Norveġiża, li se jiġu ppubblikati fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ fl-20 ta’ Settembru 2025, dment li jkunu saru n-notifiki kollha skont l-Artikolu 103(1) tal-Ftehim ŻEE (*1).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE ta’ Il-Ġurnal Uffiċjali tal-Unjoni Ewropea u fis-Suppliment tiegħu dwar iż-ŻEE.

Magħmul fi Brussell, id-19 ta’ Settembru 2025.

Għall-Kumitat Konġunt taż-ŻEE

Il-President

Stefán Haukur JÓHANNESSON

(1) ĠU L, 2025/808, 6.5.2025, ELI: http://data.europa.eu/eli/reg_impl/2025/808/oj.

(2) ĠU L, 2025/833, 6.5.2025, ELI: http://data.europa.eu/eli/reg_impl/2025/833/oj.

(3) ĠU L, 2025/845, 6.5.2025, ELI: http://data.europa.eu/eli/reg_impl/2025/845/oj.

(*1) Ma huwa indikat l-ebda rekwiżit kostituzzjonali.