(1)

Fit-28 ta’ Frar 2017, il-Kunsill adotta d-Deċiżjoni (UE) 2017/418 (1) dwar il-konklużjoni tal-Ftehim ta’ Sħubija dwar is-Sajd Sostenibbli bejn l-Unjoni Ewropea u l-Gvern tal-Gżejjer Cook (2) (il-“Ftehim”). Il-Ftehim daħal fis-seħħ fl-10 ta’ Mejju 2017.

(2)

Il-Protokoll preċedenti dwar l-implimentazzjoni tal-Ftehim skada fis-16 ta’ Diċembru 2024.

(3)

Fit-23 ta’ Settembru 2024, il-Kunsill awtorizza lill-Kummissjoni tiftaħ negozjati mal-Gvern tal-Gżejjer Cook għal protokoll ġdid dwar l-implimentazzjoni tal-Ftehim. In-negozjati ġew konklużi b’suċċess bl-inizjalar, fl-20 ta’ Ġunju 2025, tal-Protokoll dwar l-implimentazzjoni tal-Ftehim ta’ Sħubija dwar is-Sajd Sostenibbli bejn l-Unjoni Ewropea u l-Gvern tal-Gżejjer Cook (2025-2032) (il-“Protokoll”).

(4)

F’konformità mad-Deċiżjoni tal-Kunsill (UE) 2025/2625 (3) il-Protokoll ġie ffirmat fid-9 ta’ Diċembru 2025, soġġett għall-konklużjoni tiegħu f’data iktar tard.

(5)

Jenħtieġ li l-opportunitajiet tas-sajd previsti fil-Protokoll jiġu allokati fost l-Istati Membri għall-perjodu kollu tal-applikazzjoni tal-Protokoll.

(6)

Minħabba l-importanza ekonomika tal-attivitajiet tas-sajd tal-Unjoni fiż-żona tas-sajd tal-Gżejjer Cook u l-ħtieġa li jitnaqqas kemm jista’ jkun iż-żmien li matulu dawn l-attivitajiet jiġu interrotti, jenħtieġ li dan ir-Regolament jidħol fis-seħħ mill-aktar fis possibli.

(7)

L-Artikolu 13 tal-Protokoll jipprevedi l-applikazzjoni provviżorja tal-Protokoll mid-data tal-iffirmar tiegħu sabiex jippermetti l-attivitajiet tas-sajd tal-bastimenti tal-Unjoni. Għalhekk jenħtieġ li dan ir-Regolament jibda japplika minn dik l-istess data,

—

Spanja: 3 bastimenti

—

Franza: bastiment 1.