Isem

Informazzjoni ta’ identifikazzjoni

Raġunijiet

Data tal-elenkar

“2.

Gustavo Enrique GONZÁLEZ LÓPEZ

Data tat-twelid: 2.11.1960

Sess: raġel

President ta’ Petróleos de Venezuela (PDVSA). Direttur Ġenerali tas-Servizz Nazzjonali tal-Intelligence Bolivarjan (SEBIN) bejn April 2019 u Ottubru 2024. Konsulent dwar is-Sigurtà u l-Intelligence tal-President Maduro minn Jannar 2019, u Direttur Ġenerali ta’ SEBIN minn Frar 2014 sa Ottubru 2018. Matul iż-żminijiet li serva bħala direttur ta’ SEBIN, uffiċjali taħt l-awtorità aħħarija tiegħu wettqu atti ta’ detenzjoni arbitrarja, tortura u trattament krudili u inuman, inkluż vjolenza sesswali, fiċ-ċentru ta’ detenzjoni ta’ El Helicoide. Bħala Direttur Ġenerali ta’ SEBIN, huwa responsabbli għal ksur serju tad-drittijiet tal-bniedem inkluż detenzjoni arbitrarja, trattament inuman u degradanti, u tortura u r-repressjoni tas-soċjetà ċivili u l-oppożizzjoni demokratika fil-Venezwela.

22.1.2018

11.

Iván HERNÁNDEZ DALA

Data tat-twelid 18.5.1966

Sess: raġel

President tan-National Telephone Company of Venezuela (Cantv). Maġġur Ġeneral fil-FANB. Direttur Ġenerali tad-Direttorat Ġenerali tal- tal-Counter-Intelligence Militari (DGCIM) bejn Jannar 2014 u Ottubru 2024 u Kap tal-Gwardja Presidenzjali bejn Settembru 2015 u Ottubru 2024. Bħala l-Kap tad-DGCIM, Iván Hernández Dala huwa responsabbli għar-repressjoni tas-soċjetà ċivili u l-oppożizzjoni demokratika u għal ksur serju tad-drittijiet tal-bniedem imwettqa minn membri tad-DGCIM taħt il-kmand tiegħu, inkluż tortura, l-użu ta’ forza eċċessiva u l-maltrattament tad-detenuti.

25.6.2018

31.

Jorge Elieser MÁRQUEZ MONSALVE

Data tat-twelid: 20.2.1971

Post tat-twelid: Caracas, Venezwela

Numru tal-ID: V-8714253

Sess: raġel

Ministru għall-Elettriku u Viċi President għax-Xogħlijiet Pubbliċi u l-Utilitajiet mit-23 ta’ April 2024 ’l hawn. Eks Ministru għall-Uffiċċju tal-Presidenza u Direttur Ġenerali tan-National Commission of Telecommunications (CONATEL) mis-7 ta’ Awwissu 2017 ’l hawn. L-azzjonijiet tiegħu dgħajfu d-demokrazija jew l-istat tad-dritt fil-Venezwela, inkluż billi llimita serjament id-drittijiet tal-poplu Venezwelan għal-libertà tal-istampa, il-libertà tal-espressjoni u l-informazzjoni. Huwa uża s-setgħat speċjali tal-CONATEL biex isikket il-kritika u d-dissidenti lejn ir-reġim billi mblokka, iffiltra u ostakola s-siti web tal-Internet, billi rrevoka l-liċenzji eżistenti għall-istazzjonijiet tar-radju u tat-televiżjoni u billi rrifjuta li jingħataw liċenzji ġodda.

29.6.2020

37.

Remigio CEBALLOS ICHASO

Data tat-twelid: 1.5.1963

Numru tal-ID: V-6557495

Sess: raġel

Ambaxxatur tal-Venezwela għaċ-Ċina. Eks Ministru għall-Intern u l-Ġustizzja tal-Venezwela (Awwissu 2021 – Awwissu 2024) u Viċi President tal-Gvern għas-Sigurtà taċ-Ċittadini. Eks Kmandant tal-Kmand Operazzjonali u Strateġiku tal-Forzi Armati Nazzjonali Bolivarjani tal-Venezwela (Comando Estratégico Operacional Fuerzas Armadas Nacionales Bolivarianas (CEOFANB)), l-ogħla organu fil-Forzi Armati Venezwelani (Ġunju 2017 – Lulju 2021). Is-CEOFANB jikkontrolla l-Forzi Armati Nazzjonali Bolivarjani (FANB) u l-Gwardja Nazzjonali Bolivarjana. Is-CEOFANB huwa wkoll responsabbli għall-koordinazzjoni tal-interventi tal-FANB fid-dimostrazzjonijiet. Fil-pożizzjoni tiegħu bħala Kmandant tas-CEOFANB, huwa kien responsabbli għal ksur serju tad-drittijiet tal-bniedem, inkluż l-użu ta’ forza eċċessiva u t-trattament inuman u degradanti minn uffiċjali tal-FANB u minn forzi subordinati taħt il-kmand tiegħu, inkluż il-Gwardja Nazzjonali Bolivarjana. Sorsi varji, inkluż il-Missjoni Internazzjonali Indipendenti għat-Tiftix tal-Fatti dwar ir-Repubblika Bolivarjana tal-Venezwela, jattribwixxu ksur tad-drittijiet tal-bniedem lill-FANB u lill-Gwardja Nazzjonali Bolivarjana.

22.2.2021”.