(1)

Skont l-Artikolu 1 tad-Deċiżjoni tal-Kunsill (UE) 2025/1407 (1), f’konformità mal-Artikolu 140(2) tat-Trattat dwar il-Funzjonament tal-Unjoni Ewropea (TFUE), il-Bulgarija tissodisfa l-kundizzjonijiet meħtieġa għall-adozzjoni tal-euro u d-deroga mogħtija lill-Bulgarija msemmija fl-Artikolu 5 tal-Att ta’ Adeżjoni tal-2005 (2) ser tiġi abrogata b’effett mill-1 ta’ Jannar 2026.

(2)

L-Artikolu 1, il-punt (d), tad-Deċiżjoni BĊE/2010/29 tal-Bank Ċentrali Ewropew (3) jiddefinixxi l-“[i]skema ta’ distribuzzjoni ta’ karti tal-flus” u jirreferi għall-Anness I ta’ dik id-Deċiżjoni, li jispeċifika l-iskema għall-allokazzjoni ta’ karti tal-flus li tapplika sa mill-1 ta’ Jannar 2024. Peress li l-Bulgarija se tadotta l-euro fl-1 ta’ Jannar 2026 u li se japplikaw ponderazzjonijiet ġodda tal-iskema tal-kaptal minn dik id-data, id-Deċiżjoni BĊE/2010/29 jeħtieġ li tiġi emendata sabiex tiġi ddeterminata l-iskema għall-allokazzjoni ta’ karti tal-flus li tapplika mill-1 ta’ Jannar 2026,

(1)

l-aħħar sentenza tal-Artikolu 1, il-punt (d), hija ssostitwita b’dan li ġej:

“L-Anness I għal din id-Deċiżjoni jispeċifika l-iskema għall-allokazzjoni tal-karti tal-flus li għandha tapplika mill-1 ta’ Jannar 2026.”;

(2)

L-Anness I huwa ssostitwit bl-Anness għal din id-Deċiżjoni.