ANNESS

Metodoloġija għad-determinazzjoni tal-iffrankar tal-emissjonijiet ta’ gassijiet serra minn fjuwils b’livell baxx ta’ emissjonijiet tal-karbonju minbarra fjuwils tal-karbonju riċiklat

A. METODOLOĠIJA

L-emissjonijiet ta’ gassijiet serra mill-produzzjoni u l-użu ta’ fjuwils b’livell baxx ta’ emissjonijiet tal-karbonju minbarra fjuwils tal-karbonju riċiklat għandhom jiġu kkalkulati kif ġej:

E = e i + e p + e td + e u – e ccs – e ccu

fejn:

E	=	l-emissjonijiet totali mill-użu tal-fjuwil (gCO2eq / MJ ta’ fjuwil);
e i	=	e i elastiċi + e i riġidi - e użu eżistenti: emissjonijiet mill-provvista ta’ inputs (gCO2eq / MJ ta’ fjuwil); e i elastiċi = l-emissjonijiet minn inputs elastiċi (gCO2eq / MJ ta’ fjuwil); e i riġidi = l-emissjonijiet minn inputs riġidi (gCO2eq / MJ ta’ fjuwil); e użu eżistenti = l-emissjonijiet mill-użu eżistenti jew mid-destin tal-inputs (gCO2eq / MJ ta’ fjuwil)
e p	=	l-emissjonijiet mill-ipproċessar (gCO2eq / MJ ta’ fjuwil);
e td	=	l-emissjonijiet mit-trasport u mid-distribuzzjoni (gCO2eq / MJ ta’ fjuwil);
e u	=	l-emissjonijiet mill-kombustjoni tal-fjuwil fl-użu finali tiegħu (gCO2eq / MJ ta’ fjuwil);
e ccs	=	l-iffrankar nett tal-emissjonijiet mill-qbid tal-karbonju u mill-ħżin (gCO2eq / MJ ta’ fjuwil);
e ccu	=	l-iffrankar nett tal-emissjonijiet mill-karbonju maqbud u marbut kimikament b’mod permanenti fi prodotti li jservu fit-tul (gCO2eq / MJ ta’ fjuwil).

L-emissjonijiet mill-manifattura ta’ makkinarju u tagħmir ma għandhomx jitqiesu.

L-intensità tal-emissjonijiet ta’ gassijiet serra ta’ fjuwils b’livell baxx ta’ emissjonijiet tal-karbonju għandha tiġi ddeterminata billi l-emissjonijiet totali tal-proċess li jkopru kull element tal-formula jiġu diviżi bl-ammont totali ta’ fjuwil li jirriżulta mill-proċess u għandha tiġi espressa f’termini ta’ grammi ta’ ekwivalenti ta’ CO2 għal kull MJ ta’ fjuwil (gCO2eq / MJ ta’ fjuwil). Jekk fjuwil ikun taħlita ta’ fjuwils b’livell baxx ta’ emissjonijiet tal-karbonju u fjuwils oħra, it-tipi kollha ta’ fjuwil għandhom jitqiesu li għandhom l-istess intensità tal-emissjonijiet. L-eċċezzjoni għal din ir-regola hija l-każ ta’ koproċessar fejn il-fjuwils b’livell baxx ta’ emissjonijiet tal-karbonju, il-fjuwils rinnovabbli ta’ oriġini mhux bijoloġika, il-bijofjuwils, il-bijolikwidi u l-fjuwils tal-bijomassa jissostitwixxu parzjalment input ta’ fjuwils fossili konvenzjonali rilevanti fi proċess.

F’sitwazzjoni bħal din għandha ssir distinzjoni fil-kalkolu tal-intensità tal-emissjonijiet ta’ gassijiet serra fuq bażi proporzjonali tal-valur enerġetiku tal-inputs tal-enerġija rilevanti bejn:

—	il-parti tal-proċess li hija bbażata fuq l-input ta’ fjuwils fossili konvenzjonali kif ukoll il-bijofjuwils, il-bijolikwidi u l-fjuwils tal-bijomassa; u

—	l-parti tal-proċess li hija bbażata fuq fjuwils b’livell baxx ta’ emissjonijiet tal-karbonju kif ukoll fjuwils rinnovabbli ta’ oriġini mhux bijoloġika, jekk wieħed jassumi li l-partijiet tal-proċess mill-bqija huma identiċi.

Jekk fil-proċess jintuża aktar minn input tal-enerġija rilevanti wieħed, id-delineazzjoni bejn iż-żewġ partijiet tal-proċess tiġi ddeterminata abbażi tas-sehem tal-input li jikkwalifika bħala fjuwils b’livell baxx ta’ emissjonijiet tal-karbonju jew fjuwils rinnovabbli ta’ oriġini mhux bijoloġika, li jissostitwixxi l-ogħla sehem tal-input ta’ fjuwils fossili konvenzjonali (1).

Il-bijofjuwils, il-bijolikwidi u l-fjuwils tal-bijomassa li jintużaw fil-proċess jitqiesu biss fil-kalkolu tal-intensità tal-emissjonijiet, meta jintużaw bħala input tal-enerġija mhux rilevanti, meta jintużaw fl-ambitu tal-parti tal-proċess delineat kif stabbilit hawn fuq (2) jew meta l-materja prima li tintuża fil-proċess diġà tinkludi sehem bijoġeniku mill-bidu bħal fil-każ tal-iskart muniċipali mħallat. L-intensità tal-emissjonijiet tal-bijofjuwils, tal-bijolikwidi u tal-fjuwils tal-bijomassa tiġi ddeterminata f’konformità mar-regoli stabbiliti fl-Artikolu 31 tad-Direttiva (UE) 2018/2001.

L-intensità tal-emissjonijiet ta’ gassijiet serra tal-fjuwils b’livell baxx ta’ emissjonijiet tal-karbonju tista’ tiġi kkalkulata bħala medja għall-produzzjoni kollha kemm hi tal-fjuwils li sseħħ matul perjodu ta’ mhux iktar minn xahar kalendarju wieħed (3). Madankollu, fejn l-elettriku li jingħadd kompletament bħala rinnovabbli skont il-metodoloġija stipulata fl-Artikolu 27(6) tad-Direttiva 2018/2001 jintuża bħala input biex jiġi prodott l-idroġenu f’elettrolizzatur, l-intervall ta’ żmien għandu jkun konformi mar-rekwiżiti li japplikaw għal korrelazzjoni temporali sakemm ma japplikawx xi rekwiżiti speċifiċi fuq il-korrelazzjoni temporali. Il-valuri tal-intensità tal-emissjonijiet ta’ gassijiet serra kkalkulati għal intervalli ta’ żmien individwali jistgħu jintużaw sabiex tiġi kkalkulata intensità medja tal-emissjonijiet ta’ gassijiet serra għal perjodu ta’ mhux aktar minn xahar, dment li l-valuri individwali kkalkulati għal kull perjodu ta’ żmien jissodisfaw il-livell limitu minimu ta’ ffrankar ta’ 70 %.

L-iffrankar tal-emissjonijiet ta’ gassijiet serra minn fjuwils b’livell baxx ta’ emissjonijiet tal-karbonju, minbarra fjuwils tal-karbonju riċiklat, għandu jiġi kkalkulat kif ġej:

Iffrankar = (E F – E) / E F

fejn:

E	=	l-emissjonijiet totali mill-użu tal-fjuwil;
E F	=	l-emissjonijiet totali mill-komparatur tal-fjuwils fossili.

Għall-fjuwils kollha b’livell baxx ta’ emissjonijiet tal-karbonju, l-emissjonijiet totali mill-komparatur tal-fjuwils fossili għandhom ikunu ugwali għall-komparatur tal-fjuwils fossili għall-fjuwils rinnovabbli ta’ oriġini mhux bijoloġika stipulat fir-Regolament Delegat (UE) 2023/1185.

Jekk l-output ta’ proċess ma jikkwalifikax kompletament bħala fjuwils b’livell baxx ta’ emissjonijiet tal-karbonju, minbarra fjuwils tal-karbonju riċiklat, il-frazzjoni ta’ fjuwils b’livell baxx ta’ emissjonijiet tal-karbonju, minbarra fjuwils tal-karbonju riċiklat, għandha tiġi ddeterminata billi l-input tal-enerġija rilevanti rispettiv fil-proċess jiġi diviż bit-total tal-inputs tal-enerġija rilevanti fil-proċess (4).

L-enerġija rilevanti għall-inputs materjali hija l-valur tat-tisħin aktar baxx tal-input tal-materjal li jidħol fl-istruttura molekulari tal-fjuwil (5).

Għall-inputs tal-elettriku li jintużaw biex jittejjeb il-valur tat-tisħin tal-fjuwil jew tal-prodotti intermedji, l-enerġija rilevanti hija l-enerġija tal-elettriku.

Għall-effluwenti gassużi industrijali, l-enerġija rilevanti hija l-enerġija fl-effluwent gassuż ibbażata fuq il-valur tat-tisħin aktar baxx tagħhom. Fil-każ ta’ sħana li tintuża biex jittejjeb il-valur tat-tisħin tal-fjuwil jew tal-prodott intermedju, l-enerġija rilevanti hija l-enerġija utli fis-sħana li tintuża biex jiġi sintetizzat il-fjuwil. Is-sħana utli hija l-enerġija tas-sħana totali mmultiplikata bl-effiċjenza ta’ Carnot, kif definita fil-Parti C, il-punt (1)(b) tal-Anness V tad-Direttiva (UE) 2018/2001. Inputs oħra jitqiesu biss meta tiġi ddeterminata l-intensità tal-emissjonijiet tal-fjuwil.

Meta jiġu ddeterminati l-emissjonijiet mill-provvista ta’ inputs e i, għandha ssir distinzjoni bejn l-inputs elastiċi u l-inputs riġidi. Inputs riġidi huma dawk li l-provvista tagħhom ma tistax tiġi estiża biex tissodisfa d-domanda żejda. Għalhekk, l-inputs kollha li jikkwalifikaw bħala sors tal-karbonju għall-produzzjoni ta’ fjuwils tal-karbonju riċiklat huma riġidi, kif ukoll l-outputs prodotti fi proporzjon fiss bi proċess inkorporat (6) u li jirrappreżentaw inqas minn 10 % tal-valur ekonomiku tal-output. Jekk ikun jirrappreżenta 10 % tal-valur ekonomiku jew iktar, dan għandu jiġi ttrattat bħala elastiku. Fil-prinċipju, l-inputs elastiċi huma dawk li l-provvista tagħhom tista’ tiżdied biex tissodisfa d-domanda żejda. Il-prodotti tal-petroleum mir-raffineriji jaqgħu f’din il-kategorija minħabba li r-raffineriji jistgħu jbiddlu l-proporzjon tal-prodotti tagħhom. L-emissjonijiet mill-inputs tal-enerġija u materjali għall-operazzjonijiet tal-qbid u l-ħżin tal-karbonju (CCS, Carbon Capture and Storage) (pereżempju, mill-kombustjoni tal-fjuwil, mis-sħana u mill-elettriku użati, kif ukoll minn materjali u sustanzi kimiċi) għandhom jiġu kkalkulati abbażi tal-approċċ stabbilit fil-punti 5 sa 11 dwar l-inputs tal-proċess.

L-elettriku li jista’ jingħadd kompletament bħala rinnovabbli f’konformità mal-Artikolu 27(6), it-tieni u t-tielet subparagrafi, tad-Direttiva (UE) 2018/2001, għandu jiġi attribwit emissjonijiet ta’ gassijiet serra żero.

Wieħed mill-erba’ metodi alternattivi li ġejjin għandu jiġi applikat matul kull sena kalendarja biex jiġu attribwiti valuri tal-emissjonijiet ta’ gassijiet serra għall-elettriku li ma jistax jikkwalifika bħala kompletament rinnovabbli f’konformità mal-Artikolu 27(6), it-tieni u t-tielet subparagrafi, tad-Direttiva (UE) 2018/2001 u jintuża għall-produzzjoni ta’ fjuwils b’livell baxx ta’ emissjonijiet tal-karbonju:

(a)	il-valuri tal-emissjonijiet ta’ gassijiet serra għandhom jiġu attribwiti abbażi ta’ medji fis-sena kif stabbilit fil-Parti C ta’ dan l-Anness;

(b)

il-valuri tal-emissjonijiet tal-gassijiet serra għandhom jiġu attribwiti abbażi tal-valur medju fis-siegħa tal-emissjonijiet ta’ gassijiet serra tat-taħlita tal-elettriku fil-ħin tal-produzzjoni tal-fjuwils b’livell baxx ta’ emissjonijiet tal-karbonju fiż-żona tal-offerti, kif previst mill-operaturi tas-sistema tat-trażmissjoni għas-suq ta’ ġurnata bil-quddiem għaż-żona tal-offerti fejn il-fjuwil b’livell baxx ta’ emissjonijiet tal-karbonju jiġi prodott sagħtejn qabel il-ħin tal-għeluq tan-negozju tas-suq ta’ ġurnata bil-quddiem. Meta tkun disponibbli għandha tiġi applikata metodoloġija armonizzata għal dan il-fini. Sal-istabbiliment ta’ metodoloġija armonizzata, il-metodoloġija għandha tkun ġiet approvata mill-awtorità kompetenti;

(c)

il-valuri tal-emissjonijiet ta’ gassijiet serra għandhom jiġu attribwiti skont l-għadd ta’ sigħat b’tagħbija sħiħa li tkun qed topera l-installazzjoni li tipproduċi fjuwils b’livell baxx ta’ emissjonijiet tal-karbonju. Fejn l-għadd ta’ sigħat b’tagħbija sħiħa jkun daqs jew inqas mill-għadd ta’ sigħat li fihom il-prezz marġinali tal-elettriku jkun ġie stabbilit minn installazzjonijiet li jipproduċu l-elettriku rinnovabbli jew l-impjanti tal-enerġija nukleari fis-sena kalendarja preċedenti li għalihom tkun disponibbli data affidabbli, l-elettriku mill-grilja użat fil-proċess tal-produzzjoni tal-fjuwils b’livell baxx ta’ emissjonijiet tal-karbonju għandu jiġi attribwit valur tal-emissjonijiet ta’ gassijiet serra ta’ 0 g CO2eq/MJ; fejn dan l-għadd ta’ sigħat b’tagħbija sħiħa jinqabeż, l-elettriku mill-grilja użat fil-proċess tal-produzzjoni tal-fjuwils b’livell baxx ta’ emissjonijiet tal-karbonju għandu jiġi attribwit valur tal-emissjonijiet ta’ gassijiet serra ta’ 183 g CO2eq/MJ;

(d)

il-valuri tal-emissjonijiet ta’ gassijiet serra għandhom jiġu kkalkulati bħala medja fis-siegħa, abbażi tal-valur tal-emissjonijiet ta’ gassijiet serra tat-teknoloġija marġinali li tistabbilixxi l-prezz tal-ikklerjar tal-elettriku f’unità taż-żmien partikolari tas-suq fiż-żmien tal-produzzjoni tal-fjuwils b’livell baxx ta’ emissjonijiet tal-karbonju fiż-żona tal-offerti. Din l-opzjoni tista’ tintuża biss jekk dan il-valur ikun sar disponibbli pubblikament mill-operatur tas-sistema ta’ trażmissjoni nazzjonali.

Jekk jintuża l-metodu stabbilit fil-punt (c), dan għandu jiġi applikat għall-elettriku kollu li jintuża għall-produzzjoni ta’ fjuwils b’livell baxx ta’ emissjonijiet tal-karbonju, inkluż l-elettriku li jista’ jingħadd kompletament bħala rinnovabbli f’konformità mal-Artikolu 27(6), it-tieni u t-tielet subparagrafi tad-Direttiva (UE) 2018/2001.

L-emissjonijiet ta’ gassijiet serra (GHG, greenhouse gases) tal-inputs elastiċi li jinkisbu minn proċess inkorporat għandhom jiġu ddeterminati abbażi ta’ data mill-proċess tal-produzzjoni reali tagħhom. Dan għandu jinkludi l-emissjonijiet kollha li jirriżultaw minħabba l-produzzjoni tagħhom tul il-katina tal-provvista kollha tul il-katina tal-provvista kollha (inkluż l-emissjonijiet li jirriżultaw mill-estrazzjoni tal-enerġija primarja meħtieġa biex isir l-input, il-proċess u t-trasport tagħha). L-emissjonijiet mill-kombustjoni relatati mal-kontenut tal-karbonju tal-inputs tal-fjuwil ma għandhomx jiġu inklużi (7).

L-emissjonijiet tal-GHG minn inputs elastiċi li ma jinkisbux minn proċess inkorporat għandhom jiġu ddeterminati abbażi tal-valuri inklużi fil-Parti B ta’ dan l-Anness. Jekk l-input ma jkunx inkluż fil-lista, l-informazzjoni dwar l-intensità tal-emissjonijiet tista’ tinkiseb mill-aħħar verżjoni tar-rapport JEC-WTW, mill-bażi tad-data ECOINVENT, minn sorsi uffiċjali bħall-IPCC, mill-AIE jew mill-gvern, minn sorsi rieżaminati oħra bħall-bażi tad-data E3, mill-bażi tad-data tal-Mudell Globali tal-Emissjonijiet għas-Sistemi Integrati (GEMIS, Global Emission Model for Integrated Systems) u minn pubblikazzjonijiet rieżaminati bejn il-pari.

L-intensità tal-metan tal-produzzjoni ta’ inputs elastiċi bbażati fuq il-fossili għandha tiġi kkalkulata abbażi ta’ dan li ġej:

(a)	Din għandha tiġi kkalkolata bħala s-somma tal-intensità tal-metan tal-produzzjoni u t-trasport tal-inputs.

(b)

L-intensità tal-metan tal-produzzjoni tal-inputs elastiċi bbażati fuq il-fossili għandha tiġi kkalkulata, għall-inputs prodotti fl-Unjoni, abbażi tal-emissjonijiet tal-metan irrapportati mill-produtturi tal-Unjoni f’konformità mal-Artikolu 12 tar-Regolament (UE) 2024/1787 tal-Parlament Ewropew u tal-Kunsill (8), u għall-inputs importati fl-Unjoni jew użati għall-produzzjoni ta’ fjuwils b’livell baxx ta’ emissjonijiet tal-karbonju barra mill-Unjoni, abbażi tal-informazzjoni dwar l-emissjonijiet tal-metan irrapportata mill-importaturi f’konformità mal-Artikolu 28(1), (2) u (5) tar-Regolament (UE) 2024/1787 (9).

(c)

L-intensità tal-metan tat-trasport tal-inputs elastiċi bbażati fuq il-fossili għandha tiġi kkalkulata, għall-inputs prodotti fl-Unjoni, abbażi tal-emissjonijiet tal-metan irrapportati mill-produtturi u mill-operaturi tal-assi tal-Unjoni f’konformità mal-Artikolu 12 tar-Regolament (UE) 2024/1787, u għall-inputs importati fl-Unjoni jew użati għall-fjuwils b’livell baxx ta’ emissjonijiet tal-karbonju barra mill-Unjoni, abbażi tal-valuri li jistmaw l-emissjonijiet tal-metan relatati mat-trasport taż-żejt grezz, tal-gass naturali u tal-faħam minn pajjiżi terzi ppubblikati fil-bażi tad-data dwar it-Trasparenza tal-Metan skont l-Artikolu 30, il-punt 2(d)(ii), tar-Regolament (UE) 2024/1787, ikkomplementata mill-informazzjoni rilevanti dwar l-emissjonijiet tal-metan irrapportata mill-operaturi tal-assi f’konformità mal-Artikolu 12 tar-Regolament (UE) 2024/1787 u mill-importaturi f’konformità mal-Artikolu 27(1), mal-Artikolu 28(1), (2) u (5), kif ukoll mal-Anness IX tar-Regolament (UE) 2024/1787.

Madankollu, meta l-intensità tal-metan ma tkunx tista’ tiġi kkalkolata minħabba n-nuqqas ta’ data, jew meta l-input ma jtejjibx il-valur tat-tisħin tal-fjuwil b’livell baxx ta’ emissjonijiet tal-karbonju, l-intensità tal-metan tal-inputs elastiċi bbażati fuq il-fossili tista’ tkun il-valur rilevanti għall-emissjonijiet tal-metan upstream għal kull unità ta’ fjuwil inkluża fil-Parti B ta’ dan l-Anness.

Il-fornitur ta’ kull input elastiku, minbarra dawk l-inputs fejn il-valuri jittieħdu mill-Parti B ta’ dan l-Anness, għandu jikkalkula l-intensità tal-emissjonijiet (10) tal-input skont il-proċeduri f’dan l-Anness, u jirrapporta l-valur lill-istadju tal-produzzjoni li jmiss jew lill-produttur tal-fjuwil finali. L-istess regola tapplika għall-fornituri tal-inputs aktar lura fil-katina tal-provvista.

L-emissjonijiet minn inputs riġidi (e i riġidi) għandhom jinkludu l-emissjonijiet li jirriżultaw mid-devjazzjoni ta’ dawk l-inputs minn użu preċedenti jew alternattiv. Dawk l-emissjonijiet għandhom iqisu t-telf tal-produzzjoni tal-elettriku, tas-sħana jew tal-prodotti li qabel kienu ġġenerati bl-użu tal-input, kif ukoll kwalunkwe emissjoni minħabba trattament addizzjonali tal-input u t-trasport. Għandhom japplikaw ir-regoli li ġejjin:

(a)

L-emissjonijiet attribwiti għall-provvista ta’ inputs riġidi għandhom jiġu ddeterminati billi l-produzzjoni mitlufa tal-elettriku, tas-sħana jew ta’ prodotti oħra tiġi mmultiplikata bil-fattur rilevanti ta’ emissjoni. Fil-każ ta’ produzzjoni tal-elettriku mitlufa, il-fatturi ta’ emissjoni li jridu jitqiesu huma għall-ġenerazzjoni tal-elettriku mill-grilja fil-pajjiż fejn seħħ l-ispostament, kif iddeterminat skont il-metodoloġija stabbilita fil-punti 5 jew 6 (11). Fil-każ ta’ materjal iddevjat, l-emissjonijiet li jridu jiġu attribwiti għall-materjal ta’ sostituzzjoni għandhom jiġu kkalkulati bħal dawk għall-inputs materjali. Għall-ewwel 20 sena wara l-bidu tal-produzzjoni tal-fjuwils b’livell baxx ta’ emissjonijiet tal-karbonju, it-telf tal-produzzjoni tal-elettriku, tas-sħana u tal-materjali għandu jiġi ddeterminat abbażi tal-ammont medju ta’ elettriku u sħana li ġie prodott mill-input riġidu matul l-aħħar 3 snin qabel il-bidu tal-produzzjoni tal-fjuwils b’livell baxx ta’ emissjonijiet tal-karbonju. Wara 20 sena ta’ produzzjoni, it-telf tal-produzzjoni tal-elettriku, tas-sħana jew ta’ prodotti oħra għandu jiġi ddeterminat abbażi tal-istandards minimi tar-rendiment tal-enerġija preżunti fil-konklużjonijiet pertinenti tal-aħjar teknoloġija disponibbli (BAT, Best Available Technology). Fejn il-proċess ma jkunx kopert minn konklużjoni tal-BAT, l-istima tal-produzzjoni mitlufa għandha tkun ibbażata fuq proċess komparabbli li japplika teknoloġija mill-aktar avvanzata.

(b)

Fil-każ ta’ta’ inputs riġidi li huma flussi intermedji fil-proċessi industrijali, bħall-gass tal-forn tal-kokk, il-gass tal-forn tal-blast f’impjant tal-azzar, jew il-gass tar-raffineriji f’raffinerija taż-żejt, jekk l-effett tad-devjazzjoni tiegħu għall-produzzjoni tal-fjuwil ma jkunx jista’ jitkejjel direttament, l-emissjonijiet minħabba d-devjazzjoni tal-inputs għandhom jiġu ddeterminati abbażi ta’ simulazzjonijiet tal-operat tal-impjant qabel u wara li jiġi mmodifikat. Jekk il-modifika tal-impjant ikkawżat tnaqqis fl-output ta’ xi prodotti, l-emissjonijiet attribwiti għall-input riġidu għandhom jinkludu l-emissjonijiet assoċjati mas-sostituzzjoni tal-prodotti mitlufa.

(c)

Fejn il-proċess jagħmel użu minn inputs riġidi minn installazzjonijiet ġodda, għandu jitqies l-impatt tad-devjazzjoni tal-input mill-użu alternattiv l-aktar ekonomiku. L-implikazzjonijiet tal-emissjonijiet għandhom imbagħad jiġu kkalkulati skont l-istandards minimi tar-rendiment tal-enerġija preżunti fil-konklużjonijiet rilevanti tal-BAT. Għall-proċessi industrijali li mhumiex koperti mill-konklużjonijiet tal-BAT, l-emissjonijiet iffrankati għandhom jiġu kkalkulati fuq il-bażi tal-proċess komparabbli li japplika teknoloġija mill-aktar avvanzata.

10.

L-emissjonijiet mill-użu eżistenti jew mid-destin tal-inputs (e użu eżistenti) jinkludu l-emissjonijiet kollha fl-użu eżistenti jew fid-destin tal-input li jiġu evitati meta l-input jintuża għall-produzzjoni tal-fjuwil. Dawk l-emissjonijiet għandhom jinkludu l-ekwivalenti ta’ CO2 tal-karbonju inkorporat fil-kompożizzjoni kimika tal-fjuwil li kieku kien jiġi rilaxxat bħala CO2 fl-atmosfera. Dan jinkludi l-forom kollha ta’ karbonju, dment li tiġi ssodisfata mill-inqas waħda mill-kundizzjonijiet li ġejjin:

(a)

is-CO2 ikun inqabad minn attività elenkata fl-Anness I tad-Direttiva 2003/87/KE tal-Parlament Ewropew u tal-Kunsill (12) jew mill-kombustjoni ta’ skart muniċipali mħallat, ikun tqies upstream f’sistema effettiva ta’ pprezzar tal-karbonju u jkun ġie inkorporat fil-kompożizzjoni kimika tal-fjuwil qabel l-1 ta. Jannar 2036. Din id-data għandha tiġi estiża sal-1 ta’ Jannar 2041 f’każijiet oħra għajr għas-CO2 li jkun ġej mill-kombustjoni ta’ fjuwils għall-ġenerazzjoni tal-elettriku;

(b)	is-CO2 ikun inqabad mill-arja;

(c)	is-CO2 jew il-monossidu tal-karbonju maqbud ikun jirriżulta minn bijofjuwils, bijolikwidi jew fjuwils tal-bijomassa li jikkonformaw mal-kriterji tas-sostenibbiltà u tal-iffrankar ta’ gassijiet serra stabbiliti fl-Artikolu 29 tad-Direttiva (UE) 2018/2001;

(d)

is-CO2 jew il-monossidu tal-karbonju maqbud ikun jirriżulta minn fjuwils rinnovabbli ta’ oriġini mhux bijoloġika jew minn fjuwils b’livell baxx ta’ emissjonijiet tal-karbonju li jikkonformaw mal-kriterji tal-iffrankar ta’ gassijiet serra, stabbiliti fl-Artikolu 29a tad-Direttiva (UE) 2018/2001 u f’dan ir-Regolament;

(e)	is-CO2 maqbud ikun jirriżulta minn sors ġeoloġiku ta’ CO2 u s-CO2 ikun ġie rilaxxat b’mod naturali qabel;

(f)	il-karbonju jkun jirriżulta minn inputs li jikkwalifikaw bħala sors tal-enerġija għall-produzzjoni ta’ fjuwils tal-karbonju riċiklat.

Is-CO2 maqbud li jirriżulta minn fjuwil li jinħaraq deliberatament għall-fini esklużiv tal-produzzjoni tas-CO2, mingħajr ma jsir użu tal-enerġija u tas-CO2 li l-qbid tiegħu jkun irċieva kreditu ta’ emissjonijiet skont dispożizzjonijiet oħra tal-liġi, ma għandux jiġi inkluż.

L-emissjonijiet assoċjati ma’ inputs bħall-elettriku u s-sħana, u l-materjali konsumabbli użati fil-proċess tal-qbid tas-CO2, għandhom jiġu inklużi fil-kalkolu tal-emissjonijiet attribwiti lill-inputs.

11.

Id-dati msemmija fil-punt 10(a) għandhom ikunu soġġetti għal rieżami, filwaqt li titqies l-implimentazzjoni fis-setturi koperti mid-Direttiva 2003/87/KE tal-mira klimatika tal-Unjoni kollha għall-2040, stabbilita f’konformità mal-Artikolu 4(3) tar-Regolament (UE) 2021/1119 tal-Parlament Ewropew u tal-Kunsill (13).

12.

L-emissjonijiet mill-ipproċessar (e p) għandhom jinkludu l-emissjonijiet atmosferiċi diretti mill-ipproċessar innifsu, mit-trattament tal-iskart u mit-tnixxijiet, kif ukoll minn

(a)	kwalunkwe fluss ta’ CO2 fossili li joħroġ mill-impjant tal-ipproċessar u jinqabad fl-impjant tal-qbid tal-karbonju u jitqies taħt e ccs jew e ccu ; u

(b)

kwalunkwe CO2 fossili emess fl-atmosfera fi tmiem il-ħajja tal-koprodotti, ikkalkulat fuq bażi stojkjometrika għall-karbonju inkorporat fil-kompożizzjoni kimika tal-koprodotti kollha, sakemm l-operatur ma jurix li tali CO2 jinqabad u jinħażen b’mod permanenti jew jintrabat kimikament b’mod permanenti fi prodotti li jservu fit-tul elenkati fir-Regolament Delegat tal-Kummissjoni (UE) 2024/2620 (14). Il-karbonju solidu inkorporat fil-koprodotti minħabba li jkun marbut kimikament b’mod permanenti fi prodotti elenkati fir-Regolament Delegat (UE) 2024/2620 jew il-karbonju solidu maħżun skont ir-rekwiżiti rilevanti biex jiġi żgurat il-ħżin permanenti stabbilit fil-metodoloġija adottata skont l-Artikolu 8(2) tar-Regolament (UE) 2024/3012 tal-Parlament Ewropew u tal-Kunsill (15) ma jitqiesx bħala emess.

13.

L-emissjonijiet mill-kombustjoni tal-fjuwil (e u) għandhom jirreferu għall-emissjonijiet totali mill-kombustjoni tal-fjuwil li jkun qed jintuża, inkluż l-emissjonijiet mill-kombustjoni tal-karbonju ta’ oriġini bijoloġika.

14.

Il-gassijiet serra meqjusa fil-kalkoli tal-emissjonijiet u l-ekwivalenti tad-diossidu tal-karbonju tagħhom għandhom ikunu l-istess bħal dawk speċifikati fil-Parti C, il-punt 4, tal-Anness V tad-Direttiva (UE) 2018/2001.

15.

Fejn proċess irendi koprodotti multipli bħal fjuwils jew sustanzi kimiċi, kif ukoll koprodotti tal-enerġija bħas-sħana, l-elettriku jew l-enerġija mekkanika esportati mill-impjant, l-emissjonijiet ta’ gassijiet serra għandhom jiġu allokati għal dawn il-koprodotti bl-applikazzjoni tal-approċċi li ġejjin bil-mod li ġej:

(a)	L-allokazzjoni għandha titwettaq fi tmiem il-proċess li jipproduċi l-koprodotti. L-emissjonijiet allokati għandhom jinkludu l-emissjonijiet mill-proċess innifsu, kif ukoll l-emissjonijiet attribwiti lill-inputs għall-proċess.

(b)

L-emissjonijiet li jridu jiġu allokati għandhom ikunu e i flimkien ma’ kwalunkwe frazzjoni ta’ e p , e td u e ccs li jseħħu sa u inkluż l-istadju tal-proċess li fih jiġu manifatturati l-koprodotti. Jekk input fil-proċess ikun fih innifsu koprodott ta’ proċess ieħor, l-allokazzjoni fil-proċess l-ieħor għandha ssir l-ewwel biex jiġu stabbiliti l-emissjonijiet li jridu jiġu attribwiti lill-input. L-emissjonijiet ta’ e użu eżistenti jridu jiġu allokati biss lill-koprodotti li jikkwalifikaw bħala fjuwils rinnovabbli ta’ oriġini mhux bijoloġika jew bħala fjuwils b’livell baxx ta’ emissjonijiet tal-karbonju.

(c)	Jekk kwalunkwe installazzjoni ġewwa l-konfini tal-proġett tittratta biss wieħed mill-koprodotti tal-proġett, allura l-emissjonijiet minn dik l-installazzjoni għandhom jiġu attribwiti kompletament għal dak il-koprodott.

(d)

Fejn il-proċess jippermetti li jinbidel il-proporzjon tal-koprodotti manifatturati, l-allokazzjoni għandha ssir abbażi tal-kawżalità fiżika billi jiġi ddeterminat l-effett fuq l-emissjonijiet tal-proċess ta’ inkrementazzjoni tal-output ta’ koprodott wieħed biss, filwaqt li l-outputs l-oħra jinżammu kostanti.

(e)

Fejn il-proporzjon tal-prodotti jkun fiss u l-koprodotti jkunu kollha fjuwils, elettriku jew sħana, l-allokazzjoni għandha ssir skont il-kontenut tal-enerġija. Jekk l-allokazzjoni tkun tikkonċerna s-sħana esportata fuq il-bażi tal-kontenut tal-enerġija, tista’ titqies biss il-parti utli tas-sħana, kif definita fil-Parti C, il-punt 16, tal-Anness V tad-Direttiva (UE) 2018/2001.

(f)

Fejn il-proporzjon tal-prodotti jkun fiss u xi koprodotti jkunu materjali mingħajr kontenut tal-enerġija, l-allokazzjoni għandha ssir abbażi tal-valur ekonomiku tal-koprodotti. Il-valur ekonomiku meqjus għandu jkun il-valur medju tal-ħruġ mill-fabbrika tal-prodotti matul l-aħħar 3 snin. Jekk din id-data ma tkunx disponibbli, il-valur għandu jiġi stmat mill-prezzijiet tal-komoditajiet u jitnaqqas il-kost tat-trasport u tal-ħżin.

16.

L-emissjonijiet mit-trasport u mid-distribuzzjoni (e td) għandhom jinkludu l-emissjonijiet mill-ħżin u d-distribuzzjoni tal-fjuwils lesti. L-emissjonijiet attribwiti lill-inputs e i għandhom jinkludu l-emissjonijiet mit-trasport u l-ħżin assoċjati tagħhom.

17.

Fejn proċess biex isiru fjuwils b’livell baxx ta’ emissjonijiet tal-karbonju jkun jipproduċi emissjonijiet tal-karbonju li jkunu maħżuna b’mod permanenti f’sit tal-ħżin ġeoloġiku, dak il-karbonju (espress bħala CO2eq) jista’ jiġi kkreditat lill-prodotti tal-proċess bħala tnaqqis fl-emissjonijiet taħt e ccs (f’gCO2eq/MJ ta’ fjuwil). It-terminu e ccs għandu jqis ir-rata ta’ qbid tas-CO2 mill-produzzjoni tal-fjuwils b’livell baxx ta’ emissjonijiet tal-karbonju, kif ukoll l-emissjonijiet kollha mill-attivitajiet operattivi għall-qbid tal-karbonju, it-trasport tas-CO2 u l-emissjonijiet mill-injezzjoni fis-sit tal-ħżin permanenti kif ġej:

e ccs = c CO 2 – e CO 2 -c – e CO2-t – e CO2-i

fejn:

c CO 2	=	is-CO2 maqbud fl-impjant tal-qbid tal-karbonju (gCO2eq/MJ ta’ fjuwil);
e CO2-c	=	l-emissjonijiet assoċjati mal-operazzjonijiet kollha għall-qbid, id-deidratazzjoni, il-kompressjoni u l-likwefazzjoni tal-karbonju tas-CO2 (gCO2eq/MJ ta’ fjuwil);
e CO2-t	=	l-emissjonijiet mit-trasport tas-CO2 bil-pipeline, bil-vapur, bil-barkun, bil-ferrovija jew bit-trakk mis-sit tal-qbid għas-sit tal-ħżin permanenti (gCO2eq/MJ ta’ fjuwil);
e CO2-i	=	l-emissjonijiet mill-operazzjonijiet tal-injezzjoni tas-CO2 fis-sit tal-ħżin permanenti (gCO2eq/MJ ta’ fjuwil).

It-terminu e ccs għandu jinkludi:

(a)

L-emissjonijiet tal-GHG għal kull MJ ta’ fjuwil maqbud fl-impjant tal-qbid tal-karbonju (c CO 2 ) għall-fini ta’ ħżin ġeoloġiku permanenti f’sit tal-ħżin permess skont id-Direttiva 2009/31/KE tal-Parlament Ewropew u tal-Kunsill (16) jew skont il-liġi nazzjonali applikabbli f’pajjiżi terzi, u li ma jintużax għall-irkupru mtejjeb taż-żejt u tal-gass. Il-liġi nazzjonali applikabbli li tirregola s-siti tal-ħżin ġeoloġiku għandha tipprevedi rekwiżiti xierqa ta’ monitoraġġ, rapportar u verifikazzjoni għall-identifikazzjoni ta’ tnixxijiet, kif ukoll tqiegħed obbligi legali fuq l-operatur tal-ħżin biex jiżgura rimedju f’konformità mad-dispożizzjonijiet legali applikabbli fl-Unjoni. Fil-każ ta’ tnixxija, l-ammont ekwivalenti ta’ emissjonijiet tal-karbonju ma għandux jiġi kkreditat bħala tnaqqis fl-emissjonijiet taħt e ccs . Is-siti tal-ħżin ġeoloġiku li ripetutament inixxu ma għandhomx jiġu aċċettati għall-injezzjoni (e CO2-i).

(b)

L-emissjonijiet tal-GHG għal kull MJ ta’ fjuwil mill-operazzjonijiet għall-qbid tas-CO2 (e CO2-c) Dawk l-emissjonijiet għandhom jinkludu l-emissjonijiet mill-użu tal-fjuwil, tas-sħana u tal-elettriku u mill-użu tal-input tal-materjal għall-qbid, kif ukoll is-sostituzzjonijiet materjali kollha (minħabba telf jew degradazzjoni). Dawk l-emissjonijiet għandhom jiġu kkalkulati f’konformità mat-Taqsima 21 tal-Anness IV tar-Regolament ta’ Implimentazzjoni tal-Kummissjoni (UE) 2018/2066 (17).

(c)

L-emissjonijiet tal-GHG għal kull MJ ta’ fjuwil mit-trasport tas-CO2 (e CO2-t) bil-pipeline, bil-vapur, bil-ferrovija, bit-trakk jew b’modalità marittima oħra mis-sit tal-qbid. L-emissjonijiet tal-GHG minħabba t-trasport tas-CO2 għandhom jiġu kkalkulati abbażi tad-distanza vvjaġġata, tat-tip modali u tat-tagħbija. Jekk is-CO2 injettat jiġi permezz ta’ żewġ modi tat-trasport differenti jew aktar, l-emissjonijiet għandhom jiġu kkalkulati bħala somma għal kull mod tat-trasport. L-emissjonijiet mit-trasport għal sorsi multipli għandhom jiġu allokati bl-użu tal-metodu ta’ allokazzjoni bbażat fuq il-massa. Jekk pipeline iġorr is-CO2 lejn siti ġeoloġiċi multipli jew iservi użi multipli, l-emissjonijiet mit-trasport tas-CO2 għandhom jiġu allokati bl-użu tal-metodu ta’ allokazzjoni bbażat fuq il-massa. L-emissjonijiet ta’ gassijiet serra mid-dispaċċ tas-CO2 bil-pipeline għandhom jiġu kkalkulati f’konformità mat-Taqsima 22 tal-Anness IV tar-Regolament ta’ Implimentazzjoni (UE) 2018/2066.

(d)

L-emissjonijiet tal-GHG għal kull MJ ta’ fjuwil mill-injezzjoni (e CO2-i) f’sit tal-ħżin ġeoloġiku permanenti permess skont id-Direttiva 2009/31/KE jew skont il-liġi nazzjonali applikabbli f’pajjiżi terzi. Dawn l-emissjonijiet għandhom jinkludu l-emissjonijiet kollha mill-kombustjoni tal-fjuwil f’tagħmir stazzjonarju użat fit-trasport tas-CO2, inklużi l-emissjonijiet mill-elettriku u l-emissjonijiet tal-fjuwils użati fit-trasport tas-CO2 minn stazzjonijiet booster assoċjati u attivitajiet oħra ta’ kombustjoni inklużi l-impjanti tal-enerġija fuq il-post. Dawn l-emissjonijiet għandhom jiġu kkalkulati f’konformità mat-Taqsima 23 tal-Anness IV tar-Regolament ta’ Implimentazzjoni (UE) 2018/2066.

L-emissjonijiet tal-GHG mill-użu tal-fjuwil, tas-sħana u tal-elettriku u mill-użu tal-input materjali għall-operazzjonijiet tal-qbid, id-deidratazzjoni, il-kompressjoni u l-likwefazzjoni għandhom jitqiesu għall-istadji kollha fil-katina tal-valur tas-CO2, mill-qbid sal-ħżin.

Għal każijiet mhux koperti mill-metodi ta’ kalkolu speċifiċi preskritti f’dan il-punt, l-emissjonijiet mill-inputs tal-enerġija u materjali għall-operazzjonijiet ta’ CCS (pereżempju, mill-kombustjoni tal-fjuwil, mis-sħana u mill-elettriku użati, kif ukoll minn materjali u sustanzi kimiċi) għandhom jiġu kkalkulati billi jiġu applikati b’analoġija l-punti 5 sa 11 dwar l-inputs tal-proċess.

Għandhom jitqiesu l-emissjonijiet kollha mill-ivventjar kif ukoll l-emissjonijiet li jaħarbu u tnixxijiet oħra tas-CO2 mill-qbid, id-deidratazzjoni, il-kompressjoni u l-likwefazzjoni tal-karbonju, mit-trasport tas-CO2 u mill-operazzjonijiet tal-injezzjoni.

F’installazzjonijiet li bdew joperaw qabel 30 ta' Diċembru 2025 is-CO2 jista’ jiġi allokat lil parti mill-output totali tal-proċess dment li r-rata tal-qbid tal-karbonju għall-parti tal-proċess inkorporat ma taqbiżx il-100 %. Għall-installazzjonijiet l-oħra kollha l-iffrankar nett tal-emissjonijiet irid jiġi allokat proporzjonalment għall-output tal-fjuwil kollu kemm hu.

18.

Fejn proċess għall-produzzjoni ta’ fjuwils b’livell baxx ta’ emissjonijiet tal-karbonju jkun jiġġenera emissjonijiet tas-CO2 li jkunu marbuta kimikament b’mod permanenti f’wieħed mill-prodotti elenkati fl-att delegat adottat f’konformità mal-Artikolu 12(3b), it-tieni subparagrafu, tad-Direttiva 2003/87/KE, dan għandu jiġi kkreditat lill-prodotti tal-fjuwil b’livell baxx ta’ emissjonijiet tal-karbonju tal-proċess bħala tnaqqis fl-emissjonijiet taħt e ccu (f’gCO2eq/MJ ta’ fjuwil). It-terminu e ccu għandu jqis ir-rata ta’ qbid tas-CO2 mill-produzzjoni tal-fjuwils b’livell baxx ta’ emissjonijiet tal-karbonju, kif ukoll l-emissjonijiet kollha mill-attivitajiet operattivi għall-qbid tal-karbonju, it-trasport tas-CO2 u l-emissjonijiet mill-proċess ta’ trasformazzjoni u użu biex isiru marbuta kimikament b’mod permanenti fi prodott, kif ġej:

e ccu = c CO 2 – e CO 2 -c – e CO 2 -t – e CO 2 -u

fejn:

c CO 2	=	is-CO2 maqbud fl-impjant tal-qbid tal-karbonju (gCO2eq/MJ ta’ fjuwil);
e CO 2 -c	=	l-emissjonijiet assoċjati mal-operazzjonijiet kollha għall-qbid, id-deidratazzjoni, il-kompressjoni u l-likwefazzjoni tal-karbonju tas-CO2 (gCO2eq/MJ ta’ fjuwil);
e CO2-t	=	l-emissjonijiet mit-trasport tas-CO2 bil-pipeline, bil-vapur, bil-barkun, bil-ferrovija jew bit-trakk mis-sit tal-qbid għas-sit tal-użu (gCO2eq/MJ ta’ fjuwil);
e CO2-u	=	l-emissjonijiet mill-użu tas-CO2 biex jintrabat kimikament b’mod permanenti fi prodotti (gCO2eq/MJ ta’ fjuwil).

L-emissjonijiet għandhom jitqiesu biss li huma marbuta kimikament b’mod permanenti fi prodott fejn il-prodott ikun elenkat fl-att delegat adottat skont l-Artikolu 12(3b), it-tieni subparagrafu, tad-Direttiva 2003/87/KE.

B. “VALURI STANDARD” GĦALL-INTENSITAJIET TAL-EMISSJONIJIET TAL-GHG TAL-INPUTS

It-Tabelli 1 u 2 jistabbilixxu l-intensitajiet tal-emissjonijiet tal-GHG tal-inputs minbarra l-elettriku:

Tabella 1

Ċiklu tal-ħajja tal-emissjonijiet tal-GHG prestabbiliti ta’ inputs differenti tal-enerġija, espressi fi g ta’ sustanza għal kull MJ tal-prodott; il-gassijiet serra minbarra s-CO2 għandhom jiġu kkonvertiti f’CO2eq billi jiġi mmultiplikat l-ammont tagħhom bil-valuri rispettivi għall-potenzjal ta’ tisħin globali tagħhom stabbilit fl-Anness tar-Regolament Delegat tal-Kummissjoni (UE) 2020/1044 (18) . Esklużi l-emissjonijiet mill-kombustjoni tal-fjuwil fil-fażi tal-użu tiegħu

Fjuwil

CO2

CH4 (*) (19)

N2O

Fjuwils fossili solidi

Antraċit

6,50

0,390

0,00026

Faħam tal-kokk

6,50

0,390

0,00026

Faħam bituminuż ieħor

6,50

0,390

0,00026

Faħam subbituminuż

1,70

Linjite

1,70

Fjuwil bi privattiva

5,00

0,228

Kokk tal-forn tal-kokk

5,00

0,228

Kokk tal-gass

5,00

0,228

Qatran tal-faħam

5,00

0,228

Mattunelli tal-faħam kannella

1,70

Gassijiet manifatturati

Gass tax-xogħlijiet tal-gass

5,00

0,228

Gass tal-forn tal-kokk

5,00

0,228

Gass tal-forn tal-blast

5,00

0,228

Gassijiet irkuprati oħra

5,00

0,228

Pit u prodotti tal-pit

Shale bituminuż u ramel bituminuż

5,00

0,228

Prodotti taż-żejt u tal-petroleum

Żejt grezz

5,00

0,228 (= CH4 _grezz)

Likwidi tal-gass naturali

5,00

0,228

Materja prima tar-raffineriji

5,00

0,228

Addittivi u ossiġenati

5,00

0,228

Idrokarburi oħra

5,00

0,228

Gass tar-raffineriji

5,00

0,228

Etan

5,00

0,228

Gassijiet tal-petroleum likwefatti

5,00

0,228

Gażolina tal-magni

13,40

1,08 * CH4 _grezz

Gażolina tal-avjazzjoni

13,40

1,08 * CH4 _grezz

Fjuwil tal-ġettijiet tat-tip tal-gażolina

13,40

1,08 * CH4 _grezz

Fjuwil tal-ġettijiet tat-tip tal-kerosin

13,40

1,08 * CH4 _grezz

Kerosin ieħor

13,40

1,08 * CH4 _grezz

Nafta

13,40

1,08 * CH4 _grezz

Żejt tal-gass u żejt tad-diżil

15,65

1,09 *CH4 _grezz

Żejt tal-fjuwil

1,01 * CH4 _grezz

Spirtu abjad u SBP

13,40

1,08 * CH4 _grezz

Lubrikanti

15,65

1,09 *CH4 _grezz

Bitum

5,00

0,228

Kokk tal-petroleum

5,00

0,228

Xama’ tal-paraffina

5,00

0,228

Prodotti oħra taż-żejt

5,00

0,228

Gass naturali (eskluż likwefazzjoni, trasport u rigassifikazzjoni tal-LNG) (20)

4,90

0,190

0,00037

Skart

Skart industrijali (mhux rinnovabbli)

Skart muniċipali mhux rinnovabbli

Enerġija nukleari

Sħana nukleari

0,50

Sors:

Elaborazzjoni interna tal-JRC ibbażata fuq:

—	JEC v5, IPCC 2006 & 2019 Guidelines for National Greenhouse Gas Inventories, V2Ch2, Stationary combustion

—

IFEU 2023

—	Energy and Environmental Research Associates, LLC 2024

—	UNECE 2022, Carbon Neutrality in the UNECE region: Integrated Life-cycle Assessment of Electricity Sources

Tabella 2

Ċiklu tal-ħajja tal-emissjonijiet tal-GHG prestabbiliti tal-inputs materjali

Input materjali

Emissjonijiet totali

gCO2eq/kg

Ammonijaka

2 351,3

Klorur tal-kalċju (CaCl2)

38,8

Ċikloeżan

723,0

Aċidu idrokloriku (HCl)

1 061,1

Lubrikanti

947,0

Sulfat tal-manjeżju (MgSO4)

191,8

Nitroġenu

56,4

Aċidu fosforiku (H3PO4)

3 124,7

Idrossidu tal-potassju (KOH)

419,1

CaO pur għall-proċessi

1 193,2

Karbonat tas-sodju (Na2CO3)

1 245,1

Klorur tas-sodju (NaCl)

13,3

Idrossidu tas-sodju (NaOH)

529,7

Metossidu tas-sodju (Na(CH3O))

2 425,5

Diossidu tal-kubrit (SO2)

53,3

Aċidu sulfuriku (H2SO4)

217,5

Urea

1 846,6

Sors:

ir-Rapport JEC-WTW u l-kalkoli tad-Direttiva dwar l-Enerġija Rinnovabbli

C. INTENSITÀ TAL-EMISSJONIJIET TAL-GHG TAL-ELETTRIKU

Metodoloġija għall-kalkolu tal-intensitajiet tal-emissjonijiet tal-GHG tal-elettriku

L-intensità tal-emissjonijiet tal-GHG tal-elettriku għandha tiġi ddeterminata fil-livell tal-pajjiżi jew fil-livell taż-żoni tal-offerti. L-intensità tal-emissjonijiet tal-GHG tal-elettriku tista’ tiġi ddeterminata fil-livell taż-żoni tal-offerti biss jekk id-data meħtieġa tkun disponibbli għall-pubbliku. L-intensità tal-karbonju tal-elettriku, espressa bħala gCO2eq/MJ, għandha tiġi kkalkulata billi jitqiesu s-sorsi tal-enerġija primarji potenzjali kollha għall-ġenerazzjoni tal-elettriku, it-tip reali ta’ impjant, l-effiċjenzi tal-konverżjoni u l-konsum proprju tal-elettriku f’kull impjant tal-enerġija.

Il-kalkolu għandu jqis l-emissjonijiet tal-ekwivalenti ta’ CO2 kollha assoċjati mal-kombustjoni u l-provvista tal-fjuwils użati għall-produzzjoni tal-elettriku. Dan il-kalkolu għandu jiddependi fuq l-ammont ta’ fjuwils differenti użati fil-faċilitajiet tal-produzzjoni tal-elettriku, flimkien mal-fatturi ta’ emissjoni mill-kombustjoni tal-fjuwil u l-fatturi ta’ emissjoni upstream (stadji tal-produzzjoni, tar-raffinar u tat-trasport) tal-fjuwil.

Il-gassijiet serra minbarra s-CO2 għandhom jiġu kkonvertiti f’CO2eq billi jiġi mmultiplikat l-ammont tagħhom bil-valuri rispettivi għall-potenzjal ta’ tisħin globali tagħhom stabbilit fl-Anness tar-Regolament Delegat (UE) 2020/1044. Meta jinħarqu l-fjuwils bijoġeniċi, l-emissjonijiet tas-CO2 ma għandhomx jitqiesu minħabba l-oriġini bijoġenika tagħhom, iżda għandhom jitqiesu l-emissjonijiet tas-CH4 u tal-N2O.

Għall-kalkolu tal-emissjonijiet ta’ gassijiet serra mill-kombustjoni tal-fjuwil, għandhom jintużaw il-fatturi tal-emissjonijiet prestabbiliti tal-IPCC għall-kombustjoni stazzjonarja fl-industriji tal-enerġija, ara t-Tabella 3). L-emissjonijiet upstream għandhom jinkludu emissjonijiet mill-proċessi u l-fażijiet kollha meħtieġa biex il-fjuwil ikun lest biex jipprovdi l-produzzjoni tal-elettriku. Dawn għandhom jirriżultaw mill-estrazzjoni, mir-raffinar u mit-trasport tal-fjuwil użat għall-produzzjoni tal-elettriku.

Barra minn hekk, għandhom jitqiesu l-emissjonijiet upstream kollha mill-kultivazzjoni, mill-ħsad, mill-ġbir, mill-ipproċessar u mit-trasport tal-bijomassa. Il-pit u l-komponenti tal-materjali tal-iskart li jkunu ta’ oriġini fossili għandhom jiġu ttrattati bħala fjuwil fossili.

Il-fjuwils użati għall-produzzjoni grossa tal-elettriku f’impjanti tal-elettriku biss għandhom jiġu ddeterminati abbażi tal-produzzjoni tal-elettriku u l-effiċjenza tal-konverżjoni għall-elettriku. Fil-każ ta’ impjant ta’ sħana u enerġija kkombinati (CHP, Combined Heat and Power), il-fjuwils użati għas-sħana prodotta fis-CHP għandhom jingħaddu billi titqies il-produzzjoni alternattiva tas-sħana b’effiċjenzi ġenerali medji ta’ 85 %, filwaqt li l-bqija għandhom jiġu attribwiti għall-ġenerazzjoni tal-elettriku.

Għall-impjanti tal-enerġija nukleari, l-effiċjenza tal-konverżjoni mis-sħana nukleari għandha tkun preżunta li hija ta’ 33 % jew data pprovduta mill-Eurostat jew sors akkreditat simili.

L-ebda fjuwil ma għandu jiġi assoċjat mal-produzzjoni tal-elettriku minn sorsi ta’ enerġija rinnovabbli li jinkludu l-idroenerġija, l-enerġija solari, eolika u ġeotermali. L-emissjonijiet mill-kostruzzjoni, mid-dekummissjonar u mill-immaniġġjar tal-iskart ta’ faċilitajiet li jipproduċu l-elettriku ma għandhomx jitqiesu. Għalhekk, l-emissjonijiet ta’ ekwivalenti ta’ diossidu tal-karbonju assoċjati mal-produzzjoni tal-elettriku minn sorsi ta’ enerġija rinnovabbli (enerġija mir-riħ, solari, idro u ġeotermali) għandhom jitqiesu li huma ugwali għal żero.

L-emissjonijiet ta’ ekwivalenti ta’ CO2 mill-produzzjoni grossa tal-elettriku għandhom jinkludu emissjonijiet upstream elenkati fit-Tabella 1 u l-fatturi ta’ emissjoni prestabbiliti għall-kombustjoni stazzjonarja elenkati fit-Tabelli 3 u 4. L-emissjonijiet upstream għall-provvista tal-fjuwil użat għandhom jiġu kkalkolati billi jiġu applikati l-fatturi tal-emissjonijiet upstream fit-Tabella 1.

Il-kalkolu tal-intensità tal-karbonju tal-elettriku għandu jsir skont il-formuli li ġejjin:

fejn:

e gross_prod	=	L-emissjonijiet ta’ ekwivalenti ta’ CO2 [gCO2eq]
c i-ups	=	Il-fatturi tal-emissjonijiet upstream ta’ ekwivalenti ta’ CO2 [gCO2eq/MJ]
c i-comb	=	il-fatturi tal-emissjonijiet ekwivalenti ta’ CO2 mill-kombustjoni tal-fjuwil [gCO2eq/MJ] mit-Tabelli 3 u 4; inklużi l-emissjonijiet tas-CH4 tal-N2O espressi bħala CO2eq/MJ. Għall-każijiet fejn is-CO2 jinħażen b’mod permanenti minn faċilitajiet tas-CCS, il-fattur tal-emissjonijiet ta’ CO2 mill-kombustjoni tal-fjuwil għandu juża l-valuri prestabbiliti għas-CO2 mogħtija fit-Tabella 3 imnaqqsa mill-impatt nett tas-CCS
Bi	=	Il-konsum tal-fjuwil i għall-ġenerazzjoni tal-elettriku [MJ]
i = 1…k	=	Il-fjuwils użati għall-produzzjoni tal-elettriku

L-ammont ta’ produzzjoni netta tal-elettriku jiġi ddeterminat mill-produzzjoni grossa tal-elettriku, mill-konsum proprju tal-elettriku fl-impjant tal-enerġija u mit-telf tal-elettriku fil-ħżin tal-pompa.

E net = E gros – E own – E pump

fejn:

E net	=	il-produzzjoni netta tal-elettriku [MJ]
E gross	=	il-produzzjoni grossa tal-elettriku [MJ]
E own	=	il-konsum intern proprju tal-elettriku fl-impjant tal-enerġija [MJ]
E pump	=	it-telf tal-elettriku fil-ħżin tal-pompa [MJ]

L-intensità tal-karbonju tal-elettriku prodott nett għandha tkun l-emissjonijiet grossi totali tal-GHG għall-produzzjoni tal-elettriku nett:

CI = e gros_prod / E net

fejn:

CI = l-emissjonijiet ta’ ekwivalenti ta’ CO2 mill-produzzjoni tal-elettriku espressi fi [gCO2eq/MJ].

Data dwar il-produzzjoni tal-elettriku u l-konsum tal-fjuwil

Id-data dwar il-produzzjoni tal-elettriku u l-konsum tal-fjuwil għandha tinkiseb għall-pajjiżi membri u assoċjati tal-AIE mid-data u l-istatistika tal-AIE li jipprovdu data dwar il-bilanċi tal-enerġija u l-elettriku prodott bl-użu ta’ diversi fjuwils, pereżempju, mis-sit web tal-AIE, it-taqsima tad-Data u l-Istatistika (“Energy Statistics Data Browser”) (21).

Għall-Istati Membri, id-data tal-Eurostat hija aktar dettaljata u tista’ tintuża minflok. Fejn l-intensità tal-emissjonijiet tal-GHG tiġi stabbilita fil-livell taż-żoni tal-offerti, għandha tintuża data mill-istatistika nazzjonali uffiċjali, mill-operaturi tas-sistema ta’ trażmissjoni jew min-Network Ewropew għall-Operaturi tas-Sistema ta’ Trażmissjoni tal-Elettriku (ENTSO-E, European Network of Transmission System Operators for Electricity) bl-istess livell ta’ dettall bħad-data tal-AIE. Id-data dwar il-konsum tal-fjuwil għandha tinkludi d-data disponibbli fl-ogħla livell ta’ dettall disponibbli mill-istatistika nazzjonali: fjuwils fossili solidi, gassijiet manifatturati, pit u prodotti tal-pit, shale bituminuż u ramel bituminuż, prodotti taż-żejt u tal-petroleum, gass naturali, sorsi ta’ enerġija rinnovabbli u bijofjuwils, skart mhux rinnovabbli u nukleari. Is-sorsi ta’ enerġija rinnovabbli u l-bijofjuwils jinkludu l-fjuwils bijoġeniċi kollha, l-iskart bijoġeniku, l-enerġija idro, mill-oċeani, mill-marea, mill-mewġ, ġeotermali, eolika, solari u ambjentali mill-pompi tas-sħana.

Kummerċ nett tal-elettriku

Ladarba jiġu kkalkulati l-produzzjoni nazzjonali tal-elettriku u l-intensità tal-karbonju tagħha, għandhom jitqiesu l-importazzjonijiet annwali netti minn pajjiżi oħra. Għal kull pajjiż ta’ skambju, l-importazzjoni netta tiġi kkalkulata bħala d-differenza bejn l-importazzjonijiet u l-esportazzjonijiet. Jekk tkun akbar minn żero, li jfisser li l-pajjiż ikun importatur nett tal-elettriku, l-intensità nazzjonali tal-karbonju tiġi kkalkulata billi jitqiesu b’mod proporzjonali l-emissjonijiet assoċjati mal-elettriku nett importat. Sabiex jitqiesu wkoll l-importazzjonijiet tal-pajjiż esportatur, dan il-kalkolu għandu jitwettaq b’mod iterattiv sakemm il-valuri jikkonverġu, mill-inqas tliet darbiet. Meta l-intensità tal-emissjonijiet tal-GHG tal-elettriku tiġi ddeterminata fil-livell ta’ żoni tal-offerti, l-istess approċċ għandu jiġi applikat fil-livell taż-żoni tal-offerti.

Data tal-input minn sorsi tal-letteratura

Tabella 3

Fatturi tal-emissjonijiet prestabbiliti għall-kombustjoni stazzjonarja [g CO2eq/MJ ta’ fjuwil fuq valur kalorifiku nett]

Fjuwil

CO2

CH4

N2O

Fjuwils fossili solidi

Antraċit

98,3

0,03

0,41

Faħam tal-kokk

94,6

0,03

0,41

Faħam bituminuż ieħor

94,6

0,03

0,41

Faħam subbituminuż

96,1

0,03

0,41

Linjite

101,0

0,03

0,41

Fjuwil bi privattiva

97,5

0,03

0,41

Kokk tal-forn tal-kokk

107,0

0,03

0,41

Kokk tal-gass

107,0

0,03

Qatran tal-faħam

80,7

0,03

0,41

Mattunelli tal-faħam kannella

97,5

0,03

0,41

Gassijiet manifatturati

Gass tax-xogħlijiet tal-gass

44,4

0,03

Gass tal-forn tal-kokk

44,4

0,03

Gass tal-forn tal-blast

260,0

0,03

Gassijiet irkuprati oħra

182,0

0,03

Pit u prodotti tal-pit

106,0

0,03

0,41

Shale bituminuż u ramel bituminuż

107,0

0,03

0,41

Prodotti taż-żejt u tal-petroleum

Żejt grezz

73,3

0,09

0,16

Likwidi tal-gass naturali

64,2

0,09

0,16

Materja prima tar-raffineriji

73,3

0,09

0,16

Addittivi u ossiġenati

73,3

0,09

0,16

Idrokarburi oħra

73,3

0,09

0,16

Gass tar-raffineriji

57,6

0,03

Etan

61,6

0,03

Gassijiet tal-petroleum likwefatti

63,1

0,03

Gażolina tal-magni

69,3

0,09

0,16

Gażolina tal-avjazzjoni

70,0

0,09

0,16

Fjuwil tal-ġettijiet tat-tip tal-gażolina

70,0

0,09

0,16

Fjuwil tal-ġettijiet tat-tip tal-kerosin

71,5

0,09

0,16

Kerosin ieħor

71,9

0,09

0,16

Nafta

73,3

0,09

0,16

Żejt tal-gass u żejt tad-diżil

74,1

0,09

0,16

Żejt tal-fjuwil

77,4

0,09

0,16

Spirtu abjad u SBP

73,3

0,09

0,16

Lubrikanti

73,3

0,09

0,16

Bitum

80,7

0,09

0,16

Kokk tal-petroleum

97,5

0,09

0,16

Xama’ tal-paraffina

73,3

0,09

0,16

Prodotti oħra taż-żejt

73,3

0,09

0,16

Gass naturali

56,1

0,03

Skart

Skart industrijali (mhux rinnovabbli)

143,0

0,89

1,09

Skart muniċipali mhux rinnovabbli

91,7

0,89

1,09

Sors:

l-IPCC, 2006.

Tabella 4

Fatturi tal-emissjonijiet prestabbiliti għall-kombustjoni stazzjonarja tal-fjuwils ta’ oriġini mill-bijomassa [g CO2eq/MJ ta’ fjuwil fuq valur kalorifiku nett]

Fjuwil

CO2

CH4

N2O

Bijofjuwils solidi primarji

0,89

1,09

Karbonju

5,96

1,09

Bijogassijiet

0,03

Skart muniċipali rinnovabbli

0,89

1,09

Bijogażolina pura

0,09

0,16

Bijogażolina mħallta

0,09

0,16

Bijodiżil pur

0,09

0,16

Bijodiżil imħallat

0,09

0,16

Kerosin bijoloġiku pur tal-ġettijiet

0,09

0,16

Kerosin bijoloġiku mħallat tal-ġettijiet

0,09

0,16

Bijofjuwils likwidi oħra

0,09

0,16

Sors:

l-IPCC, 2006.

It-Tabella 5 tinkludi l-valuri medji annwali għall-intensità tal-emissjonijiet ta’ gassijiet serra tal-elettriku kkalkulati skont il-formuli msemmija hawn fuq f’din il-Parti C fil-livell tal-pajjiż fl-Unjoni. Wieħed mill-ħames valuri annwali disponibbli l-iktar reċenti jista’ jintgħażel għall-elettriku miksub fil-pajjiżi rispettivi (22).

Tabella 5

Intensità tal-emissjonijiet tal-elettriku ġġenerat u importat nett fl-Istati Membri mill-2019 sal-2023

Pajjiż

Intensità tal-emissjonijiet tal-elettriku ġġenerat u importat nett (gCO2eq/MJ)

2019

2020

2021

2022

2023

L-Awstrija

65,2

55,6

62,7

65,3

43,8

Il-Belġju

57,0

58,2

47,9

53,2

48,2

Il-Bulgarija

136,7

117,6

129,4

149,7

100,5

Il-Kroazja

76,1

63,0

79,9

87,8

64,3

Ċipru

203,4

199,3

194,3

191,7

184,6

Iċ-Ċekja

146,5

132,0

142,5

146,7

127,6

Id-Danimarka

37,1

22,6

27,5

26,3

15,9

L-Estonja

162,6

88,8

111,0

135,4

78,0

Il-Finlandja

24,3

18,7

21,5

18,9

12,5

Franza

18,8

17,8

18,3

25,0

15,4

Il-Ġermanja

110,5

99,7

110,2

117,2

103,8

Il-Greċja

158,3

127,9

115,5

115,4

101,1

L-Ungerija

80,2

73,0

70,8

71,3

54,6

L-Irlanda

100,0

92,2

110,5

101,4

85,6

L-Italja

97,6

92,4

97,0

108,1

87,9

Il-Latvja

84,7

57,5

68,4

85,9

44,6

Il-Litwanja

33,8

31,8

35,6

32,1

19,1

Il-Lussemburgu

86,2

76,5

76,1

87,1

70,6

Malta

122,7

129,8

120,4

121,7

115,7

In-Netherlands

123,9

99,7

101,8

96,0

77,8

Il-Polonja

211,9

198,1

211,2

202,8

174,8

Il-Portugall

81,0

64,4

53,1

56,9

39,1

Ir-Rumanija

108,0

91,3

88,1

93,9

73,1

Is-Slovakkja

85,8

79,1

86,6

93,2

60,9

Is-Slovenja

72,3

66,4

68,8

67,9

54,2

Spanja

69,4

54,7

52,6

60,8

47,3

L-Iżvezja

4,3

3,3

3,7

3,6

3,4

Sors:

il-JRC, 2025 mid-data tal-Eurostat

(1) Dan is-sehem jiġi ddeterminat billi jitqabbel l-istess tip ta’ input, pereżempju s-sehem tal-idroġenu b’livell baxx ta’ emissjonijiet tal-karbonju, fl-idroġenu kollu użat fil-proċess.

(2) Il-bijofjuwils, il-bijolikwidi u l-fjuwils tal-bijomassa jistgħu jkunu parti mill-proċess delineat meta jkunu qed jissostitwixxu input ieħor li mhux l-input ta’ fjuwils fossili konvenzjonali, li minnu l-fjuwils b’livell baxx ta’ emissjonijiet tal-karbonju u l-fjuwils rinnovabbli jkunu qed jissostitwixxu l-ogħla sehem.

(3) Meta kemm il-fjuwils rinnovabbli ta’ oriġini mhux bijoloġika kif ukoll il-fjuwils b’livell baxx ta’ emissjonijiet tal-karbonju jiġu prodotti fl-istess faċilità, il-perjodu magħżul skont ir-Regolament (UE) 2023/1185 u skont din il-metodoloġija għandu jkun l-istess.

(4) Jekk fjuwil jiġi prodott f’bosta proċessi sussegwenti, il-frazzjoni għandha tiġi ddeterminata għal kull proċess sakemm ma tkunx prattika industrijali komuni li l-proċessi jiġu integrati teknikament u ġeografikament.

(5) Għall-inputs materjali li jkun fihom l-ilma, il-valur tat-tisħin aktar baxx jitqies bħala l-valur tat-tisħin aktar baxx tal-parti xotta tal-input materjal (jiġifieri l-enerġija meħtieġa biex l-ilma jiġi evaporat ma titqiesx). Il-fjuwils likwidi u gassużi rinnovabbli għat-trasport ta’ oriġini mhux bijoloġika użati bħala prodotti intermedji għall-produzzjoni ta’ fjuwils konvenzjonali u ta’ bijofjuwils ma jitqisux.

(6) Il-proċessi inkorporati jinkludu proċessi li

—	jseħħu fl-istess kumpless industrijali, u

—	jużaw mill-ġdid is-sħana jew outputs oħra li diffiċli jiġu ttrasportati ta’ wieħed mill-proċessi.

(7) Jekk l-intensitajiet tal-karbonju jittieħdu mill-Parti B ta’ dan l-Anness, l-emissjonijiet mill-kombustjoni ma għandhomx jitqiesu. Dan minħabba li l-emissjonijiet mill-kombustjoni jingħaddu fl-ipproċessar jew fl-emissjonijiet mill-kombustjoni tal-fjuwil finali.

(8) Ir-Regolament (UE) 2024/1787 tal-Parlament Ewropew u tal-Kunsill tat-13 ta’ Ġunju 2024 dwar it-tnaqqis tal-emissjonijiet tal-metan fis-settur tal-enerġija u li jemenda r-Regolament (UE) 2019/942 (ĠU L, 2024/1787, 15.7.2024, ELI: http://data.europa.eu/eli/reg/2024/1787/oj).

(9) Il-valuri rrapportati għandhom jiġu kkalkulati f’konformità mal-metodoloġija stabbilita mill-Kummissjoni f’konformità mal-Artikolu 29(4) tar-Regolament (UE) 2024/1787. Sa tali data meta tiġi stabbilita dik il-metodoloġija, jistgħu jiġu applikati metodi xjentifiċi oħra kif xieraq bħall-metodoloġija OGMP 2.0.

(10) B’mod konsistenti mal-punt 6, l-intensità tal-emissjonijiet ma għandhiex tinkludi l-emissjonijiet inkorporati fil-kontenut tal-karbonju tal-input fornut.

(11) Regoli ekwivalenti għar-regoli stabbiliti skont l-Artikolu 27(6) għall-fjuwils rinnovabbli ta’ oriġini mhux bijoloġika (RFNBO, Renewable Fuels of Non-Biological Origin) jistgħu jiġu applikati għad-determinazzjoni tal-fatturi tal-emissjonijiet għall-produzzjoni mitlufa tal-elettriku minħabba l-użu tal-gass tal-ipproċessar tal-iskart u tal-gass tal-egżost ta’ oriġini mhux rinnovabbli li jiġu prodotti bħala konsegwenza inevitabbli u mhux intenzjonali tal-proċess tal-produzzjoni fl-installazzjonijiet industrijali.

(12) Id-Direttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 li tistabbilixxi skema għall-iskambju ta’ kwoti ta’ emissjonijiet ta’ gassijiet serra ġewwa l-Komunità u li temenda d-Direttiva tal-Kunsill 96/61/KE (ĠU L 275, 25.10.2003, p. 32, ELI: http://data.europa.eu/eli/dir/2003/87/oj).

(13) Ir-Regolament (UE) 2021/1119 tal-Parlament Ewropew u tal-Kunsill tat-30 ta’ Ġunju 2021 li jistabbilixxi l-qafas biex tinkiseb in-newtralità klimatika u li jemenda r-Regolamenti (KE) Nru 401/2009 u (UE) 2018/1999 (“il-Liġi Ewropea dwar il-Klima”) (ĠU L 243, 9.7.2021, p. 1, ELI: http://data.europa.eu/eli/reg/2021/1119/oj).

(14) Ir-Regolament Delegat tal-Kummissjoni (UE) 2024/2620 tat-30 ta’ Lulju 2024 li jissupplimenta d-Direttiva 2003/87/KE tal-Parlament Ewropew u tal-Kunsill fir-rigward tar-rekwiżiti biex il-gassijiet serra jitqiesu li saru marbuta kimikament b’mod permanenti fi prodott (ĠU L, 2024/2620, 4.10.2024, ELI: http://data.europa.eu/eli/reg_del/2024/2620/oj).

(15) Ir-Regolament (UE) 2024/3012 tal-Parlament Ewropew u tal-Kunsill tas-27 ta’ Novembru 2024 li jistabbilixxi qafas ta’ ċertifikazzjoni tal-Unjoni għall-assorbiment permanenti tal-karbonju, tnaqqis tal-emissjonijiet mill-ħamrijail-kultivazzjoni karbonika u l-ħżin tal-karbonju fil-prodotti (ĠU L, 2024/3012, 6.12.2024, ELI: http://data.europa.eu/eli/reg/2024/3012/oj).

(16) Id-Direttiva 2009/31/KE tal-Parlament Ewropew u tal-Kunsill tat-23 ta’ April 2009 dwar il-ħżin ġeoloġiku tad-dijossidu tal-karbonju u li temenda d-Direttiva tal-Kunsill 85/337/KEE, id-Direttivi 2000/60/KE, 2001/80/KE, 2004/35/KE, 2006/12/KE, 2008/1/KE u r-Regolament (KE) Nru 1013/2006 (ĠU L 140, 5.6.2009, p. 114, ELI: http://data.europa.eu/eli/dir/2009/31/oj).

(17) Ir-Regolament ta’ Implimentazzjoni tal-Kummissjoni (UE) 2018/2066 tad-19 ta’ Diċembru 2018 dwar il-monitoraġġ u r-rapportar ta’ emissjonijiet ta’ gassijiet serra skont id-Direttiva 2003/87/KE tal-Parlament Ewropew u tal-Kunsill u li jemenda r-Regolament tal-Kummissjoni (UE) Nru 601/2012 (ĠU L 334, 31.12.2018, p. 1, ELI: http://data.europa.eu/eli/reg_impl/2018/2066/oj).

(18) Ir-Regolament Delegat tal-Kummissjoni (UE) 2020/1044 tat-8 ta’ Mejju 2020 li jissupplimenta r-Regolament (UE) 2018/1999 tal-Parlament Ewropew u tal-Kunsill fir-rigward tal-valuri għall-potenzjali ta’ tisħin globali u l-linji gwida tal-inventarju u fir-rigward tas-sistema tal-inventarju tal-Unjoni u li jħassar ir-Regolament ta’ Delega tal-Kummissjoni (UE) Nru 666/2014 (ĠU L 230, 17.7.2020, p. 1, ELI: http://data.europa.eu/eli/reg_del/2020/1044/oj).

(19) (*) Għandu jitqies fattur ta’ allokazzjoni għall-kalkolu tal-emissjonijiet upstream tal-prodotti taż-żejt (mill-fattur reali ta’ emissjoni upstream tal-metan taż-żejt grezz meqjus): 1,09, 1,08, 1,01 (MJ ta’ żejt grezz/MJ ta’ prodott) għad-diżil, għall-gażolina u għaż-żejt tal-fjuwil tqil (HFO, Heavy Fuel Oil) rispettivament.

(20) (**) għall-gass naturali li ġie ttrasportat f’forma likwida għandhom jiżdiedu emissjonijiet tal-GHG addizzjonali (CO2, CH4 u N2O) minħabba l-likwefazzjoni, it-trasport u r-rigassifikazzjoni tal-gass naturali.

Għall-emissjonijiet tal-metan li jirriżultaw mill-istadji tal-likwefazzjoni, tat-trasport u tar-rigassifikazzjoni, l-operaturi għandhom isegwu l-punt (7) ta’ dan l-Anness, f’konformità mar-Regolament (UE) 2024/1787.

(21) Eżempju: https://www.iea.org/data-and-statistics/data-tools/energy-statistics-data-browser?country=GERMANY&fuel=Energy%20supply&indicator=TESbySource.

(22) Id-data aġġornata se tkun disponibbli mill-Kummissjoni Ewropea fuq bażi regolari.