REGOLAMENT TA’ IMPLIMENTAZZJONI TAL-KUMMISSJONI (UE) 2025/2347

tal-21 ta’ Novembru 2025

dwar it-tariffi u l-imposti applikati mill-Aġenzija tas-Sikurezza tal-Avjazzjoni tal-Unjoni Ewropea, u li jħassar ir-Regolament ta’ Implimentazzjoni (UE) 2019/2153

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (1), u b’mod partikolari, l-Artikolu 126(4) tiegħu,

Billi:

(1)

Skont l-Artikolu 120(1) tar-Regolament (UE) 2018/1139, id-dħul tal-Aġenzija tas-Sikurezza tal-Avjazzjoni tal-Unjoni Ewropea (“l-Aġenzija”) jinkludi, fost l-oħrajn, it-tariffi mħallsin mill-applikanti għaċ-ċertifikati li jinħarġu mill-Aġenzija, u mid-detenturi tagħhom, kif ukoll minn persuni li rreġistraw dikjarazzjonijiet mal-Aġenzija, u l-imposti għall-pubblikazzjonijiet, għat-trattament tal-appelli, għat-taħriġ u għal kwalunkwe servizz ieħor ipprovdut mill-Aġenzija.

(2)

Ir-Regolament ta’ Implimentazzjoni tal-Kummissjoni (UE) 2019/2153 (2) stabbilixxa t-tariffi u l-imposti li jridu jiġu applikati mill-Aġenzija. Madankollu, it-tariffi jridu jiġu aġġustati sabiex jinkiseb l-irkupru tal-kost sħiħ tal-attivitajiet relatati mas-servizzi li jingħataw mill-Aġenzija filwaqt li tiġi evitata l-akkumulazzjoni sinifikanti ta’ surplus, f’konformità mal-Artikolu 126(2) tar-Regolament (UE) 2018/1139.

(3)

Minn naħa waħda, it-tariffi u l-imposti aġġustati jenħtieġ li jiġu stabbiliti b’mod trasparenti, ekwu, mhux diskriminatorju u uniformi, u jenħtieġ li jqisu l-previżjonijiet tal-Aġenzija fir-rigward tal-ammont ta’ xogħol tagħha, il-kostijiet relatati u fatturi rilevanti oħrajn. Min-naħa l-oħra, it-tariffi u l-imposti applikati mill-Aġenzija jenħtieġ li ma jipperikolawx il-kompetittività tal-industrija tal-Unjoni kkonċernata. Bl-istess mod, jenħtieġ li dawn jiġu stabbiliti fuq bażi li tqis kif xieraq il-kapaċità tal-persuni ġuridiċi jew fiżiċi kkonċernati, b’mod partikolari l-intrapriżi mikro, żgħar u ta’ daqs medju (SMEs, micro, small and medium-sized enterprises), li jħallsu t-tariffi.

(4)

Filwaqt li jiġu rikonoxxuti r-restrizzjonijiet operazzjonali, finanzjarji u amministrattivi li jiffaċċjaw l-SMEs, jixraq li jiġu applikati rekwiżiti u proċessi li jkunu proporzjonati għall-ispeċifiċitajiet tagħhom u li jittaffa l-piż amministrattiv żejjed. Ir-rekwiżiti tekniċi regolatorji fil-qasam tal-ajrunavigabbiltà inizjali u kontinwa, il-liċenzjar u t-taħriġ tal-persunal, l-operazzjonijiet tal-ajru, is-servizzi tan-navigazzjoni bl-ajru u ċ-ċertifikazzjoni tat-tagħmir u l-proċessi ta’ ċertifikazzjoni relatati huma għalhekk skalati jew simplifikati għall-SMEs. L-istruttura tat-tariffi hija adattata għad-daqs u l-kumplessità fir-rigward tal-prodott relatat jew l-approvazzjoni organizzazzjonali. Barra minn hekk, l-Aġenzija qed tipprovdi gwida u appoġġ fl-implimentazzjoni ta’ dawn ir-rekwiżiti.

(5)

Filwaqt li jenħtieġ li s-sikurezza tal-avjazzjoni ċivili tkun it-tħassib ewlieni, jenħtieġ li madankollu l-Aġenzija tqis bis-sħiħ il-kosteffiċjenza meta tkun qed twettaq il-kompiti li huma d-dmir tagħha, filwaqt li tqis il-kamp ta’ applikazzjoni ta’ dawk il-kompiti, kif stabbilit fir-Regolament (UE) 2018/1139, u r-riżorsi disponibbli għaliha.

(6)

Jenħtieġ li l-Aġenzija tkun intitolata tapplika tariffi u imposti għall-kompiti ta’ ċertifikazzjoni jew għall-forniment ta’ servizzi oħrajn, li ma jissemmewx b’mod speċifiku fl-Anness ta’ dan ir-Regolament, iżda li huma fil-kamp ta’ applikazzjoni tar-Regolament (UE) 2018/1139 jew li huma imposti fuq l-Aġenzija skont leġiżlazzjoni rilevanti oħra tal-Unjoni, biex tiffinanzja l-kostijiet assoċjati.

(7)

Il-ftehimiet imsemmijin fl-Artikolu 68(1) tar-Regolament (UE) 2018/1139 normalment jipprovdu bażi għall-evalwazzjoni tal-ammont ta’ xogħol reali involut fiċ-ċertifikazzjoni tal-prodotti ta’ pajjiżi terzi. Fil-prinċipju, il-proċess għall-validazzjoni mill-Aġenzija taċ-ċertifikati maħruġin minn pajjiż terz li miegħu l-Unjoni għandha ftehim xieraq huwa deskritt f’dan il-ftehim u jirriżulta f’ammont ta’ xogħol differenti mill-ammont ta’ xogħol meħtieġ għall-attivitajiet ta’ ċertifikazzjoni mill-Aġenzija. Dan huwa primarjament minħabba l-fatt li l-Aġenzija tista’ sserraħ, sa ċertu punt, fuq l-attivitajiet ta’ ċertifikazzjoni diġà mwettqin mill-awtorità tal-pajjiż terz skont it-termini tal-ftehim rilevanti, u b’hekk jitnaqqas l-ammont ta’ xogħol meħtieġ mill-Aġenzija. Għalhekk, huwa meħtieġ li t-tariffi applikabbli jiġu aġġustati biex jirriflettu n-natura tal-ammont ta’ xogħol assoċjat ma’ dawn il-validazzjonijiet.

(8)	Sabiex jiġu żgurati ċ-ċertezza legali, l-effiċjenza amministrattiva u l-ġestjoni finanzjarja tajba, jenħtieġ li jiġu ffissati l-limiti ta’ żmien għall-ħlas tat-tariffi u l-imposti applikati skont dan ir-Regolament.

(9)	Fl-interess tal-ekwità finanzjarja u tal-proporzjonalità, meta applikazzjoni tiġi rrifjutata, jew meta t-twettiq ta’ kompitu relatat ma’ applikazzjoni jiġi interrott jew itterminat, it-tariffi pagabbli jenħtieġ li jiġu ffissati f’ammont xieraq li jqis l-ammont ta’ xogħol imnaqqas.

(10)	Jixraq li meta l-Aġenzija ddewwem temporanjament il-bidu tal-evalwazzjoni u l-ipproċessar ta’ applikazzjoni ġdida, jenħtieġ li t-tariffi applikabbli jiġu applikati biss mal-bidu tal-attivitajiet tal-Aġenzija.

(11)	Sabiex it-tariffi u l-imposti jkunu jistgħu jiġu rkuprati bl-aktar mod sħiħ possibbli, jenħtieġ li jiġu stabbiliti rimedji xierqa f’każijiet ta’ nuqqas ta’ ħlas u riskju ta’ nuqqas ta’ ħlas.

(12)	Jenħtieġ li l-pożizzjoni ġeografika tal-intrapriżi fit-territorji tal-Istati Membri ma tkunx fattur diskriminatorju. Għaldaqstant, jenħtieġ li l-ispejjeż tal-ivvjaġġar relatati mal-kompiti ta’ ċertifikazzjoni mwettqin f’isem dawn l-intrapriżi jiġu aggregati u jinqasmu bejn l-applikanti.

(13)

Jenħtieġ li l-applikanti jkunu jistgħu jitolbu stima tal-ammont li jrid jitħallas għall-kompiti u s-servizzi ta’ ċertifikazzjoni, sabiex tiżdied il-prevedibbiltà. F’ċerti każijiet, it-tħejjija tal-istima tirrikjedi li l-Aġenzija twettaq analiżi teknika minn qabel. Huwa ġġustifikat li l-Aġenzija tiġi remunerata għall-kost ta’ dik l-analiżi kif xieraq.

(14)	Sabiex jiġu skoraġġuti appelli bla bażi jew dilatorji u tiġi żgurata l-ekwità proċedurali, il-ħlas sħiħ tal-imposti għal appell kontra deċiżjonijiet tal-Aġenzija jenħtieġ li jkun prerekwiżit biex l-appell ikun ammissibbli.

(15)

Filwaqt li jenħtieġ li dan ir-Regolament jippermetti lill-industrija tantiċipa l-livell tat-tariffi u l-imposti li hija tkun meħtieġa tħallas, huwa meħtieġ li jiġi eżaminat regolarment jekk it-termini tiegħu għandhomx bżonn jiġu riveduti, f’konformità mal-Artikolu 126(3) tar-Regolament (UE) 2018/1139.

(16)	Sabiex il-partijiet interessati jingħataw għarfien dwar ir-raġunament wara t-tariffi, jenħtieġ li dawn jiġu infurmati dwar kif jiġu kkalkulati t-tariffi. Jenħtieġ li dawn jiġu kkonsultati wkoll qabel kwalunkwe bidla fit-tariffi, sabiex jiġu spjegati r-raġunijiet għal kwalunkwe bidla proposta.

(17)	Fid-9 ta’ Lulju 2025, il-Kummissjoni kkonsultat lill-Bord tat-Tmexxija tal-Aġenzija f’konformità mal-Artikolu 98(2), il-punt (i), tar-Regolament (UE) 2018/1139. Fl-10 ta’ Settembru 2025, il-Bord tat-Tmexxija esprima l-opinjoni favorevoli tiegħu.

(18)	Minħabba n-numru ta’ emendi u fl-interess taċ-ċarezza u taċ-ċertezza legali, jenħtieġ li r-Regolament ta’ Implimentazzjoni (UE) 2019/2153 jitħassar.

(19)	Sabiex tiġi żgurata tranżizzjoni bla xkiel mir-regoli stabbiliti fir-Regolament ta’ Implimentazzjoni (UE) 2019/2153 għal dawk stabbiliti f’dan ir-Regolament, b’mod partikolari fir-rigward tal-proċeduri li jkunu għadhom għaddejjin, jenħtieġ li jiġu stabbiliti dispożizzjonijiet tranżizzjonali.

(20)	Il-miżuri previsti f’dan ir-Regolament huma f’konformità mal-opinjoni tal-kumitat stabbilit fl-Artikolu 127(1) tar-Regolament (UE) 2018/1139,

ADOTTAT DAN IR-REGOLAMENT:

KAPITOLU I

DISPOŻIZZJONIJIET ĠENERALI

Artikolu 1

Suġġett

Dan ir-Regolament jistabbilixxi l-kwistjonijiet li għalihom huma dovuti tariffi u imposti lill-Aġenzija, l-ammont tat-tariffi u l-imposti u l-mod kif dawn iridu jitħallsu.

Artikolu 2

Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(1)	“tariffi” tfisser l-ammonti applikati mill-Aġenzija u pagabbli mill-applikanti għall-kompiti ta’ ċertifikazzjoni;

(2)	“imposti” tfisser l-ammonti applikati mill-Aġenzija għas-servizzi pprovduti minbarra l-kompiti ta’ ċertifikazzjoni;

(3)

“kompitu ta’ ċertifikazzjoni” tfisser kwalunkwe attività mwettqa mill-Aġenzija direttament jew indirettament għall-finijiet tal-ħruġ, taż-żamma jew tal-emendar taċ-ċertifikati u r-reġistrazzjoni, iż-żamma u l-emendar tad-dikjarazzjonijiet skont ir-Regolament (UE) 2018/1139 (u l-atti delegati u ta’ implimentazzjoni adottati abbażi ta’ dak ir-Regolament);

(4)	“servizz” tfisser kwalunkwe attività mwettqa mill-Aġenzija minbarra l-kompiti ta’ ċertifikazzjoni, inkluża l-provvista tal-merkanzija jew l-għoti ta’ pariri tekniċi;

(5)	“applikant” tfisser kwalunkwe persuna fiżika jew ġuridika li titlob kompitu ta’ ċertifikazzjoni jew servizz ipprovdut mill-Aġenzija;

(6)

“ċiklu ta’ fatturazzjoni” tfisser il-perjodu ta’ 12-il xahar applikat għall-proġetti pluriennali u għall-kompiti ta’ sorveljanza, li jibda:

(a)	għat-tariffi u l-imposti elenkati fil-Parti I, it-Tabelli 1 sa 6, tal-Anness, fid-data li fiha tasal l-applikazzjoni;

(b)	għat-tariffi tal-awtorizzazzjoni elenkati fil-Parti I, it-Tabella 7 A, tal-Anness, fid-data li fiha tasal l-applikazzjoni;

(c)	għat-tariffi tal-monitoraġġ elenkati fil-Parti I, it-Tabella 7 A, tal-Anness, fid-data li fiha jinħareġ iċ-ċertifikat;

(d)	għat-tariffi elenkati fil-Parti I, it-Tabella 8, tal-Anness, fl-1 ta’ Ġunju wara l-ħruġ taċ-ċertifikat;

(e)	għat-tariffi tal-approvazzjoni elenkati fil-Parti I, it-Tabelli 9 A sa 22, tal-Anness, fid-data li fiha tasal l-applikazzjoni;

(f)	għat-tariffi tas-sorveljanza elenkati fil-Parti I, it-Tabella 9 A sa 22, tal-Anness, fid-data li fiha jinħareġ iċ-ċertifikat;

(g)	għat-tariffi tat-tħejjija tat-trasferiment elenkati fil-Parti I, it-Tabelli 16 A, 17 A, 19 A u 20 A, tal-Anness, fid-data li fiha jinħareġ iċ-ċertifikat;

(h)	għall-imposta tal-ħruġ elenkata fil-Parti I, it-Tabella 23, tal-Anness, fid-data li fiha tasal l-applikazzjoni;

(i)	għall-imposta tat-tiġdid elenkata fil-Parti I, it-Tabella 23, tal-Anness, fl-1 ta’ Frar wara l-ħruġ taċ-ċertifikat;

(j)	għall-imposti tal-abbonament elenkati fil-Parti I, it-Tabella 24, tal-Anness, fid-data li fiha jingħata aċċess għall-pjattaforma;

(k)	għall-applikazzjonijiet soġġetti għal bidu differit kif imsemmi fl-Artikolu 10(4), fid-data li fiha l-Aġenzija tibda t-twettiq tal-kompiti assoċjati ma’ dik l-applikazzjoni;

(7)	“speċifikazzjoni taċ-ċertifikazzjoni” jew “CS” (certification specification) tfisser speċifikazzjoni taċ-ċertifikazzjoni adottata skont l-Artikolu 76(3) tar-Regolament (UE) 2018/1139 u ppubblikata fuq is-sit web tal-Aġenzija.

(8)	“VTOL” tfisser inġenju tal-ajru bir-rotors jew kwalunkwe inġenju tal-ajru ieħor itqal mill-arja li għandu l-kapaċità ta’ qtugħ mill-art vertikali u/jew inżul fl-art vertikali;

(9)	“HTOL” tfisser kwalunkwe inġenju tal-ajru itqal mill-arja li mhuwiex VTOL;

(10)	“VTOL Kbir” tfisser inġenju tal-ajru bir-rotors CS-29 u CS-27 tal-KAT A;

(11)	“VTOL Żgħir” tfisser inġenju tal-ajru bir-rotors CS-27 b’piż massimu waqt il-qtugħ mill-art (MTOW, maximum take-off weight) ta’ inqas minn 3 175 kg u limitat għal erba’ sits, eskluż il-bdot;

(12)	“VTOL Medju” tfisser inġenji tal-ajru bir-rotors CS-27 oħrajn;

(13)	“VTOL Ħafif Ħafna” tfisser inġenju tal-ajru bir-rotors b’disinn sempliċi b’MTOW ta’ inqas minn 600 kg, limitat għal żewġ sits inkluż il-bdot, mhux imħaddem b’magni bit-turbini u/jew magni rokits u ristrett għal operazzjonijiet VFR ta’ binhar;

(14)	“inġenju tal-ajru bir-rotors” tfisser inġenju tal-ajru awtopropulsiv, itqal mill-arja li għas-sostenn tiegħu waqt it-titjir, jiddependi prinċipalment fuq l-irfigħ iġġenerat minn massimu ta’ żewġ rotors.

(15)

“inġenju tal-ajru b’kapaċità VTOL” jew “VCA” tfisser inġenju tal-ajru awtopropulsiv, itqal mill-arja, ħlief ajruplan jew inġenju tal-ajru bir-rotors, li kapaċi jwettaq qtugħ mill-art u nżul fl-art vertikali b’unitajiet tal-irfigħ u tal-propulsjoni użati biex jipprovdu l-irfigħ waqt il-qtugħ mill-art u l-inżul fl-art;

(16)	“inġenju tal-ajru bi prestazzjoni għolja fil-kategorija tal-piż sa 5 700 kg” tfisser ajruplani li għandhom numru ta’ Mach operatorju massimu (MMO, Maximum Operating Mach) akbar minn 0,6 u/jew altitudni massima ta’ tħaddim ta’ aktar minn 25 000 pied.;

(17)

“iġfna tal-ajru żgħar” tfisser:

(a)	l-iġfna tal-ajru kollha li jaħdmu bl-arja sħuna, irrispettivament mid-daqs tagħhom;

(b)	l-iġfna tal-ajru li jaħdmu bil-gass b’volum sa 2 000 m3;

(18)	“iġfna tal-ajru medji” tfisser iġfna tal-ajru li jaħdmu bil-gass b’volum bejn 2 000 m3 u 20 000 m3;

(19)	“iġfna tal-ajru kbar” tfisser iġfna tal-ajru li jaħdmu bil-gass b’volum ta’ aktar minn 20 000 m3.

Artikolu 3

Determinazzjoni tat-tariffi u tal-imposti

1. It-tariffi u l-imposti għandhom jintalbu u jiġu applikati mill-Aġenzija biss f’konformità ma’ dan ir-Regolament.

2. Sakemm ma jiġix previst mod ieħor f’dan ir-Regolament, it-tariffi u l-imposti għandhom jiġu kkalkulati bir-rata fis-siegħa indikata fil-Parti II tal-Anness.

3. L-Istati Membri ma għandhomx japplikaw tariffi għall-kompiti mwettqin mill-Aġenzija, anke jekk huma jwettqu dawk il-kompiti f’isem l-Aġenzija. L-Aġenzija għandha tirrimborża lill-Istati Membri għall-kompiti li jwettqu f’isimha.

4. It-tariffi u l-imposti għandhom ikunu denominati u pagabbli f’euro.

5. L-ammonti msemmijin fil-Partijiet I, II u IIa tal-Anness għandhom jiġu indiċjati, b’effett mill-1 ta’ Jannar ta’ kull sena, skont ir-rata ta’ inflazzjoni f’konformità mal-metodu stabbilit fil-Parti IV tal-Anness.

6. B’deroga mit-tariffi msemmijin fl-Anness, it-tariffi għall-kompiti ta’ ċertifikazzjoni mwettqin fil-kuntest ta’ ftehim bilaterali bejn l-Unjoni u pajjiż terz jistgħu jkunu soġġetti għal dispożizzjonijiet apposta stipulati fil-ftehim bilaterali rispettiv.

Artikolu 4

Ħlas tat-tariffi jew tal-imposti

1. L-Aġenzija għandha tistabbilixxi t-termini tal-ħlas tat-tariffi u tal-imposti, billi tiddeskrivi taħt liema kundizzjonijiet l-Aġenzija timponi ħlas għall-kompiti u s-servizzi ta’ ċertifikazzjoni. L-Aġenzija għandha tippubblika t-termini fuq is-sit web tagħha.

2. L-applikant għandu jħallas l-ammont dovut bis-sħiħ, fi żmien 30 jum kalendarju mid-data li fiha l-fattura tiġi nnotifikata lill-applikant.

3. Meta l-Aġenzija ma tkunx irċeviet il-ħlas ta’ fattura fil-perjodu ta’ żmien imsemmi fil-paragrafu 2, l-Aġenzija tista’ timponi imgħax għal kull jum kalendarju ta’ dewmien.

4. Ir-rata tal-imgħax għandha tkun ir-rata applikata mill-Bank Ċentrali Ewropew għall-operazzjonijiet prinċipali ta’ rifinanzjament tiegħu, kif ippubblikata fis-serje C ta’ Il-Ġurnal Uffiċjali tal-Unjoni Ewropea, li tidħol fis-seħħ fl-ewwel jum kalendarju tax-xahar tad-data ta’ maturità, miżjuda bi tmien punti perċentwali.

Artikolu 5

Rifjut jew terminazzjoni għal raġunijiet finanzjarji

1. L-Aġenzija tista’:

(a)	tirrifjuta applikazzjoni jekk it-tariffi jew l-imposti dovuti ma jkunux waslu sal-iskadenza tal-perjodu ta’ żmien previst fl-Artikolu 4(2);

(b)	tirrifjuta jew tittermina applikazzjoni fejn ikun hemm evidenza li l-kapaċità finanzjarja tal-applikant tkun f’riskju, sakemm l-applikant ma jipprovdix garanzija bankarja jew depożitu garantit;

(c)	tirrifjuta jew tittermina applikazzjoni fil-każijiet imsemmijin fl-Artikolu 8(4), it-tieni subparagrafu;

(d)	tirrifjuta talba għat-trasferiment ta’ ċertifikat jew talba għal bidla fis-sjieda, meta l-obbligazzjonijiet ta’ ħlas li jirriżultaw mill-kompiti ta’ ċertifikazzjoni mwettqin jew mis-servizzi pprovduti mill-Aġenzija ma jkunux ġew issodisfati.

2. Qabel ma tipproċedi f’konformità mal-paragrafu 1, l-Aġenzija għandha tikkonsulta mal-applikant dwar il-miżura maħsuba tal-Aġenzija.

3. L-Aġenzija tista’ tipprevedi raġunijiet oħrajn għar-rifjut jew għat-terminazzjoni ta’ applikazzjoni fir-regoli ta’ proċedura tagħha, inkluż iżda mhux limitati:

(a)	għan-nuqqas tal-applikant li jikkonforma mar-rekwiżiti applikabbli stabbiliti fir-Regolament (UE) 2018/1139 u fl-atti delegati u ta’ implimentazzjoni adottati abbażi tiegħu.

(b)	għal nuqqas ta’ riżorsi fl-istruttura tal-applikant biex jiġi żgurat li l-attivitajiet kollha tal-organizzazzjoni jkunu jistgħu jitwettqu f’konformità mar-Regolament (UE) 2018/1139 u l-atti delegati u ta’ implimentazzjoni tiegħu.

Artikolu 6

Spejjeż tal-ivvjaġġar

L-ispejjeż tal-ivvjaġġar imġarrba fil-kuntest tal-kompiti ta’ ċertifikazzjoni u l-forniment tas-servizzi għandhom jiġu imposti esklużivament f’konformità mal-Parti VI tal-Anness.

Artikolu 7

Stima finanzjarja

1. Fuq talba ta’ applikant, u soġġett għall-paragrafu 2, l-Aġenzija għandha tipprovdi stima finanzjarja tat-tariffi jew l-imposti li jridu jitħallsu mill-applikant.

2. Meta l-istima finanzjarja msemmija fil-paragrafu 1 tkun teħtieġ analiżi teknika minn qabel mill-Aġenzija minħabba l-kumplessità mistennija tal-proġett, il-ħlas għal din l-analiżi għandu jiġi impost fuq bażi ta’ kull siegħa, skont ftehim li jrid jiġi ffirmat bejn l-applikant u l-Aġenzija.

3. Fuq talba tal-applikant, l-attivitajiet tal-Aġenzija għandhom jiġu sospiżi sakemm l-istima finanzjarja msemmija fil-paragrafu 1 tkun ġiet ipprovduta mill-Aġenzija u aċċettata mill-applikant.

4. L-istima finanzjarja msemmija fil-paragrafu 1 għandha tiġi emendata mill-Aġenzija fi kwalunkwe waħda mis-sitwazzjonijiet li ġejjin:

(a)	il-kompitu jkun aktar sempliċi jew jista’ jitwettaq aktar malajr milli kien previst inizjalment

(b)	il-kompitu jkun aktar kumpless u jieħu aktar żmien biex jitwettaq milli setgħet raġonevolment tipprevedi l-Aġenzija.

KAPITOLU II

TARIFFI

Artikolu 8

Dispożizzjonijiet ġenerali fir-rigward tal-ħlas tat-tariffi

1. It-twettiq tal-kompiti ta’ ċertifikazzjoni għandu jkun soġġett għal ħlas minn qabel tal-ammont sħiħ tat-tariffa dovuta, sakemm l-Aġenzija ma tiddeċidix mod ieħor wara kunsiderazzjoni xierqa tar-riskji finanzjarji involuti. L-Aġenzija tista’ toħroġ il-fattura għat-tariffa f’pagament parzjali wieħed wara li tkun irċeviet l-applikazzjoni jew fil-bidu tal-perjodu annwali jew dak ta’ sorveljanza.

2. It-tariffa li trid titħallas mill-applikant għal kompitu ta’ ċertifikazzjoni partikolari għandha tikkonsisti f’waħda minn dawn li ġejjin:

(a)	tariffa fissa kif stabbilit fil-Parti I tal-Anness;

(b)	tariffa varjabbli.

3. It-tariffa varjabbli msemmija fil-paragrafu 2, il-punt (b), għandha tiġi stabbilita billi n-numru reali ta’ sigħat tax-xogħol jiġi mmultiplikat bir-rata fis-siegħa stabbilita fil-Parti II tal-Anness.

4. Meta ġustifikat miċ-ċirkostanzi tekniċi rilevanti għat-tariffi u soġġett għall-qbil tal-applikant, l-Aġenzija tista’:

(a)	tikklassifika mill-ġdid applikazzjoni fil-kategoriji identifikati fl-Anness;

(b)

tikklassifika mill-ġdid diversi applikazzjonijiet bħala applikazzjoni waħda, dment li dawk l-applikazzjonijiet jkunu jikkonċernaw l-istess disinn tat-tip u jkunu jappartjenu għal waħda jew aktar minn dawn li ġejjin, fi kwalunkwe kombinament:

(i)	bidliet maġġuri,

(ii)	tiswijiet maġġuri,

(iii)

ċertifikati tat-tip supplimentari.

Meta l-applikant ma jaqbilx mar-riklassifikazzjoni proposta, l-Aġenzija tista’ tirrifjuta jew tittermina l-applikazzjoni jew l-applikazzjonijiet (i)kkonċernata/i.

Artikolu 9

Perjodi ta’ fatturazzjoni

1. It-tariffi msemmijin fil-Parti I, it-Tabelli 1, 2, u 3, tal-Anness, għandhom jiġu applikati għal kull applikazzjoni u għal kull ċiklu ta’ fatturazzjoni. Għall-perjodu wara l-ewwel ċiklu ta’ fatturazzjoni, it-tariffi għandhom ikunu 1/365 tat-tariffa annwali rilevanti għal kull jum.

2. It-tariffi msemmijin fil-Parti I, it-Tabella 4, tal-Anness, għandhom jiġu applikati għal kull applikazzjoni.

3. It-tariffi msemmijin fil-Parti I, it-Tabella 7 A, tal-Anness, għandhom jiġu applikati kif ġej:

(a)	tariffi tal-awtorizzazzjoni u tariffi tan-notifika ta’ darba, għal kull applikazzjoni;

(b)	tariffi tal-monitoraġġ, għal kull ċiklu ta’ fatturazzjoni.

4. It-tariffi msemmijin fil-Parti I, it-Tabella 8, tal-Anness, għandhom jiġu applikati għal kull ċiklu ta’ fatturazzjoni.

5. It-tariffi tal-approvazzjoni msemmijin fil-Parti I, it-Tabella 9 A, tal-Anness, għandhom jiġu applikati għal kull applikazzjoni u għal kull ċiklu ta’ fatturazzjoni.

Għall-perjodu wara l-ewwel ċiklu ta’ fatturazzjoni, it-tariffi tal-approvazzjoni għandhom ikunu 1/365 tat-tariffa annwali rilevanti għal kull jum.

6. It-tariffi tas-sorveljanza msemmijin fil-Parti I, it-Tabella 9 A, tal-Anness, għandhom jiġu applikati għal kull ċiklu ta’ fatturazzjoni.

7. It-tariffi tal-approvazzjoni ta’ bidliet sinifikanti msemmijin fil-Parti I, it-Tabella 9 A, tal-Anness, għandhom jiġu applikati għal kull applikazzjoni.

8. It-tariffi msemmijin fil-Parti I, it-Tabelli 9B sa 14 u t-Tabelli 16 A sa 22, tal-Anness, għandhom jiġu applikati kif ġej:

(a)	tariffi tal-approvazzjoni, għal kull applikazzjoni;

(b)	tariffi tas-sorveljanza, għal kull ċiklu ta’ fatturazzjoni;

(c)	tariffi tat-tħejjija tat-trasferiment, għal kull ċertifikat.

9. Għall-fini tat-tariffi msemmijin fil-Parti I, it-Tabelli 9 A sa 14 u t-Tabelli 16 A sa 22, tal-Anness, kwalunkwe bidla f’organizzazzjoni li taffettwa l-approvazzjoni tagħha għandu jkollha l-effett ta’ kalkolu mill-ġdid tat-tariffa tas-sorveljanza dovuta miċ-ċiklu ta’ fatturazzjoni li jmiss wara l-approvazzjoni tal-bidla.

10. It-tariffi msemmijin fil-Parti I, it-Tabella 8, tal-Anness, għandhom, għall-perjodu bejn id-data tal-ħruġ taċ-ċertifikat u l-bidu tal-ewwel ċiklu ta’ fatturazzjoni minn hemm ’il quddiem, jiġu kkalkulati pro rata temporis.

11. Meta r-riklassifikazzjoni ta’ applikazzjoni twassal għal bidla fit-tariffi applikabbli, it-tariffi għandhom jiġu kkalkulati mill-ġdid kif ġej:

(a)	għat-tariffi applikati għal kull applikazzjoni, mid-data li fiha tasal l-applikazzjoni;

(b)	għat-tariffi applikati għal kull applikazzjoni u għal kull ċiklu ta’ fatturazzjoni, miċ-ċiklu ta’ fatturazzjoni attwali u ’l quddiem;

(c)	meta l-Aġenzija tikklassifika mill-ġdid diversi applikazzjonijiet bħala applikazzjoni waħda f’konformità mal-Artikolu 8(4), il-punt (b), mid-data meqjusa rilevanti għar-riklassifikazzjoni.

12. It-tariffi msemmijin fil-Parti I, it-Tabelli 7B u 15, tal-Anness, għandhom jiġu applikati f’konformità mal-perjodi ta’ fatturazzjoni speċifikati fit-Tabelli rispettivi.

Artikolu 10

Rifjut tal-applikazzjonijiet, terminazzjoni u interruzzjoni tat-twettiq tal-kompiti relatati mal-applikazzjonijiet

1. Meta applikazzjoni tiġi rrifjutata, jew it-twettiq ta’ kompitu relatat ma’ applikazzjoni jiġi tterminat jew interrott, it-tariffi applikabbli flimkien mal-ispejjeż tal-ivvjaġġar relatati u kwalunkwe ammont dovut ieħor għandhom ikunu pagabbli bis-sħiħ fiż-żmien li fih l-Aġenzija tieqaf twettaq il-kompitu, filwaqt li jitqiesu l-aġġustamenti stabbiliti fil-paragrafi 2 u 3.

2. Meta applikazzjoni tiġi rrifjutata jew it-twettiq ta’ kompitu relatat ma’ applikazzjoni jiġi tterminat, il-bilanċ ta’ kwalunkwe tariffa dovuta għandu jiġi kkalkulat kif ġej:

(a)

għat-tariffi msemmijin fil-Parti I, it-Tabelli 1, 2 u 3 u t-tariffi tal-approvazzjoni msemmijin fit-Tabella 9 A, tal-Anness, applikati għal kull applikazzjoni u għal kull ċiklu ta’ fatturazzjoni, il-bilanċ ta’ kwalunkwe tariffa dovuta għaċ-ċiklu ta’ fatturazzjoni li jkun għadu għaddej għandu jkun 1/365 tat-tariffa annwali rilevanti għal kull jum, filwaqt li għall-perjodi ta’ qabel iċ-ċiklu ta’ fatturazzjoni li jkun għadu għaddej, it-tariffi applikabbli għandhom jibqgħu dovuti;

(b)	għat-tariffi msemmijin fil-Parti 1, it-Tabelli 4, 15 u 19D, tal-Anness, u għat-tariffi fissi msemmijin fil-Parti II tal-Anness, applikati għal kull applikazzjoni, il-bilanċ ta’ kwalunkwe tariffa dovuta għandu jkun 50 % tat-tariffa applikabbli;

(c)	għat-tariffi msemmijin fil-Parti 1, it-Tabelli 9B sa 22, tal-Anness, applikati għal kull applikazzjoni, il-bilanċ ta’ kwalunkwe tariffa dovuta għandu jiġi kkalkulat fuq bażi ta’ kull siegħa iżda ma għandux jaqbeż it-tariffa fissa applikabbli;

(d)	għat-tariffi msemmijin fil-Parti II tal-Anness, applikati fuq bażi ta’ kull siegħa, il-bilanċ ta’ kwalunkwe tariffa dovuta għandu jiġi kkalkulat fuq bażi ta’ kull siegħa;

(e)	għal kwalunkwe tariffa mhux imsemmija fil-punti (a) sa (d), il-bilanċ dovut għandu jiġi kkalkulat fuq bażi ta’ kull siegħa, sakemm ma jkunx miftiehem mod ieħor bejn l-applikant u l-Aġenzija.

3. Meta interruzzjoni tat-twettiq ta’ kompitu relatat ma’ applikazzjoni ssir effettiva fl-ewwel ċiklu ta’ fatturazzjoni, it-tariffi għal dak iċ-ċiklu ta’ fatturazzjoni ma għandhomx jiġu rrimborżati. Meta tali interruzzjoni ssir effettiva wara l-ewwel ċiklu ta’ fatturazzjoni, il-bilanċ ta’ kwalunkwe tariffa dovuta għandu jiġi kkalkulat f’konformità mal-kriterji stabbiliti fil-paragrafu 2, il-punt (a). Meta, wara interruzzjoni tat-twettiq ta’ kompitu relatat ma’ applikazzjoni, l-Aġenzija tissokta bit-twettiq ta’ dak il-kompitu, awtomatikament wara li jiskadi l-perjodu ta’ interruzzjoni magħżul mill-applikant jew aktar kmieni fuq talba tal-applikant, l-Aġenzija għandha tapplika tariffa ġdida, irrispettivament mit-tariffi li jkunu diġà tħallsu għall-kompitu interrott. It-tariffi l-ġodda għandhom ikunu 1/365 tat-tariffa annwali rilevanti għal kull jum.

4. L-Aġenzija tista’ tiddifferixxi temporanjament il-bidu tal-evalwazzjoni u l-ipproċessar ta’ applikazzjoni ġdida meta żieda eċċezzjonali u temporanja f’kompiti u f’servizzi ta’ ċertifikazzjoni konkorrenti, flimkien ma’ tnaqqis fil-kapaċità operazzjonali, tkun teħtieġ dan id-differiment.

5. L-Aġenzija għandha tistabbilixxi u żżomm proċedura ekwa, trasparenti u mhux diskriminatorja, li tirregola l-kundizzjonijiet li skonthom applikazzjoni tista’ tkun soġġetta għall-bidu differit imsemmi fil-paragrafu 4. Id-deċiżjoni li l-bidu jiġi differit għandha tkun ibbażata, b’mod partikolari, fuq valutazzjoni tal-fatturi li ġejjin:

(a)	disponibbiltà tar-riżorsi;

(b)	stima tal-ammont ta’ xogħol u tul ta’ żmien;

(c)	impatt fuq attivitajiet oħrajn li jkunu għaddejjin;

(d)	rilevanza tas-sikurezza tal-applikazzjoni.

L-Aġenzija għandha tinnotifika mingħajr dewmien żejjed lill-applikant bid-deċiżjoni li tiddifferixxi l-bidu, u tinkludi r-raġunijiet għad-differiment u, meta jkun possibbli, stima tal-iskeda taż-żmien għall-bidu tal-evalwazzjoni u l-ipproċessar tal-applikazzjoni.

6. It-tariffi relatati mal-applikazzjoni affettwata mill-bidu differit imsemmi fil-paragrafu 4 għandhom jiġu fatturati u jsiru effettivi mid-data li fiha l-Aġenzija tibda t-twettiq tal-kompiti assoċjati ma’ dik l-applikazzjoni.

7. Għall-finijiet ta’ dan il-Kapitolu:

(a)	it-terminazzjoni tat-twettiq ta’ kompitu fuq talba tal-applikant għandha titqies effettiva fid-data li fiha tasal it-talba;

(b)	it-terminazzjoni tat-twettiq ta’ kompitu fuq inizjattiva tal-Aġenzija għandha titqies effettiva fid-data li fiha d-deċiżjoni dwar it-terminazzjoni tiġi kkomunikata lill-applikant;

(c)	l-interruzzjoni tat-twettiq ta’ kompitu fuq talba tal-applikant għandha titqies effettiva fid-data indikata mill-applikant, iżda mhux qabel id-data li fiha t-talba tasal għand l-Aġenzija.

8. It-tariffi mħallsin għal kompitu relatat ma’ applikazzjoni, li għalih ikun ġie tterminat it-twettiq tal-kompiti, ma għandhomx jitqiesu għal kwalunkwe kompitu sussegwenti, anke jekk dak il-kompitu jkun tal-istess natura tal-kompitu tterminat.

Artikolu 11

Sospensjoni jew revoka taċ-ċertifikati u dereġistrazzjoni tad-dikjarazzjonijiet

1. Jekk it-tariffi pendenti ma jkunux waslu sal-iskadenza tal-perjodu ta’ żmien previst fl-Artikolu 4(2), l-Aġenzija tista’ tissospendi jew tirrevoka ċ-ċertifikat rilevanti wara li tkun ikkonsultat lid-detentur taċ-ċertifikat jew tneħħi r-reġistrazzjoni tad-dikjarazzjoni rilevanti wara li tkun ikkonsultat lill-emittent tad-dikjarazzjoni.

2. Jekk l-Aġenzija tissospendi ċertifikat jew tneħħi r-reġistrazzjoni ta’ dikjarazzjoni b’mod temporanju minħabba li d-detentur taċ-ċertifikat jew l-emittent tad-dikjarazzjoni jonqos milli jikkonforma mar-rekwiżiti applikabbli jew jonqos milli jħallas it-tariffa annwali jew it-tariffa tas-sorveljanza, l-Aġenzija għandha, minkejja din is-sospensjoni, tkompli toħroġ fattura għat-tariffa annwali jew għat-tariffa tas-sorveljanza f’pagament parzjali wieħed fil-bidu tal-perjodu annwali jew ta’ sorveljanza. L-Aġenzija tista’ tirrevoka ċ-ċertifikat rilevanti jew tneħħi r-reġistrazzjoni tad-dikjarazzjoni rilevanti b’mod permanenti jekk id-detentur taċ-ċertifikat jew l-emittent tad-dikjarazzjoni jonqos milli jikkonforma mal-obbligazzjonijiet ta’ ħlas tiegħu fi żmien 30 jum kalendarju mid-data tan-notifika tas-sospensjoni. Id-dħul mill-ġdid taċ-ċertifikat jew tad-dikjarazzjoni għandu jkun soġġett għal ħlas minn qabel tal-bilanċ tat-tariffi dovuti għall-perjodu tas-sospensjoni, flimkien ma’ kwalunkwe ammont ieħor dovut f’dak iż-żmien.

3. Jekk l-Aġenzija tirrevoka ċertifikat jew tneħħi r-reġistrazzjoni ta’ dikjarazzjoni b’mod permanenti minħabba li d-detentur taċ-ċertifikat jew l-emittent tad-dikjarazzjoni jonqos milli jikkonforma mar-rekwiżiti applikabbli jew jonqos milli jħallas it-tariffa annwali jew it-tariffa tas-sorveljanza, il-bilanċ ta’ kwalunkwe tariffa dovuta għaċ-ċiklu ta’ fatturazzjoni li jkun għadu għaddej għandu jiġi kkalkulat kif ġej:

(a)	għat-tariffi fissi annwali jew tas-sorveljanza applikati għal kull ċertifikat jew dikjarazzjoni u għal kull ċiklu ta’ fatturazzjoni, il-bilanċ ta’ kwalunkwe tariffa dovuta għandu jkun 1/365 tat-tariffa fissa rilevanti għal kull jum;

(b)	għat-tariffi annwali jew tas-sorveljanza applikati fuq bażi ta’ kull siegħa, il-bilanċ ta’ kwalunkwe tariffa dovuta għandu jiġi kkalkulat fuq bażi ta’ kull siegħa.

L-ammonti msemmijin fl-ewwel subparagrafu, il-punti (a) u (b), flimkien ma’ kwalunkwe spiża tal-ivvjaġġar u kwalunkwe ammont dovut ieħor, għandhom ikunu pagabbli bis-sħiħ fid-data li fiha tidħol fis-seħħ ir-revoka jew id-dereġistrazzjoni.

Artikolu 12

Ċediment jew trasferiment taċ-ċertifikati, u diżattivazzjoni tal-apparati ta’ taħriġ ta’ simulazzjoni tat-titjir

1. Jekk id-detentur taċ-ċertifikat iċedi ċertifikat, il-bilanċ ta’ kwalunkwe tariffa dovuta għaċ-ċiklu ta’ fatturazzjoni li jkun għadu għaddej għandha tiġi kkalkulata kif ġej:

(a)	għat-tariffi fissi annwali jew tas-sorveljanza applikati għal kull ċertifikat u għal kull ċiklu ta’ fatturazzjoni, 1/365 tat-tariffa fissa annwali rilevanti għal kull jum;

(b)	għat-tariffi annwali jew tas-sorveljanza applikati fuq bażi ta’ kull siegħa, fuq bażi ta’ kull siegħa.

L-ammonti msemmijin fl-ewwel subparagrafu, il-punti (a) u (b), għandhom ikunu pagabbli bis-sħiħ flimkien mal-ispejjeż tal-ivvjaġġar u ma’ kwalunkwe ammont ieħor dovut fid-data li fiha jsir effettiv iċ-ċediment.

2. Meta ċertifikat jiġi ttrasferit, it-tariffi msemmijin fil-Parti I, it-Tabelli 8 sa 22, tal-Anness, għandhom ikunu pagabbli mid-detentur taċ-ċertifikat il-ġdid miċ-ċiklu ta’ fatturazzjoni li jsegwi d-data li fiha t-trasferiment isir effettiv.

3. Fil-każijiet imsemmijin fil-Parti I, it-Tabella 14, tal-Anness, it-tariffa tas-sorveljanza tal-apparat fir-rigward ta’ apparat ta’ taħriġ ta’ simulazzjoni tat-titjir għandha titnaqqas pro rata temporis għal kwalunkwe perjodu li matulu l-apparat jiġi diżattivat, dment li d-diżattivazzjoni tkun inbdiet fuq talba tal-applikant.

Artikolu 13

Kompiti ta’ ċertifikazzjoni fuq bażi eċċezzjonali

Għandu jiġi applikat aġġustament eċċezzjonali għat-tariffa applikata, sabiex jiġu koperti l-kostijiet kollha mġarrba mill-Aġenzija għal kompitu ta’ ċertifikazzjoni partikolari, meta t-twettiq ta’ dak il-kompitu jkun jirrikjedi l-assenjazzjoni ta’ kategoriji jew numru ta’ membri tal-persunal, jew it-tnejn, li l-Aġenzija normalment ma tassenjax skont il-proċeduri standard tagħha.

KAPITOLU III

IMPOSTI

Artikolu 14

Dispożizzjonijiet ġenerali fir-rigward tal-ħlas tal-imposti

1. L-ammont tal-imposti applikati mill-Aġenzija f’konformità mal-Parti II tal-Anness għandu jiġi fatturat bir-rata fis-siegħa applikabbli.

2. L-imposti għall-forniment tas-servizzi ta’ taħriġ għandhom jiġu applikati f’konformità mal-Parti IIa tal-Anness.

Artikolu 15

Żmien tal-applikazzjoni tal-imposti u perjodi ta’ fatturazzjoni

1. Sakemm ma jiġix deċiż mod ieħor mill-Aġenzija, wara kunsiderazzjoni xierqa tar-riskji finanzjarji, l-imposti għandhom jiġu applikati qabel ma jiġi pprovdut is-servizz.

2. L-imposti msemmijin fil-Parti I, it-Tabella 6, il-punt (1), tal-Anness, għandhom jiġu applikati għal kull applikazzjoni u għal kull ċiklu ta’ fatturazzjoni. Għall-perjodu wara ċ-ċiklu ta’ fatturazzjoni, l-imposti għandhom ikunu 1/365 tal-imposta annwali rilevanti għal kull jum.

3. L-imposti msemmijin fil-Parti I, it-Tabella 5 u t-Tabella 6, il-punt (2), tal-Anness, għandhom jiġu applikati għal kull applikazzjoni.

4. L-imposti għall-ħruġ tat-tikketta ambjentali msemmijin fil-Parti I, it-Tabella 23, tal-Anness, għandhom jiġu applikati għal kull applikazzjoni. L-imposti tat-tiġdid imsemmijin fil-Parti I, it-Tabella 23, tal-Anness għandhom jiġu applikati għal kull ċiklu ta’ fatturazzjoni.

5. L-imposti għall-Pjattaforma Data4Safety imsemmijin fil-Parti I, it-Tabella 24, tal-Anness għandhom jiġu applikati għal kull applikazzjoni u għal kull ċiklu ta’ fatturazzjoni. L-aċċess għall-Pjattaforma Data4Safety għandu jiġġedded awtomatikament sakemm l-applikant ma jinnotifikax lill-Aġenzija mill-inqas 90 jum qabel tmiem il-perjodu tal-abbonament.

6. Meta r-riklassifikazzjoni ta’ applikazzjoni twassal għal bidla fl-imposta applikabbli, l-imposti għandhom jiġu kkalkulati mill-ġdid kif xieraq b’effett mid-data li fiha tasal l-applikazzjoni.

Artikolu 16

Rifjut tal-applikazzjonijiet, terminazzjoni u interruzzjoni tat-twettiq tal-kompiti relatati mal-applikazzjonijiet

1. Meta applikazzjoni tiġi rrifjutata, jew it-twettiq ta’ kompitu relatat ma’ applikazzjoni jiġi tterminat jew interrott, l-imposti applikabbli flimkien mal-ispejjeż tal-ivvjaġġar relatati u kwalunkwe ammont dovut ieħor għandhom ikunu pagabbli bis-sħiħ fiż-żmien li fih l-Aġenzija tieqaf twettaq il-kompitu, filwaqt li jitqiesu l-aġġustamenti stabbiliti fil-paragrafi 2 u 3.

2. Meta applikazzjoni tiġi rrifjutata jew it-twettiq ta’ kompitu relatat ma’ applikazzjoni jiġi tterminat, il-bilanċ ta’ kwalunkwe imposta dovuta għandu jiġi kkalkulat kif ġej:

(a)

għall-imposti msemmijin fil-Parti I, it-Tabella 6, il-punt (1) u t-Tabella 23, tal-Anness, applikati għal kull applikazzjoni u għal kull ċiklu ta’ fatturazzjoni, il-bilanċ ta’ kwalunkwe imposta dovuta għaċ-ċiklu ta’ fatturazzjoni li jkun għadu għaddej għandu jkun 1/365 tal-imposta annwali rilevanti għal kull jum, filwaqt li għall-perjodi ta’ qabel iċ-ċiklu ta’ fatturazzjoni li jkun għadu għaddej, l-imposti applikabbli għandhom jibqgħu dovuti;

(b)	għall-imposti msemmijin fil-Parti I, it-Tabella 5 u t-Tabella 6, il-punt (2), tal-Anness, u għall-imposti fissi msemmijin fil-Parti II tal-Anness, applikati għal kull applikazzjoni, il-bilanċ ta’ kwalunkwe imposta dovuta għandu jkun 50 % tal-imposta applikabbli;

(c)	għall-imposti msemmijin fil-Parti I, it-Tabella 24, tal-Anness, applikati għal kull applikazzjoni u għal kull ċiklu ta’ fatturazzjoni, il-bilanċ ta’ kwalunkwe imposta dovuta għaċ-ċiklu ta’ fatturazzjoni li jkun għadu għaddej għandu jkun l-ammont sħiħ;

(d)	għall-imposti msemmijin fil-Parti II tal-Anness, applikati fuq bażi ta’ kull siegħa, il-bilanċ ta’ kwalunkwe imposta dovuta għandu jiġi kkalkulat fuq bażi ta’ kull siegħa;

(e)	għal kwalunkwe imposta mhux imsemmija fil-punti (a) sa (d), il-bilanċ dovut għandu jiġi kkalkulat fuq bażi ta’ kull siegħa, sakemm ma jiġix miftiehem mod ieħor bejn l-applikant u l-Aġenzija.

3. Meta interruzzjoni tat-twettiq ta’ kompitu relatat ma’ applikazzjoni ssir effettiva fl-ewwel ċiklu ta’ fatturazzjoni, l-imposti għal dak iċ-ċiklu ta’ fatturazzjoni ma għandhomx jiġu rrimborżati. Meta tali interruzzjoni ssir effettiva wara l-ewwel ċiklu ta’ fatturazzjoni, il-bilanċ ta’ kwalunkwe imposta dovuta għandu jiġi kkalkulat f’konformità mal-kriterji stabbiliti fil-paragrafu 2, il-punt (a). Meta, wara interruzzjoni tat-twettiq ta’ kompitu relatat ma’ applikazzjoni, l-Aġenzija tissokta bit-twettiq ta’ dak il-kompitu, awtomatikament wara li jiskadi l-perjodu ta’ interruzzjoni magħżul mill-applikant jew aktar kmieni fuq talba tal-applikant, l-Aġenzija għandha tapplika imposta ġdida, irrispettivament mill-imposti li diġà jkunu tħallsu għall-kompitu interrott.

4. Għall-finijiet ta’ dan il-Kapitolu,

(a)	it-terminazzjoni tat-twettiq ta’ kompitu fuq talba tal-applikant għandha titqies effettiva fid-data li fiha tasal it-talba;

(b)	it-terminazzjoni tat-twettiq ta’ kompitu fuq inizjattiva tal-Aġenzija għandha titqies effettiva fid-data li fiha d-deċiżjoni dwar it-terminazzjoni tiġi kkomunikata lill-applikant;

(c)	l-interruzzjoni tat-twettiq ta’ kompitu fuq talba tal-applikant għandha titqies effettiva fid-data indikata mill-applikant, iżda mhux qabel id-data li fiha t-talba tasal għand l-Aġenzija.

5. L-imposti mħallsin għal kompitu relatat ma’ applikazzjoni, li t-twettiq tiegħu jkun ġie tterminat, ma għandhomx jitqiesu għal kwalunkwe kompitu sussegwenti, anke jekk dak il-kompitu jkun tal-istess natura bħall-kompitu tterminat.

KAPITOLU IV

APPELLI

Artikolu 17

Proċessar tal-appelli

1. L-imposti għandhom jiġu applikati għall-ipproċessar tal-appelli mressqa skont l-Artikolu 108 tar-Regolament (UE) 2018/1139. L-ammonti tal-imposti għandhom jiġu kkalkulati f’konformità mal-metodu stabbilit fil-Parti III tal-Anness ta’ dan ir-Regolament. Appell għandu jkun ammissibbli biss meta l-imposta għall-appell tkun tħallset fil-perjodu ta’ żmien imsemmi fil-paragrafu 3 ta’ dan l-Artikolu.

2. Persuna ġuridika li tressaq appell għandha tissottometti lill-Aġenzija ċertifikat iffirmat minn uffiċjal awtorizzat li jispeċifika l-fatturat tal-appellant. Dak iċ-ċertifikat għandu jiġi sottomess lill-Aġenzija flimkien mal-appell.

3. L-imposti tal-appell għandhom jitħallsu f’konformità mal-proċedura applikabbli stabbilita mill-Aġenzija fi żmien 60 jum kalendarju mid-data li fiha l-appell ikun ġie ppreżentat lill-Aġenzija.

4. Jekk l-appell jiġi konkluż favur l-appellant, l-imposti tal-appell imħallsin għandhom jiġu rrimborżati mill-Aġenzija.

KAPITOLU V

PROĊEDURI TAL-AĠENZIJA

Artikolu 18

Dispożizzjonijiet ġenerali

L-Aġenzija għandha tiddistingwi bejn id-dħul u l-infiq attribwibbli għall-kompiti ta’ ċertifikazzjoni mwettqin u s-servizzi pprovduti minn naħa waħda, u d-dħul u n-nefqa attribwibbli għall-attivitajiet iffinanzjati permezz ta’ sorsi ta’ dħul oħrajn, min-naħa l-oħra.

Għal dak il-fini:

(a)	it-tariffi u l-imposti applikati mill-Aġenzija għandhom jinżammu f’kont separat u għandhom ikunu soġġetti għal proċedura kontabilistika separata;

(b)	l-Aġenzija għandha tfassal u tuża l-kontabbiltà analitika għad-dħul u l-infiq tagħha.

Artikolu 19

Evalwazzjoni u reviżjoni

1. Kull sena, l-Aġenzija għandha tipprovdi lill-Kummissjoni, lill-Bord tat-Tmexxija u lill-Korp Konsultattiv tal-Partijiet Ikkonċernati stabbilit f’konformità mal-Artikolu 98(4) tar-Regolament (UE) 2018/1139, informazzjoni dwar il-komponenti li jservu bħala bażi biex jiġi ddeterminat il-livell tat-tariffi. Dik l-informazzjoni għandha tikkonsisti b’mod partikolari f’diżaggregazzjoni tal-kostijiet relatati mas-snin preċedenti u ma’ dawk li jmiss.

2. L-Aġenzija għandha tevalwa perjodikament, u għall-ewwel darba sentejn wara l-bidu tal-applikazzjoni ta’ dan ir-Regolament ta’ Implimentazzjoni tal-Kummissjoni, l-Anness, bl-għan li tivverifika jekk l-informazzjoni sinifikanti relatata mas-suppożizzjonijiet sottostanti għad-dħul u l-infiq antiċipati tal-Aġenzija hijiex debitament riflessa fl-ammonti tat-tariffi jew tal-imposti applikati mill-Aġenzija. L-Aġenzija tista’ tipproponi lill-Kummissjoni bidliet fit-tariffi u fl-imposti, filwaqt li tagħti r-raġunijiet għal dan.

KAPITOLU VI

DISPOŻIZZJONIJIET TRANŻIZZJONALI U FINALI

Artikolu 20

Tħassir

Ir-Regolament ta’ Implimentazzjoni (UE) 2019/2153 jitħassar.

Ir-referenzi għar-Regolament imħassar għandhom jinftiehmu bħala referenzi għal dan ir-Regolament u għandhom jinqraw f’konformità mat-tabella ta’ korrelazzjoni fil-Parti VII tal-Anness.

Artikolu 21

Dispożizzjonijiet tranżizzjonali

1. It-tariffi u l-imposti għaċ-ċikli ta’ fatturazzjoni li jkunu għadhom għaddejjin fl-1 ta’ Jannar 2026 għandhom jiġu kkalkulati f’konformità mar-Regolament ta’ Implimentazzjoni (UE) 2019/2153 fil-verżjoni applikabbli fil-31 ta’ Diċembru 2025.

2. Ir-rati fis-siegħa stabbiliti fil-Parti II tal-Anness għandhom japplikaw għal kwalunkwe kompitu li jkun għadu għaddej fl-1 ta’ Jannar 2026 li għalih it-tariffi jew l-imposti jiġu kkalkulati fuq bażi ta’ kull siegħa.

3. Fil-każijiet meta t-tariffi tal-approvazzjoni stabbiliti fil-Parti I, it-Tabelli 18 sa 22, tal-Anness, kieku jkunu japplikaw, it-tariffi u l-imposti relatati mal-applikazzjonijiet sottomessi qabel l-1 ta’ Jannar 2026 għandhom jiġu kkalkulati f’konformità mal-Parti II tal-Anness sakemm jitlestew il-kompiti li jirriżultaw minn dawk l-applikazzjonijiet.

Artikolu 22

Dħul fis-seħħ u applikazzjoni

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 ta’ Jannar 2026.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-21 ta’ Novembru 2025.

Għall-Kummissjoni

Il-President

Ursula VON DER LEYEN

(1) ĠU L 212, 22.8.2018, p. 1, ELI: http://data.europa.eu/eli/reg/2018/1139/oj.

(2) Ir-Regolament ta’ Implimentazzjoni tal-Kummissjoni (UE) 2019/2153 tas-16 ta’ Diċembru 2019 dwar it-tariffi u l-imposti applikati mill-Aġenzija tas-Sikurezza tal-Avjazzjoni tal-Unjoni Ewropea, u li jħassar ir-Regolament (UE) Nru 319/2014 (ĠU L 327, 17.12.2019, p. 36, ELI: http://data.europa.eu/eli/reg_impl/2019/2153/oj).

ANNESS

KONTENUT

Parti I —

Kompiti li għalihom jintalab ħlas b’rata fissa

Parti II —

Kompiti jew servizzi ta’ ċertifikazzjoni li għalihom jintalab ħlas fuq bażi ta’ kull siegħa

Parti IIa —

Imposti għall-forniment ta’ servizzi tat-taħriġ

Parti III —

Imposti għall-appelli

Parti IV —

Rata ta’ inflazzjoni annwali

Parti V —

Nota ta’ Spjegazzjoni

Parti VI —

Spejjeż tal-Ivvjaġġar

Parti VII —

Tabella ta’ Korrelazzjoni

PARTI I

Kompiti li għalihom jintalab ħlas b’rata fissa

Tabella 1

Ċertifikati tat-Tip, Ċertifikati tat-Tip Ristretti u Awtorizzazzjonijiet għal Ordni ta’ Standard Tekniku Ewropew

(imsemmijin fit-Taqsima A, is-Subparti B u s-Subparti O, tal-Anness I (Parti 21) u fit-Taqsima A, is-Subparti B u s-Subparti C, tal-Anness Ib (Parti 21 Light) tar-Regolament tal-Kummissjoni (UE) Nru 748/2012 (1))

	Tariffa fissa (EUR)
Inġenji tal-Ajru b’Kapaċità ta’ Qtugħ mill-Art u Nżul fl-Art Orizzontali (HTOL, Horizontal Take-Off and Landing) bi Bdot Abbord
Aktar minn 150 000 kg	2 885 540
Aktar minn 55 000 kg sa 150 000 kg	2 377 030
Aktar minn 22 000 kg sa 55 000 kg	932 200
Aktar minn 5 700 kg sa 22 000 kg (inkluż HPA aktar minn 2 730 kg sa 5 700 kg)	590 660
Aktar minn 2 730 kg sa 5 700 kg (inkluż HPA aktar minn 1 200 kg sa 2 730 kg)	196 530
Aktar minn 1 200 kg sa 2 730 kg (inkluż HPA sa 1 200 kg)	22 310
Sa 1 200 kg	7 440
Inġenji tal-Ajru b’Kapaċità ta’ Qtugħ mill-Art u Nżul fl-Art Vertikali (VTOL) bi Bdot Abbord
Kbar	668 440
Medji	267 390
Żgħar	33 490
Ħfief Ħafna	33 490
Blalen tal-Arja	10 360
Iġfna tal-Ajru Kbar	60 300
Iġfna tal-Ajru Medji	22 970
Iġfna tal-Ajru Żgħar	11 500
Propulsjoni
Magni bit-turbini b’forza propulsiva waqt il-qtugħ mill-art aktar minn 25 KN jew b’potenza tal-output waqt il-qtugħ mill-art aktar minn 2 000 kW	569 060
Magni bit-turbini b’forza propulsiva waqt il-qtugħ mill-art sa 25 KN jew b’potenza tal-output waqt il-qtugħ mill-art aktar minn 200 kW sa 2 000 kW	379 320
Magni mhux bit-turbini jew magni bit-turbini b’potenza tal-output waqt il-qtugħ mill-art sa 200 kW	51 840
CS-22.H, CS-VLR App. Magni B	25 920
Skrun għall-użu fuq inġenji tal-ajru b’MTOW aktar minn 5 700 kg	17 700
Skrun għall-użu fuq inġenji tal-ajru b’MTOW sa 5 700 kg	5 050
Skrun tal-Klassi CS-22J	2 530
Parts u Tagħmir Mhux Installat
Valur aktar minn EUR 20 000	13 060
Valur bejn EUR 2 000 u EUR 20 000	7 470
Valur inqas minn EUR 2 000	4 340
Unità ta’ Potenza Awżiljarja (APU, Auxiliary Power Unit)	310 450

Tabella 2

Ċertifikati tat-Tip Supplimentari

(imsemmijin fit-Taqsima A, is-Subparti E, tal-Anness I (Parti 21) u t-Taqsima A, is-Subparti E, tal-Anness Ib (Parti 21 Light) tar-Regolament (UE) Nru 748/2012)

		Tariffa fissa (EUR)
	Kumplessa Sinifikanti	Sinifikanti	Standard	Sempliċi
Inġenji tal-Ajru b’Kapaċità ta’ Qtugħ mill-Art u Nżul fl-Art Orizzontali (HTOL) bi Bdot Abbord
Aktar minn 150 000 kg	1 337 310	107 380	22 930	6 530
Aktar minn 55 000 kg sa 150 000 kg	955 960	64 440	18 340	5 140
Aktar minn 22 000 kg sa 55 000 kg	530 910	42 960	13 750	4 680
Aktar minn 5 700 kg sa 22 000 kg (inkluż HPA aktar minn 2 730 kg sa 5 700 kg)	407 750	25 780	9 180	4 680
Aktar minn 2 730 kg sa 5 700 kg (inkluż HPA aktar minn 1 200 kg sa 2 730 kg)	168 440	7 880	3 620	1 810
Aktar minn 1 200 kg sa 2 730 kg (inkluż HPA sa 1 200 kg)	8 620	2 770	1 730	860
Sa 1 200 kg	5 100	440	440	440
Inġenji tal-Ajru b’Kapaċità ta’ Qtugħ mill-Art u Nżul fl-Art Vertikali (VTOL) bi Bdot Abbord
Kbar	451 680	82 770	12 410	4 140
Medji	264 650	41 390	8 280	3 310
Żgħar	21 170	16 570	6 210	2 080
Ħfief Ħafna	13 490	1 560	690	440
Inġenji tal-Ajru Oħrajn bi Bdot Abbord
Blalen tal-Arja	5 100	1 470	690	440
Iġfna tal-Ajru Kbar	52 930	22 420	17 940	8 970
Iġfna tal-Ajru Medji	21 190	6 890	5 520	2 770
Iġfna tal-Ajru Żgħar	10 560	3 450	2 770	1 390
Propulsjoni
Magni bit-turbini b’forza propulsiva waqt il-qtugħ mill-art aktar minn 25 KN jew b’potenza tal-output waqt il-qtugħ mill-art aktar minn 2 000 kW	266 890	20 690	12 410	8 280
Magni bit-turbini b’forza propulsiva waqt il-qtugħ mill-art sa 25 KN jew b’potenza tal-output waqt il-qtugħ mill-art aktar minn 200 kW sa 2 000 kW	260 910	12 410	9 740	6 500
Magni mhux bit-turbini jew magni bit-turbini b’potenza tal-output waqt il-qtugħ mill-art sa 200 kW	48 730	4 830	2 160	1 080
CS-22.H, CS-VLR App. Magni B	24 440	2 430	1 080	520
Skrun għall-użu fuq inġenji tal-ajru b’MTOW aktar minn 5 700 kg	9 860	3 450	1 730	860
Skrun għall-użu fuq inġenji tal-ajru b’MTOW sa 5 700 kg	3 000	2 580	1 290	660
Skrun tal-Klassi CS-22J	1 520	1 290	660	320
Parts u Tagħmir Mhux Installat
Valur aktar minn EUR 20 000	—	—	—	—
Valur bejn EUR 2 000 u EUR 20 000	—	—	—	—
Valur inqas minn EUR 2 000	—	—	—	—
Unità ta’ Potenza Awżiljarja (APU)	191 340	10 350	6 910	3 450

Tabella 3

Bidliet Maġġuri u Tiswijiet Maġġuri

(imsemmijin fit-Taqsima A, is-Subparti D u s-Subparti M, tal-Anness I (Parti 21) u t-Taqsima A, is-Subparti D u s-Subparti F, tal-Anness Ib (Parti 21 Light) tar-Regolament tal-Kummissjoni (UE) Nru 748/2012)

	Tariffa fissa (EUR)
	Tariffa tal-mudell (2)	Kumplessa Sinifikanti	Sinifikanti	Standard	Sempliċi
Inġenji tal-Ajru b’Kapaċità ta’ Qtugħ mill-Art u Nżul fl-Art Orizzontali (HTOL) bi Bdot Abbord
Aktar minn 150 000 kg	140 400	1 123 200	109 530	20 120	7 170
Aktar minn 55 000 kg sa 150 000 kg	84 070	672 590	54 800	15 090	4 620
Aktar minn 22 000 kg sa 55 000 kg	56 030	448 270	43 850	10 070	3 590
Aktar minn 5 700 kg sa 22 000 kg (inkluż HPA aktar minn 2 730 kg sa 5 700 kg)	44 830	358 650	27 410	5 030	3 590
Aktar minn 2 730 kg sa 5 700 kg (inkluż HPA aktar minn 1 200 kg sa 2 730 kg)	21 210	169 740	7 530	3 510	1 740
Aktar minn 1 200 kg sa 2 730 kg (inkluż HPA sa 1 200 kg)	740	5 940	1 910	860	440
Sa 1 200 kg	630	5 100	440	440	440
Inġenji tal-Ajru b’Kapaċità ta’ Qtugħ mill-Art u Nżul fl-Art Vertikali (VTOL) bi Bdot Abbord
Kbar	42 340	338 760	75 030	15 010	5 000
Medji	26 470	211 720	40 010	10 000	3 500
Żgħar	2 650	21 170	16 020	7 500	2 010
Ħfief Ħafna	1 590	12 720	1 470	690	690
Inġenji tal-Ajru Oħrajn bi Bdot Abbord
Blalen tal-Arja	630	5 100	1 470	690	690
Iġfna tal-Ajru Kbar	5 290	42 340	20 010	15 010	10 000
Iġfna tal-Ajru Medji	2 120	16 930	5 520	4 130	2 770
Iġfna tal-Ajru Żgħar	1 050	8 470	2 770	2 060	1 390
Propulsjoni
Magni bit-turbini b’forza propulsiva waqt il-qtugħ mill-art aktar minn 25 KN jew b’potenza tal-output waqt il-qtugħ mill-art aktar minn 2 000 kW	18 430	147 480	13 820	5 080	3 060
Magni bit-turbini b’forza propulsiva waqt il-qtugħ mill-art sa 25 KN jew b’potenza tal-output waqt il-qtugħ mill-art aktar minn 200 kW sa 2 000 kW	15 880	127 030	7 500	2 540	1 530
Magni mhux bit-turbini jew magni bit-turbini b’potenza tal-output waqt il-qtugħ mill-art sa 200 kW	2 650	21 210	2 250	1 040	700
CS-22.H, CS-VLR App. Magni B	1 320	10 600	1 040	520	520
Skrun għall-użu fuq inġenji tal-ajru b’MTOW aktar minn 5 700 kg	660	5 310	1 850	700	700
Skrun għall-użu fuq inġenji tal-ajru b’MTOW sa 5 700 kg	210	1 630	1 400	660	660
Skrun tal-Klassi CS-22J	100	830	700	220	220
Parts u Tagħmir Mhux Installat
Valur aktar minn EUR 20 000	—	—	—	—	—
Valur bejn EUR 2 000 u EUR 20 000	—	—	—	—	—
Valur inqas minn EUR 2 000	—	—	—	—	—
Unità ta’ Potenza Awżiljarja (APU)	12 300	98 380	5 180	1 730	1 040

Tabella 4

Bidliet Minuri u Tiswijiet Minuri

(imsemmijin fit-Taqsima A, is-Subparti D u s-Subparti M, tal-Anness I (Parti 21) u t-Taqsima A, is-Subparti D, tal-Anness Ib (Parti 21 Light) tar-Regolament (UE) Nru 748/2012)

	Tariffa fissa (3) (EUR)
Inġenji tal-Ajru b’Kapaċità ta’ Qtugħ mill-Art u Nżul fl-Art Orizzontali (HTOL) bi Bdot Abbord
Aktar minn 150 000 kg	2 650
Aktar minn 55 000 kg sa 150 000 kg	2 650
Aktar minn 22 000 kg sa 55 000 kg	2 650
Aktar minn 5 700 kg sa 22 000 kg (inkluż HPA aktar minn 2 730 kg sa 5 700 kg)	2 650
Aktar minn 2 730 kg sa 5 700 kg (inkluż HPA aktar minn 1 200 kg sa 2 730 kg)	860
Aktar minn 1 200 kg sa 2 730 kg (inkluż HPA sa 1 200 kg)	700
Sa 1 200 kg	440
Inġenji tal-Ajru b’Kapaċità ta’ Qtugħ mill-Art u Nżul fl-Art Vertikali (VTOL) bi Bdot Abbord
Kbar	1 360
Medji	1 360
Żgħar	1 360
Ħfief Ħafna	690
Inġenji tal-Ajru Oħrajn bi Bdot Abbord
Blalen tal-Arja	690
Iġfna tal-Ajru Kbar	2 410
Iġfna tal-Ajru Medji	1 360
Iġfna tal-Ajru Żgħar	1 360
Propulsjoni
Magni bit-turbini b’forza propulsiva waqt il-qtugħ mill-art aktar minn 25 KN jew b’potenza tal-output waqt il-qtugħ mill-art aktar minn 2 000 kW	1 780
Magni bit-turbini b’forza propulsiva waqt il-qtugħ mill-art sa 25 KN jew b’potenza tal-output waqt il-qtugħ mill-art aktar minn 200 kW sa 2 000 kW	1 780
Magni mhux bit-turbini jew magni bit-turbini b’potenza tal-output waqt il-qtugħ mill-art sa 200 kW	860
CS-22.H, CS-VLR App. Magni B	520
Skrun għall-użu fuq inġenji tal-ajru b’MTOW aktar minn 5 700 kg	700
Skrun għall-użu fuq inġenji tal-ajru b’MTOW sa 5 700 kg	660
Skrun tal-Klassi CS-22J	450
Parts u Tagħmir Mhux Installat
Valur aktar minn EUR 20 000	2 610
Valur bejn EUR 2 000 u EUR 20 000	1 500
Valur inqas minn EUR 2 000	870
Unità ta’ Potenza Awżiljarja (APU)	690

Tabella 5

Appoġġ għaċ-Ċertifikazzjoni tal-Validazzjoni

Servizz li jipprovdi appoġġ relatat mal-validazzjoni/aċċettazzjoni mill-Awtorità ta’ Pajjiż Terz ta’ ċertifikat tal-EASA u l-assistenza teknika relatata mal-attivitajiet ta’ sejba ta’ konformità

Pakkett ta’ Servizzi	Imposta fissa (EUR)
Kbar	3 510
Medji	1 400
Żgħar	350

Tabella 6

Bord ta’ Rieżami tal-Manutenzjoni (MRB, Maintenance Review Board)

Servizz li jipprovdi appoġġ relatat mal-approvazzjoni tal-Bord ta’ Rieżami tal-Manutenzjoni u r-reviżjonijiet tiegħu

Imposta fissa (EUR)

1.	Rapport inizjali tal-MRB

Inġenji tal-ajru CS 25

491 400

Inġenji tal-ajru CS 27 u CS 29

210 600

Ċertifikati tat-Tip Supplimentari

70 200

2.	Reviżjoni tar-rapporti tal-MRB

CS-25 aktar minn 150 000 kg

168 480

CS-25 aktar minn 55 000 kg sa 150 000 kg

140 400

CS-25 aktar minn 22 000 kg sa 55 000 kg

112 320

CS-25 aktar minn 5 700 kg sa 22 000 kg

56 160

Inġenji tal-ajru CS 27 u CS 29

42 120

Ċertifikati tat-Tip Supplimentari

28 080

B’deroga mill-punt 2 (Reviżjoni tar-rapporti tal-MRB) ta’ din it-Tabella, għandu jintalab ħlas bir-rata fis-siegħa stabbilita fil-Parti II ta’ dan l-Anness, sal-livell tal-imposta sħiħa għall-kategorija rilevanti tal-imposti, għal kwalunkwe waħda mill-kategoriji ta’ inġenji tal-ajru li ġejjin:

(a)	li jkunu ilhom barra mill-produzzjoni għal aktar minn 20 sena;

(b)	li minnhom ikunu ġew prodotti inqas minn 50 unità madwar id-dinja;

(c)

li minnhom ikunu ġew prodotti 50 unità jew aktar madwar id-dinja, dment li d-detentur taċ-ċertifikat juri li qed jintużaw inqas minn 50 unità madwar id-dinja.

Tabella 7 A

Awtorizzazzjoni u Monitoraġġ tal-Operaturi ta’ Pajjiżi Terzi (TCO, Third-Country Operators)

	Kategorija tal-operaturi
Daqs tal-flotta	Ħafifa	Tqila
Tariffa tal-awtorizzazzjoni (EUR)
Bejn 1 u 5	750	1 500
Bejn 6 u 10	1 500	3 000
Bejn 11 u 40	2 250	4 500
Aktar minn 40	3 000	6 000
Tariffa tal-monitoraġġ (EUR)
Daqs tal-flotta	Ħafifa	Tqila
Bejn 1 u 5	1 500	3 000
Bejn 6 u 10	3 000	6 000
Bejn 11 u 40	4 500	9 000
Aktar minn 40	6 000	12 000
Tariffa tan-notifika ta’ darba (EUR) (4)
1 800

Tabella 7B

Valutazzjoni ulterjuri tal-Operaturi ta’ Pajjiżi Terzi (5)

	Tariffa fissa (EUR)
Żjara fuq il-post (6)	30 230
Laqgħa teknika ta’ jum (f’Cologne jew ibrida)	16 970
Awditu mill-bogħod	19 900
Valutazzjoni Ulterjuri (7)	5 000
Valutazzjoni teknika ad hoc ta’ jum (f’Cologne jew ibrida jew kompletament mill-bogħod)	9 900
Valutazzjoni teknika ad hoc ta’ nofs jum (f’Cologne jew ibrida jew kompletament mill-bogħod)	7 500

Tabella 8

Tariffa annwali għad-detenturi taċ-Ċertifikati tat-Tip tal-EASA, taċ-Ċertfikati tat-Tip Ristretti tal-EASA, tal-Awtorizzazzjonijiet għal Ordni ta’ Standard Tekniku Ewropew tal-EASA u ta’ Ċertifikati tat-Tip jew Awtorizzazzjonijiet għal Ordni ta’ Standard Tekniku oħrajn meqjusin aċċettati skont ir-Regolament (UE) 2018/1139

(imsemmijin fit-Taqsima A, is-Subparti B u s-Subparti O, tal-Anness I (Parti 21) u t-Taqsima A, is-Subparti B u s-Subparti C, tal-Anness Ib (Parti 21 Light) tar-Regolament tal-Kummissjoni (UE) Nru 748/2012)

	Tariffa fissa (EUR)
	Disinn tal-UE	Disinn mhux tal-UE
Inġenji tal-Ajru b’Kapaċità ta’ Qtugħ mill-Art u Nżul fl-Art Orizzontali (HTOL) bi Bdot Abbord
Aktar minn 150 000 kg	1 621 840	505 820
Aktar minn 55 000 kg sa 150 000 kg	1 369 570	385 380
Aktar minn 22 000 kg sa 55 000 kg	412 690	154 640
Aktar minn 5 700 kg sa 22 000 kg (inkluż HPA aktar minn 2 730 kg sa 5 700 kg)	67 460	22 910
Aktar minn 2 730 kg sa 5 700 kg (inkluż HPA aktar minn 1 200 kg sa 2 730 kg)	7 470	2 490
Aktar minn 1 200 kg sa 2 730 kg (inkluż HPA sa 1 200 kg)	3 450	1 170
Sa 1 200 kg	320	100
Inġenji tal-Ajru b’Kapaċità ta’ Qtugħ mill-Art u Nżul fl-Art Vertikali (VTOL) bi Bdot Abbord
Kbar	170 520	55 580
Medji	80 290	29 880
Żgħar	33 530	12 170
Ħfief Ħafna	5 190	1 730
Inġenji tal-Ajru Oħrajn bi Bdot Abbord
Blalen tal-Arja	1 180	510
Iġfna tal-Ajru Kbar	5 620	1 870
Iġfna tal-Ajru Medji	3 450	1 150
Iġfna tal-Ajru Żgħar	2 770	930
Propulsjoni
Magni bit-turbini b’forza propulsiva waqt il-qtugħ mill-art aktar minn 25 KN jew b’potenza tal-output waqt il-qtugħ mill-art aktar minn 2 000 kW	168 610	45 120
Magni bit-turbini b’forza propulsiva waqt il-qtugħ mill-art sa 25 KN jew b’potenza tal-output waqt il-qtugħ mill-art aktar minn 200 kW sa 2 000 kW	81 680	38 540
Magni mhux bit-turbini jew magni bit-turbini b’potenza tal-output waqt il-qtugħ mill-art sa 200 kW	1 570	200
CS-22.H, CS-VLR App. Magni B	860	440
Skrun għall-użu fuq inġenji tal-ajru b’MTOW aktar minn 5 700 kg	590	310
Skrun għall-użu fuq inġenji tal-ajru b’MTOW sa 5 700 kg	340	70
Skrun tal-Klassi CS-22J	320	100
Parts u Tagħmir Mhux Installat
Valur aktar minn EUR 20 000	3 430	950
Valur bejn EUR 2 000 u EUR 20 000	1 810	650
Valur inqas minn EUR 2 000	730	590
Unità ta’ Potenza Awżiljarja (APU)	123 380	14 760

B’deroga minn din it-Tabella, għandu japplika dan li ġej:

(a)	Għall-verżjonijiet ta’ inġenji tal-ajru tal-merkanzija li jkollhom iċ-ċertifikat tat-tip proprju tagħhom, għandu jiġi applikat koeffiċjent ta’ 0,85 għat-tariffa għall-verżjoni ekwivalenti tal-passiġġieri.

(b)

Għad-detenturi ta’ diversi Ċertifikati tat-Tip tal-EASA u/jew diversi Ċertifikati tat-Tip Ristretti tal-EASA, Awtorizzazzjonijiet għal Ordni ta’ Standard Tekniku Ewropew u/jew diversi Ċertifikati tat-Tip Oħrajn jew Awtorizzazzjonijiet għal Ordni ta’ Standard Tekniku oħrajn, għandu jiġi applikat tnaqqis ta’ 25 % għat-tariffa annwali għar-raba’ ċertifikat u għal dawk sussegwenti soġġetti għall-istess tariffa fissa fl-istess kategorija ta’ tariffi.

(c)

Għandu jintalab ħlas bir-rata fis-siegħa stabbilita fil-Parti II ta’ dan l-Anness, sal-livell tat-tariffa sħiħa għall-kategorija tat-tariffi rilevanti fil-każijiet li ġejjin:

(1)

għal kwalunkwe waħda mill-kategoriji ta’ inġenji tal-ajru li ġejjin:

(a)	li jkunu ilhom barra mill-produzzjoni għal aktar minn 20 sena;

(b)	li minnhom ikunu ġew prodotti inqas minn 50 unità madwar id-dinja;

(c)	li minnhom ikunu ġew prodotti 50 unità jew aktar madwar id-dinja, dment li d-detentur taċ-ċertifikat juri li qed jintużaw inqas minn 50 unità madwar id-dinja;

(2)

għal kwalunkwe waħda mill-kategoriji ta’ magni u skrejjen li ġejjin:

(a)	li jkunu ilhom barra mill-produzzjoni għal aktar minn 20 sena;

(b)	li minnhom ikunu ġew prodotti inqas minn 100 unità madwar id-dinja;

(c)	li minnhom ikunu ġew prodotti 100 unità jew aktar madwar id-dinja, dment li d-detentur taċ-ċertifikat juri li l-magna jew l-iskrun huma installati f’inqas minn 50 inġenju tal-ajru waqt is-servizz;

(3)

għal waħda mill-kategoriji li ġejjin ta’ parts u tagħmir mhux installat

(a)	li jkunu ilhom barra mill-produzzjoni għal aktar minn 15-il sena;

(b)	li minnhom ikunu ġew prodotti inqas minn 400 unità madwar id-dinja;

(c)	li minnhom ikunu ġew prodotti 400 unità jew aktar madwar id-dinja, dment li d-detentur taċ-ċertifikat juri li l-part hija installata fuq inqas minn 50 inġenju tal-ajru fis-servizz jew li t-tagħmir mhux installat jinġarr abbord fuq inqas minn 50 inġenju tal-ajru fis-servizz.

Il-kriterji stabbiliti fil-punt C għandhom jiġu vvalutati b’referenza għall-1 ta’ Jannar tas-sena li fiha jibda ċ-ċiklu ta’ fatturazzjoni rispettiv.

Il-perjodu li matulu fattura li tirrigwardja tariffa marbuta mal-ajrunavigabbiltà kontinwa tista’ tiġi aġġustata b’mod retroattiv, wara li jitqiesu t-Tabella u d-derogi, għandu jkun limitat għal sena wara l-ħruġ tagħha.

Tabella 9 A

Approvazzjoni tal-Organizzazzjoni tad-Disinn

(imsemmija fit-Taqsima A, is-Subparti J, tal-Anness I (Parti 21) u t-Taqsima A, is-Subparti J, tal-Anness Ib (Parti 21 Light) tar-Regolament (UE) Nru 748/2012)

Tariffa tal-approvazzjoni (EUR)
	1A	1B 2A	1C 2B 3A	2C 3B	3C
Numru ta’ membri tal-persunal relatati inqas minn 10	10 170	8 000	5 980	4 040	3 130
10 sa 49	28 600	20 430	12 260	8 170	—
50 sa 399	126 640	95 010	63 260	48 470	—
400 sa 999	253 300	189 910	158 280	133 250	—
1 000 sa 2 499	506 580	—	—	—	—
2 500 sa 4 999	759 760	—	—	—	—
5 000 sa 7 000	813 620	—	—	—	—
Aktar minn 7 000	4 221 150	—	—	—	—
Tariffa tas-sorveljanza (8) (EUR)
	1 A	1 B 2 A	1 C 2 B 3 A	2 C 3 B	3 C
Numru ta’ membri tal-persunal relatati inqas minn 10	11 050	8 360	5 990	4 040	3 120
10 sa 49	31 080	21 310	12 260	8 160	—
50 sa 399	119 780	86 310	54 950	44 120	—
400 sa 999	239 760	172 680	137 850	121 290	—
1 000 sa 2 499	479 530	—	—	—	—
2 500 sa 4 999	719 300	—	—	—	—
5 000 sa 7 000	1 527 500	—	—	—	—
Aktar minn 7 000	3 996 860	—	—	—	—
Tariffa tal-Approvazzjoni ta’ Bidliet Sinifikanti (9) (EUR)
	1A	1B 2A	1C 2B 3A	2C 3B	3C
Numru ta’ membri tal-persunal relatati inqas minn 10	910	910	760	600	460
10 sa 49	1 510	1 510	1 670	1 060	—
50 sa 399	6 650	5 140	4 230	1 210	—
400 sa 999	11 180	10 280	6 050	2 120	—
1 000 sa 2 499	15 410	—	—	—	—
2 500 sa 4 999	20 550	—	—	—	—
5 000 sa 7 000	25 390	—	—	—	—
Aktar minn 7 000	27 200	—	—	—	—

Tabella 9B

Proċeduri Alternattivi għall-Approvazzjoni tal-Organizzazzjonijiet tad-Disinn

(imsemmija fit-Taqsima A, is-Subparti J, tal-Anness I (Parti 21) tar-Regolament tal-Kummissjoni (UE) Nru 748/2012)

Kategorija	Deskrizzjoni	Tariffa (EUR)
1A	Ċertifikazzjoni tat-tip	11 150
1B	Ċertifikazzjoni tat-tip — Ajrunavigabbiltà kontinwa biss	4 460
2A	Ċertifikati tat-tip supplimentari (STCs, Supplemental type certificates) u/jew tiswijiet maġġuri	8 920
2B	STCs u/jew tiswijiet maġġuri — Ajrunavigabbiltà kontinwa biss	3 720
3A	ETSOA	8 920
3B	ETSOA — Ajrunavigabbiltà kontinwa biss	4 460

Tabella 10

Approvazzjoni tal-Organizzazzjonijiet tal-Produzzjoni

(imsemmija fit-Taqsima A, is-Subparti G, tal-Anness I (Parti 21) u t-Taqsima A, is-Subparti G, tal-Anness Ib (Parti 21 Light) tar-Regolament (UE) Nru 748/2012)

Tariffa tal-approvazzjoni (EUR)
	Prodott bl-Ogħla Prezz inqas minn EUR 5 000 (10)	Prodott bl-Ogħla Prezz bejn EUR 5 000 u 100 000 (10)	Prodott bl-Ogħla Prezz aktar minn EUR 100 000 (10)
Numru ta’ membri tal-persunal relatati inqas minn 100	28 990	55 750	78 060
Bejn 100 u 499	44 610	89 210	156 120
Bejn 500 u 999	83 640	167 270	334 550
Bejn 1 000 u 4 999	223 030	446 050	1 115 130
Bejn 5 000 u 20 000	836 320	1 672 700	3 902 950
Aktar minn 20 000	1 393 910	2 787 820	5 575 640
Tariffa tas-sorveljanza (EUR)
	Prodott bl-Ogħla Prezz inqas minn EUR 5 000 (10)	Prodott bl-Ogħla Prezz bejn EUR 5 000 u 100 000 (10)	Prodott bl-Ogħla Prezz aktar minn EUR 100 000 (10)
Numru ta’ membri tal-persunal relatati inqas minn 100	19 330	37 180	52 050
Bejn 100 u 499	29 740	59 470	104 060
Bejn 500 u 999	55 750	111 520	222 650
Bejn 1 000 u 4 999	148 680	297 370	743 420
Bejn 5 000 u 20 000	557 570	1 115 180	2 601 960
Aktar minn 20 000	877 500	1 858 550	3 900 000

Tabella 11

Approvazzjoni tal-Organizzazzjoni tal-Manutenzjoni

(imsemmija fl-Anness II (Parti-145) tar-Regolament tal-Kummissjoni (UE) Nru 1321/2014 (11))

	Tariffa tal-approvazzjoni (12) (EUR)	Tariffa tas-sorveljanza (12) (EUR)
Numru ta’ membri tal-persunal relatati inqas minn 5	5 190	3 970
Bejn 5 u 9	8 630	6 910
Bejn 10 u 49	34 570	21 410
Bejn 50 u 99	55 320	42 820
Bejn 100 u 499	73 930	57 240
Bejn 500 u 999	102 100	79 050
Aktar minn 999	143 350	110 920
Klassifikazzjonijiet tekniċi	Tariffa fissa bbażata fuq klassifikazzjoni teknika (13) (EUR)	Tariffa fissa bbażata fuq klassifikazzjoni teknika (13) (EUR)
A 1	29 460	22 800
A 2	6 710	5 190
A 3	13 390	10 360
A 4	1 330	1 040
B 1	13 390	10 360
B 2	6 710	5 190
B 3	1 330	1 040
C/D	1 330	1 040

Tabella 12

Approvazzjoni ta’ Organizzazzjonijiet ta’ Taħriġ fil-Manutenzjoni

(imsemmija fl-Anness IV (Parti-147) tar-Regolament (UE) Nru 1321/2014)

Tariffa tal-approvazzjoni (EUR)

Tariffa tas-sorveljanza (EUR)

Numru ta’ membri tal-persunal relatati inqas minn 5

5 190

3 970

Bejn 5 u 9

14 690

11 400

Bejn 10 u 49

31 600

29 230

Bejn 50 u 99

61 430

48 660

Aktar minn 99

80 880

74 340

Tariffa għal:

—	l-approvazzjoni ta’ proċedura ta’ MTOE “mhux fuq il-post” (14)

4 960

3 720

—	it-tieni faċilità addizzjonali u faċilità addizzjonali sussegwenti (15) (16)

4 960

3 720

Tariffa għat-tieni kors ta’ taħriġ addizzjonali u kors ta’ taħriġ sussegwenti (15) (16)

4 960

—

Tabella 13

Approvazzjoni tal-Organizzazzjoni ta’ Ġestjoni tal-Ajrunavigabbiltà Kontinwa ta’ Pajjiżi Terzi

(imsemmija fl-Anness Vc (Parti-CAMO) tar-Regolament (UE) Nru 1321/2014)

		Tariffa fissa (17) (EUR)
Tariffa tal-approvazzjoni		74 340
Tariffa tas-sorveljanza		74 340
Klassifikazzjonijiet tekniċi	Tariffa fissa abbażi tal-klassifikazzjoni teknika (18) (EUR) — Approvazzjoni inizjali	Tariffa fissa abbażi tal-klassifikazzjoni teknika (18) (EUR) — Sorveljanza
A1 = ajruplani aktar minn 5 700 kg	18 590	18 590
A2 = ajruplani ta’ 5 700 kg u inqas	9 290	9 290
A3 = ħelikopters	9 290	9 290
A4: l-oħrajn kollha	9 290	9 290

Tabella 14

Apparati ta’ Taħriġ ta’ Simulazzjoni tat-Titjir (FSTDs, Flight Simulation Training Devices) u organizzazzjonijiet

(imsemmijin fis-Subparti FSTD tal-Anness VI (Parti-ARA) u fis-Subparti FSTD tal-Anness VII (Parti-ORA) tar-Regolament tal-Kummissjoni (UE) Nru 1178/2011 (19))

Tariffa tal-approvazzjoni tal-organizzazzjoni (EUR)
Tariffa fissa għal kull lok	17 340
Tariffa tal-approvazzjoni tal-kwalifikazzjoni tal-apparat (EUR)
	Konfigurazzjoni tal-immuntar ta’ magna waħda u tagħmir wieħed	Konfigurazzjoni tal-immuntar ta’ żewġ magni u/jew żewġ tagħmiriet	Konfigurazzjoni tal-immuntar ta’ tliet magni u/jew tliet tagħmiriet jew aktar
Simulatur ta’ Titjira Sħiħa (FFS, Full Flight Simulator)	45 080	55 490	64 500
Apparat għat-Taħriġ fit-Titjir (FTD, Flight Training Device)	19 080	22 560	31 560
	Magna waħda bil-pistuni jew l-ekwivalenti	Diversi magni bil-pistuni jew l-ekwivalenti	Magna waħda jew diversi magni turboprop jew turbofann jew l-ekwivalenti
Tagħmir għat-Taħriġ fil-Proċeduri tat-Titjir u tan-Navigazzjoni (FNPT, Flight Navigation Procedure Trainer)	13 870	19 080	26 020
Tariffa tas-sorveljanza tal-organizzazzjoni (EUR)
Tariffa fissa għal kull lok (kumplessa)	7 810
Tariffa fissa għal kull lok (mhux kumplessa)	3 900
Tariffa tas-sorveljanza tal-apparat (EUR)
Simulatur ta’ Titjira Sħiħa (FFS)	12 820
Simulatur ta’ Titjira Sħiħa (FFS) — Ajruplani biss — soġġett għal ftehim bilaterali (20)	3 930
Apparat għat-Taħriġ fit-Titjir (FTD)	7 310
	Magna waħda bil-pistuni jew l-ekwivalenti	Diversi magni bil-pistuni jew l-ekwivalenti	Magna waħda jew diversi magni turboprop jew turbofann jew l-ekwivalenti
Tagħmir għat-Taħriġ fil-Proċeduri tat-Titjir u tan-Navigazzjoni (FNPT)	5 210	6 940	10 400
Programm ta’ Evalwazzjoni Estiż (EEP, Extended Evaluation Programme) — Tariffa tas-sorveljanza tal-organizzazzjoni (EUR)
Tariffa fissa għal kull lok (kumplessa)	15 610
Tariffa fissa għal kull lok (mhux kumplessa)	7 810
Tariffa tas-sorveljanza tal-apparat (EUR)
	EEP ta’ 3 snin
Simulatur ta’ Titjira Sħiħa (FFS)	5 740
Apparat għat-Taħriġ fit-Titjir (FTD)	3 430
	Magna waħda bil-pistuni jew l-ekwivalenti	Diversi magni bil-pistuni jew l-ekwivalenti	Magna waħda jew diversi magni turboprop jew turbofann jew l-ekwivalenti
Tagħmir għat-Taħriġ fil-Proċeduri tat-Titjir u tan-Navigazzjoni (FNPT)	2 670	3 240	4 630
	EEP ta’ sentejn
Simulatur ta’ Titjira Sħiħa (FFS)			7 460
Apparat għat-Taħriġ fit-Titjir (FTD)			4 450
	Magna waħda bil-pistuni jew l-ekwivalenti	Diversi magni bil-pistuni jew l-ekwivalenti	Magna waħda jew diversi magni turboprop jew turbofann jew l-ekwivalenti
Tagħmir għat-Taħriġ fil-Proċeduri tat-Titjir u tan-Navigazzjoni (FNPT)	3 300	4 170	6 080

Tabella 15

Aċċettazzjoni tal-approvazzjonijiet ekwivalenti għall-approvazzjonijiet tal-“Parti-145” u tal-“Parti-147” f’konformità mal-ftehimiet bilaterali applikabbli

	Tariffa fissa (EUR)
Approvazzjonijiet ġodda, għal kull applikazzjoni	1 260
Kontinwazzjoni tal-approvazzjonijiet eżistenti, għal kull ċiklu ta’ fatturazzjoni	1 260

Tabella 16 A

Trasferiment tal-Programm għall-Manutenzjoni ta’ Inġenji tal-Ajru (AMP, Aircraft Maintenance Programme)

(imsemmi fil-punt M.1.3.(ii) tal-Anness I tar-Regolament (UE) Nru 1321/2014)

	Klassifikazzjonijiet Tekniċi
	A1	A2	A3	A4
Tariffa tat-Tħejjija tat-trasferiment (EUR) (21)	7 750	4 650	7 750	4 650

Tabella 16B

Sorveljanza tal-Programm ta’ Manutenzjoni tal-Inġenji tal-Ajru

(imsemmi fil-punt M.1.3.(ii) tal-Anness I tar-Regolament (UE) Nru 1321/2014)

	Tariffa tas-sorveljanza (EUR) (22)
	Klassifikazzjonijiet Tekniċi
Daqs tal-Flotta (23)	A1	A2	A3	A4
Bażika (0 sa 4 inġenji tal-ajru)	7 750	4 650	7 750	4 650
Żgħira (5 sa 19-il inġenju tal-ajru)	15 500	9 300	15 500	9 300
Medja (20 sa 149 inġenju tal-ajru)	23 250	13 950	23 250	13 950
Kbira (aktar minn 150 inġenju tal-ajru)	31 000	18 600	31 000	18 600

Tabella 17 A

Trasferiment tal-Organizzazzjoni ta’ Ġestjoni tal-Ajrunavigabbiltà Kontinwa (CAMO, Continuing Airworthiness Management Organisation)

(imsemmi fl-Anness Vc (Parti-CAMO) tar-Regolament (UE) Nru 1321/2014 fil-każ ta’ riallokazzjoni tar-responsabbiltà skont l-Artikolu 64 jew 65 tar-Regolament (UE) 2018/1139)

Tariffa tat-Tħejjija tat-trasferiment (EUR) (24)

20 000

Tabella 17B

Sorveljanza tal-Organizzazzjoni ta’ Ġestjoni tal-Ajrunavigabbiltà Kontinwa

(imsemmi fl-Anness Vc (Parti-CAMO) tar-Regolament (UE) Nru 1321/2014 fil-każ ta’ riallokazzjoni tar-responsabbiltà skont l-Artikolu 64 jew 65 tar-Regolament (UE) 2018/1139)

	Klassifikazzjonijiet Tekniċi
Daqs tal-Flotta (25)	A1	A2	A3	A4
Tariffa tas-sorveljanza (EUR) (26)
Bażika (0 sa 4 inġenji tal-ajru)	46 500	24 800	46 500	24 800
Żgħira (5 sa 9 inġenji tal-ajru)	86 800	49 600	86 800	49 600
Medja (10 sa 19-il inġenju tal-ajru)	124 000	62 000	124 000	62 000
Medja-Kbira (20 sa 149 inġenju tal-ajru)	232 500	86 800	232 500	86 800
Kbira (150 sa 249 inġenju tal-ajru)	310 000	124 000	310 000	124 000
Kbira ħafna (aktar minn 249 inġenju tal-ajru)	496 000	186 000	496 000	186 000

Tabella 18

Approvazzjoni tal-Organizzazzjoni tal-Ajrunavigabbiltà Kombinata

(imsemmija fl-Anness Vd (Parti-CAO) tar-Regolament (UE) Nru 1321/2014)

	Tariffa tal-approvazzjoni (27) (EUR)	Tariffa tas-sorveljanza (27) (EUR)
Numru ta’ membri tal-persunal relatati inqas minn 5	4 640	3 550
Bejn 5 u 9	7 720	6 170
Bejn 10 u 49	30 900	19 140
Bejn 50 u 99	49 450	38 280
Bejn 100 u 499	66 090	51 170
Bejn 500 u 999	91 270	70 660
Aktar minn 999	128 140	99 150
Tariffa fissa bbażata fuq klassifikazzjoni għal Privileġġ: Manutenzjoni	Tariffa tal-approvazzjoni (28) (EUR)	Tariffa tas-sorveljanza (28) (EUR)
Ajruplani — ħlief inġenji tal-ajru motorizzati kumplessi	6 000	4 640
Ajruplani b’massa massima waqt il-qtugħ mill-art (MTOM, maximum take-off mass) sa 2 730 kg	6 000	4 640
Ħelikopters — ħlief inġenji tal-ajru motorizzati kumplessi	11 970	9 260
Ħelikopters b’MTOM sa 1 200 kg, iċċertifikati għal massimu ta’ erba’ okkupanti	11 970	9 260
Iġfna tal-ajru	1 190	930
Blalen tal-arja	1 190	930
Sailplanes	1 190	930
Magni bit-turbini kompluti	6 000	4 640
Magni bil-pistuni kompluti	6 000	4 640
Magni elettriċi	6 000	4 640
Komponenti ħlief magni kompluti	1 190	930
Ittestjar mhux distruttiv (NDT, Non-destructive testing)	1 190	930
Tariffa fissa bbażata fuq id-data teknika għal Privileġġ: Ġestjoni tal-ajrunavigabbiltà kontinwa	Tariffa tal-approvazzjoni (29) (EUR)	Tariffa tas-sorveljanza (29) (EUR)
Ġestjoni tal-ajrunavigabbiltà kontinwa	15 000	15 000

Tabella 19 A

Trasferiment taċ-Ċertifikat tal-Operatur tal-Ajru

	AOC uniku	Diversi AOC
Tariffa tat-Tħejjija tat-trasferiment (EUR)	30 000	50 000

Tabella 19B

Approvazzjoni Inizjali taċ-Ċertifikat tal-Operatur tal-Ajru (30)

Kategorija tal-Inġenju tal-Ajru	Tariffa tal-Approvazzjoni (EUR)	Tariffa tat-Tip Addizzjonali (EUR)
HTOL aktar minn 55 000 kg	500 000	31 000
HTOL aktar minn 22 000 kg sa 55 000 kg	450 000	25 000
HTOL aktar minn 5 700 kg sa 22 000 kg	425 000	15 500
HTOL sa 5 700 kg	400 000	7 750
VTOL Kbir	500 000	31 000
VTOL Medju	450 000	15 500
VTOL Żgħir	400 000	7 750
Inġenji tal-ajru b’kapaċità VTOL	215 000	7 750
Approvazzjonijiet Speċjali Addizzjonali
	Tip ta’ bidla	Tariffa tal-Approvazzjonijiet Speċjali (EUR)
Żieda ta’ approvazzjoni speċifika waħda dwar l-ispeċifikazzjonijiet tal-operazzjonijiet (ħlief Navigazzjoni Bbażata fuq il-Prestazzjoni, Taħriġ Ibbażat fuq l-Evidenza, Operazzjonijiet b’firxa Estiża b’ajruplani b’żewġ magni, u Electronic Flight Bags)	Kbira	15 500
Żieda ta’ approvazzjoni speċifika waħda dwar l-ispeċifikazzjonijiet tal-operazzjonijiet (Navigazzjoni Bbażata fuq il-Prestazzjoni, Taħriġ Ibbażat fuq l-Evidenza, Operazzjonijiet b’firxa Estiża b’ajruplani b’żewġ magni, u Electronic Flight Bags)	Sinifikanti	31 000

Tabella 19C

Sorveljanza taċ-Ċertifikat tal-Operatur tal-Ajru (31)

Kategorija tal-Inġenju tal-Ajru	Numru Totali ta’ Inġenji tal-Ajru li qed jitħaddmu	Tariffa tas-Sorveljanza (EUR)	Tariffa tat-Tip Addizzjonali (EUR)
HTOL aktar minn 55 000 kg	0 -9	188 000	31 000
	10 -49	230 000
	50 -99	285 000
	100 -149	340 000
	150 -199	395 000
	200 +	450 000
HTOL aktar minn 22 000 kg sa 55 000 kg	0 -9	179 000	25 000
	10 -49	221 000
	50 -99	263 000
	100 -149	305 000
	150 -199	347 000
	200 +	389 000
HTOL aktar minn 5 700 kg sa 22 000 kg	0 -9	160 000	15 500
	10 -49	203 000
	50 -99	246 000
	100 +	289 000
HTOL sa 5 700 kg	0 -9	136 000	7 750
	10 -49	167 000
	50 -99	198 000
	100 +	229 000
VTOL Kbir	0 -9	174 000	31 000
	10 -49	226 000
	50 -99	278 000
	100 +	330 000
VTOL Medju	0 -9	164 000	15 500
	10 -49	209 000
	50 -99	254 000
	100 +	299 000
VTOL Żgħir	0 -9	145 000	7 750
	10 -49	182 000
	50 -99	219 000
	100 +	256 000
Inġenji tal-ajru b’kapaċità VTOL	0 -9	145 000	7 750
	10 -49	182 000
	50 -99	219 000
	100 +	256 000

Tabella 19D

Bidliet fiċ-Ċertifikat tal-Operatur tal-Ajru

Klassifikazzjoni tal-bidla	Tariffa tal-Approvazzjoni (EUR)
Żgħira	2 500
Medja	7 500
Kbira	15 500
Sinifikanti	31 000

Tabella 20 A

Trasferiment tal-Organizzazzjoni tat-Taħriġ Approvata (ATO, Approved Training Organisation)

(fil-każ ta’ riallokazzjoni tar-responsabbiltà skont l-Artikolu 64 jew 65 tar-Regolament (UE) 2018/1139)

Numru ta’ ATOs	Tariffa tat-Tħejjija tat-trasferiment (EUR)
ATO unika	22 400
Żewġ ATOs	26 800
Tliet ATOs	29 100
Aktar minn tliet ATOs	33 500

Tabella 20B

Organizzazzjoni tat-Taħriġ Approvata

Grupp	Tariffa tal-Approvazzjoni (EUR)	Tariffa tas-Sorveljanza (32) (EUR)
I	34 100	10 100
II	42 800	17 400
III	62 000	26 600
IV	83 100	53 200
V	158 100	140 200
VI	210 800	203 800

Tabella 21

Approvazzjoni tal-organizzazzjoni tal-ATM/ANS

(imsemmija fl-Ambitu tas-Servizz f’konformità mal-Artikolu 1 tar-Regolament ta’ Implimentazzjoni tal-Kummissjoni (UE) 2017/373 (33))

	Daqs tal-Organizzazzjonijiet
	Żgħar	Medji	Kbar
Tariffa tal-approvazzjoni (EUR)
Servizzi tad-Data (DAT) tat-Tip 1 jew tat-Tip 2	55 000	63 000	77 000
Servizzi tad-Data (DAT) tat-Tip 1 u tat-Tip 2	63 000	83 000	110 000
Funzjonijiet tan-Network (NF, Network Functions) tal-ATM	—	—	558 000
Servizzi ta’ Informazzjoni Ajrunawtika (AIS, Aeronautical Information Services)	83 000	122 000	174 000
Tfassil ta’ Proċedura tat-Titjir (FPD, Flight Procedure Design)	42 000	62 000	87 000
Komunikazzjoni (K)	138 000	212 000	310 000
Navigazzjoni (N)	138 000	212 000	310 000
Sorveljanza (S)	138 000	212 000	310 000
Servizzi Meteoroloġiċi (MET, Meteorological Services)	83 000	122 000	174 000
Tariffa tas-sorveljanza (EUR) (34)
Servizzi tad-Data (DAT) tat-Tip 1 jew tat-Tip 2	39 000	45 000	55 000
Servizzi tad-Data (DAT) tat-Tip 1 u tat-Tip 2	45 000	59 000	78 000
Funzjonijiet tan-Network (NF) tal-ATM	—	—	279 000
Servizzi ta’ Informazzjoni Ajrunawtika (AIS)	59 000	87 000	124 000
Tfassil ta’ Proċedura tat-Titjir (FPD)	30 000	44 000	62 000
Komunikazzjoni (K)	69 000	106 000	155 000
Navigazzjoni (N)	69 000	106 000	155 000
Sorveljanza (S)	69 000	106 000	155 000
Servizzi Meteoroloġiċi (MET)	59 000	87 000	124 000

Tabella 22

Approvazzjoni tal-Organizzazzjoni tad-Disinn jew tal-Produzzjoni tal-ATM/ANS

(imsemmija fl-Ambitu tas-Servizz f’konformità mal-Artikolu 1 tar-Regolament ta’ Implimentazzjoni tal-Kummissjoni (UE) 2023/1769 (35))

Daqs tal-Organizzazzjonijiet	Tariffa tal-approvazzjoni (EUR)	Tariffa tas-sorveljanza (36) (EUR)
Żgħar	30 380	27 280
Sempliċi	114 080	98 270
Standard	164 300	145 080
Kumplessi	254 520	225 690

Tabella 23

Skema ta’ tikkettar ambjentali (ir-Regolament (UE) 2023/2405 tal-Parlament Ewropew u tal-Kunsill (37) )

	Tariffa għal kull tikketta (EUR)
Imposta tal-ħruġ (38) (39)	90
Imposta tat-tiġdid (39) (40)	60

Tabella 24

Pjattaforma Data4Safety (D4S)

Servizz biex jiġi pprovdut aċċess għall-intelligence dwar l-avjazzjoni u l-analitika dwar is-settur tal-avjazzjoni Ewropew

	Livell ta’ servizz
	Bażiku	Avvanzat
Imposta tal-abbonament għal Membru tad-D4S (EUR) (41)	—	50 000
Mhux membru tad-D4S — Imposta tal-abbonament għal Sieħeb tal-UE (EUR)	50 000	100 000
Mhux membru tad-D4S — Imposta tal-abbonament għal Sieħeb mhux tal-UE (EUR)	75 000	150 000

PARTI II

Kompiti jew servizzi ta’ ċertifikazzjoni li għalihom jintalab ħlas fuq bażi ta’ kull siegħa

Rata fis-siegħa

Rata fis-siegħa applikabbli (EUR/h)

347

Rata fis-siegħa skont il-kompiti kkonċernati (42):

Produzzjoni mingħajr approvazzjoni	Numru reali ta’ sigħat
Trasferiment taċ-ċertifikati	Numru reali ta’ sigħat
Bidliet fiċ-ċertifikat tal-Organizzazzjoni tat-Taħriġ Approvata mhux koperti mit-tariffa tas-sorveljanza	Numru reali ta’ sigħat
Ċertifikat ta’ Ċentru Ajrumediku	Numru reali ta’ sigħat
Servizzi tan-navigazzjoni bl-ajru transfruntiera (ATS, ATFM, ASM, CNS, MET)	Numru reali ta’ sigħat
Ċertifikazzjoni tat-tagħmir tal-ATM/ANS	Numru reali ta’ sigħat
Ċertifikazzjoni tat-tagħmir tal-ajrudrom	Numru reali ta’ sigħat
Dikjarazzjoni tat-tagħmir tal-ajrudrom	Numru reali ta’ sigħat
Ċertifikat ta’ Organizzazzjoni tat-Taħriġ tal-Kontrolluri tat-Traffiku tal-Ajru	Numru reali ta’ sigħat
Aċċettazzjoni tar-Rapporti mill-Bord tal-Evalwazzjoni Operazzjonali	Numru reali ta’ sigħat
Appoġġ taċ-Ċertifikazzjoni għall-Validazzjoni: Servizz individwali	Numru reali ta’ sigħat
Apparati ta’ Taħriġ ta’ Simulazzjoni tat-Titjir: Attivitajiet speċjali oħrajn	Numru reali ta’ sigħat
Bidliet fil-Proċeduri Alternattivi għall-Approvazzjoni tal-Organizzazzjoni tad-Disinn	Numru reali ta’ sigħat
Approvazzjoni inizjali tal-Programm ta’ Manutenzjoni tal-Inġenji tal-Ajru	Numru reali ta’ sigħat
Ċertifikat tal-organizzazzjoni ta’ Fornituri tas-Servizzi tal-U-space (USSP, U-Space Service Providers)	Numru reali ta’ sigħat
Ċertifikat ta’ operaturi ta’ UAS ħafifa (LUC, light UAS operator certificate)	Numru reali ta’ sigħat
Verifika tad-disinn għall-UAS imħaddma fil-kategorija “speċifiċi”	Numru reali ta’ sigħat
UAS imħaddma fiċ-ċertifikazzjoni tal-kategorija “ċertifikata”	Numru reali ta’ sigħat
Ċertifikazzjoni ta’ inġenji tal-ajru b’kapaċità VTOL (VCA)	Numru reali ta’ sigħat
Ċertifikazzjoni tal-magni elettriċi u ċertifikazzjoni tas-Sistema ta’ Propulsjoni Elettrika u Ibrida (EHPS, Electric and Hybrid Propulsion System)	Numru reali ta’ sigħat
Attivitajiet tal-ajrunavigabbiltà kontinwa relatati maċ-Ċertifikati tat-Tip Supplimentari	Numru reali ta’ sigħat
Prereġistrazzjoni ta’ dikjarazzjoni tal-konformità tad-disinn	Numru reali ta’ sigħat
Servizzi ta’ Innovazzjoni	Numru reali ta’ sigħat
Approvazzjoni ta’ Korsijiet ta’ Taħriġ skont l-Artikolu 92 tar-Regolament (UE) 2018/1139	Numru reali ta’ sigħat
Ċertifikat tal-esportazzjoni għall-ajrunavigabbiltà (E-CoA, Export certificate of airworthiness) għall-inġenji tal-ajru CS-25	6 sigħat
Ċertifikat ta’ esportazzjoni għall-ajrunavigabbiltà (E-CoA) għal inġenji tal-ajru oħrajn	Sagħtejn
Mezz Alternattiv għall-Konformità mal-AD (AMOC, Alternative Method of Compliance)	4 sigħat
Approvazzjoni tal-kundizzjonijiet tat-titjir għall-Permess għat-Titjir	3 sigħat
Numru tas-serje wieħed ta’ STC bażika	Sagħtejn
Ħruġ mill-ġdid amministrattiv ta’ dokument mingħajr involviment tekniku	Siegħa
Kontroll tal-Kapaċità	Siegħa
Dikjarazzjoni tal-Kapaċità tad-Disinn (applikazzjoni għal Organizzazzjoni tad-Disinn Iddikjarata)	3 sigħat
Dikjarazzjoni tat-tagħmir tal-ATM/ANS	3 sigħat

PARTI IIa

Imposti għall-forniment ta’ servizzi tat-taħriġ

A. Servizzi ta’ Taħriġ soġġetti għal imposti

Soġġett għall-punt B, l-imposti għas-servizzi ta’ taħriġ mogħtija mill-persunal tal-Aġenzija fl-eżerċitar tal-funzjonijiet tagħhom għandhom jiġu applikati kif ġej:

(a)	għat-taħriġ fil-klassi, internament jew fuq il-post, u għat-taħriġ online, f’konformità mal-ammonti korrispondenti stabbiliti fl-Appendiċi;

(b)	għal tipi oħrajn ta’ servizzi ta’ taħriġ jew talbiet relatati, f’konformità mar-rata fis-siegħa stabbilita fil-Parti II ta’ dan l-Anness.

Is-servizzi ta’ taħriġ fil-klassi mogħtija minn fornituri ta’ servizzi ta’ taħriġ ikkuntrattati, internament jew fuq il-post, għandu jintalab ħlas għalihom fuq il-bażi tal-kost totali ta’ kull kors diviż bid-daqs medju tal-klassi.

Għal servizzi ta’ taħriġ barra mill-bini tal-Aġenzija, meta l-organizzazzjoni li titlob it-taħriġ ma tipprovdix faċilitajiet ta’ taħriġ xierqa, għandhom jiġu imposti kostijiet diretti assoċjati.

B. Eżenzjoni mill-imposti previsti fl-Appendiċi

L-Aġenzija tista’ tagħti eżenzjoni mill-imposti previsti fl-Appendiċi għal servizzi ta’ taħriġ mogħtija lil:

(a)	l-awtoritajiet tal-avjazzjoni nazzjonali, l-organizzazzjonijiet internazzjonali jew partijiet ikkonċernati ewlenin oħrajn, meta jiġi żgurat li dawn jipprovdu servizzi ta’ taħriġ ta’ benefiċċju ekwivalenti għall-Aġenzija;

(b)

l-universitajiet pubbliċi jew privati jew organizzazzjonijiet simili, jekk jiġu ssodisfati l-kundizzjonijiet kollha li ġejjin:

—	is-servizzi tat-taħriġ huma parti minn programm ta’ studju li jwassal għal kwalifika tal-ewwel grad jew ta’ wara l-ewwel grad f’dixxiplina relatata mal-avjazzjoni;

—	il-programm ta’ studju għandu tul ta’ żmien minimu ta’ sena akkademika waħda;

—	l-iskop jew l-effett ewlieni tal-programm mhuwiex li jipprovdi taħriġ inizjali jew kontinwu għall-professjonisti fl-avjazzjoni jew f’oqsma relatati;

(c)	il-persuni li jappoġġaw l-attivitajiet tal-Aġenzija jew li jipparteċipaw fihom u li jeħtieġu t-taħriġ biex jiżguraw l-għarfien tal-proċessi tal-Aġenzija u għodod speċjalizzati relatati ma’ dawk l-attivitajiet.

Appendiċi tal-Parti IIa

Taħriġ fil-klassi	Tul ta’ żmien tat-taħriġ, f’jiem
Taħriġ fil-klassi	0,5	1	1,5	2	2,5	3	4	5
Imposta għat-taħriġ individwali (EUR/jum)	620	1 000	1 300	1 530	1 770	2 000	2 420	2 810
Imposta għal sessjoni (EUR/jum)	4 910	8 000	10 390	12 210	14 180	16 010	19 380	22 460

Taħriġ online	Tul ta’ żmien tat-taħriġ, f’sigħat
Taħriġ online	1	2	3	4	5	6	7	8
Imposta għat-taħriġ individwali (EUR/siegħa)	70	140	210	280	350	420	490	560

PARTI III

Imposti għall-appelli

L-imposti għall-appelli għandhom jiġu kkalkolati kif ġej: l-imposta fissa għandha tiġi mmultiplikata bil-koeffiċjent indikat għall-kategorija tal-imposti korrispondenti għall-persuna jew l-organizzazzjoni inkwistjoni.

Imposta fissa	10 000 (EUR)
Kategorija ta’ imposti għall-persuni fiżiċi	Koeffiċjent
	0,10

Kategorija ta’ imposti għall-persuni ġuridiċi, skont il-fatturat finanzjarju tal-appellant (f’EUR)	Koeffiċjent
Inqas minn 100 001	0,25
Bejn 100 001 u 1 200 000	0,50
Bejn 1 200 001 u 2 500 000	0,75
Bejn 2 500 001 u 5 000 000	1,00
Bejn 5 000 001 u 50 000 000	2,50
Bejn 50 000 001 u 500 000 000	5,00
Bejn 500 000 001 u 1 000 000 000	7,50
Aktar minn 1 000 000 000	10,00

PARTI IV

Rata ta’ inflazzjoni annwali

Ir-rata ta’ inflazzjoni annwali li trid tintuża:	“Eurostat HICP (L-entrati kollha) — il-pajjiżi kollha tal-Unjoni Ewropea” (2015 = 100) Bidla perċentwali/medja ta’ 12-il xahar
Il-valur tar-rata li trid titqies:	Il-valur tar-rata 3 xhur qabel l-implimentazzjoni tal-indiċjar

PARTI V

Nota ta’ Spjegazzjoni

(1)

Għall-inġenji tal-ajru ta’ prestazzjoni għolja fil-kategorija tal-piż sa 5 700 kg kif definit fl-Artikolu 2(16) għandu jintalab ħlas ta’ kategorija waħda ogħla mill-kategorija ddeterminata mill-Piż Massimu tal-Qtugħ mill-Art (MTOW) tagħhom, iżda li ma taqbiżx il-kategorija “aktar minn 5 700 kg sa 22 000 kg”.

(2)

Fil-Parti I, it-Tabelli 1 sa 4 u 8, ta’ dan l-Anness, il-valuri tal-“Parts u Tagħmir Mhux Installat” jirreferu għal-lista ta’ prezzijiet tal-manifattur rilevanti.

(3)

Għat-tariffi applikati f’konformità mal-Parti I, it-Tabelli 2, 3, 4 u 8, ta’ dan l-Anness, il-kategorija tat-tariffi applikabbli għal kull applikazzjoni għandha tiġi ddeterminata mill-kategorija tat-tariffi assenjata lid-disinn tat-tip relatat. Meta jiġu ċċertifikati aktar minn mudell wieħed taħt disinn ta’ tip wieħed, il-kategorija tat-tariffi tal-maġġoranza ta’ dawn il-mudelli hija applikabbli. Fil-każ ta’ distribuzzjoni ugwali tal-kategorija tat-tariffi, tapplika l-kategorija tal-ogħla tariffa. Għal applikazzjonijiet relatati ma’ diversi disinji tat-tip, il-kategorija tal-ogħla tariffa hija applikabbli.

(4)

Jekk applikazzjoni tinkludi l-kunċett tal-istabbiliment ta’ Lista ta’ Mudelli Approvati (AML, Approved Model List), għandha tapplika t-tariffa korrispondenti li tiżdied b’20 %. Għar-reviżjoni ta’ lista ta’ mudelli approvati, għandhom japplikaw it-tariffi elenkati fil-Parti I, it-Tabelli 2, 3 u 4 ta’ dan l-Anness. Il-kunċett ta’ Lista ta’ Mudelli Approvati jirreferi għall-mudelli ċċertifikati skont disinji tat-tip differenti.

(5)

Fil-Parti I, it-Tabelli 2 u 3, ta’ dan l-Anness, “Sempliċi”, “Standard”, “Sinifikanti” u “Kumpless Sinifikanti” jirreferu għal dawn li ġejjin:

	Sempliċi	Standard	Sinifikanti	Kumpless Sinifikanti
Tip Supplimentari tal-EASA Ċertifikat (STC, Supplemental Type Certificate)	STC, bidla maġġuri fid-disinn, jew tiswija, li tinvolvi biss metodi ta’ ġustifikazzjoni attwali u li diġà ngħataw provi tajba dwar l-affidabbiltà tagħhom, li għalihom hemm ġabra sħiħa ta’ data (deskrizzjoni, lista ta’ kontrolli tal-konformità u dokumenti ta’ konformità) li tista’ tiġi kkomunikata fil-ħin tal-applikazzjoni, u li għaliha l-applikant ikun wera esperjenza, u li tkun tista’ tiġi vvalutata biss mill-maniġer taċ-ċertifikazzjoni tal-proġett, jew inkella b’involviment limitat ta’ speċjalista f’dixxiplina unika	L-STCs l-oħrajn kollha, bidliet maġġuri fid-disinn jew tiswijiet	“Sinifikanti” hija definita fil-punt 21.A.101(b) tal-Anness I (Parti 21) tar-Regolament (UE) Nru 748/2012 (u bl-istess mod fl-FAA 14CFR 21.101(b)).	“Bidla Kumplessa Sinifikanti” hija kwalunkwe bidla sinifikanti (ara l-punt 21.A.101 tal-Anness I (Parti 21) tar-Regolament (UE) Nru 748/2012) li tinvolvi mill-inqas żewġ raġunijiet li jiġġustifikaw il-klassifikazzjoni tagħha bħala sinifikanti (eżempji ta’ kriterji skont il-punt 21.A.101 tal-Anness I (Parti 21) tar-Regolament (UE) Nru 748/2012: bidla fil-konfigurazzjoni ġenerali, bidla fil-prinċipji tal-kostruzzjoni, is-suppożizzjonijiet użati għaċ-ċertifikazzjoni ġew invalidati) jew kwalunkwe bidla sinifikanti li tinvolvi żewġ eżempji jew aktar deskritti bħala bidla sinifikanti (il-kolonna “Deskrizzjoni tal-bidla” tat-Tabelli fl-Appendiċi A ta’ GM 21.A.101 tal-Anness I (Parti 21) tar-Regolament (UE) Nru 748/2012). Jekk ikun ġustifikat minn ċirkostanzi tekniċi eċċezzjonali, l-Aġenzija tista’ tikklassifika mill-ġdid applikazzjoni sinifikanti kumplessa għal sinifikanti (eż. STCs tal-Konverżjoni ta’ Inġenji tal-Ajru tal-Merkanzija għal Ingenji tal-Ajru tal-Passiġġieri).
Bidliet maġġuri fid-disinn tal-EASA
Tiswijiet maġġuri tal-EASA			m/a	m/a

(6)

Fil-Parti I, it-Tabella 5, ta’ dan l-Anness “Żgħar” tirreferi għall-applikazzjonijiet li jiġu ttrattati mingħajr involviment tekniku, “Kbar” tirreferi għall-appoġġ għall-validazzjoni applikabbli għal Ajruplani kbar, Inġenji tal-Ajru bir-Rotors Kbar u Magni bit-Turbini, “Medji” tirreferi għall-appoġġ għall-validazzjoni applikabbli għal kategoriji ta’ prodotti oħrajn, kif ukoll għal parts u tagħmir mhux installat. Il-ħlas għall-assistenza teknika/appoġġ tekniku relatat mal-attivitajiet ta’ sejba ta’ konformità u l-appoġġ għall-validazzjoni, għandu jintalab bħala servizz individwali jekk l-Aġenzija tikkonferma li l-isforz meħtieġ jaqbeż b’mod sinifikanti l-pakketti ta’ servizzi definiti minn qabel.

(7)

Fil-Parti I, it-Tabella 7 A, ta’ dan l-Anness, it-TCOs huma kklassifikati fil-kategorija “Ħafifa” jekk il-kapaċità tal-akbar inġenju tal-ajru tkun 19-il passiġġier jew inqas u l-MTOM tal-itqal inġenju tal-ajru fuq l-Awtorizzazzjoni tat-TCO tkun inqas minn 55 000 kg. It-TCOs huma kklassifikati fil-kategorija “Tqila” jekk il-kapaċità tal-akbar inġenju tal-ajru tkun aktar minn 19-il passiġġier jew jekk l-MTOM tal-itqal inġenju tal-ajru fuq l-Awtorizzazzjoni tat-TCO tkun ta’ 55 000 kg jew aktar. TCOs li joperaw VTOL jitqiesu li jagħmlu parti mill-kategorija “Ħafifa”.

(8)

Fil-Parti I, it-Tabella 9 A, ta’ dan l-Anness, l-Organizzazzjonijiet tad-Disinn huma kkategorizzati kif ġej:

L-Ambitu tal-Approvazzjoni tal-Organizzazzjoni tad-Disinn	Grupp A	Grupp B	Grupp C
DOA 1 Detenturi ta’ ċertifikati tat-tip ETSOA-APU	Kumplessi ħafna/Kbar	Kumplessi/Żgħar-Medji	Inqas kumplessi/Żgħar ħafna
DOA 2 STC/Bidliet/Tiswijiet/ ETSOA (minbarra l-APU)	Mhux ristretti	Ristretti (oqsma tekniċi)	Ristretti (daqs tal-inġenju tal-ajru)
DOA 2 STC/Bidliet/Tiswijiet/ ETSOA (minbarra l-APU)	Kumplessi ħafna/Kbar	Kumplessi/Żgħar-Medji	Inqas kumplessi/Żgħar ħafna
DOA 3 Bidliet/Tiswijiet Minuri	Mhux ristretti	Ristretti (oqsma tekniċi)	Ristretti (daqs tal-inġenju tal-ajru)

(9)

Dispożizzjonijiet għall-implimentazzjoni tal-Anness Ib (Parti 21 Light) tar-Regolament (UE) Nru 748/2012:

Għall-proċess tal-Parti 21 Light Iċċertifikat:

—	Fil-Parti I, it-Tabelli 1, 2 u 3, ta’ dan l-Anness, jekk applikazzjoni taqa’ fil-Parti 21 Light Iċċertifikat, għandhom japplikaw it-tariffi korrispondenti.

—	Fil-Parti I, it-Tabella 4, ta’ dan l-Anness, jekk applikazzjoni taqa’ fil-Parti 21 Light Iċċertifikat, għandha tapplika t-tariffa korrispondenti mnaqqsa b’50 %.

—	Fil-Parti I, it-Tabella 8, ta’ dan l-Anness, il-kategorija tat-tariffi applikabbli għandha tiġi ddeterminata mill-kategorija tat-tariffi assenjata lid-disinn tat-tip relatat. Fil-każ ta’ inġenji tal-ajru ddefiniti bħala “Ġiroplani”, għandha tapplika t-tariffa korrispondenti mnaqqsa b’50 %.

Għall-proċess tal-Parti 21 Light Iddikjarat:

—	Fil-Parti I, it-Tabella 1, ta’ dan l-Anness, jekk issir applikazzjoni għad-Dikjarazzjoni tal-Konformità tad-Disinn, għandha tapplika t-tariffa korrispondenti mnaqqsa b’50 %.

—	Fil-Parti I, it-Tabella 3, ta’ dan l-Anness, jekk applikazzjoni taqa’ fil-proċess tal-Parti 21 Light Iddikjarat, għandha tapplika t-tariffa korrispondenti mnaqqsa b’50 %.

—	Fil-Parti I, it-Tabella 8, ta’ dan l-Anness, il-kategorija tat-tariffi applikabbli għandha tiġi ddeterminata mill-kategorija tat-tariffi assenjata lid-dikjarazzjoni tal-konformità tad-disinn tal-inġenju tal-ajru.

Għall-Organizzazzjonijiet tad-Disinn Iddikjarati:

—	Fil-Parti I, it-Tabella 9 A, ta’ dan l-Anness, tariffa tas-sorveljanza, għall-Organizzazzjonijiet tad-Disinn Iddikjarati, għandha tapplika t-tariffa korrispondenti mnaqqsa b’50 %.

Għall-Organizzazzjonijiet tal-Produzzjoni Iddikjarati:

—	Fil-Parti I, it-Tabella 10, ta’ dan l-Anness, għall-Organizzazzjonijiet tal-Produzzjoni Iddikjarati, għandhom japplikaw it-tariffi korrispondenti tal-approvazzjoni u tas-sorveljanza.

(10)

Fil-Parti I, it-Tabelli 9 A, 10, 11, 12, 18, 21 u 22, ta’ dan l-Anness, in-numru ta’ membri tal-persunal meqjus huwa n-numru ta’ membri tal-persunal relatati mal-attivitajiet fl-ambitu tal-approvazzjoni.

(11)

Fil-Parti I, it-Tabella 14, ta’ dan l-Anness, “lok” huwa l-post (jew il-postijiet) fejn jiġu ġestiti jew jitwettqu l-attivitajiet tal-organizzazzjoni.

Għal din il-fini:

—	il-post prinċipali tan-negozju (PPoB, principal place of business) jitqies bħala lok, irrispettivament minn kwalunkwe operazzjoni tal-FSTD;

—	kwalunkwe indirizz, differenti mill-PPoB fejn jitħaddmu l-FSTDs jitqies bħala lok addizzjonali jekk jinħatar uffiċjal għall-konformità f’dan il-lok.

Biex issir estensjoni għal lok, jiġifieri meta lok ikun f’distanza xierqa minn lok li jippermetti lill-maniġment jiżgura l-konformità mingħajr il-ħtieġa li jinnomina persuni addizzjonali, ma tintalab l-ebda tariffa tas-sorveljanza addizzjonali.

Minħabba li kull organizzazzjoni hija unika, għandha ssir analiżi mfassla apposta biex tiġi vvalutata l-kumplessità tal-organizzazzjoni li tqis in-numru ta’ impjegati, id-daqs u l-kamp ta’ applikazzjoni, inkluż in-numru ta’ FSTDs, il-livelli tagħhom u n-numru tat-tip ta’ inġenju tal-ajru simulat.

EEP 2: Il-perjodu ta’ 12-il xahar jiġi estiż sa massimu ta’ 24 xahar f’konformità mal-punt ORA.FSTD.225 tal-Anness VII (Parti-ORA) tar-Regolament (UE) Nru 1178/2011.

EEP 3: Il-perjodu ta’ 12-il xahar jiġi estiż sa massimu ta’ 36 xahar f’konformità mal-punt ORA.FSTD.225 tal-Anness VII (Parti-ORA) tar-Regolament (UE) Nru 1178/2011.

(12)

Fil-Parti I, it-Tabelli 16 A, 17 A, 19 A u 20 A, ta’ dan l-Anness, it-tħejjija tat-trasferiment hija applikabbli meta r-responsabbiltà għal organizzazzjoni li diġà għandha ċertifikat tiġi allokata mill-ġdid lill-Aġenzija skont l-Artikolu 64 jew 65 tar-Regolament (UE) 2018/1139.

(13)

Fil-Parti I, it-Tabella 19C, ta’ dan l-Anness, għandu japplika tnaqqis ta’ 25 % għal kwalunkwe AOC flimkien mal-AOC ewlieni fi ħdan ir-raggruppament tan-negozju uniku, jekk jiġu ssodisfati l-kriterji li ġejjin:

—	manwali tal-operazzjonijiet ekwivalenti inklużi programmi ta’ taħriġ u approvazzjonijiet speċjali;

—	Sistema ta’ Ġestjoni tas-Sikurezza (SMS, Safety Management System) integrata u Funzjoni ta’ Monitoraġġ tal-Konformità (CMF, Compliance Monitoring Function).

L-AOC ewlieni huwa dak fi ħdan il-grupp li għalih tapplika l-ogħla tariffa tas-sorveljanza.

(14)

Fil-Parti I, it-Tabella 19D, ta’ dan l-Anness, il-bidliet huma kklassifikati fit-tabella ta’ hawn taħt.

Bidliet	Klassifikazzjoni
Żieda ta’ inġenju tal-ajru wieħed b’kapaċità HTOL/VTOL/VTOL ma’ flotta eżistenti (tip)	Żgħar
Reviżjonijiet temporanji li jeħtieġu l-approvazzjoni minn qabel tal-Manwal tal-Operazzjonijiet (Parti-A, Parti-B, Parti-C, Parti-D, Lista ta’ Tagħmir Minimu), Manwal tal-Konformità, Manwal tas-Sikurezza jew manwali oħrajn	Żgħar
Kiri mingħajr ekwipaġġ ta’ inġenji tal-ajru rreġistrati fl-Unjoni	Żgħar
Bidla/approvazzjoni ta’ persuna nominata waħda	Żgħar
Flotta ġdida (tip) — HTOL sa 5 700 kg	Żgħar
Flotta ġdida (tip) — VTOL Żgħir	Żgħar
Flotta ġdida (tip) — HTOL aktar minn 5 700 kg sa 22 000 kg	Medji
Flotta ġdida (tip) — VTOL Medju	Medji
Flotta ġdida (tip) — inġenji tal-ajru b’kapaċità VTOL	Medji
Reviżjoni manwali tal-Manwal tal-Operazzjonijiet (Parti-A jew Parti-D)	Medji
Reviżjoni manwali jew ħruġ mill-ġdid tal-Manwal tal-Operazzjonijiet (Parti-B, Parti-C jew Lista ta’ Tagħmir Minimu), Manwal tal-Konformità, Manwal tas-Sikurezza jew manwali oħrajn	Medji
Valutazzjoni tar-riskju iżolata jew ġestjoni tal-bidliet (eż. operazzjonijiet f’żoni ta’ kunflitt, bidliet organizzattivi, parteċipazzjoni fl-airshow)	Medji
Tneħħija ta’ approvazzjoni speċifika inklużi reviżjonijiet assoċjati ta’ manwali rilevanti	Medji
Kiri mingħajr ekwipaġġ ta’ inġenji tal-ajru mhux irreġistrati fl-Unjoni	Medji
Ħruġ mill-ġdid tal-Manwal tal-Operazzjonijiet (Parti-A jew Parti-D)	Kbar
Żieda ta’ approvazzjoni speċifika waħda dwar l-ispeċifikazzjonijiet tal-operazzjonijiet (ħlief Navigazzjoni Bbażata fuq il-Prestazzjoni, Taħriġ Ibbażat fuq l-Evidenza, Operazzjonijiet b’firxa Estiża b’ajruplani b’żewġ magni, u Electronic Flight Bags)	Kbar
Kiri bl-ekwipaġġ ta’ inġenju tal-ajru wieħed mhux irreġistrat fl-Unjoni	Kbar
Flotta ġdida (tip) — HTOL aktar minn 22 000 kg sa 55 000 kg	Kbar
Flotta ġdida (tip) — VTOL Kbir	Kbar
Żieda ta’ approvazzjoni speċifika waħda dwar l-ispeċifikazzjonijiet tal-operazzjonijiet (Navigazzjoni Bbażata fuq il-Prestazzjoni, Taħriġ Ibbażat fuq l-Evidenza, Operazzjonijiet b’firxa Estiża b’ajruplani b’żewġ magni, u Electronic Flight Bags)	Sinifikanti
Flotta ġdida (tip) — HTOL aktar minn 55 000 kg	Sinifikanti

It-tariffi għal bidliet identiċi li jaffettwaw diversi AOCs fi ħdan ir-raggruppament tan-negozju uniku għandhom jiġu applikati darba biss, dment li jiġu ssodisfati l-kriterji stabbiliti fil-punt 13.

Ma għandha tiġi applikata l-ebda tariffa għat-trasferimenti ta’ inġenji tal-ajru individwali b’kapaċità HTOL/VTOL/VTOL fl-istess flotta (tip) bejn diversi AOCs fi ħdan ir-raggruppament tan-negozju uniku, dment li jiġu ssodisfati l-kriterji stabbiliti fil-punt 13.

(15)

Fil-Parti I, it-Tabella 20B, ta’ dan l-Anness, l-organizzazzjonijiet huma raggruppati skont it-tabella li ġejja. Għal kull wieħed mill-kriterji, l-ATO għandha tidentifika l-grupp li jikkorrispondi għall-istatus tal-organizzazzjoni. Il-kategorizzazzjoni tal-kriterju bl-ogħla klassifikazzjoni tiddetermina t-tariffa applikabbli.

Kriterji\Grupp

III

Il-persunal tal-ATO espress f’Ekwivalenti għall-Full-Time (FTE, Full Time Equivalent)

massimu ta’ 20

aktar minn 20

Liċenzji

ATPL TK (A)

jew

ATPL TK (H)

LAPL/PPL (A) jew (H)

SPL

BPL

LAPL/PPL (A) jew (H)

SPL

BPL

CPL

ATPL

LAPL/PPL (A) jew (H)

SPL

BPL

CPL

ATPL

MPL

LAPL/PPL (A) jew (H)

SPL

BPL

CPL

ATPL

MPL

LAPL/PPL (A) jew (H)

SPL

BPL

CPL

ATPL

MPL

Klassifikazzjonijiet tal-Klassi/tat-Tip (43) (44)

L-ebda taħriġ fit-titjir

L-ebda taħriġ dwar l-FSTD

Klassifikazzjoni tal-Klassi,

Klassifikazzjoni tat-Tip li tinkludi taħriġ dwar id-differenzi

MASSIMU ta’ żewġ klassifikazzjonijiet b’kollox

(MCC, jingħadd bħala klassifikazzjoni ta’ 1)

Klassifikazzjoni tal-Klassi,

Klassifikazzjoni tat-Tip li tinkludi taħriġ dwar id-differenzi

MASSIMU ta’ tmien klassifikazzjonijiet b’kollox

(MCC, jingħadd bħala klassifikazzjoni ta’ 1)

Klassifikazzjoni tal-Klassi,

Klassifikazzjoni tat-Tip li tinkludi taħriġ dwar id-differenzi

MASSIMU ta’ 15-il klassifikazzjoni b’kollox

(MCC, jingħadd bħala klassifikazzjoni ta’ 1)

Klassifikazzjoni tal-Klassi,

Klassifikazzjoni tat-Tip li tinkludi taħriġ dwar id-differenzi

MASSIMU ta’ 20 klassifikazzjoni b’kollox

(MCC, jingħadd bħala klassifikazzjoni ta’ 1)

Klassifikazzjoni tal-Klassi,

Klassifikazzjoni tat-Tip li tinkludi taħriġ dwar id-differenzi

Aktar minn 15-il klassifikazzjoni b’kollox

(MCC, jingħadd bħala klassifikazzjoni ta’ 1)

Klassifikazzjonijiet oħrajn

L-ebda taħriġ fit-titjir

L-ebda taħriġ dwar l-FSTD

Klassifikazzjoni ta’ Billejl

Klassifikazzjoni Aerobatika

UPRT FCL 745.A

Klassifikazzjonijiet tal-Muntanji

MASSIMU ta’ żewġ klassifikazzjonijiet b’kollox

Klassifikazzjoni ta’ Billejl

Klassifikazzjoni Aerobatika

UPRT FCL 745.A

Klassifikazzjonijiet tal-Muntanji

Klassifikazzjoni tat-test tat-titjira

MASSIMU ta’ sitt klassifikazzjonijiet b’kollox

Klassifikazzjoni ta’ Billejl

Klassifikazzjoni Aerobatika

UPRT FCL 745.A

Klassifikazzjonijiet tal-Muntanji

Klassifikazzjoni tat-test tat-titjira

MASSIMU ta’ tmien klassifikazzjonijiet b’kollox

Klassifikazzjoni ta’ Billejl

Klassifikazzjoni Aerobatika

UPRT FCL 745.A

Klassifikazzjonijiet tal-Muntanji

Klassifikazzjoni tat-test tat-titjira

MASSIMU ta’ 10 klassifikazzjonijiet b’kollox

Klassifikazzjoni ta’ Billejl

Klassifikazzjoni Aerobatika

UPRT FCL 745.A

Klassifikazzjonijiet tal-Muntanji

Klassifikazzjoni tat-test tat-titjira

Aktar minn 10 klassifikazzjonijiet b’kollox

FI-CRI-IRI-FTI

L-ebda taħriġ fit-titjir

L-ebda taħriġ dwar l-FSTD

FI -IRI -CRI

MASSIMU ta’ żewġ korsijiet differenti ta’ ċertifikat ta’ għalliem b’kollox

FI -IRI -CRI - FTI

MASSIMU ta’ ħames korsijiet differenti ta’ ċertifikat ta’ għalliem b’kollox

FI -IRI -CRI - FTI

MASSIMU ta’ 10 korsijiet differenti ta’ ċertifikat ta’ għalliem b’kollox

FI -IRI -CRI-FTI

MASSIMU ta’ 15-il kors differenti ta’ ċertifikat ta’ għalliem b’kollox

FI -IRI -CRI-FTI

Aktar minn 15-il kors differenti ta’ ċertifikat ta’ għalliem b’kollox

TRI/SFI (tipi)

L-ebda taħriġ fit-titjir

L-ebda taħriġ dwar l-FSTD

TRI/SFI

MASSIMU ta’ żewġ korsijiet differenti ta’ għalliem ta’ TRI/SFI b’kollox

TRI/SFI

MASSIMU ta’ ħames korsijiet differenti ta’ għalliem ta’ TRI/SFI b’kollox

TRI/SFI

MASSIMU ta’ 10 korsijiet differenti ta’ għalliem ta’ TRI/SFI b’kollox

TRI/SFI

MASSIMU ta’ 15-il kors differenti ta’ għalliem ta’ TRI/SFI b’kollox

TRI/SFI

Aktar minn 15-il kors differenti ta’ għalliem ta’ TRI/SFI b’kollox

Siti tat-taħriġ

Il-lok ewlieni biss

Massimu ta’ sit tat-taħriġ addizzjonali wieħed

Massimu ta’ tliet siti tat-taħriġ addizzjonali

Massimu ta’ ħames siti tat-taħriġ addizzjonali

Massimu ta’ seba’ siti tat-taħriġ addizzjonali

Aktar minn seba’ siti tat-taħriġ addizzjonali

Numru ta’ tipi/klassijiet ta’ inġenji tal-ajru jew FSTD utilizzati għall-għoti tat-taħriġ (Kumulattiv)

L-ebda taħriġ fit-titjir

L-ebda taħriġ dwar l-FSTD

Massimu:

—	żewġ klassijiet/tipi differenti ta’ inġenji tal-ajru jew

—	żewġ FSTDs li jirrappreżentaw klassi/tip differenti ta’ inġenji tal-ajru

Massimu:

—	tmien klassijiet/tipi differenti ta’ inġenji tal-ajru jew

—	tmien FSTDs li jirrappreżentaw klassi/tip differenti ta’ inġenji tal-ajru

Massimu:

—	15-il klassi/tip differenti ta’ inġenji tal-ajru jew

—	15-il FSTD li jirrappreżentaw klassi/tip differenti ta’ inġenji tal-ajru

Massimu:

—	20 klassi/tip differenti ta’ inġenji tal-ajru jew

—	20 FSTD li jirrappreżentaw klassi/tip differenti ta’ inġenji tal-ajru

Aktar minn:

—	20 klassi/tip differenti ta’ inġenji tal-ajru jew

—	20 FSTD li jirrappreżentaw klassi/tip differenti ta’ inġenji tal-ajru

Numru totali ta’ inġenji tal-ajru u FSTD (kif applikabbli) utilizzati għall-għoti tat-taħriġ

L-ebda taħriġ fit-titjir

L-ebda taħriġ dwar l-FSTD

Massimu ta’ 10

Massimu ta’ 24

Massimu ta’ 45

Massimu ta’ 60

Aktar minn 60

Numru ta’ għalliema, inklużi għalliema tat-taħriġ teoretiku, involuti fl-għoti tat-taħriġ

(għadd)

Massimu ta’ 15

Massimu ta’ 20

Massimu ta’ 40

Massimu ta’ 60

Massimu ta’ 80

Aktar minn 80

(16)

Fil-Parti I, it-Tabella 21, ta’ dan l-Anness, l-Organizzazzjonijiet huma kklassifikati kif ġej:

Żgħar

Medji

Kbar

Daqs tal-Organizzazzjoni

In-numru ta’ membri tal-persunali involut fl-attività fl-ambitu tas-servizz (inklużi l-kuntratturi) huwa 20 jew inqas,

n-numru ta’ membri tal-persunal involuti fl-attività fl-ambitu tas-servizz (inklużi l-kuntratturi) huwa bejn 21 u 100,

jew

in-numru ta’ membri tal-persunal involut fl-attività fl-ambitu tas-servizz (inklużi l-kuntratturi) huwa aktar minn 100,

jew

in-numru ta’ lokien huwa ugwali għal wieħed

in-numru ta’ lokien huwa ugwali għal tnejn

in-numru ta’ lokien huwa aktar minn tnejn

Għat-tariffi tal-approvazzjoni:

—	Meta organizzazzjonijiet ġodda japplikaw għal aktar minn servizz wieħed, għandha tintalab l-ogħla tariffa applikabbli u għandu jiġi applikat koeffiċjent ta’ 0,85 għal kull servizz sussegwenti.

—	Meta l-organizzazzjonijiet li jkollhom ċertifikat validu japplikaw għal servizzi addizzjonali, għandu jiġi applikat koeffiċjent ta’ 0,85 għal kull servizz mitlub.

—	Għat-tariffi tas-sorveljanza:

—	Meta l-organizzazzjonijiet ikollhom ċertifikat validu li jkopri aktar minn servizz wieħed, għandha tintalab l-ogħla tariffa applikabbli u għandu jiġi applikat koeffiċjent ta’ 0,85 għal kull servizz sussegwenti.

(17)

Fil-Parti I, it-Tabella 22, ta’ dan l-Anness, l-organizzazzjonijiet huma kklassifikati kif ġej:

Żgħar

Sempliċi

Standard

Kumplessi

Daqs tal-Organizzazzjoni

In-numru ta’ membri tal-persunal involuti fl-attivitajiet tad-disinn jew tal-produzzjoni fl-ambitu jkun inqas minn 25,

n-numru ta’ membri tal-persunal involuti fl-attivitajiet tad-disinn jew tal-produzzjoni fl-ambitu jkun inqas minn 100 membru tal-persunal,

n-numru ta’ membri tal-persunal involuti fl-attivitajiet tad-disinn jew tal-produzzjoni fl-ambitu jkun inqas minn 400, u

n-numru ta’ membri tal-persunal involuti fl-attivitajiet tad-disinn jew tal-produzzjoni fl-ambitu jkun aktar minn 400,

jew

in-numru ta’ lokien għall-attivitajiet tad-disinn jew tal-produzzjoni jkun ugwali għal wieħed.

in-numru ta’ lokien għall-attivitajiet tad-disinn jew tal-produzzjoni jkun tnejn jew inqas.

in-numru ta’ lokien għall-attivitajiet tad-disinn jew tal-produzzjoni jkun ħamsa jew inqas.

in-numru ta’ lokien għall-attivitajiet tad-disinn jew tal-produzzjoni jkun sitta jew aktar.

(18)

Għall-finijiet tat-tariffa tas-sorveljanza msemmija fil-Parti I, it-Tabella 22, ta’ dan l-Anness, l-Aġenzija tal-Unjoni Ewropea għall-Programm Spazjali (EUSPA, European Union Agency for the Space Programme), li skont ir-Regolament ta’ Implimentazzjoni (UE) 2023/1769 titqies ekwivalenti għal organizzazzjoni tad-disinn jew tal-produzzjoni, għandha tiġi kklassifikata taħt il-kategorija ta’ organizzazzjoni kumplessa.

(19)

Fil-Parti I, it-Tabella 24, ta’ dan l-Anness, il-livell ta’ servizz fuq il-Pjattaforma D4S huwa kkategorizzat kif ġej:

—

Bażiku: aċċess għal intelligence sistemika tal-avjazzjoni dwar is-Settur Ewropew tal-Avjazzjoni bħall-monitoraġġ tar-riskji sistemiċi u d-detezzjoni ta’ xejriet negattivi, valutazzjoni komparattiva fl-għama (bażika), riskji ġodda għas-sikurezza jew detezzjoni tal-vulnerabbiltà u eżiti tal-valutazzjoni ta’ riskji sistemiċi ta’ profil għoli;

—	Avvanzat: aċċess għal intelligence dettaljata tal-avjazzjoni dwar is-Settur Ewropew tal-Avjazzjoni u kapaċitajiet analitiċi avvanzati, bħall-intelliġenza artifiċjali, offruti mill-Pjattaformi D4S biex titwettaq analiżi fuq talba u analiżi speċifika.

PARTI VI

Spejjeż tal-Ivvjaġġar

(1)

Soġġett għall-paragrafu 3, meta jitwettaq kompitu jew servizz ta’ ċertifikazzjoni, kompletament jew parzjalment, barra mit-territorji tal-Istati Membri, l-applikant għandu jħallas l-ispejjeż tal-ivvjaġġar f’konformità mal-formula: d = v + a + h – e.

(2)

Għall-fini tal-formula msemmija fil-paragrafu 1, għandu japplika dan li ġej:

d	=	spejjeż tal-ivvjaġġar dovuti;
v	=	kostijiet tat-trasport;
a	=	rati standard uffiċjali tal-Kummissjoni għal “per diems” li jkopru l-akkomodazzjoni, l-ikel, l-ivvjaġġar lokali fil-post tal-missjoni u spejjeż varji (45);
h	=	ħin tal-ivvjaġġar (numru standard ta’ sigħat tal-ivvjaġġar għal kull destinazzjoni, kif stabbilit mill-Aġenzija), bir-rata fis-siegħa stabbilita fil-Parti II tal-Anness;
e (komponent elettroniku)	=	il-kostijiet medji tal-ivvjaġġar fit-territorji tal-Istati Membri, li jinkludu l-kostijiet medji tat-trasport u l-ħin medju tal-ivvjaġġar fit-territorji tal-Istati Membri, immultiplikati bir-rata fis-siegħa stabbilita fil-Parti II tal-Anness, soġġetti għal rieżami u indiċjar annwali.

Meta missjoni tkun tikkonċerna aktar minn proġett wieħed, il-ħin tal-ivvjaġġar imsemmi f’dan il-paragrafu għandu jiġi allokat għall-proġetti rilevanti fi proporzjon mal-ħin jew l-attivitajiet maħsubin apposta għal kull proġett.

(3)

Ir-riċevitur ta’ taħriġ jew servizzi relatati mat-taħriġ mogħtija fuq il-post għandu jirrimborża l-ispejjeż tal-ivvjaġġar tal-persunal tal-Aġenzija li jkun qed jagħti t-taħriġ, skont il-formula d = v + a + h.

(4)

Għall-fini tal-formula msemmija fil-paragrafu 3, għandu japplika dan li ġej:

d	=	spejjeż tal-ivvjaġġar dovuti;
v	=	kostijiet tat-trasport;
a	=	rati standard uffiċjali tal-Kummissjoni għal “per diems” li jkopru l-akkomodazzjoni, l-ikel, l-ivvjaġġar lokali fil-post tal-missjoni u spejjeż varji (46);
h	=	ħin tal-ivvjaġġar (numru standard ta’ sigħat tal-ivvjaġġar għal kull destinazzjoni, kif stabbilit mill-Aġenzija), bir-rata fis-siegħa stabbilita fil-Parti II ta’ dan l-Anness; fil-każ ta’ missjonijiet relatati ma’ diversi proġetti, l-ammont għandu jiġi subdiviż kif xieraq.

(5)

L-awtoritajiet, l-organizzazzjonijiet jew il-partijiet ikkonċernati kif imsemmija fil-punt B(a) tal-Parti IIa ta’ dan l-Anness jistgħu jiġu eżentati mir-rimborż tal-ispejjeż tal-ivvjaġġar skont il-paragrafu 3 ta’ din il-Parti meta jipprovdu taħriġ fuq il-post jew servizzi relatati mat-taħriġ fil-bini tal-Aġenzija, li jinvolvu vjaġġi ekwivalenti għall-vjaġġi meħtieġa mis-servizzi ta’ taħriġ jew taħriġ fuq il-post ipprovduti mill-Aġenzija fil-bini ta’ dawk l-entitajiet.

PARTI VII

Tabella ta’ Korrelazzjoni

Regolament ta’ Implimentazzjoni (UE) 2019/2153	Dan ir-Regolament
Artikolu 1	Artikolu 1
Artikolu 2	Artikolu 2
Artikolu 3	Artikolu 3
Artikolu 4	Artikolu 4
Artikolu 5	Artikolu 5
Artikolu 6	Artikolu 6
Artikolu 7	Artikolu 7
Artikolu 8	Artikolu 8
Artikolu 9	Artikolu 9
Artikolu 10	Artikolu 10
Artikolu 11	Artikolu 11
Artikolu 12	Artikolu 12
Artikolu 13	Artikolu 13
Artikolu 14	Artikolu 14
Artikolu 15	Artikolu 15
Artikolu 16	Artikolu 16
Artikolu 17	Artikolu 17
Artikolu 18	Artikolu 18
Artikolu 19	Artikolu 19
Artikolu 20	Artikolu 20
Artikolu 21	Artikolu 21
Artikolu 22	Artikolu 22

(1) Ir-Regolament tal-Kummissjoni (UE) Nru 748/2012 tat-3 ta’ Awwissu 2012 li jistabbilixxi regoli ta’ implimentazzjoni għaċ-ċertifikazzjoni tal-airworthiness u ambjentali jew dikjarazzjoni ta’ konformità tal-inġenji tal-ajru u prodotti, partijiet, tagħmir, unitajiet tal-kontroll u tal-monitoraġġ relatati u komponenti ta’ unitajiet tal-kontroll u tal-monitoraġġ, kif ukoll għar-rekwiżiti tal-kapaċità tal-organizzazzjonijiet tad-disinn u tal-produzzjoni (ĠU L 224, 21.8.2012, p. 1, ELI: http://data.europa.eu/eli/reg/2012/748/oj).

(2) It-tariffa tal-mudell tkopri ż-żieda ta’ mudell mad-disinn tat-tip u għandha tiġi applikata għal kull applikazzjoni u mudell. Din trid tkun assoċjata ma’ applikazzjoni għal bidla standard, sinifikanti jew kumplessa sinifikanti. Il-kategorija tat-tariffa applikabbli għal kull applikazzjoni u mudell għandha tiġi ddeterminata mill-kategorija tat-tariffa assenjata lid-disinn tat-tip relatat.

(3) It-tariffi stabbiliti f’din it-Tabella ma għandhomx japplikaw għal Bidliet Minuri u Tiswijiet Minuri mwettqin minn Organizzazzjonijiet tad-Disinn f’konformità mat-Taqsima A, is-Subparti J, il-punt 21.A.263(c)(2) tal-Anness I (Parti 21) tar-Regolament tal-Kummissjoni (UE) Nru 748/2012.

(4) F’konformità mal-punt TCO.305 tal-Anness 1 tar-Regolament tal-Kummissjoni (UE) Nru 452/2014 tad-29 ta’ April 2014 li jistabbilixxi rekwiżiti tekniċi u proċeduri amministrattivi relatati mal-operazzjonijiet tal-ajru ta’ pajjiżi terzi skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 133, 6.5.2014, p. 12, ELI: http://data.europa.eu/eli/reg/2014/452/oj), tariffa għal kull notifika u ugwali għal kwalunkwe kategorija ta’ operaturi u daqs tal-flotta.

(5) Abbażi tad-data disponibbli dwar is-sikurezza, l-Aġenzija tista’ tiddeċiedi li twettaq attivitajiet speċifiċi għall-valutazzjoni u l-monitoraġġ inizjali tat-TCO, skont ir-Regolament (UE) Nru 452/2014.

(6) Esklużi l-kostijiet tal-ivvjaġġar (li jrid jintalab ħlas għalihom flimkien mat-tariffa fissa stabbilita f’din it-Tabella).

(7) F’konformità mal-punt ART.200(b) tal-Anness 2 tar-Regolament (UE) Nru 452/2014.

(8) It-tariffa tas-sorveljanza tkopri l-attivitajiet ta’ sorveljanza regolari meħtieġa li jridu jsiru għall-organizzazzjoni kif approvat, ħlief il-bidliet sinifikanti soġġetti għal tariffa f’konformità mat-Tabella 9 A.

(9) It-tariffa tal-approvazzjoni ta’ bidla sinifikanti għandha tiġi applikata għal kull bidla individwali tat-terminu tal-approvazzjoni, ħlief għal bidliet fl-organizzazzjoni jew bidliet fin-numru ta’ membri tal-persunal, jew fit-tnejn li huma.

(10) Valur (kif imsemmi fil-lista ta’ prezzijiet tal-manifattur rilevanti) tal-aktar prodott, part jew tagħmir mhux installat għaljin inklużi fl-ambitu tax-xogħol tal-POA approvat (lista ta’ kapaċitajiet) tad-detentur tal-POA tal-EASA.

(11) Ir-Regolament tal-Kummissjoni (UE) Nru 1321/2014 tas-26 ta’ Novembru 2014 dwar il-kontinwità tal-ajrunavigabbiltà ta’ inġenji tal-ajru u prodotti, partijiet u tagħmir ajrunawtiċi, u dwar l-approvazzjoni ta’ organizzazzjonijiet u persunal involut f’dan ix-xogħol (ĠU L 362, 17.12.2014, p. 1, ELI: http://data.europa.eu/eli/reg/2014/1321/oj).

(12) It-tariffa li trid titħallas għandha tkun magħmula mit-tariffa fissa bbażata fuq in-numru ta’ membri tal-persunal flimkien mat-tariffa/i fissa/i bbażata/i fuq klassifikazzjoni teknika.

(13) Għall-organizzazzjonijiet li għandhom diversi klassifikazzjonijiet A u/jew B, għandu jintalab ħlas biss bl-ogħla tariffa. Għall-organizzazzjonijiet li għandhom klassifikazzjoni waħda jew diversi klassifikazzjonijiet C u/jew D, għandu jintalab ħlas bit-tariffa “klassifikazzjoni C/D” għal kull klassifikazzjoni.

(14) Kif imsemmi fit-Taqsima A, is-Subparti B, tal-Anness IV (Parti-147) tar-Regolament tal-Kummissjoni (UE) Nru 1321/2014.

(15) Għall-approvazzjoni inizjali tal-organizzazzjonijiet, it-tariffi applikabbli għal kull faċilità u kors. L-ewwel faċilità u l-ewwel kors ta’ taħriġ huma inklużi fit-tariffa tal-approvazzjoni relatata mal-persunal.

(16) Għall-organizzazzjonijiet diġà approvati li japplikaw għal faċilitajiet jew korsijiet ta’ taħriġ addizzjonali, għandha tintalab it-tariffa applikabbli għal kull faċilità jew kors ta’ taħriġ.

(17) It-tariffa li trid titħallas għandha tkun magħmula mit-tariffa fissa flimkien mat-tariffa fissa abbażi tal-klassifikazzjoni teknika.

(18) Għall-organizzazzjonijiet li għandhom diversi klassifikazzjonijiet A, għandha tintalab biss l-ogħla tariffa.

(19) Ir-Regolament tal-Kummissjoni (UE) Nru 1178/2011 tat-3 ta’ Novembru 2011 li jistabbilixxi rekwiżiti tekniċi u proċeduri amministrattivi relatati mal-ekwipaġġi tal-ajruplani tal-avjazzjoni ċivili skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 311, 25.11.2011, p. 1, ELI: http://data.europa.eu/eli/reg/2011/1178/oj).

(20) Applikabbli biss għas-simulatur(i) tat-titjira li jinsab(u) fil-pajjiż terz li huwa parti għal ftehim bilaterali mal-Unjoni.

(21) It-tariffa għandha tiġi applikata għal kull dokument AMP.

(22) It-tariffa għandha tiġi applikata għal kull dokument AMP.

(23) Id-daqs tal-flotta jikkorrispondi għas-somma tal-inġenji tal-ajru koperta minn kull AMP.

(24) It-tariffa għandha tiġi applikata għal kull CAMO.

(25) In-numru ta’ inġenji tal-ajru jikkorrispondi għall-inġenji tal-ajru totali ġestiti mill-organizzazzjoni għal kull klassifikazzjoni speċifika.

(26) Għall-organizzazzjonijiet li għandhom diversi klassifikazzjonijiet, it-tariffa għandha tkun magħmula mill-kombinament tal-ogħla klassifikazzjoni u n-numru totali ta’ inġenji tal-ajru ġestiti mill-organizzazzjoni (is-somma tal-inġenji tal-ajru kollu għal kull klassifikazzjoni speċifika).

(27) It-tariffa li trid titħallas għandha tkun magħmula mit-tariffa fissa bbażata fuq in-numru ta’ membri tal-persunal flimkien mat-tariffa/i fissa/i għal kull klassifikazzjoni teknika.

(28) Għandu jintalab ħlas mill-organizzazzjonijiet li għandhom diversi klassifikazzjonijiet għal kull klassifikazzjoni teknika.

(29) It-tariffa tal-privileġġ tal-ġestjoni tal-ajrunavigabbiltà kontinwa għandha tiġi imposta addizzjonalment, jekk tkun applikabbli.

(30) It-tariffa li trid titħallas għandha tkun magħmula mis-somma tat-tliet entrati li ġejjin:

(1)	Tariffa tal-approvazzjoni: l-ammont għal tip wieħed ta’ inġenju tal-ajru, VTOL jew inġenju tal-ajru b’kapaċità VTOL, mingħajr talbiet għal approvazzjonijiet speċjali.

(2)	Tariffa tat-Tip Addizzjonali: l-ammont għal kull tip addizzjonali ta’ inġenju tal-ajru, VTOL jew inġenju tal-ajru b’kapaċità VTOL. L-itqal tip ta’ MTOM għandu jitqies fit-tariffa tal-Approvazzjoni u fit-tip(i) addizzjonali f’din il-kategorija.

(3)	Tariffa tal-Approvazzjonijiet Speċjali: l-ammont għal kull approvazzjoni speċjali indikata fil-formola tal-applikazzjoni.

(31) It-tariffa li trid titħallas għandha tkun magħmula mis-somma tat-tliet entrati li ġejjin:

(1)	Tariffa tas-sorveljanza: l-ammont għall-itqal tip ta’ inġenju tal-ajru, VTOL jew inġenju tal-ajru b’kapaċità VTOL, abbażi tan-numru ta’ inġenji tal-ajru li qed jitħaddmu.

(2)	Tariffa tat-Tip Addizzjonali: l-ammont għal kull tip addizzjonali ta’ inġenju tal-ajru, VTOL jew inġenju tal-ajru b’kapaċità VTOL. L-itqal tip ta’ MTOM għandu jitqies fit-tariffa tal-Approvazzjoni u fit-tip(i) addizzjonali f’din il-kategorija.

(3)	Għad-detenturi tat-tieni AOC u ta’ AOC sussegwenti fl-istess grupp, għandu japplika tnaqqis ta’ 25 % għall-operazzjonijiet fi grupp, f’konformità mal-kriterji deskritti fil-Parti V ta’ dan l-Anness.

(32) It-tariffa tas-sorveljanza tkopri l-kompiti ta’ sorveljanza tal-ATO u l-bidliet li ġejjin: bidliet fil-persunal nominat, bidliet fl-isem fuq iċ-ċertifikat, bidliet fl-indirizz taċ-ċertifikat meta ma tkun meħtieġa l-ebda verifika ta’ bini ġdid, aġġornamenti fil-listi tal-għalliema, tħassir tal-privileġġi tal-ATO u tal-FSTDs miċ-ċertifikat, bidliet fl-ambitu tal-korsijiet diġà approvati li ma jeħtiġux verifika fuq il-post.

(33) Ir-Regolament ta’ Implimentazzjoni tal-Kummissjoni (UE) 2017/373 tal-1 ta’ Marzu 2017 li jistabbilixxi r-rekwiżiti komuni għall-fornituri ta’ servizzi fil-ġestjoni tat-traffiku tal-ajru/tas-servizzi tan-navigazzjoni bl-ajru u funzjonijiet oħrajn tan-network tal-ġestjoni tat-traffiku tal-ajru u s-sorveljanza tagħhom, iħassar ir-Regolament (KE) Nru 482/2008, ir-Regolamenti ta’ Implimentazzjoni (UE) Nru 1034/2011, (UE) Nru 1035/2011 u (UE) 2016/1377 u jemenda r-Regolament (UE) Nru 677/2011 (ĠU L 62, 8.3.2017, p. 1, ELI: http://data.europa.eu/eli/reg_impl/2017/373/oj).

(34) Il-bidliet li huma parti mill-ambitu ta’ servizzi diġà ċċertifikati huma inklużi fit-tariffa tas-sorveljanza.

(35) Ir-Regolament ta’ Implimentazzjoni tal-Kummissjoni (UE) 2023/1769 tat-12 ta’ Settembru 2023 li jistabbilixxi rekwiżiti tekniċi u proċeduri amministrattivi għall-approvazzjoni ta’ organizzazzjonijiet involuti fid-disinn jew fil-produzzjoni tas-sistemi u tal-kostitwenti tal-ġestjoni tat-traffiku tal-ajru/tas-servizzi tan-navigazzjoni bl-ajru u li jemenda r-Regolament ta’ Implimentazzjoni (UE) 2023/203 (ĠU L 228, 15.9.2023, p. 19, ELI: http://data.europa.eu/eli/reg_impl/2023/1769/oj).

(36) Il-bidliet li huma parti mill-ambitu ta’ organizzazzjoni diġà ċċertifikata huma inklużi fit-tariffa tas-sorveljanza.

(37) Ir-Regolament (UE) 2023/2405 tal-Parlament Ewropew u tal-Kunsill tat-18 ta’ Ottubru 2023 dwar l-iżgurar ta’ kondizzjonijiet ekwi għal transport bl-ajru sostenibbli (ReFuelEU Aviation) (ĠU L, 2023/2405, 31.10.2023, ELI: http://data.europa.eu/eli/reg/2023/2405/oj).

(38) L-imposta tal-ħruġ għandha tapplika għad-detentur tal-AOC uniku li jkun beħsiebu jissottometti d-data għall-ħruġ inizjali ta’ tikketti ambjentali jew għall-operaturi tal-inġenji tal-ajru li qabel kellhom tikketti u l-aktar tikketta reċenti maħruġa tkun ilha invalida għal aktar minn 12-il xahar.

(39) L-imposti tal-ħruġ u tat-tiġdid għandhom jiġu applikati sa massimu ta’ 7 000 tikketta għal kull AOC uniku. Ma għandu jintalab ħlas għall-ebda tariffa mit-tikketta 7 001 ’il quddiem.

(40) L-imposta tat-tiġdid għandha tapplika għad-detentur tal-AOC uniku li jkollu tikketti approvati (validi fl-aħħar 12-il xahar) u li jkunjeħtieġ li jinħarġu tikketti ġodda f’konformità mar-Regolament (UE) 2023/2405, jew meta t-tikketti jkunu nħarġu iżda ma jkunux validi għar-rilaxx pubbliku.

(41) Għas-sħubija f’organizzazzjonijiet li huma parti mill-programm tad-D4S.

(42) Il-lista ta’ kompiti mhijiex eżawrjenti u hija soġġetta għal reviżjoni perjodika. In-nuqqas ta’ inklużjoni ta’ kompitu fil-lista ma għandux jiġi interpretat awtomatikament bħala li jindika li dak il-kompitu ma jistax jitwettaq mill-Aġenzija.

(43) Kull klassifikazzjoni tal-klassi/tat-tip se tkun tgħodd bħala waħda (eżempju: SEP (art), SEP (baħar), BE90 u A320 se jgħoddu bħala erbgħa).

(44) Klassifikazzjonijiet tat-tip għat-taħriġ tal-inżul fl-art biss, in-numru ta’ klassifikazzjonijiet tat-tip se jiġi ddeterminat min-numru totali ta’ korsijiet tat-taħriġ għall-inżul fl-art immultiplikat b’0,5 u mqarreb għall-eqreb numru sħiħ. Il-klassifikazzjoni tat-tip se tinkludi taħriġ għall-inżul fl-art u Taħriġ ta’ Ħin tat-Titjir Żero

(45) Ara “Rati attwali tal-per diems ” kif ikkomunikati fuq is-sit web EuropeAid tal-Kummissjoni (https://international-partnerships.ec.europa.eu/funding-and-technical-assistance/guidelines/managing-intervention/diem-rates_en?keyword=per%20diem%20rates).

(46) Ara “Rati attwali tal-per diems ” kif ikkomunikati fuq is-sit web EuropeAid tal-Kummissjoni (https://international-partnerships.ec.europa.eu/funding-and-technical-assistance/guidelines/managing-intervention/diem-rates_en?keyword=per%20diem%20rates).