(1)

Il-fosfur tal-aluminju li jirrilaxxa l-fosfina ġie inkluż fl-Anness I tad-Direttiva 98/8/KE tal-Parlament Ewropew u tal-Kunsill (2) bħala sustanza attiva għall-użu fil-prodotti bijoċidali tat-tipi ta’ prodott 14 u 18. Skont l-Artikolu 86 tar-Regolament (UE) Nru 528/2012, ġie għalhekk ikkunsidrat bħala approvat sal-31 ta’ Awwissu 2021 u l-31 ta’ Jannar 2022, rispettivament, skont dak ir-Regolament soġġett għall-kundizzjonijiet stabbiliti fl-Anness I tad-Direttiva 98/8/KE.

(2)

Barra minn hekk, il-fosfur tal-aluminju li jirrilaxxa l-fosfina ġie approvat bħala sustanza attiva għall-użu fil-prodotti bijoċidali tat-tip ta’ prodott 20 bir-Regolament ta’ Implimentazzjoni tal-Kummissjoni (UE) Nru 1034/2013 (3) sat-30 ta’ Ġunju 2025, soġġett għall-kundizzjonijiet stabbiliti fl-Anness ta’ dak ir-Regolament.

(3)

Fis-26 ta’ Frar 2020, ġew ippreżentati applikazzjonijiet f’konformità mal-Artikolu 13(1) tar-Regolament (UE) Nru 528/2012 għat-tiġdid tal-approvazzjoni tal-fosfur tal-aluminju li jirrilaxxa l-fosfina għall-użu fil-prodotti bijoċidali tat-tipi ta’ prodott 14, 18 u 20 (“l-applikazzjonijiet”).

(4)

Fil-25 ta’ Mejju 2020 (għall-applikazzjonijiet għat-tipi ta’ prodott 14 u 18), u fis-16 ta’ Ġunju 2020 (għall-applikazzjoni għat-tip ta’ prodott 20), l-awtorità kompetenti li tevalwa tal-Ġermanja infurmat lill-Kummissjoni li kienet iddeċidiet, skont l-Artikolu 14(1) tar-Regolament (UE) Nru 528/2012, li kienet meħtieġa evalwazzjoni sħiħa tal-applikazzjonijiet kollha. Skont l-Artikolu 8(1) ta’ dak ir-Regolament, l-awtorità kompetenti li tevalwa għandha twettaq evalwazzjoni sħiħa tal-applikazzjoni fi żmien 365 jum mill-validazzjoni tagħha.

(5)

L-awtorità kompetenti li tevalwa tista’, skont kif ikun xieraq, teżiġi li l-applikant jipprovdi biżżejjed data biex titwettaq l-evalwazzjoni, f’konformità mal-Artikolu 8(2) tar-Regolament (UE) Nru 528/2012. F’dak il-każ, il-perjodu ta’ 365 jum jiġi sospiż għal perjodu li ma jistax jaqbeż il-180 jum b’kollox, sakemm ma tkunx iġġustifikata sospensjoni itwal minħabba n-natura tad-data rikjesta jew minħabba ċirkostanzi eċċezzjonali.

(6)

Fi żmien 270 jum minn meta tirċievi rakkomandazzjoni mill-awtorità kompetenti li tevalwa, l-Aġenzija Ewropea għas-Sustanzi Kimiċi (“l-Aġenzija”) għandha tħejji opinjoni dwar it-tiġdid tal-approvazzjoni tas-sustanza attiva u tippreżentaha lill-Kummissjoni f’konformità mal-Artikolu 14(3) tar-Regolament (UE) Nru 528/2012.

(7)

Id-Deċiżjoni ta’ Implimentazzjoni tal-Kummissjoni (UE) 2021/1284 (4) pposponiet id-data tal-iskadenza tal-approvazzjoni tal-fosfur tal-aluminju li jirrilaxxa l-fosfina għall-użu fil-prodotti bijoċidali tat-tipi ta’ prodott 14 u 18 sal-31 ta’ Lulju 2024, sabiex ikun hemm żmien biżżejjed biex jiġu eżaminati l-applikazzjonijiet.

(8)

Id-Deċiżjoni ta’ Implimentazzjoni tal-Kummissjoni (UE) 2024/732 (5) reġgħet ipposponiet id-data tal-iskadenza tal-approvazzjoni tal-fosfur tal-aluminju li jirrilaxxa l-fosfina għall-użu fil-prodotti bijoċidali tat-tipi ta’ prodott 14 u 18 sal-31 ta’ Jannar 2026, minħabba dewmien biex jiġu eżaminati l-applikazzjonijiet.

(9)

Id-Deċiżjoni ta’ Implimentazzjoni tal-Kummissjoni (UE) 2025/461 (6) pposponiet id-data tal-iskadenza tal-approvazzjoni tal-fosfur tal-aluminju li jirrilaxxa l-fosfina għall-użu fil-prodotti bijoċidali tat-tip ta’ prodott 20 għall-31 ta’ Jannar 2026, sabiex ikun hemm żmien biżżejjed biex tiġi eżaminata l-applikazzjoni kkonċernata.

(10)

Fit-8 ta’ April 2025, l-awtorità kompetenti li tevalwa infurmat lill-Kummissjoni li qed tistenna li tippreżenta r-rapporti ta’ valutazzjoni tat-tiġdid tal-fosfur tal-aluminju li jirrilaxxa l-fosfina għall-użu fil-prodotti bijoċidali tat-tipi ta’ prodott 14, 18 u 20 lill-Aġenzija fit-tielet trimestru tal-2025.

(11)

Konsegwentement, minħabba raġunijiet lil hinn mill-kontroll tal-applikant, l-approvazzjonijiet x’aktarx jiskadu qabel ma tkun ittieħdet deċiżjoni dwar it-tiġdid tagħhom. Għalhekk jixraq li d-data tal-iskadenza tal-approvazzjonijiet tiġi posposta ulterjorment għal perjodu ta’ żmien biżżejjed biex ikun jista’ jiġi finalizzat l-eżami tal-applikazzjonijiet. Wara li tqiesu l-limiti ta’ żmien għall-evalwazzjoni mill-awtorità kompetenti li tevalwa, għat-tħejjija u għall-preżentazzjoni mill-Aġenzija tal-opinjonijiet tagħha u ż-żmien meħtieġ biex il-Kummissjoni tiddeċiedi jekk iġġeddidx l-approvazzjonijiet tal-fosfur tal-aluminju li jirrilaxxa l-fosfina għall-użu fil-prodotti bijoċidali tat-tipi ta’ prodott 14, 18 u 20, jenħtieġ li d-data tal-iskadenza tiġi posposta għall-31 ta’ Lulju 2027 għat-tipi ta’ prodott ikkonċernati kollha.

(12)

Wara li tiġi posposta ulterjorment id-data tal-iskadenza tal-approvazzjonijiet, il-fosfur tal-aluminju li jirrilaxxa l-fosfina jibqa’ approvat għall-użu fil-prodotti bijoċidali tat-tipi ta’ prodott 14 u 18, soġġett għall-kundizzjonijiet stabbiliti fl-Anness I tad-Direttiva 98/8/KE, u għall-użu fil-prodotti bijoċidali tat-tip ta’ prodott 20 soġġett għall-kundizzjonijiet stabbiliti fl-Anness tar-Regolament ta’ Implimentazzjoni (UE) Nru 1034/2013,