DEĊIŻJONI TA’ IMPLIMENTAZZJONI TAL-KUMMISSJONI (UE) 2025/2208

tal-31 ta’ Ottubru 2025

li temenda l-Anness tad-Deċiżjoni 2007/453/KE fir-rigward tal-istatus tal-BSE ta’ ċerti reġjuni tar-Renju Unit

(notifikata bid-dokument C(2025) 7264)

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 999/2001 tal-Parlament Ewropew u tal-Kunsill tat-22 ta’ Mejju 2001 li jistabblixxi regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered (1), u b’mod partikolari l-Artikolu 5(2), it-tielet subparagrafu, tiegħu,

Billi:

(1)

Ir-Regolament (KE) Nru 999/2001 jipprevedi li l-Istati Membri, jew il-pajjiżi terzi jew ir-reġjuni tagħhom (il-pajjiżi jew ir-reġjuni) iridu jiġu kklassifikati skont l-istatus tagħhom tal-enċefalopatija sponġiformi bovina (BSE) f’waħda minn tliet kategoriji kif ġej: riskju negliġibbli ta’ BSE, riskju kkontrollat ta’ BSE, u riskju indeterminat ta’ BSE.

(2)

L-Artikolu 5(2), it-tielet subparagrafu, tar-Regolament (KE) Nru 999/2001 jipprevedi li jekk l-Organizzazzjoni Dinjija għas-Saħħa tal-Annimali (WOAH) tqiegħed pajjiż applikant f’waħda mit-tliet kategoriji tal-BSE, tista’ tiġi deċiża valutazzjoni mill-ġdid tal-kategorizzazzjoni tal-BSE fil-livell tal-Unjoni.

(3)

Id-Deċiżjoni tal-Kummissjoni 2007/453/KE (2) telenka l-istatus tal-BSE ta’ pajjiżi jew reġjuni skont ir-riskju tal-BSE tagħhom fil-Parti A, B jew C tal-Anness ta’ dak l-att. Il-pajjiżi jew ir-reġjuni elenkati fil-Parti A ta’ dak l-Anness jitqiesu li għandhom riskju negliġibbli ta’ BSE, dawk elenkati fil-Parti B tiegħu jitqiesu li għandhom riskju kkontrollat ta’ BSE, filwaqt li l-Parti C ta’ dak l-Anness tipprovdi li pajjiżi jew reġjuni mhux elenkati fil-Parti A jew B jridu jitqiesu li għandhom riskju indeterminat ta’ BSE.

(4)	Ir-Renju Unit bl-eċċezzjoni tal-Irlanda ta’ Fuq bħalissa jaqa’ fil-Parti B tal-Anness tad-Deċiżjoni 2007/453/KE bħala pajjiżi b’riskju kkontrollat ta’ BSE.

(5)

Fid-29 ta’ Mejju 2025, l-Assemblea Dinjija tal-WOAH adottat ir-Riżoluzzjoni Nru 17 dwar ir-rikonoxximent tal-istatus ta’ riskju tal-enċefalopatija sponġiformi bovina tal-Membri, “Recognition of the Bovine Spongiform Encephalopathy Risk Status of Members” (3), li daħlet fis-seħħ fit-30 ta’ Mejju 2025. Din ir-riżoluzzjoni rrikonoxxiet li ż-żoni tal-Ingilterra u Wales, u l-Iskozja fir-Renju Unit għandhom riskju negliġibbli ta’ BSE, f’konformità mal-kriterji stabbiliti fil-Kodiċi tas-Saħħa tal-Annimali Terrestri tal-WOAH. Wara valutazzjoni mill-ġdid tas-sitwazzjoni fil-livell tal-Unjoni, li tirriżulta minn dik ir-Riżoluzzjoni tal-WOAH Nru 17, il-Kummissjoni kkunsidrat li l-istatus ta’ BSE WOAH il-ġdid taż-żoni tal-Ingilterra u Wales, u l-Iskozja fir-Renju Unit jenħtieġ li jiġi rifless fl-Anness tad-Deċiżjoni 2007/453/KE.

(6)	Għalhekk il-lista tal-pajjiżi jew ir-reġjuni fl-Anness tad-Deċiżjoni 2007/453/KE jenħtieġ li tiġi emendata b’tali mod li ż-żoni tal-Ingilterra u Wales, u l-Iskozja fir-Renju Unit jiġu elenkati fil-Parti A tal-Anness taħt il-pajjiżi jew ir-reġjuni b’riskju negliġibbli ta’ BSE.

(7)	Għalhekk jenħtieġ li l-Anness tad-Deċiżjoni 2007/453/KE jiġi emendat kif xieraq.

(8)	Il-miżuri previsti f’din id-Deċiżjoni huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

L-Anness tad-Deċiżjoni 2007/453/KE huwa sostitwit bit-test stabbilit fl-Anness ta’ din id-Deċiżjoni.

Artikolu 2

Din id-Deċiżjoni hija indirizzata lill-Istati Membri.

Magħmul fi Brussell, il-31 ta’ Ottubru 2025.

Għall-Kummissjoni

Olivér VÁRHELYI

Membru tal-Kummissjoni

(1) ĠU L 147, 31.5.2001, p. 1, ELI: http://data.europa.eu/eli/reg/2001/999/oj.

(2) Id-Deċiżjoni tal-Kummissjoni 2007/453/KE tad-29 ta’ Ġunju 2007 li tistabbilixxi l-istatus tal-BSE ta’ Stati Membri jew pajjiżi terzi jew reġjuni tagħhom skont ir-riskju tal-BSE (ĠU L 172, 30.6.2007, p. 84, ELI: http://data.europa.eu/eli/dec/2007/453/oj).

(3) https://www.woah.org/app/uploads/2025/06/92gs-2025-res-17-tech-bse-status-final-en.pdf.

ANNESS

“ANNESS

LISTA TA PAJJIŻI JEW REĠJUNI

A. Il-pajjiżi jew ir-reġjuni b’riskju negliġibbli tal-BSE

Stati Membri

—

Il-Belġju

—	Il-Bulgarija

—

Iċ-Ċekja

—	Id-Danimarka

—	Il-Ġermanja

—

L-Estonja

—

L-Irlanda

—

Spanja

—

Franza

—	Il-Kroazja

—

L-Italja

—

Ċipru

—

Il-Latvja

—	Il-Litwanja

—	Il-Lussemburgu

—	L-Ungerija

—

Malta

—	In-Netherlands

—	L-Awstrija

—	Il-Polonja

—	Il-Portugall

—	Ir-Rumanija

—	Is-Slovenja

—	Is-Slovakkja

—	Il-Finlandja

—

L-Iżvezja

Reġjuni tal-Istati Membri (1)

—	L-Irlanda ta’ Fuq

Pajjiżi tal-Assoċjazzjoni Ewropea tal-Kummerċ Ħieles

—

L-Iżlanda

—	Il-Liechtenstein

—	In-Norveġja

—	L-Iżvizzera

Pajjiżi terzi

—	L-Arġentina

—	L-Awstralja

—

Il-Brażil

—

Il-Kanada

—

Iċ-Ċilì

—	Il-Kolombja

—	Il-Costa Rica

—

L-Indja

—

Iżrael

—

Il-Ġappun

—

Jersey

—	In-Namibja

—	New Zealand

—

Il-Panama

—	Il-Paragwaj

—

Il-Perù

—	Is-Serbja (2)

—

Singapore

—	L-Ingilterra u Wales, u l-Iskozja fir-Renju Unit

—	L-Istati Uniti

—

L-Urugwaj

B. Il-pajjiżi jew ir-reġjuni b’riskju kkontrollat tal-BSE

Stati Membri

—

Il-Greċja

Pajjiżi terzi

—	Il-Messiku

—	In-Nikaragwa

—	Il-Korea t’Isfel

—

It-Tajwan

C. Il-pajjiżi jew ir-reġjuni b’riskju indeterminat tal-BSE

—	Il-pajjiżi jew ir-reġjuni li mhumiex elenkati fil-Partijiet A jew B.

”

(1) F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, u b’mod partikolari l-Artikolu 5(4) tal-Qafas ta’ Windsor (ara d-Dikjarazzjoni Konġunta Nru 1/2023 tal-Unjoni u tar-Renju Unit fil-Kumitat Konġunt stabbilit mill-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (ĠU L 102, 17.4.2023, p. 87)) flimkien mal-Anness 2 ta’ dak il-Qafas, għall-finijiet ta’ dan l-Anness, ir-referenzi għall-Istat Membru jinkludu lir-Renju Unit fir-rigward tal-Irlanda ta’ Fuq.

(2) Kif imsemmi fl-Artikolu 135 tal-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Repubblika tas-Serbja, min-naħa l-oħra (ĠU L 278, 18.10.2013, p. 16).