(1)

Skont l-Artikolu 11(1) tar-Regolament (UE) Nru 1380/2013, l-Istati Membri għandhom is-setgħa li fl-ilmijiet tagħhom jadottaw il-miżuri ta’ konservazzjoni tas-sajd li huma meħtieġa biex jikkonformaw mal-obbligi tagħhom skont l-Artikolu 6 tad-Direttiva tal-Kunsill 92/43/KEE (“id-Direttiva dwar il-Ħabitats”) (2), skont l-Artikolu 4 tad-Direttiva 2009/147/KE tal-Parlament Ewropew u tal-Kunsill (“id-Direttiva dwar l-Għasafar”) (3) u skont l-Artikolu 13(4) tad-Direttiva 2008/56/KE tal-Parlament Ewropew u tal-Kunsill (“id-Direttiva Kwadru dwar l-Istrateġija Marina”) (4).

(2)

L-Artikolu 6 tad-Direttiva dwar il-Ħabitats jirrikjedi li l-Istati Membri jistabbilixxu l-miżuri ta’ konservazzjoni meħtieġa għaż-żoni speċjali ta’ konservazzjoni li jikkorrispondu għar-rekwiżiti ekoloġiċi tat-tipi ta’ ħabitats naturali u l-ispeċijiet protetti fis-siti. Dan jirrikjedi wkoll li l-Istati Membri jieħdu l-passi x-xierqa biex jevitaw id-deterjorament tal-ħabitats naturali u tal-ħabitats tal-ispeċijiet, kif ukoll id-disturb sinifikanti tal-ispeċijiet li għalihom ikunu ġew iddeżinjati ż-żoni.

(3)

L-Artikolu 4 tad-Direttiva dwar l-Għasafar jirrikjedi li l-Istati Membri jistabbilixxu miżuri speċjali ta’ konservazzjoni fir-rigward tal-ħabitat tal-ispeċijiet elenkati fl-Anness I tagħha. Dan jirrikjedi wkoll li l-Istati Membri jieħdu miżuri ta’ konservazzjoni simili għall-ispeċijiet migratorji regolari li ma humiex elenkati fl-Anness I tagħha.

(4)

F’konformità mal-Artikolu 13(4) tad-Direttiva Kwadru dwar l-Istrateġija Marina, l-Istati Membri jeħtieġu jadottaw programmi ta’ miżuri biex jiksbu jew iżommu status ambjentali tajjeb, li jinkludu miżuri ta’ protezzjoni spazjali li jikkontribwixxu għal networks koerenti u rappreżentattivi ta’ żoni marini protetti, u jkopru b’mod adegwat id-diversità tal-ekosistemi kostitwenti, bħal żoni speċjali ta’ konservazzjoni skont id-Direttiva dwar il-Ħabitats, bħal żoni ta’ protezzjoni speċjali skont id-Direttiva dwar l-Għasafar, u bħal żoni marittimi protetti kif miftiehma mill-Unjoni jew mill-Istati Membri kkonċernati fil-qafas ta’ ftehimiet internazzjonali jew reġjonali li għalihom ikunu partijiet.

(5)

Skont l-Artikolu 11(2) tar-Regolament (UE) Nru 1380/2013, meta Stat Membru jqis li jeħtieġ li jiġu adottati miżuri għall-konformità mal-obbligi skont il-leġiżlazzjoni ambjentali tal-Unjoni msemmija fl-Artikolu 11(1) tar-Regolament (UE) Nru 1380/2013 u Stati Membri oħrajn ikollhom interess ta’ ġestjoni dirett fis-sajd li se jiġi affettwat minn tali miżuri, il-Kummissjoni għandha s-setgħa li tadotta tali miżuri permezz ta’ atti delegati wara rakkomandazzjoni konġunta ppreżentata mill-Istati Membri.

(6)

Ir-Regolament Delegat tal-Kummissjoni (UE) 2017/118 (5) jistabbilixxi miżuri ta’ konservazzjoni għall-protezzjoni tal-ambjent marittimu f’ċerti żoni marittimi protetti fil-Baħar tat-Tramuntana.

(7)

Fid-19 ta’ Ottubru 2023, il-Ġermanja u n-Netherlands (l-Istati Membri inizjaturi), flimkien mal-Belġju, id-Danimarka, Franza u l-Iżvezja, ippreżentaw lill-Kummissjoni rakkomandazzjoni konġunta dwar miżuri ta’ konservazzjoni fiż-żoni Ġermaniżi u Netherlandiżi tal-Bank Dogger, fis-siti ta’ Natura 2000 “Doggerbank” (DE1003301) u “Doggersbank” (NL2008001).

(8)

Ir-rakkomandazzjoni konġunta tipproponi miżuri ta’ konservazzjoni għall-protezzjoni tas-sikek tar-ramel (tip ta’ ħabitat H1110) mill-impatt ta’ rkaptu mobbli tal-kuntatt mal-qiegħ billi jiġu pprojbiti xbieki mobbli tat-tkarkir tal-qiegħ u tartaruni f’żoni speċifiċi f’dawn is-siti ta’ Natura 2000.

(9)

Il-Kumitat Xjentifiku, Tekniku u Ekonomiku għas-Sajd (STECF, Scientific, Technical and Economic Committee for Fisheries) ivvaluta r-rakkomandazzjonijiet konġunta fis-sessjoni plenarja tiegħu tal-11–15 ta’ Marzu 2024 (6).

(10)

L-STECF ikkonkluda li l-miżuri ta’ konservazzjoni proposti fid-Dogger Bank jistgħu jikkontribwixxu biex jiġi żgurat li l-ħabitats u l-ispeċijiet indirizzati fir-rakkomandazzjoni konġunta jinżammu u jiġu restawrati fi stat ta’ konservazzjoni favorevoli, u jirrappreżentaw pass pożittiv ’il quddiem biex: (i) jiġu mminimizzati l-impatti negattivi tal-attivitajiet tas-sajd fuq ċerti ħabitats u l-komunitajiet bijoloġiċi tagħhom, u (ii) jiġi żgurat li l-attivitajiet tas-sajd jevitaw id-degradazzjoni tal-ambjent marittimu kif stipulat fl-Artikolu 2(3) tar-Regolament (UE) Nru 1380/2013.

(11)

Ir-Rakkomandazzjoni konġunta testendi wkoll il-projbizzjoni għall-bastimenti tas-sajd bit-tartarun kemm fiż-żoni ta’ ġestjoni tal-Ġermanja kif ukoll fin-Netherlands. L-STECF saħaq li l-inklużjoni tal-gruppi kollha tal-irkaptu fil-miżuri ta’ ġestjoni hija meħtieġa biex jiġu minimizzati l-impatti negattivi tas-sajd u tiġi evitata d-degradazzjoni tal-ambjent marittimu bbażata fuq is-sajd.

(12)

Ir-Rakkomandazzjoni konġunta tipproponi wkoll miżuri ta’ kontroll u ta’ infurzar. L-STECF innota li r-rakkomandazzjoni konġunta kienet qieset ir-rakkomandazzjonijiet preċedenti tal-STECF u kkonkluda li dawn il-miżuri ta’ kontroll u ta’ infurzar jidhru adegwati u suffiċjenti biex jiżguraw infurzar xieraq tal-miżuri proposti għaż-żoni ta’ ġestjoni. Madankollu, uħud mill-miżuri ta’ kontroll proposti diġà huma obbligu legali u għalhekk mhumiex inklużi f’dan ir-regolament delegat.

(13)

L-istatus ta’ konservazzjoni tas-sit għadu vvalutat bħala mhux favorevoli u, skont id-data ppreżentata mill-Istati Membri, l-attivitajiet tas-sajd ħolqu distorsjoni fil-kompożizzjoni tal-ispeċijiet lejn speċijiet iżgħar u b’ħajja qasira.

(14)

Għalhekk, il-Kummissjoni tqis li l-miżuri proposti fir-rakkomandazzjoni konġunta se jikkontribwixxu biex jimminimizzaw l-impatti negattivi tal-attivitajiet tas-sajd fl-ilmijiet tal-UE tas-siti ta’ Natura 2000 tad-Dogger Bank.

(15)

L-Artikolu 3(3)(d) tar-Regolament Delegat (UE) 2017/118 jistabbilixxi deroga mill-projbizzjoni tas-sajd fiż-żoni ristretti għas-sajd ta’ Stora Middelgrund och Röde bank (SE0510186), Fladen (SE0510127), Lilla Middelgrund (SE0510126) u Morups bank (SE0510187) fiż-żona ta’ Kattegat għall-għeżula u l-pariti, dment li l-bastimenti tas-sajd jieħdu sehem fi programm nazzjonali ta’ monitoraġġ u ta’ valutazzjoni mwettaq mill-awtoritajiet nazzjonali jew f’isimhom biex tiġi vvalutata il-qabda aċċessorja tad-denfil iswed u tal-għasafar tal-baħar bl-użu ta’ monitoraġġ elettroniku mill-bogħod, inkluż l-użu ta’ kameras tat-televiżjoni b’ċirkwit magħluq abbord u data dwar il-pożizzjoni. L-Artikolu 3(3)(d) kien jirrikjedi wkoll li l-Iżvezja tirrieżamina d-data dwar il-qabdiet aċċessorji tad-denfil iswed u tal-għasafar tal-baħar kull sena għal valutazzjoni finali sal-31 ta’ Diċembru 2024.

(16)

Dik id-deroga ġiet stabbilita wara l-valutazzjoni tagħha mill-STECF fil-plenarja tiegħu tat-22–26 ta’ Marzu 2021 (7). Għalkemm l-STECF qajjem dubji dwar l-adegwatezza tad-deroga, huwa nnota l-possibbiltà li din tiġi rieżaminata wara 3 snin ta’ applikazzjoni. Dik id-deroga kienet parti minn rakkomandazzjoni konġunta usa’ ppreżentata fl-2021 li kien fiha diversi miżuri li dwarhom l-STECF kien ikkonkluda li, b’mod ġenerali, kienu jirrappreżentaw pass pożittiv ’il quddiem lejn il-minimizzazzjoni tal-impatti negattivi tal-attivitajiet tas-sajd fuq il-ħabitats ikkonċernati.

(17)

Fil-11 ta’ Lulju 2024, l-Istati Membri tal-Baħar tat-Tramuntana, bl-Iżvezja bħala l-Istat Membru inizjatur, ippreżentaw lill-Kummissjoni rakkomandazzjoni konġunta li tipproponi t-tneħħija ta’ din id-deroga peress li ma sar l-ebda sajd fl-ambitu tal-programm ta’ monitoraġġ, u minħabba li hemm data ġdida li turi l-istatus fqir tal-popolazzjoni tal-Baħar Belt.

(18)

Il-Kummissjoni tqis li, għar-raġunijiet stabbiliti fil-premessa (17) hawn fuq, huwa pertinenti li titneħħa d-deroga għall-għeżula u l-pariti.

(19)

Għalhekk, jenħtieġ li r-Regolament Delegat (UE) 2017/118 jiġi emendat kif xieraq.

(20)

Dan ir-Regolament Delegat huwa mingħajr preġudizzju għall-ħtieġa ta’ miżuri ta’ konservazzjoni addizzjonali meħtieġa għall-konformità mad-dispożizzjonijiet rilevanti tad-Direttivi dwar l-Għasafar u dwar l-Ħabitats u tad-Direttiva Kwadru dwar l-Istrateġija Marina u mal-pożizzjoni tal-Kummissjoni rigward il-konformità tal-Istati Membri interessati mal-obbligi tagħhom skont il-leġiżlazzjoni ambjentali rilevanti tal-Unjoni,

(1)

L-Artikolu 3 huwa emendat kif ġej:

(2)

L-Artikolu 4 huwa emendat kif ġej:

(3)

L-Artikolu 5, il-paragrafu 2, il-punt c huwa sostitwit b’dan li ġej:

(4)

L-Artikolu 6 huwa sostitwit b’dan li ġej:

(5)

L-Anness I huwa emendat f’konformità mal-Anness ta’ dan ir-Regolament.