“A.    Parteċipazzjoni fi skema

Kull Stat Membru jrid joħloq lista ta’ fiduċja li tkun tinkludi informazzjoni relatata mal-fornituri tas-servizzi fiduċjarji kwalifikati li tkun qed issirlhom superviżjoni, flimkien ma’ informazzjoni relatata mas-servizzi fiduċjarji kwalifikati li dawn jipprovdu, f’konformità mad-dispożizzjonijiet rilevanti stabbiliti fir-Regolament (UE) Nru 910/2014.

L-implimentazzjoni attwali ta’ dawn il-listi ta’ fiduċja għandha tissemma’ wkoll fil-lista tal-links (pointers) li jwassluk għal lista ta’ fiduċja ta’ kull Stat Membru, miġbura mill-Kummissjoni Ewropea.

B.    Politika/regoli għall-valutazzjoni tas-servizzi elenkati

L-Istati Membri jridu jissorveljaw lill-fornituri tas-servizzi fiduċjarji kwalifikati stabbiliti fit-territorju tal-Istat Membru deżinjatur kif stabbilit fil-Kapitolu III tar-Regolament (UE) Nru 910/2014 biex jiżguraw li dawk il-fornituri tas-servizzi fiduċjarji kwalifikati u s-servizzi fiduċjarji kwalifikati li jipprovdu jkunu jissodisfaw ir-rekwiżiti stabbiliti f’dak ir-Regolament.

Il-listi ta’ fiduċja tal-Istati Membri jinkludu, bħala minimu, l-informazzjoni speċifikata fl-Artikoli 1 u 2 tad-Deċiżjoni ta’ Implimentazzjoni (UE) 2015/1505.

Il-listi ta’ fiduċja jinkludu informazzjoni attwali u anki storika dwar l-istatus tas-servizzi fiduċjarji elenkati.

Il-lista ta’ fiduċja ta’ kull Stat Membru trid tipprovdi informazzjoni dwar l-iskema superviżorja nazzjonali u, meta applikabbli, l-approvazzjoni nazzjonali, inkluż bi skema/i tal-akkreditazzjoni li permezz tagħha jiġu elenkati l-fornituri tas-servizzi fiduċjarji u s-servizzi fiduċjarji li jipprovdu.

C.    Interpretazzjoni tal-lista ta’ fiduċja

Il-linji gwida ġenerali tal-utenti għall-applikazzjonijiet, is-servizzi jew il-prodotti li jistrieħu fuq lista ta’ fiduċja ppubblikata f’konformità mar-Regolament (UE) Nru 910/2014 huma kif ġej:

C.1    Status kwalifikat ta’ servizz fiduċjarju

L-istatus kwalifikat ta’ servizz fiduċjarju hu indikat bil-kombinament ta’:

—	il-valur “Service type identifier” (“Sti”) f’entrata tas-servizz;

—

meta applikabbli, il-preżenza ta’ wieħed mill-valuri li ġejjin fl-entrati kollha “additionalServiceInformation extension” fl-entrata tas-servizz: — " http://uri.etsi.org/TrstSvc/TrustedList/SvcInfoExt/ForeSignatures ": l-ispeċifikazzjoni ulterjuri li s-servizz identifikat bl-“Sti” qed jiġi pprovdut għall-firem elettroniċi; — " http://uri.etsi.org/TrstSvc/TrustedList/SvcInfoExt/ForeSeals ": l-ispeċifikazzjoni ulterjuri li s-servizz identifikat bl-“Sti” qed jiġi pprovdut għas-siġilli elettroniċi; jew — " http://uri.etsi.org/TrstSvc/TrustedList/SvcInfoExt/ForWebSiteAuthentication ": l-ispeċifikazzjoni ulterjuri li s-servizz identifikat bl-“Sti” qed jiġi pprovdut għall-awtentikazzjoni ta’ siti web; u — l-istatus skont il-valur tal-entrata “Service current status” mid-data indikata fl-entrata “Current status starting date and time”.

Meta applikabbli, tingħata bl-istess mod informazzjoni storika dwar tali status kwalifikat.

C.1.1    Status ta’ servizz skont ir-Regolament (UE) Nru 910/2014

Dakinhar u wara l-1 ta’ Lulju 2016 (UTC+2), il-valur tal-entrata “Service current status” użat mill-Korp Superviżorju ddeżinjat fi Stat Membru biex jindika li entrata ta’ servizz fiduċjarju qed tirrappreżenta servizz fiduċjarju kwalifikat hu l-URI “ http://uri.etsi.org/TrstSvc/TrustedList/Svcstatus/granted ”.

C.1.2    Status ta’ servizz skont id-Direttiva 1999/93/KE

Strettament qabel l-1 ta’ Lulju 2016 (UTC+2), il-valur tal-entrata “Service current status” użat mill-Korp Superviżorju deżinjat fi Stat Membru biex jindika li entrata ta’ servizz fiduċjarju qed tirrappreżenta fornitur tas-servizzi taċ-ċertifikazzjoni li joħroġ ċertifikati kwalifikati hu wieħed mill-URIs li ġejjin:

—	“ http://uri.etsi.org/TrstSvc/TrustedList/Svcstatus/undersupervision ”;

—	“ http://uri.etsi.org/TrstSvc/TrustedList/Svcstatus/supervisionincessation ”; jew

—	“ http://uri.etsi.org/TrstSvc/TrustedList/Svcstatus/accredited ”.

C.2    Status kwalifikat ta’ ċertifikat

Fir-rigward tal-fornituri tas-servizzi fiduċjarji kwalifikati li joħorġu ċertifikati kwalifikati għall-firem elettroniċi, għas-siġilli elettroniċi u/jew għall-awtentikazzjoni ta’ siti web, entrata “CA/QC” “Service type identifier” (“Sti”) tindika li kwalunkwe ċertifikat ta’ entità finali maħruġ minn jew taħt is-CA irrappreżentat mill-kjavi pubblika tas-CA u mill-isem tas-CA (ilkoll data tas-CA li trid titqies bħala input ta’ ankra ta’ fiduċja) li jkun hemm fis-“Service digital identifier” (“Sdi”), hu jew kien ċertifikat kwalifikat (QC) f’ċerta data u ħin, diment li l-entrata tas-servizz fiduċjarju tkun tindika status kwalifikat mogħti (ara l-klawżola C.1) u li jkunu ssodisfati r-rekwiżiti ta’ hawn taħt fir-rigward tad-data u l-ħin mogħtija.

C.2.1    Regoli prestabbiliti

C.2.1.1   Regola standardizzata dwar l-istatus ta’ ċertifikat

Iċ-ċertifikat tal-entità finali fih l-estensjoni QcStatements standardizzata tal-ETSI kif speċifikat fl-istandard ETSI EN 319 412-5 bir-rekwiżiti li ġejjin:

—	ikun hemm il-QcStatement id-etsi-qcs-QcCompliance (urn:oid:0.4.0.1862.1.1); u

—

meta tkun hemm, il-QcStatement id-etsi-qcs-QcType (urn:oid:0.4.0.1862.1.6) ikun fiha eżattament wieħed mill-valuri li ġejjin: — l-identifikatur tat-tip QC definit mill-ETSI id-etsi-qct-esign (urn:oid:0.4.0.1862.6.1); — l-identifikatur tat-tip QC definit mill-ETSI id-etsi-qct-eseal (urn:oid:0.4.0.1862.6.2); jew — l-identifikatur tat-tip QC definit mill-ETSI id-etsi-qct-web (urn:oid:0.4.0.1862.6.3).

B’mod fakultattiv, jista’ jkun hemm il-QcStatement id-etsi-qct-QcSSCD (urn:oid:0.4.0.1862.4).

C.2.1.2   Status ta’ ċertifikat skont id-Direttiva 1999/93/KE

Ristrett għall-kuntest tad-Direttiva 1999/93/KE u bħala alternattiva ta’ legat għar-regola standardizzata ta’ hawn fuq, iċ-ċertifikat tal-entità finali fih:

—	l-estensjoni QcStatements standardizzata tal-ETSI (kif speċifikat fl-ETSI EN 319 412-5) u jkun hemm il-QcStatement id-etsi-qcs-QcCompliance (urn:oid:0.4.0.1862.1.1);

—	l-OID tal-politika taċ-ċertifikat definita mill-ETSI QCP+ ta’ legat (urn:oid:0.4.0.1456.1.1); jew

—	l-OID tal-politika taċ-ċertifikat definita mill-ETSI QCP ta’ legat (urn:oid:0.4.0.1456.1.2).

C.2.2    Regoli addizzjonali: Ikun Hemm Estensjoni tal-Kwalifiki

Jekk ikun hemm informazzjoni ta’ “Sie” “Qualifications Extension” kif speċifikat fil-klawżola 5.5.9.2 tal-istandard ETSI TS 119 612, minbarra skont ir-regoli prestabbiliti ta’ hawn fuq, dawk iċ-ċertifikati identifikati bl-informazzjoni ta’ “Sie” “Qualifications Extension” iridu jitqiesu skont il-kwalifikaturi assoċjati. Dawk il-kwalifikaturi jintużaw meta meħtieġ biex jikkumpensaw għal nuqqas ta’ informazzjoni standardizzata li tista’ tiġi pproċessata mill-magni fil-kontenut taċ-ċertifikat korrispondenti. M’għandhomx jintużaw biex jikkumpensaw għal nuqqas ta’ informazzjoni li tista’ tiġi pproċessata mill-magni fiċ-ċertifikati maħruġa wara l-1 ta’ Lulju 2016, meta dak in-nuqqas jikkaġuna nonkonformità mal-Anness I, III jew IV tar-Regolament (UE) Nru 910/2014. Iżda jistgħu jintużaw biex jipprovdu informazzjoni ulterjuri li tista’ tiġi pproċessata mill-magni meta l-informazzjoni pprovduta fiċ-ċertifikat, għalkemm tkun konformi mar-Regolament, ma tkunx allinjata mar-regoli tal-interpretazzjoni prestabbiliti ta’ hawn fuq. Meta jintużaw, dawn jipprovdu informazzjoni addizzjonali dwar:

—

l-istatus kwalifikat tagħhom: — “QCStatement” (" http://uri.etsi.org/TrstSvc/TrustedList/SvcInfoExt/QCStatement ") tfisser li ċ-ċertifikati identifikati huma kkwalifikati skont id-Direttiva 1999/93/KE jew skont ir-Regolament (UE) Nru 910/2014; jew — “NotQualified” (" http://uri.etsi.org/TrstSvc/TrustedList/SvcInfoExt/NotQualified ") tfisser li ċ-ċertifikati identifikati ma għandhomx jiġu kkunsidrati bħala kwalifikati;

—

in-natura tal-kwalifika tagħhom: — “QCForESig” (" http://uri.etsi.org/TrstSvc/TrustedList/SvcInfoExt/QCForESig ") tfisser li ċ-ċertifikati identifikati, meta msejħa jew iddikjarati bħala kwalifikati, ikunu ċertifikati kkwalifikati għal firma elettronika skont ir-Regolament (UE) Nru 910/2014; — “QCForESeal” (" http://uri.etsi.org/TrstSvc/TrustedList/SvcInfoExt/QCForESeal ") tfisser li ċ-ċertifikati identifikati, meta msejħa jew iddikjarati bħala kwalifikati, ikunu ċertifikati kkwalifikati għal siġill elettroniku skont ir-Regolament (UE) Nru 910/2014; jew — “QCForWSA” (" http://uri.etsi.org/TrstSvc/TrustedList/SvcInfoExt/QCForWSA ") tfisser li ċ-ċertifikati identifikati, meta msejħa jew iddikjarati bħala kwalifikati, ikunu ċertifikati kkwalifikati għal awtentikazzjoni ta’ sit web skont ir-Regolament (UE) Nru 910/2014.

—

jekk il-kjavi privata tkunx qiegħda jew le f’apparat kwalifikat (QSCD) għall-ħolqien tas-siġilli jew tal-firem kwalifikati, u n-natura tagħha: — “QCWithQSCD” (" http://uri.etsi.org/TrstSvc/TrustedList/SvcInfoExt/QCWithQSCD ") tfisser li ċ-ċertifikati identifikati, meta msejħa jew iddikjarati bħala kwalifikati, ikollhom il-kjavi privata tagħhom qiegħda fi QSCD; — “QCNoQSCD” (" http://uri.etsi.org/TrstSvc/TrustedList/SvcInfoExt/QCNoQSCD ") tfisser li ċ-ċertifikati identifikati, meta msejħa jew iddikjarati bħala kwalifikati, ma jkollhomx il-kjavi privata tagħhom qiegħda fi QSCD; — “QCQSCDStatusAsInCert” (" http://uri.etsi.org/TrstSvc/TrustedList/SvcInfoExt/QCQSCDStatusAsInCert ") tfisser li ċ-ċertifikati identifikati, meta msejħa jew iddikjarati bħala kwalifikati, ikun fihom informazzjoni xierqa proċessabbli minn magna dwar jekk il-kjavi privata tagħhom tkunx qiegħda jew le fi QSCD; jew — “QCQSCDManagedOnBehalf” (" http://uri.etsi.org/TrstSvc/TrustedList/SvcInfoExt/QCQSCDManagedOnBehalf ") tfisser li ċ-ċertifikati identifikati, meta msejħa jew iddikjarati bħala kwalifikati, ikollhom il-kjavi privata tagħhom qiegħda fi QSCD li għaliha l-ġenerazzjoni u l-ġestjoni ta’ dik il-kjavi jagħmilhom TSP kwalifikat f’isem l-entità li l-identità tagħha tkun iċċertifikata fiċ-ċertifikat;

Ristretti għall-kuntest taċ-ċertifikati maħruġa skont id-Direttiva 1999/93/KE, qed jiġu definiti l-kwalifikaturi li ġejjin li jipprovdu informazzjoni addizzjonali dwar:

—

jekk il-kjavi privata tkunx qiegħda jew le f’apparat sigur għall-ħolqien tal-firem (SSCD): — “QCWithSSCD” (" http://uri.etsi.org/TrstSvc/TrustedList/SvcInfoExt/QCWithSSCD ") tfisser li ċ-ċertifikati identifikati, meta msejħa jew iddikjarati bħala kwalifikati, ikollhom il-kjavi privata tagħhom qiegħda f’SSCD; — “QCNoSSCD” (" http://uri.etsi.org/TrstSvc/TrustedList/SvcInfoExt/QCNoSSCD ") tfisser li ċ-ċertifikati identifikati, meta msejħa jew iddikjarati bħala kwalifikati, ma jkollhomx il-kjavi privata tagħhom qiegħda f’SSCD; jew — “QCSSCDStatusAsInCert” (" http://uri.etsi.org/TrstSvc/TrustedList/SvcInfoExt/QCSSCDStatusAsInCert ") tfisser li ċ-ċertifikati identifikati, meta msejħa jew iddikjarati bħala kwalifikati, ikun fihom informazzjoni xierqa li tista’ tiġi pproċessata minn magna dwar jekk il-kjavi privata tkunx qiegħda jew le f’SSCD.

—	il-ħruġ lil Persuna Ġuridika: — “QCForLegalPerson” (" http://uri.etsi.org/TrstSvc/TrustedList/SvcInfoExt/QCForLegalPerson ") tfisser li ċ-ċertifikati identifikati, meta msejħa jew iddikjarati bħala kwalifikati, jinħarġu lil Persuna Ġuridika skont id-Direttiva 1999/93/KE.

Nota:

L-informazzjoni mogħtija fil-lista ta’ fiduċja trid titqies preċiża, jiġifieri ċ-ċertifikat ma għandux jitqies ikkwalifikat jekk iċ-ċertifikat tal-entità finali ma jimxi mal-ebda mir-regola prestabbilita minn dawk definiti hawn fuq, u: — jekk ma hemmx informazzjoni ta’ “Sie” “Qualifications Extension” għall-entrata tas-servizz korrispondenti tas-CA/QC tal-ankra ta’ fiduċja biex tikkwalifika ċ-ċertifikat bi kwalifikatur “QCStatement”, jew — jekk ikun hemm informazzjoni ta’ “Sie” “Qualifications Extension” għall-entrata tas-servizz korrispondenti tas-CA/QC tal-ankra ta’ fiduċja biex tikkwalifika ċ-ċertifikat bi kwalifikatur “NotQualified”.

C.3    Ankri ta’ fiduċja

Is-“Service digital identifiers” għandhom jintużaw bħala Ankri ta’ Fiduċja fil-kuntest tal-validazzjoni tal-firem jew tas-siġilli elettroniċi li għalihom, iċ-ċertifikat tal-firmatarju jew tas-siġillatur għandu jiġi vvalidat mal-informazzjoni fil-lista ta’ fiduċja, u għalhekk il-kjavi pubblika u l-isem tas-suġġett assoċjat biss huma meħtieġa bħala informazzjoni tal-Ankra ta’ Fiduċja. Meta jkun hemm aktar minn ċertifikat wieħed jirrappreżenta l-kjavi pubblika li tidentifika s-servizz, dawn għandhom jitqiesu bħala ċertifikati ta’ Ankra ta’ Fiduċja li jagħtu informazzjoni identika fir-rigward tal-informazzjoni strettament meħtieġa bħala informazzjoni tal-Ankra ta’ Fiduċja.

C.4    Regola ġenerali għall-interpretazzjoni tal-entrati tas-servizzi fiduċjarji

Ir-regola ġenerali għall-interpretazzjoni ta’ kwalunkwe entrata tat-tip “Sti”, possibbilment speċifikata ulterjorment bi “Sie” “additionalServiceInformation”, li ma tkunx tikkorrispondi għal servizzi fiduċjarji kwalifikati hija li, għal dak it-tip ta’ servizz identifikat bi “Sti”, u possibbilment flimkien ma’ URI “Sie” “additionalServiceInformation”, is-servizz elenkat imsemmi skont il-valur tal-entrata “Service name” u identifikat b’mod uniku mill-valur tal-entrata “Service digital identity” għandu l-istatus attwali tal-approvazzjoni skont il-valur tal-entrata “Service current status” mid-data indikata fil-“Current status starting date and time”.

Regoli speċifiċi tal-interpretazzjoni għal xi informazzjoni addizzjonali fir-rigward ta’ servizz elenkat (eż. l-entrata “Service information extensions”) jistgħu jinstabu, meta applikabbli, fil-URI speċifiku tal-Istat Membru bħala parti mill-entrata “Scheme type/community/rules”.

Għal aktar dettalji dwar l-ispeċifikazzjonijiet tal-entrati tal-listi ta’ fiduċja tal-Istati Membri, ara l-atti ta’ implimentazzjoni adottati skont l-Artikolu 22(5) tar-Regolament (UE) Nru 910/2014.”