ANNESS

L-Anness I tad-Deċiżjoni 2012/642/PESK huwa emendat kif ġej:

(1)

il-persuni fiżiċi li ġejjin jiżdiedu fil-lista li tinsab fit-taqsima “A. Persuni fiżiċi msemmija fl-Artikoli 3(1) u 4(1)”:

Ismijiet (Trażlitterazzjoni tal-ortografija Belarussa) (Trażlitterazzjoni tal-ortografija Russa)

Ismijiet (Ortografija Belarussa) (Ortografija Russa)

Informazzjoni ta' identifikazzjoni

Raġunijiet għall-elenkar

Data tal-elenkar

“313.

Ilya Valerievich IKAN

Iлля Валер'евіч IКАН

Илья Валерьевич ИКАН

Funzjoni: President ta' Belneftekhim, Membru tal-Kunsill tar-Repubblika tal-Assemblea Nazzjonali tar-Repubblika tal-Belarussja

Data tat-twelid: 10.1.1981

Post tat-twelid: Pchelnik, Borisov District, Minsk Region/Oblast, qabel USSR (issa Belarussja)

Nazzjonalità: Belarussa

Sess: raġel

Entitajiet assoċjati: Belneftekhim

Ilya Ikan huwa l-President ta' Belarusian State Concern for Oil and Chemistry (Belneftekhim).

Belneftekhim hija waħda mill-akbar kumplessi industrijali tar-Repubblika tal-Belarussja u tikkonsisti minn diversi kumpaniji oħra tal-Istat stabbiliti fl-1997. Aliaksandr Lukashenka jqis li Belneftekhim hija waħda mill-aktar entitajiet importanti u strateġiċi fil-Belarussja.

B'mod partikolari, Belneftekhim tirrappreżenta assi fundamentali għall-ekonomija u l-politika barranija tal-Belarussja, b'mod partikolari fir-rigward tal-kooperazzjoni bejn ir-Russja u l-Belarussja fl-iżvilupp ta' suq komuni taż-żejt. Isiru konsultazzjonijiet regolari bejn l-entità u l-President Lukashenka. Belneftekhim tibbenefika mill-appoġġ ipprovdut mir-reġim ta' Lukashenka, speċjalment fir-rigward tal-effetti tas-sanzjonijiet. Għaldaqstant, Belneftekhim qed tibbenefika mir-reġim ta' Lukashenka u qed tappoġġah.

Billi jaġixxi bħala l-President ta' Belneftekhim, Ilya Ikan qed jibbenefika mir-reġim ta' Lukashenka u qed jappoġġah

23.10.2025

314.

Yuri Ivanovich PREDKO

Magħruf ukoll bħala Yuriy Ivanovich PREDKO

Юрий Иванович ПРЕДКО

Funzjoni: Direttur Ġenerali ta' OJSC Horizont

Data tat-twelid: 1964

Post tat-twelid: Belarus

Nazzjonalità: Belarussu

Sess: raġel

Entitajiet assoċjati: Horizont Holding, ICT Horizont

Yuri Predko huwa maniġer ġenerali ta' OJSC ‘Management Company of the Holding Horizont’, li huwa wieħed mill-akbar manifatturi tal-elettronika tal-konsumatur u tal-apparati elettrodomestiċi fir-Repubblika tal-Belarussja. Hija l-kumpanija maniġerjali ta' Horizont Holding.

Horizont Holding hija waħda mill-akbar azjendi u waħda mill-aktar azjendi diversifikati li qed jiżviluppaw b'mod dinamiku fir-Repubblika tal-Belarussja, li tkopri firxa wiesgħa ta' oqsma ta' negozju. L-attivitajiet ta' Horizont Holding qed jiġu implimentati fuq l-istruzzjonijiet ta' Aliaksandr Lukashenka.

ICT Horizont, parti minn Horizont Holding, hija waħda mill-azjendi mexxejja fl-iżvilupp u l-produzzjoni tal-elettronika speċjali fir-Repubblika tal-Belarussja. Il-kumpanija tiżviluppa u tipproduċi oġġetti speċjali u b'użu doppju, pereżempju apparati tal-viżwalizzazzjoni tal-vidjo għal vetturi blindati. ICT Horizont tikkollabora mal-Ministeru għad-Difiża tar-Repubblika tal-Belarussja fil-ħolqien u l-immodernizzar ta' mudelli ta' tagħmir għall-eżerċizzji tal-isparar f'konformità mar-rekwiżiti għat-taħriġ ta' formazzjonijiet u unitajiet militari tal-Forzi Armati.

Barra minn hekk, ICT Horizont tieħu sehem fil-programm xjentifiku-tekniku tal-Istat tal-Unjoni (ir-Russja u l-Belarussja) ‘Intelavto’. Il-programm ġie approvat mill-Kunsill tal-Ministri tar-Repubblika tal-Belarussja.

Għaldaqstant, Yuri Predko huwa assoċjat ma' entitajiet li jifformaw parti mill-kumpless militari- industrijali tal-Belarussja, inkluż billi huwa involut fl-iżvilupp ta' teknoloġija u tagħmir militari”.

23.10.2025”;

(2)

l-entrati li ġejjin jiżdiedu mal-lista li tinsab fit-taqsima “B. Persuni ġuridiċi, entitajiet jew korpi msemmija fl-Artikolu 4(1)”:

	Ismijiet (Trażlitterazzjoni tal-ortografija Belarussa) (Trażlitterazzjoni tal-ortografija Russa)	Ismijiet (Ortografija Belarussa) (Ortografija Russa)	Informazzjoni ta' identifikazzjoni	Raġunijiet għall-elenkar	Data tal-elenkar
“56.	JSC Holography Industry ZAT Galagrafichnaya Industryya ZAO Golograficheskaya Industriya	Закрытае акцыянернае таварыства ‘ГАЛАГРАФIЧНАЯ IНДУСТРЫЯ’ Закрытое акционерное общество ‘ГОЛОГРАФИЧЕСКАЯ ИНДУСТРИЯ’	Indirizz: Kalinina 12, Minsk, Belarus Numru tar-reġistrazzjoni: 101482057 Data tar-reġistrazzjoni: 7.5.1998 Tel: +375 266 01 31, +375 266 34 17 Posta elettronika: info@holography.by Web: www.holography.by	JSC Holography Industry hija l-produttur ewlieni Belarussu ta' ologrammi u kristallogrammi protettivi. Skont il-leġiżlazzjoni Belarussa, l-istikers olografiċi protettivi jitqiegħdu fuq it-timbri tas-sisa, inkluż it-timbri tas-sisa fuq ix-xorb alkoħoliku, firxa wiesgħa ta' prodotti għall-konsumatur, ir-reġistri tal-flus kontanti u l-islot machines. Dan joħloq domanda sinifikanti għall-prodotti ta' JSC Holography Industry. JSC Holography Industry għandha relazzjoni ta' ħidma mill-qrib ma' entitajiet statali, li wħud minnhom huma l-azzjonisti tagħha. Din ir-relazzjoni mill-qrib irriżultat, parzjalment, mill-fatt li l-eks sieħeb kummerċjali tal-fundatur tal-kumpanija ta ishma lill-Istat bħala rigal. Bħala rikonoxximent, l-Istat għamel ordnijiet mal-kumpanija. Għalhekk, JSC Holography Industry qed tibbenefika mir-reġim ta' Lukashenka.	23.10.2025
57.	ICT Horizont magħrufa wkoll bħala Research Unitary Enterprise ‘INSTITUTE OF DIGITAL TELEVISION HORIZONT’ magħrufa wkoll bħala DIGITAL TELEVISION INSTITUTE HORIZONT magħrufa wkoll bħala UE ‘Institute of Digital Television Horizon’ magħrufa wkoll bħala Chelyabinsk Institute of Digital television ‘Horizont’	Навукова-даследчае ўнітарнае прадпрыемства ‘IНСТЫТУТ ЛIЧБАВАГА ТЭЛЕБАЧАННЯ ГАРЫЗОНТ’ magħrufa wkoll bħala Унітарнае прадпрыемства ‘IЛТ ГАРЫЗОНТ’ Унитарное предприятие ‘ИЦТ ГОРИЗОНТ’ magħrufa wkoll bħala Научно-исследовательское унитарное предприятие ‘ИНСТИТУТ ЦИФРОВОГО ТЕЛЕВИДЕНИЯ ГОРИЗОНТ’	Indirizz: Kuibysheva 35-1, Minsk, 220029, Belarus Tip ta' entità: kumpanija proprjetà tal-Istat Numru tar-reġistrazzjoni: 100085149 OKPO: 37406850 Data tar-reġistrazzjoni: 26.11.1991 Post tar-reġistrazzjoni: Belarus Tel: 8 740 740 91 00, +375 740 740 91 00 Fax: +375 17 288 11 82 Posta elettronika: office@horizont-rnd.by, ict@dtv.horizont.by Web: https://h-rnd.by/	ICT Horizont hija kumpanija Belarussa, u wieħed mill-aktar ċentri moderni ta' teknoloġija avvanzata fil-pajjiż. ICT Horizont hija waħda mill-azjendi mexxejja fl-iżvilupp u l-produzzjoni tal-elettronika speċjali fir-Repubblika tal-Belarussja. Il-kumpanija tiżviluppa u tipproduċi oġġetti speċjali u b'użu doppju, pereżempju apparat tal-viżwalizzazzjoni tal-vidjo għal vetturi blindati. ICT Horizont tikkollabora mal-Ministeru għad-Difiża tar-Repubblika tal-Belarussja fil-ħolqien u l-immodernizzar ta' tagħmir għall-eżerċizzji tal-isparar, f'konformità mar-rekwiżiti tal-Forzi Armati. Barra minn hekk, l-ICT Horizont tieħu sehem fil-programm xjentifiku-tekniku ‘Intelavto’, li għandu l-għan li joħloq komponenti u sistemi diġitali u elettroniċi ta' teknoloġija avvanzata għal vetturi tat-trasport speċjali u b'użu doppju. Il-programm ġie approvat mill-Kunsill tal-Ministri tar-Repubblika tal-Belarussja. Għaldaqstant, ICT Horizont tifforma parti mill-kumpless militari u industrijali tal-Belarussja billi hija involuta fl-iżvilupp ta' teknoloġija u ta' tagħmir militari.	23.10.2025
58.	Horizont Holding magħrufa wkoll bħala Horizon Holding magħrufa wkoll bħala OJSC N Holding magħrufa wkoll bħala The Horizon Group of Companies	Xолдынга ‘Гарызонт’ Холдинг ‘Горизонт’ magħrufa wkoll bħala ОАО ‘Н Холдинг’ magħrufa wkoll bħala Группа компаний ‘Горизонт’	Indirizz: S. Kovalevskaya Lane, 62, room 16, 220014, Minsk, Belarus Tip ta' entità: kumpanija azzjonarja Numru tar-reġistrazzjoni: 101050240 Data tar-reġistrazzjoni: 2010 Post tar-reġistrazzjoni: Belarus Post prinċipali tan-negozju: Minsk, Belarus Tel: +375 (17) 226 36 01 Fax: +375 (17) 303 76 07 Posta elettronika: info@h-tv.by Web: https://h-tv.by/, https://h-holding.by/ Entitajiet assoċjati: ICT Horizont Individwi assoċjati: Yuri Ivanovich Predko	Horizont Holding hija kumpanija azzjonarja Belarussa. Horizont Holding hija waħda mill-akbar azjendi u waħda mill-aktar azjendi diversifikati li qed jiżviluppaw b'mod dinamiku fir-Repubblika tal-Belarussja, li tkopri firxa wiesgħa ta' oqsma ta' negozju. Ġiet deskritta bħala waħda mill-inizjattivi ewlenin tal-industrija ta' Minsk. Il-proġetti ta' Horizont Holding qed jiġu implimentati fuq l-istruzzjonijiet ta' Aliaksandr Lukashenka. ICT Horizont hija parti minn Horizont Holding. ICT Horizont hija waħda mill-azjendi mexxejja fl-iżvilupp u l-produzzjoni tal-elettronika speċjali fir-Repubblika tal-Belarussja. Il-kumpanija tiżviluppa u tipproduċi oġġetti speċjali u b'użu doppju, pereżempju apparati tal-viżwalizzazzjoni tal-vidjo għal vetturi blindati. ICT Horizont tikkollabora mal-Ministeru għad-Difiża tar-Repubblika tal-Belarussja fil-ħolqien u l-immodernizzar ta' mudelli ta' tagħmir għall-eżerċizzji tal-isparar f'konformità mar-rekwiżiti għat-taħriġ ta' formazzjonijiet u unitajiet militari tal-Forzi Armati. Barra minn hekk, ICT Horizont tieħu sehem fil-programm xjentifiku-tekniku ‘Intelavto’ tal-Istat tal-Unjoni (Russja u l-Belarussja), li għandu l-għan li joħloq komponenti u sistemi diġitali u elettroniċi ta' teknoloġija avvanzata għal vetturi tat-trasport speċjali u b'użu doppju. Il-programm ġie approvat mill-Kunsill tal-Ministri tar-Repubblika tal-Belarussja. Għaldaqstant, Horizont Holding qed tappoġġa r-reġim ta' Lukashenka. Barra minn hekk, hija assoċjata ma' ICT Horizont, li tifforma parti mill-kumpless militari u industrijali tal-Belarussja, inkluż billi hija involuta fl-iżvilupp ta' teknoloġija u ta' tagħmir militari.	23.10.2025”.