(1)

Skont l-Artikolu 5(1) tad-Deċiżjoni (PESK) 2021/1143, il-Kunsill awtorizza lill-Kumitat Politiku u ta’ Sigurtà (KPS) jieħu d-deċiżjonijiet dwar il-kontroll politiku u d-direzzjoni strateġika tal-Missjoni ta’ Assistenza Militari tal-UE fil-Mozambique (EUMAM Mozambique), inkluż id-deċiżjonijiet rilevanti dwar il-ħatra ta’ Kmandanti tal-Forza tal-Missjoni tal-UE.

(2)

Fis-27 ta’ Awwissu 2024, permezz tad-Deċiżjoni (PESK) 2024/2181 (2), il-KPS ħatar lill-Brigadier Ġeneral Luís Fernando MACHADO BARROSO bħala Kmandant tal-Forza tal-Missjoni tal-UE għal EUMAM Mozambique.

(3)

Fl-14 ta’ Awwissu 2025, l-awtoritajiet Portugiżi pproponew lill-Komodor César Manuel PIRES CORREIA biex jieħu post il-Brigadier Ġeneral Luís Fernando MACHADO BARROSO bħala Kmandant tal-Forza tal-Missjoni tal-UE għall-Mozambique (“il-ħatra proposta”).

(4)

Fit-18 ta’ Awwissu 2025, il-Kmandant tal-Missjoni tal-UE rrakkomanda li l-Komodor César Manuel PIRES CORREIA jinħatar bħala Kmandant tal-Forza tal-Missjoni tal-UE għal EUMAM Mozambique mill-10 ta’ Settembru 2025.

(5)

Fil-21 ta’ Awwissu 2025, il-Kumitat Militari tal-UE appoġġa l-ħatra proposta u qabel li l-Komodor César Manuel PIRES CORREIA jinħatar bħala l-Kmandant tal-Missjoni tal-UE għal EUMAM Mozambique.

(6)

Jenħtieġ li tittieħed deċiżjoni dwar il-ħatra tal-Komodor César Manuel PIRES CORREIA bħala Kmandant tal-Forza tal-Missjoni tal-UE għal EUMAM Mozambique mill-10 ta’ Settembru 2025.

(7)

Id-Deċiżjoni (PESK) 2024/2181 jenħtieġ li titħassar,