Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2019/1242 tal-Parlament Ewropew u tal-Kunsill tal-20 ta’ Ġunju 2019 li jistabbilixxi standards tal-prestazzjoni tal-emissjonijiet tas-CO2 għall-vetturi tqal ġodda u li jemenda r-Regolamenti (KE) Nru 595/2009 u (UE) 2018/956 tal-Parlament Ewropew u tal-Kunsill u d-Direttiva tal-Kunsill 96/53/KE (1), u b’mod partikolari l-Artikolu 11(1), l-ewwel subparagrafu, il-punti (a), (b), (d) u (f) tiegħu,

(1)	L-emissjonijiet speċifiċi medji tas-CO2 ta’ manifattur jenħtieġ li jiġu ddeterminati abbażi tad-data rrappurtata mill-Istati Membri u mill-manifatturi skont ir-Regolament (UE) 2018/956 tal-Parlament Ewropew u tal-Kunsill (2) għall-vetturi ta’ dak il-manifattur.

(2)	L-emissjonijiet speċifiċi medji tas-CO2 tal-vetturi tqal ġodda kollha rreġistrati fl-Unjoni jenħtieġ li jkunu bbażati fuq id-data rrappurtata għall-vetturi mill-manifatturi kollha.

(3)	Il-fattur ta’ mingħajr emissjonijiet jew emissjonijiet baxxi għal kull manifattur jenħtieġ li jiġi ddeterminat billi jitqiesu l-vetturi tqal mingħajr emissjonijiet jew emissjonijiet baxxi li jiġu rrapportati.

(4)

It-trajettorja tat-tnaqqis tal-emissjonijiet tas-CO2 u l-krediti tal-emissjonijiet għal kull manifattur jenħtieġ li jiġu ddeterminati abbażi tal-għadd ta’ vetturi tqal ġodda, ħlief il-vetturi vokazzjonali, li jiġu rrappurtati. Ġew identifikati dawk il-vetturi li kienu ċċertifikati bħala vetturi vokazzjonali iżda li ma kinux ġew irreġistrati hekk, u sarulhom il-korrezzjonijiet meħtieġa fl-emissjonijiet speċifiċi medji tas-CO2 annwali ta’ manifattur f’konformità mar-Regolament ta’ Implimentazzjoni tal-Kummissjoni (UE) 2021/941 (3).

(5)	Id-data ppreżentata fl-Anness ta’ din id-Deċiżjoni hija bbażata fuq id-data disponibbli għall-Kummissjoni fis-26 ta’ Ġunju 2025.

(6)	Jista’ jkun li l-Kummissjoni jkollha taġġorna d-data pubblika, jekk tirċievi data addizzjonali li tkun taffettwa r-riżultati ta’ dawk il-kalkoli,

Artikolu 1

L-emissjonijiet speċifiċi medji tas-CO2 għal kull manifattur, kif imsemmi fl-Artikolu 4 tar-Regolament (UE) 2019/1242 fil-perjodu tar-rapportar tas-sena 2023, huma indikati fit-tieni kolonna tat-tabella tal-Anness ta’ din id-Deċiżjoni.

Artikolu 2

Il-fattur ta’ mingħajr emissjonijiet jew emissjonijiet baxxi għal kull manifattur, kif imsemmi fl-Artikolu 5(1) tar-Regolament (UE) 2019/1242, fil-perjodu tar-rapportar tas-sena 2023, huwa indikat fit-tielet kolonna tat-tabella tal-Anness ta’ din id-Deċiżjoni.

Artikolu 3

It-trajettorja tat-tnaqqis tal-emissjonijiet tas-CO2 u l-krediti tal-emissjonijiet għal kull manifattur, kif imsemmi fl-Artikolu 7 tar-Regolament (UE) 2019/1242, fil-perjodu tar-rapportar tas-sena 2023, huma indikati fir-raba’ u l-ħames kolonna rispettivament tat-tabella tal-Anness ta’ din id-Deċiżjoni.

Artikolu 4

L-emissjonijiet speċifiċi medji tas-CO2 tal-vetturi tqal ġodda kollha rreġistrati fl-Unjoni fil-perjodu tar-rapportar tas-sena 2023, kif ikkalkulati bl-applikazzjoni tal-formula tal-Anness I, il-punt 2.7, tar-Regolament (UE) 2019/1242 filwaqt li jitqiesu l-vetturi tqal ġodda tal-manifatturi kollha, huma 46,7 g/tkm.

Artikolu 5

Din id-Deċiżjoni hija indirizzata lill-manifatturi li ġejjin:

(1)	DAF TRUCKS N.V. P.O. Box 90065 5600 PT Eindhoven In-Netherlands

(2)	DAIMLER TRUCK AG Fasanenweg 10 70771 Leinfelden-Echterdingen Il-Ġermanja

(3)	FORD OTOMOTIV SANAYI A.Ş. Akpınar Mahallesi Hasan Basri Caddesi No: 2 34885 Sancaktepe/İstanbul It-Turkija

(4)	HYUNDAI HYDROGEN MOBILITY AG Hagenholzstrasse 60 8004 Zürich L-Iżvizzera

(5)	IVECO MAGIRUS AG Nicolaus-Otto-Straße 27 89079 Ulm Il-Ġermanja

(6)	IVECO S.P.A. Via Puglia 35 10156 Torino L-Italja

(7)	MAN TRUCK & BUS SE Dachauer Straße 667 80995 München Il-Ġermanja

(8)	OTOKAR OTOMOTIV VE SAVUNMA SANAYI A.Ş. Taşdelen Mahallesi Sırrı Çelik Bulvarı No: 5 34788 Çekmeköy/İstanbul It-Turkija

(9)	RENAULT TRUCK SAS 99 Route de Lyon 69800 Saint-Priest Franza

(10)	SCANIA CV AB Vagnmakarvägen 1 151 87 Södertälje L-Iżvezja

(11)	VOLVO TRUCK CORPORATION Herkulesgatan 75 405 08 Göteborg L-Iżvezja