(1)

Kif indikat fil-White Paper Konġunta dwar id-Difiża Ewropea – Prontezza 2030 (2), it-tisħiħ tal-investiment pubbliku fid-difiża huwa indispensabbli, iżda dan mhux se jkun biżżejjed. L-impriżi stabbiliti fl-Unjoni, inkluż l-intrapriżi żgħar u ta’ daqs medju u l-kumpaniji b’kapitalizzazzjoni medja jenħtieġ li jkollhom aċċess aħjar għall-kapital, inkluż strumenti ta’ garanzija għat-tneħħija tar-riskji tal-investimenti, biex iġibu s-soluzzjonijiet tagħhom fuq skala industrijali u jixprunaw iż-żieda industrijali li l-Unjoni teħtieġ. Għalkemm is-settur finanzjarju juri interess dejjem akbar fid-difiża, is-settur tad-difiża jibqa’ suq li mhuwiex moqdi biżżejjed minħabba limitazzjonijiet fil-politiki ta’ investiment tal-istituzzjonijiet finanzjarji pubbliċi u privati. Il-White Paper Konġunta tistabbilixxi pakkett tad-difiża li jipprovdi lievi finanzjarji lill-Istati Membri biex jixprunaw żieda fl-investiment fil-kapaċitajiet tad-difiża. Fost l-għanijiet ewlenin tal-pakkett hemm l-iffaċilitar tan-negozju u l-approfondiment tas-Suq Uniku. Fis-6 ta’ Marzu 2025, il-Kunsill Ewropew appella lill-Kummissjoni biex tmexxi ’l quddiem malajr il-ħidma fuq is-simplifikazzjoni tal-qafas legali u amministrattiv, għall-akkwist pubbliku, il-kooperazzjoni tal-industrija u r-rekwiżiti tal-għoti tal-permessi u tar-rapportar, biex jiġu indirizzati l-ostakli u l-konġestjonijiet kollha li jfixklu żieda rapida tal-industrija tad-difiża, inkluż għall-intrapriżi żgħar u ta’ daqs medju (SMEs, small and medium-sized enterprises) u l-kumpaniji b’kapitalizzazzjoni medja.

(2)

Ir-Regolament Delegat tal-Kummissjoni (UE) 2020/1818 (3) jistabbilixxi tikketti relatati mal-klima għal parametri referenzjarji li jirrikjedu li l-kumpaniji kollha involuti fi kwalunkwe attività relatata ma’ armi kontroversjali jiġu esklużi mill-Parametri Referenzjarji tal-UE allinjati mal-Ftehim ta’ Pariġi u ma’ dawk tat-Tranżizzjoni Klimatika. Madankollu, id-definizzjoni ta’ armi kontroversjali f’dak ir-Regolament Delegat tikkawża wisq inċertezza u konfużjoni għall-amministraturi msemmija fir-Regolament (UE) 2016/1011, u jenħtieġ li tiġi ċċarata u ssimplifikata, b’mod partikolari minħabba li t-trattati u l-konvenzjonijiet internazzjonali rilevanti li għalihom l-Istati Membri huma Parti ma jirreferux għal armi kontroversjali iżda pjuttost għal armi pprojbiti.

(3)

Għalhekk, huwa meħtieġ li tiġi emendata d-definizzjoni ta’ armi kontroversjali fir-Regolament Delegat (UE) 2020/1818 u li din tiġi sostitwita b’definizzjoni ta’ “armi pprojbiti” biex jiġu żgurati ċ-ċertezza legali u l-konsistenza fil-ġabra ta’ regoli dwar il-finanzi sostenibbli u l-prattiki armonizzati mill-amministraturi tal-parametri referenzjarji. Dan jista’ jsir filwaqt li jinżamm livell sikur ta’ esklużjonijiet f’konformità mal-objettiv tar-Regolament (UE) 2016/1011.

(4)

Għalhekk, jenħtieġ li r-Regolament Delegat (UE) 2020/1818 jiġi emendat kif xieraq.

(5)

L-implimentazzjoni ta’ dan ir-Regolament tista’ twassal għal effetti ġġustifikati fuq it-tranżazzjonijiet minn fondi li jiddependu fuq dawk l-indiċijiet ibbażati fuq il-Parametri Referenzjarji tal-UE allinjati mal-Ftehim ta’ Pariġi u ma’ dawk tat-Tranżizzjoni Klimatika. Sabiex jiġu evitati disturbi fis-suq, jixraq li l-parametri referenzjarji eżistenti jingħataw biżżejjed żmien biex jadattaw għal dawk il-bidliet,

(1)

l-Artikolu 12(1) huwa emendat kif ġej:

(2)

jiżdied Anness f’konformità mat-test stabbilit fl-Anness ta’ dan ir-Regolament.