(1)

Meta l-fornituri tas-servizzi fiduċjarji jkun beħsiebhom jibdew jipprovdu servizz fiduċjarju kwalifikat, dawn iridu jinnotifikaw lill-korp superviżorju bl-intenzjoni tagħhom flimkien ma’ rapport tal-valutazzjoni tal-konformità maħruġ minn korp tal-valutazzjoni tal-konformità li jikkonferma li r-rekwiżiti stabbiliti fir-Regolament (UE) Nru 910/2014 huma ssodisfati. Il-korp superviżorju jrid jivverifika jekk il-fornitur tas-servizzi fiduċjarji u s-servizzi fiduċjarji pprovduti minnu humiex konformi mar-rekwiżiti stabbiliti f’dak ir-Regolament. Meta l-korp superviżorju jikkonkludi li l-fornitur tas-servizzi fiduċjarji u s-servizzi fiduċjarji pprovduti minnu huma konformi ma’ dawk ir-rekwiżiti, il-korp superviżorju għandu jagħti status kwalifikat lill-fornitur tas-servizzi fiduċjarji u lis-servizzi fiduċjarji li jipprovdi. Għal dak il-għan, il-korpi superviżorji jenħtieġ li jagħmlu disponibbli għall-pubbliku informazzjoni dwar kif il-fornituri tas-servizzi fiduċjarji jridu jinnotifikaw l-intenzjoni tagħhom li jsiru fornitur ta’ servizzi fiduċjarji kwalifikati. Biex ikun żgurat li l-fornituri tas-servizzi fiduċjarji kwalifikati joperaw bl-istess termini fl-Unjoni, il-korpi superviżorji jenħtieġ li jivverifikaw l-istess tip ta’ informazzjoni dwar il-fornituri tas-servizzi fiduċjarji u bl-istess mod.

(2)

Il-korpi superviżorji jenħtieġ li jkunu trasparenti dwar kif jipproċessaw l-informazzjoni li l-fornituri tas-servizzi fiduċjarji jinkludu fin-notifiki tagħhom. Għalhekk, il-korpi superviżorji jenħtieġ li jfasslu u jagħmlu disponibbli għall-pubbliku deskrizzjoni ta’ kif jivverifikaw jekk il-fornitur tas-servizzi fiduċjarji jkunux konformi mar-rekwiżiti rilevanti.

(3)

Ir-Regolament jenħtieġ li japplika wara 12-il xahar mid-dħul fis-seħħ tiegħu biex jiżgura perjodu tranżizzjonali adegwat għall-Istati Membri biex ikunu jistgħu jagħmlu l-aġġustamenti meħtieġa fir-rigward tan-notifiki lill-korpi superviżorji ħalli jikkonformaw mar-rekwiżiti ta’ dan ir-Regolament. Dawn l-aġġustamenti jistgħu jinkludu l-aġġornament tal-liġijiet nazzjonali, tal-linji gwida organizzazzjonali, u tas-sistemi nazzjonali tal-informazzjoni.

(4)

Ir-Regolament (UE) 2016/679 tal-Parlament Ewropew u tal-Kunsill (2) u, meta rilevanti, id-Direttiva 2002/58/KE tal-Parlament Ewropew u tal-Kunsill (3) japplikaw għall-attivitajiet tal-ipproċessar tad-data personali skont dan ir-Regolament.

(5)

Il-Kontrollur Ewropew għall-Protezzjoni tad-Data ġie kkonsultat f’konformità mal-Artikolu 42(1) tar-Regolament (UE) 2018/1725 tal-Parlament Ewropew u tal-Kunsill (4) u ta l-opinjoni tiegħu nhar is-6 ta’ Ġunju 2025.

(6)

Il-miżuri previsti f’dan ir-Regolament huma f’konformità mal-opinjoni tal-kumitat stabbilit bl-Artikolu 48 tar-Regolament (UE) Nru 910/2014,

(1)

id-dettalji tal-kuntatt tal-korp superviżorju;

(2)

il-mezzi tal-komunikazzjoni li jridu jintużaw meta l-fornituri tas-servizzi fiduċjarji jissottomettu notifika tal-intenzjoni li jibdew jipprovdu servizz fiduċjarju kwalifikat;

(3)

il-lista tad-dokumentazzjoni li l-fornituri tas-servizzi fiduċjarji jridu jipprovdu bħala parti minn notifika tal-intenzjoni li jibdew jipprovdu servizz fiduċjarju kwalifikat;

(4)

il-proċeduri għat-trattament tal-ilmenti relatati mal-proċess tal-verifika tal-konformità tal-fornituri tas-servizzi fiduċjarji li jkunu nnotifikaw l-intenzjoni tagħhom li jibdew jipprovdu servizz fiduċjarju kwalifikat mar-rekwiżiti stabbiliti fir-Regolament (UE) Nru 910/2014 u fl-Artikolu 21(2) tad-Direttiva (UE) 2022/2555;

(5)

deskrizzjoni ġenerali tal-metodoloġija msemmija fl-Artikolu 1.

(1)

meta l-fornitur tas-servizz fiduċjarju jkun persuna ġuridika, ismu u, meta applikabbli, numru tar-reġistrazzjoni, l-isem tal-Istat Membru fejn ikun stabbilit u l-isem tal-persuna/i li jiffirmaw jew jissottomettu n-notifika f’isem il-persuna ġuridika;

(2)

meta l-fornitur tas-servizz fiduċjarju jkun persuna fiżika, ismu u n-numru tal-identifikazzjoni personali tiegħu, u fin-nuqqas ta’ dan, id-data tat-twelid tiegħu u t-tip u n-numru tad-dokument tal-identità tiegħu;

(3)

in-numru tat-telefown, l-indirizz elettroniku u l-indirizz postali tal-fornitur tas-servizz fiduċjarju;

(4)

l-Identifikaturi Uniformi tar-Riżorsa (URI) imnejn l-utenti jistgħu jiksbu informazzjoni addizzjonali dwar dak il-fornitur tas-servizz fiduċjarju, inkluż id-dikjarazzjonijiet u l-politiki tal-prattika, it-termini u l-kundizzjonijiet ġenerali, u l-politiki tal-għajnuna lill-konsumatur li japplikaw għas-servizz fiduċjarju li jkun qed jiġi nnotifikat;

(5)

l-analiżi tar-riskju sottostanti għall-miżuri msemmija fl-Artikolu 24(2), il-punt (fa) tar-Regolament (UE) Nru 910/2014, u l-analiżi tar-riskju sottostanti għall-miżuri msemmija fl-Artikolu 21 tad-Direttiva (UE) 2022/2555;

(6)

kull servizz fiduċjarju kwalifikat li l-fornitur tas-servizzi fiduċjarji jkun beħsiebu jibda jipprovdi;

(7)

għal kull servizz fiduċjarju li l-fornitur tas-servizzi fiduċjarji jkun beħsiebu jibda jipprovdi bħala servizz fiduċjarju kwalifikat:

(8)

il-pjan tat-terminazzjoni msemmi fl-Artikolu 24(2), il-punt (i), tar-Regolament (UE) Nru 910/2014.