Il-Ġurnal Uffiċjali
ta'l-Unjoni Ewropea
MT
Is-serje L
|
|
Il-Ġurnal Uffiċjali |
MT Is-serje L |
|
2025/1525 |
23.7.2025 |
DEĊIŻJONI (UE) 2025/1525 TAL-PARLAMENT EWROPEW U TAL-KUNSILL
tad-9 ta’ Lulju 2025
dwar il-mobilizzazzjoni tal-Fond ta’ Solidarjetà tal-Unjoni Ewropea biex tingħata assistenza lill-Awstrija, lill-Polonja, liċ-Ċekja, lis-Slovakkja u lill-Moldova b’rabta mal-għargħar li seħħ f’Settembru 2024 u lill-Bożnija-Ħerzegovina b’rabta mal-għargħar li seħħ f’Ottubru 2024
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea,
Wara li kkunsidraw ir-Regolament tal-Kunsill (KE) Nru 2012/2002 tal-11 ta’ Novembru 2002 li jistabbilixxi l-Fond ta’ Solidarjetà tal-Unjoni Ewropea (1) u b’mod partikolari l-Artikolu 4(3) tiegħu,
Wara li kkunsidraw ir-Regolament tal-Kunsill (UE, Euratom) 2020/2093 tas-17 ta’ Diċembru 2020 li jistabbilixxi l-qafas finanzjarju pluriennali għas-snin mill-2021 sal-2027 (2), u b’mod partikolari l-Artikolu 9 tiegħu,
Wara li kkunsidraw il-Ftehim Interistituzzjonali tas-16 ta’ Diċembru 2020 bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar dixxiplina baġitarja, dwar kooperazzjoni f’materji baġitarji u dwar ġestjoni finanzjarja tajba kif ukoll dwar riżorsi proprji ġodda, inkluż pjan direzzjonali lejn l-introduzzjoni ta’ riżorsi proprja ġodda (3), u b’mod partikolari l-punt 10 tiegħu,
Wara li kkunsidraw il-proposta tal-Kummissjoni Ewropea,
Billi:
|
(1) |
Il-Fond ta’ Solidarjetà tal-Unjoni Ewropea (“il-Fond”) għandu l-għan li jippermetti lill-Unjoni tirrispondi b’mod rapidu, effiċjenti u flessibbli għal sitwazzjonijiet ta’ emerġenza sabiex tintwera solidarjetà mal-popolazzjoni tar-reġjuni milquta minn diżastri naturali reġjonali jew minn emerġenza maġġuri tas-saħħa pubblika. |
|
(2) |
Il-Fond ma għandux jaqbeż il-limiti massimi kif stabbiliti fl-Artikolu 9 tar-Regolament tal-Kunsill (UE, Euratom) 2020/2093, kif emendat mir-Regolament (UE, Euratom) 2024/765 (4). |
|
(3) |
Fid-29 ta’ Novembru 2024, l-Awstrija ppreżentat applikazzjoni biex timmobilizza l-Fond, wara l-għargħar f’Settembru 2024. |
|
(4) |
Fid-29 ta’ Novembru 2024, il-Polonja ppreżentat applikazzjoni biex timmobilizza l-Fond, wara l-għargħar f’Settembru 2024. |
|
(5) |
Fl-4 ta’ Diċembru 2024, iċ-Ċekja ppreżentat applikazzjoni biex timmobilizza l-Fond wara l-għargħar f’Settembru 2024. |
|
(6) |
Fis-7 ta’ Diċembru 2024, is-Slovakkja ppreżentat applikazzjoni biex timmobilizza l-Fond wara l-għargħar f’Settembru 2024. |
|
(7) |
Fil-5 ta’ Diċembru 2024, il-Moldova ppreżentat applikazzjoni biex timmobilizza l-Fond wara l-għargħar f’Settembru 2024. |
|
(8) |
Fis-27 ta’ Diċembru 2024, il-Bożnija-Ħerzegovina ppreżentat applikazzjoni biex timmobilizza l-Fond wara l-għargħar f’Ottubru 2024. |
|
(9) |
Dawk l-applikazzjonijiet jissodisfaw ir-rekwiżiti sabiex tingħata kontribuzzjoni finanzjarja mill-Fond, kif stabbilit fl-Artikolu 4 tar-Regolament (KE) Nru 2012/2002. |
|
(10) |
Għalhekk, jenħtieġ li l-Fond jiġi mobilizzat sabiex jipprovdi kontribuzzjoni finanzjarja lill-Awstrija, lill-Polonja, liċ-Ċekja, lis-Slovakkja, lill-Moldova u lill-Bożnija-Ħerzegovina. |
|
(11) |
Sabiex jitnaqqas kemm jista' jkun iż-żmien li jittieħed biex jiġi mobilizzat il-Fond, jenħtieġ li din id-deċiżjoni tapplika mid-data tal-adozzjoni tagħha, |
ADOTTAW DIN ID-DEĊIŻJONI:
Artikolu 1
Għall-baġit ġenerali tal-Unjoni għas-sena finanzjarja 2025, il-Fond ta’ Solidarjetà tal-Unjoni Ewropea għandu jkun mobilizzat kif ġej f’approprjazzjonijiet ta’ impenn u ta’ pagament b’rabta mad-diżastri naturali:
|
(a) |
l-ammont ta’ EUR 42 789 075 għandu jingħata lill-Awstrija b’rabta mal-għargħar ta’ Settembru 2024; |
|
(b) |
l-ammont ta’ EUR 75 998 939 għandu jingħata lill-Polonja b’rabta mal-għargħar ta’ Settembru 2024; |
|
(c) |
l-ammont ta’ EUR 113 979 781 għandu jingħata liċ-Ċekja b’rabta mal-għargħar ta’ Settembru 2024; |
|
(d) |
l-ammont ta’ EUR 2 108 187 għandu jingħata lis-Slovakkja b’rabta mal-għargħar ta’ Settembru 2024; |
|
(e) |
l-ammont ta’ EUR 195 196 għandu jingħata lill-Moldova b’rabta mal-għargħar ta’ Settembru 2024; |
|
(f) |
l-ammont ta’ EUR 45 669 725 għandu jingħata lill-Bożnija-Ħerzegovina b’rabta mal-għargħar ta’ Ottubru 2024. |
Artikolu 2
Din id-deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Għandha tapplika mid-9 ta’ Lulju 2025.
Magħmula fi Strasburgu, id-9 ta’ Lulju 2025.
Għall-Parlament Ewropew
Il-President
R. METSOLA
Għall-Kunsill
Il-President
M. BJERRE
(1) ĠU L 311, 14.11.2002, p. 3, ELI: http://data.europa.eu/eli/reg/2002/2012/oj.
(2) ĠU L 433 I, 22.12.2020, p. 11, ELI: http://data.europa.eu/eli/reg/2020/2093/oj.
(3) ĠU L 433, I 22.12.2020, p. 28, ELI: http://data.europa.eu/eli/agree_interinstit/2020/1222/oj.
(4) Ir-Regolament tal-Kunsill (UE, Euratom) 2024/765 tad-29 ta’ Frar 2024 li jemenda r-Regolament (UE, Euratom) 2020/2093 li jistabbilixxi l-qafas finanzjarju pluriennali għas-snin mill-2021 sal-2027 (ĠU L, 2024/765, 29.2.2024, ELI: http://data.europa.eu/eli/reg/2024/765/oj).
ELI: http://data.europa.eu/eli/dec/2025/1525/oj
ISSN 1977-074X (electronic edition)