(1)

Il-Linja Gwida (UE) 2017/697 tal-Bank Ċentrali Ewropew (BĊE/2017/9) (2) tistabbilixxi politiki ġenerali għall-eżerċizzju ta’ ċerti opzjonijiet u diskrezzjonijiet disponibbli fil-liġi tal-Unjoni mill-awtoritajiet nazzjonali kompetenti fir-rigward ta’ istituzzjonijiet inqas sinifikanti. Ir-Regolament (UE) 2024/1623 tal-Parlament Ewropew u tal-Kunsill (3) ħassar l-opzjoni prevista fl-Artikolu 178(1), il-punt (b), tar-Regolament tal-Kunsill (UE) Nru 575/2013 (4) għall-awtoritajiet kompetenti biex jestendu għal 180 l-għadd ta’ jiem skaduti qabel ma obbligu ta’ kreditu materjali msemmi fih jitqies bħala inadempjenti. Sabiex il-Linja Gwida (UE) 2017/697 (BĊE/2017/9) tiġi allinjata mar-Regolament (UE) Nru 575/2013 fir-rigward tal-opzjoni mħassra, huwa għalhekk meħtieġ li titħassar id-dispożizzjoni korrispondenti f’dik il-Linja Gwida.

(2)

Ir-Regolament (UE) 2024/1623 emenda l-Artikolu 138 tar-Regolament (UE) Nru 575/2013 billi żied rekwiżit, applikabbli mill-1 ta’ Jannar 2025, li, għall-finijiet li jintuża l-approċċ standardizzat għall-kalkolu tal-ammonti ta’ skoperturi ponderati għar-riskju, fir-rigward ta’ skoperturi għal istituzzjonijiet, istituzzjoni ma tistax tuża valutazzjoni tal-kreditu ta’ istituzzjoni esterna tal-valutazzjoni tal-kreditu (ECAI) li tinkorpora suppożizzjonijiet ta’ appoġġ impliċitu mill-gvern, ħlief meta tirreferi għal istituzzjoni proprjetà ta’ jew stabbilita u sponsorjata minn gvernijiet ċentrali, gvernijiet reġjonali jew awtoritajiet lokali. L-Artikolu 138 emendat jipprevedi wkoll li meta l-uniċi valutazzjonijiet tal-kreditu tal-ECAI li jeżistu għal istituzzjoni li ma taqax fil-kategorija ta’ istituzzjonijiet eċċezzjonali jkunu valutazzjonijiet tal-kreditu tal-ECAI li jinkorporaw tali suppożizzjonijiet ta’ appoġġ impliċitu mill-gvern, l-iskoperturi għal tali istituzzjoni jridu jiġu ttrattati bħala skoperturi għal istituzzjoni mhux klassifikata, f’konformità mal-Artikolu 121 tar-Regolament (UE) Nru 575/2013.

(3)

Il-BĊE jara l-ħtieġa li jippermetti l-użu kontinwu ta’ valutazzjonijiet tal-kreditu tal-ECAI li jinkorporaw suppożizzjonijiet ta’ appoġġ impliċitu mill-gvern fejn l-istituzzjoni msemmija ma taqax fil-kategorija ta’ istituzzjonijiet eċċezzjonali, bl-effett li l-iskoperturi għal tali istituzzjoni ma għandhomx għalfejn jiġu ttrattati bħala skoperturi għal istituzzjoni mhux klassifikata. L-użu ta’ tali valutazzjonijiet tal-kreditu tal-ECAI jenħtieġ li jkompli għal perjodu limitat wara d-data tal-applikazzjoni tal-emenda għall-Artikolu 138 tar-Regolament (UE) Nru 575/2013. Għalhekk, il-BĊE jqis li huwa meħtieġ li l-awtoritajiet nazzjonali kompetenti jeżerċitaw, sal-1 ta’ Jannar 2027, l-opzjoni tranżizzjonali prevista fl-Artikolu 495e tar-Regolament (UE) Nru 575/2013 biex jippermettu l-użu kontinwu ta’ tali valutazzjonijiet tal-kreditu għal perjodu limitat.

(4)

Għaldaqstant, il-Linja Gwida (UE) 2017/679 (BĊE/2017/9) għandha tiġi emendata kif meħtieġ,

(1)

L-Artikolu 4 huwa mħassar;

(2)

jiddaħħal l-Artikolu 9a li ġej: