European flag

Il-Ġurnal Uffiċjali
ta'l-Unjoni Ewropea

MT

Is-serje L

2025/1490

25.7.2025

REGOLAMENT TA’ IMPLIMENTAZZJONI TAL-KUMMISSJONI (UE) 2025/1490

tal-24 ta’ Lulju 2025

li jemenda r-Regolament ta’ Implimentazzjoni (UE) Nru 564/2013 fir-rigward tal-adattament tat-tariffi għall-inflazzjoni

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar it-tqegħid fis-suq u l-użu tal-prodotti bijoċidali (1), u b’mod partikolari l-Artikolu 80(1) tiegħu,

Billi:

(1)

F’konformità mal-Artikolu 17 tar-Regolament ta’ Implimentazzjoni tal-Kummissjoni (UE) Nru 564/2013 (2), it-tariffi previsti f’dak ir-Regolament għandhom jiġu rieżaminati kull sena b’referenza għar-rata tal-inflazzjoni kif imkejla permezz tal-Indiċi Ewropew tal-prezzijiet għall-konsumatur kif ippubblikat mill-Eurostat.

(2)

Sabiex jitwettaq dan ir-rieżami annwali għas-sena 2024, jenħtieġ li t-tariffi jiġu aġġustati f’konformità mar-rati medji annwali tal-inflazzjoni għall-2021, l-2022 u l-2023, kif ippubblikati mill-Eurostat biex jirriflettu r-rata ta’ inflazzjoni kumulattiva ta’ 19,5 %.

(3)

Għaldaqstant, jenħtieġ li r-Regolament ta’ Implimentazzjoni (UE) Nru 564/2013 jiġi emendat skont dan.

(4)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Prodotti Bijoċidali,

ADOTTAT DAN IR-REGOLAMENT:

Artikolu 1

Ir-Regolament (UE) Nru 564/2013 huwa emendat kif ġej:

(1)

L-Annessi I u II huma emendati f’konformità mal-Anness I ta’ dan ir-Regolament;

(2)

L-Anness III huwa sostitwit bit-test li jinsab fl-Anness II ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-24 ta’ Lulju 2025.

Għall-Kummissjoni

Il-President

Ursula VON DER LEYEN

(1)   ĠU L 167, 27.6.2012, p. 1, ELI: http://data.europa.eu/eli/reg/2012/528/oj.

(2)  Ir-Regolament ta’ Implimentazzjoni tal-Kummissjoni (UE) Nru 564/2013 tat-18 ta’ Ġunju 2013 dwar it-tariffi u l-imposti dovuti lill-Aġenzija Ewropea għas-Sustanzi Kimiċi skont ir-Regolament (UE) Nru 528/2012 tal-Parlament Ewropew u tal-Kunsill dwar it-tqegħid fis-suq u l-użu tal-prodotti bijoċidali (ĠU L 167, 19.6.2013, p. 17, ELI: http://data.europa.eu/eli/reg_impl/2013/564/oj).

ANNESS I

L-Annessi I u II tar-Regolament (UE) Nru 564/2013 huma emendati kif ġej:

(1)

fl-Anness II, it-Tabella 1 hija sostitwita b’dan li ġej:

“Tabella 1

Tariffi standard

Deskrizzjoni ġenerali tal-kompitu; dispożizzjoni rilevanti fir-Regolament (UE) Nru 528/2012

Kundizzjoni speċifika jew deskrizzjoni tal-kompitu

Tariffa (EUR)

Approvazzjoni ta’ sustanza attiva; Artikolu 7(2)

Tariffa għall-ewwel tip ta’ prodott li għalih hija approvata dik is-sustanza attiva

143 400

Tariffa addizzjonali għal kull tip ta’ prodott addizzjonali

47 800

Tariffa addizzjonali għal kull tip ta’ prodott (kemm fuq l-ewwel tip ta’ prodott kif ukoll kwalunkwe tip ta’ prodott addizzjonali) jekk is-sustanza attiva tkun kandidata għas-sostituzzjoni f’konformità mal-Artikolu 10 tar-Regolament (UE) Nru 528/2012

23 900

Tariffa għall-emenda ta’ approvazzjoni, minbarra ż-żieda ta’ tip ta’ prodott

23 900

Tiġdid tal-approvazzjoni; Artikolu 13(3)

Tariffa għall-ewwel tip ta’ prodott li għalih qed jintalab it-tiġdid ta’ dik is-sustanza attiva

17 925

Tariffa addizzjonali għal kull tip ta’ prodott addizzjonali

1 793

Tariffa addizzjonali għall-ewwel tip ta’ prodott li għalih jintalab it-tiġdid ta’ dik is-sustanza attiva fil-każ li jinstab li hija meħtieġa evalwazzjoni sħiħa f’konformità mal-Artikolu 14(1) tar-Regolament (UE) Nru 528/2012

29 875

Tariffa addizzjonali għal kull tip ta’ prodott addizzjonali fil-każ li jinstab li hija meħtieġa evalwazzjoni sħiħa f’konformità mal-Artikolu 14(1) tar-Regolament (UE) Nru 528/2012

2 988

Tariffa addizzjonali għal kull tip ta’ prodott (kemm fuq l-ewwel tip ta’ prodott kif ukoll kwalunkwe tip ta’ prodott addizzjonali) jekk is-sustanza attiva tkun kandidata għas-sostituzzjoni f’konformità mal-Artikolu 10 tar-Regolament (UE) Nru 528/2012

23 900

Inklużjoni fl-Anness I ta’ sustanza attiva; Artikolu 28

Tariffa għall-ewwel inklużjoni fl-Anness I ta’ sustanza attiva

11 950

 

Tariffa għall-emenda ta’ inklużjoni ta’ sustanza attiva fl-Anness I

2 390

Notifika f’konformità mal-Artikolu 17(4) tar-Regolament ta' Delega tal-Kummissjoni (UE) Nru 1062/2014 (1)

Tariffa għal kull kombinazzjoni ta’ sustanza/tip ta’ prodott.

It-tariffa għan-notifika għandha titnaqqas mill-applikazzjoni sussegwenti għall-approvazzjoni

11 950

(2)

fl-Anness II, it-Tabella 1 hija sostitwita b’dan li ġej:

“Tabella 1

Tariffi standard

Deskrizzjoni ġenerali tal-kompitu; dispożizzjoni rilevanti fir-Regolament (UE) Nru 528/2012

Kundizzjoni speċifika jew deskrizzjoni tal-kompitu

Tariffa (EUR)

Għoti ta’ awtorizzazzjoni tal-Unjoni, prodott uniku; Artikolu 43(2)

Tariffa għal kull prodott mhux identiku għall-prodotti rappreżentattivi, jew għal wieħed minnhom, ivvalutati għall-fini tal-approvazzjoni tas-sustanza

95 600

 

Tariffa għal kull prodott identiku għall-prodotti rappreżentattivi, jew għal wieħed minnhom, ivvalutati għall-fini tal-approvazzjoni tas-sustanza

47 800

 

Tariffa addizzjonali għal kull prodott meta tkun meħtieġa valutazzjoni komparattiva f’konformità mal-Artikolu 23 tar-Regolament (UE) Nru 528/2012

47 800

 

Tariffa addizzjonali għal kull prodott meta l-awtorizzazzjoni mitluba tkun provviżorja f’konformità mal-Artikolu 55(2) tar-Regolament (UE) Nru 528/2012

11 950

Għoti ta’ awtorizzazzjoni tal-Unjoni, familja ta’ prodotti bijoċidali; Artikolu 43(2)

Tariffa għal kull familja

179 250

 

Tariffa addizzjonali għal kull familja meta tkun meħtieġa valutazzjoni komparattiva f’konformità mal-Artikolu 23 tar-Regolament (UE) Nru 528/2012

71 700

 

Tariffa addizzjonali għal kull familja meta l-awtorizzazzjoni mitluba tkun provviżorja f’konformità mal-Artikolu 55(2) tar-Regolament (UE) Nru 528/2012

17 925

Notifika lill-Aġenzija ta’ prodott addizzjonali fi ħdan familja ta’ prodotti bijoċidali; Artikolu 17(6)

Tariffa għal kull prodott addizzjonali

2 390

Awtorizzazzjoni tal-Unjoni ta prodott bijoċidali li jkun l-istess; Artikolu 17(7)

Tariffa għal kull prodott li jikkostitwixxi “prodott li jkun l-istess” skont it-tifsira tar-Regolament ta’ Implimentazzjoni tal-Kummissjoni (UE) Nru 414/2013   (2)

2 390

Bidla maġġuri ta’ prodott awtorizzat jew ta’ familja ta’ prodotti; Artikolu 50(2)

Tariffa għal kull applikazzjoni

47 800

Bidla minuri ta’ prodott awtorizzat jew ta’ familja ta’ prodotti; Artikolu 50(2)

Tariffa għal kull applikazzjoni

17 925

Bidla amministrattiva ta’ prodott awtorizzat jew ta’ familja ta’ prodotti; Artikolu 50(2)

Tariffa għal kull notifika

2 390

Rakkomandazzjoni dwar il-klassifikazzjoni ta’ bidla ta’ prodott awtorizzat jew ta’ familja ta’ prodotti; Artikolu 50(2)

Tariffa għal kull talba f’konformità mar-Regolament ta’ Implimentazzjoni tal-Kummissjoni (UE) Nru 354/2013 (3)

Jekk ir-rakkomandazzjoni hija li l-bidla tiġi kklassifikata bħala bidla amministrattiva jew minuri, it-tariffa għat-talba għandha titnaqqas mill-applikazzjoni jew in-notifika sussegwenti f’konformità mar-Regolament ta’ Implimentazzjoni (UE) Nru 354/2013

2 390

Tiġdid ta’ awtorizzazzjoni tal-Unjoni, prodott uniku; Artikolu 45(3)

Tariffa għal kull prodott

5 975

 

Tariffa addizzjonali għal kull prodott fil-każ li jinstab li hija meħtieġa evalwazzjoni sħiħa f’konformità mal-Artikolu 14(1) tar-Regolament (UE) Nru 528/2012

17 925

 

Tariffa addizzjonali għal kull prodott meta tkun meħtieġa valutazzjoni komparattiva f’konformità mal-Artikolu 23 tar-Regolament (UE) Nru 528/2012

47 800

Tiġdid ta’ awtorizzazzjoni tal-Unjoni, familja ta’ prodotti bijoċidali; Artikolu 45(3)

Tariffa għal kull familja ta’ prodotti

8 963

 

Tariffa addizzjonali għal kull familja ta’ prodotti fil-każ li jinstab li hija meħtieġa evalwazzjoni sħiħa f’konformità mal-Artikolu 14(1) tar-Regolament (UE) Nru 528/2012

26 888

 

Tariffa addizzjonali għal kull familja ta’ prodotti meta tkun meħtieġa valutazzjoni komparattiva f’konformità mal-Artikolu 23 tar-Regolament (UE) Nru 528/2012

71 700

(1)  Ir-Regolament ta' Delega tal-Kummissjoni (UE) Nru 1062/2014 tal-4 ta’ Awwissu 2014 dwar il-programm ta’ ħidma għall-evalwazzjoni sistematika tas-sustanzi attivi bijoċidali kollha li jeżistu fil-prodotti bijoċidali msemmijin fir-Regolament (UE) Nru 528/2012 tal-Parlament Ewropew u tal-Kunsill (ĠU L 294, 10.10.2014, p. 1, ELI: http://data.europa.eu/eli/reg_del/2014/1062/oj).”

(2)  Ir-Regolament ta’ Implimentazzjoni tal-Kummissjoni (UE) Nru 414/2013 tas-6 ta’ Mejju 2013 li jispeċifika proċedura għall-awtorizzazzjoni ta’ prodotti bijoċidali li huma l-istess skont ir-Regolament (UE) Nru 528/2012 tal-Parlament Ewropew u tal-Kunsill (ĠU L 125, 7.5.2013, p. 4., ELI: ELI: http://data.europa.eu/eli/reg_impl/2013/414/oj).

(3)  Ir-Regolament ta’ Implimentazzjoni tal-Kummissjoni (UE) Nru 354/2013 tat-18 ta’ April 2013 dwar bidliet tal-prodotti bijoċidali awtorizzati skont ir-Regolament (UE) Nru 528/2012 tal-Parlament Ewropew u tal-Kunsill (ĠU L 109, 19.4.2013, p. 4, ELI: http://data.europa.eu/eli/reg_impl/2013/354/oj).”

ANNESS II

“ANNESS III

Tariffi oħrajn

Deskrizzjoni ġenerali tal-kompitu; dispożizzjoni rilevanti fir-Regolament (UE) Nru 528/2012)

Kundizzjoni speċifika jew deskrizzjoni tal-kompitu

Tariffa (EUR)

Ekwivalenza teknika; Artikolu 54(3)

Tariffa, meta d-differenza bejn is-sorsi tas-sustanza attiva hija limitata għal bidla tal-post tal-manifattura, u l-applikazzjoni hija bbażata biss fuq data analitika

5 975

Tariffa, meta d-differenza bejn is-sorsi tas-sustanza attiva tmur lil hinn minn bidla tal-post tal-manifattura, u l-applikazzjoni hija bbażata biss fuq data analitika

23 900

Tariffa meta ma jkunux ġew issodisfati kundizzjonijiet preċedenti.

47 800

Tariffa annwali għal prodotti bijoċidali awtorizzati mill-Unjoni; Artikolu 80(1)(a)

Tariffa għal kull awtorizzazzjoni tal-Unjoni ta’ prodott bijoċidali

11 950

Tariffa għal kull awtorizzazzjoni tal-Unjoni ta’ familja ta’ prodotti bijoċidali

23 900

Tariffa għas-Sottomissjoni ta’ Rikonoxximent Reċiproku; Artikolu 80(1)(a)

Tariffa għal kull prodott jew familja ta’ prodotti kkonċernat(i) minn applikazzjoni għal rikonoxximent reċiproku, għal kull Stat Membru fejn huwa mitlub ir-rikonoxximenti reċiproku

837

Appell; Artikolu 77(1)

Tariffa għal kull appell

2 988

Sottomissjoni għall-inklużjoni fil-lista ta’ persuni rilevanti; Artikolu 95

Tariffa għal kull preżentazzjoni ta’ ittra ta’ aċċess għal dossier li jinstab diġà komplet mill-Aġenzija jew minn Awtorità Kompetenti li tevalwa

2 390

Tariffa għal kull sottomissjoni ta’ ittra ta’ aċċess għal parti ta’ dossier li jinstab diġà komplet mill-Aġenzija jew minn Awtorità Kompetenti li tevalwa, flimkien ma’ data komplimentari

23 900

Tariffa għal kull sottomissjoni ta’ dossier ġdid

47 800

Talbiet skont l-Artikolu 66(4) sottomessi lill-Aġenzija

Tariffa għal kull oġġett li għalih tintalab il-kunfidenzjalità

1 195

”

ELI: http://data.europa.eu/eli/reg_impl/2025/1490/oj

ISSN 1977-074X (electronic edition)