IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra r-Regolament tal-Kunsill (UE) 2017/1770 tat-28 ta’ Settembru 2017 dwar miżuri restrittivi fid-dawl tas-sitwazzjoni fil-Mali (1), u b’mod partikolari l-Artikolu 12(1) u (4) tiegħu,

Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,

Billi:

(1)	Fit-28 ta’ Settembru 2017, il-Kunsill adotta r-Regolament (UE) 2017/1770.

(2)

Fit-13 ta’ Diċembru 2021, il-Kunsill adotta r-Regolament (UE) 2021/2201 (2) sabiex jingħata effett lid-Deċiżjoni tal-Kunsill (PESK) 2021/2208 (3), li emendat id-Deċiżjoni (PESK) 2017/1775 (4) u li stabbiliet qafas ġdid li jipprevedi miżuri restrittivi addizzjonali kontra individwi u entitajiet li huma responsabbli għal jew kompliċi f’azzjonijiet u politiki li jheddu l-paċi, is-sigurtà jew l-istabbiltà tal-Mali, jew li involvew ruħhom, direttament jew indirettament, f’tali azzjonijiet u politiki, jew li jostakolaw jew jdgħajfu t-twettiq b’suċċess tat-tranżizzjoni politika tal-Mali.

(3)	Fid-dawl ta’ rieżami tal-lista ta’ persuni fiżiċi u ġuridiċi, entitajiet u korpi fl-Anness Ia tar-Regolament (UE) 2017/1770, il-Kunsill iddeċieda li jenħtieġ li l-entrata għal persuna waħda soġġetta għal miżuri restrittivi titħassar.

(4)	Għaldaqstant jenħtieġ li l-Anness Ia tar-Regolament (UE) 2017/1770 jiġi emendat skont dan,

ADOTTA DAN IR-REGOLAMENT:

Artikolu 1

L-Anness Ia tar-Regolament (UE) 2017/1770 huwa emendat skont l-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.