DEĊIŻJONI TAL-KUNSILL (UE) 2025/1300

tas-17 ta’ Ġunju 2025

li tistabbilixxi l-pożizzjoni li għandha tittieħed f’isem l-Unjoni Ewropea fil-Kunsill ta’ Sħubija stabbilit mill-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, min-naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, fir-rigward tad-Deċiżjoni Nru 1/2025 tal-Kunsill ta’ Sħubija

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 43(2) tiegħu, flimkien mal-Artikolu 218(9) tiegħu,

Wara li kkunsidra l-proposta tal-Kummissjoni Ewropea,

Billi:

(1)

Il-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, min-naħa waħda, u r-Renju Unit tal-Gran Brittanja u l-Irlanda ta’ fuq, min-naħa l-oħra (“il-Ftehim dwar il-Kummerċ u l-Kooperazzjoni” jew “il-Ftehim”) ġie konkluż mill-Unjoni permezz tad-Deċiżjoni tal-Kunsill (UE) 2021/689 (1) u daħal fis-seħħ fl-1 ta’ Mejju 2021, wara li kien ilu japplika b’mod proviżorju mill-1 ta’ Jannar 2021.

(2)	Skont l-Artikolu 519(b) tal-Ftehim dwar il-Kummerċ u l-Kooperazzjoni, il-Kunsill ta’ Sħubija stabbilit skont il-Ftehim jista’ jadotta deċiżjonijiet biex joħroġ interpretazzjonijiet dwar id-dispożizzjonijiet tat-Tieni Parti tal-Ftehim.

(3)

L-Artikolu 508(2)(d) tal-Ftehim dwar il-Kummerċ u l-Kooperazzjoni jipprevedi li l-Kumitat Speċjalizzat għas-Sajd stabbilit skont il-Ftehim jista’ jadotta miżuri, inklużi deċiżjonijiet u rakkomandazzjonijiet, fir-rigward ta’ kwalunkwe aspett ieħor ta’ kooperazzjoni fil-ġestjoni sostenibbli tas-sajd taħt il-Ħames Intestatura tat-Tieni Parti tal-Ftehim.

(4)	Il-Kunsill ta’ Sħubija għandu jadotta fil-laqgħa li jmiss tiegħu jew permezz ta’ proċedura bil-miktub deċiżjoni li tinterpreta l-Artikolu 508(2)(d) tal-Ftehim dwar il-Kummerċ u l-Kooperazzjoni.

(5)	Huwa xieraq li tiġi stabbilita l-pożizzjoni li għandha tittieħed f’isem l-Unjoni fil-Kunsill ta’ Sħubija rigward l-interpretazzjoni tal-Artikolu 508(2)(d) tal-Ftehim dwar il-Kummerċ u l-Kooperazzjoni,

ADOTTA DIN ID-DEĊIŻJONI:

Artikolu 1

Il-pożizzjoni li għandha tittieħed f’isem l-Unjoni fil-Kunsill ta’ Sħubija stabbilit mill-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, min-naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, fir-rigward tal-interpretazzjoni tal-Artikolu 508(2)(d) ta’ dak il-Ftehim, hija stabbilita fl-abbozz tad-deċiżjoni tal-Kunsill ta’ Sħubija mehmuż ma’ din id-Deċiżjoni.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Magħmul fil-Lussemburgu, is-17 ta’ Ġunju 2025.

Għall-Kunsill

Il-President

P. HENNIG-KLOSKA

(1) Id-Deċiżjoni tal-Kunsill (UE) 2021/689 tad-29 ta’ April 2021 dwar il-konklużjoni, f’isem l-Unjoni, tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, min-naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, u tal-Ftehim bejn l-Unjoni Ewropea u r-Renju Unit tal-Gran Brittanja u l-Irlanda ta’ Fuq dwar il-proċeduri ta’ sigurtà għall-iskambju u għall-protezzjoni ta’ informazzjoni klassifikata (ĠU L 149, 30.4.2021, p. 2, ELI: http://data.europa.eu/eli/dec/2021/689/oj).

ABBOZZ

DEĊIŻJONI Nru 1/2025 TAL-KUNSILL TAS-SĦUBIJA STABBILIT MILL-FTEHIM DWAR IL-KUMMERĊ U L-KOOPERAZZJONI BEJN L-UNJONI EWROPEA U L-KOMUNITÀ EWROPEA TAL-ENERĠIJA ATOMIKA, MIN-NAĦA WAĦDA, U R-RENJU UNIT TAL-GRAN BRITTANJA U L-IRLANDA TA’ FUQ, MIN-NAĦA L-OĦRA

ta’ …

li tagħti l-interpretazzjoni tal-Artikolu 508(2)(d) tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, min-naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra

IL-KUNSILL TA’ SĦUBIJA,

Wara li kkunsidra l-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, min-naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (“il-Ftehim”), u b’mod partikolari l-Artikolu 519(b) tiegħu,

Billi:

(1)	Il-perjodu ta’ aġġustament previst fl-Anness 38 tal-Ftehim, li matulu kull Parti tagħti lill-bastimenti tal-Parti l-oħra aċċess sħiħ għall-ilmijiet tagħha biex jistadu, jintemm fit-30 ta’ Ġunju 2026.

(2)

F’konformità mal-Artikolu 500(1) tal-Ftehim, li japplika wara t-30 ta’ Ġunju 2026, kull Parti għandha tagħti lill-bastimenti tal-Parti l-oħra aċċess għas-sajd fl-ilmijiet tagħha fis-subżoni rilevanti tal-ICES għas-sena rilevanti f’livell u skont il-kundizzjonijiet determinati fil-konsultazzjonijiet annwali, dment li jkun intlaħaq qbil dwar it-TACs.

(3)	Il-partijiet jixtiequ jipprovdu aċċess sħiħ pluriennali għall-ilmijiet għas-sajd għal perjodu ta’ żmien speċifikat wara Ġunju 2026.

(4)

L-Artikolu 508(2)(b) flimkien mal-Artikolu 508(1)(l) tal-Ftehim jagħti s-setgħa lill-Kumitat Speċjalizzat għas-Sajd li jadotta deċiżjonijiet dwar l-iżvilupp ta’ linji gwida biex tiġi appoġġata l-applikazzjoni prattika tal-Artikolu 500 tal-Ftehim. Barra minn hekk, l-Artikolu 508(2)(d) tal-Ftehim jagħti s-setgħa lil dan il-Kumitat li jadotta deċiżjonijiet fir-rigward ta’ kwalunkwe aspett ieħor ta’ kooperazzjoni fil-ġestjoni sostenibbli tas-sajd.

(5)	F’dan il-kuntest, huwa xieraq li tinħareġ interpretazzjoni tal-Artikolu 508(2)(d) tal-Ftehim biex tiġi ċċarata l-bażi li fuqha l-Kumitat Speċjalizzat għas-Sajd jista’ jadotta din id-Deċiżjoni,

ADOTTA DIN ID-DEĊIŻJONI:

Artikolu 1

It-terminu “kooperazzjoni fil-ġestjoni sostenibbli tas-sajd” fl-Artikolu 508(2)(d) tal-Ftehim għandu jiġi interpretat, għall-fini biss ta’ dik id-dispożizzjoni, li jinkludi l-adozzjoni ta’ deċiżjoni mill-Kumitat Speċjalizzat għas-Sajd biex jingħata aċċess sħiħ pluriennali għall-ilmijiet għas-sajd għal perjodu ta’ żmien speċifikat li għall-finijiet tal-Artikolu 500(1) u (4) tal-Ftehim għandu jitqies bħala l-eżitu maqbul tal-konsultazzjonijiet annwali (inkluż fil-każ ta’ aċċess skont l-Artikolu 500(5) tal-Ftehim f’każ li t-TACs proviżorji jiġu stabbiliti skont l-Artikolu 499 tal-Ftehim).

Artikolu 2

Din id-Deċiżjoni għandha tidħol fis-seħħ fi …

Magħmul fi Brussell u Londra, … 2025.

Għall-Kunsill ta’ Sħubija

Il-Kopresidenti

Maroš ŠEFČOVIČ

Nick THOMAS-SYMONDS