IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar it-tqegħid fis-suq u l-użu tal-prodotti bijoċidali (1), u b’mod partikolari l-Artikolu 89(1), it-tielet subparagrafu, tiegħu,

Billi:

(1)	Fl-Anness II tiegħu, ir-Regolament ta’ Delega tal-Kummissjoni (UE) Nru 1062/2014 (2) jistabbilixxi lista tal-kombinamenti ta’ sustanza attiva/tip ta’ prodott inklużi fil-programm ta’ rieżami tas-sustanzi attivi eżistenti li jinsabu fil-prodotti bijoċidali.

(2)	Għal għadd ta’ kombinamenti ta’ sustanza attiva/tip ta’ prodott inklużi f’dik il-lista, il-parteċipanti kollha rtiraw, jew jitqiesu li rtiraw, l-appoġġ tagħhom fil-ħin.

(3)

F’konformità mal-Artikolu 14(1) tar-Regolament ta’ Delega (UE) Nru 1062/2014, l-Aġenzija Ewropea għas-Sustanzi Kimiċi (“l-Aġenzija”) ippubblikat sejħa miftuħa biex jittieħed ir-rwol ta’ parteċipant għal dawk il-kombinamenti ta’ sustanza attiva/tip ta’ prodott li għalihom ir-rwol ta’ parteċipant ma kienx ittieħed qabel. Għal dawk il-kombinamenti ma ġiet ippreżentata l-ebda notifika lill-Aġenzija fil-limitu ta’ żmien previst fl-Artikolu 14(2) tar-Regolament ta’ Delega (UE) Nru 1062/2014. Għalhekk, dawk il-kombinamenti ta’ sustanza attiva/tip ta’ prodott, f’konformità mal-Artikolu 20, l-ewwel paragrafu, il-punt (b), ta’ dak ir-Regolament ta’ Delega, jenħtieġ li ma jiġux approvati għall-użu fil-prodotti bijoċidali. Dawk il-kombinamenti ta’ sustanza attiva/tip ta’ prodott huma dawn li ġejjin:

(a)	żingu piritijon (tipi ta’ prodott 2, 10);

(b)	prodotti tar-reazzjoni ta’ 5,5-dimetilidantoina, 5-etil-5-metilidantoina mal-bromu u mal-kloru (DCDMH) (tip ta’ prodott 11);

(c)	prodotti tar-reazzjoni ta’ 5,5-dimetilidantoina, 5-etil-5-metilidantoina mal-kloru (DCEMH) (tip ta’ prodott 11).

(4)

Barra minn hekk, f’konformità mal-Artikolu 12(3) tar-Regolament ta’ Delega tal-Kummissjoni (UE) Nru 1062/2014, l-Aġenzija infurmat lill-Kummissjoni b’dawk il-kombinamenti ta’ sustanza attiva/tip ta’ prodott li għalihom il-parteċipanti kollha rtiraw, jew jitqiesu li rtiraw, l-appoġġ tagħhom fil-ħin, u li għalihom ir-rwol ta’ parteċipant kien ittieħed qabel. Dawk il-kombinamenti ta’ sustanza attiva/tip ta’ prodott li, f’konformità mal-Artikolu 20, l-ewwel paragrafu, il-punt (a), ta’ dak ir-Regolament ta’ Delega, jenħtieġ ma jiġux approvati għall-użu fi prodotti bijoċidali, huma dawn li ġejjin:

(a)	1,2-benżisotijażol-3(2H)-on (BIT) (tip ta’ prodott 2);

(b)	diossidu tal-kloru (tip ta’ prodott 12).

(5)	Il-miżuri previsti f’din id-Deċiżjoni huma f’konformità mal-opinjoni tal-Kumitat Permanenti dwar il-Prodotti Bijoċidali,

ADOTTAT DIN ID-DEĊIŻJONI:

(2) Ir-Regolament ta’ Delega tal-Kummissjoni (UE) Nru 1062/2014 tal-4 ta’ Awwissu 2014 dwar il-programm ta’ ħidma għall-evalwazzjoni sistematika tas-sustanzi attivi bijoċidali kollha li jeżistu fil-prodotti bijoċidali msemmijin fir-Regolament (UE) Nru 528/2012 tal-Parlament Ewropew u tal-Kunsill (ĠU L 294, 10.10.2014, p. 1, ELI: http://data.europa.eu/eli/reg_del/2014/1062/oj).

Numru tal-entrata fl-Anness II tar-Regolament (UE) Nru 1062/2014	Isem tas-sustanza	Stat Membru relatur	Numru KE	Numru CAS	Tip(i) ta’ prodott
339	1,2-Benżisotijażol-3(2H)-on (BIT)	ES	220-120-9	2634-33-5	2
491	Diossidu tal-kloru	DE	233-162-8	10049-04-4	12
522	Żingu piritijon	SE	236-671-3	13463-41-7	2, 10
152	Prodotti tar-reazzjoni tal-5,5-dimetilidantoina, 5-etil-5-metilidantoina mal-bromu u mal-kloru (DCDMH)	NL	Mhux disponibbli	Mhux disponibbli	11
777	Prodotti tar-reazzjoni bejn il-5,5-dimetilidantoina, il-5-etil-5-metilidantoina u l-kloru (DCEMH)	NL	Mhux disponibbli	Mhux disponibbli	11