(8)

Fir-rigward tal-qasam ewlieni ta’ prestazzjoni tas-sikurezza, il-konsistenza tal-miri inklużi fl-abbozz tal-pjan ta’ prestazzjoni ġiet ivvalutata f’konformità mal-punt 1.1 tal-Anness IV tar-Regolament ta’ Implimentazzjoni (UE) 2019/317.

(9)

Il-miri ta’ prestazzjoni fil-qasam ewlieni ta’ prestazzjoni tas-sikurezza proposti mill-Polonja rigward l-effettività tal-ġestjoni tas-sikurezza, imqassma skont l-objettiv tal-ġestjoni tas-sikurezza u espressi bħala livell ta’ implimentazzjoni, huma kif ġej:

(10)

Il-Kummissjoni sabet li l-miri tal-prestazzjoni tas-sikurezza proposti mill-Polonja għall-fornitur tas-servizzi tan-navigazzjoni bl-ajru “PANSA” huma ugwali għall-miri tas-sikurezza għall-Unjoni kollha għal kull sena kalendarja mill-2026 ‘il quddiem fl-oqsma ta’ “politika u objettivi tas-sikurezza”, “assigurazzjoni tas-sikurezza” u “promozzjoni tas-sikurezza”. Barra minn hekk, il-livell fil-mira għall-Unjoni kollha huwa ppjanat li jintlaħaq mill-2027 ‘il quddiem għall-“kultura tas-sikurezza” u mill-2029 għall-“ġestjoni tar-riskju għas-sikurezza”.

(11)

Il-Kummissjoni tinnota li l-abbozz tal-pjan tal-prestazzjoni jistabbilixxi miżuri għall-PANSA biex jintlaħqu l-miri tas-sikurezza lokali, bħal identifikazzjoni msaħħa tal-perikli għas-sikurezza, ġestjoni tar-riskju mtejba, attivitajiet ta’ taħriġ, u l-implimentazzjoni ta’ indikaturi u għodod imtejba tal-prestazzjoni tas-sikurezza.

(12)

Il-miri tas-sikurezza proposti mill-Polonja għall-fornituri ta’ servizzi tan-navigazzjoni bl-ajru fit-terminal fil-kamp ta’ applikazzjoni tal-abbozz tal-pjan ta’ prestazzjoni, jiġifieri “Port Lotniczy Bydgoszcz S.A.” u “Warmia i Mazury sp. z o.o.”, huma wkoll konformi mal-miri ta’ prestazzjoni għall-Unjoni kollha. Il-Kummissjoni tinnota wkoll li l-Polonja stabbiliet miżuri biex jintlaħqu l-miri tal-prestazzjoni tas-sikurezza tagħha.

(13)

Abbażi tas-sejbiet stabbiliti fil-premessi (9) sa (12) u meta jitqies li l-miri tal-prestazzjoni tas-sikurezza mal-Unjoni kollha stabbiliti fid-Deċiżjoni ta’ Implimentazzjoni (UE) 2024/1688 iridu jintlaħqu sal-aħħar sena tal-RP4, jiġifieri l-2029, jenħtieġ li l-miri inklużi fl-abbozz rivedut tal-pjan tal-prestazzjoni jitqiesu konsistenti mal-miri tal-prestazzjoni mal-Unjoni kollha fil-qasam ewlieni tal-prestazzjoni tas-sikurezza.

(14)

Fir-rigward tal-qasam ewlieni ta’ prestazzjoni tal-ambjent, il-konsistenza tal-miri inklużi fl-abbozz tal-pjan ta’ prestazzjoni rigward l-effiċjenza tat-titjir medja orizzontali en route tat-trajettorja reali ġiet ivvalutata abbażi tal-kriterju stabbilit fil-punt 1.2 tal-Anness IV tar-Regolament ta’ Implimentazzjoni (UE) 2019/317. Għaldaqstant, il-miri ambjentali proposti tal-Polonja tqabblu mal-valuri ta’ referenza al-effiċjenza tat-titjir en route orizzontali rilevanti stabbiliti fil-Pjan ta’ Titjib tan-Network Ewropew tar-Rotot (“ERNIP”), imfassal f’konformità mal-Anness I tar-Regolament ta’ Implimentazzjoni tal-Kummissjoni (UE) 2019/123 (6) u disponibbli fiż-żmien tal-adozzjoni tal-miri ta’ prestazzjoni għall-Unjoni kollha għall-RP4, jiġifieri fit-2 ta’ Lulju 2024.

(15)

Il-miri ta’ prestazzjoni ambjentali proposti mill-Polonja għall-RP4 u l-valuri ta’ referenza nazzjonali korrispondenti mill-ERNIP, espressi bħala l-effiċjenza tat-titjir medja orizzontali en route tat-trajettorja reali, huma kif ġej:

(16)

Il-Kummissjoni tosserva li l-miri ambjentali proposti mill-Polonja huma ugwali għall-valuri ta’ referenza nazzjonali korrispondenti għal kull sena kalendarja tal-RP4.

(17)

Il-Kummissjoni tinnota li fl-abbozz tal-pjan ta’ prestazzjoni, il-Polonja ppreżentat miżuri biex jintlaħqu l-miri ambjentali lokali li jinkludu l-espansjoni tal-ispazju tal-ajru transfruntier b’rotot liberi, l-estensjoni tal-ispazju tal-ajru transfruntier b’rotot liberi għal żoni ta’ manuvrar tat-terminal, u miżuri operazzjonali oħrajn għall-ottimazzjoni tal-ispazju tal-ajru.

(18)

Għalhekk, abbażi tas-sejbiet fil-premessi (15), (16) u (17), il-miri fil-qasam ewlieni ta’ prestazzjoni tal-ambjent inklużi fl-abbozz tal-pjan ta’ prestazzjoni jenħtieġ li jitqiesu konsistenti mal-miri ta’ prestazzjoni għall-Unjoni kollha għall-RP4.

(19)

Fir-rigward tal-qasam ewlieni ta’ prestazzjoni tal-kapaċità, il-konsistenza tal-miri inklużi fl-abbozz tal-pjan ta’ prestazzjoni fir-rigward tad-dewmien medju fil-ġestjoni tal-fluss tat-traffiku tal-ajru (“ATFM”, Air Traffic Flow Management) en route għal kull titjira ġie vvalutat abbażi tal-kriterju stabbilit fil-punt 1.3 tal-Anness IV tar-Regolament ta’ Implimentazzjoni (UE) 2019/317. Għaldaqstant, il-miri tal-kapaċità en route proposti tal-Polonja tqabblu mal-valuri ta’ referenza rilevanti stabbiliti fil-Pjan Operazzjonali tan-Network, imfassal f’konformità mal-Artikolu 9 tar-Regolament ta’ Implimentazzjoni tal-Kummissjoni (UE) 2019/123 u disponibbli fiż-żmien tal-adozzjoni tal-miri ta’ prestazzjoni għall-Unjoni kollha għall-RP4, jiġifieri fit-2 ta’ Lulju 2024.

(20)

Il-miri tal-kapaċità en route proposti mill-Polonja għall-RP4, espressi f’minuti ta’ dewmien tal-ATFM għal kull titjira, u l-valuri ta’ referenza korrispondenti mill-Pjan Operazzjonali tan-Network huma kif ġej:

(21)

Il-Kummissjoni tosserva li l-miri tal-kapaċità en route proposti mill-Polonja huma ugwali għall-valuri ta’ referenza nazzjonali korrispondenti għal kull sena kalendarja tal-RP4.

(22)

Il-Kummissjoni tinnota li fl-abbozz tal-pjan ta’ prestazzjoni, il-Polonja ppreżentat miżuri biex jintlaħqu l-miri tal-kapaċità lokali en route, li jinkludu l-espansjoni tal-ispazju tal-ajru transfruntier b’rotot liberi, u miżuri operazzjonali oħrajn għall-mitigazzjoni tar-restrizzjonijiet tal-kapaċità.

(23)

Għalhekk, abbażi tas-sejbiet fil-premessi (20), (21) u (22), il-miri fil-qasam ewlieni ta’ prestazzjoni tal-kapaċità inklużi fl-abbozz rivedut tal-pjan ta’ prestazzjoni nazzjonali jenħtieġ li jitqiesu konsistenti mal-miri ta’ prestazzjoni għall-Unjoni kollha għall-RP4.

(24)

F’konformità mal-punt 2.1(b) tal-Anness IV tar-Regolament ta’ Implimentazzjoni (UE) 2019/317, il-Kummissjoni kkumplimentat il-valutazzjoni tagħha tal-abbozz tal-pjan ta’ prestazzjoni billi rrieżaminat il-miri ta’ prestazzjoni tal-kapaċità għas-servizzi tan-navigazzjoni bl-ajru fit-terminal stabbiliti rigward l-ajruporti msemmija fl-Artikoli 1(3) u (4) ta’ dak ir-Regolament ta’ Implimentazzjoni. Instab li dawk il-miri ma jagħtux lok għal tħassib.

(25)

Fir-rigward tal-qasam ewlieni ta’ prestazzjoni tal-kosteffiċjenza, il-konsistenza tal-miri inklużi fl-abbozz tal-pjan ta’ prestazzjoni fir-rigward tal-kost unitarju ddeterminat (“DUC”, Determined Unit Cost) għas-servizzi tan-navigazzjoni bl-ajru en route ġiet ivvalutata abbażi tal-kriterji stabbiliti fil-punti 1.4(a), (b) u (c) tal-Anness IV tar-Regolament ta’ Implimentazzjoni (UE) 2019/317. Dawk il-kriterji jikkonsistu mix-xejra tad-DUC matul l-RP4, mix-xejra fit-tul tad-DUC matul it-tielet perjodu ta’ referenza (“RP3”) u l-RP4 (2020-2029), u mill-valur ta’ referenza għad-DUC fil-livell taż-żona tal-imposti meta mqabbel mal-valur medju taż-żoni tal-imposti fejn il-fornituri tas-servizzi tan-navigazzjoni bl-ajru għandhom ambjent operazzjonali u ekonomiku simili.

(26)

Il-miri tal-kosteffiċjenza en route proposti mill-Polonja għall-RP4, u l-valuri ta’ referenza relatati, huma kif ġej:

(27)

Rigward l-kriterju ta’ valutazzjoni stabbilit fil-punt 1.4(a) tal-Anness IV tar-Regolament ta’ Implimentazzjoni (UE) 2019/317, il-Kummissjoni tosserva li x-xejra tad-DUC tal-Polonja fil-livell taż-żona tal-imposti ta’ -2,1 % matul l-RP4 għall-Unjoni kollha ta’ -1,2 % matul l-istess perjodu.

(28)

Fir-rigward tal-valutazzjoni tal-kriterju stabbilit fil-punt 1.4(b) tal-Anness IV tar-Regolament ta’ Implimentazzjoni (UE) 2019/317, il-Kummissjoni tosserva li x-xejra fit-tul tad-DUC tal-Polonja matul l-RP3 u l-RP4 fil-livell taż-żona tal-imposti ta’ +1,4 % fit-tul għall-Unjoni kollha ta’ -1,0 % matul l-istess perjodu.

(29)

Madankollu, il-Kummissjoni tinnota li l-Polonja tilfet, bħala konsegwenza tal-gwerra ta’ aggressjoni tar-Russja kontra l-Ukrajna, sehem sinifikanti mit-titjiriet li għaddiet minnhom li storikament kienet isservi. Dak it-tnaqqis tat-traffiku jkompli matul l-RP4 biex ikollu impatt konsiderevoli fuq il-prestazzjoni tal-kosteffiċjenza tal-fornitur tas-servizzi tan-navigazzjoni bl-ajru u għandu, b’mod partikolari, effett negattiv fuq ix-xejra fit-tul tad-DUC tal-Polonja.

(30)

Għalhekk huwa meħtieġ u xieraq li jiġi eżaminat, għall-fini tal-kriterju ta’ valutazzjoni msemmi fil-premessa (28), jekk il-Polonja tissodisfax ix-xejra fit-tul tad-DUC mal-Unjoni kollha fin-nuqqas taċ-ċirkostanzi msemmija fil-premessa (29).

(31)

Għal dan l-għan, il-Kummissjoni kkalkulat mill-ġdid ix-xejra fit-tul tad-DUC fid-dawl tat-telf strutturali stmat tat-traffiku għall-Polonja bħala konsegwenza tal-gwerra fl-Ukrajna, imkejla f’unitajiet ta’ servizz en route. Dak il-kalkolu mill-ġdid jirriżulta f’xejra aġġustata fit-tul tad-DUC għall-Polonja ta’ -1,6 %, li tisboq ix-xejra fit-tul tad-DUC mal-Unjoni kollha ta’ -1,0 %. Għalhekk, huwa konkluż li l-Polonja tissodisfa l-kriterju ta’ valutazzjoni msemmi fil-premessa (28) wara li tqis l-effett tat-tnaqqis sinifikanti tat-traffiku li jirriżulta mill-gwerra fl-Ukrajna.

(32)

Fir-rigward tal-kriterju ta’ valutazzjoni stabbilit fil-punt 1.4(c) tal-Anness IV tar-Regolament ta’ Implimentazzjoni (UE) 2019/317, il-Kummissjoni tosserva li l-valur ta’ referenza tad-DUC ta’ EUR 56,94 tal-Polonja f’termini reali fi prezzijiet tal-2022 (“EUR2022”) huwa 10,7 % ogħla mill-valur ta’ referenza medju ta’ EUR 51,43 f’EUR2022 tal-grupp komparatur rilevanti stabbilit fl-Artikolu 7 tad-Deċiżjoni ta’ Implimentazzjoni (UE) 2024/1688.

(33)

Huwa ċar li l-Polonja tisboq ix-xejra tad-DUC fl-Unjoni kollha tal-RP4 u turi tnaqqis kostanti tad-DUC matul l-RP4. Barra minn hekk, meta teskludi l-impatt negattiv tal-bidliet fit-traffiku li jirriżultaw mill-gwerra ta’ aggressjoni tar-Russja kontra l-Ukrajna, il-Polonja tissodisfa wkoll ix-xejra fit-tul tad-DUC mal-Unjoni kollha. Għaldaqstant, il-Kummissjoni tqis li d-devjazzjoni mill-valur ta’ referenza medju tad-DUC għall-2024 tal-grupp komparatur imsemmi fil-premessa (32) ma tipprekludix il-miri ta’ prestazzjoni tal-kosteffiċjenza tal-Polonja milli jkunu konsistenti mal-miri ta’ prestazzjoni tal-kosteffiċjenza għall-Unjoni kollha.

(34)

Għalhekk, abbażi tas-sejbiet fil-premessi (26) sa (33), il-miri fil-qasam ewlieni ta’ prestazzjoni tal-kosteffiċjenza inklużi fl-abbozz tal-pjan ta’ prestazzjoni jenħtieġ li jitqiesu konsistenti mal-miri ta’ prestazzjoni għall-Unjoni kollha għall-RP4.

(35)

F’konformità mal-punt 2.1(c) tal-Anness IV tar-Regolament ta’ Implimentazzjoni (UE) 2019/317, il-Kummissjoni kkumplimentat il-valutazzjoni tagħha tal-abbozz tal-pjan ta’ prestazzjoni billi rrieżaminat il-miri ta’ prestazzjoni tal-kosteffiċjenza għas-servizzi tan-navigazzjoni bl-ajru fit-terminal stabbiliti rigward l-ajruporti msemmija fl-Artikoli 1(3) u (4) ta’ dak ir-Regolament ta’ Implimentazzjoni. Instab li dawk il-miri ma jagħtux lok għal tħassib.

(36)

Fid-dawl ta’ dan kollu, jenħtieġ li l-miri ta’ prestazzjoni inklużi fl-abbozz tal-pjan ta’ prestazzjoni tal-Polonja jitqiesu konsistenti mal-miri ta’ prestazzjoni għall-Unjoni kollha għall-RP4,