REGOLAMENT TA’ IMPLIMENTAZZJONI TAL-KUMMISSJONI (UE) 2025/973

tat-23 ta’ Mejju 2025

li jemenda u jikkoreġi r-Regolament ta’ Implimentazzjoni tal-Kummissjoni (UE) 2021/1165 li jawtorizza ċerti prodotti u sustanzi għall-użu fil-produzzjoni organika u li jistabbilixxi l-listi tagħhom

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2018/848 tal-Parlament Ewropew u tal-Kunsill tat-30 ta’ Mejju 2018 dwar il-produzzjoni organika u t-tikkettar ta’ prodotti organiċi u li jħassar ir-Regolament tal-Kunsill (KE) Nru 834/2007 (1), u b’mod partikolari l-Artikolu 24(9) tiegħu,

Billi:

(1)

L-Artikolu 45(2) tar-Regolament (UE) 2018/848 jagħti s-setgħa lill-Kummissjoni li tagħti awtorizzazzjonijiet speċifiċi għall-użu ta’ prodotti u sustanzi fi prodotti organiċi li joriġinaw minn pajjiżi terzi u r-reġjuni ultraperiferiċi tal-Unjoni li għandhom jiġu introdotti fis-suq fl-Unjoni. L-Artikolu 10 tar-Regolament ta’ Implimentazzjoni tal-Kummissjoni (UE) 2021/1165 (2) jistabbilixxi l-proċedura għall-għoti ta’ tali awtorizzazzjonijiet, iżda fir-rigward ta’ pajjiżi terzi biss. Għalhekk jeħtieġ li tiġi prevista l-proċedura għall-għoti ta’ awtorizzazzjonijiet speċifiċi għall-użu ta’ prodotti u sustanzi fi prodotti organiċi li joriġinaw mir-reġjuni ultraperiferiċi tal-Unjoni. Għal raġunijiet ta’ ċarezza, ladarba tkun disponibbli, il-lista ta’ prodotti u sustanzi awtorizzati fir-reġjuni ultraperiferiċi tal-Unjoni jenħtieġ li tiżdied fl-Anness VI tar-Regolament ta’ Implimentazzjoni (UE) 2021/1165.

(2)

Ir-Regolament ta’ Implimentazzjoni tal-Kummissjoni (UE) Nru 540/2011 (3) ġie emendat wara l-valutazzjoni mill-ġdid tas-sustanzi attivi lavandulyl senecioate (4), karbonat tal-idroġenu tal-potassju (5), feromoni lepidopteri ta’ katina dritta (aċetati) (6), xaħam tan-nagħaġ (7) u ramel kwarzuż (8). Sabiex jiġu riflessi dawn l-emendi, l-entrati għall-karbonat tal-idroġenu tal-potassju, ix-xaħam tan-nagħaġ u r-ramel kwarzuż jenħtieġ li jitneħħew mill-punt 4 tal-Anness I tar-Regolament ta’ Implimentazzjoni (UE) 2021/1165 u l-entrati għal-lavandulyl senecioate, l-karbonat tal-idroġenu tal-potassju, il-feromoni lepidopteri ta’ katina dritta (aċetati), ix-xaħam tan-nagħaġ u r-ramel kwarzuż jenħtieġ li jiġu inklużi fil-punt 2 ta’ dak l-Anness, li jelenka sustanzi attivi b’riskju baxx.

(3)

F’konformità mal-proċedura prevista fl-Artikolu 24(7) tar-Regolament (UE) 2018/848, l-Istati Membri ressqu dossiers dwar ċerti sustanzi lill-Istati Membri l-oħra u lill-Kummissjoni, fid-dawl tal-awtorizzazzjoni u l-inklużjoni tagħhom fl-Annessi I, II, III u V tar-Regolament ta’ Implimentazzjoni (UE) 2021/1165. Dawk id-dossiers ġew eżaminati mill-Grupp ta’ Esperti għall-Parir Tekniku dwar il-Produzzjoni Organika (“EGTOP”, Expert Group for Technical Advice on Organic Production) u mill-Kummissjoni.

(4)

Abbażi tal-valutazzjoni reċenti tal-feromoni lepidopteri ta’ katina dritta fir-Regolament ta’ Implimentazzjoni (UE) 2022/1251 u tad-dokument ta’ gwida dwar is-sustanzi semjokimiċi (9), il-feromoni u sustanzi semjokimiċi oħra jiġu applikati permezz ta’ nases jew distributuri, kemm jekk attivi kif ukoll jekk passivi. Barra minn hekk, l-Artikolu 24(3), il-punt (c)(ii), tar-Regolament (UE) 2018/848 jistabbilixxi restrizzjonijiet fuq in-natura tal-prodotti li jistgħu jiġu applikati direttament fuq il-partijiet tal-għelejjel li jittieklu, u fil-każ ta’ sustanzi semjokimiċi, in-nases u d-distributuri għandhom jipprevjenu l-kuntatt mal-għalla skont il-Parti I, il-punt 1.10.3, tal-Anness II ta’ dak ir-Regolament. Għalhekk, jixraq li titneħħa l-kundizzjoni li l-feromoni u s-sustanzi semjokimiċi l-oħra jridu jintużaw biss fin-nases u d-distributuri fl-entrata tat-tabella għall-“feromoni u semjokimiċi oħra” fil-punt 4 tal-Anness I tar-Regolament ta’ Implimentazzjoni (UE) 2021/1165.

(5)

F’konformità mal-Anness II tar-Regolament ta’ Implimentazzjoni (UE) 2021/1165, il-prodotti u l-prodotti sekondarji li joriġinaw mill-pjanti jistgħu jintużaw bħala fertilizzanti fil-produzzjoni organika, iżda wkoll bħala kundizzjonaturi tal-ħamrija u nutrijenti skont dak l-Anness. Għalhekk, jenħtieġ li l-entrata “prodotti u prodotti sekondarji li joriġinaw mill-pjanti għall-fertilizzanti” tiġi ċċarata u adattata kif xieraq.

(6)

Abbażi tar-rakkomandazzjonijiet mill-EGTOP dwar is-serer (10) u l-fertilizzanti (11), l-entrata li tikkonċerna l-frakass tal-ġebel, it-tafal u l-minerali tat-tafal fl-Anness II tar-Regolament ta’ Implimentazzjoni (UE) 2021/1165 jenħtieġ li tiġi emendata billi jiżdiedu aktar prodotti. Barra minn hekk, peress li l-frakass tal-ġebel, it-tafal u l-minerali tat-tafal jistgħu jintużaw bħala materjal inert fil-produzzjoni taż-żrieragħ mġelbna, jenħtieġ li tali użu jiġi inkluż f’dik l-entrata f’konformità mal-kundizzjonijiet speċifiċi stabbiliti fil-Parti I, il-punt 1.3(a), tal-Anness II tar-Regolament (UE) 2018/848.

(7)

Abbażi tar-rakkomandazzjonijiet mill-EGTOP dwar is-serer u l-fertilizzanti (12), l-użu tad-diossidu tal-karbonju jenħtieġ li jkun permess bħala nutrijent għall-arrikkiment tal-ilma għall-produzzjoni tal-algi f’sistemi magħluqa fuq l-art, u s-sustanza jenħtieġ li tkun għall-użu alimentari biex tiġi evitata kwalunkwe kontaminazzjoni tal-ilma. Barra minn hekk, l-EGTOP ivvaluta u kkonkluda b’mod pożittiv dwar l-użu tad-diossidu tal-karbonju fil-produzzjoni organika tas-serra (13). Għalhekk, ikun xieraq li tiżdied entrata għad-diossidu tal-karbonju fl-Anness II tar-Regolament ta’ Implimentazzjoni (UE) 2021/1165.

(8)

Abbażi tar-rakkomandazzjonijiet mill-EGTOP dwar il-fertilizzanti (14), l-użu tal-aċetat tal-kalċju jenħtieġ li jiġi awtorizzat iżda biss għall-applikazzjoni tal-weraq fuq il-ħxejjex fis-serer u fuq is-siġar tat-tuffieħ biex jiġi evitat in-nuqqas fil-kalċju. Abbażi ta’ dawk ir-rakkomandazzjonijiet, l-użu tal-fosfat tal-kalċju wkoll jenħtieġ li jiġi awtorizzat fil-produzzjoni organika iżda biss meta jkun derivat mill-irmied tal-ħama tad-drenaġġ u biss meta jkun jinsab fi prodotti li jikkonformaw mar-rekwiżiti tar-Regolament (UE) 2019/1009 tal-Parlament Ewropew u tal-Kunsill (15). Għalhekk, l-Anness II tar-Regolament ta’ Implimentazzjoni (UE) 2021/1165 jenħtieġ li jiġi emendat kif xieraq.

(9)

Abbażi tar-rakkomandazzjonijiet mill-EGTOP dwar il-fertilizzanti (16), l-użu ta’ twapet tal-fibra mill-pjanti mingħajr ebda fertilizzanti miżjuda, kundizzjonaturi tal-ħamrija jew nutrijenti oħra jenħtieġ li jkun permess bħala materjal inert fil-produzzjoni taż-żrieragħ mġelbna f’konformità mal-Parti I, il-punt 1.3(a), tal-Anness II tar-Regolament (UE) 2018/848. Barra minn hekk, abbażi tad-dossier ippreżentat, huwa xieraq li jkun meħtieġ li dawn it-twapet tal-fibra mill-pjanti jiġu manifatturati biss b’mod mekkaniku mingħajr l-użu ta’ addittivi jew leganti, u li l-fibra mill-pjanti użata tkun ta’ oriġini organika. Għalhekk, l-Anness II tar-Regolament ta’ Implimentazzjoni (UE) 2021/1165 jenħtieġ li jiġi emendat kif xieraq.

(10)

Abbażi tar-rakkomandazzjonijiet mill-EGTOP dwar il-fertilizzanti (17), sakemm l-użu tal-glukonat tal-kalċju u tal-manjeżju jinkiseb biss mill-fermentazzjoni mikrobika u taħt limiti stretti, dan jenħtieġ li jiġi awtorizzat. Għalhekk, l-Anness II tar-Regolament ta’ Implimentazzjoni (UE) 2021/1165 jenħtieġ li jiġi emendat kif xieraq.

(11)

L-Anness III tar-Regolament ta’ Implimentazzjoni (UE) 2021/1165 jippermetti l-użu tal-“klorur tal-kalċju” u tal-“glikol propileniku” (materjali tal-għalf) kif ukoll tad-“dekstran tal-ħadid 10 %” (addittiv nutrittiv) għalf maħsub għal skopijiet ta’ nutrizzjoni partikolari. Il-kundizzjonijiet u l-limiti speċifiċi għal dak l-użu jenħtieġ li jiġu ċċarati biex jiġi żgurat fehim korrett tal-entrati rilevanti. B’mod partikolari, jenħtieġ li ssir referenza għad-definizzjoni ta’ “għalf maħsub għal skopijiet ta’ nutrizzjoni partikolari” fir-Regolament (KE) Nru 767/2009 tal-Parlament Ewropew u tal-Kunsill (18) u għall-iskop nutrizzjonali partikolari ta’ dawk is-sustanzi skont ir-Regolament tal-Kummissjoni (UE) 2020/354 (19).

(12)

Abbażi tar-rakkomandazzjonijiet mill-EGTOP dwar l-għalf (20) (21), il-proteini b’ċellola singola mit-Trichoderma viride u l-Aspergillus oryyzae u l-prodotti mill-Bacillus subtilis li fihom ħafna proteini użati bħala materjali tal-għalf, il-leċitini użati bħala addittivi tal-għalf fl-għalf għall-annimali kollha, u l-etanol u l-papajn użati bħala għajnuniet għall-ipproċessar jenħtieġ li jiġu awtorizzati. Għalhekk, l-Anness III tar-Regolament ta’ Implimentazzjoni (UE) 2021/1165 jenħtieġ li jiġi emendat kif xieraq.

(13)

Ir-Regolament tal-Kummissjoni (KE) Nru 2277/2003 (22) kien awtorizza l-istearat tal-kalċju biex jintuża bħala addittiv tal-għalf fil-produzzjoni organika. Madankollu, ir-Regolament tal-Kummissjoni (UE) Nru 892/2010 (23) elenka l-istearat tal-kalċju fost il-prodotti li mhumiex addittivi tal-għalf. Konsegwentement, fl-2012, tneħħa mil-lista ta’ addittivi tal-għalf awtorizzati fir-Regolament tal-Kummissjoni (KE) Nru 889/2008 (24) bir-Regolament ta’ Implimentazzjoni tal-Kummissjoni (UE) Nru 505/2012 (25). Bħalissa, l-istearat tal-kalċju huwa kopert mill-materjali tal-għalf elenkati fit-tabella fil-Parti C, il-punt 13, in-numru 13.6.4, tal-Anness tar-Regolament tal-Kummissjoni (UE) Nru 68/2013 (26). Għalhekk, jenħtieġ li l-istearat tal-kalċju jiġi awtorizzat bħala materjal tal-għalf għall-produzzjoni organika. L-Anness III tar-Regolament ta’ Implimentazzjoni (UE) 2021/1165 jenħtieġ li jiġi emendat kif xieraq.

(14)

Fil-Parti B, il-punt 1(a), tal-Anness III tar-Regolament ta’ Implimentazzjoni (UE) 2021/1165, l-addittivi tal-għalf huma identifikati min-numru Ewropew tal-addittiv tal-ikel (numru E). F’konformità mar-Regolament (KE) Nru 1831/2003 tal-Parlament Ewropew u tal-Kunsill (27), l-addittivi tal-għalf iridu jiġu identifikati mill-grupp funzjonali tagħhom. Għal raġunijiet ta’ konsistenza, l-addittivi tal-għalf jenħtieġ li jiġu identifikati wkoll mill-kodiċi tal-grupp funzjonali tagħhom fir-Regolament ta’ Implimentazzjoni (UE) 2021/1165. Għalhekk, l-Anness III tar-Regolament ta’ Implimentazzjoni (UE) 2021/1165 jenħtieġ li jiġi emendat kif xieraq.

(15)

Fir-rakkomandazzjonijiet tiegħu dwar l-użu tal-propjonat tal-kalċju bħala preservattiv u bħala għalf maħsub għal skopijiet ta’ nutrizzjoni partikolari20, l-EGTOP ma rrakkomandax l-inklużjoni tiegħu bħala addittiv tal-għalf, bil-ġustifikazzjoni li l-klorur tal-kalċju jista’ jintuża għal skopijiet ta’ nutrizzjoni partikolari u li l-propjonat tal-kalċju ma għandux jintuża bħala preservattiv. Madankollu, il-propjonat tal-kalċju jiġi assorbit aktar bil-mod mill-klorur tal-kalċju u jipprevjeni l-effetti irritanti meta jintuża biss il-klorur tal-kalċju. Fit-tabella fil-Parti B, l-entrata “60”, tal-Anness tar-Regolament (UE) 2020/354, il-propjonat tal-kalċju huwa elenkat bħala għalf maħsub għal skopijiet ta’ nutrizzjoni partikolari. Skont ir-Regolament ta’ Implimentazzjoni tal-Kummissjoni (UE) 2022/415 (28), il-propjonat tal-kalċju huwa addittiv tal-għalf. Għalhekk, jenħtieġ li l-propjonat tal-kalċju jiġi elenkat bħala addittiv tal-għalf awtorizzat fl-Anness III tar-Regolament ta’ Implimentazzjoni (UE) 2021/1165, diment li jintuża biss bħala għalf maħsub għal skopijiet ta’ nutrizzjoni partikolari.

(16)

Fir-rakkomandazzjonijiet tiegħu dwar l-użu tal-fumarat tal-ħadid(II) bħala għalf maħsub għal skopijiet ta’ nutrizzjoni partikolari (29), l-EGTOP ma rrakkomandax l-inklużjoni tal-fumarat tal-ħadid(II) fir-Regolament ta’ Implimentazzjoni (UE) 2021/1165 peress li qies li d-dekstran tal-ħadid awtorizzat f’dak ir-Regolament ta’ Implimentazzjoni kien l-aktar prodott effettiv għad-defiċjenza tal-ħadid. Madankollu, id-dekstran tal-ħadid u l-fumarat tal-ħadid(II) mhumiex alternattivi iżda t-tnejn huma meħtieġa minħabba l-istati differenti tagħhom, bid-dekstran tal-ħadid ikun likwidu u l-fumarat tal-ħadid(II) ikun solidu. Għalhekk, jenħtieġ li l-fumarat tal-ħadid(II) jiġi elenkat bħala addittiv tal-għalf fl-Anness III tar-Regolament ta’ Implimentazzjoni (UE) 2021/1165.

(17)

L-addittivi tal-ikel u l-għajnuniet għall-ipproċessar tal-ikel użati fil-produzzjoni tal-ikel organiku pproċessat huma elenkati f’żewġ taqsimiet separati fil-Parti A tal-Anness V tar-Regolament ta’ Implimentazzjoni (UE) 2021/1165. L-użu ta’ prodott bħala addittiv tal-ikel jew bħala għajnuna għall-ipproċessar għandu jiġi ddeterminat f’konformità mad-definizzjonijiet ta’ addittiv tal-ikel u għajnuna għall-ipproċessar fl-Artikolu 3(2) tar-Regolament (KE) Nru 1333/2008 tal-Parlament Ewropew u tal-Kunsill (30). Skont il-funzjoni teknoloġika tagħhom fil-prodott finali, ċerti prodotti kklassifikati bħala għajnuniet għall-ipproċessar jenħtieġ li minflok jiġu kklassifikati bħala addittivi tal-ikel u ċerti prodotti oħra jenħtieġ li jiġu kklassifikati bħala addittivi tal-ikel u bħala għajnuniet għall-ipproċessar tal-ikel skont l-użi tagħhom. Għalhekk, għal raġunijiet ta’ ċarezza, jenħtieġ li l-listi tal-addittivi tal-ikel u tal-għajnuniet għall-ipproċessar tal-ikel fil-Parti A, it-Taqsimiet A1 u A2 tal-Anness V tar-Regolament ta’ Implimentazzjoni (UE) 2021/1165 jingħaqdu f’lista waħda, u jenħtieġ li jiġu stabbiliti aktar kundizzjonijiet speċifiċi għall-għajnuniet għall-ipproċessar li jistgħu jintużaw ukoll bħala addittivi tal-ikel.

(18)

F’dik il-lista magħquda, il-kundizzjoni speċifika li l-addittiv il-“karbonat tal-kalċju” ma għandux jintuża għall-kulur jew għall-arrikkiment tal-kalċju jenħtieġ li titħassar peress li r-regoli previsti fil-Parti IV, il-punti 2.2.2(c), (d) u (f), tal-Anness II tar-Regolament (UE) 2018/848 diġà fihom dik il-kundizzjoni.

(19)	Abbażi tar-rakkomandazzjonijiet mill-EGTOP dwar l-ikel (31), il-ħall ibbaferjat jenħtieġ li jiġi inkluż bħala addittiv tal-ikel fil-lista ta’ addittivi tal-ikel u għajnuniet għall-ipproċessar awtorizzati fil-Parti A tal-Anness V tar-Regolament ta’ Implimentazzjoni (UE) 2021/1165.

(20)

Fil-lista ta’ addittivi tal-ikel u għajnuniet għall-ipproċessar awtorizzati fil-Parti A tal-Anness V tar-Regolament ta’ Implimentazzjoni (UE) 2021/1165, il-livelli massimi għan-nitrit tas-sodju u għan-nitrat tal-potassju jenħtieġ li jiġu espressi bħala jon tan-nitrit u jon tan-nitrat, f’konformità mad-Dożi Aċċettabbli ta’ Kuljum (ADIs) stabbiliti mill-Awtorità Ewropea dwar is-Sigurtà fl-Ikel (32). Għal dak l-għan, jenħtieġ li jiġi applikat fattur ta’ konverżjoni bejn in-nitrit tas-sodju u l-jon tan-nitrit ta’ 0,67 u fattur ta’ konverżjoni bejn in-nitrat tas-sodju u l-jon tan-nitrat ta’ 0,73.

(21)

Fil-Parti A, it-taqsima A1, tal-Anness V tar-Regolament ta’ Implimentazzjoni (UE) 2021/1165, il-gomma gellan hija elenkata bħala addittiv tal-ikel awtorizzat li għandu jiġi prodott f’konformità mar-regoli tal-produzzjoni organika mill-1 ta’ Jannar 2026. Il-produzzjoni tal-gomma gellan tiddependi miż-żamma ta’ kwalitajiet speċifiċi u konsistenti tal-materja prima għall-mikroorganiżmu. Sa issa, it-tentattivi għall-manifattura tal-gomma gellan bl-użu ta’ materja prima agrikola organika ma rnexxewx. Il-gomma gellan tintuża bħala addittiv fl-ikel organiku pproċessat. Sabiex jiġi evitat tfixkil fil-produzzjoni ta’ ikel organiku pproċessat, jenħtieġ li l-użu tal-gomma gellan mhux organika jkompli jiġi awtorizzat fil-produzzjoni organika. Dan jenħtieġ li jiġi rifless fl-entrata għall-gomma gellan fil-lista magħquda ta’ addittivi tal-ikel u għajnuniet għall-ipproċessar awtorizzati fil-Parti A tal-Anness V tar-Regolament ta’ Implimentazzjoni (UE) 2021/1165.

(22)

Fil-Parti A, it-taqsima A1, tal-Anness V tar-Regolament ta’ Implimentazzjoni (UE) 2021/1165, l-użu tal-aċidu idrokloriku, tal-perossidu tal-idroġenu u tal-idrossidu tal-ammonju huwa awtorizzat għall-produzzjoni tal-ġelatina bil-kundizzjoni li l-produzzjoni tal-ġelatina tikkonforma mar-regoli għall-produzzjoni tal-ġelatina stabbiliti fir-Regolament (KE) Nru 853/2004 tal-Parlament Ewropew u tal-Kunsill (33). Mhuwiex meħtieġ li dik il-kundizzjoni speċifika tiġi ripetuta fil-lista magħquda ta’ addittivi tal-ikel u għajnuniet għall-ipproċessar awtorizzati fil-Parti A tal-Anness V tar-Regolament ta’ Implimentazzjoni (UE) 2021/1165.

(23)

Fir-rakkomandazzjonijiet tiegħu dwar in-nutrijenti bbażati fuq il-ħmira (34), l-EGTOP ikkonferma li n-nutrijenti li jikkorrispondu għall-minerali, il-vitamini u l-amminoaċidi kienu attivaturi tal-fermentazzjoni essenzjali biex jgħinu fil-produzzjoni tal-ħmira. Madankollu, l-EGTOP ikkonkluda li l-użu ta’ nutrijenti sintetiċi ma kienx konformi mal-prinċipji tal-produzzjoni organika. Għalhekk, l-EGTOP irrakkomanda l-awtorizzazzjoni tal-użu ta’ nutrijenti li jirriżultaw esklussivament mill-estratt jew mill-awtoliżat tal-ħmira biex jgħinu l-produzzjoni tal-ħmira fi kwantità limitata sa 5 % tas-substrat ikkonċernat ikkalkulat bħala piż ta’ materja niexfa. Għalhekk, jenħtieġ li l-attivaturi tal-fermentazzjoni li jikkonsistu f’nutrijenti mill-estratt jew mill-awtoliżat tal-ħmira jiġu elenkati fil-Parti C tal-Anness V tar-Regolament ta’ Implimentazzjoni (UE) 2021/1165 bħala prodotti awtorizzati, fil-limitu ta’ 5 % tas-substrat.

(24)

F’konformità mal-Parti VI, il-punt 3.4, tal-Anness II tar-Regolament (UE) 2018/848, Stat Membru ressaq dossier għal awtorizzazzjoni biex il-ħmira u l-batterji tal-aċidu lattiku jintużaw bħala regolaturi tal-aċidità fil-produzzjoni tal-inbid organiku. F’konformità mal-Parti D tal-Anness V tar-Regolament ta’ Implimentazzjoni (UE) 2021/1165, il-ħmira għall-produzzjoni tal-inbid u l-batterji tal-aċidu lattiku huma awtorizzati bħala aġenti tal-fermentazzjoni. Dawn l-aġenti tal-fermentazzjoni juru wkoll proprjetajiet ta’ regolazzjoni tal-aċidità. Peress li dawn l-aġenti tal-fermentazzjoni huma alternattivi xierqa għal regolaturi oħra tal-aċidità diġà awtorizzati għall-produzzjoni tal-inbid organiku, jenħtieġ li jiġi awtorizzat l-użu tagħhom bħala regolaturi tal-aċidità, u jenħtieġ li l-Parti D tal-Anness V tar-Regolament ta’ Implimentazzjoni (UE) 2021/1165 tinbidel kif xieraq.

(25)

Abbażi tar-rakkomandazzjonijiet mill-EGTOP dwar il-prodotti għall-protezzjoni tal-pjanti (35), l-użu tal-etilen għall-induzzjoni tal-fjuri fl-ananas u l-użu fl-għelejjel organiċi ta’ mikroorganiżmi li ma joriġinawx minn organiżmi ġenetikament modifikati, jenħtieġ li jkun permess għall-użu fil-produzzjoni organika f’pajjiżi terzi bħala sustanzi attivi li jinsabu fil-prodotti għall-protezzjoni tal-pjanti. Għalhekk ikun xieraq li dawk is-sustanzi u l-kundizzjonijiet u l-limiti speċifiċi għall-użu tagħhom jiġu inklużi fl-Anness VI tar-Regolament ta’ Implimentazzjoni (UE) 2021/1165.

(26)

Is-sustanza bażika “metasilikat tal-manjeżju idroġenu mineral silikat (Talk E 553b)” hija elenkata fit-tabella fil-punt 1 tal-Anness I tar-Regolament ta’ Implimentazzjoni (UE) 2021/1165. Madankollu, il-kundizzjoni speċifika indikata fil-kolonna “kundizzjonijiet u limiti speċifiċi” mhijiex restrizzjoni addizzjonali fuq l-użu ta’ dik is-sustanza bażika. Għalhekk, dan l-iżball jenħtieġ li jiġi kkoreġut.

(27)	Għalhekk, jenħtieġ li r-Regolament ta’ Implimentazzjoni (UE) 2021/1165 jiġi emendat u kkoreġut kif xieraq.

(28)	Il-miżuri previsti f’dan ir-Regolament huma f’konformità mal-opinjoni tal-Kumitat għall-Produzzjoni Organika,

ADOTTAT DAN IR-REGOLAMENT:

Artikolu 1

Emendi tar-Regolament ta’ Implimentazzjoni (UE) 2021/1165

Ir-Regolament ta’ Implimentazzjoni tal-Kummissjoni (UE) 2021/1165 huwa emendat kif ġej:

(1)

Jiddaħħal l-Artikolu 10a li ġej:

“Artikolu 10a

Proċedura għall-għoti ta’ awtorizzazzjoni speċifika għall-użu ta’ prodotti u sustanzi fir-reġjuni ultraperiferiċi tal-Unjoni

1. Meta Stat Membru jqis li prodott jew sustanza jenħtieġ li tingħata awtorizzazzjoni speċifika għall-użu f’reġjun ultraperiferiku tal-Unjoni minħabba l-kundizzjonijiet speċifiċi stabbiliti fl-Artikolu 45(2) tar-Regolament (UE) 2018/848, huwa jista’ jitlob lill-Kummissjoni twettaq valutazzjoni. Għal dak l-għan, huwa għandu jinnotifika lill-Kummissjoni b’dossier li jiddeskrivi l-prodott jew is-sustanza kkonċernata, filwaqt li jagħti r-raġunijiet għal tali awtorizzazzjoni speċifika minħabba l-kundizzjonijiet speċifiċi stabbiliti fl-Artikolu 45(2) tar-Regolament (UE) 2018/848 u jispjega għaliex il-prodotti u s-sustanzi awtorizzati skont dan ir-Regolament mhumiex adegwati biex jintużaw minħabba l-kundizzjonijiet speċifiċi fir-reġjun ultraperiferiku kkonċernat. Dan għandu jiżgura li d-dossier ikun xieraq biex jitqiegħed għad-dispożizzjoni tal-pubbliku skont il-leġiżlazzjoni tal-Unjoni u l-leġiżlazzjoni nazzjonali tal-Istati Membri dwar il-protezzjoni tad-data.

2. Il-Kummissjoni għandha tippubblika kwalunkwe talba msemmija fil-paragrafu 1.

3. Il-Kummissjoni għandha tanalizza d-dossier imsemmi fil-paragrafu 1. Il-Kummissjoni għandha tawtorizza l-prodott jew is-sustanza fid-dawl tal-kundizzjonijiet speċifiċi msemmija fid-dossier biss jekk l-analiżi tagħha tikkonkludi, b’mod ġenerali, li:

(a)	awtorizzazzjoni speċifika bħal din hija ġġustifikata fir-reġjun ultraperiferiku kkonċernat;

(b)	il-prodott jew is-sustanza deskritti fid-dossier jikkonformaw mal-prinċipji stabbiliti fil-Kapitolu II, il-kriterji stabbiliti fl-Artikolu 24(3) u l-kundizzjoni stabbilita fl-Artikolu 24(5) tar-Regolament (UE) 2018/848; u

(c)

l-użu tal-prodott jew tas-sustanza huwa f’konformità mad-dispożizzjonijiet rilevanti tad-dritt tal-Unjoni, b’mod partikolari, għas-sustanzi attivi li jinsabu fil-prodotti għall-protezzjoni tal-pjanti, mar-Regolament (KE) Nru 396/2005.

Il-prodott jew is-sustanza awtorizzata għandha tiġi inkluża fl-Anness VI ta’ dan ir-Regolament.

4. Meta jiskadi l-perjodu ta’sentejn imsemmi fl-Artikolu 45(2) tar-Regolament (UE) 2018/848, l-awtorizzazzjoni għandha tiġġedded awtomatikament għal perjodu ieħor ta’ sentejn dment li ma jkun hemm l-ebda elementi ġodda disponibbli u l-ebda Stat Membru jew awtorità ta’ kontroll jew korp ta’ kontroll rikonoxxut skont l-Artikolu 46(1) tar-Regolament (UE) 2018/848 ma jkun oġġezzjona, li jiġġustifika li l-konklużjoni mill-Kummissjoni msemmija fil-paragrafu 3 jeħtieġ li tiġi vvalutata mill-ġdid.”

;

(2)	L-Anness I huwa emendat f’konformità mal-Anness I ta’ dan ir-Regolament;

(3)	L-Anness II huwa emendat f’konformità mal-Anness II ta’ dan ir-Regolament;

(4)	L-Anness III huwa emendat f’konformità mal-Anness III ta’ dan ir-Regolament;

(5)	L-Anness V huwa emendat f’konformità mal-Anness IV ta’ ta’ ir-Regolament;

(6)	L-Anness VI huwa sostitwit bit-test stabbilit fl-Anness V ta’ dan ir-Regolament.

Artikolu 2

Korrezzjoni tar-Regolament ta’ Implimentazzjoni (UE) 2021/1165

Fit-tabella fil-punt 1 tal-Anness I tar-Regolament ta’ Implimentazzjoni (UE) 2021/1165, l-entrata “19C” hija sostitwita b’dan li ġej:

“19C

14807-96-6

Metasilikat tal-manjeżju idroġenu mineral silikat (Talk E 553b)”

Artikolu 3

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-23 ta’ Mejju 2025.

Għall-Kummissjoni

Il-President

Ursula VON DER LEYEN

(1) ĠU L 150, 14.6.2018, p. 1, ELI: http://data.europa.eu/eli/reg/2018/848/oj.

(2) Ir-Regolament ta’ Implimentazzjoni tal-Kummissjoni (UE) 2021/1165 tal-15 ta’ Lulju 2021 li jawtorizza ċerti prodotti u sustanzi għall-użu fil-produzzjoni organika u li jistabbilixxi l-listi tagħhom (ĠU L 253, 16.7.2021, p. 13, ELI: http://data.europa.eu/eli/reg_impl/2021/1165/oj).

(3) Ir-Regolament ta’ Implimentazzjoni tal-Kummissjoni (UE) Nru 540/2011 tal-25 ta’ Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f’dak li għandu x’jaqsam mal-lista ta’ sustanzi attivi approvati (ĠU L 153, 11.6.2011, p. 1, ELI: http://data.europa.eu/eli/reg_impl/2011/540/oj).

(4) Ir-Regolament ta’ Implimentazzjoni tal-Kummissjoni (UE) 2020/646 tat-13 ta’ Mejju 2020 li japprova s-sustanza attiva Lavandulyl senecioate, bħala sustanza b’riskju baxx f’konformità mar-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti, u li jemenda r-Regolament ta’ Implimentazzjoni (UE) Nru 540/2011 (ĠU L 151, 14.5.2020, p. 3, ELI: http://data.europa.eu/eli/reg_impl/2020/646/oj).

(5) Ir-Regolament ta’ Implimentazzjoni tal-Kummissjoni (UE) 2021/1452 tat-3 ta’ Settembru 2021 li jġedded l-approvazzjoni tas-sustanza attiva idroġenukarbonat tal-potassju bħala sustanza b’riskju baxx f’konformità mar-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti, u li jemenda l-Anness tar-Regolament ta’ Implimentazzjoni tal-Kummissjoni (UE) Nru 540/2011 (ĠU L 313, 6.9.2021, p. 30, ELI: http://data.europa.eu/eli/reg_impl/2021/1452/oj).

(6) Ir-Regolament ta’ Implimentazzjoni tal-Kummissjoni (UE) 2022/1251 tad-19 ta’ Lulju 2022 li jġedded l-approvazzjoni tas-sustanzi attivi Feromoni tal-Lepidopteri ta’ Katina Dritta (aċetati) bħala sustanzi attivi b’riskju baxx, u Feromoni tal-Lepidopteri ta’ Katina Dritta (aldeidi u alkoħols) f’konformità mar-Regolament (KE) Nru 1107/2009 tal-Parlament Ewropew u tal-Kunsill, u li jemenda l-Anness tar-Regolament ta’ Implimentazzjoni tal-Kummissjoni (UE) Nru 540/2011 (ĠU L 191, 20.7.2022, p. 35, ELI: http://data.europa.eu/eli/reg_impl/2022/1251/oj).

(7) Ir-Regolament ta’ Implimentazzjoni tal-Kummissjoni (UE) 2022/1474 tas-6 ta’ Settembru 2022 li jġedded l-approvazzjoni tas-sustanza attiva b’riskju baxx tax-xaħam tan-nagħaġ f’konformità mar-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti u li jemenda l-Anness tar-Regolament ta’ Implimentazzjoni tal-Kummissjoni (UE) Nru 540/2011 (ĠU L 232, 7.9.2022, p. 3, ELI: http://data.europa.eu/eli/reg_impl/2022/1474/oj).

(8) Ir-Regolament ta’ Implimentazzjoni tal-Kummissjoni (UE) 2023/1488 tas-6 ta’ Lulju 2023 li jġedded l-approvazzjoni tas-sustanza attiva b’riskju baxx, ir-ramel kwarzuż, f’konformità mar-Regolament (KE) Nru 1107/2009 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) Nru 540/2011 (ĠU L 183, 20.7.2023, p. 1, ELI: http://data.europa.eu/eli/reg_impl/2023/1488/oj).

(9) Il-Kummissjoni Ewropea: Id-Direttorat Ġenerali għas-Saħħa u s-Sikurezza Alimentari, “Guidance document on semiochemical active substances and plant protection products”, SANTE/12815/2014 rev. il-11 ta’ Jannar 2024, https://food.ec.europa.eu/document/download/ae787d28-356b-4e42-8c15-89ed8c91faf2_en?filename=pesticides_ppp_app-proc_guide_doss_semiochemicals_202401.pdf.

(10) EGTOP, “Final report on Greenhouses”, id-19 ta’ Ġunju 2016, https://agriculture.ec.europa.eu/document/download/7ae7f682-cf88-4c1e-8686-afd5617ec7ae_en?filename=final-report-etop-greenhouse-production.pdf.

(11) EGTOP, “Final report on Plant Protection (X) and Fertilisers (VII)’”, it-3 ta’ Mejju 2024, https://agriculture.ec.europa.eu/document/download/57c18571-67ba-4e28-b9df-139f2ac36b91_en?filename=egtop-report-ppp-10_and_fertilisers-7_en.pdf.

(12) EGTOP, “Final report on Greenhouses”, id-19 ta’ Ġunju 2016, https://agriculture.ec.europa.eu/document/download/7ae7f682-cf88-4c1e-8686-afd5617ec7ae_en?filename=final-report-etop-greenhouse-production.pdf; EGTOP, “Final report on Fertilisers (VI) and Plant Protection Products (VIII)”, it-28 ta’ Awwissu 2023, https://agriculture.ec.europa.eu/document/download/a4561074-266c-40dd-881b-c27f150e3d8a_en?filename=egtop-report-fertilisers-vi-and-ppp-viii_en.pdf.

(13) EGTOP, “Final report on Greenhouses”, id-19 ta’ Ġunju 2016, https://agriculture.ec.europa.eu/document/download/7ae7f682-cf88-4c1e-8686-afd5617ec7ae_en?filename=final-report-etop-greenhouse-production.pdf.

(14) EGTOP, “Final report on Plant Protection (X) and Fertilisers (VII)’”, it-3 ta’ Mejju 2024, https://agriculture.ec.europa.eu/document/download/57c18571-67ba-4e28-b9df-139f2ac36b91_en?filename=egtop-report-ppp-10_and_fertilisers-7_en.pdf.

(15) Ir-Regolament (UE) 2019/1009 tal-Parlament Ewropew u tal-Kunsill tal-5 ta’ Ġunju 2019 li jistabbilixxi regoli dwar it-tpoġġija għad-dispożizzjoni fis-suq ta’ prodotti fertilizzanti tal-UE u li jemenda r-Regolamenti (KE) Nru 1069/2009 u (KE) Nru 1107/2009 u li jħassar ir-Regolament (KE) Nru 2003/2003 (ĠU L 170, 25.6.2019, p. 1, ELI: http://data.europa.eu/eli/reg/2019/1009/oj).

(16) EGTOP, “Final report on Fertilisers (VI) and Plant Protection Products (VIII)”, it-28 ta’ Awwissu 2023, https://agriculture.ec.europa.eu/document/download/a4561074-266c-40dd-881b-c27f150e3d8a_en?filename=egtop-report-fertilisers-vi-and-ppp-viii_en.pdf.

(17) EGTOP, “Final report on Plant Protection (X) and Fertilisers (VII)’”, it-3 ta’ Mejju 2024, https://agriculture.ec.europa.eu/document/download/57c18571-67ba-4e28-b9df-139f2ac36b91_en?filename=egtop-report-ppp-10_and_fertilisers-7_en.pdf.

(18) Ir-Regolament (KE) Nru 767/2009 tal-Parlament Ewropew u tal-Kunsill tat-13 ta’ Lulju 2009 dwar it-tqegħid fis-suq u l-użu ta’ għalf, li jemenda r-Regolament (KE) Nru 1831/2003 tal-Parlament Ewropew u tal-Kunsill u li jħassar id-Direttiva tal-Kunsill 79/373/KEE, id-Direttiva tal-Kummissjoni 80/511/KEE, id-Direttivi tal-Kunsill 82/471/KEE, 83/228/KEE, 93/74/KEE, 93/113/KE u 96/25/KE u d-Deċiżjoni tal-Kummissjoni 2004/217/KE (ĠU L 229, 1.9.2009, p. 1, ELI: http://data.europa.eu/eli/reg/2009/767/oj).

(19) Ir-Regolament tal-Kummissjoni (UE) 2020/354 tal-4 ta’ Marzu 2020 li jistabbilixxi lista ta’ użi maħsuba għall-għalf maħsub għal skopijiet ta’ nutrizzjoni partikolari u li jħassar id-Direttiva 2008/38/KE (ĠU L 67, 5.3.2020, p. 1, ELI: http://data.europa.eu/eli/reg/2020/354/oj).

(20) EGTOP, “Final report on Feed (VII) and Pet Food (II)”, is-16 ta’ Marzu 2023, https://agriculture.ec.europa.eu/document/download/46e56928-5332-4ae5-919e-c5c108422537_en?filename=egtop-report-feed-vii-and-petfood-ii_en.pdf.

(21) EGTOP, “Final report on Feed (VIII) and Food (IX)”, l-1 ta’ Lulju 2024, https://agriculture.ec.europa.eu/document/download/88317fd1-c9d2-4dca-bbc3-64521f806d09_en?filename=egtop-report-feed-viii_and_food-ix_en.pdf.

(22) Ir-Regolament tal-Kummissjoni (KE) Nru 2277/2003 tat-22 ta’ Diċembru 2003 li jemenda Annessi I u II għar-Regolament tal-Kunsill (KEE) Nru 2092/91 dwar il-produzzjoni organika ta’ prodotti agrikoli u l-indikazzjonijiet li jirreferu għalihom fil-prodotti agrikoli u fl-oġġetti tal-ikel (ĠU L 336, 23.12.2003, p. 68, ELI: http://data.europa.eu/eli/reg/2003/2277/oj).

(23) Ir-Regolament tal-Kummissjoni (UE) Nru 892/2010 tat-8 ta’ Ottubru 2010 dwar l-istatus ta’ ċerti prodotti fir-rigward tal-addittivi tal-għalf fi ħdan l-ambitu tar-Regolament (KE) Nru 1831/2003 tal-Parlament Ewropew u tal-Kunsill (ĠU L 266, 9.10.2010, p. 6, ELI: http://data.europa.eu/eli/reg/2010/892/oj).

(24) Ir-Regolament tal-Kummissjoni (KE) Nru 889/2008 tal-5 ta’ Settembru 2008 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar il-produzzjoni organika u t-tikkettar ta’ prodotti organiċi fir-rigward tal-produzzjoni, it-tikkettar u l-kontroll organiku (ĠU L 250, 18.9.2008, p. 1, ELI: http://data.europa.eu/eli/reg/2008/889/oj).

(25) Ir-Regolament ta’ Implimentazzjoni tal-Kummissjoni (UE) Nru 505/2012 tal-14 ta’ Ġunju 2012 li jemenda u jikkoreġi r-Regolament (KE) Nru 889/2008 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar il-produzzjoni organika u t-tikkettar ta’ prodotti organiċi fir-rigward tal-produzzjoni, it-tikkettar u l-kontroll organiku (ĠU L 154, 15.6.2012, p. 12, ELI: http://data.europa.eu/eli/reg_impl/2012/505/oj).

(26) Ir-Regolament tal-Kummissjoni (UE) Nru 68/2013 tas-16 ta’ Jannar 2013 dwar il-Katalgu tal-materjali tal-għalf (ĠU L 29, 30.1.2013, p. 1, ELI: http://data.europa.eu/eli/reg/2013/68/oj).

(27) Ir-Regolament (KE) Nru 1831/2003 tal-Parlament Ewropew u l-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (ĠU L 268, 18.10.2003, p. 29, ELI: http://data.europa.eu/eli/reg/2003/1831/oj).

(28) Ir-Regolament ta’ Implimentazzjoni tal-Kummissjoni (UE) 2022/415 tal-11 ta’ Marzu 2022 li jikkonċerna l-awtorizzazzjoni tal-aċidu maliku, tal-aċidu ċitriku prodott mill-Aspergillus niger DSM 25794 jew CGMCC 4513/CGMCC 5751 jew CICC 40347/CGMCC 5343, tal-aċidu sorbiku u tas-sorbat tal-potassju, tal-aċidu aċetiku, tad-diaċetat tas-sodju u tal-aċetat tal-kalċju, tal-aċidu propjoniku, tal-propjonat tas-sodju, tal-propjonat tal-kalċju u tal-propjonat tal-ammonju, tal-aċidu formiku, tal-format tas-sodju, tal-format tal-kalċju u tal-format tal-ammonju, u tal-aċidu lattiku prodott mill-Bacillus coagulans (LMG S-26145 jew DSM 23965), jew mill-Bacillus smithii (LMG S-27890) jew mill-Bacillus subtilis (LMG S-27889), u tal-lattat tal-kalċju, bħala addittivi tal-għalf għall-ispeċijiet kollha tal-annimali (ĠU L 85, 14.3.2022, p. 6, ELI: http://data.europa.eu/eli/reg_impl/2022/415/oj).

(29) EGTOP, “Final report on Feed (VII) and Pet Food (II)”, is-16 ta’ Marzu 2023, https://agriculture.ec.europa.eu/document/download/46e56928-5332-4ae5-919e-c5c108422537_mt?filename=egtop-report-feed-vii-and-petfood-ii_mt.pdf.

(30) Ir-Regolament (KE) Nru 1333/2008 tal-Parlament Ewropew u tal-Kunsill tas-16 ta’ Diċembru 2008 dwar l-addittivi tal-ikel (ĠU L 354, 31.12.2008, p. 16, ELI: http://data.europa.eu/eli/reg/2008/1333/oj).

(31) EGTOP, “Final report on Feed (VIII) and Food (IX)”, l-1 ta’ Lulju 2024, https://agriculture.ec.europa.eu/document/download/88317fd1-c9d2-4dca-bbc3-64521f806d09_en?filename=egtop-report-feed-viii_and_food-ix_en.pdf.

(32) EFSA, Re-evaluation of potassium nitrite (E 249) and sodium nitrite (E 250) as food additives, EFSA Journal 2017;15(6):4786, https://doi.org/10.2903/j.efsa.2017.4786.

(33) Ir-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixxi ċerti regoli speċifiċi ta’ iġjene għall-ikel li joriġina mill-annimali (ĠU L 139, 30.4.2004, p. 55, ELI: http://data.europa.eu/eli/reg/2004/853/oj).

(34) EGTOP, “Final report on Food (X)”, il-31 ta’ Jannar 2025, https://agriculture.ec.europa.eu/document/download/c4cef8da-34a4-48f7-9f5d-2c97f86f2a15_en?filename=egtop-report-food-x_en.pdf.

(35) EGTOP, “Final report on Fertilisers (VI) and Plant Protection Products (VIII)”, it-28 ta’ Awwissu 2023, https://agriculture.ec.europa.eu/document/download/a4561074-266c-40dd-881b-c27f150e3d8a_en?filename=egtop-report-fertilisers-vi-and-ppp-viii_en.pdf; EGTOP, “Final report on Plant Protection (IX)”, l-14 ta’ Diċembru 2023, https://agriculture.ec.europa.eu/document/download/5a183a99-2e86-4add-a0ae-27fc519e5c11_en?filename=egtop-report-ppp-ix_en.pdf.

ANNESS III

L-Anness III tar-Regolament ta’ Implimentazzjoni (UE) 2021/1165 huwa emendat kif ġej:

(1)

Il-Parti A hija emendata kif ġej:

(a)

fil-punt (1), fit-tabella, l-entrata “11.1.6” hija sostitwita b’dan li ġej:

“11.1.6

Klorur tal-kalċju

jista’ jintuża biss bħala “għalf maħsub għal skopijiet ta’ nutrizzjoni partikolari” definit fl-Artikolu 3(2), il-punt (o), tar-Regolament (KE) Nru 767/2009 għat-tnaqqis tar-riskju ta’ deni tal-ħalib u ipokalċimja subklinika f’konformità mal-entrata “60” tat-tabella tal-Parti B tal-Anness tar-Regolament tal-Kummissjoni (UE) 2020/354 (*1), inkluża l-formulazzjoni bolus

klorur tal-kalċju meta ppurifikat minn salmura li sseħħ b’mod naturali, jekk disponibbli

għall-baqar tal-ħalib fil-bżonn biss u għal perjodu limitat

(b)

fil-punt (2), it-tabella hija emendata kif ġej:

(i)

l-entrati li ġejjin jiddaħħlu bejn l-entrati “12.1.5” u “12.1.12”:

“ex 12.1.9

Proteini b’ċellola singola mit-Trichoderma viride u mill-Aspergillus oryzae

minn materjal ta’ razza u koltura mhux ĠM biss

mhux miksubin minn substrati b’sorsi ta’ nitroġenu sintetiku

miksuba minn substrati li ġejjin minn produzzjoni organika meta jintużaw għar-ruminanti u erbivori oħra

meta jintużaw, l-aġenti kontra r-ragħwa għandhom ikunu awtorizzati għall-produzzjoni organika

12.1.10

Prodotti mill-Bacillus subtilis rikki fil-proteini

minn materjal ta’ razza u koltura mhux ĠM biss

mhux miksubin minn substrati b’sorsi ta’ nitroġenu sintetiku

miksuba minn substrati li ġejjin minn produzzjoni organika meta jintużaw għar-ruminanti u erbivori oħra

meta jintużaw, l-aġenti kontra r-ragħwa għandhom ikunu awtorizzati għall-produzzjoni organika”

(ii)

l-entrata li ġejja tiddaħħal bejn l-entrati “12.1.12” u “13.11.1”:

“ex 13.6.4

Stearat tal-kalċju”

(iii)

l-entrata “13.11.1” hija sostitwita b’dan li ġej:

“13.11.1

Glikol propileniku; [1,2-propandiol]; [propan-1,2-diol]

jista’ jintuża biss bħala “għalf maħsub għal skopijiet ta’ nutrizzjoni partikolari” definit fl-Artikolu 3(2), il-punt (o), tar-Regolament (KE) Nru 767/2009 għat-tnaqqis tar-riskju tal-ketożi f’konformità mal-Parti B, l-entrata “61”, tal-Anness tar-Regolament (UE) 2020/354, inkluża l-formulazzjoni tal-bolus

għall-baqar tal-ħalib, in-nagħaġ u l-mogħoż fil-bżonn biss u għal perjodu limitat”

(2)

il-Parti B hija emendata kif ġej:

(a)

fil-punt (1)(a), it-tabella hija sostitwita b’dan li ġej:

“Numru tal-ID jew grupp funzjonali	Isem	Kundizzjonijiet u limiti speċifiċi
1a200	Aċidu sorbiku
1k236	Aċidu formiku
1k237i	Formjat tas-sodju
1a260	Aċidu aċetiku
1a270 1a270i	Aċidi lattiċi
1k280	Aċidu propjoniku
1a282	Propjonat tal-kalċju	jista’ jintuża biss bħala “għalf maħsub għal skopijiet ta’ nutrizzjoni partikolari” definit fl-Artikolu 3(2), il-punt (o), tar-Regolament (KE) Nru 767/2009 għat-tnaqqis tar-riskju tad-deni tal-ħalib u tal-ipokalċemija subklinika f’konformità mal-entrata “60” tat-tabella tal-Parti B tal-Anness tar-Regolament (UE) 2020/354, inkluża l-formulazzjoni tal-bolus għall-baqar tal-ħalib fil-bżonn biss u għal perjodu limitat”
1a330	Aċidu ċitriku

(b)

fil-punt (1)(c), fit-tabella, l-entrata “1c322, 1c322i” hija sostitwita b’dan li ġej:

“1c322,

1c322i

Leċitini

derivati minn materja prima organika

mill-1 ta’ Jannar 2027, mill-produzzjoni organika biss”

(c)

fil-punt (3)(b), it-tabella hija emendata kif ġej:

(i)

l-entrata li ġejja tiddaħħal bejn l-entrati “3b104” u “3b107”:

“3b105

Fumarat tal-ħadid(II)

jista’ jintuża biss bħala “għalf maħsub għal skopijiet ta’ nutrizzjoni partikolari” definit fl-Artikolu 3(2), il-punt (o), tar-Regolament (KE) Nru 767/2009 għal kumpens ta’ disponibbiltà insuffiċjenti ta’ ħadid wara t-twelid f’konformità mal-entrata “64” tat-tabella tal-Parti B tal-Anness tar-Regolament (UE) 2020/354

għal qżieqeż mhux miftuma fil-bżonn u għal perjodu limitat biss”

(ii)

l-entrata “3b110” hija sostitwita b’dan li ġej:

“3b110

Dekstran tal-ħadid 10 %

il-materjal tat-tkabbir għall-proċess ta’ fermentazzjoni għad-dekstran ma għandux joriġina minn OĠM

għal qżieqeż mhux miftuma fil-bżonn u għal perjodu limitat biss”

(d)

jiżdied il-punt li ġej:

“(5)	GĦAJNUNIET GĦALL-IPPROĊESSAR

Għall-għajnuniet għall-ipproċessar kif definiti fl-Artikolu 2(2), il-punt (h), tar-Regolament (KE) Nru 1831/2003, għandhom japplikaw il-kundizzjonijiet u l-limiti speċifiċi stabbiliti fit-tabella li ġejja.

Isem

Kundizzjonijiet u limiti speċifiċi

Etanol

għandu jintuża biss bħala solvent ta’ estrazzjoni għall-produzzjoni tal-pasta taż-żrieragħ żejtnin u biss meta l-pasta minn estrazzjoni mekkanika ma jkunux disponibbli fi kwantitajiet suffiċjenti

mill-fermentazzjoni biss jekk disponibbli

mill-produzzjoni organika biss jekk disponibbli

Papajn

għall-produzzjoni tal-interjuri aromatizzanti għall-manifattura tal-ikel għall-annimali domestiċi biss li huma definiti fil-punt 18 tal-Anness I tar-Regolament (UE) Nru 142/2011

sakemm l-enzima tkun inattivata matul il-proċess u għalhekk ma tkunx preżenti bħala tali fl-interjuri aromatizzanti li jirriżultaw u ma jkollha l-ebda effett teknoloġiku fuq il-prodott

mill-1 ta’ Jannar 2027, minn materja prima organika biss”

(*1) Ir-Regolament tal-Kummissjoni (UE) 2020/354 tal-4 ta’ Marzu 2020 li jistabbilixxi lista ta’ użi maħsuba għall-għalf maħsub għal skopijiet ta’ nutrizzjoni partikolari u li jħassar id-Direttiva 2008/38/KE (ĠU L 67, 5.3.2020, p. 1, ELI: http://data.europa.eu/eli/reg/2020/354/oj).”;

ANNESS IV

L-Anness V tar-Regolament ta’ Implimentazzjoni (UE) 2021/1165 huwa emendat kif ġej:

(1)

Il-Parti A hija sostitwita b’dan li ġej:

“PARTI A

Addittivi tal-ikel awtorizzati u għajnuniet għall-ipproċessar imsemmija fl-Artikolu 24(2), il-punt (a), tar-Regolament (UE) 2018/848, inklużi trasportaturi u sustanzi oħra użati bl-istess mod u bl-istess skop bħall-għajnuniet għall-ipproċessar

Il-prodotti tal-ikel organiċi li magħhom jistgħu jiżdiedu l-addittivi tal-ikel huma fil-limitu tal-awtorizzazzjonijiet mogħtija f’konformità mar-Regolament (KE) Nru 1333/2008.

Il-kundizzjonijiet u l-limiti speċifiċi stabbiliti fit-tabella ta’ hawn taħt għandhom japplikaw flimkien mal-kundizzjonijiet tal-awtorizzazzjonijiet skont ir-Regolament (KE) Nru 1333/2008.

L-użu bħala addittivi tal-ikel jew bħala għajnuniet għall-ipproċessar għandu jiġi attribwit fuq bażi ta’ każ b’każ f’konformità mar-Regolament (KE) Nru 1333/2008 u l-leġiżlazzjoni nazzjonali dwar l-għajnuniet għall-ipproċessar.

Għall-fini tal-kalkolu tal-perċentwali msemmija fl-Artikolu 30(5) tar-Regolament (UE) 2018/848, l-addittivi tal-ikel immarkati b’asterisk fil-kolonna “Numru E jew Einecs, jew it-tnejn” għandhom jiġu kkalkulati bħala ingredjenti ta’ oriġini agrikola.

Numru E jew Einecs (+), jew it-tnejn	Isem	Prodotti tal-ikel organiċi li fihom l-addittiv jew l-għajnuna għall-ipproċessar jistgħu jintużaw u kondizzjonijiet u limiti speċifiċi
Numru E jew Einecs (+), jew it-tnejn	Isem	Uża bħala addittiv	Uża bħala għajnuna għall-ipproċessar
E 153	Karbonju veġetali	qoxra tal-ġobon li tittiekel ta’ ġobon tal-mogħoż irmiedi
E 153	Karbonju veġetali	Ġobon Morbier
E 160b(i)*	Bissina ta’ Annatto	Ġobon Red Leicester
		Ġobon Double Gloucester
		Ġobon Cheddar
		Ġobon Mimolette
E 160b(ii)*	Norbissina ta’ Annatto	Ġobon Red Leicester
		Ġobon Double Gloucester
		Ġobon Cheddar
		Ġobon Mimolette
E 170/207-439-9 u 215-279-6	Karbonat tal-kalċju	prodotti li joriġinaw mill-pjanti u mill-annimali	prodotti li joriġinaw mill-pjanti
E 220	Diossidu tal-kubrit	inbejjed tal-frott (inbid magħmul minn frott minbarra l-għeneb, inkluż l-ispirtu tas-sidru u tal-perry) u l-idromel biz-zokkor miżjud u mingħajru 100 mg/l (il-livelli massimi disponibbli mis-sorsi kollha, espressi bħala SO2 f’mg/l)
E 223	Metabisulfit tas-sodju	krustaċji
E 224	Metabisulfat tal-potassju	inbejjed tal-frott (inbid magħmul minn frott minbarra l-għeneb, inkluż l-ispirtu tas-sidru u tal-perry) u l-idromel biz-zokkor miżjud u mingħajru 100 mg/l (il-livelli massimi disponibbli mis-sorsi kollha, espressi bħala SO2 f’mg/l)
E 250	Nitrit tas-sodju	prodotti tal-laħam jista’ jintuża biss jekk ikun intwera, għas-sodisfazzjon tal-awtorità kompetenti, li ma hi disponibbli l-ebda alternattiva teknoloġika li tagħti l-istess garanziji u/jew li tippermetti li jinżammu l-karatteristiċi speċifiċi tal-prodott mhux flimkien ma’ E252 ammont massimu li jista’ jiżdied matul il-manifattura espress bħala jon tal-NO2: 50 mg/kg ammont residwu massimu mis-sorsi kollha għall-prodott lest għall-kummerċjalizzazzjoni matul il-ħajja tal-prodott fuq l-ixkaffa espress bħala jon tal-NO2: 30 mg/kg
E252	Nitrat tal-potassju	prodotti tal-laħam jista’ jintuża biss jekk ikun intwera, għas-sodisfazzjon tal-awtorità kompetenti, li ma hi disponibbli l-ebda alternattiva teknoloġika li tagħti l-istess garanziji u/jew li tippermetti li jinżammu l-karatteristiċi speċifiċi tal-prodott mhux flimkien ma’ E250 ammont massimu li jista’ jiżdied matul il-manifattura espress bħala jon tal-NO3: 55 mg/kg ammont residwu massimu mis-sorsi kollha għall-prodott lest għall-kummerċjalizzazzjoni matul il-ħajja tal-prodott fuq l-ixkaffa espress bħala jon tal-NO3: 35 mg/kg
E 267*	Ħall ibbaferjat	prodotti li joriġinaw mill-pjanti u mill-annimali mill-produzzjoni organika biss
E 270/200-018-0	Aċidu lattiku	prodotti li joriġinaw mill-pjanti u mill-annimali	ġobon għar-regolazzjoni tal-pH tal-banju tas-salmura fil-produzzjoni tal-ġobon
E 290/204-696-9	Diossidu tal-karbonju	prodotti li joriġinaw mill-pjanti u mill-annimali	prodotti li joriġinaw mill-pjanti u mill-annimali
E 296	Aċidu maliku	prodotti li joriġinaw mill-pjanti
E 300	Aċidu askorbiku	prodotti li joriġinaw mill-pjanti il-prodotti tal-laħam (kategorija 08,3 (++)) u l-preparati tal-laħam (kategorija 08,2 (++)) li magħhom ġew miżjuda ingredjenti oħra minbarra addittivi jew melħ
E 301	Askorbat tas-sodju	prodotti tal-laħam jistgħu jintużaw biss b’rabta man-nitrati u n-nitriti
E 306*	Estratt rikk fit-tokoferol	prodotti li joriġinaw mill-pjanti u mill-annimali bħala antiossidant biss
E 322*	Leċitini	prodotti li joriġinaw mill-pjanti u mill-annimali mill-produzzjoni organika biss
E 325	Lattat tas-sodju	prodotti li joriġinaw mill-pjanti
		prodotti bbażati fuq il-ħalib
		prodotti tal-laħam
E 330/201-069-1	Aċidu ċitriku	prodotti li joriġinaw mill-pjanti u mill-annimali	prodotti li joriġinaw mill-pjanti u mill-annimali
E 331	Ċitrati tas-sodju	prodotti li joriġinaw mill-pjanti u mill-annimali
E 333	Ċitrati tal-kalċju	prodotti li joriġinaw mill-pjanti
E 334	Aċidu tartariku (L(+)-)	prodotti li joriġinaw mill-pjanti idromel
E 335*	Tartrati tas-sodju	prodotti li joriġinaw mill-pjanti mill-1 ta’ Jannar 2027, mill-produzzjoni organika biss
E 336*	Tartrati tal-potassju	prodotti li joriġinaw mill-pjanti mill-1 ta’ Jannar 2027, mill-produzzjoni organika biss
E 337*	Tartrat tas-sodju u l-potassju	prodotti li joriġinaw mill-pjanti mill-1 ta’ Jannar 2027, mill-produzzjoni organika biss
E 341(i)	Fostfat tal-monokalċju	dqiq self-raising bħala aġent levitanti
E 392*	Estratti ta’ klin	prodotti li joriġinaw mill-pjanti u mill-annimali mill-produzzjoni organika biss
E 400	Aċidu alġiniku	prodotti li joriġinaw mill-pjanti
E 400	Aċidu alġiniku	prodotti tal-ħalib
E 401	Alġinat tas-sodju	prodotti li joriġinaw mill-pjanti
		prodotti tal-ħalib
		zalzett ibbażat fuq il-laħam
E 402	Alġinat tal-potassju	prodotti li joriġinaw mill-pjanti
E 402	Alġinat tal-potassju	prodotti bbażati fuq il-ħalib
E 406	Agar	prodotti li joriġinaw mill-pjanti
		prodotti bbażati fuq il-ħalib
		prodotti tal-laħam
E 407	Karraġenina	prodotti li joriġinaw mill-pjanti
E 407	Karraġenina	prodotti bbażati fuq il-ħalib
E 410*	Gomma tal-ħarruba	prodotti li joriġinaw mill-pjanti u mill-annimali mill-produzzjoni organika biss
E 412*	Gomma tal-gwar	prodotti li joriġinaw mill-pjanti u mill-annimali mill-produzzjoni organika biss
E 414*	Gomma arabika	prodotti li joriġinaw mill-pjanti u mill-annimali mill-produzzjoni organika biss
E 415	Gomma tal-ksantan	prodotti li joriġinaw mill-pjanti u mill-annimali
E 417*	Gomma tat-tara	prodotti li joriġinaw mill-pjanti u mill-annimali mill-produzzjoni organika biss bħala aġent li jgħaqqad biss
E 418*	Gomma gellan	prodotti li joriġinaw mill-pjanti u mill-annimali mill-produzzjoni organika, jekk disponibbli forma għolja fl-aċil biss
E 422*	Gliċerol	estratti tal-pjanti u aromatizzanti li joriġinaw mill-pjanti biss mill-produzzjoni organika biss bħala solvent u trasportatur bħala aġent igroskopiku fil-kapsuli tal-ġell bħala kisi tas-superfiċe tal-pilloli
E 440(i)*	Pektina	prodotti li joriġinaw mill-pjanti
E 440(i)*	Pektina	prodotti bbażati fuq il-ħalib
E 460/232-674-9	Ċelluloża	ġelatina	ġelatina
E 460/232-674-9	Ċelluloża	ġelatina	prodotti li joriġinaw mill-pjanti
E 464	Ċelluloża metilika tal-idrossipropil	prodotti li joriġinaw mill-pjanti u mill-annimali bħala materjal biex jinħalqu l-kapsuli biss
E 500/207-838-8, 205-633-8, 208-580-9	Karbonati tas-sodju	prodotti li joriġinaw mill-pjanti u mill-annimali	prodotti li joriġinaw mill-pjanti u mill-annimali
E 501/209-529-3, 206-059-0	Karbonati tal-potassju	prodotti li joriġinaw mill-pjanti	għeneb bħala aġent li jnixxef għall-produzzjoni tal-għeneb imnixxef biss
E 503	Karbonati tal-ammonju	prodotti li joriġinaw mill-pjanti
E 504	Karbonati tal-manjeżju	prodotti li joriġinaw mill-pjanti
E 509/233-140-8	Klorur tal-kalċju	prodotti li joriġinaw mill-pjanti biex jinduċi l-koagulazzjoni biss	prodotti li joriġinaw mill-pjanti bħala aġent li jiċċara/flokkulant biss
		prodotti bbażati fuq il-ħalib bħala stabbilizzatur biss
		zalzett ibbażat fuq il-laħam biex jinduċi l-koagulazzjoni biex jifforma l-budellat biss
E 511/232-094-6	Klorur tal-manjeżju	prodotti li joriġinaw mill-pjanti biex jinduċi l-koagulazzjoni biss	prodotti li joriġinaw mill-pjanti bħala aġent li jiċċara/flokkulant biss
E 516/231-900-3	Sulfat tal-kalċju	prodotti li joriġinaw mill-pjanti bħala trasportatur jew biex jinduċi l-koagulazzjoni biss	prodotti li joriġinaw mill-pjanti bħala aġent li jiċċara/flokkulant biss
E 524/215-185-5	Idrossidu tas-sodju	Laugengebäck bis-superfiċe ttrattata bħala trattament tas-superfiċe biss	zokkor/zokkrijiet
		aromatizzanti bħala regulatur tal-aċidità biss	żejt li joriġina mill-pjanti minbarra ż-żejt taż-żebbuġa
		aromatizzanti bħala regulatur tal-aċidità biss	estratti tal-proteina tal-pjanti
E 551/231-545-4	Diossidu tas-siliċju	kawkaw bħala aġent antiagglomerant għall-użu f’magni awtomatiċi ta’ distribuzzjoni biss	prodotti li joriġinaw mill-pjanti
		ħxejjex aromatiċi u ħwawar f’forma ta’ trab imnixxef
		aromatizzanti
		żaftur
E 553b	Talk	prodotti li joriġinaw mill-pjanti	prodotti li joriġinaw mill-pjanti
E 553b	Talk	zalzett ibbażat fuq il-laħam bħala trattament tas-superfiċe biss	prodotti li joriġinaw mill-pjanti
E 901*/232-383-7	Xama’ tan-naħal	ħlewwiet mill-produzzjoni organika biss bħala aġent tal-igglejżjar biss	prodotti li joriġinaw mill-pjanti mill-produzzjoni organika biss bħala aġent tar-rilaxx biss
E 903*/232-399-4	Xama’ tal-karnawba	ħlewwiet mill-produzzjoni organika biss bħala aġent tal-igglejżjar biss	prodotti li joriġinaw mill-pjanti mill-produzzjoni organika biss bħala aġent tar-rilaxx biss
E 903*/232-399-4	Xama’ tal-karnawba	frott taċ-ċitru mill-produzzjoni organika biss bħala metodu ta’ mitigazzjoni għat-trattament bil-kesħa estrema obbligatorju tal-frott kontra l-pesti f’konformità mar-Regolament ta’ Implimentazzjoni tal-Kummissjoni (UE) 2019/2072 (+++)
E 938	Argon	prodotti li joriġinaw mill-pjanti u mill-annimali
E 939	Elju	prodotti li joriġinaw mill-pjanti u mill-annimali
E 941/231-783-9	Nitroġenu	prodotti li joriġinaw mill-pjanti u mill-annimali	prodotti li joriġinaw mill-pjanti u mill-annimali
E 948	Ossiġenu	prodotti li joriġinaw mill-pjanti u mill-annimali
E 968*	Eritritol	prodotti li joriġinaw mill-pjanti u mill-annimali mill-produzzjoni organika mingħajr l-użu ta’ teknoloġija ta’ skambju ta’ joni biss
-/200-578-6	Etanol		prodotti li joriġinaw mill-pjanti u mill-annimali bħala solvent fuq il-primers tal-kristallizzazzjoni għall-produzzjoni taz-zokkor u/jew solvent ta’ estrazzjoni biss
-/200-580-7	Aċidu aċetiku		prodotti li joriġinaw mill-pjanti mill-produzzjoni organika, jekk disponibbli
-/200-580-7	Aċidu aċetiku		ħut mill-produzzjoni organika, jekk disponibbli
-/215-108-5	Bentonit		prodotti li joriġinaw mill-pjanti
-/215-108-5	Bentonit		idromel bħala aġent adeżiv biss
-/215-137-3	Idrossidu tal-kalċju		prodotti li joriġinaw mill-pjanti
-/231-595-7	Aċidu idrokloriku		ġelatina
-/231-595-7	Aċidu idrokloriku		Ġobnijiet Gouda, Edam u Maasdammer, Boerenkaas, Friese u Leidse Nagelkaas bħala regolamentazzjoni tal-pH tal-banju tas-salmura fl-ipproċessar tal-ġobnijiet biss
-/231-639-5	Aċidu sulfuriku		ġelatina
-/231-639-5	Aċidu sulfuriku		zokkor/zokkrijiet
-/231-765-0	Perossidu tal-idroġenu		ġelatina
-/232-554-6	Ġelatina		prodotti li joriġinaw mill-pjanti
-/232-555-1	Kaseina		prodotti li joriġinaw mill-pjanti
-/293-292-6	Isinglass		prodotti li joriġinaw mill-pjanti
-/931-328-0	Karbonju attiv		prodotti li joriġinaw mill-pjanti u mill-annimali
	Idrossidu tal-ammonju		ġelatina
	Fosfat tad-diammonju		inbejjed tal-frott, sidru, perry u idromel
	L(+)aċidu lattiku mill-fermentazzjoni		estratti tal-proteina tal-pjanti
	Kloridat tat-tijammina		inbejjed tal-frott, sidru, perry u idromel
	Materjal tal-art tad-diatomi		prodotti li joriġinaw mill-pjanti
	Materjal tal-art tad-diatomi		ġelatina
	Albumina tal-bajd		prodotti li joriġinaw mill-pjanti
	Estratt tal-ħops		prodotti li joriġinaw mill-pjanti mill-produzzjoni organika, jekk disponibbli għal finijiet antimikrobiċi biss
	Qxur tal-ġellewż		prodotti li joriġinaw mill-pjanti
	Perlit		prodotti li joriġinaw mill-pjanti
	Perlit		ġelatina
	Estratt tar-rożin tal-arżnu		prodotti li joriġinaw mill-pjanti mill-produzzjoni organika, jekk disponibbli għal finijiet antimikrobiċi biss
	Grixa tar-ross		prodotti li joriġinaw mill-pjanti
	Aċidu tanniku		prodotti li joriġinaw mill-pjanti bħala għajnuna għall-filtrazzjoni biss
	Żjut veġetali		prodotti li joriġinaw mill-pjanti u mill-annimali mill-produzzjoni organika biss bħala aġent tal-iggriżjar, tar-rilaxx jew kontra r-ragħwa biss
	Ħall		prodotti li joriġinaw mill-pjanti mill-produzzjoni organika biss
	Ħall		ħut mill- produzzjoni organika biss
	Ilma		prodotti li joriġinaw mill-pjanti u mill-annimali ilma maħsub għall-konsum mill-bniedem skont it-tifsira tad-Direttiva (UE) 2020/2184 tal-Parlament Ewropew u tal-Kunsill (++++)
	Fibra tal-injam		prodotti li joriġinaw mill-pjanti u mill-annimali is-sors tal-injam ippreparat għandu jkun ristrett għal injam iċċertifikat, mill-ħsad sostenibbli l-injam użat ma għandux ikun fih komponenti tossiċi (trattament ta’ wara l-ħsad, tossini li jfeġġu b’mod naturali jew tossini minn mikroorganiżmi)

(2)

fil-Parti C, fit-tabella tiżdied l-entrata li ġejja wara l-entrata “żjut veġetali”:

“Attivaturi tal-fermentazzjoni

nutrijenti mill-estratt jew mill-awtoliżat tal-ħmira

sa 5 % tas-substrat ikkalkulat skont il-piż ta’ materja niexfa”

(3)

fil-Parti D, it-tabella hija emendata kif ġej:

(a)

l-entrata “ħmira għall-produzzjoni tal-inbid” hija sostitwita b’dan li ġej:

“Ħmira għall-produzzjoni tal-inbid

Parti A, Tabella 2, punt 1.11

Parti A, Tabella 2, punt 9.1

għar-razez individwali tal-ħmira, organiċi jekk disponibbli”

(b)

l-entrata “batterji tal-aċidu lattiku” hija sostitwita b’dan li ġej:

“Batterji tal-aċidu lattiku

Parti A, Tabella 2, punt 1.12

Parti A, Tabella 2, punt 9.2”

(+) Inventarju Ewropew tas-Sustanzi Kimiċi Kummerċjali Eżistenti (ĠU C 146, 15.6.1990, p. 4).

(++) Il-kategoriji tal-ikel fil-Parti D tal-Anness II tar-Regolament (KE) Nru 1333/2008 tal-Parlament Ewropew u tal-Kunsill tas-16 ta’ Diċembru 2008 dwar l-addittivi tal-ikel (ĠU L 354, 31.12.2008, p. 16, ELI: http://data.europa.eu/eli/reg/2008/1333/oj).

(+++) Ir-Regolament ta’ Implimentazzjoni tal-Kummissjoni (UE) 2019/2072 tat-28 ta’ Novembru 2019 li jistabbilixxi l-kundizzjonijiet uniformi għall-implimentazzjoni tar-Regolament (UE) 2016/2031 tal-Parlament Ewropew u tal-Kunsill rigward il-miżuri protettivi kontra l-pesti tal-pjanti, u li jħassar ir-Regolament tal-Kummissjoni (KE) Nru 690/2008 u jemenda r-Regolament ta’ Implimentazzjoni tal-Kummissjoni (UE) 2018/2019 (ĠU L 319, 10.12.2019, p. 1, ELI: http://data.europa.eu/eli/reg_impl/2019/2072/oj).

(++++) Id-Direttiva (UE) 2020/2184 tal-Parlament Ewropew u tal-Kunsill tas-16 ta’ Diċembru 2020 dwar il-kwalità tal-ilma maħsub għall-konsum mill-bniedem (ĠU L 435, 23.12.2020, p. 1, ELI: http://data.europa.eu/eli/dir/2020/2184/oj).’;