|
(1)
|
L-entrati li ġejjin jiżdiedu taħt l-intestatura “A. Persuni fiżiċi”:
|
|
Isem
|
Informazzjoni ta' identifikazzjoni
|
Dikjarazzjoni tar-Raġunijiet
|
Data tal-elenkar
|
|
“17.
|
Alik Yuryevich KHUCHBAROV
Alik Yuryevich HUCHBAROV
Alik HUTŠBAROV
(bir-Russu: Алик Юрьевич ХУЧБАРОВ)
|
Funzjoni: operattiv tal-GRU
Data tat-twelid: 12.11.1992
Ċittadinanza: Russa, Estonjana
Sess: raġel
Numru ta' identifikazzjoni tat-taxxa: 601515903509
|
Alik Khuchbarov kien responsabbli għall-ippjanar u t-tħejjija ta' operazzjoni fl-Estonja, li ġabet ħsara lill-proprjetà ta' personaġġi pubbliċi li tkellmu kontra l-gwerra ta' aggressjoni Russa kontra l-Ukrajna, kif ukoll vandaliżmu fuq monumenti relatati mat-Tieni Gwerra Dinjija. Huwa u jagħmel dan, aġixxa taħt id-direzzjoni, fl-interessi u fuq it-talba tal-aġenzija tal-intelligence barranija militari (GRU) tar-Russja biex jimpjega awturi biex iwettqu l-attakki. L-attakki kienu mmirati lejn vetturi tal-Ministru għall-Intern tal-Estonja kif ukoll tal-kap editur ta' gazzetta bil-lingwa Russa. Is-servizzi tas-sigurtà tal-Estonja waqqfu attakki ulterjuri mmirati lejn personaġġi pubbliċi oħra. Barra minn hekk, diversi monumenti ta' tifkira fl-Estonja ġew vandalizzati, b'żebgħa mitfugħa u swastiki mpinġija fuqhom. L-għan tal-operazzjoni kien li toħloq biża', paniku u tensjoni fis-soċjetà Estonjana, u li tintimida lill-persuni li kkritikaw l-azzjonijiet u l-politiki tar-Russja. Għaldaqstant, Alik Khuchbarov huwa responsabbli għall-implimentazzjoni ta' azzjonijiet mill-Gvern tal-Federazzjoni Russa li jdgħajfu jew jheddu d-demokrazija, l-istat tad-dritt, l-istabbiltà jew is-sigurtà fi Stat Membru bl-ippjanar u t-tmexxija ta' atti ta' vjolenza, inkluż attivitajiet biex isikktu, jintimidaw, jisfurzaw, jew iwettqu tpattija kontra persuni li jikkritikaw l-azzjonijiet jew il-politika tal-Federazzjoni Russa.
|
20.5.2025
|
|
18.
|
Ilya Sergeevich BOCHAROV
Ilja BOTŠAROV
(bir-Russu: Илья Сергеевич БОЧАРОВ)
|
Funzjoni: operattiv tal-GRU
Data tat-twelid: 29.6.1991
Ċittadinanza: Russa
Numru ta' identifikazzjoni tat-taxxa: 561410364291
|
Ilya Bocharov kien responsabbli għall-ippjanar u t-tħejjija ta' operazzjoni fl-Estonja, li ġabet ħsara lill-proprjetà ta' personaġġi pubbliċi li tkellmu kontra l-gwerra ta' aggressjoni Russa kontra l-Ukrajna, kif ukoll vandaliżmu fuq monumenti relatati mat-Tieni Gwerra Dinjija. Huwa u jagħmel dan, aġixxa taħt id-direzzjoni, fl-interessi u fuq it-talba tal-aġenzija tal-intelligence barranija militari (GRU) tar-Russja biex jimpjega awturi biex iwettqu l-attakki. L-attakki kienu mmirati lejn vetturi tal-Ministru għall-Intern tal-Estonja kif ukoll tal-kap editur ta' gazzetta bil-lingwa Russa. Is-servizzi tas-sigurtà tal-Estonja waqqfu attakki ulterjuri mmirati lejn personaġġi pubbliċi oħra. Barra minn hekk, diversi monumenti ta' tifkira fl-Estonja ġew vandalizzati, b'żebgħa mitfugħa u swastiki mpinġija fuqhom. L-għan tal-operazzjoni kien li toħloq biża', paniku u tensjoni fis-soċjetà Estonjana, u li tintimida lill-persuni li kkritikaw l-azzjonijiet u l-politiki tar-Russja. Għalhekk, Ilya Bocharov huwa responsabbli għall-implimentazzjoni ta' azzjonijiet mill-Gvern tal-Federazzjoni Russa li jdgħajfu jew jheddu d-demokrazija, l-istat tad-dritt, l-istabbiltà jew is-sigurtà fi Stat Membru bl-ippjanar u t-tmexxija ta' atti ta' vjolenza, inkluż attivitajiet biex isikktu, jintimidaw, jisfurzaw jew iwettqu tpattija kontra persuni li jikkritikaw l-azzjonijiet jew il-politiki tal-Federazzjoni Russa.
|
20.5.2025
|
|
19.
|
Elena KOLBASNIKOVA
(bir-Russu: Елена КОЛБАСНИКОВА)
|
Ċittadinanza: Ukrena, Russa
Data tat-twelid: 20.3.1975
Post tat-twelid: Dnipro, USSR (issa Ukraine)
|
Elena Kolbasnikova hija ċittadina Russa b'rabtiet mill-qrib mar-Rossotrudnitschestwo, entità tal-istat Russu, u hija appoġġata finanzjarjament minnha. Kolbasnikova ħolqot strutturi politiċi mal-lemin estrem politiku antidemokratiku tal-Ġermanja b'appoġġ għad-destabbilizzazzjoni tal-Ukrajna mir-Russja. Ġiet ikkundannata għal diskors ta' mibegħda f'qorti tal-aħħar istanza wara li dgħajfet is-sovranità tal-Ukrajna u ddenunzjat l-istituzzjonijiet pubbliċi tal-Ġermanja. Għadhom għaddejjin investigazzjonijiet kriminali dwar l-appoġġ tagħha għas-separatisti fid-Donbas permezz ta' tagħmir militari, ġbir ta' fondi u għoti ta' għajnuna lill-gruppi separatisti. Barra minn hekk, Kolbasnikova ħeġġet vjolenza li twettqet minn żewġha kontra dimostranti, u organizzat carcades biex tintimida minorenni Ukreni li kienu qed ifittxu rifuġju fil-Ġermanja.
B'hekk hija tappoġġa azzjonijiet mill-Gvern tal-Federazzjoni Russa li jimminaw id-demokrazija, l-istat tad-dritt, l-istabbiltà jew is-sigurtà ta' Stat Membru u ta' pajjiż terz permezz ta' attivitajiet maħsuba biex idgħajfu l-proċess politiku demokratiku fil-Ġermanja. Hija tappoġġa wkoll azzjonijiet mill-Gvern tal-Federazzjoni Russa li jdgħajfu s-sigurtà ta' pajjiż terz (l-Ukrajna), billi tinstiga jew tiffaċilita kunflitt armat, permezz tal-appoġġ għal movimenti separatisti fl-Ukrajna.
Elena Kolbasnikova hija assoċjata ma' Rostislav Teslyuk, li huwa suġġett għal miżuri restrittivi.
|
20.5.2025
|
|
20.
|
Hüseyin DOGRU
|
Indirizz: Kavacık Mahallesi, Fatih Sultan Mehmet Caddesi, Tonoglu Block No.: 3, Beykoz, Istanbul, Turkey
Ċittadinanza: Torka
|
Hüseyin Doğru hu l-fundatur u rappreżentant ta' AFA Medya A.Ş. li hija kumpanija tal-media bbażata f'Istanbul. AFA Medya A.Ş. topera ‘RED’, li tikkonsisti f’diversi pjattaformi tal-midja, u ligħandha rabtiet finanzjarji u organizzattivi mill-qrib ma' entitajiet u atturi ta' propaganda tal-istat Russi, u rabtiet strutturali fil-fond, inkluż interkonnessjonijiet bejn membri tal-persunal individwali u rotazzjoni tagħhom ma' organizzazzjonijiet tal-media tal-istat Russi.
RED użat il-pjattaformi tagħha tal-media – spiss taħt l-isem ‘redstreamnet’ jew ‘thered.stream’ – biex ixerred sistematikament informazzjoni falza dwar suġġetti politikament kontroversjali bl-għan li toħloq inkwiet etniku, politiku u reliġjuż fost l-udjenza tagħha predominantement Ġermaniża, inkluż billi xxandar in-narrattivi ta' gruppi terroristiċi Iżlamiċi radikali bħall-Ħamas.
Waqt okkupazzjoni vjolenti ta' università Ġermaniża bi protesta kontra Iżrael, membri tal-persunal ta' RED ikkoordinaw mal-parteċipanti f'dan l-irvell biex ixandru xbihat tal-vandaliżmu tagħhom - li kienu jinkludu simboli tal-Ħamas - bl-użu tal-kanali online tagħhom, u b'hekk ipprovdewlhom pjattaforma esklużiva tal-media.
Għaldaqstant, Hüseyin Doğru jappoġġa permezz ta' AFA Medya azzjonijiet mill-Gvern tal-Federazzjoni Russa li jdgħajfu jew jheddu l-istabbiltà u s-sigurtà fl-Unjoni u fi Stat Membru inkluż billi indirettament jappoġġa u jiffaċiliilta dimostrazzjonijiet vjolenti u jieħu sehem f'manipulazzjoni ta' informazzjoni kkoordinata.
|
20.5.2025
|
|
21.
|
Yulia Sergeevna PROKHOROVA
(bir-Russu: Юлия Сергеевна ПРОХОРОВА)
|
Ċittadinanza: Russa
Data tat-twelid: 18.2.1992
Indirizz: Russia, United Arab Emirates.
Qabel Landshut, Bavaria, Germany
|
Yulia Prokhorova hija ċittadina Russa. Kienet residenti l-Ġermanja sal-2024. Hija ssostni kampanja fuq il-media soċjali fejn ħeġġet il-ħela intenzjonali tal-enerġija fil-Ġermanja, biex tipprova tappoġġa l-gwerra ta' aggressjoni tar-Russja. B'mod parallel, xerrdet miżinformazzjoni fil-media tal-istat Russi dwar il-provvista tal-enerġija, l-istat tad-dritt, u r-refuġjati Ukreni fil-Ġermanja.
Barra minn hekk, Yulia Prokhorova intimidat refuġjati Ukreni fl-Ewropa permezz ta' attakki pubbliċi u forom oħra ta' fastidju, li rrekordjat u xerrdet fuq l-internet.
B'hekk, Yulia Prokhorova tappoġġa azzjonijiet u politika tal-Gvern tal-Federazzjoni Russa li jdgħajfu jew jheddu d-demokrazija, l-istat tad-dritt, l-istabbiltà jew is-sigurtà fl-Unjoni jew fi Stat Membru bl-użu ta' manipulazzjoni ta' informazzjoni u interferenza kkoordinati u billi indirettament tappoġġa azzjonijiet immirati kontra attivitajiet ekonomiċi u servizzi ta' interess pubbliku.
|
20.5.2025
|
|
22.
|
Rostislav TESLYUK
(bir-Russu: Ростислав ТЕСЛЮК)
magħruf ukoll bħala
Max SCHLUND
(bir-Russu: Макс ШЛУНД)
|
Ċittadinanza: Russa
Data tat-twelid: 23.4.1982
Post tat-twelid: Moscow
Sess: raġel
|
Rostislav Teslyuk huwa ċittadin Russu b'rabtiet mill-qrib mar-Rossotrudnitschestwo, entità tal-istat Russu, u appoġġat finanzjarjament minnha. Rostislav Teslyuk ħoloq strutturi politiċi mal-lemin estrem politiku antidemokratiku tal-Ġermanja b'appoġġ għad-destabbilizzazzjoni tal-Ukrajna mir-Russja. Għadhom għaddejjin investigazzjonijiet kriminali dwar l-appoġġ tiegħu għas-separatisti fid-Donbas permezz ta' tagħmir militari. Rostislav Teslyuk wettaq atti vjolenti kontra dimostranti u organizza carcades biex jintimida minorenni Ukreni li kienu qed ifittxu rifuġju fil-Ġermanja.
B'hekk huwa jappoġġa azzjonijiet mill-Gvern tal-Federazzjoni Russa li jimminaw id-demokrazija, l-istat tad-dritt, l-istabbiltà jew is-sigurtà ta' Stat Membru u ta' pajjiż terz permezz ta' attivitajiet maħsuba biex idgħajfu l-proċess politiku demokratiku fil-Ġermanja u jiddestabbilizzaw l-Ukrajna, inkluż kampanji ta' ġbir ta' fondi għal gruppi separatisti u l-għoti ta' għajnuna lilhom. Huwa responsabbli wkoll għal azzjonijiet mill-Gvern tal-Federazzjoni Russa, li jdgħajfu s-sigurtà ta' pajjiż terz (l-Ukrajna) billi jinstiga jew jiffaċilita kunflitt armat, permezz tal-appoġġ tiegħu għal movimenti separatisti fl-Ukrajna.
Rostislav Teslyuk huwa assoċjat ma' Elena Kolbasnikova, li hija suġġetta għal miżuri restrittivi.
|
20.5.2025
|
|
23.
|
Alina LIPP
|
Funzjoni: korrispondent tal-gwerra
Data tat-twelid: 17.9.1993
Post tat-twelid: Hamburg
Ċittadinanza: Ġermaniża
Sess: mara
|
Alina Lipp tmexxi l-blog ‘Neues aus Russland’, li fiha xxerred sistematikament miżinformazzjoni dwar il-gwerra ta' aggressjoni Russa kontra l-Ukrajna, u tiddeleġittimizza l-gvern Ukren, speċjalment bil-ħsieb li timmanipula s-sentiment pubbliku Ġermaniż fir-rigward tal-appoġġ għall-Ukrajna.
Barra minn hekk, qed tuża r-rwol tagħha bħala korrispondent tal-gwerra mal-forzi armati Russi fil-Lvant tal-Ukrajna biex ixxerred propaganda tal-gwerra Russa. Tidher regolarment fi spettakli ta' intratteniment tat-truppi u ta' propaganda fuq il-kanal televiżiv militari Russu Zvezda.
B'hekk, Alina Lipp timplimenta u tappoġġa azzjonijiet mill-Gvern tal-Federazzjoni Russa li jdgħajfu jew jheddu s-sigurtà u l-istabbiltà fl-Unjoni u f'pajjiż terz bl-użu ta' manipulazzjoni ta' informazzjoni u interferenza kkoordinati, u billi tisfrutta konflitt armat f'pajjiż terz.
|
20.5.2025
|
|
24.
|
Viktor Volodymyrovych MEDVEDCHUK
(bir-Russu: Виктор Владимирович МЕДВЕДЧУК)
|
Funzjoni: Politiku, negozjant, de facto sid tal-media
Data tat-twelid: 7.8.1954
Post tat-twelid: Pochet, Krasnoyarskyi Krai, Russian SFSR, USSR
Ċittadinanza: Russa
Sess: raġel
Indirizz: Moscow
Identità tat-taxxa Ukrena (Код ДРФО): 1994214296 (void)
|
Viktor Medvedchuk huwa eks politiku u negozjant Ukren, li kien il-promotur ewlieni ta' politika favur ir-Russja fl-Ukrajna u li ppromwova politika u azzjonijiet maħsuba biex inawru l-kredibbiltà u l-leġittimità tal-Gvern tal-Ukrajna. Viktor Medvedchuk għandu rabtiet personali mill-qrib, u huwa assoċjat, mal-President tal-Federazzjoni Russa, Vladimir Putin.
Permezz tal-assoċjati tiegħu, inkluż Artem Marchevskyi, Viktor Medvedchuk ikkontrolla aġenziji tax-xandir Ukreni u użahom biex ixerred propaganda favur ir-Russja fl-Ukrajna u lil hinn minnha. Wara l-bidu tal-gwerra ta' aggressjoni tar-Russja kontra l-Ukrajna, Viktor Medvedchuk xerred narrattivi ta' propaganda Russa dwar il-gwerra, li dgħajfu s-sovranità tal-Ukrajna. Għal dak l-għan, f'April 2023, Victor Medvedchuk waqqaf moviment politiku fir-Russju msejjaħ ‘Anthea Ukraine’ (‘Ukrajna Oħra’).
Mal-assoċjati u l-entitajiet assoċjati tiegħu, inkluż Artem Marchevskyi u l-istazzjon tax-xandir Voice of Europe, u f'koordinazzjoni mill-qrib mal-awtoritajiet Russi, Viktor Medvedchuk kompla jiffinanzja u jwettaq operazzjonijiet ta' influwenza mmirati lejn partiti politiċi u politiċi individwali fl-Ewropa. Dawk l-attivitajiet kellhom l-għan li jappoġġaw l-interessi tal-politika barranija tal-Federazzjoni Russa u jifirxu l-influwenza tagħha, inkluż qabel l-elezzjonijiet għall-Parlament Ewropew tal-2024. Dawk l-attivitajiet kienu jinkludu l-għoti ta' riżorsi finanzjarji lil atturi politiċi individwali fl-Ewropa, inkluż kandidati magħżula fl-elezzjonijiet għall-Parlament Ewropew, u għal kooperazzjoni ma' ġurnalisti. Viktor Medvedchuk mexxa u żamm kontroll fuq l-attivitajiet malinni ta' Artem Marchevskyi u l-Voice of Europe, bl-użu tat-tmexxija de facto tal-Voice of Europe minn Artem Marchevskyi.
Għaldaqstant, Viktor Medvedchuk huwa responsabbli għall-implimentazzjoni, l-appoġġ jew il-kisba ta' benefiċċju minn azzjonijiet jew politika tal-Gvern tal-Federazzjoni Russa li jdgħajfu jew jheddu d-demokrazija u l-istabbiltà fl-Unjoni u f'pajjiż terz, u li jdgħajfu s-sovranità jew l-indipendenza ta' diversi Stati Membri tagħha u tal-Ukrajna, permezz tal-ippjanar, it-tmexxija, it-twettiq jew faċilitazzjoni b'xi mod ieħor tal-ostruzzjoni jew l-imminar tal-proċess politiku demokratiku, inkluż l-elezzjonijiet għall-Parlament Ewropew tal-2024, u bl-ippjanar, it-tmexxija u t-twettiq ta' manipulazzjoni ta' informazzjoni u interferenza kkoordinati.
|
20.5.2025
|
|
25.
|
Artem Pavlovich MARCHEVSKYI
Artem Pavlovich MARCHEVSKIJ
Artem Pavlovich MARCHEVSKIY
Artěm Pavlovič MARČEVSKIJ
Артем Павлович МАРЧЕВСЬКИЙ
Артем Павлович МАРЧЕВСКИЙ
|
Funzjoni: Politiku, produttur tax-xandir, propagandist
Data tat-twelid: 5.7.1988
Post tat-twelid: Kyiv, Ukrainian SFSR, USSR
Ċittadinanza: Ukrena, Iżraeljana
Sess: raġel
Indirizz: Hovorčovická 1079, 250 65 Líbeznice, Czech Republic
Identità tat-taxxa Ukrena (Код ДРФО): 3232824038
|
Artem Marchevskyi huwa eks politiku Ukren assoċjat mill-qrib ma' Viktor Medvedchuk, eks politiku u negozjant Ukren b'rabtiet mill-qrib mal-Gvern tal-Federazzjoni Russa. Bis-saħħa tal-pożizzjoni tiegħu fil-partit pro-Russu ‘Opposition Platform – For Life’ u fuq stazzjon televiżiv involut fi propaganda favur ir-Russja, Artem Marchevskyi appoġġa u pprovda assistenza lil Viktor Medvedchuk mill-2018 sal-2021. Artem Marchevskyi u Viktor Medvedchuk komplew jikkoordinaw wara li t-tnejn li huma ħallew l-Ukrajna wara l-invażjoni Russa fl-2022, b'Viktor Medvedchuk imexxi u jikkontrolla l-attivitajiet ta' Artem Marchevskyi li jiffaċilitaw il-bini tan-network ta' influwenza ta' Medvedchuk fl-Unjoni u fl-Istati Membri tagħha.
Artem Marchevskyi kellu rwol strumentali fit-tixrid miftiehem ta' diżinformazzjoni u narrattivi żbilanċjati mmirati biex jappoġġaw l-interessi tal-politika barranija tal-Federazzjoni Russa u fit-tixrid tal-influwenza tagħha, inkluż qabel l-elezzjonijiet għall-Parlament Ewropew tal-2024, billi jdgħajfu l-kredibbiltà u l-immaġini pubblika tal-Ukrajna u l-isforzi tagħha biex tiddefendi ruħha mill-gwerra ta' aggressjoni tar-Russja. Artem Marchevskyi kellu rwol ewlieni fl-akkwist tal-marka tax-xandir Voice of Europe u l-inkorporazzjoni tal-attività tagħha f'kumpanija tal-istess isem. Bħala l-kap mistur tal-‘Voice of Europe’, Artem Marchevskyi uża l-kumpanija biex jgħaddi riżorsi finanzjarji assenjati għall-ħlas lil propagandisti, u biex jibni network ta' influwenza li tikkollega lil Medvedchuk u l-assoċjati tiegħu ma' rappreżentanti ta' partiti politiċi fl-Ewropa.
Għaldaqstant, Artem Marchevskyi huwa responsabbli għall-implimentazzjoni, appoġġ għal u li jibbenefika minn azzjonijiet jew mill-politika tal-Gvern tal-Federazzjoni Russa li jdgħajfu jew jheddu d-demokrazija u l-istabbiltà fl-Unjoni u fl-Ukrajna, u li jdgħajfu s-sovranità jew l-indipendenza ta' diversi Stati Membri tagħha u tal-Ukrajna, permezz tat-twettiq jew faċilitazzjoni b'xi mod ieħor tal-ostruzzjoni jew l-imminar tal-proċess politiku demokratiku u bl-ippjanar, it-tmexxija u t-twettiq ta' manipulazzjoni ta' informazzjoni u interferenza kkoordinati.
|
20.5.2025
|
|
26.
|
Natallia SUDLIANKOVA
Natallia SUDLENKOVÁ (ŠEVKOVÁ)
Natalia SUDLENKOVÁ
Natalia SUDLIANKOVÁ (ŠEVKOVÁ)
Natalija SUDLIANKOVÁ (ŠEVKOVÁ)
Наталья СУДЛЕНКОВА (ШЕВКО)
Psewdonimu:
Natalyia KORNELYUK
Наталья КОРНЕЛЮК
|
Funzjoni: Ġurnalista, Konsulent tal-Media u tar-Relazzjonijiet Pubbliċi, Koordinatriċi
Data tat-twelid: 9.6.1964
Post tat-twelid: Belarus
Ċittadinanza: Belarussa
Sess: mara
Indirizz: Borovanského 2381/22, 155 00 Prague, Czech Republic
Dokumenti tal-identità: Dokument tal-ivvjaġġar: U0002974, validu sat-18.3.2031
Permess ta' residenza: 001631077, validu sat-13.3.2034
|
Natallia Sudliankova hija ġurnalista u konsulent tal-media u tar-relazzjonijiet pubbliċi li kienet qed tipproduċi prodotti għall-media magħmulin apposta li kien fihom il-manipulazzjoni tal-informazzjoni u t-tixrid ta' narrattivi qarrieqa bl-għan li tappoġġa l-interessi tal-politika barranija tal-Federazzjoni Russa u bl-għan li ddgħajjef il-fiduċja pubblika lejn il-valuri u l-proċessi demokratiċi nazzjonali taċ-Ċekja u tal-Unjoni Ewropea. Sudliankova kienet qed tirċievi missjonijiet fuq perjodu ta' żmien twil u ngħatat rikumpens finanzjarju.
Hija taqdi rwol sinifikanti fl-ippjanar u t-tmexxija ta' manipulazzjoni koordinata tal-informazzjoni mmirata lejn il-pubbliku fir-Repubblika Ċeka u fi Stati Membri oħra, u tikkoopera ma' entitajiet statali Russi (Rosatom, Pravfond), entitajiet li jirrappreżentaw l-interessi tal-Federazzjoni Russa (Immortal Regiment of Russia), u Alexej Nikolayevich Shavrov, uffiċjal tad-Direttorat Ewlieni tal-Istat Maġġur tal-Forzi Armati tal-Federazzjoni Russa (GRU). Sudliankova kellha rwol attiv fl-iskreditar tal-politika tas-sanzjonijiet tal-Unjoni Ewropea billi użat kontenut li jiffavorixxi l-interessi tal-Gvern tal-Federazzjoni Russa.
Għaldaqstant, Natallia Sudliankova kienet qed timplimenta u tappoġġa azzjonijiet jew politiki mill-Gvern tal-Federazzjoni Russa li jdgħajfu jew jheddu d-demokrazija u l-istabbiltà fl-Unjoni u fl-Ukrajna, u li jdgħajfu s-sovranità jew l-indipendenza ta' bosta Stati Membri tagħha u tal-Ukrajna, permezz tal-ippjanar, it-tmexxija u l-involviment fl-użu ta' manipulazzjoni koordinata tal-informazzjoni.
|
20.5.2025
|
|
27.
|
Iurie NECULITI
(bir-Russu: Юрие НЕКУЛИТИ)
|
Funzjoni: Uffiċjal kap eżekuttiv ta' Stark Industries
Ċittadinanza: Republic of Moldova
Sess: raġel
Indirizz: 71-75 Shelton Street, Covent Garden, London, United Kingdom; Chisinau, Republic of Moldova
Post tat-twelid: Bender, Republic of Moldova
|
Iurie Neculiti huwa l-uffiċjal kap eżekuttiv ta' Stark Industries Solutions Ltd., servizz tal-hosting tal-web irreġistrat bħala kumpanija maildrop fir-Renju Unit. Il-kumpanija tipprovdi hosting ta' servers, b'servers madwar id-dinja kollha.
Il-kumpanija Stark tippermetti lil diversi atturi sponsorizzati mill-istat Russu u affiljati miegħu jwettqu attivitajiet destabilizzanti inkluż manipulazzjoni tal-informazzjoni u interferenza kkoordinati u ċiberattakki kontra l-Unjoni u pajjiżi terzi billi tipprovdi servizzi maħsuba biex jaħbu dawn l-attivitajiet mill-aġenziji tal-infurzar tal-liġi u tas-sigurtà Ewropej.
Għaldaqstant, bħala uffiċjal kap eżekuttiv ta' Stark Industries Solutions Ltd., Neculiti qed jappoġġa azzjonijiet mill-Gvern tal-Federazzjoni Russa li jheddu d-demokrazija u l-istat tad-dritt, l-istabbiltà jew is-sigurtà fl-Unjoni, f'wieħed mill-Istati Membri tagħha u f'pajjiż terz, billi jiffaċilita l-użu ta' manipulazzjoni tal-informazzjoni u interferenza kkoordinati u billi jiffaċilita azzjonijiet immirati kontra l-funzjonament ta' istituzzjonijiet demokratiċi, attivitajiet ekonomiċi jew servizzi ta' interess pubbliku.
Iurie Neculiti huwa assoċjat ma' Ivan Neculiti u ma' Stark Industries.
|
20.5.2025
|
|
28.
|
Ivan NECULITI
(bir-Russu: Иван НЕКУЛИТИ)
|
Funzjoni: Uffiċjal kap eżekuttiv ta' Stark Industries u ta' PQ Hosting
Ċittadinanza: Repubblika tal-Moldova
Sess: raġel
Indirizz: 71-75 Shelton Street, Covent Garden, London, United Kingdom; Chisinau, Republic of Moldova
Post tat-twelid: Bender, Moldova
|
Ivan Neculiti huwa s-CEO ta' Stark Industries Solutions Ltd., servizz tal-hosting tal-web irreġistrat bħala kumpanija maildrop fir-Renju Unit. Il-kumpanija tipprovdi hosting ta' servers b'servers madwar id-dinja kollha.
Il-kumpanija Stark tippermetti lil diversi atturi sponsorizzati mill-istat Russu u affiljati miegħu jwettqu attivitajiet destabilizzanti, inkluż manipulazzjoni tal-informazzjoni u interferenza kkoordinati u ċiberattakki kontra l-Unjoni u pajjiżi terzi billi tipprovdi servizzi maħsuba biex jaħbu dawn l-attivitajiet mill-aġenziji tal-infurzar tal-liġi u tas-sigurtà Ewropej.
Ivan Neculiti huwa assoċjat ma' Iurie Neculiti u ma' Stark Industries.
Għaldaqstant, bħala s-CEO ta' Stark Industries Solutions Ltd., Neculiti qed jappoġġa azzjonijiet mill-Gvern tal-Federazzjoni Russa li jheddu d-demokrazija u l-istat tad-dritt, l-istabbiltà jew is-sigurtà fl-Unjoni, f'wieħed mill-Istati Membri tagħha u f'pajjiż terz, billi jiffaċilita l-użu ta' manipulazzjoni tal-informazzjoni u interferenza kkoordinati u billi jiffaċilita azzjonijiet immirati kontra l-funzjonament ta' istituzzjonijiet demokratiċi, attivitajiet ekonomiċi jew servizzi ta' interess pubbliku.
|
20.5.2025
|
|
29.
|
Andrei KHARKOVSKY
(bir-Russu: Андрей ХАРКОВСКИЙ)
|
Funzjoni: Membru ewlieni tal-Union of Cossack Warriors of Russia and Abroad
Ċittadinanza: Russa
Post tat-twelid: Tomsk Region, Russia
Sess: raġel
Indirizz: Germany
|
Andrei Kharkovsky huwa ċittadin Russu li jgħix il-Ġermanja. Fil-Ġermanja, Kharkovsky jaġixxi bħala rappreżentant tal-Union of Cossack Warriors of Russia and Abroad inkluż billi jorganizza laqgħat ta' stil militari għall-membri tagħha. Il-Union of Cossack Warriors of Russia and Abroad hija entità marbuta mal-Gvern tal-Federazzjoni Russa, u li tieħu sehem fil-gwerra ta' aggressjoni u fl-atti ta' vjolenza tar-Russja fl-Ukrajna b'appoġġ għas-separatisti favur ir-Russa taħt il-premessa ta' ‘missjoni storika’ biex jerġa' jiġi stabbilit il-kontroll Russu fin-Nofsinhar u fil-Lvant tal-Ukrajna.
Andrei Kharkovsky għaldaqstant qed jappoġġa azzjonijiet tal-Gvern tal-Federazzjoni Russa li jdgħajfu s-sovranità u s-sigurtà tal-Ukrajna billi jipprova jwaqqa' l-ordni kostituzzjonali tal-Ukrajna.
|
20.5.2025
|
|
30.
|
Anatoli Yurevich ABRAMOV
Anatoly Yurievich ABRAMOV
(bir-Russu: Анатолий Юрьевич АБРАМОВ)
|
Funzjoni: Direttur tal-fergħa tal-General Radio Frequency Centre fid-Distrett Federali tal-Majjistral
Ċittadinanza: Russa
Sess: raġel
|
Anatoly Abramov huwa d-direttur tal-fergħa tal-General Radio Frequency Centre fid-Distrett Federali tal-Majjistral. Il-kapijiet tal-fergħa jinħatru u jitkeċċew mid-Direttur tal-GRFC bi qbil ma' Roskomnadzor, u jaġixxu f'isem il-GRFC.
Huwa jissorvelja l-użu ta' frekwenzi tar-radju u tagħmir fir-reġjun ta' Kaliningrad.
Dan l-aħħar, irriżulta li l-problemi tas-sinjali tal-GPS f'bosta pajjiżi Ewropej ġejjin minn attivitajiet ta' gwerra elettronika minn Kaliningrad, inkluż disturbazzjoni u spoofing ta' sinjali tal-GPS li jaffettwaw l-aktar lill-Istati Baltiċi. Dawn l-attivitajiet fixklu l-avjazzjoni ċivili. L-approvazzjoni tal-GRFC hija parti minn proċess b'erba' passi li l-entitajiet huma meħtieġa jissodisfaw biex jiksbu permess għall-użu tal-ispettru tal-frekwenza tar-radju. L-għarfien tal-GRFC huwa pass meħtieġ qabel ma jittieħdu passi oħra fil-proċess.
Għaldaqstant, Anatoly Abramov huwa responsabbli li ppjana, idderieġa, kien involut fi, direttament jew indirettament, appoġġa jew iffaċilita b'xi mod ieħor azzjonijiet jew politiki mill-Gvern tal-Federazzjoni Russa li jdgħajfu jew jheddu l-istabbiltà jew is-sigurtà fl-Unjoni jew f'bosta Stati Membri tagħha bl-involviment f'azzjonijiet li għandhom fil-mira tagħhom il-funzjonament tal-infrastruttura kritika.
|
20.5.2025
|
|
31.
|
Ruslan Vasilyevich NESTERENKO
Ruslan Vasilievich NESTERENKO
(bir-Russu: Руслан Васильевич НЕСТЕРЕНКО)
|
Funzjoni: Aġent Direttur Ġenerali tal-GRFC
Ċittadinanza: Russa
Sess: raġel
|
Ruslan Nesterenko huwa l-aġent direttur ġenerali tal-General Radio Frequency Centre (GRFC). Huwa jissorvelja l-użu ta' frekwenzi tar-radju u jaċċerta li jkun hemm konformità mal-leġiżlazzjoni.
Dan l-aħħar, irriżulta li l-problemi tas-sinjali tal-GPS f'bosta pajjiżi Ewropej ġejjin minn attivitajiet ta' gwerra elettronika minn Kaliningrad, ir-Russja, inkluż disturbazzjoni u spoofing ta' sinjali tal-GPS li affettwaw l-aktar lill-Istati Baltiċi u fixklu l-avjazzjoni ċivili. L-approvazzjoni tal-GRFC hija parti minn proċess b'erba' passi li l-entitajiet huma meħtieġa jissodisfaw biex jiksbu permess għall-użu tal-ispettru tal-frekwenza tar-radju. L-għarfien tal-GRFC huwa pass meħtieġ qabel ma jittieħdu passi oħra fil-proċess.
Taħt it-tmexxija ta' Nesterenko, il-GRFC hija involuta fl-ippjanar u fl-appoġġ ta' manipulazzjoni tal-informazzjoni u interferenza koordinati li jolqtu l-Istati Membri tal-Unjoni. Skont il-Karta GRFC, id-direttur ġenerali jirrappreżenta l-interessi tal-intrapriża fir-Russja u lil hinn mill-fruntieri tagħha.
Għaldaqstant, Ruslan Nesterenko huwa responsabbli li ppjana, idderieġa, kien involut fi, direttament jew indirettament, appoġġa jew iffaċilita b'xi mod ieħor azzjonijiet jew politiki mill-Gvern tal-Federazzjoni Russa li jdgħajfu jew jheddu l-istabbiltà jew is-sigurtà fl-Unjoni jew f'bosta Stati Membri tagħha bl-involviment f'azzjonijiet li għandhom fil-mira tagħhom il-funzjonament tal-infrastruttura kritika.
|
20.5.2025
|
|
32.
|
Viktor Aleksandrovitch LUKOVENKO
(bir-Russu: Виктор Александрович ЛУКОВЕНКО)
magħruf ukoll bħala
Viktor VASILEV
(bir-Russu: Виктор ВАСИЛЬЕВ)
|
Funzjoni: Kap tal-aġenzija tal-aħbarijiet ‘African Initiative’
Data tat-twelid: 6.4.1985
Ċittadinanza: Użbeka
Sess: raġel
|
Viktor Lukovenko ilu diversi snin attiv fil-kontinent Afrikan, qabel bħala membru tal-Wagner Group u issa bħala l-kap tal-aġenzija tal-aħbarijiet ‘African Initiative’. Huwa involut fit-tixrid ta' propaganda Russa fil-kontinent. Huwa marbut ma' personaġġi magħrufin sew tal-propaganda Russa fl-Afrika, bħal Kemi Seba. Barra minn hekk, Viktor Lukovenko intbagħat l-Ukrajna fl-2022 qabel il-gwerra, taħt is-superviżjoni ta' kurunell tal-GRU, sabiex jirrekluta simpatizzanti favur ir-Russja.
Għaldaqstant, Viktor Lukovenko huwa responsabbli għall-implimentazzjoni, l-appoġġ jew il-benefiċċju minn azzjonijiet jew politiki mill-Gvern tal-Federazzjoni Russa li jdgħajfu jew jheddu d-demokrazija, l-istat tad-dritt, l-istabbiltà jew is-sigurtà tal-Unjoni, billi jippjana, jidderieġi, jinvolvi ruħu, direttament u indirettament fi, jappoġġa u jiffaċilita l-użu ta' manipulazzjoni tal-informazzjoni u interferenza kkoordinati.
|
20.5.2025
|
|
33.
|
Oleg Anatoliyovych VOLOSHIN
(bl-Ukren: Олег Анатолійович Волошин;
bir-Russu:Олег Анатольевич Волошин)
|
Ċittadinanza: Russa
Data tat-twelid: 7.4.1981
Post tat-twelid: Nikolaev, USSR (issa Ukraine)
Nru tal-passaport: ET870130
Nru tal-ID: 1981040705733; 2968200719
Sess: raġel
|
Oleg Voloshin huwa eks membru tal-parlament Ukren u membru tal-partit politiku favur ir-Russja Opposition Platform for Life (OPFL). Jagħmel parti min-network responsabbli għal ‘Voice of Europe’ u huwa attiv fuq Golos.eu u PolitWera, it-tnejn li huma pjattaformi li jxerrdu diżinformazzjoni u narrattivi favur ir-Russja. Kien involut f'pagamenti ta' tixħim li saru lil politiċi tal-Punent.
Oleg Voloshin uża l-pożizzjoni tiegħu bħala delegat Ukren għall-Assemblea Parlamentari tal-Kunsill tal-Ewropa (2019-2023) biex jimplimenta l-istrateġija ta' interferenza Russa fl-Ewropa mmexxija mill-oligark favur ir-Russja Viktor Medvedchuk, li jmexxi l-OPFL.
B'mod partikolari, Voloshin ippromwova l-‘pjan ta' paċi’ għall-Ukrajna ta' Medvedchuk, li huwa marbut man-narrattiva Russa dwar il-gwerra ta' aggressjoni tar-Russja. Sabiex jikseb l-appoġġ tar-rappreżentanti eletti Ewropej għall-kawża tiegħu, huwa organizza konferenzi ma' membri parlamentari Franċiżi u Ġermaniżi, li fihom argumenta li l-‘format tan-Normandija’ (Franza, il-Ġermanja, l-Ukrajna, ir-Russja) għandu hekk imsejħa dimensjoni parlamentari li ma taqa' taħt ebda qafas uffiċjali. L-aktar avvenimenti reċenti ġie organizzat minn Voloshin fis-Senat Franċiż fil-11 ta' Frar 2022 (‘Peace process in Ukraine: how to break the deadlock’), ftit jiem qabel l-invażjoni tal-Ukrajna mill-armata Russa.
B’hekk, Oleg Voloshin huwa responsabbli għall-implimentazzjoni, l-appoġġ jew il-benefiċċju minn azzjonijiet jew politiki mill-Gvern tal-Federazzjoni Russa li jdgħajfu jew jheddu d-demokrazija, l-istat tad-dritt, l-istabbiltà jew is-sigurtà tal-Unjoni u tal-Istati Membri tagħha, inkluż il-Ġermanja, billi jippjana, jidderieġi, jinvolvi ruħu, direttament u indirettament fi, it-tfixkil u l-imminar tal-proċess politiku demokratiku.
|
20.5.2025
|
|
34.
|
Justine Blaise TAGOUH
(bir-Russu: Жюстин Блез ТАГУ)
|
Funzjoni: CEO tal-grupp tal-istampa International Afrique Media (IAM), li jinkludi l-istazzjon televiżiv Afrique Média, l-analiżi tal-istampa IAM u Courrier Confidentiel
Data tat-twelid: 1959
Sess: raġel
|
Justin Tagouh huwa s-CEO tal-grupp tal-istampa International Africa Media. Dan il-grupp tal-media għandu rabtiet diretti mal-awtoritajiet Russi, u jxerred in-narrattiva Russa u n-narrattiva kontra l-Punent fil-pajjiżi Afrikani.
Justin Tagouh huwa għaldaqstant responsabbli għall-implimentazzjoni, l-appoġġ u l-benefiċċju minn azzjonijiet jew politiki tal-Gvern tal-Federazzjoni Russa li jdgħajfu jew jheddu d-demokrazija, l-istat tad-dritt, l-istabbiltà jew is-sigurtà tal-Unjoni u ta' bosta Stati Membri tagħha billi jippjana, jidderieġi, jinvolvi ruħu, direttament jew indirettament fi, jappoġġa jew jiffaċilita b'xi mod ieħor l-użu ta' manipulazzjoni tal-informazzjoni u interferenza kkoordinati.
|
20.5.2025
|
|
35.
|
Mikhaïl Mikhaïlovich PRUDNIKOV
‘Micha’
(bir-Russu: Михаил Михайлович Прудников)
|
Funzjoni: Membru ta' Africa Politology, entità responsabbli għad-diżinformazzjoni u l-propoganda Russa fir-Repubblika Ċentru-Afrikana
Post tat-twelid: Tambov Oblast
Ċittadinanza: Russa
Sess: raġel
|
Mikhaïl Prudnikov huwa attivist favur id-diżinformazzjoni Russa li jopera fir-Repubblika Ċentru-Afrikana (RĊA) li għandu rabtiet mill-qrib mad-dinja ta' Wagner u l-kampanja ta' diżinformazzjoni li qed issir fir-RĊA minn diversi gazzetti u networks. B'mod partikolari, żviluppa narrattiva kontra l-pajjiżi tal-Punent u pparteċipa f'azzjonijiet ta' komunikazzjoni biex idgħajjef u jhedded ir-reputazzjoni tal-Unjoni fir-RĊA.
Mikhaïl Prudnikov huwa għaldaqstant responsabbli għall-implimentazzjoni, l-appoġġ u l-benefiċċju minn azzjonijiet jew politiki mill-Gvern tal-Federazzjoni Russa li jdgħajfu jew jheddu d-demokrazija, l-istat tad-dritt, l-istabbiltà jew is-sigurtà tal-Unjoni, f'bosta Stati Membri tagħha billi jippjana, jidderieġi, jinvolvi ruħu, direttament jew indirettament fi, jappoġġa jew jiffaċilita b'xi mod ieħor l-użu ta' manipulazzjoni tal-informazzjoni u interferenza kkoordinati.
|
20.5.2025
|
|
36.
|
Sylvain AFOUA
(bir-Russu: Сильвен АФУА)
magħruf ukoll bħala
Egountchi BEHANZIN
(bir-Russu: Эгунчи БЕХАНЗИН)
|
Funzjoni: Fundatur tal-grupp pan-Afrikan ‘Ligue de défense noire Africaine’ (LDNA).; influwenzatur/attivist magħruf taħt il-psewdonimu ‘Egountchi Behanzin’
Data tat-twelid: 5.11.1988
Post tat-twelid: Madjikpeto, Togo
Ċittadinanza: Franċiża, Togoliża
Sess: raġel
Indirizz: 61 Avenue D'Alfortville 94600 Choisy-le-Roi; 1 Résidence des Avelines 91940 Les Ulis
Numru tat-telefown: 0762655132 / 0753721831
Sit web: www.egountchibehanzin.com
|
Sylvain Afoua huwa attivist kontra l-Punent, fundatur tal-‘Ligue de défense noire Africaine’ (LDNA) ‘Black African Defence League’, grupp involut f'attakki bi sparar fuq it-territorju Franċiż. L-istruttura ġiet xolta fid-29 ta' Settembru 2021 b'digriet ministerjali Franċiż talli xerrdet ideoloġija li tippromwovi l-mibegħda, id-diskriminazzjoni u l-vjolenza. Sylvain Afoua ixerred narrattivi u miżinformazzjoni Russi dwar il-gwerra ta' aggressjoni kontra l-Ukrajna, li jwettaq b'mod partikolari fil-kontinent Afrikan. Il-messaġġ tiegħu huwa trażmess permezz ta' networks soċjali u s-sit web tal-assoċjazzjoni tiegħu. Regolarment jiġi mistieden fil-fora Russi u barra minn hekk huwa marbut finanzjarjament ma' Wagner Group.
Sylvain Afoua huwa għaldaqstant responsabbli għall-implimentazzjoni, l-appoġġ u l-benefiċċju minn azzjonijiet jew politiki mill-Gvern tal-Federazzjoni Russa li jdgħajfu jew jheddu d-demokrazija, l-istat tad-dritt, l-istabbiltà jew is-sigurtà tal-Unjoni, f'bosta Stati Membri tagħha billi jippjana, jidderieġi, jinvolvi ruħu, direttament jew indirettament fi, jappoġġa jew jiffaċilita b'xi mod ieħor l-użu ta' manipulazzjoni tal-informazzjoni u interferenza kkoordinati.
|
20.5.2025
|
|
37.
|
Thomas RÖPER
(bir-Russu: Томас Рёпер)
|
Funzjoni: korrispondent tal-gwerra
Data tat-twelid: 26.11.1971
Post tat-twelid: Bremen
Ċittadinanza: Ġermaniża
Sess: raġel
|
Thomas Röper huwa blogger Ġermaniż. Permezz tan-network tiegħu ta' mezzi online bl-isem ‘Anti-Spiegel’ huwa jxerred sistematikament miżinformazzjoni dwar il-gwerra ta' aggressjoni tar-Russja kontra l-Ukrajna u jiddeleġittimizza l-gvern Ukren, speċjalment bil-ħsieb li jimmanipula s-sentiment pubbliku Ġermaniż fir-rigward tal-appoġġ lill-Ukrajna.
Barra minn hekk, jilleġittima l-annessjoni illegali mir-Russja tat-territorju Ukren billi jaqdi r-rwol ta' ‘osservatur’ elettorali u jipparteċipa f'kampanja li tippromwovi r-referendum illegali tar-Russja dwar is-seċessjoni tat-territorji okkupati Russi mill-Ukrajna. Barra minn hekk hu serva bħala kelliem għall-Gvern tal-Federazzjoni Russa biex ixerred narrattivi ta' propoganda Russa, inkluż fil-forum Arria tan-NU.
Thomas Röper huwa għaldaqstant involut fl-użu ta' manipulazzjoni tal-informazzjoni u interferenza kkoordinati u fl-appoġġ tagħhom, kif ukoll jiffaċilita kunflitt armat f'pajjiż terz. Huwa assoċjat ukoll ma' Alina Lipp.
|
20.5.2025”;
|
|
