Wara l-firma fit-23 ta’ Lulju 2024, l-Unjoni Ewropea u r-Repubblika ta’ Cabo Verde innotifikaw, fl-14 ta’ April 2025 u fit-12 ta’ Marzu 2025 rispettivament, li kienu ffinalizzaw il-proċeduri interni tagħhom biex jikkonkludu l-Protokoll ta’ implimentazzjoni.

Għalhekk, il-Protokoll li jimplimenta l-Ftehim ta’ Sħubija fis-Settur tas-Sajd bejn il-Komunità Ewropea u r-Repubblika ta’ Cabo Verde jidħol fis-seħħ fl-14 ta’ April 2025 skont l-Artikolu 18(1) tal-Protokoll.