REGOLAMENT TA’ IMPLIMENTAZZJONI TAL-KUNSILL (UE) 2025/689
tal-4 ta’ April 2025
li jimplimenta r-Regolament (UE) Nru 359/2011 dwar miżuri restrittivi diretti kontra ċerti persuni, entitajiet u korpi fil-kuntest tas-sitwazzjoni fl-Iran
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (UE) Nru 359/2011 tat-12 ta’ April 2011 dwar miżuri restrittivi diretti kontra ċerti persuni, entitajiet u korpi fil-kuntest tas-sitwazzjoni fl-Iran (1), u b’mod partikolari l-Artikolu 12(1) tiegħu,
Wara li kkunsidra l-proposta tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
(1)
Fit-12 ta’ April 2011, il-Kunsill adotta r-Regolament (UE) Nru 359/2011.
(2)
Abbażi ta’ rieżami tad-Deċiżjoni tal-Kunsill 2011/235/PESK (2), il-Kunsill jikkunsidra li jenħtieġ li l-miżuri restrittivi stipulati fiha jiġġeddu sat-13 ta’ April 2026.
(3)
Il-Kunsill ikkonkluda li jenħtieġ li l-entrati li jikkonċernaw żewġ persuni mniżżla fl-Anness I tar-Regolament (UE) Nru 359/2011 jitneħħew u li jenħtieġ li l-entrati li jikkonċernaw 20 persuna jiġu aġġornati.
(4)
Għalhekk jenħtieġ li l-Anness I tar-Regolament (UE) Nru 359/2011 jiġi emendat skont dan,
ADOTTA DAN IR-REGOLAMENT:
Artikolu 1
L-Anness I tar-Regolament (UE) Nru 359/2011 huwa emendat f’konformità mal-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
L-Anness I tar-Regolament (UE) Nru 359/2011 (“Lista ta’ persuni fiżiċi u ġuridiċi, entitajiet u korpi msemmija fl-Artikolu 2(1)”) huwa emendat kif ġej:
(1)
fil-lista intitolata “Persuni”, jitħassru l-entrati 68 (dwar RAMIN Mohammad-Ali) u 169 (dwar NILFRUSHAN Abbas Mortaza);
(2)
fil-lista intitolata “Persuni”, l-entrati għall-20 persuna li ġejjin huma sostitwiti b’dan li ġej:
Persuni
Isem
Informazzjoni ta’ identifikazzjoni
Raġunijiet
Data tal-elenkar
“23.
PIR-ABASSI Abbas
Sess: raġel
Funzjoni: Imħallef fil-Kumpless Ġudizzjarju ta’ Shahid Muftah; eks maġistrat ta’ awla kriminali, eks imħallef, il-Qorti Rivoluzzjonarja ta’ Tehran, il-fergħa 26.
Imħallef fil-Kumpless Ġudizzjarju ta’ Shahid Muftah. Eks maġistrat ta’ awla kriminali. Eks imħallef, il-Qorti Rivoluzzjonarja ta’ Tehran, il-fergħa 26. Huwa kien inkarigat bil-każijiet ta’ wara l-elezzjoni. Ħareġ sentenzi ta’ priġunerija fit-tul matul proċessi inġusti kontra attivisti tad-drittijiet tal-bniedem u bosta pieni tal-mewt għal dimostranti.
12.4.2011
29.
BOZORGNIA Mostafa
Sess: raġel
Funzjoni: Kap tas-sala 350 tal-Ħabs ta’ Evin
Kap tas-sala 350 tal-Ħabs ta’ Evin, magħruf bħala l-post ta’ priġunerija tal-priġunieri politiċi tar-reġim u magħruf għall-kundizzjonijiet ta’ detenzjoni partikolarment ħżiena tiegħu. F’diversi okkażjonijiet huwa uża vjolenza sproporzjonata fuq il-priġunieri.
12.4.2011
33.
ABBASZADEH- MESHKINI, Mahmoud
Sess: raġel
Membru tal-Parlament minn Frar 2020 sal-2024 u Kelliem tal-Kumitat tal-Parlament għas-Sigurtà Nazzjonali u l-Affarijiet Barranin li jkompli jappoġġa r-reġim Iranjan, inkluż billi jiġġustifika l-abbużi mwettqa mir-reġim kontra l-moviment ‘Nisa, Ħajja, Libertà’.
Konsulent għall-Kunsill Għoli għad-Drittijiet tal-Bniedem tal-Iran (sal-2019). Eks segretarju tal-Kunsill Għoli għad-Drittijiet tal-Bniedem. Eks Gvernatur tal-Provinċja ta’ Ilam. Eks Direttur Politiku tal-Ministeru għall-Intern. Bħala Kap tal-Kumitat tal-Artikolu 10 tal-Liġi dwar Attivitajiet ta’ Partiti u Gruppi Politiċi, huwa kien jieħu ħsieb l-awtorizzazzjoni ta’ dimostrazzjonijiet u avvenimenti pubbliċi oħra u r-reġistrazzjoni ta’ partiti politiċi.
Fl-2010, huwa ssospenda l-attivitajiet ta’ żewġ partiti politiċi riformisti marbuta ma’ Mir-Hossein Mousavi – l-Islamic Iran Participation Front u l-Islamic Revolution Mujahedeen Organisation. Mill-2009 ’l quddiem, ipprojbixxa b’mod konsistenti u kontinwu l-laqgħat kollha mhux governattivi, u b’hekk ċaħħad id-dritt kostituzzjonali għall-protesta u kkawża ħafna arresti ta’ dimostranti paċifiċi bi ksur tad-dritt għal-libertà ta’ assemblea.
Fl-2009, huwa rrifjuta wkoll li joħroġ permess għal ċerimonja biex l-oppożizzjoni tibki t-telfa tan-nies maqtula fi protesti matul l-elezzjonijiet presidenzjali.
10.10.2011
40.
HABIBI Mohammad Reza
Sess: raġel
Funzjoni: Prim Imħallef ta’ Isfahan, eks Avukat Ġenerali ta’ Isfahan; eks Deputat Prosekutur ta’ Isfahan; eks Kap tal-uffiċċju f’Yazd tal-Ministeru għall-Ġustizzja
Prim Imħallef ta’ Isfahan, eks Avukat Ġenerali ta’ Isfahan, eks Viċi Prosekutur ta’ Isfahan u eks Kap tal-uffiċċju f’Yazd tal-Ministeru għall-Ġustizzja. Fid-diversi rwoli tiegħu fil-ġudikaturi ta’ Isfahan u Yazd, inkluż fir-rwol attwali tiegħu bħala Prim Imħallef ta’ Isfahan, huwa pparteċipa direttament u huwa responsabbli għall-ksur tad-drittijiet taċ-ċittadini, b’mod partikolari d-dritt għal-libertà tal-kelma, id-dritt għall-protesta, id-dritt għall-ħajja u l-ksur tal-projbizzjoni fuq it-tortura. Mohammad Reza Habibi kellu wkoll rwol dirett fis-soppressjoni u l-ksur serju tad-dritt għall-protesta matul il-protesti fil-pajjiż kollu f’Jannar 2017 u Novembru 2019. Għalhekk, fir-rwol tiegħu bħala Prim Imħallef ta’ Isfahan, huwa responsabbli għal ksur serju tad-drittijiet tal-bniedem fl-Iran.
10.10.2011
46.
KAMALIAN Behrouz
(magħruf ukoll bħala: Hackers Brain, Behrooz_Ice)
Post tat-twelid: Tehran (Iran)
Data tat-twelid: 1983
Sess: raġel
Funzjoni: Kap taċ-ċibergrupp ‘Ashiyaneh’
Kap taċ-ċibergrupp ‘Ashiyaneh’ b’rabta mar-reġim Iranjan. ‘Ashiyaneh’ Digital Security, imwaqqfa minn Behrouz Kamalian hija responsabbli għal attakki ċibernetiċi intensivi kemm fuq opponenti u riformisti domestiċi kif ukoll istituzzjonijiet barranin. Il-ħidma tal-organizzazzjoni ‘Ashiyaneh’ ta’ Kamalian għenet lir-reġim fir-repressjoni tal-oppożizzjoni, li kienet tinvolvi ħafna istanzi ta’ ksur serju tad-drittijiet tal-bniedem.
10.10.2011
48.
MAHSOULI Sadeq
(magħruf ukoll bħala: MAHSULI, Sadeq)
Post tat-twelid: Oroumieh (Iran)
Data tat-twelid: 1959/1960
Sess: raġel
Funzjoni: Segretarju Ġenerali (u eks Deputat Segretarju Ġenerali) tal-Front Paydari (Front tal-Istabbiltà Iżlamika)
Segretarju Ġenerali tal-Front Paydari (Front tal-Istabbiltà Iżlamika) mill-2021 u Viċi Segretarju Ġenerali tal-Front Paydari qabel l-2021. Il-Front Paydari ilu żmien twil attiv fil-prattiki ta’ manipulazzjoni tal-istat, fl-infiltrazzjoni tal-istituzzjonijiet u fl-indottrinazzjoni tal-Islamic Revolutionary Guard Corps (IRGC). Wara l-moviment Nisa, Ħajja, Libertà, varat f’Settembru 2022, il-Front Paydari, kellu rwol kritiku taħt it-tmexxija ta’ Mahsouli biex jgħaddi l-liġijiet ħorox tal-ħiġab u tal-kastità.
Mahsouli huwa eks konsulent tal-Eks President Mahmoud Ahmadinejad. Huwa wkoll eks membru tal-Kunsill ta’ Espedjenza u eks Viċi Kap tal-Front ta’ Perseveranza. Huwa kien Ministru għall-Benesseri u s-Sigurtà Soċjali bejn l-2009 u l-2011 u Ministru għall-Intern sa Awwissu 2009. Bħala Ministru għall-Intern, Mahsouli kellu awtorità fuq il-forzi tal-pulizija, l-aġenti tas-sigurtà tal-Ministeru għall-Intern, u l-aġenti pajżana kollha. Il-forzi taħt it-tmexxija tiegħu kienu responsabbli għall-attakki fuq id-dormitorji tal-Università ta’ Tehran fl-14 ta’ Ġunju 2009 u t-tortura tal-istudenti fil-kantina tal-Ministeru (il-livell ta’ taħt l-art magħruf nru 4). Dimostranti oħrajn ġew abbużati b’mod sever fiċ-Ċentru ta’ Detenzjoni ta’ Kahrizak, li kien operat mill-pulizija taħt il-kontroll ta’ Mahsouli.
10.10.2011
54.
TAMADDON Morteza
(magħruf ukoll bħala: TAMADON Morteza)
Post tat-twelid: Shahr Kord-Isfahan (Iran)
Data tat-twelid: 1959
Sess: raġel
Funzjoni: Membru tal-bord fl-Università għat-Teknoloġija Khajeh Nasireddin Tusi; eks Kap tal-Kunsill tas-Sigurtà Pubblika provinċjali ta’ Tehran. Eks Gvernatur Ġenerali tal-IRGC tal-Provinċja ta’ Tehran.
Politiku assoċjat mill-qrib mal-eks President Iranjan Ahmadinejad. Membru tal-bord fl-Università għat-Teknoloġija Khajeh Nasireddin Tusi. Eks Kap tal-Kunsill tas-Sigurtà Pubblika provinċjali ta’ Tehran. Eks Gvernatur Ġenerali tal-IRGC tal-Provinċja ta’ Tehran. Fil-kapaċità tiegħu bħala Gvernatur u Kap tal-Kunsill tas-Sigurtà Pubblika provinċjali ta’ Tehran, kellu r-responsabbiltà ġenerali għall-attivitajiet kollha ta’ repressjoni li saru mill-IRGC fil-Provinċja ta’ Tehran, inkluż ir-repressjoni ta’ protesti politiċi minn Ġunju 2009.
10.10.2011
57.
HAJMOHAM- MADI Aziz
(magħruf ukoll bħala Aziz Hajmohammadi, Noorollah Azizmohammadi)
Avukat f’Tehran mill-2020. Eks imħallef fil-fergħa 71 tal-Qorti Kriminali tal-Provinċja ta’ Tehran. Matul il-ħidma tiegħu fil-ġudikatura sa mill-1971, huwa kien involut f’diversi proċessi ta’ dimostranti, inkluż dak ta’ Abdol-Reza Ghanbari, għalliem arrestat f’Jannar 2010 u kkundannat għall-mewt għall-attivitajiet politiċi tiegħu. Huwa għandu rekord ta’ ksur tad-drittijiet tal-bniedem, inkluż il-ħruġ ta’ sentenzi inumani, pieni tal-mewt u sentenzi ta’ ħabs għal priġunieri politiċi.
10.10.2011
58.
BAGHERI Mohammad-Bagher
Data tat-twelid: 1941
Sess: raġel
Funzjoni: Viċi Kap tal-Ġudikatura għall-Affarijiet Internazzjonali u Segretarju tal-Persunal tad-Drittijiet tal-Bniedem
Fl-2019, Mohammad-Bagher Bagheri nħatar Viċi Kap tal-Ġudikatura għall-Affarijiet Internazzjonali u Segretarju tal-Persunal tad-Drittijiet tal-Bniedem, minflok Mohammad Javad Larijani f’din il-pożizzjoni b’digriet ta’ Ebrahim Raisi. Huwa kien imħallef fil-Qorti Suprema bejn Diċembru 2015 u l-2019. Eks viċi president tal-amministrazzjoni ġudizzjarja tal-provinċja ta’ South Khorasan, responsabbli għall-prevenzjoni tal-kriminalità. Minbarra li f’Ġunju 2011 irrikonoxxa 140 eżekuzzjoni għal reati li jġorru l-piena tal-mewt bejn Marzu 2010 u Marzu 2011, huwa rrappurtat li twettqu approssimament 100 eżekuzzjoni oħra fl-istess perjodu u fl-istess provinċja ta’ South Khorasan, mingħajr ma ġew infurmati l-familji jew l-avukati ta’ dawk eżekutati. Għaldaqstant huwa kompliċi fi ksur gravi tad-dritt għal proċess ġust u kkontribwixxa għal għadd kbir ta’ pieni tal-mewt.
10.10.2011
73.
FARHADI Ali
Sess: raġel
Funzjoni: Kap tal-Organizzazzjoni Penali tal-Gvern; eks Viċi Kap tal-Ispettorat tal-Affarijiet Legali u l-Ispezzjoni Pubblika tal-Ministeru għall-Ġustizzja ta’ Tehran ekx prokuratur ta’ Karaj
Fl-2024, Ali Farhadi nħatar mill-Ministru għall-Ġustizzja Iranjan bħala kap tal-Organizzazzjoni Penali tal-Gvern, li hija organizzazzjoni li ma għandhiex imparzjalità u li ma tirrispettax id-drittijiet taċ-ċittadini. Eks Viċi Kap tal-Ispettorat tal-Affarijiet Legali u l-Ispezzjoni Pubblika tal-Ministeru għall-Ġustizzja ta’ Tehran. Eks prosekutur ta’ Karaj. Responsabbli għal ksur gravi tad-drittijiet tal-bniedem, inkluż prosekuzzjonijiet ta’ proċessi fejn ingħatat il-piena tal-mewt. Kien hemm għadd kbir ta’ eżekuzzjonijiet fir-reġjun ta’ Karaj matul il-mandat tiegħu bħala prosekutur.
23.3.2012
79.
RASHIDI AGHDAM, Ali Ashraf
Sess: raġel
Funzjoni: Viċi Direttur tal-Health, Correction and Education for Tehran Prisons (Saħħa, Korrezzjoni u Edukazzjoni għall-Ħabsijiet ta’ Tehran; eks kap tal-Ħabs ta’ Evin u l-Ħabs ta’ Diesel Abad f’Kermanshah
Viċi Direttur tal-Health, Correction and Education for Tehran Prisons mill-2015. Eks kap tal-Ħabs ta’ Evin (2012-2015) u l-Ħabs ta’ Diesel Abad f’Kermanshah. Matul il-kariga tiegħu, il-kundizzjonijiet fil-ħabsijiet iddeterjoraw u r-rapporti semmew trattament ħażin intensifikat tal-priġunieri. F’Ottubru 2012, disa’ priġunieri nisa għamlu strajk tal-ġuħ fil-Ħabs ta’ Evin bi protesta għall-ksur tad-drittijiet tagħhom u t-trattament vjolenti tagħhom mill-gwardjani tal-ħabs.
12.3.2013
107.
VAHIDI Ahmad
وحیدى احمد
Post tat-twelid: Shiraz (Iran)
Data tat-twelid: 27.7.1958
Nazzjonalità: Iranjana
Sess: raġel
Pożizzjoni: Ministru għall-Intern
Funzjoni: Membru tal-Kunsill ta’ Espedjenza; eks Ministru għall-Intern
Ahmad Vahidi nħatar membru tal-Kunsill ta’ Espedjenza għal mandat ta’ ħames snin fit-22 ta’ Settembru 2022. Huwa kien il-Ministru Iranjan għall-Intern mill-25 ta’ Awwissu 2021 sal-2024. Bħali tali, kien responsabbli għal-Law Enforcement Forces tal-Iran (LEF).
Matul il-mandat tiegħu, għadd bla preċedent ta’ uffiċjali militari u ta’ sigurtà nħatru gvernaturi provinċjali li għad għandhom rwoli ewlenin fil-koordinazzjoni ta’ attivitajiet ta’ kontroll tal-folol mill-forzi speċjali tal-pulizija, il-milizzja Basij u l-Islamic Revolutionary Guard Corps (IRGC).
Ksur sfaċċat u serju tad-drittijiet tal-bniedem mil-LEF, bħal sparar indiskriminat b’munizzjon attiv fuq dimostranti paċifiċi, inkluż tfal, ġie ddokumentat b’mod mifrux minn mindu bdew il-protesti dwar il-mewt ta’ Mahsa Amini f’nofs Settembru 2022. Aktar minn 70 dimostrant mietu u mijiet sfaw midruba serjament, inkluż tfal. Sa mill-bidu tad-dimostrazzjonijiet, il-forzi tal-pulizija ddetenew ukoll b’mod arbitrarju bosta difensuri tad-drittijiet tal-bniedem u ġurnalisti. Vahidi ppromwova wkoll pubblikament approċċ aħrax lejn persuni li jipparteċipaw fid-dimostrazzjonijiet.
Għalhekk iġorr responsabbiltà għal ksur serju tad-drittijiet tal-bniedem fl-Iran.
14.11.2022
125.
MOHAMMADIAN Abbas-Ali
محمدیان عباس-علی
Nazzjonalità: Iranjana
Sess: raġel
Funzjoni: Kmandant tal-Pulizija ta’ Greater Tehran; eks kap tal-Law Enforcement Forces (LEF) tal-Iran fil-provinċja ta’ Alborz (Karaj)
Abbas-Ali Mohammadian ilu l-kmandant tal-pulizija ta’ Greater Tehran minn Jannar 2023. Huwa l-eks kap tal-Law Enforcement Forces (LEF) tal-Iran fil-provinċja ta’ Alborz (Karaj), kariga li kellu mill-2017 sal-2023.
Alborz (Karaj) hija provinċja fejn ilhom iseħħu dimostrazzjonijiet kbar minn Settembru 2022 li ntlaqgħu bi vjolenza eċċessiva mill-pulizija. Il-forzi tas-sigurtà spiss sparaw direttament fuq dimostranti paċifiċi, u dan wassal għal ħafna mwiet, fosthom tfal.
Bħala kmandant tal-pulizija ta’ Greater Tehran, huwa responsabbli għall-implimentazzjoni ta’ politiki li jiksru d-drittijiet tan-nisa.
Bħala eks kap tal-LEF fil-provinċja ta’ Alborz (Karaj) u l-kmandant attwali tal-pulizija ta’ Greater Tehran, Abbas-Ali Mohammadian huwa għalhekk responsabbli għal ksur serju tad-drittijiet tal-bniedem fl-Iran.
14.11.2022
140.
MIRAHMADI Seyyed Majid
مجید سید میراحمدى
Post tat-twelid: Iran
Nazzjonalità: Iranjana
Sess: raġel
Grad: Brigadier Ġeneral
Funzjoni: Kap tal-Kwartieri Ġenerali Ċentrali ta’ Arbaeen; eks Viċi Ministru għall-Intern tal-Iran
Il-Brigadier Ġeneral Seyyed Majid Mirahmadi huwa l-kap tal-Kwartieri Ġenerali Ċentrali ta’ Arbaeen - kariga tradizzjonalment okkupata minn membri tal-forzi tas-sigurtà. Kien il-Viċi Ministru tal-Iran għall-Intern sal-2024, responsabbli għas-sorveljanza tal-forzi tas-sigurtà u tal-pulizija tal-Iran, atturi li huma involuti fil-ksur serju tad-drittijiet tal-bniedem fl-Iran.
Il-forzi tas-sigurtà u l-forzi tal-pulizija tal-Iran qed irażżnu l-protesti b’mod vjolenti, jisparaw direttament fuq id-dimostranti paċifiċi u jarrestaw b’mod arbitrarju lil persuni mingħajr ma jagħtu każ id-drittijiet tal-bniedem tagħhom.
Fid-dikjarazzjonijiet tiegħu, Mirahmadi jirreferi għall-protesti bħala rvellijiet li għandhom jintemmu, u jikkriminalizza u jhedded lil dawk li jipparteċipaw fi protesti paċifiċi. Huwa personalment qed jaħbi wkoll il-ksur serju tad-drittijiet tal-bniedem imwettaq mill-forzi taħt l-awtorità tiegħu, pereżempju, billi jgħid li d-dimostranta ta’ 16-il sena Nika Shakrami wettqet suwiċidju. Ir-rapporti jindikaw li huwa ferm probabbli li mietet f’idejn il-forzi tas-sigurtà.
Għalhekk iġorr responsabbiltà għal ksur serju tad-drittijiet tal-bniedem fl-Iran.
12.12.2022
145.
KARIMI Mohsen
محصن کریمی
Nazzjonalità: Iranjana
Sess: raġel
Grad: Brigadier Ġeneral
Funzjoni: Konsulent Għoli għall-Kmandant tal-Forzi tal-Art tal-Islamic Revolutionary Guard Corps (IRGC); eks Kmandant tal-Islamic Revolutionary Guard Corps (IRGC) fil-provinċja ta’ Markazi
Minn Mejju 2024, il-Brigadier Ġeneral Mohsen Karimi huwa l-Konsulent Għoli għall-Kmandant tal-Forzi tal-Art tal-Islamic Revolutionary Guard Corps (IRGC). Huwa l-eks kmandant tal-IRGC fil-provinċja ta’ Markazi, magħruf ukoll bħala l-Korp Ruhollah. Il-Korp Ruhollah huwa unità militari tal-IRGC bil-kwartieri ġenerali tiegħu jinsabu f’Arak u huwa responsabbli għall-kmand u l-kontroll tal-unitajiet kollha tal-IRGC u l-Basij li jinsabu fil-provinċja ta’ Markazi.
Huwa responsabbli għar-repressjoni vjolenti min-naħa tal-forzi tas-sigurtà tal-protesti fl-2022 li wasslet għall-mewt taż-żagħżugħ ta’ 19-il sena Mehrshad Shahidi f’ċentru ta’ detenzjoni tal-IRGC f’Arak.
Għalhekk iġorr responsabbiltà għal ksur serju tad-drittijiet tal-bniedem fl-Iran.
12.12.2022
177.
MOSTAFAVI Seyed Mojtaba
سید مجتبی مصطفوى
(magħruf ukoll bħala MORTAZAVI, Mojtaba; MOSTAF, Mojtaba)
Data tat-twelid: 2.4.1987
Post tat-twelid: Tehran, Iran
Nazzjonalità: Iranjana
Sess: raġel
Karta tal-identità nazzjonali: Nru 0080467741 (Iran)
Funzjoni: Membru tal-Ministeru għall-Intelligence u s-Sigurtà (MOIS) tal-Iran; kofundatur u uffiċjal kap eżekuttiv (CEO) ta’ Ravin Academy
Seyed Mojtaba Mostafavi huwa membru tal-Ministeru għall-Intelligence u s-Sigurtà (MOIS) tal-Iran, u kofundatur u uffiċjal kap eżekuttiv ta’ Ravin Academy elenkata mill-UE, entità li tħarreġ individwi fiċ-ċibersigurtà u l-hacking, u tirrekluta minn fost dawn l-apprendisti għall-MOIS.
Il-MOIS huwa involut b’mod estensiv fl-infiltrazzjoni ta’ gruppi ta’ oppożizzjoni interni, il-monitoraġġ ta’ theddid domestiku u dissidenti espatrijati u l-arrest ta’ spiji u dissidenti allegati.
Għalhekk Seyed Mojtaba Mostafavi jġorr responsabbiltà għal ksur serju tad-drittijiet tal-bniedem fl-Iran.
20.2.2023
185.
NESARI Habibollah Jan
Post tat-twelid: Iran
Nazzjonalità: Iranjana
Sess: raġel
Grad: Brigadier Ġeneral
Funzjoni: Kmandant tal-Università għat-Taħriġ tal-Uffiċjali tal-Pulizija Imam Hassan Mujtaba; eks viċi kmandant responsabbli mit-taħriġ u l-edukazzjoni tal-Law Enforcement Forces of the Islamic Republic of Iran (LEF)
Il-Brigadier Ġeneral Habibollah Jan Nesari ilu l-kmandant tal-Università għat-at- Taħriġ tal-Uffiċjali tal-PulizijaImam Hassan Mujtaba mill-aħħar tal-2023. Huwa l-eks viċi kmandant responsabbli għat-taħriġ u l-edukazzjoni għal-Law Enforcement Forces of the Islamic Republic of Iran (LEF) elenkati mill-UE, pożizzjoni li kellu mill-2019 sal-2023.
Bejn l-2016 u t-30 ta’ Diċembru 2019, huwa serva bħala viċi kmandant tal-Unitajiet Speċjali tal-LEF.
Fil-kapaċità tiegħu ta’ viċi kmandant, huwa kien responsabbli għas-superviżjoni tal-forzi fl-użu ta’ armi letali u mhux letali matul il-protesti fil-pajjiż kollu f’Novembru 2019, li rriżultaw fil-mewt ta’ mijiet ta’ dimostranti. Huwa nstab ħati ta’ delitti kontra l-umanità mit-Tribunal Internazzjonali tal-Poplu dwar l-Atroċitajiet tal-Iran għar-rwol tiegħu fir-repressjoni tad-dimostranti fil-kapaċità tiegħu bħala viċi kmandant. Bħala parti mill-forzi tas-sigurtà, il-forzi tal-pulizija nstabu li fasslu u implimentaw pjan biex iwettqu delitti kontra l-umanità kif ukoll qtil, priġunerija, għajbien furzat, tortura u vjolenza sesswali sabiex irażżnu l-protesti u jaħbu d-delitti mwettqa matul il-protesti f’Novembru 2019.
Bħala viċi kmandant responsabbli għat-taħriġ u l-edukazzjoni jew għal-LEF u bħala kmandant tal-Università għat-Taħriġ tal-Uffiċjali tal-Pulizija Imam Hassan Mujtaba, Nesari kien personalment responsabbli għall-ksur tad-drittijiet tal-bniedem imwettaq mil-LEF. Il-LEF li hu ħarreġ, ħadu sehem fir-repressjoni vjolenti kontra d-dimostranti matul il-protesti li qamu f’Settembru 2022, inkluż permezz tal-użu letali ta’ forza kontra dimostranti Iranjani.
Għalhekk iġorr responsabbiltà għal ksur serju tad-drittijiet tal-bniedem fl-Iran.
20.2.2023
202.
SHARIF Ramezan
شریف رمظان
Post tat-twelid: Iran
Nazzjonalità: Iranjana
Sess: raġel
Funzjoni: Kap tal-Islamic Revolutionary Guard Corps (IRGC) Sacred Defense Documentation and Research Center ċ-(Ċentru tad-Dokumentazzjoni u r-Riċerka tad-Difiża Sagra tal-Islamic Revolutionary Guard Corps (IRGC); eks kelliem tal-IRGC
Ramezan Sharif ilu l-kap taċ-Ċentru tad-Dokumentazzjoni u r-Riċerka tad-Difiża Sagra tal-Islamic Revolutionary Guard Corps (IRGC) minn Lulju 2024. Huwa eks kelliem tal-IRGC.
L-IRGC kien involut sew fis-soppressjoni attiva u vjolenti tal-protesti fl-Iran fl-2022 u 2023 u għalhekk iġorr responsabbiltà għall-ksur serju tad-drittijiet tal-bniedem.
Fir-rwol tiegħu, Sharif qed jostor u jiskuża ksur serju tad-drittijiet tal-bniedem imwettaq mill-IRGC.
Funzjoni: Kap tal-Organizzazzjoni tal-Protezzjoni tal-Intelligence tal-Islamic Revolutionary Guard Corps (IRGC)/Unità tas-Sigurtà tal-IRGC
Il-Brigadier Ġeneral Fathollah Jomeiri huwa l-kap tal-Organizzazzjoni tal-Protezzjoni tal-Intelligence tal-Islamic Revolutionary Guard Corps (IRGC), magħrufa wkoll bħala l-Unità tas-Sigurtà tal-IRGC.
Din l-unità hija responsabbli għall-protezzjoni tal-infrastruttura vitali u żoni ewlenin tal-pajjiż, individwi importanti, bħall-VIPs tar-reġim, iżda fuq kollox għall-protezzjoni tar-reġim.
L-IRGC kien involut sew fis-soppressjoni attiva u vjolenti tal-protesti fl-Iran fl-2022 u 2023 u għalhekk iġorr responsabbiltà għall-ksur serju tad-drittijiet tal-bniedem.
Fir-rwol tiegħu, Jomeiri qed imexxi, jiffaċilita u jiskuża ksur serju tad-drittijiet tal-bniedem imwettaq mill-IRGC.
Funzjoni: Kap tal-Judicial Protection and Information Department of the Prosecutor’s Office (id-Dipartiment tal-Protezzjoni Ġudizzjarja u l-Informazzjoni tal-Uffiċċju tal-Prosekutur) fil-Provinċja ta’ Kerman; eks Prosekutur Pubbliku ta’ Sirjan
Mohsen Nikvarz ilu l-kap tad-Dipartiment tal-Protezzjoni Ġudizzjarja u l-Informazzjoni tal-Uffiċċju tal-Prosekutur fil-Provinċja ta’ Kerman minn Jannar 2024.
Bħala l-Prosekutur Pubbliku ta’ Sirjan, Mohsen Nikvarz kien responsabbli għal bosta arresti arbitrarji ta’ avukati u żgura pieni tal-mewt f’Sirjan matul il-protesti tal-2019. Fl-2023, ġie promoss għal Kap taċ-Ċentru għall-Protezzjoni u l-Intelligence tal-Ġudikatura tal-provinċja ta’ Kerman.
Fil-kuntest tal-protesti li faqqgħu f’Settembru 2022, Nikvarz kien involut fil-każ ta’ Maryam Arvin, fejn ħarrikha għall-attivitajiet tagħha bħala avukat tad-difiża għad-dimostranti. Wara l-arrest tagħha, li Nikvarz iġorr responsabbiltà personali għalih, Maryam Arvin ġiet ittorturata brutalment fil-ħabs.
