(1)

Fit-8 ta’ Awwissu 2024, il-Kummissjoni Ewropea (“il-Kummissjoni”) bdiet investigazzjoni anti-dumping fir-rigward tal-importazzjonijiet ta’ ċerti prodotti ċatti b’laminazzjoni termali tal-ħadid, azzar mhux illigat jew liga oħra tal-azzar li joriġinaw mit-Eġittu, mill-Indja, mill-Ġappun u mill-Vjetnam (“il-pajjiżi kkonċernati”) fuq il-bażi tal-Artikolu 5 tar-Regolament bażiku. Il-Kummissjoni ppubblikat Notifika tal-Bidu f’Il-Ġurnal Uffiċjali tal-Unjoni Ewropea (2) (“in-Notifika tal-Bidu”).

(2)

Il-Kummissjoni bdiet l-investigazzjoni wara li l-Assoċjazzjoni Ewropea tal-Azzar (“EUROFER” jew “l-ilmentatur”) ressqet ilment fl-24 ta’ Ġunju 2024. L-ilment sar f’isem l-industrija tal-Unjoni ta’ ċerti prodotti ċatti b’laminazzjoni termali tal-ħadid, azzar mhux illigat jew azzar illigat ieħor fis-sens tal-Artikolu 5(4) tar-Regolament bażiku. L-ilment kien fih evidenza ta’ dumping u ta’ dannu materjali li jirriżulta minnu li kienet biżżejjed biex tiġġustifika l-bidu tal-investigazzjoni.

(3)

Skont l-Artikolu 14(5) tar-Regolament bażiku, l-importazzjonijiet tal-prodott ikkonċernat jistgħu jsiru soġġetti għal reġistrazzjoni għall-fini li jiġi żgurat li, jekk l-investigazzjoni tirriżulta f’sejbiet li jwasslu għall-impożizzjoni ta’ dazji anti-dumping, dawk id-dazji jistgħu, jekk jiġu ssodisfati l-kundizzjonijiet meħtieġa, jiġu imposti retroattivament fuq l-importazzjonijiet irreġistrati f’konformità mad-dispożizzjonijiet legali applikabbli. Il-Kummissjoni ddeċidiet li tagħmel l-importazzjonijiet tal-prodott ikkonċernat soġġetti għar-reġistrazzjoni fuq l-inizjattiva tagħha stess bir-Regolament ta’ Implimentazzjoni tal-Kummissjoni (UE) 2024/2719 (3) (“ir-Regolament dwar ir-reġistrazzjoni”).

(4)

Fin-Notifika tal-Bidu, il-Kummissjoni stiednet lill-partijiet interessati jikkuntattjawha sabiex jipparteċipaw fl-investigazzjoni. Barra minn hekk, il-Kummissjoni speċifikament infurmat lill-ilmentatur, lil produtturi magħrufa oħrajn tal-Unjoni, lill-produtturi esportaturi magħrufa u lill-awtoritajiet Eġizzjani, Indjani, Ġappuniżi u Vjetnamiżi, lill-importaturi, il-fornituri u l-utenti, u n-negozjanti magħrufa, kif ukoll assoċjazzjonijiet li kien magħruf li kienu kkonċernati dwar il-bidu tal-investigazzjoni, u stednithom jipparteċipaw fiha.

(5)

Il-partijiet interessati kellhom l-opportunità li jikkummentaw dwar il-bidu tal-investigazzjoni u li jitolbu seduta ta’ smigħ mal-Kummissjoni u/jew mal-Uffiċjal tas-Seduta fil-proċedimenti kummerċjali. Saret seduta ta’ smigħ mal-Gvern Eġizzjan, il-produttur esportatur Eġizzjan li kkoopera, Nippon Steel Corporation, JFE Steel Corporation, il-Ministeru għall-Ekonomija, il-Kummerċ u l-Industrija tal-Ġappun, u mal-Konsorzju għad-difiża tal-Importazzjonijiet ta’ prodotti Ċatti b’Laminazzjoni Termali (il-“Konsorzju”).

(6)

Wara l-bidu, il-produttur esportatur Eġizzjan li kkoopera sostna li l-esportazzjonijiet ta’ prodotti ċatti b’laminazzjoni termali tal-azzar (“HRF”, hot-rolled flat) mill-Eġittu lejn l-Unjoni kienu negliġibbli, u kienu jammontaw għal 1,3 % biss tas-suq miftuħ. Huwa argumenta wkoll li peress li huwa l-uniku produttur tal-HRF fl-Eġittu, il-kapaċità tiegħu kienet ħafna iżgħar meta mqabbla mal-pajjiżi l-oħra kkonċernati u ma żdiditx mill-1999.

(7)

L-istess esportatur li kkoopera argumenta li kellu sħubija fit-tul ma’ diversi fornituri tat-tagħmir, banek u gvernijiet Ewropej, fir-rigward b’mod partikolari tax-xiri ta’ materja prima inkluż mineral tal-ħadid ta’ grad għoli minn Stat Membru wieħed.

(8)

Dawn il-pretensjonijiet ġew eżaminati rispettivament fit-taqsimiet dwar il-kawżalità u l-interess tal-UE.

(9)

Waslu kummenti mingħand il-Konsorzju, il-Gvern tal-Eġittu u l-produttur esportatur Eġizzjan li kkoopera.

(10)

Il-Konsorzju argumenta li l-industrija tal-Unjoni kienet diġà protetta żżejjed bl-implimentazzjoni ta’ reġim ta’ salvagwardja li jistabbilixxi limitu massimu li jillimita fil-livell ta’ 15 % l-importazzjonijiet minn pajjiżi terzi. Il-Konsorzju argumenta li f’dawn l-aħħar tmien snin, ittieħdu diversi miżuri anti-dumping u antisussidji kontra l-importazzjonijiet minn pajjiżi produtturi ewlenin bħall-Brażil, iċ-Ċina, ir-Russja, l-Iran, it-Turkija u l-Ukrajna. Dan l-argument ikompli jiġi indirizzat fil-premessa (198) hawn taħt.

(11)

Produttur esportatur sostna li nkisru d-drittijiet tad-difiża minħabba l-inkompletezza tal-verżjonijiet miftuħa tal-annessi tal-ilment li saru disponibbli fil-fajl miftuħ għall-konsultazzjoni mill-partijiet interessati.

(12)

Produttur esportatur Vjetnamiż argumenta li l-bidu ma kienx f’konformità mal-Artikolu 5.2 u 5.3 tal-Ftehim dwar l-Antidumping (“ADA”, Antidumping Agreement) tad-WTO u mal-Artikolu 5(2)(d) tar-Regolament bażiku, peress li kien nieqes mill-evidenza pożittiva li tiġġustifika l-bidu tal-proċediment.

(13)

Dan il-produttur esportatur sostna li l-fatturi u l-indiċi li għandhom effett fuq l-istat tal-industrija tal-Unjoni, bħal dawk elenkati fl-Artikolu 3(3) u (5) u kif meħtieġ mill-Artikolu 5(2) tar-Regolament bażiku ma kinux inklużi fl-ilment mill-ilmentatur, jew l-informazzjoni rilevanti ppreżentata dwar ċerti aspetti oħra ma kinitx kompluta jew ippreżentata b’mod li jirrappreżenta ħażin l-istat attwali tal-industrija tal-Unjoni. Dawn kienu jikkonċernaw:

(14)

B’riżultat ta’ dan, għadd kbir ta’ indikaturi tad-dannu li jirrikjedu eżami skont l-Artikolu 3(5) tar-Regolament bażiku ma kinux ġew ittrattati fl-ilment. Dawn l-indikaturi jinkludu r-redditu fuq l-investiment, il-fatturi li jaffettwaw il-prezzijiet tal-Unjoni, l-effetti negattivi reali u potenzjali fuq il-fluss ta’ flus, l-inventarji, il-pagi, jew il-kapaċità li jiġi ġġenerat il-kapital.

(15)

Fl-aħħar nett, dan il-produttur esportatur sostna li d-data pprovduta mill-ilmentatur rigward is-sehem mis-suq kienet aritmetikament impossibbli minħabba ż-żieda konsistenti fil-bejgħ domestiku ogħla mil-livell ta’ tkabbir fil-konsum.

(16)

Bi tweġiba għal dawk l-argumenti, ġie kkunsidrat li l-verżjoni miftuħa għall-ispezzjoni mill-partijiet interessati tal-ilment kien fiha l-evidenza essenzjali kollha u s-sommarji mhux kunfidenzjali tad-data pprovduta skont trattament kunfidenzjali sabiex il-partijiet interessati jeżerċitaw id-dritt tad-difiża tagħhom matul il-proċediment.

(17)

Huwa mfakkar li l-Artikolu 19 tar-Regolament bażiku u l-Artikolu 6.5 ADA jippermettu s-salvagwardja ta’ informazzjoni kunfidenzjali f’ċirkostanzi fejn id-divulgazzjoni tkun ta’ vantaġġ kompetittiv sinifikanti għal kompetitur jew ikollha effett negattiv sinifikanti fuq persuna li tipprovdi l-informazzjoni jew fuq persuna li mingħandha dik il-persuna tkun kisbet l-informazzjoni.

(18)

L-informazzjoni pprovduta fl-annessi limitati tal-ilment taqa’ taħt dawn il-kategoriji. Fi kwalunkwe każ, l-ilmentatur ikun ipprovda sommarju sinifikattiv tal-informazzjoni li tinsab fl-annessi limitati tal-ilment sabiex il-partijiet interessati jista’ jkollhom “fehim raġonevoli tas-sustanza tal-informazzjoni ppreżentata b’mod kunfidenzjali” kif stabbilit fl-Artikolu 19(2) tar-Regolament bażiku. L-ilmentatur ġabar fil-qosor b’mod adegwat il-kontenuti ta’ dawn l-annessi, mingħajr ma jiżvela data sensittiva speċifika għall-kumpanija.

(19)

Il-Gvern Eġizzjan u l-produttur esportatur li kkoopera t-tnejn ippreżentaw kummenti dwar il-bidu, filwaqt li sostnew in-nuqqas ta’ dumping għall-importazzjonijiet Eġizzjani. Huma argumentaw li d-dumping għall-Eġittu fl-ilment ġie stabbilit permezz ta’ “użu skorrett tar-rata tal-kambju uffiċjali aktar milli r-rata tas-suq parallela” biex jiġu kkalkolati l-valur normali u l-marġni tad-dumping. Huma argumentaw li l-użu tar-“rata tas-suq parallela” għall-kalkolu tad-dumping juri li l-importazzjonijiet Eġizzjani ma nbiegħux bi prezzijiet inġustament baxxi fis-suq tal-UE. Iż-żewġ partijiet b’hekk talbu għall-użu tar-rata tal-kambju parallela għal muniti barranin minflok ir-rata uffiċjali tal-Bank Ċentrali Eġizzjan (“CBE”, Egyptian Central Bank) għall-konverżjoni tal-euro u tad-dollaru tal-Istati Uniti (“USD”, United States dollar) f’liri Eġizzjani (“EGP”, Egyptian pound). Sabiex jissostanzjaw il-pretensjoni tagħhom, iż-żewġ partijiet irreferew għal pubblikazzjonijiet ta’ Ernest&Young, tal-FMI u tal-Kummissjoni Ewropea, u għal digrieti governattivi Eġizzjani li jirrikonoxxu r-rata tal-kambju tas-suq parallela, inkluż dokument speċifiku maħruġ wara l-perjodu ta’ investigazzjoni mill-Awtorità Regolatorja Finanzjarja Eġizzjana li jawtorizza lil EZDK tuża r-rati tal-kambju reali, sostnut minn dokumenti, aktar milli dawk uffiċjali tas-CBE għal finijiet ta’ kontabilità finanzjarja u ta’ rapportar għas-snin 2023 u 2024.

(20)

Madankollu, kienet il-prattika konsistenti tal-Kummissjoni li tuża r-rati tal-kambju uffiċjali f’każijiet fejn ikun hemm allegazzjonijiet tal-użu ta’ rati tal-kambju paralleli (4). Barra minn hekk, irid jiġi nnotat li r-rata uffiċjali tas-CBE kienet l-unika rata tal-kambju legali li kienet prevalenti matul il-perjodu ta’ investigazzjoni tal-ilment u li ma kien hemm l-ebda rata storika rreġistrata pubblikament ta’ suq “illeċitu” jew parallel għall-perjodu ta’ investigazzjoni. L-ilment ġie kkunsidrat bħala sostnut minn biżżejjed evidenza għall-fini tal-bidu tal-każ. Madankollu, għall-investigazzjoni nnifisha, il-Kummissjoni ddependiet biss fuq data verifikata, fost oħrajn ippreżentata mill-partijiet fit-tweġibiet għall-kwestjonarju u vverifikata fuq il-post. Għalhekk, din il-pretensjoni ġiet miċħuda.

(21)

Iż-żewġ partijiet sostnew ukoll li sar żball fil-kalkolu tad-dumping fl-ilment, bl-użu ta’ “kostijiet għoljin ħafna tat-trasport tal-merkanzija” mingħajr ġustifikazzjoni. Barra minn hekk, il-produttur esportatur li kkoopera sostna li saru żbalji fil-kalkolu tad-dumping fl-ilment billi ġiet applikata r-rata tal-kambju uffiċjali għall-fini tad-determinazzjoni tal-valur normali u billi ntużaw “prezzijiet domestiċi żbaljati” u billi saret referenza għall-prezzijiet tal-HRF ta’ żewġ kumpaniji Eġizzjani li ma jipproduċux il-prodott taħt investigazzjoni.

(22)

F’dan ir-rigward ukoll, jenħtieġ li jissemma’ li l-ilment ġie kkunsidrat bħala sostnut minn biżżejjed evidenza għall-fini tal-bidu tal-każ. Għall-investigazzjoni nnifisha, il-Kummissjoni ddependiet biss fuq data verifikata, fost oħrajn ippreżentata mill-partijiet fit-tweġibiet għall-kwestjonarju u vverifikata fuq il-post. Għalhekk, din il-pretensjoni ġiet miċħuda.

(23)

Iż-żewġ produtturi esportaturi li kkooperaw fil-Vjetnam, Formosa Ha Tinh Steel Corporation (“Formosa”), Hoa Phat Dung Quat Steel Joint Company (“HPDQ”) u utent, Marcegaglia Carbon Steel S.p.A, ippreżentaw kummenti sabiex jiġi kkalkolat il-marġni ta’ dumping fl-ilment, u b’mod partikolari dwar l-allegazzjonijiet mill-ilmentatur dwar l-eżistenza ta’ “sitwazzjoni partikolari tas-suq” fil-Vjetnam li ma tippermettix paragun xieraq skont l-Artikolu 2(3) tar-Regolament bażiku. It-tliet partijiet argumentaw li l-allegazzjonijiet fl-ilment dwar l-eżistenza tas-sitwazzjoni partikolari tas-suq kienu bla bażi.

(24)

Il-Kummissjoni fakkret li meta vvalutat l-evidenza fl-ilment, qieset biss dawk l-elementi li għalihom l-evidenza fl-ilment kienet adegwata u preċiża biżżejjed. Hija kkunsidrat li dan ma kienx il-każ fir-rigward tal-evidenza li kienet tinsab fl-ilment dwar l-eżistenza tas-sitwazzjoni partikolari tas-suq fil-Vjetnam. Barra minn hekk, id-dumping ikkalkolat fl-ilment madankollu ġie stabbilit mingħajr ma tqieset is-sitwazzjoni partikolari tas-suq. B’żieda ma’ dan, l-eżistenza tas-sitwazzjoni partikolari tas-suq ma ġietx stabbilita mill-Kummissjoni matul l-investigazzjoni. Għalhekk, il-marġni tad-dumping għaż-żewġ produtturi esportaturi li kkooperaw, ġew ikkalkolati f’konformità mal-metodu dettaljat fit-Taqsima 3.4 hawn taħt. B’hekk, il-Kummissjoni ċaħdet il-pretensjonijiet.

(25)

Formosa argumentat li s-suq domestiku fil-Vjetnam esperjenza pressjoni għolja mill-importazzjonijiet tal-prodott taħt investigazzjoni mir-Repubblika tal-Poplu taċ-Ċina (“ir-RPĊ”) u mill-Indja bi prezzijiet oġġett ta’ dumping. B’riżultat ta’ dan, il-Gvern tal-Vjetnam beda investigazzjoni anti-dumping, u ġew imposti miżuri proviżorji f’Jannar 2025. B’hekk, Formosa argumentat li jenħtieġ li l-Kummissjoni tagħti attenzjoni lill-bidla antiċipata fiċ-ċirkostanzi, u jenħtieġ li tiżgura li l-miżuri antidumping eventwali li għandhom jiġu imposti fuq il-Vjetnam ikunu adegwati għas-sitwazzjoni l-ġdida ta’ natura dejjiema.

(26)

Il-Kummissjoni fakkret li l-valutazzjoni tad-dumping u d-dannu li jirriżulta kienu relatati mal-perjodu ta’ investigazzjoni u l-perjodu kkunsidrat kif imsemmi fit-Taqsima 1.8 hawn taħt, u li ma setgħetx tantiċipa l-evoluzzjoni tal-kundizzjonijiet tas-suq u lanqas l-imġiba futura tal-produtturi esportaturi fil-Vjetnam. Jekk iġġustifikat, dment li tkun tista’ tintwera bidla fiċ-ċirkostanzi ta’ natura dejjiema, jista’ jinfetaħ rieżami tad-dazji fuq dik il-bażi, skont l-Artikolu 11(3) tar-Regolament bażiku. B’hekk, il-Kummissjoni ċaħdet il-pretensjoni.

(27)

Fin-Notifika tal-Bidu, il-Kummissjoni indikat li tista’ tieħu kampjun tal-partijiet interessati f’konformità mal-Artikolu 17 tar-Regolament bażiku.

(28)

Fin-Notifika tal-Bidu, il-Kummissjoni indikat li kienet għażlet b’mod proviżorju kampjun ta’ produtturi tal-Unjoni. Il-Kummissjoni għażlet kampjun fuq il-bażi tal-ogħla volumi rappreżentattivi ta’ produzzjoni u ta’ bejgħ, filwaqt li żgurat firxa ġeografika. Il-Kummissjoni stiednet lill-partijiet interessati jikkummentaw dwar il-kampjun proviżorju, iżda ma rċeviet l-ebda kumment.

(29)

Bħala riżultat, il-kampjun finali kien magħmul minn tliet produtturi tal-Unjoni li kienu jinsabu fi tliet Stati Membri differenti. Huwa jammonta għal aktar minn 34 % tal-volum totali stmat tal-produzzjoni u aktar minn 35 % tal-bejgħ totali stmat tal-prodott simili fl-Unjoni.

(30)

Sabiex tiddeċiedi jekk ikunx meħtieġ il-kampjunar u, jekk dan ikun il-każ, tagħżel kampjun, il-Kummissjoni talbet lil importaturi mhux relatati jipprovdu l-informazzjoni speċifikata fin-Notifika tal-Bidu.

(31)

L-ebda importatur mhux relatat ma pprovda l-informazzjoni mitluba u qabel li jiġi inkluż fil-kampjun.

(32)

Sabiex tiddeċiedi jekk ikunx meħtieġ il-kampjunar u, jekk dan ikun il-każ, tagħżel kampjun, il-Kummissjoni talbet lill-produtturi esportaturi kollha fl-Eġittu, fl-Indja, fil-Ġappun u fil-Vjetnam jipprovdu l-informazzjoni speċifikata fin-Notifika tal-Bidu. Barra minn hekk, il-Kummissjoni talbet lill-Missjoni tar-Repubblika Għarbija tal-Eġittu għall-Unjoni Ewropea, lill-Missjoni tal-Indja għall-Unjoni Ewropea, lill-Missjoni tal-Ġappun għall-Unjoni Ewropea u lill-Missjoni tar-Repubblika Soċjalista tal-Vjetnam għall-Unjoni Ewropea jidentifikaw u/jew jikkuntattjaw lil produtturi esportaturi oħrajn, jekk ikun hemm, li jistgħu jkunu interessati jipparteċipaw fl-investigazzjoni.

(33)

Fir-rigward tal-Eġittu, grupp wieħed ta’ produtturi esportaturi pprovdew l-informazzjoni mitluba u qablu li jiġu inklużi fil-kampjun. Il-grupp jikkonsisti minn azjenda, Ezz Steel Company (“Ezz Steel”), li hija s-sid ta’ produttur esportatur, All Ezz Dekheila Steel Company (“EZDK”), li min-naħa tiegħu huwa s-sid ta’ produttur esportatur ieħor, Ezz Flat Steel Company (“EFS”). Minħabba l-għadd żgħir ta’ tweġibiet, il-Kummissjoni ddeċidiet li ma kienx meħtieġ il-kampjunar.

(34)

Fir-rigward tal-Indja u tal-Ġappun, ħames produtturi esportaturi f’kull pajjiż ipprovdew l-informazzjoni mitluba u qablu li jiġu inklużi fil-kampjun. Waħda mill-kumpaniji Ġappuniżi, madankollu, ma kinitx produttur esportatur tal-prodott ikkonċernat u ġiet injorata għall-fini tal-istabbiliment ta’ kampjun. F’konformità mal-Artikolu 17(1) tar-Regolament bażiku, il-Kummissjoni għażlet kampjun ta’ żewġ produtturi esportaturi kemm fl-Indja kif ukoll fil-Ġappun, fuq il-bażi tal-akbar volum rappreżentattiv ta’ esportazzjonijiet lejn l-Unjoni li seta’ jiġi investigat b’mod raġonevoli fiż-żmien disponibbli. F’konformità mal-Artikolu 17(2) tar-Regolament bażiku, il-produtturi esportaturi magħrufa kkonċernati kollha u l-awtoritajiet taż-żewġ pajjiżi kkonċernati ġew ikkonsultati dwar l-għażla tal-kampjuni. Ma wasal l-ebda kumment dwar il-kampjuni.

(35)

Fl-aħħar nett, fir-rigward tal-Vjetnam, tliet kumpaniji pprovdew l-informazzjoni mitluba u qablu li jiġu inklużi fil-kampjun, madankollu tnejn minnhom biss kienu produtturi esportaturi tal-prodott ikkonċernat. Bil-ħsieb tal-għadd żgħir ta’ tweġibiet, il-Kummissjoni ddeċidiet li ma kienx meħtieġ il-kampjunar.

(36)

L-ebda produttur esportatur ma talab eżami individwali skont l-Artikolu 17(3) tar-Regolament bażiku.

(37)

Il-Kummissjoni bagħtet kwestjonarji lit-tliet produtturi tal-Unjoni inklużi fil-kampjun, lill-ilmentatur, lill-produtturi esportaturi inklużi fil-kampjun fl-Eġittu, fl-Indja, fil-Ġappun u fil-Vjetnam, lill-importaturi magħrufa u lill-utenti. L-istess kwestjonarji kienu disponibbli online (5) fil-jum tal-bidu.

(38)

L-ilmentatur ipprovda fl-ilment biżżejjed evidenza prima facie ta’ distorsjonijiet fil-materja prima fl-Indja u fil-Vjetnam rigward il-prodott taħt investigazzjoni. Għalhekk, kif tħabbar fin-Notifika tal-Bidu, l-investigazzjoni kopriet dawk id-distorsjonijiet fil-materja prima biex tiddetermina jekk jiġux applikati d-dispożizzjonijiet tal-Artikolu 7(2a) u 7(2b) tar-Regolament bażiku fir-rigward tal-Indja u tal-Vjetnam. Għal din ir-raġuni, il-Kummissjoni bagħtet kwestjonarji addizzjonali lill-Gvern tal-Vjetnam.

(39)

Il-Kummissjoni fittxet u vverifikat l-informazzjoni kollha li qieset meħtieġa għal kif jiġi stabbilit b’mod proviżorju d-dumping, id-dannu li jirriżulta u l-interess tal-Unjoni. Iż-żjarat ta’ verifika skont l-Artikolu 16 tar-Regolament bażiku twettqu fil-bini tal-kumpaniji li ġejjin:

(40)

L-investigazzjoni tad-dumping u tad-dannu kopriet il-perjodu mill-1 ta’ April 2023 sal-31 ta’ Marzu 2024 (“il-perjodu ta’ investigazzjoni”). L-eżami tax-xejriet rilevanti għall-valutazzjoni tad-dannu kopra l-perjodu mill-1 ta’ Jannar 2021 sa tmiem il-perjodu ta’ investigazzjoni (“il-perjodu kkunsidrat”).

(41)

Wara l-bidu, produttur esportatur argumenta li s-sena 2020 jenħtieġ li tiġi inkluża bħala s-sena referenzjarja fil-perjodu kkunsidrat, sabiex jitqies bis-sħiħ l-impatt tad-distorsjonijiet tas-suq mill-kriżi tal-COVID-19 fuq l-evoluzzjoni tal-importazzjonijiet ta’ prodotti tal-azzar ċatti b’laminazzjoni termali.

(42)

Il-Kummissjoni kkunsidrat li l-perjodu kkunsidrat ma għandux jiġi estiż għas-sena 2020 peress li s-suq u l-prestazzjoni tal-industrija tal-Unjoni kienu influwenzati serjament minn ċirkostanzi eċċezzjonali skattati mill-kriżi tal-COVID-19. Tali estensjoni ma jkollhiex valur miżjud. Barra minn hekk, it-tul tal-perjodu kkunsidrat kien konsistenti mal-prattiki normali ta’ investigazzjoni.

(43)

Produttur esportatur ieħor sostna li billi għażlet il-perjodu ta’ investigazzjoni fil-bidu, il-Kummissjoni ħalliet barra t-trimestru sħiħ bejn tmiem il-perjodu ta’ investigazzjoni u d-data tal-bidu (it-8 ta’ Awwissu 2024) u b’hekk naqqset il-perjodu kkunsidrat għall-2021 – l-ewwel trimestru tal-2024 billi eskludiet is-snin sħaħ 2020-2023.

(44)

Skont dan il-produttur esportatur, din id-deċiżjoni ma kinitx f’konformità mal-“istandard legali preskritt” mir-Regolament bażiku u, billi għażlet is-sena mhux rappreżentattiva tal-2021 bħala parametru referenzjarju, għawwġet ir-riżultat tal-analiżi tad-dannu materjali.

(45)

Il-Kummissjoni ċaħdet b’mod proviżorju dawn il-pretensjonijiet peress li, l-ewwel nett, hija l-prattika standard tal-Kummissjoni u hija fid-diskrezzjoni tagħha li tagħżel perjodu ta’ investigazzjoni li jkopri perjodu ta’ mhux inqas minn sitt xhur immedjatament qabel id-data tal-bidu (6) u li tikkunsidra għall-valutazzjoni tad-dannu tliet snin kalendarji minbarra l-perjodu ta’ investigazzjoni u mhux erbgħa. It-tieni, it-telf imġarrab mill-industrija ġenerali, kemm fl-UE kif ukoll barra minnha, fis-sena 2020, kien prinċipalment dovut għall-kriżi tal-COVID-19, li rriżultat f’għeluq tal-produzzjoni, b’diversi impjanti tal-azzar iddiżattivati madwar id-dinja. Ladarba l-ekonomija bdiet tirkupra mill-COVID-19 mill-2021, id-domanda għall-prodott taħt investigazzjoni mxiet fl-istess direzzjoni, li rriżultat f’żidiet fil-prezzijiet u fil-profitti. Dan ifisser li s-sena 2020 tirrappreżenta punt eċċezzjonalment baxx, aktar milli sena tipika. It-tielet, mill-2021, stabbilizzaw il-provvista u d-domanda sabiex ġie kkunsidrat xieraq perjodu kkunsidrat li jibda fl-2021. Fi kwalunkwe każ, f’konformità mal-prattika standard tal-Kummissjoni, il-Kummissjoni analizzat il-fatturi rilevanti kollha biex tivvaluta l-evoluzzjoni tas-sitwazzjoni tal-industrija tal-Unjoni matul il-perjodu kkunsidrat.

(46)

Il-prodott taħt investigazzjoni huwa ċerti prodotti ċatti b’laminazzjoni termali tal-ħadid, azzar mhux illigat jew liga oħra tal-azzar, f’koljaturi jew le (inklużi prodotti “maqtugħa skont id-daqs” u “li jkunu strixxi dojoq”), mhux maħdumin aktar ħlief b’laminazzjoni termali, mhux miksijin, indurati jew mgħottijin (“il-prodott taħt investigazzjoni”).

Il-prodotti li ġejjin huma esklużi:

(47)

Prodotti tal-azzar ċatti b’laminazzjoni termali huma mmanifatturati permezz tal-laminazzjoni termali; dan huwa proċess li jifforma l-metall li bih metall sħun jiġi mgħoddi minn par wieħed jew aktar ta’ laminaturi termali biex titnaqqas il-ħxuna u biex il-ħxuna ssir uniformi, li permezz tiegħu t-temperatura tal-metall tkun ogħla mit-temperatura ta’ rikristallizzazzjoni tiegħu. Jistgħu jiġu pprovduti f’diversi forom: f’koljaturi (mogħtija ż-żejt jew le, imnaddfin bl-aċidu jew le), maqtugħin f’tulijiet (folji) jew li jkunu strixxi dojoq.

(48)

Hemm żewġ użi ewlenin tal-prodotti tal-azzar ċatti b’laminazzjoni termali. L-ewwel nett, dawn huma l-materjal ewlieni għall-produzzjoni ta’ diversi prodotti tal-azzar downstream b’valur miżjud, li jibdew minn prodotti tal-azzar ċatti u miksija b’laminazzjoni bil-kesħa. It-tieni, jintużaw bħala input industrijali li jinxtara mill-utenti finali għal diversi applikazzjonijiet, inkluż fil-kostruzzjoni (il-produzzjoni ta’ tubi tal-azzar), fil-bini ta’ bastimenti, f’kontenituri tal-gass, f’karozzi, f’reċipjenti taħt pressjoni u f’pipelines tal-enerġija.

(49)

Il-prodott ikkonċernat huwa l-prodott taħt investigazzjoni, li joriġina mill-Eġittu, mill-Indja, mill-Ġappun u mill-Vjetnam (“il-pajjiżi kkonċernati”), li bħalissa jaqa’ taħt il-kodiċi(jiet) NM 7208 10 00 , 7208 25 00 , 7208 26 00 , 7208 27 00 , 7208 36 00 , 7208 37 00 , 7208 38 00 , 7208 39 00 , 7208 40 00 , 7208 52 10 , 7208 52 99 , 7208 53 10 , 7208 53 90 , 7208 54 00 , 7211 13 00 , 7211 14 00 , 7211 19 00 , ex 7225 19 10 (Kodiċi TARIC 7225 19 10 90), 7225 30 90 , ex 7225 40 60 (Kodiċi TARIC 7225 40 60 90), 7225 40 90 , ex 7226 19 10 (Kodiċi TARIC 7226 19 10 91, 7226 19 10 95), 7226 91 91 u 7226 91 99 . Il-kodiċijiet NM u TARIC huma pprovduti biss għal informazzjoni u mingħajr preġudizzju għal bidla sussegwenti fil-klassifikazzjoni tariffarja. L-ambitu ta’ din l-investigazzjoni huwa soġġett għad-definizzjoni tal-prodott taħt investigazzjoni kif jinsab hawn fuq.

(50)

L-investigazzjoni wriet li l-prodotti li ġejjin għandhom l-istess karatteristiki fiżiċi, kimiċi u tekniċi bażiċi kif ukoll l-istess użi bażiċi:

(51)

Għalhekk, f’dan l-istadju, il-Kummissjoni ddeċidiet li dawk il-prodotti huma prodotti simili skont it-tifsira tal-Artikolu 1(4) tar-Regolament bażiku.

(52)

Produttur esportatur (Daido Steel Co. Ltd, ‘‘Daido’’) talab l-esklużjoni tat-tipi kollha ta’ prodotti tal-azzar ċatti b’laminazzjoni termali tiegħu fuq il-bażi li huma magħrufa fl-industrija bħala azzar tal-għodda u azzar li jintuża f’veloċità għolja, għalkemm ma jissodisfawx id-deskrizzjoni tal-azzar tal-għodda inkluża fin-Nomenklatura Magħquda (NM) tal-UE. Huwa sostna li l-prodotti tiegħu i) għandhom proprjetajiet fiżiċi, tekniċi u kimiċi distinti b’mod sinifikanti meta mqabbla ma’ tipi oħra ta’ prodotti tal-azzar ċatti b’laminazzjoni termali, ii) huma kkummerċjalizzati permezz ta’ kanali tal-bejgħ speċjalizzati bi prezzijiet differenti u iii) l-ispeċifikazzjonijiet u l-użi finali differenti tagħhom jenħtieġ li jiġu inklużi fid-definizzjoni tal-ambitu tal-prodott.

(53)

F’investigazzjonijiet preċedenti dwar l-istess ambitu tal-prodott, il-Kummissjoni eskludiet l-azzar tal-għodda u l-azzar li jintuża f’veloċità għolja mill-ambitu tal-prodott tal-proċediment anti-dumping li jikkonċerna l-importazzjonijiet ta’ ċerti prodotti ċatti b’laminazzjoni termali tal-ħadid, azzar mhux illigat jew liga oħra tal-azzar (7). Il-Kummissjoni sabet li tabilħaqq hemm differenzi fiżiċi u kimiċi kbar bejn tipi oħra tal-prodott ikkonċernat ħlief l-azzar tal-għodda u l-azzar li jintuża f’veloċità għolja, minn naħa waħda, u l-azzar tal-għodda u l-azzar li jintuża f’veloċità għolja, min-naħa l-oħra. Il-Kummissjoni tikkonferma tali valutazzjoni fl-investigazzjoni inkwistjoni. Madankollu, il-Kummissjoni kkunsidrat li l-pretensjoni ta’ Daido Steel Co. Ltd li teskludi t-tipi kollha tagħha ta’ prodotti tal-azzar ċatti b’laminazzjoni termali ma kinitx speċifika biżżejjed. Għal dawn ir-raġunijiet, il-Kummissjoni ċaħdet il-pretensjoni ta’ Daido li tirrifjuta l-prodotti kollha tagħha iżda kkonfermat l-esklużjoni tal-azzar tal-għodda kif previst fit-Taqsima 2.1. Il-Kummissjoni kkunsidrat ukoll li l-użu tal-kodiċijiet NM xierqa kien ir-responsabbiltà tal-importatur meta jiddikjara l-oġġetti lill-awtoritajiet doganali.

(54)

Il-Kummissjoni l-ewwel eżaminat jekk tal-volum totali tal-bejgħ domestiku għal EzzSteel kienx rappreżentattiv, f’konformità mal-Artikolu 2(2) tar-Regolament bażiku. Il-bejgħ domestiku huwa rappreżentattiv jekk it-total tal-volum ta’ bejgħ domestiku tal-prodott simili lil klijenti indipendenti fis-suq domestiku għal kull produttur esportatur ikun irrappreżenta mill-inqas 5 % tat-total tal-volum tiegħu tal-bejgħ għall-esportazzjoni tal-prodott ikkonċernat lejn l-Unjoni matul il-perjodu ta’ investigazzjoni. Fuq din il-bażi, il-bejgħ totali minn Ezz Steel tal-prodott simili fis-suq domestiku kien rappreżentattiv.

(55)

Il-Kummissjoni sussegwentement identifikat it-tipi ta’ prodotti mibjugħin fuq livell domestiku li kienu identiċi jew paragunabbli għat-tipi ta’ prodotti mibjugħin għall-esportazzjoni lejn l-Unjoni għall-produttur esportatur b’bejgħ domestiku rappreżentattiv.

(56)

Il-Kummissjoni mbagħad eżaminat jekk il-bejgħ domestiku mill-produttur esportatur fis-suq domestiku tiegħu għal kull tip ta’ prodott li huwa identiku jew komparabbli ma’ tip ta’ prodott mibjugħ għall-esportazzjoni lejn l-Unjoni kienx rappreżentattiv, f’konformità mal-Artikolu 2(2) tar-Regolament bażiku. Il-bejgħ domestiku ta’ tip ta’ prodott identiku jew komparabbli huwa rappreżentattiv jekk it-total tal-volum ta’ bejgħ domestiku ta’ dak it-tip ta’ prodott lil klijenti indipendenti matul il-perjodu ta’ investigazzjoni jirrappreżenta mill-inqas 5 % tat-total tal-volum ta’ bejgħ għall-esportazzjoni ta’ dak it-tip ta’ prodott lejn l-Unjoni.

(57)

Il-Kummissjoni stabbiliet li l-bejgħ domestiku tat-tipi kollha ta’ prodott għal kull tip ta’ prodott li huwa identiku jew komparabbli ma’ tip ta’ prodott mibjugħ għall-esportazzjoni lejn l-Unjoni kien rappreżentattiv, ħlief għal żewġ tipi ta’ prodotti li għalihom il-bejgħ domestiku kien inqas minn 5 % u b’hekk mhux rappreżentattiv. Għal dawn it-tipi ta’ prodotti, il-valur normali nħadem f’konformità mal-metodu ta’ hawn taħt.

(58)

Il-Kummissjoni mbagħad iddefiniet il-proporzjon tal-bejgħ profittabbli lil klijenti indipendenti fis-suq domestiku għal kull tip ta’ prodott matul il-perjodu ta’ investigazzjoni sabiex tiddeċiedi jekk tużax il-bejgħ domestiku effettiv għall-kalkolu tal-valur normali, f’konformità mal-Artikolu 2(4) tar-Regolament bażiku.

(59)

Il-valur normali huwa bbażat fuq il-prezz domestiku effettiv għal kull tip ta’ prodott, irrispettivament minn jekk dak il-bejgħ huwiex profittabbli jew le, jekk:

(60)

F’dan il-każ, il-valur normali huwa l-medja ponderata tal-prezzijiet tal-bejgħ domestiku kollu ta’ dak it-tip ta’ prodott matul il-perjodu ta’ investigazzjoni.

(61)

Il-valur normali huwa l-prezz domestiku effettiv għal kull tip ta’ prodott tal-bejgħ domestiku profittabbli biss tat-tipi ta’ prodotti matul il-perjodu ta’ investigazzjoni, jekk:

(62)

L-analiżi tal-bejgħ domestiku wriet li aktar minn 80 % tal-bejgħ domestiku kollu kienu profittabbli u li l-prezz medju ponderat tal-bejgħ kien ogħla mill-kost unitarju medju ponderat tal-produzzjoni. Għaldaqstant, il-valur normali kien ikkalkolat bħala medju ponderat tal-prezzijiet tal-bejgħ domestiku kollu matul il-perjodu ta’ investigazzjoni.

(63)

Għaż-żewġ tipi ta’ prodott li ma kinux inbiegħu fi kwantitajiet rappreżentattivi fis-suq domestiku skont it-tifsira tal-Artikolu 2(3), l-ewwel sentenza tar-Regolament Bażiku, il-Kummissjoni ħadmet il-valur normali f’konformità mal-Artikolu 2(3) u (6) tar-Regolament bażiku.

(64)

Il-valur normali nħadem billi ġie miżjud dan li ġej mal-kost medju tal-produzzjoni tal-prodott simili tal-produttur esportatur li kkoopera matul il-perjodu ta’ investigazzjoni:

(65)

Għat-tipi ta’ prodotti mhux mibjugħa fi kwantitajiet rappreżentattivi fis-suq domestiku, ġew miżjuda l-kostijiet SG&A medji u l-profitt tat-tranżazzjonijiet li saru fil-perkors normali tan-negozju fis-suq domestiku għal dawk it-tipi.

(66)

Il-produttur esportatur esporta direttament lejn l-Unjoni lil klijenti indipendenti jew lil negozjanti indipendenti u l-prezz tal-esportazzjoni kien il-prezz effettivament imħallas jew li għandu jitħallas għall-prodott ikkonċernat meta jinbiegħ għall-esportazzjoni lejn l-Unjoni, f’konformità mal-Artikolu 2(8) tar-Regolament bażiku.

(67)

L-Artikolu 2(10) tar-Regolament bażiku jirrikjedi li l-Kummissjoni tagħmel paragun ġust bejn il-valur normali u l-prezz tal-esportazzjoni fl-istess livell ta’ kummerċ u tagħmel konċessjonijiet għad-differenzi fil-fatturi li jaffettwaw il-prezzijiet u l-komparabilità tal-prezzijiet. F’dan il-każ, il-Kummissjoni għażlet li tqabbel il-valur normali u l-prezz tal-esportazzjoni tal-produtturi esportaturi inklużi fil-kampjun fil-livell ta’ kummerċ mill-fabbrika. Kif spjegat aktar hawn taħt, fejn xieraq, il-valur normali u l-prezz tal-esportazzjoni ġew aġġustati sabiex: (i) jiġu lura nett għal-livell ta’ kummerċ mill-fabbrika; u (ii) jagħmlu konċessjonijiet għal differenzi fil-fatturi li ġew iddikjarati, u murija, li jaffettwaw il-prezzijiet u l-komparabbiltà tal-prezzijiet

(68)

Sabiex il-valur normali jiġi nnettjat lura għal-livell ta’ kummerċ mill-fabbrika, saru aġġustamenti biex jitqiesu: it-trasport, l-assigurazzjoni, il-maniġġ, it-tagħbija, il-kummissjonijiet u l-kostijiet anċillari, fejn applikabbli.

(69)

Saru konċessjonijiet għall-fatturi li ġejjin li jaffettwaw il-prezzijiet u l-komparabbiltà tal-prezzijiet: il-kostijiet tal-kreditu u t-tariffi bankarji fejn applikabbli.

(70)

Sabiex il-prezz tal-esportazzjoni jiġi nnettjat lura għal-livell ta’ kummerċ mill-fabbrika, saru aġġustamenti minħabba: it-trasport intern, it-trasport tal-merkanzija bil-baħar u l-assigurazzjoni, u l-maniġġ u t-tagħbija.

(71)

Saru konċessjonijiet għall-fatturi li ġejjin li jaffettwaw il-prezzijiet u l-komparabbiltà tal-prezzijiet: il-kost tal-kreditu u t-tariffi bankarji.

(72)

Il-Kummissjoni ġiet mgħarrfa mill-kumpanija dwar kwistjonijiet ta’ kambju tal-munita fl-Eġittu matul il-perjodu ta’ investigazzjoni, ara t-taqsima 1.4.3 hawn fuq. Meta jiġi kkunsidrat li l-kontijiet awditjati tal-produtturi esportaturi li kkooperaw għall-PI kienu bbażati fuq ir-rata tal-kambju tas-suq parallela, skont deroga maħruġa mill-Awtoritajiet Eġizzjani fil-5 ta’ Settembru 2023, intużat ir-rata tal-kambju parallela aktar minn dik uffiċjali għall-fini tal-kalkolu. L-Artikolu 2(10)(j) tar-Regolament bażiku jipprevedi li d-data tal-bejgħ jenħtieġ li ‘normalment’’ tkun id-data tal-fattura, u li tista’ tintuża d-data tal-kuntratt, tal-ordni tax-xiri jew tal-konferma tal-ordni jekk dawn jistabbilixxu b’mod aktar xieraq it-termini materjali tal-bejgħ. L-ewwel nett, il-Kummissjoni kkunsidrat il-fluttwazzjoni fir-rata tal-kambju tas-suq parallela tal-EGP u t-tnaqqis sinifikanti ġenerali tal-EGP kontra l-USD u l-euro. It-tieni, il-Kummissjoni kkunsidrat il-prattiki tal-iffissar tal-prezzijiet tal-produttur esportatur Eġizzjan, li permezz tagħhom ġew saldati t-termini materjali fil-mument tal-kuntratt ta’ bejgħ aktar milli fid-data tal-fattura għall-bejgħ għall-esportazzjoni. Għalhekk, il-Kummissjoni użat ir-rata tal-kambju ta’ kull xahar, kif irrapportat fir-rapporti finanzjarji tal-produttur esportatur, applikabbli fiż-żmien tal-kuntratt ta’ bejgħ biex il-prezz tal-esportazzjoni jiġi kkonvertit minn USD għal EGP.

(73)

Il-Kummissjoni qabblet għall-produttur esportatur il-valur normali medju ponderat ta’ kull tip ta’ prodott simili mal-prezz tal-esportazzjoni medju ponderat tat-tip korrispondenti tal-prodott ikkonċernat, f’konformità mal-Artikolu 2(11) u (12) tar-Regolament bażiku.

(74)

Fuq din il-bażi, il-marġni medju ponderat proviżorju tad-dumping espress bħala perċentwali tal-prezz CIF fil-fruntiera tal-Unjoni, bid-dazju mhux imħallas, ikkalkolat għall-produttur esportatur huwa 12,8 %.

(75)

Il-livell ta’ kooperazzjoni fil-każ tal-Eġittu huwa għoli minħabba li l-esportazzjonijiet tal-produtturi esportaturi li kkooperaw kienu jikkostitwixxu 100 % tal-importazzjonijiet totali matul il-perjodu ta’ investigazzjoni. Fuq din il-bażi, il-Kummissjoni ddeċidiet li tistabbilixxi l-marġni tad-dumping għall-produtturi esportaturi li ma kkooperawx fil-livell tal-unika kumpanija li kkooperat.

(76)

Il-marġnijiet proviżorji tad-dumping, espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:

Tabella 1

Marġini tad-Dumping

(77)

Iż-żewġ produtturi esportaturi inklużi fil-kampjun ikkooperaw. Fis-suq domestiku, iż-żewġ produtturi esportaturi inklużi fil-kampjun biegħu l-prodott simili direttament u permezz ta’ negozjanti relatat. Huma esportaw direttament il-prodott ikkonċernat lejn l-Unjoni lil klijenti indipendenti u permezz ta’ partijiet relatati.

(78)

Il-Kummissjoni l-ewwel eżaminat għal kull produttur esportatur inkluż fil-kampjun jekk it-total tal-volum ta’ bejgħ domestiku kienx rappreżentattiv, f’konformità mal-Artikolu 2(2) tar-Regolament Bażiku. Il-bejgħ domestiku huwa rappreżentattiv jekk it-total tal-volum ta’ bejgħ domestiku tal-prodott simili lil konsumaturi indipendenti fis-suq domestiku jkun irrappreżenta mill-inqas 5 % tat-total tal-volum tiegħu tal-bejgħ għall-esportazzjoni tal-prodott taħt investigazzjoni matul il-perjodu ta’ investigazzjoni. Fuq din il-bażi, il-bejgħ totali minn kull produttur esportatur inkluż fil-kampjun tal-prodott simili fis-suq domestiku kien rappreżentattiv.

(79)

Il-Kummissjoni sussegwentement identifikat it-tipi ta’ prodotti mibjugħin fuq livell domestiku li kienu identiċi jew paragunabbli għat-tipi ta’ prodotti mibjugħin għall-esportazzjoni lejn l-Unjoni għall-produttur esportatur b’bejgħ domestiku rappreżentattiv.

(80)

Il-Kummissjoni mbagħad eżaminat jekk it-tipi ta’ prodotti identiċi jew komparabbli mibjugħa minn kull wieħed mill-produtturi esportaturi li kkooperaw fis-suq domestiku tagħhom imqabbla mat-tipi ta’ prodotti mibjugħa għall-esportazzjoni lejn l-Unjoni kinux rappreżentattivi, f’konformità mal-Artikolu 2(2) tar-Regolament bażiku. Il-bejgħ domestiku ta’ tip ta’ prodott identiku jew komparabbli huwa rappreżentattiv jekk il-volum totali tal-bejgħ domestiku ta’ dak it-tip ta’ prodott lil klijenti indipendenti matul il-perjodu ta’ investigazzjoni jirrappreżenta mill-inqas 5 % tat-total tal-volum ta’ bejgħ għall-esportazzjoni ta’ dak it-tip ta’ prodott lejn l-Unjoni.

(81)

Il-Kummissjoni stabbiliet li l-bejgħ domestiku tat-tipi kollha ta’ prodott għal kull tip ta’ prodott li huwa identiku jew komparabbli ma’ tip ta’ prodott mibjugħ għall-esportazzjoni lejn l-Unjoni kien rappreżentattiv, ħlief għal żewġ tipi ta’ prodotti ta’ AMNSIL, u tliet tipi ta’ prodotti tal-JSW Group li għalihom ma kien hemm l-ebda bejgħ domestiku, jew il-bejgħ domestiku kien inqas minn 5 % u b’hekk mhux rappreżentattiv. Fejn ma kien hemm l-ebda bejgħ domestiku ta’ tip ta’ prodott tal-prodott simili, il-valur normali nħadem minħabba li wkoll ma kienx disponibbli l-prezz tal-bejgħ domestiku ta’ produttur ieħor inkluż fil-kampjun għal dak it-tip ta’ prodott. Ma kien disponibbli l-ebda sors ieħor għall-prezzijiet domestiċi ta’ dak il-prodott. Għal dawn it-tipi ta’ prodotti, il-valur normali nħadem f’konformità mal-metodu ta’ hawn taħt.

(82)

Il-Kummissjoni mbagħad iddefiniet il-proporzjon tal-bejgħ profittabbli lil konsumaturi indipendenti fis-suq domestiku għal kull tip ta’ prodott matul il-perjodu ta’ investigazzjoni sabiex tiddeċiedi jekk tużax il-bejgħ domestiku effettiv għall-kalkolu tal-valur normali jew jekk tinjorax il-bejgħ barra mill-perkors normali tan-negozju minħabba l-prezz, f’konformità mal-Artikolu 2(4) tar-Regolament bażiku.

(83)

Il-kost tal-manifattura għal kull produttur esportatur inkluż fil-kampjun ġie aġġustat għall-hekk imsejħa “kostijiet mhux tal-produzzjoni”. Dawn kienu kostijiet li tqiesu bħala kostijiet mhux tal-produzzjoni mill-produtturi esportaturi inklużi fil-kampjun, u konsegwentement ma ġewx allokati għall-kost tal-manifattura. Instab li dawn il-kostijiet, anki jekk mhux allokati, kienu kostijiet relatati mal-manifattura tal-prodott taħt investigazzjoni.

(84)

Il-produtturi esportaturi kollha inklużi fil-kampjun kisbu l-mineral tal-ħadid parzjalment fis-suq Indjan u parzjalment mill-minjieri kaptivi tagħhom. Sabiex jikkonformaw mal-obbligi kuntrattwali tal-attività ta’ estrazzjoni, il-produtturi esportaturi inklużi fil-kampjun biegħu b’telf il-mineral tal-ħadid biex jevitaw li jħallsu penali jew biex inaqqsu l-kost tal-penali. It-telf realizzat tal-bejgħ tal-mineral tal-ħadid tqies bħala kost tal-akkwist mill-Kummissjoni u konsegwentement ġie allokat għall-kost tal-manifattura.

(85)

Il-valur normali huwa bbażat fuq il-prezz domestiku effettiv għal kull tip ta’ prodott, irrispettivament minn jekk dak il-bejgħ huwiex profittabbli jew le, jekk:

(86)

F’dan il-każ, il-valur normali huwa l-medja ponderata tal-prezzijiet tal-bejgħ domestiku kollu ta’ dak it-tip ta’ prodott matul il-perjodu ta’ investigazzjoni.

(87)

Il-valur normali huwa l-prezz domestiku effettiv għal kull tip ta’ prodott tal-bejgħ domestiku profittabbli biss tat-tipi ta’ prodotti matul il-perjodu ta’ investigazzjoni, jekk:

(88)

Meta tip ta’ prodott ma kienx inbiegħ fi kwantitajiet rappreżentattivi jew ma nbigħ xejn fis-suq domestiku skont it-tifsira tal-Artikolu 2(3), l-ewwel sentenza tar-Regolament Bażiku, il-Kummissjoni ħadmet il-valur normali f’konformità mal-Artikolu 2(3) u (6) tar-Regolament bażiku.

(89)

Il-valur normali nħadem għal kull tip ta’ prodott billi ġie miżjud dan li ġej mal-kost medju tal-produzzjoni tal-prodott simili tal-produtturi esportaturi investigati matul il-perjodu ta’ investigazzjoni:

(90)

Għat-tipi ta’ prodotti mhux mibjugħa fi kwantitajiet rappreżentattivi fis-suq domestiku, ġew miżjuda l-kostijiet SG&A medji u l-profitt tat-tranżazzjonijiet li saru fil-perkors normali tan-negozju fis-suq domestiku għal dawk it-tipi. Għat-tipi ta’ prodotti mhux mibjugħa b’xi mod fis-suq domestiku, jew li ma nstab l-ebda bejgħ fil-perkors normali tan-negozju, ġew miżjuda l-kostijiet SG&A medji ponderati u l-profitt tat-tranżazzjonijiet kollha li saru fil-perkors normali tan-negozju fis-suq domestiku.

(91)

Il-produtturi esportaturi inklużi fil-kampjun esportaw direttament lejn l-Unjoni lil klijenti indipendenti jew permezz tan-negozjanti relatati.

(92)

Fil-każ li l-produttur esportatur esporta direttament il-prodott ikkonċernat lil konsumaturi indipendenti fl-Unjoni, il-prezz tal-esportazzjoni jkun il-prezz effettivament imħallas jew li għandu jitħallas għall-prodott ikkonċernat meta nbiegħ għall-esportazzjoni lejn l-Unjoni, f’konformità mal-Artikolu 2(8) tar-Regolament bażiku.

(93)

Minbarra l-bejgħ dirett, produttur esportatur inkluż fil-kampjun biegħ ukoll il-prodott ikkonċernat lill-Unjoni lil partijiet relatati, li mbagħad ipproċessaw aktar il-prodott ikkonċernat. Għal dan il-bejgħ, il-prezz tal-esportazzjoni ġie stabbilit f’konformità mal-Artikolu 2(8) tar-Regolament bażiku minħabba li l-Kummissjoni setgħet tivverifika li l-prezzijiet bejn il-partijiet relatati kienu ta’ kundizzjonijiet ta’ kompetizzjoni ġusta u kienu jirriflettu l-prezzijiet tas-suq.

(94)

L-Artikolu 2(10) tar-Regolament bażiku jirrikjedi li l-Kummissjoni tagħmel paragun ġust bejn il-valur normali u l-prezz tal-esportazzjoni fl-istess livell ta’ kummerċ u tagħmel konċessjonijiet għad-differenzi fil-fatturi li jaffettwaw il-prezzijiet u l-komparabilità tal-prezzijiet. F’dan il-każ, il-Kummissjoni għażlet li tqabbel il-valur normali u l-prezz tal-esportazzjoni tal-produtturi esportaturi inklużi fil-kampjun fil-livell ta’ kummerċ mill-fabbrika. Kif spjegat aktar hawn taħt, fejn xieraq, il-valur normali u l-prezz tal-esportazzjoni ġew aġġustati sabiex: (i) jiġu lura nett għal-livell ta’ kummerċ mill-fabbrika; u (ii) jagħmlu konċessjonijiet għal differenzi fil-fatturi li ġew iddikjarati, u murija, li jaffettwaw il-prezzijiet u l-komparabbiltà tal-prezzijiet

(95)

Sabiex il-valur normali jiġi nnettjat lura għal-livell ta’ kummerċ mill-fabbrika, saru aġġustamenti biex jitqiesu: it-trasport intern u l-assigurazzjoni, u l-maniġġ u t-tagħbija.

(96)

Saru konċessjonijiet għall-fatturi li ġejjin li jaffettwaw il-prezzijiet u l-komparabbiltà tal-prezzijiet: il-kost tal-kreditu u l-kostijiet tal-imballaġġ.

(97)

Sabiex il-prezz tal-esportazzjoni jiġi nnettjat lura għal-livell ta’ kummerċ mill-fabbrika, saru aġġustamenti minħabba: it-trasport intern, it-trasport tal-merkanzija bil-baħar u l-assigurazzjoni, u l-maniġġ u t-tagħbija.

(98)

Saru konċessjonijiet għall-fatturi li ġejjin li jaffettwaw il-prezzijiet u l-komparabbiltà tal-prezzijiet: il-kost tal-kreditu, il-kummissjonijiet u t-tariffi bankarji.

(99)

Il-produtturi esportaturi kollha inklużi fil-kampjun għamlu pretensjoni skont l-Artikolu 2(10)(b) tar-Regolament bażiku għal aġġustament għal restituzzjoni tad-dazji, bl-argument li l-eżistenza ta’ skema ta' restituzzjoni tad-dazji għal ċerta materja prima timplika li l-bejgħ domestiku kollu tagħhom jinkorpora taxxa indiretta meta mqabbel mal-bejgħ għall-esportazzjoni. Madankollu, il-produtturi esportaturi ma setgħux juru li s-sempliċi eżistenza tal-iskema ta’ restituzzjoni tad-dazji taffettwa l-komparabilità tal-prezzijiet. Il-produtturi esportaturi ma setgħux juru li l-ammont ta’ restituzzjoni tad-dazju tqies fil-prezz tal-bejgħ. Għalhekk, din il-pretensjoni ma setgħetx tiġi aċċettata.

(100)

Produttur esportatur inkluż fil-kampjun għamel pretensjoni skont l-Artikolu 2(10)(k) tar-Regolament bażiku għall-kostijiet tat-trasport bejn l-impjant tal-produzzjoni u l-imħażen differenti fil-pajjiż. Madankollu, il-produttur esportatur ma setax juri li kost addizzjonali tat-trasport jaffettwa l-komparabilità tal-prezzijiet. Il-produttur esportatur ma setax juri li l-kost żejjed tat-trasport influwenza l-prezz tal-bejgħ. Għalhekk, din il-pretensjoni ma setgħetx tiġi aċċettata.

(101)

Għall-produtturi esportaturi inklużi fil-kampjun, il-Kummissjoni qabblet il-valur normali medju ponderat ta’ kull tip tal-prodott simili mal-prezz tal-esportazzjoni medju ponderat tat-tip korrispondenti tal-prodott ikkonċernat, f’konformità mal-Artikolu 2(11) u (12) tar-Regolament bażiku.

(102)

Fuq din il-bażi, il-marġni medju ponderat tad-dumping espress bħala perċentwal tal-prezz CIF fil-fruntiera tal-Unjoni, bid-dazju mhux imħallas, ikkalkolat għall-produtturi esportaturi għaż-żewġ produtturi esportaturi inklużi fil-kampjun kien ta’ 0,77 % u 1,76 %, jiġifieri taħt it-2 % tal-prezz tal-esportazzjoni, li huwa l-livell limitu de minimis stabbilit fl-Artikolu 9(3) tar-Regolament bażiku. Fuq din il-bażi, il-Kummissjoni kkonkludiet li l-marġni tad-dumping uniku għall-pajjiż kollu kien ukoll taħt id-de minimis. F’dawn iċ-ċirkostanzi, il-Kummissjoni biħsiebha ttemm il-proċediment attwali fir-rigward tal-importazzjonijiet tal-prodott ikkonċernat li joriġina mill-Indja, f’konformità mal-Artikolu 9(3) tar-Regolament bażiku.

(103)

Il-partijiet interessati huma mistiedna jikkummentaw dwar l-intenzjoni tal-Kummissjoni li ttemm il-proċediment fil-konfront tal-Indja fi żmien 15-il jum mill-pubblikazzjoni ta’ dan ir-Regolament.

(104)

Sabiex tistabbilixxi l-valur normali, il-Kummissjoni l-ewwel eżaminat jekk it-total tal-volum ta’ bejgħ domestiku tal-produtturi esportaturi inklużi fil-kampjun kienx rappreżentattiv, f’konformità mal-Artikolu 2(2) tar-Regolament bażiku. Il-bejgħ domestiku huwa rappreżentattiv jekk it-total tal-volum ta’ bejgħ domestiku tal-prodott simili lil klijenti indipendenti fis-suq domestiku għal kull produttur esportatur ikun irrappreżenta mill-inqas 5 % tat-total tal-volum tiegħu tal-bejgħ għall-esportazzjoni tal-prodott ikkonċernat lejn l-Unjoni matul il-perjodu ta’ investigazzjoni. Fuq din il-bażi, it-total tal-bejgħ minn kull produttur esportatur tal-prodott simili fis-suq domestiku kien rappreżentattiv.

(105)

Il-Kummissjoni sussegwentement identifikat it-tipi ta’ prodotti mibjugħa domestikament li kienu identiċi jew komparabbli mat-tipi ta’ prodotti mibjugħa għall-esportazzjoni lejn l-Unjoni għall-produtturi esportaturi b’bejgħ domestiku rappreżentattiv.

(106)

Il-Kummissjoni mbagħad eżaminat jekk il-bejgħ domestiku mill-produtturi esportaturi inklużi fil-kampjun fis-suq domestiku għal kull tip ta’ prodott li huwa identiku jew komparabbli ma’ tip ta’ prodott mibjugħ għall-esportazzjoni lill-Unjoni kienx rappreżentattiv, f’konformità mal-Artikolu 2(2) tar-Regolament bażiku. Il-bejgħ domestiku ta’ tali tip ta’ prodott huwa rappreżentattiv jekk it-total tal-volum ta’ bejgħ domestiku ta’ dak it-tip ta’ prodott lil klijenti indipendenti matul il-perjodu ta’ investigazzjoni jirrappreżenta mill-inqas 5 % tat-total tal-volum ta’ bejgħ għall-esportazzjoni tat-tip ta’ prodott identiku jew komparabbli lejn l-Unjoni.

(107)

Il-Kummissjoni stabbiliet li l-bejgħ domestiku tat-tipi kollha ta’ prodotti għal kull tip ta’ prodott li huwa identiku jew komparabbli ma’ tip ta’ prodott mibjugħ għall-esportazzjoni lejn l-Unjoni kien rappreżentattiv, ħlief għal erba’ tipi ta’ prodotti ta’ Tokyo Steel u żewġ tipi ta’ prodotti ta’ Nippon Steel li għalihom ma kien hemm l-ebda bejgħ domestiku, jew il-bejgħ domestiku kien inqas minn 5 % u b’hekk mhux rappreżentattiv. Fejn ma kien hemm l-ebda bejgħ domestiku ta’ tip ta’ prodott tal-prodott simili, il-valur normali nħadem minħabba li l-prezz tal-bejgħ domestiku tal-produttur l-ieħor inkluż fil-kampjun għal dak it-tip ta’ prodott ma setax jiġi żvelat b’mod sinifikanti mingħajr ma tinkiser il-kunfidenzjalità ta’ dak il-produttur. Il-Kummissjoni ma sabet l-ebda informazzjoni oħra dwar il-prezzijiet ta’ dawn il-prodotti. Għal dawn it-tipi ta’ prodotti mhux rappreżentattivi, il-valur normali nħadem f’konformità mal-metodu ta’ hawn taħt.

(108)

Imbagħad il-Kummissjoni ddefiniet il-proporzjon tal-bejgħ profittabbli lil klijenti indipendenti fis-suq domestiku għal kull tip ta’ prodott matul il-perjodu ta’ investigazzjoni biex tiddeċiedi jekk tużax il-bejgħ domestiku effettiv għall-kalkolu tal-valur normali, f’konformità mal-Artikolu 2(4) tar-Regolament bażiku.

(109)

Il-valur normali huwa bbażat fuq il-prezz domestiku effettiv għal kull tip ta’ prodott, irrispettivament minn jekk dak il-bejgħ huwiex profittabbli jew le, jekk:

(110)

F’dan il-każ, il-valur normali huwa l-medja ponderata tal-prezzijiet tal-bejgħ domestiku kollu ta’ dak it-tip ta’ prodott matul il-perjodu ta’ investigazzjoni.

(111)

Il-valur normali huwa l-prezz domestiku effettiv għal kull tip ta’ prodott tal-bejgħ domestiku profittabbli biss tat-tipi ta’ prodotti matul il-perjodu ta’ investigazzjoni, jekk:

(112)

L-analiżi tal-bejgħ domestiku wriet li għaż-żewġ produtturi esportaturi inklużi fil-kampjun, il-volum ta’ bejgħ profittabbli ta’ xi tipi ta’ prodotti matul il-perjodu ta’ investigazzjoni kien jirrappreżenta inqas minn 80 % tat-total tal-volum ta’ bejgħ ta’ dan it-tip. Għaldaqstant, għal dawn it-tipi ta’ prodotti, il-valur normali ġie kkalkolat bħala medja ponderata tal-bejgħ profittabbli biss. Għat-tipi l-oħra kollha ta’ prodotti, ix-xenarju deskritt fil-premessa (109) kien applikabbli, u l-valur normali ġie kkalkolat bħala medja ponderata tal-prezzijiet tal-bejgħ domestiku kollu matul il-perjodu ta’ investigazzjoni.

(113)

Għat-tipi ta’ prodotti tal-produtturi esportaturi inklużi fil-kampjun li għalihom ma kien hemm l-ebda bejgħ jew kien hemm bejgħ insuffiċjenti ta’ tip ta’ prodott tal-prodott simili fil-perkors normali tan-negozju jew fejn tip ta’ prodott ma nbiegħx fi kwantitajiet rappreżentattivi fis-suq domestiku, il-Kummissjoni ħadmet il-valur normali f’konformità mal-Artikolu 2(3) u (6) tar-Regolament bażiku.

(114)

Il-valur normali tfassal billi żdied dan li ġej mal-kost medju tal-produzzjoni tal-prodott simili tal-produtturi esportaturi fil-kampjun matul il-perjodu ta’ investigazzjoni:

(115)

Għat-tipi ta’ prodotti mhux mibjugħa fi kwantitajiet rappreżentattivi fis-suq domestiku, ġew miżjuda l-kostijiet SG&A medji u l-profitt tat-tranżazzjonijiet magħmula fil-perkors normali tan-negozju fis-suq domestiku għal dawk it-tipi. Fejn ma kien hemm l-ebda bejgħ domestiku ta’ tip ta’ prodott tal-prodott simili, il-valur normali nħadem minħabba li l-prezz tal-bejgħ domestiku ta’ produttur ieħor fil-kampjun għal dak it-tip ta’ prodott ma setax jiġi żvelat b’mod sinifikanti mingħajr ma tinkiser il-kunfidenzjalità ta’ dak il-produttur.

(116)

Il-Kummissjoni tinnota li minħabba xi nuqqasijiet fl-informazzjoni ppreżentata għal wieħed min-negozjanti domestiċi ta’ Nippon Steel u filwaqt li jitqiesu l-volumi limitati tal-bejgħ domestiku affettwat, il-Kummissjoni ddeċidiet li tuża l-informazzjoni minn Nippon Steel u l-kumpaniji relatati l-oħra tagħha bħala referenza għal dak in-negozjant domestiku sabiex tistabbilixxi l-valur normali. Minħabba n-natura sensittiva tad-data u l-ispjegazzjonijiet rilevanti, ġew ipprovduti aktar dettalji lil Nippon Steel fid-divulgazzjoni speċifika.

(117)

Nippon Steel esportat direttament lejn l-Unjoni lil klijenti indipendenti jew permezz ta’ kumpaniji relatati li jaġixxu bħala importatur, filwaqt li Tokyo Steel esportat direttament biss lejn l-Unjoni lil klijenti indipendenti.

(118)

Fil-każ li l-produttur esportatur esporta direttament il-prodott ikkonċernat lil konsumaturi indipendenti fl-Unjoni, il-prezz tal-esportazzjoni kien il-prezz effettivament imħallas jew li għandu jitħallas għall-prodott ikkonċernat meta nbiegħ għall-esportazzjoni lejn l-Unjoni, f’konformità mal-Artikolu 2(8) tar-Regolament bażiku.

(119)

Fil-każ li l-produttur esportatur esporta l-prodott ikkonċernat lejn l-Unjoni permezz ta’ kumpaniji relatati li jaġixxu bħala importaturi, il-prezz tal-esportazzjoni ġie stabbilit abbażi tal-prezz li bih il-prodott importat inbiegħ mill-ġdid għall-ewwel darba lil konsumaturi indipendenti fl-Unjoni, f’konformità mal-Artikolu 2(9) tar-Regolament bażiku. F’dan il-każ, saru aġġustamenti fil-prezz għall-kostijiet kollha mġarrba bejn l-importazzjoni u l-bejgħ mill-ġdid, inklużi l-kostijiet SG&A, u għall-profitti akkumulati.

(120)

L-Artikolu 2(10) tar-Regolament bażiku jirrikjedi li l-Kummissjoni tagħmel paragun ġust bejn il-valur normali u l-prezz tal-esportazzjoni fl-istess livell ta’ kummerċ u tagħmel konċessjonijiet għad-differenzi fil-fatturi li jaffettwaw il-prezzijiet u l-komparabilità tal-prezzijiet. F’dan il-każ, il-Kummissjoni għażlet li tqabbel il-valur normali u l-prezz tal-esportazzjoni tal-produtturi esportaturi inklużi fil-kampjun fil-livell ta’ kummerċ mill-fabbrika. Kif spjegat aktar hawn taħt, fejn xieraq, il-valur normali u l-prezz tal-esportazzjoni ġew aġġustati sabiex: (i) jiġu lura nett għal-livell ta’ kummerċ mill-fabbrika; u (ii) jagħmlu konċessjonijiet għal differenzi fil-fatturi li ġew iddikjarati, u murija, li jaffettwaw il-prezzijiet u l-komparabbiltà tal-prezzijiet.

(121)

Sabiex il-valur normali jiġi nnettjat lura għal-livell ta’ kummerċ mill-fabbrika, saru aġġustamenti biex jitqiesu: it-trasport intern; it-trasport tal-merkanzija bil-baħar u l-assigurazzjoni; il-maniġġ, it-tagħbija u l-kostijiet anċillari; u l-imballaġġ.

(122)

Saru konċessjonijiet għall-fatturi li ġejjin li jaffettwaw il-prezzijiet u l-komparabbiltà tal-prezzijiet: il-kost tal-kreditu; it-tariffi bankarji; l-iskontijiet u r-ribassi; il-kostijiet ta’ wara l-bejgħ; u l-kummissjonijiet.

(123)

Sabiex il-prezz tal-esportazzjoni jiġi nnettjat lura għal-livell ta’ kummerċ mill-fabbrika, saru aġġustamenti minħabba: it-trasport intern; it-trasport tal-merkanzija bil-baħar u l-assigurazzjoni; il-maniġġ, it-tagħbija u l-kostijiet anċillari; l-ippakkjar; u d-dazji ta’ salvagwardja.

(124)

Saru konċessjonijiet għall-fatturi li ġejjin li jaffettwaw il-prezzijiet u l-komparabbiltà tal-prezzijiet: il-kost tal-kreditu; it-tariffi bankarji; l-iskonti; il-kostijiet ta’ wara l-bejgħ; u l-kummissjonijiet.

(125)

Nippon Steel sostniet aġġustament addizzjonali biex tqis allegata differenza fil-prezz bejn il-bejgħ lil setturi differenti, meta l-prezzijiet ikunu bħala medja ogħla b’mod sinifikanti għal settur wieħed (“settur A”) minn ieħor (“settur B”). L-aġġustament suġġerit ikun ibbażat fuq id-differenza medja fil-prezz bejn iż-żewġ setturi għall-bejgħ kollu fis-suq domestiku, mingħajr ma ssir distinzjoni bejn il-perjodu tal-bejgħ, it-tip ta’ prodott jew jekk il-klijent kienx relatat jew indipendenti. Id-differenza ġenerali fil-prezz li tirriżulta fil-yen għal kull tunnellata titnaqqas mill-prezz tal-bejgħ billi din id-differenza fil-prezz tiġi multiplikata mal-kwantità mibjugħa lis-settur A fuq bażi ta’ tranżazzjoni. Matul il-verifika fuq il-post, Nippon Steel ipprovdiet xi informazzjoni ġenerali li tispjega għaliex normalment ikun hemm differenza fil-prezz bejn iż-żewġ setturi.

(126)

Madankollu, il-kumpanija a) ma setgħetx tikkwantifika l-elementi sottostanti tad-differenza fil-prezz, u wriet biss differenza ġenerali fil-prezz (it-totali tal-prezz medju għas-settur A nieqes it-total tal-prezz medju għas-settur B matul il-perjodu ta’ investigazzjoni); b) ma setgħetx tipprovdi dokumentazzjoni speċifika li tispjega d-differenza fil-prezz fuq bażi ta’ prodott jew ta’ klijent; c) ma setgħetx tispjega għaliex, għalkemm għal xi tranżazzjonijiet il-prezz fuq bażi ta’ tip ta’ prodott kien tabilħaqq ogħla għas-settur A kif allegat minn Nippon Steel, għal tranżazzjonijiet oħra l-prezz kien fil-fatt ogħla għas-settur B.

(127)

Barra minn hekk, id-differenza fil-prezz bejn il-bejgħ liż-żewġ setturi fuq bażi ta’ tip ta’ prodott kienet inkonsistenti u varjat minn perċentwal negattiv ta’ żewġ ċifri għal perċentwal pożittiv ta’ żewġ ċifri, kemm fix-xahar kif ukoll matul il-perjodu ta’ investigazzjoni kollu kemm hu. Barra minn hekk, id-differenza fil-prezz bejn iż-żewġ setturi tista’ tvarja minn xahar għal xahar. Pereżempju, għal tip ta’ prodott, il-Kummissjoni nnotat li l-prezz għas-settur A kien tabilħaqq aktar għali milli għas-settur B f’xahar minnhom, irħas fix-xahar li kien imiss u għal darb’ oħra aktar għali fix-xahar ta’ wara.

(128)

Fl-aħħar nett, għalkemm il-produttur esportatur Nippon Steel ipprovda informazzjoni dwar il-bejgħ liż-żewġ setturi differenti, il-Kummissjoni ma rċeviet tali informazzjoni mill-ebda waħda mill-entitajiet relatati tagħha. Għalhekk, minbarra l-kwistjonijiet imsemmija hawn fuq, ma kienx possibbli li tiġi analizzata l-allegata differenza fil-prezz fil-livell tal-entitajiet relatati u l-impatt fuq il-prezz tal-bejgħ finali lil klijenti indipendenti fis-suq domestiku.

(129)

Għar-raġunijiet ta’ hawn fuq, il-Kummissjoni ċaħdet il-pretensjoni ta’ aġġustament ta’ Nippon Steel.

(130)

Għall-produtturi esportaturi inklużi fil-kampjun, il-Kummissjoni qabblet il-valur normali medju ponderat ta’ kull tip tal-prodott simili mal-prezz tal-esportazzjoni medju ponderat tat-tip korrispondenti tal-prodott ikkonċernat, f’konformità mal-Artikolu 2(11) u (12) tar-Regolament bażiku.

(131)

Fuq din il-bażi, il-marġnijiet medji ponderati proviżorji tad-dumping espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:

(132)

Għall-produtturi esportaturi li kkooperaw li mhumiex inklużi fil-kampjun, il-Kummissjoni kkalkolat il-marġni medju ponderat tad-dumping, f’konformità mal-Artikolu 9(6) tar-Regolament bażiku.

(133)

Fuq din il-bażi, il-marġni tad-dumping proviżorju tal-produtturi esportaturi li kkooperaw li mhumiex inklużi fil-kampjun hija 32,9 %.

(134)

Għall-produtturi esportaturi l-oħrajn kollha fil-Ġappun, il-Kummissjoni stabbiliet il-marġni tad-dumping fuq il-bażi tal-fatti disponibbli, f’konformità mal-Artikolu 18 tar-Regolament bażiku. Għal dan il-għan, il-Kummissjoni ddeterminat il-livell ta’ kooperazzjoni tal-produtturi esportaturi. Il-livell ta’ kooperazzjoni huwa l-volum ta’ esportazzjonijiet tal-produtturi esportaturi li kkooperaw lejn l-Unjoni espress bħala proporzjon tat-total tal-importazzjonijiet mill-pajjiż ikkonċernat lejn l-Unjoni fil-perjodu ta’ investigazzjoni, kif stabbiliti fuq il-bażi tal-Eurostat.

(135)

Il-livell ta’ kooperazzjoni f’dan il-każ huwa għoli minħabba li l-esportazzjonijiet tal-produtturi esportaturi li kkooperaw kienu jikkostitwixxu 100 % tat-total tal-importazzjonijiet matul il-perjodu ta’ investigazzjoni. Fuq din il-bażi, il-Kummissjoni ddeċidiet li tistabbilixxi l-marġni tad-dumping għall-produtturi esportaturi li ma kkooperawx fil-livell tal-kumpanija li kkooperat inkluża fil-kampjun bl-ogħla marġni tad-dumping.

(136)

Il-marġnijiet proviżorji tad-dumping, espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:

Tabella 2

Marġini tad-Dumping

(137)

Il-Kummissjoni l-ewwel eżaminat jekk it-total tal-volum ta’ bejgħ domestiku ta’ kull produttur esportatur li kkoopera (Formosa u Hoa Phat) kienx rappreżentattiv, f’konformità mal-Artikolu 2(2) tar-Regolament bażiku. Il-bejgħ domestiku huwa rappreżentattiv jekk it-total tal-volum ta’ bejgħ domestiku tal-prodott simili lil klijenti indipendenti fis-suq domestiku għal kull produttur esportatur ikun irrappreżenta mill-inqas 5 % tat-total tal-volum tiegħu tal-bejgħ għall-esportazzjoni tal-prodott ikkonċernat lejn l-Unjoni matul il-perjodu ta’ investigazzjoni. Fuq din il-bażi, it-total tal-bejgħ minn Formosa u Hoa Phat tal-prodott simili fis-suq domestiku nstab li kien rappreżentattiv.

(138)

Il-Kummissjoni sussegwentement identifikat it-tipi ta’ prodotti mibjugħa domestikament li kienu identiċi jew komparabbli mat-tipi ta’ prodotti mibjugħa għall-esportazzjoni lejn l-Unjoni għall-produtturi esportaturi b’bejgħ domestiku rappreżentattiv.

(139)

Il-Kummissjoni mbagħad eżaminat jekk il-bejgħ domestiku ta’ kull produttur esportatur li kkoopera fis-suq domestiku tiegħu għal kull tip ta’ prodott li huwa identiku jew komparabbli ma’ tip ta’ prodott mibjugħ għall-esportazzjoni lejn l-Unjoni kienx rappreżentattiv, f’konformità mal-Artikolu 2(2) tar-Regolament bażiku. Il-bejgħ domestiku ta’ tip ta’ prodott huwa rappreżentattiv jekk it-totali tal-volum ta’ bejgħ domestiku ta’ dak it-tip ta’ prodott lil klijenti indipendenti matul il-perjodu ta’ investigazzjoni jirrappreżenta mill-inqas 5 % tat-total tal-volum ta’ bejgħ għall-esportazzjoni tat-tip ta’ prodott identiku jew komparabbli lejn l-Unjoni.

(140)

Il-Kummissjoni stabbiliet li fil-każ ta’ Formosa, il-bejgħ domestiku tat-tipi kollha ta’ prodotti għal kull tip ta’ prodott li huwa identiku jew komparabbli ma’ tip ta’ prodott mibjugħ għall-esportazzjoni lejn l-Unjoni kien rappreżentattiv. Fil-każ ta’ Hoa Phat, il-bejgħ domestiku tat-tipi kollha ta’ prodotti għal kull tip ta’ prodott li huwa identiku jew komparabbli ma’ tip ta’ prodott mibjugħ għall-esportazzjoni lejn l-Unjoni kien rappreżentattiv, ħlief għal żewġ tipi ta’ prodotti li għalihom ma kien hemm l-ebda bejgħ domestiku, jew il-bejgħ domestiku kien inqas minn 5 % u b’hekk mhux rappreżentattiv. Fejn ma kien hemm l-ebda bejgħ domestiku ta’ tip ta’ prodott tal-prodott simili, il-valur normali nħadem minħabba li l-prezz tal-bejgħ domestiku tal-produttur l-ieħor inkluż fil-kampjun għal dak it-tip ta’ prodott ma setax jiġi żvelat b’mod sinifikanti mingħajr ma tinkiser il-kunfidenzjalità ta’ dak il-produttur. Il-Kummissjoni ma sabet l-ebda informazzjoni oħra dwar il-prezzijiet ta’ dawn il-prodotti. Għal dawn it-tipi ta’ prodotti, il-valur normali nħadem f’konformità mal-metodu hawn taħt f’din it-taqsima.

(141)

Il-Kummissjoni mbagħad iddefiniet il-proporzjon tal-bejgħ profittabbli lil klijenti indipendenti fis-suq domestiku għal kull tip ta’ prodott matul il-perjodu ta’ investigazzjoni sabiex tiddeċiedi jekk tużax il-bejgħ domestiku effettiv għall-kalkolu tal-valur normali, f’konformità mal-Artikolu 2(4) tar-Regolament bażiku.

(142)

Il-valur normali huwa bbażat fuq il-prezz domestiku effettiv għal kull tip ta’ prodott, irrispettivament minn jekk dak il-bejgħ huwiex profittabbli jew le, jekk:

(143)

F’dan il-każ, il-valur normali huwa l-medja ponderata tal-prezzijiet tal-bejgħ domestiku kollu ta’ dak it-tip ta’ prodott matul il-perjodu ta’ investigazzjoni.

(144)

Il-valur normali huwa l-prezz domestiku effettiv għal kull tip ta’ prodott tal-bejgħ domestiku profittabbli biss tat-tipi ta’ prodotti matul il-perjodu ta’ investigazzjoni, jekk:

(145)

L-analiżi tal-bejgħ domestiku wriet li fil-każ ta’ Formosa, il-volum ta’ bejgħ profittabbli tat-tipi kollha ta’ prodotti rrappreżenta fil-perjodu ta’ investigazzjoni inqas minn 80 % tat-total tal-volum ta’ bejgħ ta’ dan it-tip. Għaldaqstant, għal dawn it-tipi ta’ prodotti, il-valur normali ġie kkalkolat bħala medja ponderata tal-bejgħ profittabbli biss.

(146)

Fil-każ ta’ Hoa Phat, il-volum ta’ bejgħ tat-tipi ta’ prodotti, mibjugħ bi prezz tal-bejgħ nett daqs jew ogħla mill-kost tal-produzzjoni kkalkolat, kien jirrappreżenta aktar minn 80 % tat-total tal-volum ta’ bejgħ ta’ dan it-tip ta’ prodott; u l-prezz medju ponderat tal-bejgħ ta’ dak it-tip ta’ prodott kien daqs jew ogħla mill-kost unitarju tal-produzzjoni. Għaldaqstant, il-valur normali kien ikkalkolat bħala medja ponderata tal-prezzijiet tal-bejgħ domestiku kollu matul il-perjodu ta’ investigazzjoni.

(147)

Għat-tipi ta’ prodotti ta’ Formosa u ta’ Hoa Phat li għalihom ma kien hemm l-ebda bejgħ jew ma kien hemm bejgħ insuffiċjenti ta’ tip ta’ prodott tal-prodott simili fil-pekors normali tan-negozju jew fejn tip ta’ prodott ma nbiegħx fi kwantitajiet rappreżentattivi fis-suq domestiku skont l-Artikolu 2(3) tar-Regolament bażiku, il-Kummissjoni ħadmet il-valur normali f’konformità mal-Artikolu 2(3) u (6) tar-Regolament bażiku minħabba li l-prezz tal-bejgħ domestiku tal-produttur l-ieħor inkluż fil-kampjun għal dak it-tip ta’ prodott ma setax jiġi żvelat b’mod sinifikanti mingħajr ma tinkiser il-kunfidenzjalità ta’ dak il-produttur. Il-Kummissjoni ma sabet l-ebda informazzjoni oħra dwar il-prezzijiet ta’ dawn il-prodotti.

(148)

Il-valur normali nħadem billi żdied dan li ġej mal-kost medju tal-produzzjoni tal-prodott simili ta’ Formosa u ta’ Hoa Phat matul il-perjodu ta’ investigazzjoni:

(149)

Għat-tipi ta’ prodotti mhux mibjugħa fi kwantitajiet rappreżentattivi fis-suq domestiku, żdiedu l-kostijiet SG&A medji u l-profitt tat-tranżazzjonijiet magħmula fil-perkors normali tan-negozju fis-suq domestiku għal dawk it-tipi. Għat-tipi ta’ prodotti mhux mibjugħa b’xi mod fis-suq domestiku, żdiedu l-kostijiet SG&A medji ponderati u l-profitt tat-tranżazzjonijiet kollha magħmula fil-perkors normali tan-negozju fis-suq domestiku.

(150)

Il-produtturi esportaturi li kkooperaw esportaw direttament lejn l-Unjoni lil klijenti indipendenti jew permezz ta’ negozjant relatat f’pajjiż terz.

(151)

Għalhekk, il-prezz tal-esportazzjoni kien il-prezz effettivament imħallas jew li għandu jitħallas għall-prodott ikkonċernat meta mibjugħ għall-esportazzjoni lejn l-Unjoni, f’konformità mal-Artikolu 2(8) tar-Regolament bażiku.

(152)

L-Artikolu 2(10) tar-Regolament bażiku jirrikjedi li l-Kummissjoni tagħmel paragun ġust bejn il-valur normali u l-prezz tal-esportazzjoni fl-istess livell ta’ kummerċ u tagħmel konċessjonijiet għad-differenzi fil-fatturi li jaffettwaw il-prezzijiet u l-komparabilità tal-prezzijiet. F’dan il-każ, il-Kummissjoni għażlet li tqabbel il-valur normali u l-prezz tal-esportazzjoni tal-produtturi esportaturi inklużi fil-kampjun fil-livell ta’ kummerċ mill-fabbrika. Kif spjegat aktar hawn taħt, fejn xieraq, il-valur normali u l-prezz tal-esportazzjoni ġew aġġustati sabiex: (i) jiġu lura nett għal-livell ta’ kummerċ mill-fabbrika; u (ii) jagħmlu konċessjonijiet għal differenzi fil-fatturi li ġew iddikjarati, u murija, li jaffettwaw il-prezzijiet u l-komparabbiltà tal-prezzijiet

(153)

Sabiex il-valur normali jiġi nnettjat lura għal-livell ta’ kummerċ mill-fabbrika, saru aġġustamenti biex jitqiesu: it-trasport intern, it-trasport tal-merkanzija bil-baħar u l-assigurazzjoni, u l-maniġġ u t-tagħbija.

(154)

Saru konċessjonijiet għall-fatturi li ġejjin li jaffettwaw il-prezzijiet u l-komparabbiltà tal-prezzijiet: il-kost tal-kreditu u t-tariffi bankarji.

(155)

Sabiex il-prezz tal-esportazzjoni jiġi nnettjat lura għal-livell ta’ kummerċ mill-fabbrika, saru aġġustamenti minħabba: it-trasport intern, it-trasport tal-merkanzija bil-baħar u l-assigurazzjoni, u l-maniġġ u t-tagħbija.

(156)

Saru konċessjonijiet għall-fatturi li ġejjin li jaffettwaw il-prezzijiet u l-komparabbiltà tal-prezzijiet: il-kost tal-kreditu u t-tariffi bankarji.

(157)

Għall-produtturi esportaturi li kkooperaw, il-Kummissjoni qabblet il-valur normali medju ponderat ta’ kull tip tal-prodott simili mal-prezz tal-esportazzjoni medju ponderat tat-tip korrispondenti tal-prodott ikkonċernat, f’konformità mal-Artikolu 2(11) u (12) tar-Regolament bażiku.

(158)

Fuq din il-bażi, il-marġnijiet medji ponderati proviżorji tad-dumping espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:

(159)

Għall-produtturi esportaturi l-oħrajn kollha fil-Vjetnam, il-Kummissjoni stabbiliet il-marġni tad-dumping fuq il-bażi tal-fatti disponibbli, f’konformità mal-Artikolu 18 tar-Regolament bażiku. Għal dan il-għan, il-Kummissjoni ddeterminat il-livell ta’ kooperazzjoni tal-produtturi esportaturi. Il-livell ta’ kooperazzjoni huwa l-volum ta’ esportazzjonijiet tal-produtturi esportaturi li kkooperaw lejn l-Unjoni espress bħala proporzjon tat-total tal-importazzjonijiet mill-pajjiż ikkonċernat lejn l-Unjoni fil-perjodu ta’ investigazzjoni, li ġew stabbiliti fuq il-bażi tal-ilment u tal-informazzjoni pprovduta mill-Gvern tal-Vjetnam.

(160)

Il-livell ta’ kooperazzjoni f’dan il-każ huwa għoli minħabba li l-esportazzjonijiet tal-produtturi esportaturi li kkooperaw kienu jikkostitwixxu madwar 100 % tat-totali tal-importazzjonijiet matul il-perjodu ta’ investigazzjoni. Fuq din il-bażi, il-Kummissjoni ddeċidiet li tistabbilixxi l-marġni tad-dumping tal-importazzjonijiet l-oħra kollha fil-livell ta’ Formosa.

(161)

Il-marġnijiet proviżorji tad-dumping, espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:

(162)

Fl-Unjoni, 15-il kumpanija pprovdew data dwar il-produzzjoni u l-bejgħ fl-eżerċizzju permanenti u indikaw li pproduċew il-prodott simili matul il-perjodu ta’ investigazzjoni. Abbażi tal-informazzjoni disponibbli fl-ilment, dawn il-15-il kumpanija kienu qed jirrappreżentaw madwar 86 % tal-produzzjoni tal-prodott simili fl-Unjoni.

(163)

Minbarra dawn il-15-il kumpanija, kien hemm seba’ kumpaniji oħra li jipproduċu l-prodott simili matul il-perjodu ta’ investigazzjoni.

(164)

It-total tal-produzzjoni tal-Unjoni matul il-perjodu ta’ investigazzjoni ġie stabbilit fil-livell ta’ madwar 59,1 miljun tunnellata. Il-Kummissjoni stabbiliet iċ-ċifra fuq il-bażi tal-informazzjoni kollha disponibbli dwar l-industrija tal-Unjoni, bħal informazzjoni mill-ilmentatur u mill-produtturi kollha magħrufa fl-Unjoni.

(165)

Kif indikat fil-premessa (28), intgħażlu fil-kampjun tliet produtturi tal-Unjoni li jirrappreżentaw 34 % tal-produzzjoni totali tal-Unjoni tal-prodott simili u 35 % tal-kwantità tal-bejgħ totali stmat tal-UE.

(166)

Il-produtturi tal-Unjoni li jammontaw għall-produzzjoni totali tal-Unjoni jikkostitwixxu l-“industrija tal-Unjoni” skont it-tifsira tal-Artikolu 4(1) tar-Regolament bażiku u ssir referenza għalihom bħala l-‘‘industrija tal-Unjoni’’.

(167)

Ivarjaw il-mudell kummerċjali tal-produtturi tal-Unjoni u l-grad ta’ integrazzjoni vertikali tagħhom. Madankollu, l-industrija tal-Unjoni tista’ tiġi kkaratterizzata b’mod ġenerali bħala industrija bi grad għoli ta’ integrazzjoni vertikali, peress li l-produtturi tal-Unjoni nstabu li fl-istess ħin kienu fornituri tal-prodott simili lil importaturi u lil utenti u huma stess kompetituri tal-istess importaturi, utenti u Ċentri tas-Servizzi tal-Azzar (‘‘SSC’’, Steel Service Centres) indipendenti kif imsemmi fil-premessa (302).

(168)

Kif imsemmi fil-premessa (46), il-prodott taħt investigazzjoni jaqa’ fl-għadd ta’ kodiċijiet NM inklużi ċerti kodiċijiet ex. Sabiex ma jiġix sottovalutat il-konsum tal-Unjoni, u bil-ħsieb tal-impatt marġinali apparenti ta’ tali kodiċijiet fuq il-konsum totali, il-volumi tal-importazzjoni tal-kodiċijiet ex tan-NM tqiesu bis-sħiħ għall-fini li jiġi kkalkolat il-konsum tal-Unjoni.

(169)

Peress li l-industrija tal-Unjoni hija fil-biċċa l-kbira integrata vertikalment u l-prodott taħt investigazzjoni jitqies bħala materjal primarju għall-produzzjoni ta’ diversi prodotti downstream b’valur miżjud, bħal prodotti b’laminazzjoni fil-kiesaħ, kojls galvanizzati b’banju sħun, pjanċi tal-azzar b’laminazzjoni termali, strixxi u folji maqtugħa skont id-daqs jew miksija b’laminazzjoni termali, ġie analizzat b’mod separat il-konsum kaptiv u tas-suq ħieles.

(170)

Id-distinzjoni bejn suq kaptiv u suq ħieles hija relevanti għall-analiżi tad-dannu minħabba li l-prodotti maħsuba għall-użu kaptiv ma jiġux esposti għal kompetizzjoni diretta mill-importazzjonijiet, u l-prezzijiet ta’ trasferiment jiġu ffissati fil-grupp skont diversi politiki tal-prezzijiet. Għall-kuntrarju, il-produzzjoni maħsuba għas-suq ħieles hija f’kompetizzjoni diretta mal-importazzjonijiet tal-prodott taħt investigazzjoni, u l-prezzijiet huma prezzijiet tas-suq ħieles.

(171)

Sabiex tipprovdi stampa kemm jista’ jkun kompluta tal-industrija tal-Unjoni, il-Kummissjoni kisbet data għall-attività kollha tal-prodott simili u ddeterminat jekk il-produzzjoni kinitx destinata għall-użu kaptiv jew għas-suq ħieles.

(172)

Il-Kummissjoni stabbiliet il-konsum kaptiv tal-Unjoni fuq il-bażi tal-użu kaptiv u tal-bejgħ kaptiv fis-suq tal-Unjoni tal-produtturi kollha magħrufa fl-Unjoni. Fuq din il-bażi, il-konsum kaptiv tal-Unjoni żviluppa kif ġej:

Tabella 3

Konsum kaptiv fis-suq tal-Unjoni (tunnellati)

(173)

Ġie stabbilit li 56,1 % tal-produzzjoni tal-Unjoni tal-HRF hija ddedikata għas-suq kaptiv filwaqt li l-43,9 % li jifdal tinbiegħ f’kundizzjonijiet tas-suq ħieles.

(174)

Matul il-perjodu kkunsidrat il-konsum kaptiv tal-Unjoni fis-suq tal-Unjoni naqas b’madwar 16 %. Dan it-tnaqqis huwa prinċipalment dovut għal tnaqqis tad-domanda fis-swieq kaptivi, inklużi partijiet tal-manifattura bħall-industriji tal-karozzi u tal-kostruzzjoni.

(175)

Produttur esportatur argumenta li jenħtieġ li jiġi kkunsidrat is-sehem tal-konsum kaptiv (jiġifieri, trasferimenti interni għall-proċessar ulterjuri tal-prodott taħt investigazzjoni mingħajr fatturazzjoni u dħul fis-suq ħieles, u “bejgħ kaptiv bi tranżazzjonijiet li ma jsirux f’kundizzjonijiet ta’ kompetizzjoni ġusta ma’ kumpaniji relatati għall-proċessar ulterjuri”) fil-produzzjoni ġenerali ta’ prodotti tal-azzar ċatti b’laminazzjoni termali. Fil-fehma ta’ dan il-produttur esportatur, dan ikollu impatt qawwi fuq id-determinazzjoni finali tad-dannu, partikolarment peress li ġie applikat approċċ differenti għax-xejriet tal-impjieg jew għall-marġnijiet tal-profittabilità.

(176)

Utent argumenta li diversi produtturi tal-Unjoni ta’ prodotti tal-azzar ċatti b’laminazzjoni termali huma integrati vertikalment u l-użu kaptiv u l-bejgħ tagħhom tal-prodott simili jammonta għal xi 50 % tal-produzzjoni totali, fil-fatt, is-sehem tal-produtturi tal-Unjoni f’termini ta’ konsum (ħieles) tal-UE kien jammonta għal aktar minn 70 %.

(177)

Il-Kummissjoni eżaminat mill-qrib il-kwistjoni ta’ “użu kaptiv” u “bejgħ kaptiv” li hija rilevanti ħafna fl-investigazzjoni inkwistjoni. Hija kkunsidrat b’mod separat il-bejgħ fis-suq miftuħ u l-bejgħ kaptiv fil-valutazzjoni tad-dannu tagħha.

(178)

Il-Kummissjoni tinnota li filwaqt li xi wħud mill-produtturi tal-Unjoni għandhom kumpaniji relatati li jinnegozjaw jew jipproċessaw il-prodott simili, anki l-bejgħ tagħhom lil dawn l-entitajiet relatati jsir f’kondizzjonijiet ta’ kompetizzjoni ġusta u li dawn l-entitajiet relatati jitħallew jixtru mill-fornituri kollha, inklużi dawk mill-pajjiżi kkonċernati u mhux biss mingħand manifatturi primarji tal-azzar relatati u dan ix-xiri kollu jsir bil-prezz tas-suq. B’hekk, mhux il-bejgħ kollu bejn partijiet relatati ġie kkunsidrat bħala bejgħ kaptiv u inkluż fil-volum jew fil-valur tiegħu.

(179)

Il-Kummissjoni stabbiliet il-konsum tas-suq ħieles tal-Unjoni fuq il-bażi ta’ (a) il-bejgħ fis-suq tal-Unjoni tal-produtturi kollha magħrufa fl-Unjoni u (b) l-importazzjonijiet fl-Unjoni mill-pajjiżi terzi kollha kif irrapportat mill-Eurostat (8), biex b’hekk ikkunsidrat ukoll id-data ppreżentata mill-produtturi esportaturi li kkooperaw fil-pajjiżi kkonċernati. Fuq din il-bażi, il-konsum tas-suq ħieles tal-Unjoni żviluppa kif ġej:

Tabella 4

Konsum tas-suq ħieles tal-Unjoni (tunnellati)

(180)

Skont l-informazzjoni pprovduta mill-industrija tal-Unjoni, matul il-perjodu kkunsidrat, il-konsum tas-suq ħieles tal-Unjoni naqas fil-perjodu ta’ investigazzjoni b’madwar 6 %.

(181)

Konsum kumplessiv - is-somma tal-konsum tas-suq kaptiv u ħieles – evolva kif ġej matul il-perjodu kkunsidrat:

Tabella 5

Konsum kumplessiv tal-Unjoni (suq kaptiv u ħieles) (tunnellati)

(182)

It-tabella ta’ hawn fuq turi li l-konsum kumplessiv fl-2022 naqas bi 13 % meta mqabbel mal-2021. Il-konsum kaptiv kien jirrappreżenta kważi 56,1 % tal-konsum kumplessiv fil-perjodu ta’ investigazzjoni.

(183)

Wara l-bidu, tliet produtturi esportaturi mill-Eġittu u mill-Ġappun, kif ukoll utenti, ikkontestaw id-deċiżjoni inizjali tal-Kummissjoni biex tivvaluta b’mod kumulattiv l-importazzjonijiet mill-erba’ pajjiżi kkonċernati bl-argument li:

(184)

Fuq il-bażi ta’ dan ta’ hawn fuq, dawn il-partijiet interessati allegaw li l-kundizzjonijiet kumulattivi stabbiliti fl-Artikolu 3(4) tar-Regolament bażiku ma ġewx issodisfati fir-rigward tal-esportazzjonijiet mill-Eġittu u mill-Ġappun.

(185)

Il-Kummissjoni eżaminat jekk l-importazzjonijiet tal-prodott ikkonċernat li joriġina mill-pajjiżi kkonċernati għandhomx jiġu vvalutati b’mod kumulattiv, f’konformità mal-Artikolu 3(4) tar-Regolament bażiku.

(186)

Dik id-dispożizzjoni tistipula li l-importazzjonijiet minn aktar minn pajjiż wieħed għandhom jiġu vvalutati b’mod kumulattiv biss jekk ikun iddeterminat li:

(187)

Il-Kummissjoni ċaħdet l-argumenti mressqa mit-tliet produtturi esportaturi għar-raġunijiet li ġejjin:

(188)

Għalhekk, il-Kummissjoni kkonkludiet li l-kriterji kollha stabbiliti fl-Artikolu 3(4) ġew issodisfati miż-żewġ pajjiżi kkonċernati u kkonfermat b’mod proviżorju li l-Eġittu, il-Ġappun u l-Vjetnam jenħtieġ li jiġu eżaminati b’mod kumulattiv għall-finijiet tad-determinazzjoni tad-dannu.

(189)

Il-Kummissjoni stabbiliet il-volum tal-importazzjonijiet fuq il-bażi tad-data pprovduta mill-Eurostat, u, fil-każ tal-Vjetnam, fuq il-bażi tal-volumi tal-esportazzjoni rrapportati mill-produtturi esportaturi (ara t-Tabella 6). L-ishma mis-suq ġew stabbiliti billi tqabblu l-volumi tal-importazzjoni mal-konsum tas-suq ħieles tal-Unjoni kif irrapportat fit-tabella 4.

(190)

Importazzjonijiet lejn l-Unjoni mill-pajjiżi kkonċernati żviluppaw kif ġej:

Tabella 6

Volum tal-importazzjoni (tunnellati) u sehem mis-suq

(191)

It-Tabella ta’ hawn fuq turi li, f’ċifri assoluti, l-importazzjonijiet mill-pajjiżi kkonċernati żdiedu matul il-perjodu kkunsidrat. B’mod parallel, is-sehem mis-suq totali tal-importazzjonijiet tagħhom fl-Unjoni żdied bi kważi tliet punti perċentwali (minn [4,9 – 5,4] % fl-2021 għal [8,0 – 8,5] %, jew żieda b’56 %) matul il-perjodu kkunsidrat.

(192)

Il-Kummissjoni stabbiliet il-prezzijiet tal-importazzjonijiet fuq il-bażi tad-data tal-Eurostat.

(193)

Il-prezz medju ponderat tal-importazzjonijiet mill-pajjiżi kkonċernati lejn l-Unjoni żviluppa kif ġej:

Tabella 7

Prezzijiet tal-importazzjoni (EUR/tunnellata)

(194)

Il-Kummissjoni vvalutat it-twaqqigħ tal-prezz matul il-perjodu tal-investigazzjoni billi qabblet: il-prezzijiet medji ponderati tal-bejgħ għal kull tip ta’ prodott tat-tliet produtturi tal-Unjoni imposti fuq klijenti mhux relatati fis-suq ħieles tal-Unjoni, aġġustati għal livell mill-fabbrika; u l-prezzijiet medji ponderati korrispondenti fil-livell tal-fruntiera tal-Unjoni CIF għal kull tip ta’ prodott tal-importazzjonijiet mill-produtturi li kkooperaw tal-pajjiżi kkonċernati lill-ewwel klijent indipendenti fis-suq tal-Unjoni, stabbiliti fuq bażi ta’ Kost, Assigurazzjoni u Nol (‘‘CIF’’, Cost, Insurance, Freight), b’aġġustamenti xierqa għall-kostijiet ta’ wara l-importazzjoni.

(195)

Il-paragun tal-prezzijiet sar fuq bażi skont it-tip għat-tranżazzjonijiet fl-istess livell ta’ kummerċ, bl-aġġustament dovut meta meħtieġ, u wara tnaqqis tar-ribassi u tal-iskontijiet. Ir-riżultat tal-paragun ġie espress bħala perċentwal tal-fatturat teoretiku tal-produtturi tal-Unjoni inklużi fil-kampjun matul il-perjodu ta’ investigazzjoni.

(196)

Fuq il-bażi ta’ dan ta’ hawn fuq, instab li l-importazzjonijiet oġġett ta’ dumping mill-maġġoranza tal-produtturi esportaturi kkonċernati inklużi fil-kampjun waqqgħu l-prezzijiet tal-industrija tal-Unjoni f’firxa ta’ bejn 0,0 % u 10,1 %, kif jidher fit-tabella ta’ hawn taħt.

Tabella 8

Marġnijiet tat-twaqqigħ tal-prezz

(197)

Il-biċċa l-kbira tal-prodott ikkonċernat huwa sensittiv ħafna għall-prezzijiet u l-kompetizzjoni hija fil-biċċa l-kbira bbażata fuq il-prezz. Barra minn hekk, il-prezzijiet huma magħrufa fis-suq permezz ta’ diversi siti web speċjalizzati. L-investigazzjoni żvelat li porzjon biss tal-ordnijiet huwa bbażat fuq kuntratti b’durata fissa, peress li l-klijenti dejjem ikollhom il-possibbiltà li jaqilbu minn fornitur għal ieħor f’suq pjuttost volatili. F’tali kuntest, bl-eċċezzjoni tal-Eġittu, il-marġnijiet tat-twaqqigħ tal-prezzijiet huma kkunsidrati sinifikanti. L-investigazzjoni żvelat ukoll li l-prezzijiet tal-industrija tal-Unjoni kienu mrażżna mill-importazzjonijiet bi prezz baxx li joriġinaw mill-Eġittu, li segwew xejriet u mudelli kummerċjali simili.

(198)

F’konformità mal-Artikolu 3(5) tar-Regolament bażiku, l-eżami tal-impatt tal-importazzjonijiet oġġett ta’ dumping fuq l-industrija tal-Unjoni kien jinkludi evalwazzjoni tal-indikaturi ekonomiċi kollha li għandhom effett fuq l-istat tal-industrija tal-Unjoni matul il-perjodu kkunsidrat.

(199)

Kif imsemmi fil-premessa (28), intuża l-kampjunar għad-determinazzjoni tad-dannu possibbli mġarrab mill-industrija tal-Unjoni.

(200)

Sabiex tiddetermina d-dannu, il-Kummissjoni għamlet distinzjoni bejn l-indikaturi tad-dannu makroekonomiċi u dawk mikroekonomiċi. L-indikaturi makroekonomiċi ġew ivvalutati fil-livell tal-industrija kollha tal-Unjoni. Il-valutazzjoni kienet ibbażata fuq l-informazzjoni pprovduta mill-ilmentatur, li mbagħad ġiet kontroverifikata ma’ data pprovduta mill-produtturi tal-Unjoni, l-istatistika uffiċjali disponibbli (Eurostat) u d-data tal-produtturi esportaturi fir-rigward tal-Vjetnam. L-analiżi tal-indikaturi mikroekonomiċi twettqet fil-livell tal-produtturi tal-Unjoni inklużi fil-kampjun. Il-valutazzjoni kienet ibbażata fuq l-informazzjoni tagħhom, verifikata kif xieraq. Id-data kienet relatata mal-produtturi tal-Unjoni inklużi fil-kampjun. Iż-żewġ settijiet ta’ data nstabu li kienu rappreżentattivi is-sitwazzjoni ekonomika tal-industrija tal-Unjoni.

(201)

Sabiex tipprovdi stampa kemm jista’ jkun kompluta tal-industrija tal-Unjoni, il-Kummissjoni kisbet data għall-produzzjoni kollha tal-prodott simili taħt investigazzjoni u ddeterminat jekk il-produzzjoni kinitx maħsuba għall-użu kaptiv jew għas-suq ħieles. Għal xi indikaturi tad-dannu relatati mal-industrija tal-Unjoni, il-Kummissjoni analizzat b’mod separat id-data relatata mas-suq ħieles u dak kaptiv, u għamlet analiżi komparattiva.

(202)

Dawn il-fatturi huma minn naħa waħda: il-bejgħ, is-sehem mis-suq, il-prezzijiet unitarji, il-kost unitarju, il-profittabilità u l-fluss ta’ flus. Madankollu, indikaturi ekonomiċi oħra jistgħu jiġu eżaminati b’mod sinifikanti biss billi ssir referenza għall-attività kollha, inkluż l-użu kaptiv tal-industrija tal-Unjoni.

(203)

Dawn il-fatturi huma: il-produzzjoni, il-kapaċità, l-użu tal-kapaċità, l-investimenti, ir-redditu fuq l-investiment, l-impjieg, il-produttività, l-istokks u l-kostijiet lavorattivi. Għal dawn il-fatturi, il-Kummissjoni tista’ twettaq valutazzjoni sinifikanti biss billi tirreferi għall-attività kollha tal-industrija tal-Unjoni. Din l-analiżi hija f’konformità mal-ġurisprudenza tal-qrati tal-Unjoni u tad-WTO (9).

(204)

Il-Konsorzju sostna li l-industrija tal-Unjoni ta’ prodotti tal-azzar ċatti b’laminazzjoni termali diġà kienet protetta żżejjed b’miżuri anti-dumping u ta’ salvagwardja. F’dawn l-aħħar tmien snin, ittieħdu miżuri anti-dumping u antisussidji kontra l-importazzjonijiet tal-prodott taħt investigazzjoni minn diversi pajjiżi esportaturi bħaċ-Ċina, ir-Russja, il-Brażil, l-Iran, l-Ukrajna u t-Turkija. Il-miżuri kontra l-Ukrajna tħallew jiskadu fl-2023. Barra minn hekk, ir-reġim ta’ salvagwardja ġie modifikat reċentement bl-istabbiliment ta’ limitu massimu li jillimita fil-livell ta’ 15 % l-importazzjonijiet ta’ pajjiżi koperti mill-Kwoti Tariffarji (TRQs, Tariff-Rate-Quotas), bħal, e.ż., il-Vjetnam, l-Eġittu u l-Ġappun.

(205)

Jenħtieġ li jiġi nnotat li l-miżuri anti-dumping u ta’ salvagwardja jsegwu għanijiet differenti. Il-miżuri anti-dumping u antisussidji jindirizzaw sitwazzjoni ta’ pprezzar inġust, filwaqt li l-miżuri ta’ salvagwardja jkopru l-volumi tal-importazzjoni (jiġifieri, theddida ta’ dannu serju minħabba żieda rapida fil-volumi tal-importazzjoni). Barra minn hekk, il-Kummissjoni indirizzat dawn il-pretensjonijiet ta’ rimedju doppju fl-hekk imsejjaħ “regolament dwar ir-rimedju doppju” (10). Il-Kummissjoni qabel ċaħdet argumenti simili dwar rimedji doppji abbażi tal-fatt li r-regolamenti ta’ salvagwardja jiżguraw li meta l-importazzjonijiet jaqbżu l-volum ta’ Kwota Tariffarja mingħajr dazju, imbagħad dawk l-importazzjonijiet biss jistgħu jiġu soġġetti għad-dazju anti-dumping u/jew kompensatorju applikabbli sabiex ma jwassalx għal effett akbar fuq il-kummerċ milli jkun mixtieq.

(206)

Il-produzzjoni tal-Unjoni totali, il-kapaċità tal-produzzjoni u l-użu tal-kapaċità żviluppaw matul il-perjodu kkunsidrat kif ġej:

Tabella 9

Produzzjoni, kapaċità tal-produzzjoni u użu tal-kapaċità

(207)

Matul il-perjodu kkunsidrat, il-volum tal-produzzjoni tal-industrija tal-Unjoni naqas b’madwar 11,274 miljun tunnellata (– 16 %) bħala konsegwenza tat-tnaqqis ikkombinat fil-bejgħ fis-swieq ħielsa u kaptivi

(208)

Iċ-ċifri tal-kapaċità rapportati jirreferu għall-kapaċità teknika, li jimplika li aġġustamenti, li kienu tqiesu bħala standards mill-industrija, għall-ħin ta’ twaqqif, għall-manutenzjoni, għall-ostakoli u għal perjodi normali oħra ta’ waqfien. Il-kapaċità tal-produzzjoni baqgħet stabbli matul il-perjodu kkunsidrat

(209)

Ir-rata tal-użu tal-kapaċità naqset matul il-perjodu kkunsidrat, u varjat bejn 63 % u 75 % f’konformità mat-tnaqqis fil-volum tal-produzzjoni.

(210)

Il-volum ta’ bejgħ u s-sehem mis-suq tal-industrija tal-Unjoni żviluppaw matul il-perjodu kkunsidrat kif ġej:

Tabella 10

Volum ta’ bejgħ u sehem mis-suq tal-industrija tal-Unjoni fis-suq ħieles

(211)

Il-volum ta’ bejgħ tal-industrija tal-Unjoni fis-suq ħieles tal-Unjoni (minbarra l-bejgħ kaptiv) naqas bi 15 % matul il-perjodu kkunsidrat, minn 27,729 miljun tunnellata għal 23,570 miljun tunnellata.

(212)

Matul il-perjodu kkunsidrat, is-sehem mis-suq tal-industrija tal-Unjoni f’termini ta’ konsum tal-Unjoni naqas b’żewġ punti perċentwali, minn 72,2 % għal 70,2 %. It-tnaqqis fil-volum ta’ bejgħ fis-suq ħieles tal-Unjoni u t-telf ta’ sehem mis-suq tal-industrija tal-Unjoni qabżu b’mod sinifikanti t-tnaqqis tal-konsum fis-suq ħieles tal-Unjoni, li huwa indikatur tad-deterjorament tal-pożizzjoni kompetittiva tal-produtturi tal-azzar tal-Unjoni.

(213)

Fir-rigward tas-suq ristrett fl-Unjoni, matul il-perjodu taħt kunsiderazzjoni, il-volum ristrett u s-sehem mis-suq żviluppaw kif ġej:

Tabella 11

Volum ristrett fis-suq tal-Unjoni u s-sehem mis-suq

(214)

Il-volum kaptiv tal-industrija tal-Unjoni (magħmul minn trasferimenti kaptivi u bejgħ kaptiv fis-suq tal-Unjoni) fis-suq tal-Unjoni f’ċifri assoluti naqas b’aktar minn 16 %, minn 39,224 miljun tunnellata għal 33,143 miljun tunnellata matul il-perjodu kkunsidrat.

(215)

Is-sehem tal-użu kaptiv (espress bħala perċentwali mill-produzzjoni totali) tal-industrija tal-Unjoni baqa’ stabbli tul il-perjodu taħt kunsiderazzjoni, u varja bejn 55,7 % u 56,1 %.

(216)

L-impjieg ġie kkalkolat billi ttieħdu biss l-impjegati li jaħdmu direttament għall-prodott simili fil-manifatturi primarji differenti tal-azzar tal-produtturi tal-Unjoni. Dan il-metodu pprovda data preċiża.

(217)

L-impjieg u l-produttività żviluppaw matul il-perjodu kkunsidrat kif ġej:

Tabella 12

Impjieg u produttività

(218)

Il-livell tal-impjieg tal-industrija tal-Unjoni naqas matul il-perjodu kkunsidrat sabiex jitnaqqsu l-kostijiet tal-produzzjoni u tiżdied l-effiċjenza bil-ħsieb taż-żieda fil-kompetizzjoni mill-importazzjonijiet mill-pajjiżi kkonċernati u minn importazzjonijiet oħra fis-suq. Dan irriżulta fi tnaqqis tal-forza tax-xogħol b’9,7 % matul il-perjodu kkunsidrat, mingħajr ma jitqies l-ebda impjieg indirett. Bħala konsegwenza ta’ dan u bil-ħsieb tat-tnaqqis tal-volum tal-produzzjoni (- 16,0 %) matul il-perjodu kkunsidrat, il-produttività tal-forza tax-xogħol tal-industrija tal-Unjoni, imkejla bħala l-output għal kull persuna impjegata kull sena, naqset b’inqas (- 7,0 %) mit-tnaqqis fil-produzzjoni reali. Dan juri li l-industrija tal-Unjoni kienet lesta tadatta għat-tibdil fil-kundizzjonijiet tas-suq sabiex tibqa’ kompetittiva.

(219)

Bl-eċċezzjoni ta’ produttur esportatur fil-Vjetnam, il-marġnijiet kollha tad-dumping kienu ogħla b’mod sinifikanti mil-livell de minimis. L-impatt tad-daqs tal-marġnijiet effettivi tad-dumping fuq l-industrija tal-Unjoni ma kienx negliġibbli, minħabba l-volum u l-prezzijiet tal-importazzjonijiet mill-pajjiżi kkonċernati.

(220)

Il-konsum tal-Unjoni (suq ħieles) naqas b’6 % matul il-perjodu kkunsidrat, madankollu l-volum ta’ bejgħ tal-industrija tal-Unjoni fis-suq tal-Unjoni naqas saħansitra aktar bi 15 %. B’hekk, l-industrija tal-Unjoni tilfet sehem mis-suq, għall-kuntrarju tas-sehem mis-suq tal-importazzjonijiet mill-pajjiżi kkonċernati li żdied matul il-perjodu kkunsidrat.

(221)

Il-prezzijiet unitarji medji ponderati tal-bejgħ tal-produtturi tal-Unjoni lil klijenti mhux relatati fl-Unjoni żviluppaw matul il-perjodu kkunsidrat kif ġej:

Tabella 13

Prezzijiet tal-bejgħ fis-suq ħieles fl-Unjoni

(222)

It-tabella ta’ hawn fuq turi l-evoluzzjoni tal-prezz unitarju tal-bejgħ fis-suq liberu tal-Unjoni meta mqabbel mal-kost unitarju korrispondenti tal-produzzjoni. Il-prezzijiet medji tal-bejgħ kienu l-ewwel ogħla mill-kostijiet unitarji medji tal-produzzjoni fl-2021 u fl-2022. Is-sitwazzjoni qalbet fl-2023 u fil-PI fejn il-kostijiet unitarji tal-produzzjoni saru ogħla mill-prezzijiet medji tal-bejgħ.

(223)

Is-sitwazzjoni straordinarja ta’ wieħed mill-produtturi inklużi fil-kampjun fejn il-produzzjoni tiegħu tnaqqset b’mod sostanzjali matul il-PI minħabba perjodu itwal ta’ manutenzjoni ta’ wieħed mill-fran tiegħu milli kien ippjanat oriġinarjament hija spjegata fil-premessi (254) sa (256). Il-kostijiet addizzjonali ġġenerati minn din is-sitwazzjoni ma ġewx ikkunsidrati fid-determinazzjoni tal-evoluzzjoni tal-kostijiet tal-produzzjoni.

(224)

Il-kriżi tal-COVID-19 affettwat id-domanda tas-suq u l-prezzijiet sa ċertu punt fl-2021 u fl-2022, meta mqabbla mal-2023 u mal-perjodu ta’ investigazzjoni li wrew xejra negattiva li ntweriet minn tnaqqis qawwi fil-prezzijiet li rriżulta minn tnaqqis fid-domanda għall-azzar.

(225)

Minkejja l-isforzi tal-industrija tal-Unjoni biex tnaqqas il-kost (ara l-premessa (218)), il-kost tal-produzzjoni baqa’ ogħla b’mod sinifikanti mit-tnaqqis fil-prezzijiet tal-bejgħ fl-2023 u fil-perjodu ta’ investigazzjoni. Sabiex jiġi limitat it-telf fis-sehem mis-suq, il-produtturi tal-Unjoni segwew l-ispiral ’l isfel tal-prezzijiet u naqqsu b’mod sinifikanti l-prezz tal-bejgħ tagħhom, b’mod partikolari matul l-2023 u l-perjodu ta’ investigazzjoni. Peress li l-prodott taħt investigazzjoni huwa komodità, il-produtturi tal-Unjoni kellhom isegwu l-ispiral tat-tnaqqis fil-prezz.

(226)

Fost il-produtturi inklużi fil-kampjun, ċerti prodotti ċatti b’laminazzjoni termali tal-ħadid, azzar mhux illigat jew liga oħra tal-azzar għall-użu kaptiv ġew ittrasferiti jew ikkunsinnati bi prezzijiet tat-trasferiment għal aktar proċessar downstream fi prodotti differenti bl-użu ta’ politiki ta’ pprezzar / kkostjar differenti (kost u / jew kost plus) li ma setax jiġi kkunsidrat li jaqa’ taħt kundizzjonijiet tas-suq ħieles. Għalhekk, ma tista’ ssir l-ebda konklużjoni sinifikanti mill-evoluzzjoni tal-prezz tal-użu kaptiv jew tal-kost. Meta l-bejgħ bejn partijiet relatati jkun sar f’kundizzjonijiet ta’ kompetizzjoni ġusta kif deskritt fil-premessa (177), dan tqies fil-kalkolu tal-prezz unitarju medju tal-bejgħ fis-suq ħieles tal-Unjoni rrapportat fit-Tabella 13.

(227)

Il-kostijiet lavorattivi medji tal-produtturi tal-Unjoni inklużi fil-kampjun żviluppaw matul il-perjodu kkunsidrat kif ġej:

Tabella 14

Kostijiet lavorattivi medji għal kull impjegat

(228)

Matul il-perjodu kkunsidrat, il-paga medja għal kull impjegat żdiedet b’5 % l-aktar minħabba fatturi esterni bħar-rata għolja tal-inflazzjoni. Iż-żieda fl-2023 kienet dovuta għall-kumpens għas-sensja li kellu jiġi rreġistrat wara t-tnaqqis fl-għadd ta’ persunal.

(229)

Il-livelli tal-istokks tal-produtturi tal-Unjoni inklużi fil-kampjun żviluppaw matul il-perjodu kkunsidrat kif ġej:

Tabella 15

Inventarji

(230)

Il-livell tal-inventarji żdied matul il-perjodu kkunsidrat, wara xejra opposta għal dik tal-volum tal-produzzjoni. Għalkemm tali inventarji jirrappreżentaw ammont importanti ta’ riżorsi finanzjarji f’termini assoluti, baqgħu f’livell raġonevoli meta espressi bħala perċentwal tal-volum tal-produzzjoni.

(231)

Il-profittabilità, il-fluss ta’ flus, l-investimenti u r-redditu fuq l-investiment tal-produtturi tal-Unjoni inklużi fil-kampjun żviluppaw matul il-perjodu kkunsidrat kif ġej:

Tabella 16

Profittabilità, fluss ta’ flus, investimenti u redditu fuq l-investiment

(232)

Il-Kummissjoni stabbiliet il-profittabilità tal-produtturi tal-Unjoni inklużi fil-kampjun billi esprimiet il-profitt nett qabel it-taxxa tal-bejgħ tal-prodott simili lil klijenti mhux relatati fl-Unjoni bħala perċentwal tal-fatturat ta’ dak il-bejgħ. Fl-2021 u l-2022, minħabba l-konsegwenzi tal-kriżi tal-COVID-19, l-industrija tal-Unjoni setgħet tikseb xi profitt. Madankollu, matul it-tieni nofs tal-perjodu ta’ investigazzjoni, il-profittabilità żviluppat b’mod negattiv. It-telf iġġarrab fl-2023 u fil-perjodu ta’ investigazzjoni.

(233)

Kif muri fit-Tabella 13, wara li l-prezzijiet tal-bejgħ żdiedu b’mod sinifikanti fl-2022, il-prezz unitarju tal-bejgħ naqas b’mod qawwi u reġa’ lura għal-livell miksub fl-2021. Il-kostijiet unitarji tal-produzzjoni ma segwewx xejra simili u baqgħu f’livell ħafna ogħla li wassal għal telf ta’ –5,1 % fl-2023 u ta’ –3,0 % matul il-perjodu ta’ investigazzjoni.

(234)

Minkejja s-sitwazzjoni li kienet qed tiddeterjora, l-industrija tal-Unjoni kompliet tinvesti ammonti sinifikanti. Tali investimenti saru prinċipalment biex jissostitwixxu tagħmir eżistenti, li jappartjeni għall-attività normali ta’ kumpanija attiva f’industrija intensiva fil-kapital, meta jkunu meħtieġa tali investimenti. L-industrija tal-Unjoni investiet ukoll fit-tranżizzjoni ekoloġika, sabiex tnaqqas l-impronta tas-CO2 tagħha.

(235)

Il-fluss ta’ flus nett huwa l-kapaċità ta’ awtofinanzjament tal-produtturi tal-Unjoni tal-attivitajiet tagħhom. Ix-xejra fil-fluss ta’ flus nett iddeterjorat ħafna matul il-perjodu kkunsidrat u naqset minn livelli pożittivi għal livelli negattivi mhux sostenibbli, bħala konsegwenza tal-profittabilità li kienet qed tiddeterjora u livell ogħla ta’ inventarji.

(236)

Ir-redditu fuq l-investiment huwa l-profitt f’perċentwal tal-valur kontabilistiku nett tal-investimenti. Ir-redditu fuq l-investiment iddeterjora u laħaq livelli negattivi fl-2023 u fil-perjodu ta’ investigazzjoni wara x-xejra negattiva tal-profittabilità. Il-kapaċità tal-produtturi tal-Unjoni inklużi fil-kampjun li jiġġeneraw il-kapital kienet affettwata mit-telf imġarrab matul il-perjodu kkunsidrat kif jidher mill-investimenti li kellhom jiġu posposti (ara l-premessa (277) li tindirizza l-kwistjoni tal-investimenti mitlufa).

(237)

L-industrija tal-Unjoni kollha kemm hi ma setgħetx iżżomm il-volumi tal-produzzjoni u ta’ bejgħ tagħha u ttejjeb ir-rata tal-użu tal-kapaċità tagħha minħabba t-tnaqqis fil-konsum kaptiv u dak ħieles. Il-volumi tal-produzzjoni u ta’ bejgħ fil-fatt naqsu aktar mill-konsum fis-suq tal-Unjoni. Bil-ħsieb tat-tnaqqis fil-produzzjoni, l-industrija tal-Unjoni ħadet azzjonijiet konkreti biex ittejjeb l-effiċjenza billi żammet kontroll strett fuq il-kost tal-produzzjoni (prinċipalment il-materja prima u l-kostijiet lavorattivi) u billi żiedet il-produzzjoni għal kull impjegat meta bdiet tiddeterjora s-sitwazzjoni tal-industrija tal-Unjoni. Madankollu, il-kost tal-produzzjoni żdied bi 18 % meta l-prezz unitarju tal-bejgħ baqa’ stabbli, bl-eċċezzjoni tas-sena 2022, matul il-perjodu kkunsidrat. Konsegwentement, il-profittabilità tal-industrija tal-Unjoni ddeterjorat b’mod sinifikanti minn 12 % fl-2021 u fl-2022, meta l-industrija tal-Unjoni bbenefikat mill-irkupru tal-ekonomija wara l-kriżi tal-COVID-19, għal sitwazzjoni ta’ telf fl-2023 u fil-PI. Il-produtturi tal-Unjoni inklużi fil-kampjun xorta waħda setgħu jagħmlu investimenti matul il-perjodu kkunsidrat li juri d-dinamiżmu tiegħu fil-konfront ta’ sitwazzjoni finanzjarja li kienet qed tiddeterjora.

(238)

Fid-dawl ta’ dan ta’ hawn fuq, jiġi konkluż f’dan l-istadju li d-data ta’ hawn fuq turi li l-industrija tal-Unjoni sofriet dannu materjali matul il-perjodu kkunsidrat fis-sens tal-Artikolu 3(5) tar-Regolament bażiku.

(239)

F’konformità mal-Artikolu 3(6) tar-Regolament bażiku, il-Kummissjoni eżaminat jekk l-importazzjonijiet oġġett ta’ dumping mill-pajjiżi kkonċernati kkawżawx dannu materjali lill-industrija tal-Unjoni. F’konformità mal-Artikolu 3(7) tar-Regolament bażiku, il-Kummissjoni eżaminat ukoll jekk fatturi magħrufa oħra setgħux fl-istess ħin ikkawżaw dannu lill-industrija tal-Unjoni. Il-Kummissjoni żgurat li kwalunkwe dannu possibbli kkawżat minn fatturi oħra barra mill-importazzjonijiet oġġett ta’ dumping mill-pajjiżi kkonċernati ma kienx attribwit lill-importazzjonijiet oġġett ta’ dumping. Fl-aħħar nett, il-volumi tal-importazzjoni li jikkonċernaw l-Indja u l-esportatur Vjetnamiż Ha Tinh Steel Corporation, li għalihom ma nstab l-ebda dumping, ma ġewx ikkunsidrati fl-analiżi tar-rabta kawżali bejn l-importazzjonijiet mill-pajjiżi kkonċernati u l-industrija tal-Unjoni, iżda meta ġew analizzati kawżi potenzjali oħra ta’ dannu.

(240)

Il-fatturi kkunsidrati mill-Kummissjoni kienu:

(241)

Il-prezzijiet tal-bejgħ tal-produtturi esportaturi naqsu b’mod sinifikanti matul il-perjodu kkunsidrat bħala medja minn EUR 828 għal kull tunnellata fl-2021 għal EUR 679 għal kull tunnellata matul il-perjodu ta’ investigazzjoni. Billi baxxew kontinwament il-prezz unitarju tal-bejgħ tagħhom matul il-perjodu kkunsidrat, il-produtturi esportaturi mill-Eġittu, mill-Ġappun u mill-Vjetnam setgħu jżidu s-sehem mis-suq tagħhom minn [4,9 – 5,4] % fl-2021 għal [8,0 – 8,5] % fil-perjodu ta’ investigazzjoni, kif muri fit-Tabella 6. Kien hemm ukoll żieda sostanzjali fil-volum tal-importazzjonijiet mill-pajjiżi kkonċernati fl-2023 meta mqabbel mas-sena ta’ qabel: minn [1 676 689 – 2 029 676] għal [2 654 306 – 3 201 585] tunnellata fl-2023.

(242)

Il-Kummissjoni sabet li l-volumi li kienu qed jiżdiedu u t-tnaqqis qawwi fil-prezzijiet tal-importazzjonijiet mill-pajjiżi kkonċernati matul il-perjodu kkunsidrat ikkawżaw dannu lill-industrija tal-Unjoni. Dan minħabba, iffaċċjati bl-istrateġija aggressiva tal-ipprezzar tal-produtturi esportaturi tal-pajjiżi kkonċernati, il-produtturi tal-Unjoni ma kellhom l-ebda għażla ħlief li jnaqqsu huma wkoll il-prezzijiet u li jbigħu bit-telf sabiex iżommu ċertu livell ta’ volum ta’ bejgħ u ta’ sehem mis-suq. Barra minn hekk, il-miżuri attwali kontra l-importazzjonijiet ta’ prodotti tal-azzar ċatti b’laminazzjoni termali miċ-Ċina u mir-Russja b’mod partikolari ppermettew lill-pajjiżi kkonċernati biex, filwaqt li jnaqqsu l-prezz unitarju tal-bejgħ tagħhom matul il-perjodu kkunsidrat, iżidu s-sehem mis-suq tagħhom li qabel kien meħud mill-produtturi esportaturi Ċiniżi. Konsegwentement, dan kellu impatt negattiv fuq il-profittabbiltà tal-industrija, li waslet għal-livell mhux sostenibbli ta' – 3,0 % tul il-perjodu ta' investigazzjoni. Barra minn hekk, il-Kummissjoni nnotat ukoll iż-żieda qawwija fl-importazzjonijiet mill-pajjiżi kkonċernati kkombinata ma’ prezzijiet oġġett ta’ dumping li kienu qed iwaqqgħu u/jew iżommu ’l isfel il-prezzijiet tal-industrija tal-Unjoni, li kkoinċidew mad-deterjorament sinifikanti tas-sitwazzjoni tal-industrija tal-Unjoni fl-2023, u komplew fil-perjodu ta’ investigazzjoni.

(243)

Filwaqt li allegat li ma kien hemm l-ebda rabta kawżali bejn id-dannu u l-importazzjonijiet mill-pajjiżi kkonċernati, Hoa Phat Group argumentat li l-użu tal-kapaċità tal-industrija tal-Unjoni kien diġà baxx fil-bidu tal-perjodu kkunsidrat, għalkemm is-sehem mis-suq tal-pajjiżi kkonċernati kien bejn [4,9 – 5,4] %.

(244)

Fil-fatt, ir-rati tal-użu tal-kapaċità tal-produzzjoni kienu ħafna ogħla fl-2021 (75 %) milli fl-2023 jew fil-perjodu ta’ investigazzjoni meta naqsu għal inqas minn 65 % bħala konsegwenza taż-żieda fl-importazzjonijiet mill-pajjiżi kkonċernati u t-tnaqqis fid-domanda. Jekk l-użu tal-kapaċità tal-industrija tal-UE kienx ikun ogħla fl-2021 fin-nuqqas ta’ xi importazzjoni mill-pajjiżi kkonċernati huwa irrilevanti u bl-ebda mod ma jindika li d-dannu ma kienx ikun ikkawżat mill-importazzjonijiet oġġett ta’ dumping tagħhom. Għall-kuntrarju, il-koinċidenza fiż-żmien bejn iż-żieda fl-importazzjonijiet oġġett ta’ dumping u t-tnaqqis fl-użu tal-kapaċità tissuġġerixxi li l-importazzjonijiet oġġett ta’ dumping kienu l-kawża tat-tnaqqis fil-kapaċità. Għalhekk, din il-pretensjoni ġiet miċħuda.

(245)

Il-volum tal-esportazzjonijiet tal-produtturi tal-Unjoni inklużi fil-kampjun żviluppa matul il-perjodu kkunsidrat kif ġej:

Tabella 17

Bejgħ għall-esportazzjoni tal-produtturi tal-Unjoni

(246)

L-ilmentatur argumenta li l-prestazzjoni tal-esportazzjoni tiegħu ma setgħetx tkun il-kawża tad-dannu mġarrab mill-industrija tal-Unjoni. L-investigazzjoni żvelat li, il-bejgħ għall-esportazzjoni tal-produtturi tal-Unjoni inklużi fil-kampjun kien jammonta biss għal madwar 15,4 % tal-bejgħ totali tagħhom fis-suq ħieles matul il-perjodu ta’ investigazzjoni u proporzjon saħansitra iżgħar tal-produzzjoni totali (4,7 %) fl-istess perjodu. It-tieni, filwaqt li l-esportazzjonijiet tal-industrija tal-Unjoni lil klijenti mhux relatati naqsu b’mod sinifikanti, segwew xejra simili bħall-konsum kumplessiv tal-Unjoni li naqas bi 11 % bejn l-2022 u l-2023 kif muri fil-premessa (179). It-tielet, il-prezzijiet tal-esportazzjoni kienu fil-biċċa l-kbira f’livell ogħla mill-prezzijiet tagħha fis-suq ħieles tal-Unjoni (+EUR 38 għal kull tunnellata fil-perjodu ta’ investigazzjoni) u segwew l-istess xejra.

(247)

Il-Kummissjoni kkonkludiet li l-prestazzjoni tal-bejgħ għall-esportazzjoni tal-produtturi tal-Unjoni kkontribwiet għad-dannu lill-industrija tal-Unjoni. Madankollu, sabet li dan il-fattur ma naqqasx ir-rabta kawżali minħabba l-volumi limitati involuti u x-xejra parallela segwita mill-bejgħ għall-esportazzjoni.

(248)

Marcegaglia, Al Ezz Dekheila Steel Company S.A.E , Hoa Phat Group argumentaw li l-ilmentatur naqas milli jeżamina b’mod xieraq l-impatt tal-importazzjonijiet tal-prodott taħt investigazzjoni mill-Korea t’Isfel u mit-Tajwan fl-ilment tiegħu. Fil-fehma tagħhom, eżami xieraq tal-volum u tax-xejriet tal-valur ikkonferma li dawn l-importazzjonijiet kellhom neċessarjament jitqiesu kemm fl-analiżi tad-dannu kif ukoll fl-analiżi tad-dumping li jinsabu fl-ilment.

(249)

Nippon u JFE Steel Corporation sostnew li, l-ewwel nett, is-sehem mis-suq aktar baxx tal-Ilmentatur kien marbut direttament ma’ żieda fl-importazzjonijiet mit-Tajwan u mill-Korea t’Isfel, li kollettivament żiedu s-sehem mis-suq tagħhom b’aktar minn 5,5 %. It-tieni, il-prestazzjoni fqira tal-esportazzjoni mill-ilmentatur tista’ tispjega l-aktar tnaqqis qawwi u sinifikanti f’termini ta’ indikaturi tad-dannu pprovduti fl-Ilment. Il-volum ta’ bejgħ għall-esportazzjoni tal-industrija tal-Unjoni naqas b’31 % tul il-perjodu kkunsidrat.

(250)

Filwaqt li kkunsidrat dan ta’ hawn fuq u l-konklużjonijiet mislutin fit-Taqsimiet 3.2 u 3.4, il-Kummissjoni analizzat l-evoluzzjoni tal-importazzjonijiet minn pajjiżi terzi inklużi l-Indja u l-Vjetnam, sa fejn kienet ikkonċernata Hoa Phat. Il-volum tal-importazzjonijiet minn pajjiżi terzi oħra żviluppa matul il-perjodu kkunsidrat kif ġej:

Tabella 18

Volumi, prezzijiet unitarji u ishma mis-suq minn pajjiżi terzi

(251)

L-investigazzjoni żvelat li l-importazzjonijiet mill-Indja, mill-Korea t’Isfel, mit-Tajwan u mill-Vjetnam (Hoa Phat) żdiedu matul il-perjodu kkunsidrat kemm f’termini assoluti kif ukoll dawk relattivi. Għall-kuntrarju, il-Kummissjoni osservat li naqsu b’mod ġenerali l-importazzjonijiet minn pajjiżi terzi oħra mhux ikkonċernati minn din l-investigazzjoni naqsu saħansitra aktar matul l-istess perjodu sabiex l-importazzjonijiet mill-pajjiżi terzi kollha mhux koperti minn din l-investigazzjoni. B’mod parallel, żdiedu b’mod sinifikanti l-importazzjonijiet mill-pajjiżi kkonċernat.

(252)

Il-Kummissjoni analizzat ukoll l-evoluzzjoni tal-prezzijiet tal-importazzjoni minn pajjiżi terzi. Ħlief għas-sena 2021, il-prezzijiet medji tal-importazzjoni minn pajjiżi terzi kienu bħala medja ogħla mill-prezzijiet tal-importazzjoni mill-pajjiżi kkonċernati. Fuq din il-bażi, il-Kummissjoni kkunsidrat li l-evoluzzjoni tal-importazzjonijiet minn pajjiżi terzi ma naqqsitx ir-rabta kawżali.

(253)

Nippon u JFE Steel Corporation allegaw li l-ilmentatur ma indirizzax il-kwistjoni tal-importazzjonijiet proprji tal-HRF mill-industrija tal-Unjoni lejn l-UE u sempliċiment sostna, mingħajr aktar evidenza, li dan il-fattur ma kienx tali li jħalli impatt fuq ir-rabta kawżali. Fir-rigward tax-xiri tal-prodott ikkonċernat li sar mill-entitajiet relatati tal-produtturi tal-Unjoni mill-pajjiżi kkonċernati, l-investigazzjoni żvelat li peress li dawn l-entitajiet jaġixxu f’kundizzjonijiet ta’ kompetizzjoni ġusta u li tali importazzjonijiet kienu jikkonċernaw kwantitajiet limitati ħafna, dawn l-importazzjonijiet ma jistgħux jiksru r-rabta kawżali.

(254)

Kumpanija inkluża fil-kampjun kienet iffaċċjata minn sitwazzjoni straordinarja fil-perjodu ta’ investigazzjoni, li naqqset temporanjament il-kapaċità tal-produzzjoni tagħha minħabba perjodu itwal ta’ manutenzjoni ta’ wieħed mill-fran tagħha milli kien ippjanat oriġinarjament. Din is-sitwazzjoni eċċezzjonali aggravat it-tnaqqis tal-produzzjoni ta’ din il-kumpanija matul il-perjodu kkunsidrat. Madankollu, dan l-avveniment ma jispjegax it-tnaqqis fil-livelli ta’ produzzjoni ġenerali tal-industrija tal-Unjoni (– 11,3 miljun tunnellata) matul il-perjodu kkunsidrat. Tabilħaqq, dan il-produttur kien antiċipa l-manutenzjoni b’volum tal-produzzjoni ogħla biex jikkumpensa għall-perjodu ta’ manutenzjoni li jmiss. B’hekk, meta jitqies ukoll l-għadd kbir ta’ produtturi oħra tal-Unjoni b’kapaċità ta’ riżerva li kienu kapaċi jipproduċu u jbigħu relattivament aktar biex “jindirizzaw id-diskrepanza”, tali sitwazzjoni straordinarja ma kellhiex effett fuq il-livell ta’ produzzjoni tal-industrija tal-Unjoni fil-perjodu kkunsidrat.

(255)

Il-Kummissjoni żgurat ukoll li l-kostijiet irrapportati mill-produttur tal-Unjoni kkonċernat inkluż fil-kampjun ġew aġġustati biex ma jiġux affettwati minn tali sitwazzjoni straordinarja.

(256)

Għalhekk, il-Kummissjoni kkonkludiet li din is-sitwazzjoni straordinarja ma kkontribwietx għad-dannu mġarrab mill-industrija tal-Unjoni.

(257)

Nippon Steel, JFE Steel Corporation, Marcegaglia, Al Ezz Dekheila Steel Company S.A.E u Hoa Phat Group allegaw li l-produtturi tal-Unjoni ma kinux kompetittivi biżżejjed minħabba kostijiet tal-manifattura komparattivament ogħla li jirriżultaw minn kostijiet ogħla tal-materja prima, kostijiet ogħla tal-enerġija u rreferew ukoll għall-inflazzjoni u għall-investimenti fl-isforzi ta’ dekarbonizzazzjoni li saru mill-industrija tal-Unjoni biex tikkonforma ma’ standards ambjentali aktar stretti.

(258)

Fir-rigward tal-enerġija, argumentaw li ż-żidiet fil-kostijiet ġew aggravati mill-konsegwenzi tal-gwerra ta’ aggressjoni mhux ġustifikata u mhux provokata tar-Russja kontra l-Ukrajna. Alternattivament, argumentaw li l-kostijiet strutturalment għoljin tal-enerġija fl-UE meta mqabbla ma’ prattikament il-pajjiżi ewlenin l-oħra kollha li jipproduċu l-azzar kienu qed ipoġġu lill-industrija tal-azzar tal-UE fi żvantaġġ kompetittiv serju meta mqabbla ma’ ħafna produtturi oħra tal-azzar.

(259)

L-investigazzjoni żvelat li l-kost tal-materja prima ewlenija kif muri fit-Tabella 19 żdied b’mod sostanzjali fl-2022 qabel ma niżel fl-2023 u fil-PI. L-industrija tal-Unjoni setgħet tittrasferixxi ż-żieda fil-kost tal-produzzjoni lill-klijenti tagħha fl-2021 u fl-2022, li wassal għal żieda sinifikanti u f’daqqa fil-prezz unitarju tal-bejgħ. Fl-2023, il-kost tal-materja prima għal kull tunnellata ta’ prodott finali naqas b’mod sinifikanti. Madankollu, il-livell tal-prezzijiet fis-suq tal-Unjoni naqas saħansitra aktar biex b’hekk l-industrija tal-Unjoni kellha tassorbi d-differenza fil-kostijiet. Is-sena 2023 u l-PI jikkoinċidu maż-żieda fil-volum tal-importazzjoni mill-pajjiżi kkonċernati, li ġiet aggravata mit-tnaqqis qawwi fil-prezzijiet li jakkumpanjaha.

Tabella 19

Kost tal-materja prima (mineral tal-ħadid, faħam tal-kokk u ċerti ligi)

(260)

Għalhekk, il-Kummissjoni kkonkludiet li taħt kundizzjonijiet ġusti tas-suq, l-industrija tal-Unjoni setgħet iżżomm il-livelli tal-prezzijiet tal-bejgħ tagħha sabiex taħsad il-benefiċċji minn tnaqqis fil-kostijiet mill-2023 u tibqa’ profittabbli. Għalhekk, il-Kummissjoni ċaħdet il-pretensjoni li ż-żieda madwar id-dinja fil-prezzijiet tal-materja prima kkontribwiet għad-dannu mġarrab mill-industrija tal-Unjoni.

(261)

L-impatt tal-kost tal-enerġija ġie eżaminat mill-qrib. Għalkemm importanti, l-enerġija mhijiex il-komponent ewlieni tal-kost għall-produzzjoni tal-prodott taħt investigazzjoni. Barra minn hekk, l-argumenti dwar il-kostijiet tal-enerġija ma setgħux jiġu rikonċiljati mal-fatt li l-produtturi tal-Unjoni inklużi fil-kampjun xorta waħda setgħu jiksbu profitti ta’ aktar minn 10 % fl-2022, meta kien ikun jeżisti wkoll dan l-allegat żvantaġġ komparattiv f’termini tal-kostijiet. Meta qieset is-sehem limitat tal-kostijiet tal-enerġija fil-kost totali tal-produzzjoni (bħala medja 8 % għall-produtturi inklużi fil-kampjun fil-perjodu ta’ investigazzjoni), il-Kummissjoni kkonkludiet li ż-żieda fil-kostijiet tal-enerġija ma kkontribwietx għad-dannu materjali li nstab matul il-perjodu ta’ investigazzjoni.

(262)

L-impatt tal-investimenti xprunati mill-konformità ambjentali ġie eżaminat ukoll u l-Kummissjoni sabet b’mod proviżorju li l-investimenti fir-R&Ż u fl-innovazzjoni relatati mal-konformità ambjentali baqgħu ġeneralment stabbli matul il-perjodu kkunsidrat. B’hekk, il-Kummissjoni kkonkludiet li l-kostijiet imġarrba mill-industrija tal-UE biex tikkonforma mar-regolamentazzjoni ambjentali ma kkontribwewx għad-dannu materjali misjub.

(263)

Marcegaglia, Formosa, Al Ezz Dekheila Steel Company S.A.E u Hoa Phat Group sostnew li t-tnaqqis konsiderevoli fid-domanda fis-suq tal-UE ma kienx ikkunsidrat mill-ilmentatur fl-analiżi tal-kawżalità tiegħu.

(264)

L-investigazzjoni żvelat li għalkemm id-domanda tas-suq naqset matul il-perjodu kkunsidrat, l-importazzjonijiet mill-pajjiżi kkonċernati segwew xejra opposta u żdiedu f’termini assoluti bi kważi miljun tunnellata, u konsegwentement kisbu sehem mis-suq sinifikanti għad-detriment tal-industrija tal-Unjoni. Il-Kummissjoni nnotat ukoll li s-sitwazzjoni tal-industrija tal-Unjoni kienet aħjar fl-2022 milli fil-perjodu ta’ investigazzjoni għalkemm il-konsum kien f’livell aktar baxx milli fil-perjodu ta’ investigazzjoni. B’hekk, il-Kummissjoni kkonkludiet li t-tnaqqis fid-domanda għall-HRF ma kkontribwiex għad-dannu mġarrab mill-industrija tal-Unjoni.

(265)

Rabta kawżali ġiet stabbilita bejn l-importazzjonijiet oġġett ta’ dumping mill-Eġittu, mill-Ġappun u mill-Vjetnam, minn naħa waħda, u d-dannu mġarrab mill-industrija tal-Unjoni, min-naħa l-oħra. Kien hemm koinċidenza fiż-żmien bejn iż-żieda qawwija fil-volum ta’ importazzjonijiet oġġett ta’ dumping bi tnaqqis kontinwu tal-prezzijiet tal-bejgħ mill-Eġittu, mill-Ġappun u mill-Vjetnam, u l-prestazzjoni li kienet qed tiħżien tal-Unjoni, li sar ovvju fl-2023. L-industrija tal-Unjoni ma kellha l-ebda għażla oħra ħlief li ssegwi l-livell tal-prezz stabbilit mill-importazzjonijiet oġġett ta’ dumping sabiex tevita li titlef aktar sehem mis-suq. Dan irriżulta f’deterjorament tas-sitwazzjoni tal-industrija tal-Unjoni kif muri minn diversi indikaturi makro u mikro bħall-profittabilità, il-volum ta’ bejgħ, is-sehem mis-suq, l-impjieg u l-fluss ta’ flus. B’mod parallel, l-industrija tal-Unjoni ma setgħetx tibbenefika mill-miżuri anti-dumping u kumpensatorji applikabbli għall-importazzjonijiet minn diversi pajjiżi u imposti wkoll matul il-perjodu kkunsidrat (ara l-premessa (53)).

(266)

Il-Kummissjoni sabet li fatturi oħra li seta’ kellhom impatt fuq is-sitwazzjoni tal-industrija tal-Unjoni kienu l-prestazzjoni tal-bejgħ għall-esportazzjoni tal-produtturi tal-Unjoni u l-importazzjonijiet minn pajjiżi ħlief mill-pajjiżi kkonċernati.

(267)

Fuq il-bażi ta’ dan ta’ hawn fuq, il-Kummissjoni kkonkludiet li l-importazzjonijiet oġġett ta’ dumping mill-pajjiżi kkonċernati kkawżaw dannu materjali lill-industrija tal-Unjoni u li l-fatturi l-oħra, ikkunsidrati b’mod individwali jew kollettiv, ma naqqsux ir-rabta kawżali bejn l-importazzjonijiet oġġett ta’ dumping u d-dannu materjali.

(268)

Kif indikat fin-Notifika tal-Bidu, l-ilmentatur ipprovda biżżejjed evidenza lill-Kummissjoni li fl-Indja u fil-Vjetnam hemm distorsjonijiet fil-materja prima rigward il-prodott taħt investigazzjoni. Matul l-investigazzjoni, l-ilmentatur talab lill-Kummissjoni testendi l-applikazzjoni tal-Artikolu 7(2a) għall-Eġittu u għall-Ġappun ukoll.

(269)

Madankollu, it-talba addizzjonali ma kienx fiha biżżejjed evidenza tad-distorsjonijiet elenkati fl-Artikolu 7(2a) tar-Regolament bażiku u għalhekk ma ġġustifikatx emenda għan-Notifika tal-Bidu u investigazzjoni sussegwenti rigward distorsjonijiet potenzjali fil-materja prima għall-Eġittu u għall-Ġappun.

(270)

Minħabba s-sejba ta’ livelli de minimis ta’ dumping għall-Indja u l-intenzjoni tal-Kummissjoni li ttemm dan il-proċediment kontra l-Indja f’konformità mal-Artikolu 9(3) tar-Regolament bażiku, saret irrilevanti l-pretensjoni dwar distorsjonijiet tal-materja prima fl-Indja.

(271)

B’hekk, il-Kummissjoni vvalutat il-miżura ta’ eliminazzjoni tad-dannu skont l-Artikolu 7(2a) għall-Vjetnam, u skont l-Artikolu 7(2) għall-Eġittu u l-Ġappun.

(272)

Sabiex twettaq il-valutazzjoni fil-livell xieraq ta’ miżuri għall-Vjetnam, il-Kummissjoni l-ewwel stabbiliet il-bejgħ taħt il-prezz (jiġifieri, xi jkun il-marġni tad-dannu fin-nuqqas ta’ distorsjonijiet skont l-Artikolu 7(2a) tar-Regolament bażiku) għall-produttur esportatur Vjetnamiż li nstab li kien qed jagħmel dumping. Imbagħad, eżaminat jekk il-marġni tad-dumping tagħha kienx ogħla mill-marġni tad-dannu tagħha.

(273)

Fin-nuqqas tad-distorsjonijiet fil-materja prima, id-dannu jitneħħa jekk l-industrija tal-Unjoni tkun tista’ tikseb profitt fil-mira billi tbigħ bi prezz fil-mira fis-sens tal-Artikolu 7(2c) u 7(2d) tar-Regolament bażiku.

(274)

F’dan ir-rigward, l-ilmentatur ikkunsidra li jenħtieġ li profitt fil-mira raġonevoli jvarja bejn 10 % u 15 %, filwaqt li diversi partijiet interessati argumentaw li jenħtieġ li dan ivarja bejn 6 % u 8 %.

(275)

F’konformità mal-Artikolu 7(2c) tar-Regolament bażiku, biex tistabbilixxi l-profitt fil-mira, il-Kummissjoni qieset il-fatturi li ġejjin: il-livell ta’ profittabilità qabel iż-żieda fl-importazzjonijiet mill-pajjiż ikkonċernat, il-livell ta’ profittabilità meħtieġ biex ikopri l-kostijiet u l-investimenti, ir-riċerka u l-iżvilupp (R&Ż) u l-innovazzjoni kollha, u l-livell ta’ profittabilità li għandu jkun mistenni f’kundizzjonijiet normali ta’ kompetizzjoni. Tali marġni ta’ profitt jenħtieġ li ma jkunx inqas minn 6 %. Fir-rigward tal-livell ta’ profittabilità qabel iż-żieda fl-importazzjonijiet mill-pajjiżi kkonċernati, ma kienx possibbli li jiġi stabbilit marġni ta’ profitt fuq il-bażi ta’ xi waħda mis-snin ta’ qabel iż-żieda tiegħu, peress li f’dawk is-snin l-industrija tal-Unjoni ġarrbet influss ta’ importazzjonijiet oġġett ta’ dumping minn oriġini oħra. Barra minn hekk, is-snin 2021 u 2022 instabu li kienu influwenzati ħafna mill-irkupru ekonomiku ta’ wara l-COVID-19 u ma dehrux xierqa biex jiġi stabbilit il-profitt fil-mira. Għalhekk, l-ebda waħda minn dawn is-snin ma setgħet tikkwalifika bħala sena b’sitwazzjoni kompetittiva normali fis-suq tal-Unjoni.

(276)

B’hekk, il-Kummissjoni kkunsidrat aktar xieraq li tuża l-livell ta’ profittabilità ta’ 6,8 % li ntlaħaq fl-2017 kif instab fil-każ tal-HRF kontra t-Turkija (11).

(277)

L-Industrija tal-UE pprovdiet evidenza li l-livell ta’ investimenti, riċerka u żvilupp (R&Ż) u innovazzjoni tagħha matul il-perjodu kkunsidrat kienu jkunu ogħla taħt kundizzjonijiet normali ta’ kompetizzjoni. Il-Kummissjoni vverifikat din l-informazzjoni matul iż-żjarat ta’ verifika fuq il-post billi vverifikat ir-rekords interni tal-kumpanija relatati mal-pjanijiet ta’ investiment, id-deċiżjonijiet ta’ ġestjoni u r-rapporti finanzjarji. Tabilħaqq, il-pretensjonijiet tal-Industrija tal-UE nstabu li kienu ġġustifikati. Sabiex tirrifletti dan fil-profitt fil-mira, il-Kummissjoni kkalkolat id-differenza bejn l-kost tal-investimenti, tar-R&Ż u tal-innovazzjoni (‘‘IRI’’, investments, R&D and innovation) taħt kundizzjonijiet normali ta’ kompetizzjoni kif ipprovduti mill-Industrija tal-UE u vverifikati mill-Kummissjoni b’kostijiet reali tal-IRI matul il-perjodu kkunsidrat. Abbażi ta’ informazzjoni verifikata rigward investimenti li ma setgħux jiġu implimentati matul il-perjodu kkunsidrat, il-marġnijiet ta’ profitt fil-mira żdiedu b’sa 1,05 % skont il-produtturi inklużi fil-kampjun.

(278)

B’hekk, il-profitt fil-mira li ġie stabbilit f’din l-investigazzjoni u f’konformità mal-Artikolu 7(2c) tar-Regolament bażiku varja bejn 6,8 % u 7,85 % skont is-sitwazzjoni li nstabet f’kull waħda mill-kumpaniji inklużi fil-kampjun.

(279)

Fuq din il-bażi, il-Kummissjoni kkalkolat prezz mhux dannuż għall-prodott simili għall-industrija tal-Unjoni billi applikat il-marġnijiet ta’ profitt fil-mira rispettivi għall-kost tal-produzzjoni tal-produtturi tal-Unjoni inklużi fil-kampjun matul il-perjodu ta’ investigazzjoni.

(280)

F’konformità mal-Artikolu 7(2d) tar-Regolament bażiku, bħala l-pass finali, il-Kummissjoni vvalutat il-kostijiet futuri li jirriżultaw minn Ftehimiet Ambjentali Multilaterali, u l-protokolli tagħhom, li għalihom l-Unjoni hija parti, li l-industrija tal-Unjoni se ġġarrab matul il-perjodu tal-applikazzjoni tal-miżura skont l-Artikolu 11(2). Abbażi tal-informazzjoni ppreżentata, li kienet appoġġata mill-għodod u l-previżjonijiet ta’ rapportar tal-kumpaniji, il-Kummissjoni stabbiliet kost addizzjonali fil-firxa ta’ bejn EUR 15,28 għal kull tunnellata u EUR 41,12 għal kull tunnellata, meta mqabbel mal-kost tal-konformità ma’ tali konvenzjonijiet matul il-perjodu ta’ investigazzjoni. Dan il-kost addizzjonali ġiet miżjuda mal-prezz mhux dannuż.

(281)

Il-Kummissjoni mbagħad iddeterminat il-livell ta’ eliminazzjoni tad-dannu fuq il-bażi ta’ paragun tal-prezz tal-importazzjoni tal-produttur esportatur fil-Vjetnam fuq bażi skont it-tip (prezz tal-iżbark) mal-medja ponderata tal-prezz mhux dannuż tal-prodott simili mibjugħ mill-produtturi tal-Unjoni inklużi fil-kampjun fis-suq ħieles tal-Unjoni matul il-perjodu ta’ investigazzjoni. Kwalunkwe differenza li tirriżulta minn dan il-paragun ġiet espressa bħala perċentwal tal-valur CIF medju ponderat tal-importazzjoni. Ir-riżultat ta’ dan il-kalkolu jidher fit-tabella ta’ hawn taħt.

(282)

Wara li nstab li l-bejgħ taħt il-prezz kien ogħla mid-dumping, l-analiżi tad-distorsjonijiet tal-materja prima saret irrilevanti peress li d-dazju anti-dumping ma jistax ikun ogħla mid-dumping reali.

(283)

Skont l-evidenza fl-ilment, l-esportazzjonijiet tal-mineral tal-ħadid u tal-faħam tal-kokk li kienu jammontaw rispettivament għal [30-40 %] u [26-39 %] tal-kost tal-produzzjoni tal-Vjetnam, kienu soġġetti għal dazji tal-esportazzjoni.

(284)

Fl-analiżi tagħha tad-distorsjonijiet tal-Artikolu 7(2a) tar-Regolament bażiku, kif indikat fin-Notifika tal-Bidu, il-Kummissjoni eżaminat id-distorsjonijiet kollha koperti minn dik id-dispożizzjoni.

(285)

Il-Kummissjoni l-ewwel identifikat il-materja prima ewlenija użata fil-manifattura tal-prodott ikkonċernat minn kull produttur esportatur li kkoopera. Peress li l-materja prima ewlenija ġiet ikkunsidrata dik il-materja prima li kienet x’aktarx tirrappreżenta mill-inqas 17 % tal-kost tal-produzzjoni tal-prodott ikkonċernat.

(286)

L-investigazzjoni kkonfermat li kemm il-mineral tal-ħadid kif ukoll il-faħam tal-kokk kienu fost il-materja prima ewlenija użata fil-produzzjoni tal-prodott ikkonċernat u li kull wieħed minnhom kien jammonta għal aktar minn 17 % tal-kost tal-produzzjoni ta’ kull produttur esportatur. Matul il-perjodu ta’ investigazzjoni, iż-żewġ kumpaniji madankollu importaw kemm il-mineral tal-ħadid kif ukoll il-kokk minn diversi fornituri u pajjiżi differenti, minħabba produzzjoni domestika insuffiċjenti jew li ma teżistix, u l-kwalità ġeneralment baxxa tal-produzzjoni domestika. Għalhekk, il-prezzijiet tax-xiri mill-produtturi esportaturi ta’ dawn iż-żewġ materji primi ma nstabux affettwati mill-prezzijiet domestiċi u ma setgħux ikunu soġġetti għal distorsjonijiet domestiċi.

(287)

Il-Kummissjoni kkonkludiet li ma setgħetx tiġi stabbilita l-eżistenza ta’ distorsjonijiet fil-mineral tal-ħadid u fil-faħam tal-kokk.

(288)

Fir-rigward tal-Ġappun u tal-Eġittu, id-dannu mġarrab mill-industrija tal-Unjoni jitneħħa jekk il-produtturi tal-Unjoni setgħu jiksbu profitt fil-mira billi jbigħu bi prezz fil-mira fis-sens tal-Artikolu 7(2c) u 7(2d) tar-Regolament bażiku.

(289)

Sabiex tistabbilixxi l-livell ta’ eliminazzjoni tad-dannu għal dawk il-pajjiżi, il-Kummissjoni użat l-istess metodoloġija deskritta fil-premessi (275) sa (281). Il-marġnijiet tad-dannu għal kull wieħed mill-produtturi esportaturi inklużi fil-kampjun huma elenkati hawn taħt. Għal ‘‘kumpaniji oħrajn li kkooperaw’’ u għal ‘‘l-importazzjonijiet l-oħrajn kollha li joriġinaw mill-Ġappun’’ il-marġinijiet tad-dannu kienu stabbiliti bl-istess mod tal-marġnijiet tad-dumping rispettivi (ara l-premessi (132) sa (135)).

(290)

Wara li ddeċidiet li tapplika l-Artikolu 7(2) tar-Regolament bażiku, il-Kummissjoni eżaminat jekk setgħetx tikkonkludi b’mod ċar li ma kienx fl-interess tal-Unjoni li tadotta miżuri f’dan il-każ, minkejja d-determinazzjoni ta’ dumping dannuż, f’konformità mal-Artikolu 21 tar-Regolament bażiku. Id-determinazzjoni tal-interess tal-Unjoni kienet ibbażata fuq apprezzament tad-diversi interessi kollha involuti, inklużi dawk tal-industrija, tal-importaturi, tal-utenti u tal-konsumaturi tal-Unjoni.

(291)

L-industrija tal-Unjoni tinsab f’diversi Stati Membri (Franza, il-Ġermanja, ir-Repubblika Ċeka, ir-Repubblika Slovakka, l-Italja, il-Lussemburgu, il-Belġju, il-Polonja, In-Netherlands, l-Awstrija, il-Finlandja, l-Iżvezja, il-Portugall, l-Ungerija u Spanja), u timpjega madwar 38 047 impjegat, li jaħdmu direttament għall-prodott simili fil-manifatturi primarji differenti tal-azzar tal-produtturi tal-Unjoni (ara l-premessa (216)).

(292)

Ħmistax-il produttur ikkooperaw matul l-investigazzjoni. L-ebda produttur magħruf ma oppona l-bidu tal-investigazzjoni. Kif konkluż fit-Taqsima 4.5, is-sitwazzjoni tal-industrija kollha tal-Unjoni ddeterjorat b’riżultat ta’ importazzjonijiet oġġett ta’ dumping mill-pajjiżi kkonċernati. Id-dannu materjali ntwera kemm fil-mikroindikaturi kif ukoll fil-makroindikaturi u partikolarment materjali fir-rigward tal-profittabilità, il-volumi ta’ bejgħ u l-ishma mis-suq tal-industrija tal-Unjoni.

(293)

Il-miżuri anti-dumping kontra l-importazzjonijiet mill-pajjiżi kkonċernati huma mistennija li jerġa’ jkun hemm kundizzjonijiet ta’ kummerċ ġust fis-suq tal-Unjoni u jippermettu lill-industrija tal-Unjoni tikseb livelli ta’ profittabilità sostenibbli għal tali industrija intensiva fil-kapital. B’riżultat ta’ dan, il-produtturi tal-Unjoni huma mistennija jirkupraw mis-sitwazzjoni dannuża, jinvestu aktar u jilħqu l-impenji differenti tagħhom, inklużi dawk soċjali u ambjentali.

(294)

In-nuqqas ta’ impożizzjoni ta’ miżuri jfisser telf akbar fl-industrija tal-Unjoni, jipperikola l-vijabbiltà tagħha u probabbilment iwassal għall-għeluq tal-faċilitajiet tal-produzzjoni u għas-sensji.

(295)

Għalhekk, f’dan l-istadju l-Kummissjoni kkonkludiet li l-impożizzjoni ta’ dazji anti-dumping tkun fl-interess tal-industrija tal-Unjoni.

(296)

Kif imsemmi fil-premessa (31) ma kien hemm l-ebda importatur mhux relatat li mela kwestjonarju jew ipprovda lill-Kummissjoni elementi individwali li juru sa liema punt l-importaturi jġarrbu dannu mill-impożizzjoni ta’ miżuri. Madankollu, diversi importaturi li ġew raggruppati fil-Konsorzju ippreżentaw ruħhom billi pprovdew kummenti ġenerali dwar l-interess tal-Unjoni.

(297)

Il-Konsorzju huwa organizzazzjoni “ad hoc” li ġiet iffurmata bl-għan li tiddefendi l-interess ta’ ċerti utenti, l-SSCs, kif ukoll importaturi tal-prodott taħt investigazzjoni wara l-bidu tal-investigazzjoni inkwistjoni.

(298)

Il-Konsorzju ppreżenta kummenti li jopponu l-impożizzjoni ta’ dazji bl-argument li dawn iwasslu għal i) nuqqas ta’ provvista adegwata minn imtieħen tal-azzar Ewropej li l-kapaċità nominali tagħhom hija ħafna ogħla mill-kapaċità reali tagħhom, ii) żieda intollerabbli fil-kostijiet għall-industriji downstream, iii) żvantaġġ kompetittiv tal-utenti fil-konfront tal-utenti relatati (jiġifieri l-SSCs relatati mal-manifatturi primarji tal-azzar) u iv) distorsjonijiet tal-katina tal-provvista madwar id-dinja peress li l-utenti u ċ-ċentri tas-servizzi tal-azzar jitpoġġew fi żvantaġġ ċar fil-konfront tal-kompetituri tagħhom f’pajjiżi terzi. Barra minn hekk, saret seduta ta’ smigħ fuq it-talba tagħhom.

(299)

Il-Konsorzju sostna li kien jammonta għal aktar minn 50 % tal-importazzjonijiet totali tal-prodott taħt investigazzjoni mill-pajjiżi kkonċernati u li l-impożizzjoni ta’ dazji anti-dumping ikollha effetti negattivi serji fuq l-attivitajiet kummerċjali tal-utenti/importaturi. L-HRF huwa l-materja prima ewlenija użata mill-utenti fil-manifattura ta’ prodotti downstream. Huwa l-element ta’ kost ewlieni għalihom u qed jiddependu ħafna fuq l-importazzjonijiet minn pajjiżi terzi biex ifornu lill-utenti u lill-SSCs fl-Unjoni.

(300)

Kif imsemmi fil-premessa (298), il-membri tal-Konsorzju kienu wkoll qed jikkompetu direttament mal-industrija tal-Unjoni li qed tipproċessa l-prodott ikkonċernat fuq bażi ta’ bejgħ jew użu kaptiv għal prodotti downstream simili mibjugħa fis-suq ħieles. Peress li l-Konsorzju kien jirrappreżenta ż-żewġ interessi taż-żewġ utenti li kkooperaw fl-investigazzjoni, dawn il-pretensjonijiet għalhekk ġew analizzati f’aktar dettalji fil-kapitolu li jmiss.

(301)

Żewġ utenti, ibbażati fl-Italja (Marcegaglia Carbon Steel Spa) u fi Spanja (Network Steel S.L.), b’importazzjonijiet mill-pajjiżi kkonċernati u li jipproduċu fost oħrajn tubi, pajpijiet u prodotti tal-azzar downstream ippreżentaw ruħhom u pprovdew tweġiba għall-kwestjonarju. Il-prodott ikkonċernat/prodott simili huwa element kbir ta’ kost għal dawn l-utenti. Utenti oħra ppreżentaw ruħhom iżda ma pprovdewx tweġiba għall-kwestjonarju. Kemm Network Steel S.L. kif ukoll Marcegaglia Carbon Steel Spa kienu kontra l-bidu kif ukoll l-impożizzjoni possibbli ta’ miżuri.

(302)

L-utenti tal-Unjoni jikkompetu mal-kumpaniji relatati tal-produtturi tal-Unjoni fis-swieq downstream tal-prodott taħt investigazzjoni. Huma jużaw il-prodott taħt investigazzjoni bħala materja prima għall-manifattura ta’ prodotti downstream bħall-prodotti ċatti b’laminazzjoni fil-kiesaħ, azzar miksi, profili vojta, tubi wweldjati u profili fi kwalitajiet differenti, u jużawh ukoll bħala output industrijali għal varjetà ta’ applikazzjonijiet, inklużi l-kostruzzjoni, il-bini tal-bastimenti, il-kontenituri tal-gass u r-reċipjenti taħt pressjoni.

(303)

L-attività tal-industrija tal-azzar hija marbuta mill-qrib maċ-ċiklu ekonomiku u hija affettwata b’mod sinifikanti mill-kundizzjonijiet ekonomiċi ġenerali, ix-xejriet tal-konsum kif ukoll il-kapaċità tal-produzzjoni globali u l-fluttwazzjonijiet fil-kummerċ internazzjonali tal-azzar u t-tariffi imposti.

(304)

Diversi partijiet qajmu kwistjonijiet relatati mal-kompetittività u mal-kompetizzjoni. Produttur esportatur argumenta li l-impożizzjoni ta’ miżuri kontra l-pajjiżi kkonċernati twassal għal oligopolju (imsaħħaħ) fl-Unjoni, filwaqt li utenti mhux relatati lmentaw li l-produtturi tal-Unjoni jpoġġu lill-SSC u lill-utenti indipendenti f’sitwazzjoni inqas kompetittiva minn dawk relatati. L-ilmentaturi kkontestaw it-tieni pretensjoni għar-raġunijiet li t-tranżazzjonijiet tagħhom mal-SSC relatat isiru f’kundizzjonijiet ta’ kompetizzjoni ġusta.

(305)

Il-Kummissjoni sabet li l-pretensjoni tal-oligopolju mhijiex ġustifikata fid-dawl tal-għadd ta’ mtieħen u gruppi li jipproduċu l-azzar fl-Unjoni kif imsemmi fil-premessa (317). Il-produtturi tal-Unjoni juru kompetizzjoni tajba bejniethom u se jkomplu jikkompetu mal-importazzjonijiet minn pajjiżi terzi, li mhux se jieqfu.

(306)

Fir-rigward tat-tieni pretensjoni, il-Kummissjoni qieset il-pretensjoni bħala bla bażi, jiġifieri sa fejn l-industrija tal-Unjoni tforni kwantitajiet sinifikanti lill-SSC u lill-utenti indipendenti li pprovdew tweġibiet għall-kwestjonarju, it-tnejn fuq il-prezz ta’ kundizzjonijiet ta’ kompetizzjoni ġusta.

(307)

Iż-żewġ utenti sostnew li n-negozju tagħhom kien dipendenti ħafna fuq l-importazzjonijiet, mhux biss f’termini ta’ volumi, iżda wkoll fuq ċerti tipi ta’ materja prima b’karatteristiċi ta’ kwalità għolja u ta’ ħxuna li l-industrija tal-Unjoni ma kinitx kapaċi tipproduċiha, b’xi ftit eċċezzjonijiet, jew ma kinitx lesta tipproduċiha, peress li tnaqqas il-produttività tal-linja ta’ produzzjoni b’laminazzjoni termali. Barra minn hekk, allegaw li l-fornituri ta’ pajjiżi terzi kienu partikolarment affidabbli. Madankollu, l-investigazzjoni żvelat li huma jkunu jistgħu jakkwistaw dawn il-prodotti minn produtturi esportaturi oħra f’pajjiżi terzi bħall-Indja jew il-Vjetnam, li nstabu li ma kinux qed jagħmlu dumping, kif ukoll produtturi esportaturi minn pajjiżi bħall-Korea t’Isfel jew it-Tajwan. Il-produzzjoni tal-kapaċità stmata rispettiva tagħhom tal-HRF kienet rispettivament ta’ 21,8 miljun tunnellata u 12,5 miljun tunnellata fl-2023.

(308)

L-utenti allegaw li minħabba ż-żieda fil-prezz tal-materja prima tagħhom u l-iskarsezza tal-prodott ikkonċernat fis-suq ħieles, li jirriżultaw mill-applikazzjoni ta’ miżuri kontra l-pajjiżi kkonċernati, l-utenti ma jkunux jistgħu jikkompetu fuq l-istess livell mal-produtturi esportaturi ta’ prodotti downstream manifatturati mill-prodott taħt investigazzjoni f’pajjiżi terzi.

(309)

Barra minn hekk, skont l-istess utenti, il-produtturi esportaturi fil-pajjiżi kkonċernati jistgħu jiġu mħajra jikkonċentraw fuq l-esportazzjonijiet ta’ prodotti tal-azzar b’valur miżjud magħmula mill-prodott ikkonċernat bħal kojls galvanizzati, kojls miżbugħin minn qabel, kojls b’laminazzjoni fil-kiesaħ, tubi wweldjati, eċċ. jekk jiġu applikati miżuri kontra l-HRF.

(310)

Fl-aħħar nett, l-SSCs li jinsabu fl-Unjoni jistgħu jirrilokaw il-produzzjoni tagħhom ta’ prodotti downstream f’pajjiżi terzi, li jista’ jipperikola serjament is-sostenibbiltà ekonomika ta’ utenti mhux relatati, bħar-riromblaturi, il-produtturi tat-tubi, u ċ-ċentri tas-servizzi, li jipprovdu wkoll lis-swieq downstream tal-Unjoni l-kapillarità, l-orjentazzjoni lejn is-servizzi u jimpjegaw, direttament u indirettament, eluf ta’ ħaddiema.

(311)

Dawn iż-żewġ utenti allegaw li l-impożizzjoni ta’ miżuri fuq l-importazzjonijiet mill-pajjiż ikkonċernat twassal għal sitwazzjoni li fiha ma jibqax ikollhom aċċess għal sorsi affidabbli ta’ provvisti tal-prodott taħt investigazzjoni fis-suq tal-Unjoni, b’mod partikolari ta’ rombli ta’ kwalità għolja użati għar-riromblar. Huma allegaw li l-produtturi tal-Unjoni għad għandhom sehem mis-suq relattivament għoli u jistgħu jeżerċitaw pressjoni qawwija kemm fis-suq tal-prodott taħt investigazzjoni kif ukoll fis-suq downstream.

(312)

Sabiex tiddeċiedi jekk l-impożizzjoni ta’ miżuri kinitx fl-interess tal-Unjoni, il-Kummissjoni kkunsidrat is-sitwazzjoni ta’ partijiet interessati oħra, l-utenti, jiġifieri ċ-Ċentri tas-servizzi tal-azzar (SSC). Iċ-Ċentri tas-servizzi tal-azzar huma kumpaniji li jittrattaw l-attivitajiet relatati mas-servizz tal-industrija tal-azzar. Huma jaġixxu bħala intermedjarji bejn il-manifatturi primarji tal-azzar, id-distributuri tal-azzar u l-konsumaturi, filwaqt li joffru servizzi ta’ valur miżjud bħall-qtugħ, il-qtugħ lonġitudinali, u l-iffurmar tal-prodotti tal-azzar skont l-ispeċifikazzjonijiet tal-klijenti. Skont EUROMETAL (12), fl-2023, 150 grupp jew kumpanija tal-SCC ipproċessaw prodotti tal-metall ċatti b’kapaċità stmata ta’ konsenja ta’ 31,3 miljun tunnellata. Is-settur jipprovdi aktar minn 20 000 impjieg dirett u indirett fl-UE. L-SSCs indipendenti huma stmati li għandhom sehem mis-suq ta’ 48 %, filwaqt li l-bqija jappartjenu lill-SSCs li jkunu proprjetà ta’ manifatturi primarji tal-azzar jew tal-SSCs tas-sħab tal-manifatturi tal-azzar primarji. Il-manifatturi tal-azzar primarji u l-proċessuri tal-azzar huma wkoll f’kompetizzjoni mal-importazzjonijiet minn pajjiżi terzi u għalhekk jikkondividu l-isfidi u t-tħassib ikkawżati mill-kapaċità żejda globali.

(313)

L-ewwel nett, il-Kummissjoni nnotat li l-objettiv tad-dazji antidumping mhuwiex li jagħlqu s-suq tal-Unjoni minn xi importazzjoni, iżda li jerġa’ jkun hemm kummerċ ġust billi jneħħu l-effett ta’ dumping dannuż. Għalhekk, l-importazzjonijiet mill-pajjiżi kkonċernati mhumiex mistennija jiġu fi tmiemhom, iżda li jkomplu, għalkemm bi prezzijiet mhux oġġett ta’ dumping.

(314)

It-tieni, il-Kummissjoni sabet li l-utenti ma kinux esklużivament dipendenti fuq l-importazzjonijiet mill-pajjiżi kkonċernati, iżda xtraw ukoll il-prodott simili matul il-perjodu ta’ investigazzjoni mill-produtturi tal-Unjoni kif ukoll minn produtturi li nstabu li ma kinux qed jagħmlu dumping f’pajjiżi terzi bħall-Indja, il-Vjetnam, il-Korea t’Isfel u t-Tajwan.

(315)

It-tielet, minħabba li l-biċċa l-kbira tal-importazzjonijiet mill-pajjiżi kkonċernati huma mistennija li jkomplu wara l-impożizzjoni ta’ dazji anti-dumping, u peress li se jibqa’ jkun hemm sorsi alternattivi ta’ provvista mingħajr l-ebda miżura anti-dumping (il-Korea t’Isfel, it-Tajwan u l-Indja), hija bla bażi l-pretensjoni li l-impożizzjoni ta’ dazji anti-dumping tirriżulta f’li l-industrija tal-Unjoni tkun tista’ teżerċita pressjoni qawwija fuq il-prezzijiet. L-industrija tal-Unjoni tikkonsisti minn 22 produttur li jipprovdu lill-utenti firxa wiesgħa ta’ provvista li tkun diġà fl-Unjoni, flimkien mal-opzjoni ta’ importazzjonijiet minn pajjiżi terzi li jipproduċu u jesportaw il-prodott simili.

(316)

Barra minn hekk, skont sorsi speċjalizzati tal-industrija (13) filwaqt li l-kwoti mingħajr tariffi skont il-miżuri ta’ salvagwardja applikabbli għall-prodotti tal-azzar (14) inqabżu għal xi pajjiżi terzi bħall-Vjetnam, il-Ġappun u t-Tajwan, pajjiżi oħra bħall-Indja jew il-Korea t’Isfel, madankollu, baqgħu sottoutilizzati, li jħalli lok għall-importaturi biex jiddiversifikaw is-sorsi tagħhom biex iżommu l-provvista. Fil-fatt, skont il-kumpanija tal-analiżi tas-suq tal-azzar MEPS International, “ħafna importaturi diġà kienu kapaċi jiddiversifikaw il-katina tal-provvista tagħhom. Il-volumi tal-importazzjoni tal-HRFS żdiedu mill-introduzzjoni tal-limitu massimu ta’ 15 % għal “pajjiżi oħrajn”. Din iż-żieda apparenti [.] għenet biex tinżamm pressjoni ’l isfel fuq il-prezzijiet tal-koljaturi b’laminazzjoni termali rreġistrati mill-MEPS fit-tieni nofs tas-sena li għaddiet” (2024). Għalhekk, il-Kummissjoni ċaħdet il-pretensjoni li l-impożizzjoni ta’ miżuri twassal għal nuqqas ta’ provvista tal-prodott ikkonċernat/prodott simili.

(317)

Barra minn hekk, bl-eżistenza ta’ diversi produtturi li jappartjenu għal gruppi differenti li għandhom il-kwartieri ġenerali tagħhom f’diversi pajjiżi, is-suq ma jistax jitqies bħala kkonċentrat ħafna jew saħansitra kkontrollat minn għadd limitat ta’ produtturi kbar tal-azzar. Fil-fatt, il-preżenza ta’ diversi impriżi fis-suq tindika ambjent kompetittiv ħafna.

(318)

Ma kien hemm l-ebda evidenza li l-utenti u n-negozjanti indipendenti tpoġġew f’pożizzjoni ta’ negozjar sfavorevoli fil-konfront tal-produtturi tal-Unjoni, u lanqas li l-utenti jiġu mġiegħla jirrilokaw il-produzzjoni barra mill-UE. Barra minn hekk, kif imsemmi hawn fuq, l-għan tal-miżuri anti-dumping mhuwiex li jrażżnu l-kompetizzjoni mill-importazzjonijiet, iżda sempliċiment li jiżguraw li dawn jiġu nnegozjati b’termini ġusti, jiġifieri bi prezzijiet mhux oġġett ta’ dumping. L-importazzjonijiet jistgħu jkomplu jidħlu fl-UE wara l-impożizzjoni ta’ miżuri; madankollu, dawn jinbiegħu bi prezzijiet ġusti.

(319)

Il-Kummissjoni kkonkludiet ukoll li l-miżuri anti-dumping ma jsaħħux il-pożizzjoni tal-produtturi tal-UE għad-detriment tas-setturi downstream. B’suq kompetittiv u d-disponibbiltà ta’ kapaċità żejda fost il-produtturi tal-UE, għall-kuntrarju ta’ dak li argumentaw l-utenti, jenħtieġ li l-prezzijiet jibqgħu kompetittivi.

(320)

Ġie nnotat li l-kapaċità tal-produzzjoni totali stmata tal-Unjoni tal-HRF hija ta’ aktar minn 90 miljun tunnellata u b’hekk taqbeż b’mod sinifikanti l-konsum tal-Unjoni (ħieles u kaptiv), li ġie stmat fil-livell ta’ madwar 66 miljun tunnellata. Għalhekk, huwa improbabbli ħafna li ż-żamma tal-miżuri twassal għal xi skarsezza tal-provvista.

(321)

Fl-aħħar nett, l-investigazzjoni żvelat ukoll li l-utenti li pprovdew tweġiba għall-kwestjonarju fil-fatt kellhom prestazzjoni aħjar mill-industrija tal-Unjoni fir-rigward tal-ipproċessar u l-bejgħ mill-ġdid tal-prodott taħt investigazzjoni matul il-perjodu ta’ investigazzjoni u l-biċċa l-kbira tal-perjodu kkunsidrat minkejja l-kundizzjonijiet kompetittivi tas-suq fis-suq tal-UE.

(322)

Għalkemm il-profittabilità tal-utenti li kkooperaw kienet aktar favorevoli minn dik tal-industrija tal-Unjoni, kellhom ilaħħqu mal-fatturi li ġejjin:

(323)

B’paragun ma’ dan, is-sitwazzjoni tal-produtturi tal-UE hija saħansitra aktar fraġli peress li ma jistgħux jgħollu l-prezzijiet mingħajr ma jirriskjaw telf ta’ bejgħ lill-kompetituri li joffru prezzijiet aktar baxxi, kemm jekk produtturi tal-UE kif ukoll importazzjonijiet, partikolarment peress li l-prodotti tal-azzar ċatti b’laminazzjoni termali huma komodità sensittiva għall-prezzijiet. L-utenti faċilment jaqilbu għal provvisti alternattivi, aktar affordabbli.

(324)

Fir-rigward tal-impatt ta’ miżuri fuq l-utenti, il-Kummissjoni kkunsidrat li l-utenti diġà setgħu jlaħħqu mal-eżistenza ta’ miżuri ta’ salvagwardja li jammontaw għal 25 %, ladarba jkunu ġew eżawriti l-kwoti mingħajr dazju, mingħajr ma juru telf bis-saħħa tal-flessibbiltà, l-istruttura tal-kostijiet aktar effiċjenti u l-kapaċità tagħhom li joffru prodotti b’valur miżjud u marġni ta’ profitt ogħla.

(325)

Fuq din il-bażi u filwaqt li jitqies il-livell relattivament simili tad-dazji proposti, u l-eżistenza ta’ sorsi alternattivi ta’ provvista, il-Kummissjoni kkonkludiet li l-effetti ta’ impożizzjoni potenzjali ta’ dazji fuq l-utenti ma jkunux sinifikanti u ma jegħlbux l-effetti pożittivi tal-miżuri fuq l-industrija tal-Unjoni. Tabilħaqq, l-analiżi ta’ hawn fuq pjuttost turi li l-impożizzjoni tad-dazji jkollha impatt limitat fuq l-utenti tal-HRF.

(326)

Fuq il-bażi ta’ dan ta’ hawn fuq, il-Kummissjoni kkonkludiet li ma kien hemm l-ebda raġuni konvinċenti li ma kienx fl-interess tal-Unjoni li timponi miżuri fuq l-importazzjonijiet ta’ ċerti prodotti ċatti b’laminazzjoni termali tal-ħadid, azzar mhux illigat jew liga oħra tal-azzar li joriġina mill-Eġittu, mill-Ġappun u mill-Vjetnam f’dan l-istadju tal-investigazzjoni.

(327)

Fuq il-bażi tal-konklużjonijiet li waslet għalihom il-Kummissjoni dwar id-dumping, id-dannu, il-kawżalità, il-livell ta’ miżuri u l-interess tal-Unjoni, jenħtieġ li jiġu imposti miżuri proviżorji biex jiġi evitat aktar dannu lill-industrija tal-Unjoni mill-importazzjonijiet oġġett ta’ dumping.

(328)

Miżuri anti-dumping proviżorji jenħtieġ li jiġu imposti fuq l-importazzjonijiet ta’ ċerti prodotti ċatti b’laminazzjoni termali tal-ħadid, azzar mhux illigat jew liga oħra tal-azzar li joriġinaw mill-Eġittu, mill-Ġappun u mill-Vjetnam, f’konformità mar-regola tad-dazju inferjuri fl-Artikolu 7(2) tar-Regolament bażiku. Il-Kummissjoni qabblet il-marġnijiet tad-dannu u l-marġnijiet tad-dumping (ara l-premessa (288)). L-ammont tad-dazji ġie stabbilit fil-livell l-aktar baxx tal-marġnijiet tad-dumping u tad-dannu.

(329)

Fuq il-bażi ta’ dan ta’ hawn fuq, ir-rati tad-dazju anti-dumping proviżorji, espressi fil-prezz CIF fil-fruntiera tal-Unjoni, bid-dazju doganali mhux imħallas, jenħtieġ li jkunu kif ġej:

(330)

Ir-rati tad-dazju anti-dumping tal-kumpaniji individwali speċifikati f’dan ir-Regolament ġew stabbiliti fuq il-bażi tas-sejbiet ta’ din l-investigazzjoni. Għalhekk, jirriflettu s-sitwazzjoni li nstabet matul din l-investigazzjoni fir-rigward ta’ dawn il-kumpaniji. Dawn ir-rati tad-dazju huma applikabbli esklużivament għall-importazzjonijiet tal-prodott ikkonċernat li joriġina mill-pajjiżi kkonċernati u manifatturati mill-entitajiet legali msemmija. L-importazzjonijiet tal-prodott ikkonċernat immanifatturat minn kwalunkwe kumpanija oħra mhux imsemmija speċifikament fil-parti operattiva ta’ dan ir-Regolament, inkluż l-entitajiet relatati ma’ dawk imsemmija speċifikament, jenħtieġ li jkunu soġġetti għar-rata tad-dazju applikabbli għal “l-importazzjonijiet l-oħra kollha li joriġinaw minn [il-pajjiż ikkonċernat]”. Dawn jenħtieġ li ma jkunu soġġetti għall-ebda waħda mir-rati tad-dazju anti-dumping individwali.

(331)

Sabiex jiġu minimizzati r-riskji ta’ ċirkomvenzjoni minħabba d-differenza fir-rati tad-dazju, huma meħtieġa miżuri speċjali biex tiġi żgurata l-applikazzjoni tad-dazji anti-dumping individwali. L-applikazzjoni tad-dazji anti-dumping individwali hija applikabbli biss mal-preżentazzjoni ta’ fattura kummerċjali valida lill-awtoritajiet doganali tal-Istati Membri. Il-fattura trid tikkonforma mar-rekwiżiti stabbiliti fl-Artikolu 1(3) ta’ dan ir-Regolament. Sakemm tiġi ppreżentata tali fattura, jenħtieġ li l-importazzjonijiet ikunu soġġetti għad-dazju anti-dumping applikabbli għal “l-importazzjonijiet l-oħra kollha li joriġinaw minn [pajjiż ikkonċernat]”.

(332)

Filwaqt li l-preżentazzjoni ta’ din il-fattura hija meħtieġa biex l-awtoritajiet doganali tal-Istati Membri japplikaw ir-rati tad-dazju anti-dumping individwali fuq l-importazzjonijiet, mhijiex l-uniku element li għandu jitqies mill-awtoritajiet doganali. Tabilħaqq, anki jekk jiġu ppreżentati b’fattura li tissodisfa r-rekwiżiti kollha stabbiliti fl-Artikolu 1(3) ta’ dan ir-Regolament, l-awtoritajiet doganali tal-Istati Membri jridu jwettqu l-kontrolli tas-soltu tagħhom u jistgħu, bħal fil-każijiet l-oħra kollha, jirrikjedu dokumenti addizzjonali (dokumenti tat-tbaħħir, eċċ.) għall-fini tal-verifika tal-akkuratezza tad-dettalji li jinsabu fid-dikjarazzjoni u jiżguraw li tkun ġustifikata l-applikazzjoni sussegwenti tar-rata aktar baxxa tad-dazju, f’konformità mal-liġi doganali.

(333)

Jekk l-esportazzjonijiet minn waħda mill-kumpaniji li jibbenefikaw minn rati tad-dazju individwali aktar baxxi jiżdiedu b’mod sinifikanti fil-volum wara l-impożizzjoni tal-miżuri kkonċernati, tali żieda fil-volum tista’ titqies bħala waħda li fiha nnifisha tikkostitwixxi bidla fix-xejra tal-kummerċ minħabba l-impożizzjoni ta’ miżuri skont it-tifsira tal-Artikolu 13(1) tar-Regolament bażiku. F’tali ċirkostanzi u dment li jiġu ssodisfati l-kundizzjonijiet, tista’ tinbeda investigazzjoni antiċirkomvenzjoni. Din l-investigazzjoni tista’, fost oħrajn, teżamina l-ħtieġa tat-tneħħija ta’ rata/i tad-dazju individwali u l-impożizzjoni konsegwenti ta’ dazju fil-pajjiż kollu.

(334)

Kif imsemmi fil-premessa (3), il-Kummissjoni għamlet l-importazzjonijiet tal-prodott ikkonċernat soġġetti għar-reġistrazzjoni. Ir-reġistrazzjoni saret bil-ħsieb li possibbilment jinġabru d-dazji b’mod retroattiv skont l-Artikolu 10(4) tar-Regolament bażiku.

(335)

Bil-ħsieb tas-sejbiet fl-istadju proviżorju, jenħtieġ li ma titkompliex ir-reġistrazzjoni tal-importazzjonijiet.

(336)

F’dan l-istadju tal-proċediment ma ttieħdet l-ebda deċiżjoni dwar applikazzjoni retroattiva possibbli ta’ miżuri anti-dumping.

(337)

F’konformità mar-Regolament bażiku, il-Kummissjoni informat lill-partijiet interessati dwar l-impożizzjoni ppjanata ta’ dazji proviżorji. Din l-informazzjoni ġiet magħmula disponibbli wkoll għall-pubbliku ġenerali fuq is-sit web tad-DĠ TRADE. Il-partijiet interessati ngħataw tliet ijiem tax-xogħol biex jipprovdu kummenti dwar l-akkuratezza tal-kalkoli ddivulgati b’mod speċifiku lilhom. Wara l-kummenti li rċeviet minn NSC u EZZ, il-Kummissjoni għamlet korrezzjonijiet għall-kalkoli fejn kien xieraq. Kummenti b’segwitu tad-divulgazzjoni minn qabel fir-rigward ta’ aspetti metodoloġiċi u aspetti oħra tal-investigazzjoni, mhux relatati mal-akkuratezza tal-kalkoli, ikunu kkunsidrati fl-istadju definittiv tal-investigazzjoni.

(338)

Fl-interessi ta’ amministrazzjoni tajba, il-Kummissjoni se tistieden lill-partijiet interessati jippreżentaw kummenti bil-miktub u/jew jitolbu seduta ta’ smigħ mal-Kummissjoni u/jew mal-Uffiċjal tas-Smigħ fil-proċeduri kummerċjali fi żmien skadenza fissa.

(339)

Is-sejbiet li jikkonċernaw l-impożizzjoni ta’ dazji proviżorji huma proviżorji u jistgħu jiġu emendati fl-istadju definittiv tal-investigazzjoni,