DEĊIŻJONI TAL-KUMITAT KONĠUNT TAŻ-ŻEE Nru 292/2024

tas-6 ta’ Diċembru 2024

li temenda l-Anness IX (Servizzi finanzjarji) tal-Ftehim ŻEE [2025/566]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b’mod partikolari l-Artikolu 98 tiegħu,

Billi:

(1)	Ir-Regolament Delegat tal-Kummissjoni (UE) 2024/2795 tal-24 ta’ Lulju 2024 li jemenda r-Regolament (UE) Nru 575/2013 tal-Parlament Ewropew u tal-Kunsill fir-rigward tad-data ta’ applikazzjoni tar-rekwiżiti ta’ fondi proprji għar-riskju tas-suq (1) għandu jiġi inkorporat fil-Ftehim ŻEE.

(2)	Jenħtieġ għalhekk, li l-Anness IX tal-Ftehim ŻEE jiġi emendat skont dan,

ADOTTA DIN ID-DEĊIŻJONI:

Artikolu 1

L-inċiż li ġej jiżdied fil-punt 14a (ir-Regolament (UE) Nru 575/2013 tal-Parlament Ewropew u tal-Kunsill) tal-Anness IX tal-Ftehim dwar iż-ŻEE:

“-	32024 R 2795: Ir-Regolament Delegat tal-Kummissjoni (UE) 2024/2795 tal-24 ta’ Lulju 2024 (ĠU L, 2024/2795, 31.10.2024).”

Artikolu 2

It-test tar-Regolament Delegat (UE) 2024/2795 bil-lingwa Iżlandiża u b’dik Norveġiża, li se jiġi ppubblikat fis-Suppliment dwar iż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 3

Din id-Deċiżjoni għandha tidħol fis-seħħ fis-7 ta’ Diċembru 2024, sakemm ikunu saru n-notifiki kollha taħt l-Artikolu 103(1) tal-Ftehim ŻEE (*1), jew fil-jum tad-dħul fis-seħħ tad-Deċiżjoni tal-Kumitat Konġunt taż-ŻEE Nru 291/2024. tas-6 ta’ Diċembru 2024 (2), liema minnhom ikun l-aħħar.

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE ta’ Il-Ġurnal Uffiċjali tal-Unjoni Ewropea, u fis-Suppliment tiegħu dwar iż-ŻEE.

Magħmul fi Brussell, fis-6 ta’ Diċembru 2024.

Għall-Kumitat Konġunt taż-ŻEE

Il-President

Anders H. EIDE

(1) ĠU L, 2024/2795, 31.10.2024, ELI: http://data.europa.eu/eli/reg_del/2024/2795/oj.

(*1) Ma huwa indikat l-ebda rekwiżit kostituzzjonali.

(2) ĠU L, 2025/569, 24.4.2025, ELI: http://data.europa.eu/eli/dec/2025/569/oj.