(1)

Fit-18 ta’ Jannar 2012, il-Kunsill adotta r-Regolament (UE) Nru 36/2012.

(2)

Wara l-waqgħa tar-reġim ta’ al-Assad fis-Sirja, fil-konklużjonijiet tiegħu tad-19 ta’ Diċembru 2024, il-Kunsill Ewropew enfasizza l-opportunità storika li l-pajjiż jerġa’ jingħaqad u jinbena mill-ġdid u ssottolinja l-importanza ta’ proċess politiku inklużiv u mmexxi mis-Sirjani li jissodisfa l-aspirazzjonijiet leġittimi tal-poplu Sirjan, f’konformità mal-prinċipji ewlenin tar-Riżoluzzjoni 2254 (2015) tal-Kunsill tas-Sigurtà tan-Nazzjonijiet Uniti.

(3)

Fid-dawl tal-waqgħa tar-reġim ta’ al-Assad, li kien responsabbli għar-repressjoni vjolenti tal-popolazzjoni ċivili Sirjana u l-istedina mill-Kunsill Ewropew lill-Kummissjoni u lir-Rappreżentant Għoli biex jiġu ppreżentati għażliet għal miżuri ta’ appoġġ għas-Sirja, il-Kunsill irrieżamina l-miżuri restrittivi stipulati fid-Deċiżjoni 2013/255/PESK (2).

(4)

Abbażi ta’ dan ir-rieżami, u bil-ħsieb li titħeġġeġ tranżizzjoni inklużiva fis-Sirja u biex jiġu appoġġati t-twassil tal-għajnuna umanitarja, l-irkupru ekonomiku, ir-rikostruzzjoni u l-istabbilizzazzjoni, kif ukoll jiġi ffaċilitat ir-ritorn ta’ ċittadini Sirjani lejn is-Sirja flimkien mal-oġġetti personali tagħhom, il-Kunsill iqis li għadd ta’ miżuri restrittivi jenħtieġ li jiġu sospiżi.

(5)

Sabiex tiġi żgurata l-effettività tas-sospensjonijiet tal-miżuri restrittivi, il-Kunsill iqis li jenħtieġ li sitt entitajiet jitneħħew mil-lista ta’ persuni fiżiċi u ġuridiċi, entitajiet jew korpi soġġetti għall-iffriżar ta’ fondi u riżorsi ekonomiċi. Jenħtieġ li l-assi ta’ waħda minn dawk l-entitajiet jibqgħu ffriżati.

(6)

Għalhekk, jenħtieġ li r-Regolament (UE) Nru 36/2012 jiġi emendat skont dan,

(1)

(2)