(1)

Fis-27 ta’ Diċembru 2001, il-Kunsill adotta l-Pożizzjoni Komuni 2001/931/PESK (1).

(2)

Fid-19 ta’ Frar 2024, il-Kunsill adotta d-Deċiżjoni (PESK) 2024/628 (2), li fil-Pożizzjoni Komuni 2001/931/PESK żiedet, għal perjodu inizjali ta’ 12-il xahar, eżenzjoni umanitarja għal miżuri ta’ ffriżar tal-assi applikabbli għal, u għar-restrizzjonijiet fuq it-tqegħid ta’ fondi u riżorsi ekonomiċi għad-dispożizzjoni lil, persuni, il-gruppi u l-entitajiet deżinjati, u għar-restrizzjonijiet fuqhom, għall-benefiċċju tal-atturi msemmija fir-Riżoluzzjoni 2664 (2022) tal-Kunsill tas-Sigurtà tan-Nazzjonijiet Uniti, ta’ organizzazzjonijiet u aġenziji li lilhom l-Unjoni tat iċ-Ċertifikat ta’ Sħubija Umanitarja, u ta’ organizzazzjonijiet u aġenziji li huma ċċertifikati jew rikonoxxuti minn Stat Membru, jew minn aġenzija speċjalizzata ta’ Stat Membru. Barra minn hekk, id-Deċiżjoni (PESK) 2024/628 introduċiet mekkaniżmu ta’ deroga għall-organizzazzjonijiet u l-atturi involuti f’attivitajiet umanitarji li ma jistgħux jibbenefikaw minn dik l-eżenzjoni umanitarja, u klawżola ta’ reviżjoni relatati ma’ dawk l-eċċezzjonijiet.

(3)

F’konformità mal-Artikolu 3a(5) tal-Pożizzjoni Komuni 2001/931/PESK, il-Kunsill irrieżamina l-eċċezzjonijiet imsemmija fl-Artikolu 3a(1) u (2) ta’ dik il-Pożizzjoni Komuni u kkonkluda li jenħtieġ li dawn jinżammu u jiġu rieżaminati tal-inqas kull 24 xahar jew fuq talba urġenti ta’ Stat Membru, tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà, jew tal-Kummissjoni wara bidla fundamentali fiċ-ċirkostanzi. Il-Kunsill ikkonkluda ukoll li l-eżenzjoni stipulata fl-Artikolu 3a(1) jenħtieġ li tkompli tapplika sat-22 ta’ Frar 2027.

(4)

Għalhekk jenħtieġ li l-Pożizzjoni Komuni 2001/931/PESK tiġi emendata skont dan,

(1)

fil-paragrafu (5), il-kliem “12-il xahar” huwa sostitwit bil-kliem “24 xahar”;

(2)

fil-paragrafu (6), id-data “sat-22 ta’ Frar 2025” huwa sostitwit bid-data “sat-22 ta’ Frar 2027”.