(1)

Fil-bidu tal-2020, il-Kummissjoni infurmat lill-Partijiet Kontraenti għall-Konvenzjoni Reġjonali dwar ir-regoli preferenzjali tal-oriġini pan-Ewro-Mediterranji (il-“Konvenzjoni”) li, minħabba li l-pandemija tal-COVID-19 u s-sospensjoni sussegwenti tal-kuntatti bejn l-awtoritajiet doganali u l-operaturi ekonomiċi f’għadd ta’ Partijiet Kontraenti, il-maġġoranza tal-Partijiet Kontraenti ma setgħux jipprovdu ċertifikati tal-moviment għal finijiet preferenzjali tal-oriġini fl-għamla meħtieġa, jiġifieri ffirmati bl-idejn, ittimbrati mid-dwana bil-linka mxarrba jew fil-format korrett tal-karta.

(2)

Il-biċċa l-kbira tal-Partijiet Kontraenti qiesu li jixraq jiġu adottati miżuri eċċezzjonali biex tiġi żgurata l-implimentazzjoni sħiħa tal-arranġamenti kummerċjali preferenzjali koperti mill-Konvenzjoni. Dawk il-miżuri eċċezzjonali ġew applikati fuq bażi reċiproka mill-Partijiet Kontraenti li użaw id-dispożizzjonijiet rilevanti fir-regoli tal-oriġini.

(3)

Matul il-pandemija tal-COVID-19, xi Partijiet Kontraenti żviluppaw jew adattaw is-sistemi elettroniċi eżistenti għall-ħruġ taċ-ċertifikati b’mod elettroniku biex jibbilanċjaw il-ħtieġa għall-flessibbiltà mal-ħtieġa għall-konformità mar-rekwiżiti għal-l-format taċ-ċertifikati tal-moviment li jinsabu fl-Appendiċi I tal-Konvenzjoni.

(4)

L-awtoritajiet doganali tal-Partijiet Kontraenti ġew mistiedna jaċċettaw iċ-ċertifikati tal-moviment għal skopijiet ta’ oriġini preferenzjali, maħruġa b’mod elettroniku b’firma, timbru jew siġill diġitali tal-awtoritajiet kompetenti, jew kopja f’forma stampata jew elettronika (skennjata jew disponibbli online) abbażi tal-flessibbiltà prevista fl-Artikolu 24 tal-Appendiċi I tal-Konvenzjoni.

(5)

Waqt il-laqgħa tiegħu li saret fis-16 ta’ Ġunju 2022, il-Kumitat Konġunt ġie infurmat b’talba minn Parti Kontraenti biex jinżammu l-prattiki tajbin introdotti bil-miżuri eċċezzjonali adottati waqt il-pandemija tal-COVID-19 sabiex l-operaturi ekonomiċi jibbenefikaw mid-diġitalizzazzjoni taċ-ċertifikati tal-moviment.

(6)

Il-Partijiet Kontraenti rrikonoxxew l-esperjenza pożittiva miksuba fl-użu taċ-ċertifikati tal-moviment maħruġa b’mod elettroniku f’kummerċ preferenzjali skont il-miżuri eċċezzjonali adottati minħabba l-pandemija tal-COVID-19, u impenjaw ruħhom li jżommu l-prattiki tajbin introdotti bit-tali miżuri eċċezzjonali billi jaħdmu flimkien lejn l-introduzzjoni ta’ sistema komuni bbażata fuq il-provi tal-oriġini elettroniċi u l-kooperazzjoni amministrattiva elettronika fiż-żona pan-Ewro-Mediterranja.

(7)

Il-Partijiet Kontraenti jqisu li l-bidla lejn sistema li toħroġ ċertifikati tal-moviment b’mod elettroniku u li tipprevedi kooperazzjoni amministrattiva elettronika fil-qafas tal-Konvenzjoni tikkostitwixxi l-ewwel pass lejn diġitalizzazzjoni sħiħa tal-provi tal-oriġini fuq l-iskala taż-żona pan-Ewro-Mediterranja, speċjalment fid-dawl tad-dħul fis-seħħ li jmiss tal-emenda tal-Konvenzjoni introdotta bid-Deċiżjoni Nru 1/2023 tal-Kumitat Konġunt (2).

(8)

Is-sistemi ddisinjati għall-ħruġ elettroniku taċ-ċertifikati tal-moviment jenħtieġ li joffru l-possibbiltà għall-awtoritajiet doganali tal-Partijiet Kontraenti li jikkontrollaw l-awtentiċità tagħhom minnufih.

(9)

Fis-7 ta’ Diċembru 2023, il-Kumitat Konġunt adotta r-Rakkomandazzjoni Nru 1/2023 (3) dwar l-użu ta’ ċertifikati tal-moviment maħruġa b’mod elettroniku skont il-qafas tal-Konvenzjoni. Għalhekk, sabiex jiġi pprovdut qafas legali ċar u biex tiġi żgurata l-konsistenza fl-użu taċ-ċertifikati tal-moviment maħruġa b’mod elettroniku fil-kuntest tat-traniżizzjoni mir-regoli attwali tal-Konvenzjoni għar-regoli riveduti tal-Konvenzjoni, li se tidħol fis-seħħ fl-1 ta’ Jannar 2025, jenħtieġ li d-Deċiżjoni Nru 1/2023 tiġi emendata biex tippermetti l-inkorporazzjoni tar-rekwiżiti ġenerali dwar il-provi tal-oriġini maħruġa elettronikament fir-regoli riveduti tal-Konvenzjoni,