(1)

Ir-Regolament (UE) Nru 649/2012 jimplimenta l-Konvenzjoni ta’ Rotterdam dwar il-Proċedura għall-Kunsens Infurmat bil-Quddiem għal ċerti kimiċi u pestiċidi perikolużi fil-kummerċ internazzjonali (2) (“il-Konvenzjoni ta’ Rotterdam”).

(2)

Bir-Regolamenti ta’ Implimentazzjoni (UE) 2023/149 (3), (UE) 2023/2657 (4), (UE) 2023/2456 (5), (UE) 2024/1207 (6), (UE) 2023/1436 (7), (UE) 2024/1217 (8), (UE) 2023/2455 (9), (UE) 2023/741 (10), (UE) 2024/20 (11) u (UE) 2023/2513 (12), il-Kummissjoni ddeċidiet li ma ġġeddidx l-approvazzjoni tas-sustanzi benfluralin, bentjavalikarb, klofenteżina, dimetomorf, dimossistrobina, mepanipirim, metiram, oksamil, S-metolaklor u triflusulfuron-metil, rispettivament, bħala sustanzi attivi skont ir-Regolament (KE) Nru 1107/2009 tal-Parlament Ewropew u tal-Kunsill (13). L-effett ta’ dik id-deċiżjoni huwa li dawk is-sustanzi huma pprojbiti minn kull użu fil-kategorija “pestiċidi”, minħabba l-fatt li ma ġew approvati għall-ebda użu ieħor f’dik il-kategorija. Għalhekk, jenħtieġ li l-benfluralin, il-bentjavalikarb, il-klofenteżina, id-dimetomorf, id-dimossistrobina, il-mepanipirim, il-metiram, l-oksamil, il-S-metolaklor u t-triflusulfuron-metil jiżdiedu mal-listi tas-sustanzi kimiċi stabbiliti fil-Partijiet 1 u 2 tal-Anness I tar-Regolament (UE) Nru 649/2012.

(3)

Bir-Regolament ta’ Implimentazzjoni (UE) 2023/939 (14), il-Kummissjoni ddeċidiet li tirtira l-approvazzjoni tas-sustanza ipkonażol bħala sustanza attiva skont ir-Regolament (KE) Nru 1107/2009. L-effett ta’ dik id-deċiżjoni hu li l-ipkonażol hu pprojbit minn kull użu fil-kategorija “pestiċidi”, minħabba l-fatt li ma ġie approvat għall-ebda użu ieħor f’dik il-kategorija. Għalhekk, l-ipkonażol jenħtieġ li jiġi miżjud mal-listi tas-sustanzi kimiċi stabbiliti fil-Partijiet 1 u 2 tal-Anness I tar-Regolament (UE) Nru 649/2012.

(4)

Permezz tar-Regolament ta’ Implimentazzjoni (UE) 2024/425 (15), il-Kummissjoni ddeċidiet li ma tapprovax is-sustanza attiva asulam-sodju peress li ġiet irtirata mill-industrija mill-proċess ta’ approvazzjoni skont ir-Regolament (KE) Nru 1107/2009. L-effett ta’ dak l-irtirar hu li l-asulam-sodju hu pprojbit minn kull użu fil-kategorija “pestiċidi”, minħabba l-fatt li ma ġie approvat għall-ebda użu ieħor f’dik il-kategorija. Barra minn hekk, il-klassifikazzjoni armonizzata tas-sustanza skont ir-Regolament (KE) Nru 1272/2008 tal-Parlament Ewropew u tal-Kunsill (16) hi evidenza biżżejjed li s-sustanza tqajjem tħassib għas-saħħa tal-bniedem jew l-ambjent. Għalhekk, l-asulam-sodju jenħtieġ li jiġi miżjud mal-listi tas-sustanzi kimiċi stabbiliti fil-Partijiet 1 u 2 tal-Anness I tar-Regolament (UE) Nru 649/2012.

(5)

Is-sustanzi attivi fosfid tal-kalċju, kloridażon, klorsulfuron, flusilażol, fuberidażol, jossinil, molinat, ossadiażon, profenofos, kinoklammina, spirotetramat, tralkossidim u triadimenol ġew irtirati mill-industrija mill-proċess tal-approvazzjoni skont ir-Regolament (KE) Nru 1107/2009. L-effett ta’ dak l-irtirar hu li dawk is-sustanzi huma pprojbiti minn kull użu fil-kategorija “pestiċidi”, minħabba l-fatt li ma ġew approvati għall-ebda użu ieħor f’dik il-kategorija. Barra minn hekk, il-klassifikazzjoni armonizzata ta’ dawk is-sustanzi skont ir-Regolament (KE) Nru 1272/2008 hi evidenza biżżejjed li s-sustanzi jqajmu tħassib għas-saħħa tal-bniedem jew l-ambjent. Għalhekk, dawk is-sustanzi jenħtieġ li jiġu miżjuda mal-listi tas-sustanzi kimiċi stabbiliti fil-Partijiet 1 u 2 tal-Anness I tar-Regolament (UE) Nru 649/2012.

(6)

Is-sustanza attiva difenakum ġiet irtirata mill-industrija mill-proċess tal-approvazzjoni skont ir-Regolament (KE) Nru 1107/2009. L-effett ta’ dak l-irtirar hu li d-difenakum hija pprojbita mill-użu fis-subkategorija “pestiċidi fil-grupp ta’ prodotti għall-protezzjoni tal-pjanti”. Barra minn hekk, il-klassifikazzjoni armonizzata tad-difenakum skont ir-Regolament (KE) Nru 1272/2008 hi evidenza biżżejjed li s-sustanza tqajjem tħassib għas-saħħa tal-bniedem jew l-ambjent. Għalhekk, id-difenakum jenħtieġ li tiġi miżjuda mal-lista tas-sustanzi kimiċi stabbilita fil-Parti 1 tal-Anness I tar-Regolament (UE) Nru 649/2012.

(7)

Is-sustanza attiva penflufen hija irtirata mill-industrija mill-proċess tal-approvazzjoni skont ir-Regolament (KE) Nru 1107/2009. L-effett ta’ dak l-irtirar huwa li l-użu ta’ dik is-sustanza fil-livell tal-kategorija ta’ “pestiċidi” huwa ristrett ħafna, meta jitqies li l-penflufen hija approvata biss għall-użu fi prodotti bijoċidali skont ir-Regolament (UE) Nru 528/2012 tal-Parlament Ewropew u tal-Kunsill (17) għall-prodotti tat-tip 8 fis-subkategorija “pestiċidi oħrajn li jinkludu l-bijoċidi”. Barra minn hekk, il-klassifikazzjoni armonizzata tal-penflufen skont ir-Regolament (KE) Nru 1272/2008 hi evidenza biżżejjed li s-sustanza tqajjem tħassib għas-saħħa tal-bniedem jew l-ambjent. Għalhekk, il-penflufen jenħtieġ li tiġi miżjuda mal-listi tas-sustanzi kimiċi stabbiliti fil-Partijiet 1 u 2 tal-Anness I tar-Regolament (UE) Nru 649/2012.

(8)

Is-sustanza attiva fenpropimorf ġiet irtirata mill-industrija mill-proċess tal-approvazzjoni skont ir-Regolament (KE) Nru 1107/2009 u skont ir-Regolament (UE) Nru 528/2012. L-effett ta’ dak l-irtirar hu li l-fenpropimorf hija pprojbita mill-użu fil-kategorija “pestiċidi”. Barra minn hekk, il-klassifikazzjoni armonizzata tal-fenpropimorf skont ir-Regolament (KE) Nru 1272/2008 hi evidenza biżżejjed li s-sustanza tqajjem tħassib għas-saħħa tal-bniedem jew l-ambjent. Għalhekk, il-fenpropimorf jenħtieġ li tiġi miżjuda mal-listi tas-sustanzi kimiċi stabbiliti fil-Partijiet 1 u 2 tal-Anness I tar-Regolament (UE) Nru 649/2012.

(9)

Bid-Deċiżjonijiet ta’ Implimentazzjoni (UE) 2023/470 (18) u (UE) 2022/2005 (19), il-Kummissjoni ddeċidiet li ma tapprovax is-sustanzi d-Alletrina u ditijoċjanat tal-metilen bħala sustanzi attivi skont ir-Regolament (UE) Nru 528/2012. L-effett ta’ dik id-deċiżjoni hu li d-d-Alletrina u d-ditijoċjanat tal-metilen huma pprojbiti minn kull użu fil-kategorija “pestiċidi”, minħabba l-fatt li s-sustanzi ma ġew approvati għall-ebda użu ieħor f’dik il-kategorija. Għalhekk, id-d-Alletrina u d-ditijoċjanat tal-metilen jenħtieġ li jiġu miżjuda mal-listi tas-sustanzi kimiċi fil-Partijiet 1 u 2 tal-Anness I tar-Regolament (UE) Nru 649/2012.

(10)

Is-sustanza attiva bendijokarb ġiet irtirata mill-industrija mill-proċess tal-approvazzjoni skont ir-Regolament (UE) Nru 528/2012. L-effett ta’ dik id-deċiżjoni hu li l-bendijokarb hija pprojbita minn kull użu fil-kategorija “pestiċidi”, minħabba l-fatt li ma ġiet approvata għall-ebda użu ieħor f’dik il-kategorija. Barra minn hekk, il-klassifikazzjoni armonizzata ta’ dik is-sustanza skont ir-Regolament (KE) Nru 1272/2008 hi evidenza biżżejjed li s-sustanza tqajjem tħassib għas-saħħa tal-bniedem jew l-ambjent. Għalhekk, il-bendijokarb jenħtieġ li tiġi miżjuda mal-listi tas-sustanzi kimiċi stabbiliti fil-Partijiet 1 u 2 tal-Anness I tar-Regolament (UE) Nru 649/2012.

(11)

Bid-Deċiżjonijiet ta’ Implimentazzjoni (UE) 2023/2377 (20), (UE) 2023/2052 (21) u (UE) 2023/2648 (22), il-Kummissjoni ddeċidiet li ma tapprovax is-sustanzi żeolit tar-ram u tal-fidda, fosfat tal-idroġenufosfat tal-fidda, tas-sodju u taż-żirkonju u ż-żeolit tal-fidda bħala sustanzi attivi għall-użu fil-prodotti bijoċidali tat-tip ta’ prodott 4 skont ir-Regolament (UE) Nru 528/2012. L-effett ta’ dik id-deċiżjoni hu li l-użu ta’ dawk is-sustanzi huwa ristrett ħafna fil-kategorija “pestiċidi”, minħabba l-fatt li s-sustanzi ma ġew approvati għall-ebda użu ieħor f’dik il-kategorija. Għalhekk, iż-żeolit tal-fidda u tar-ram, l-idroġenufosfat tal-fidda, tas-sodju u taż-żirkonju u ż-żeolit tal-fidda jenħtieġ li jiġu miżjuda mal-listi tas-sustanzi kimiċi fil-Partijiet 1 u 2 tal-Anness I tar-Regolament (UE) Nru 649/2012.

(12)

Permezz tad-Deċiżjoni ta’ Implimentazzjoni (UE) 2023/1424 (23), il-Kummissjoni ddeċidiet li ma ġġeddidx l-approvazzjoni tas-sustanza akrolein peress li din ġiet irtirata mill-industrija mill-proċess ta’ approvazzjoni skont ir-Regolament (UE) Nru 528/2012. L-effett ta’ dik id-deċiżjoni hu li l-akrolein hu pprojbit minn kull użu fil-kategorija “pestiċidi”, minħabba l-fatt li ma ġie approvat għall-ebda użu ieħor f’dik il-kategorija. Barra minn hekk, il-klassifikazzjoni armonizzata tas-sustanza skont ir-Regolament (KE) Nru 1272/2008 hi evidenza biżżejjed li s-sustanza tqajjem tħassib għas-saħħa tal-bniedem jew l-ambjent. Għalhekk, l-akrolein jenħtieġ li jiġi miżjud mal-lista tas-sustanzi kimiċi stabbiliti fil-Partijiet 1 u 2 tal-Anness I tar-Regolament (UE) Nru 649/2012.

(13)

Is-sustanza attiva abamektina ġiet irtirata mill-industrija mill-proċess tal-approvazzjoni skont ir-Regolament (UE) Nru 528/2012. L-effett ta’ dak l-irtirar hu li l-abamektina hija pprojbita minn kull użu fis-subkategorija “pestiċidi oħrajn li jinkludu l-bijoċidi”. Barra minn hekk, il-klassifikazzjoni armonizzata tal-abamektina skont ir-Regolament (KE) Nru 1272/2008 hi evidenza biżżejjed li s-sustanza tqajjem tħassib għas-saħħa tal-bniedem jew l-ambjent. Għalhekk, l-abamektina jenħtieġ li tiġi miżjuda mal-lista tas-sustanzi kimiċi stabbilita fil-Parti 1 tal-Anness I tar-Regolament (UE) Nru 649/2012.

(14)

Is-sustanza attiva warfarin ġiet irtirata mill-industrija mill-proċess tal-approvazzjoni skont ir-Regolament (UE) Nru 528/2012. L-effett ta’ dak l-irtirar hu li l-warfarin hi pprojbita minn kull użu fil-kategorija “pestiċidi”, minħabba l-fatt li l-warfarin ma ġiet approvata għall-ebda użu ieħor f’dik il-kategorija. Barra minn hekk, il-klassifikazzjoni armonizzata ta’ dik is-sustanza skont ir-Regolament (KE) Nru 1272/2008 hi evidenza biżżejjed li l-warfarin tqajjem tħassib għas-saħħa tal-bniedem jew l-ambjent. Peress li l-warfarin diġà hija elenkata fil-Parti 1 tal-Anness I, jenħtieġ li s-sustanza tiġi miżjuda mal-lista tas-sustanzi kimiċi stabbilita fil-Parti 2 tal-Anness I tar-Regolament (UE) Nru 649/2012.

(15)

Bid-Deċiżjoni ta’ Implimentazzjoni (UE) 2023/1097 (24), il-Kummissjoni ddeċidiet li ma tapprovax is-sustanza ċjanammid bħala sustanza attiva skont ir-Regolament (KE) Nru 528/2012 u ċ-ċjanammid mhuwiex approvat bħala sustanza attiva skont ir-Regolament (UE) Nru 1107/2009. Għaldaqstant, iċ-ċjanammid huwa pprojbit minn kull użu fil-kategorija “pestiċidi” u jenħtieġ li jiġi elenkat fil-listi fil-Partijiet 1 u 2 tal-Anness I tar-Regolament (UE) Nru 649/2012. Peress li ċ-ċjanammid diġà huwa elenkat fil-Parti 1 tal-Anness I, jenħtieġ li s-sustanza tiġi miżjuda mal-lista tas-sustanzi kimiċi stabbilita fil-Parti 2 tal-Anness I tar-Regolament (UE) Nru 649/2012.

(16)

Is-sustanzi 1,2-aċidu benżenedikarbossiliku, ester tad-dieżil, ramifikat u lineari; ftalat tad-dieżil; aċidu 1,2-benżendikarbossiliku, esteri tad-di-C6-10-alkil jew diesteri mħallta tad-deċil u tal-eżil u tal-ottil; perborat tas-sodju, aċidu perboriku, melħ tas-sodju; u l-perossometaborat tas-sodju huma elenkati fl-Anness XIV tar-Regolament (KE) Nru 1907/2006 tal-Parlament Ewropew u tal-Kunsill (25) peress li kienu ġew identifikati preċedentement bħala sustanzi ta’ tħassib serju ħafna. Għalhekk, dawk is-sustanzi huma soġġetti għall-awtorizzazzjoni f’konformità mat-Titolu VII tar-Regolament (KE) Nru 1907/2006. Billi ma ngħatat l-ebda awtorizzazzjoni, dawk is-sustanzi huma ristretti ħafna għall-użu industrijali. Għalhekk, dawk is-sustanzi jenħtieġ li jiġu miżjuda mal-listi tas-sustanzi kimiċi stabbiliti fil-Partijiet 1 u 2 tal-Anness I tar-Regolament (UE) Nru 649/2012.

(17)

Il-poliklorobifenili huma elenkati fl-Anness III tal-Konvenzjoni ta’ Rotterdam. Dik l-entrata tkopri għadd ta’ omologi, konġeneri u taħlitiet. Sabiex l-elenkar fil-Parti 3 tal-Anness I jiġi allinjat mal-elenkar taħt il-Konvenzjoni, il-kamp ta’ applikazzjoni jenħtieġ li jiġi adattat biex ikopri dawn l-omologi, il-konġeneri u t-taħlitiet billi jiżdied “u oħrajn” man-numru CAS previst fil-Parti 3 tal-Anness I.

(18)

Fil-ħdax-il laqgħa tagħha, li saret bejn l-1 u t-12 ta’ Mejju 2023, il-Konferenza tal-Partijiet tal-Konvenzjoni ta’ Rotterdam iddeċidiet li tinkludi t-terbufos fl-Anness III ta’ dik il-Konvenzjoni, bl-effett li t-terbufos jiġi soġġett għall-proċedura ta’ kunsens infurmat minn qabel skont dik il-Konvenzjoni. Għaldaqstant, it-terbufos jenħtieġ li jiġi miżjud mal-lista tas-sustanzi kimiċi stabbilita fil-Parti 3 tal-Anness I tar-Regolament (UE) Nru 649/2012. Peress li t-terbufos diġà huwa elenkat fil-Parti 2 tal-Anness I ta’ dak ir-Regolament, jenħtieġ li t-terbufos jitneħħa mil-lista ta’ sustanzi kimiċi stabbilita fil-Parti 2 tal-Anness I tar-Regolament (UE) Nru 649/2012.

(19)

Fl-għaxar laqgħa tagħha li saret mis-6 sas-17 ta’ Ġunju 2022, il-Konferenza tal-Partijiet għall-Konvenzjoni ta’ Stokkolma dwar Materjal Organiku Persistenti li Jniġġes (“il-Konvenzjoni ta’ Stokkolma”) iddeċidiet li tinkludi s-sustanza aċidu perfluworoeżan sulfoniku (PFHxS), l-imlieħ tiegħu u l-komposti relatati mal-PFHxS fl-Anness A ta’ dik il-Konvenzjoni. Konsegwentement, dik is-sustanza ġiet elenkata fil-Parti A tal-Anness I tar-Regolament (UE) 2019/1021 tal-Parlament Ewropew u tal-Kunsill (26) u għalhekk jenħtieġ li tiżdied mal-lista ta’ sustanzi kimiċi fil-Parti 1 tal-Anness V tar-Regolament (UE) Nru 649/2012.

(20)

L-entrata għall-endosulfan inkluża fil-lista ta’ sustanzi kimiċi stabbilita fil-Parti A tal-Anness V jenħtieġ li tiġi emendata billi jiżdiedu identifikaturi numeriċi addizzjonali biex jiġi ċċarat il-kamp ta’ applikazzjoni sabiex tiġi allinjata mar-Regolament (UE) 2019/1021.

(21)

Għalhekk jenħtieġ li r-Regolament (UE) Nru 649/2012 jiġi emendat kif xieraq.

(22)

Huwa xieraq li jingħata perjodu ta’ żmien raġonevoli li jippermetti lill-partijiet interessati jieħdu l-miżuri meħtieġa biex jikkonformaw ma’ dan ir-Regolament u lill-Istati Membri jieħdu l-miżuri meħtieġa għall-implimentazzjoni tiegħu,

(1)

L-Anness I huwa emendat f’konformità mal-Anness I ta’ dan ir-Regolament;

(2)

L-Anness V huwa emendat f’konformità mal-Anness II ta’ dan ir-Regolament.