(1)

F’konformità mal-Artikolu 11(1) u (2) tat-Trattat dwar l-Unjoni Ewropea (TUE), l-istituzzjonijiet għandhom, b’mezzi xierqa, jagħtu liċ-ċittadini u lill-assoċjazzjonijiet rappreżentattivi l-opportunità li jgħarrfu u jiskambjaw pubblikament l-opinjonijiet tagħhom fl-oqsma ta’ azzjoni kollha tal-Unjoni u għandhom iżommu djalogu miftuħ, trasparenti u regolari mal-assoċjazzjonijiet rappreżentattivi u mas-soċjetà ċivili. Barra minn hekk, skont l-Artikolu 2 tal-Protokoll Nru 2 dwar l-applikazzjoni tal-prinċipji tas-sussidjarjetà u l-proporzjonalità, u mal-Artikolu 11(3) tat-TUE, il-Kummissjoni għandha tagħmel konsultazzjonijiet wiesgħa qabel tipproponi atti leġiżlattivi.

(2)

Skont l-Artikolu 298 tat-Trattat dwar il-Funzjonament tal-Unjoni Ewropea (TFUE), fit-twettiq tal-missjonijiet tagħhom, l-istituzzjonijiet, il-korpi u l-aġenziji tal-Unjoni għandu jkollhom l-appoġġ ta’ amministrazzjoni Ewropea miftuħa, effiċjenti u indipendenti.

(3)

Sabiex tinżamm il-fiduċja taċ-ċittadini tal-Unjoni fil-leġittimità tal-proċessi politiċi, leġiżlattivi u amministrattivi tal-Unjoni, jenħtieġ li l-kuntatti mar-rappreżentanti ta’ gruppi ta’ interess jitwettqu b’mod trasparenti. Għal dan il-għan, il-Kummissjoni hija impenjata li tippromwovi rappreżentanza tal-gruppi ta’ interess etika u trasparenti permezz tar-reġistru tat-trasparenza obbligatorju (1).

(4)

Fl-4 ta’ Diċembru 2024, il-Kummissjoni adottat id-Deċiżjoni (UE) 2024/3081 (2) li tistabbilixxi miżuri ta’ trasparenza li jikkonċernaw il-laqgħat li jsiru bejn il-Membri tal-Kummissjoni jew il-membri tal-Kabinett tagħhom u r-rappreżentanti ta’ gruppi ta’ interess. Il-persunal tal-Kummissjoni li jeżerċita funzjonijiet maniġerjali jista’ jkollu wkoll laqgħat ma’ rappreżentanti ta’ gruppi ta’ interess għal skopijiet simili bħal-laqgħat imsemmija f’dik id-Deċiżjoni. Huwa għalhekk xieraq li jiġu applikati rekwiżiti ta’ trasparenza simili għal dawn il-laqgħat.

(5)

Fid-dawl tal-esperjenza pożittiva bil-pubblikazzjoni ta’ informazzjoni dwar il-laqgħat li jsiru bejn id-Diretturi Ġenerali tal-Kummissjoni u r-rappreżentanti ta’ gruppi ta’ interess dwar kwistjonijiet relatati mat-teħid ta’ deċiżjonijiet u l-implimentazzjoni tal-politika fl-Unjoni, jenħtieġ li tinżamm il-prattika li l-informazzjoni dwar tali laqgħat issir pubblika u li tiġi estiża għall-persunal kollu tal-Kummissjoni li jeżerċita funzjonijiet maniġerjali. Filwaqt li ma hemmx bżonn ta’ aktar miżuri fir-rigward tal-parteċipazzjoni tad-Diretturi Ġenerali tal-Kummissjoni jew persunal ieħor tal-Kummissjoni li jeżerċita funzjonijiet maniġerjali f’avvenimenti pubbliċi, peress li tali informazzjoni diġà tinsab fid-dominju pubbliku, jenħtieġ li l-persunal kollu tal-Kummissjoni li jeżerċita funzjonijiet maniġerjali jippubblika l-informazzjoni dwar il-laqgħat kollha li jsiru minnu ma’ rappreżentanti ta’ gruppi ta’ interess.

(6)

Filwaqt li skont l-Artikolu 7(1) tad-Deċiżjoni tal-Kummissjoni C/2018/0700 dwar Kodiċi ta’ Kondotta għall-Membri tal-Kummissjoni Ewropea (3), il-Membri tal-Kummissjoni u l-membri tal-Kabinett tagħhom diġà jiltaqgħu biss ma’ dawk ir-rappreżentanti ta’ gruppi ta’ interess li huma rreġistrati fir-reġistru tat-trasparenza sakemm dawn jaqgħu fil-kamp ta’ applikazzjoni tal-Ftehim Interistituzzjonali, jenħtieġ li din il-miżura tapplika għall-persunal kollu tal-Kummissjoni li jeżerċita funzjonijiet maniġerjali biex ikun hemm approċċ konsistenti u standard għoli ta’ trasparenza.

(7)

Il-laqgħat li ma jsirux fil-qafas tal-attivitajiet koperti, kif definiti fl-Artikoli 3 u 4 tal-Ftehim Interistituzzjonali jenħtieġ li ma jkunux koperti minn din id-Deċiżjoni. B’mod partikolari, il-laqgħat ma’ rappreżentanti ta’ istituzzjonijiet jew korpi oħra tal-Unjoni, li jirriflettu l-kors normali tar-relazzjonijiet interistituzzjonali, jenħtieġ li ma jkunux koperti minn din id-Deċiżjoni. Il-laqgħat mar-rappreżentanti tal-awtoritajiet pubbliċi tal-Istati Membri, inklużi r-rappreżentanzi permanenti u l-ambaxxati tagħhom, fil-livell nazzjonali u sottonazzjonali, jenħtieġ li ma jkunux koperti minn din id-Deċiżjoni peress li dawk l-awtoritajiet isegwu l-interess ġenerali u jikkontribwixxu għall-ħidma tal-Kummissjoni skont il-prinċipju tal-kooperazzjoni leali. Il-laqgħat mal-assoċjazzjonijiet u man-networks tal-awtoritajiet pubbliċi fil-livell tal-Unjoni, nazzjonali jew sottonazzjonali jenħtieġ li ma jkunux koperti minn din id-Deċiżjoni, bil-kundizzjoni li dawn l-assoċjazzjonijiet u n-networks jaġixxu esklużivament f’isem l-awtoritajiet pubbliċi rilevanti. Sabiex jiġu protetti r-relazzjonijiet internazzjonali tal-Unjoni, il-laqgħat mar-rappreżentanti tal-awtoritajiet pubbliċi ta’ pajjiżi terzi, inklużi l-missjonijiet diplomatiċi u l-ambaxxati tagħhom, jew l-organizzazzjonijiet intergovernattivi, inklużi l-aġenziji u l-korpi li joħorġu minnhom, jenħtieġ li ma jkunux koperti minn din id-Deċiżjoni.

(8)

Sabiex tirrispetta l-karattru speċifiku tad-djalogu mas-sħab soċjali, previst fl-Artikolu 154 tat-TFUE, kif ukoll il-karattru speċifiku tad-djalogu mal-knejjes u l-assoċjazzjonijiet jew il-komunitajiet reliġjużi jew l-organizzazzjonijiet filosofiċi u mhux konfessjonali msemmi fl-Artikolu 17 tat-TFUE, il-laqgħat li jsiru f’dawn il-kuntesti jenħtieġ li ma jkunux koperti minn din id-Deċiżjoni.

(9)

Fid-dawl tar-rwol speċifiku tal-partiti politiċi rikonoxxut mill-Artikolu 10(4) tat-TUE, il-laqgħat mar-rappreżentanti tal-partiti politiċi wkoll jenħtieġ li ma jkunux koperti minn din id-Deċiżjoni.

(10)

F’konformità mal-Ftehim Interistituzzjonali, il-laqgħat spontanji, il-laqgħat ta’ natura purament privata jew soċjali u l-laqgħat li jsiru fil-kuntest ta’ proċedura amministrattiva stabbilita mit-TUE jew mit-TFUE jew mill-atti legali tal-Unjoni jenħtieġ li ma jkunux koperti minn din id-Deċiżjoni. Barra minn hekk, jenħtieġ li din id-Deċiżjoni ma tkoprix kuntatti ma’ persuni fiżiċi li jaġixxu f’kapaċità strettament personali u mhux f’assoċjazzjoni ma’ oħrajn.

(11)

Il-laqgħat li jsiru fil-qafas tal-għoti ta’ pariri legali u professjonali oħra jenħtieġ li ma jkunux koperti minn din id-Deċiżjoni. Il-laqgħat organizzati għall-iskop li jsiru preżentazzjonijiet bħala parti jew parti terza fil-qafas tal-proċedura legali jew amministrattiva stabbilita bid-dritt tal-Unjoni jew bid-dritt internazzjonali applikabbli għall-Unjoni, jew preżentazzjonijiet ibbażati fuq relazzjoni kuntrattwali ma’ kwalunkwe waħda mill-istituzzjonijiet firmatarji jew fuq il-bażi ta’ ftehim ta’ għotja ffinanzjat mill-fondi tal-Unjoni, jew preżentazzjonijiet b’reazzjoni għal talbiet diretti jew speċifiċi minn kwalunkwe istituzzjoni tal-Unjoni, ir-rappreżentanti jew il-persunal tagħha, għal informazzjoni fattwali, data jew għarfien espert, jenħtieġ li ma jkunux koperti minn din id-Deċiżjoni.

(12)

Sabiex tissaħħaħ aktar it-trasparenza fir-rigward tar-rappreżentanza ta’ gruppi ta’ interessi u biex iċ-ċittadini jkunu jistgħu jkunu konxji mill-kontenut tal-iskambji li jsiru bejn il-Kummissjoni u r-rappreżentanti ta’ gruppi ta’ interess, jenħtieġ li l-persunal tal-Kummissjoni li jeżerċita funzjonijiet maniġerjali jippubblika l-minuti tal-laqgħat kollha li jsiru minnu mar-rappreżentanti ta’ gruppi ta’ interess.

(13)

Din id-Deċiżjoni hija mingħajr preġudizzju għall-eżerċizzju tad-dritt ta’ aċċess għad-dokumenti tal-istituzzjonijiet skont ir-Regolament (KE) Nru 1049/2001 tal-Parlament Ewropew u tal-Kunsill (4), u l-eżerċizzju tad-drittijiet tas-suġġett tad-data skont ir-Regolament (UE) 2018/1725 tal-Parlament Ewropew u tal-Kunsill (5). Hija wkoll bla preġudizzju għar-rekwiżiti jew l-impenji msaħħa tat-trasparenza li jirriżultaw mil-leġiżlazzjoni tal-Unjoni jew minn ftehimiet internazzjonali konklużi mill-Unjoni,

(a)

“Persunal tal-Kummissjoni li jeżerċita funzjonijiet maniġerjali” tfisser membru tal-persunal tal-Kummissjoni li jokkupa kariga li tikkorrispondi għat-tip ta’ kariga ta’ Segretarju Ġenerali, Direttur Ġenerali, Deputat Segretarju Ġenerali jew Deputat Direttur Ġenerali, Direttur jew ekwivalenti, Kap tal-Unità jew ekwivalenti fis-sens tad-Deċiżjoni tal-Kummissjoni C(2013)8979 tas-16 ta’ Diċembru 2013 dwar it-tipi ta’ kariga u t-titoli tal-karigi;

(b)

“rappreżentant ta’ grupp ta’ interess” tfisser kwalunkwe persuna fiżika jew ġuridika, jew grupp, assoċjazzjoni jew network formali jew informali, li tinvolvi ruħha f’attivitajiet imwettqa bl-objettiv li tkun influwenzata l-formulazzjoni jew l-implimentazzjoni ta’ politika jew leġiżlazzjoni, jew il-proċessi tat-teħid tad-deċiżjonijiet tal-istituzzjonijiet, tal-korpi, tal-uffiċċji u tal-aġenziji tal-Unjoni;

(c)

“laqgħa” tfisser laqgħa organizzata fuq l-inizjattiva ta’ rappreżentant ta’ grupp ta’ interess jew ta’ persunal tal-Kummissjoni li jeżerċita funzjonijiet maniġerjali biex tiġi diskussa kwistjoni relatata mal-formulazzjoni jew l-implimentazzjoni ta’ politika jew leġiżlazzjoni fl-Unjoni, mingħajr preġudizzju għall-Artikolu 3.

(a)

laqgħat spontanji, laqgħat ta’ natura purament privata jew soċjali u laqgħat li jsiru fil-kuntest ta’ proċedura amministrattiva stabbilita mit-TUE jew mit-TFUE jew mill-atti legali tal-Unjoni;

(b)

laqgħat li jsiru ma’:

(c)

laqgħat li jsiru fil-qafas tal-għoti ta’ pariri legali u professjonali oħra, meta:

(d)

laqgħat organizzati għall-iskop li jsiru preżentazzjonijiet: