(1)

Fl-10 ta’ Novembru 2008, il-Kunsill adotta l-Azzjoni Konġunta 2008/851/PESK, li tipprevedi operazzjoni militari tal-Unjoni Ewropea bil-ħsieb ta’ kontribut għas-sigurtà marittima fil-Punent tal-Oċean Indjan u fil-Baħar l-Aħmar (EUNAVFOR ATALANTA).

(2)

Skont l-Artikolu 6(1) tal-Azzjoni Konġunta 2008/851/PESK, il-Kunsill awtorizza lill-Kumitat Politiku u ta’ Sigurtà (KPS) sabiex jieħu deċiżjonijiet dwar il-ħatra tal-Kmandant tal-Forza tal-UE għal EUNAVFOR ATALANTA (il-“Kmandant tal-Forza tal-UE”).

(3)

Fid-9 ta’ Ottubru 2024, il-KPS adotta d-Deċiżjoni (PESK) 2024/2676 (2), li taħtar il-Komodor Armando PEREIRA DA COSTA VALENTE TINOCO bħala Kmandant tal-Forza tal-UE.

(4)

Fil-31 ta’ Ottubru 2024, l-awtoritajiet militari Portugiżi pproponew il-ħatra tal-Komodor Alexandre Joaquim GAMURÇA SERRANO biex jieħu post il-Komodor Armando PEREIRA DA COSTA VALENTE TINOCO bħala Kmandant tal-Forza tal-UE (il-“ħatra proposta”) mit-2 ta’ Diċembru 2024.

(5)

Fil-5 ta’ Novembru 2024, il-Kmandant tal-Operazzjoni tal-UE ta’ EUNAVFOR ATALANTA appoġġa l-ħatra proposta.

(6)

Fit-8 ta’ Novembru 2024, il-Kumitat Militari tal-UE appoġġa l-ħatra proposta u rrakkomanda li l-Komodor Alexandre Joaquim GAMURÇA SERRANO jinħatar bħala Kmandant tal-Forza tal-UE mit-2 ta’ Diċembru 2024.

(7)

Jenħtieġ li tittieħed deċiżjoni dwar il-ħatra tal-Komodor Alexandre Joaquim GAMURÇA SERRANO bħala Kmandant tal-Forza tal-UE.

(8)

Jenħtieġ għalhekk li d-Deċiżjoni (PESK) 2024/2676 titħassar,