ANNESS

L-Anness tad-Deċiżjoni (PESK) 2019/1720 huwa emendat kif ġej:

(1)

Taħt l-intestatura “A. Persuni fiżiċi msemmija fl-Artikoli 1(1) u 2(1)”, l-entrati 5 u 12 huma sostitwiti b’dan li ġej:

Isem

Informazzjoni ta’ identifikazzjoni

Raġunijiet

Data tal-elenkar

“5.

Luís PÉREZ OLIVAS

Data tat-twelid: 8.1.1956

Sess: raġel

Kap tal-Istazzjon tal-Pulizija tat-Tielet Distrett f’Managua mill-2023. Eks Kummissarju Ġenerali u Uffiċjal Prinċipali għall-Assistenza Legali (DAEJ) fiċ-ċentru penitenzjarju ‘El Chipote’. Responsabbli għal ksur serju tad-drittijiet tal-bniedem, inkluż it-tortura, l-użu ta’ forza estensiva, it-trattament ħażin tad-detenuti u forom oħra ta’ trattament degradanti.

4.5.2020

12.

Alba Luz RAMOS

VANEGAS

Data tat-twelid: 3.6.1949

Sess: mara

Nazzjonalità: Nikaragwana

Numru tal-passaport: A0009864 (in-Nikaragwa)

Eks President tal-Qorti Suprema tal-Ġustizzja tan-Nikaragwa. Responsabbli għall-istrumentalizzazzjoni tal-ġudikatura favur l-interessi tar-reġim ta’ Ortega, permezz tal-kriminalizzazzjoni selettiva tal-attivitajiet tal-oppożizzjoni, u b’hekk tipperpetwa x-xejra ta’ ksur tad-drittijiet għal proċess ġust, arresti arbitrarji, u l-iskwalifika ta’ partiti politiċi u kandidati tal-oppożizzjoni.

Għalhekk hija responsabbli għal ksur serju tad-drittijiet tal-bniedem, għar-repressjoni tas-soċjetà ċivili u tal-oppożizzjoni demokratika, u għall-imminar serju tal-istat tad-dritt fin-Nikaragwa

2.8.2021”

(2)

Taħt l-intestatura “B. Persuni ġuridiċi, entitajiet u korpi msemmija fl-Artikolu 2(1)”, l-entrata 2 hija sostitwita b’dan li ġej:

Isem

Informazzjoni ta’ identifikazzjoni

Raġunijiet

Data tal-elenkar

“2.

Kunsill Elettorali Suprem

Consejo Supremo Electoral

Indirizz: Pista Juan Pablo II, Managua 14005, Nicaragua

Sit web: https://www.cse.gob.ni/

Email: info@cse.gob.ni

Il-Kunsill Elettorali Suprem (SEC) huwa l-korp responsabbli għat-tħejjija, l-organizzazzjoni u ċ-ċertifikazzjoni tal-elezzjonijiet ġenerali tas-7 ta’ Novembru 2021, li minħabba n-nuqqas ta’ trasparenza tagħhom, ta’ oppożizzjoni vera u ta’ dibattitu demokratiku, dgħajjef l-istituzzjonijiet u l-proċessi demokratiċi. Is-SEC ċaħħad lill-oppożizzjoni mill-opportunità li toħroġ għal elezzjonijiet ħielsa u żgura l-organizzazzjoni ta’ elezzjonijiet f’kundizzjonijiet mhux demokratiċi.

Fit-3 ta’ Ottubru 2023, is-SEC ħassar l-istatus legali ta’ Yatama, il-partit politiku indiġenu ewlieni fin-Nikaragwa, u xekkel il-parteċipazzjoni tiegħu fl-elezzjonijiet ta’ Marzu 2024 f’żewġ reġjuni awtonomi tal-pajjiż (Costa Caribe u Costa Caribe Norte).

Is-SEC huwa għaldaqstant responsabbli għar-repressjoni tas-soċjetà ċivili u l-oppożizzjoni demokratika, kif ukoll għall-imminar serju tad-demokrazija u l-istat tad-dritt fin-Nikaragwa.

10.1.2022”