(1)

Ir-Regolament ta’ Implimentazzjoni tal-Kummissjoni (UE) 2022/1193 (2) jistabbilixxi l-miżuri għall-qerda tar-Ralstonia solanacearum (Smith 1896) Yabuuchi et al. 1996 emend. Safni et al. 2014 u għall-prevenzjoni tat-tifrix tiegħu (“il-pest speċifikat”) fit-territorju tal-Unjoni.

(2)

Minbarra l-ilma li jkun diġà kkonfermat li huwa infettat, jeħtieġ li l-miżuri li jikkonċernaw id-detezzjoni u l-qerda tal-pest speċifikat ikopru wkoll l-ilma li jista’ jiġi infettat mill-pest speċifikat.

(3)

Dan biex jiġi żgurat li l-ilma li jista’ jiġi infettat mill-pest speċifikat ikun soġġett ukoll għal dawk id-dispożizzjonijiet fir-rigward tal-konferma tal-preżenza tal-pest, l-elementi għad-deżinjazzjoni tal-oġġetti bħala probabbilment infettati minnu, kif ukoll il-miżuri għall-qerda, u konsegwentement tiġi żgurata protezzjoni ogħla mill-protezzjoni eżistenti bħalissa tat-territorju tal-Unjoni mir-riskju ppreżentat mill-pest speċifikat.

(4)

Barra minn hekk, l-elementi li jridu jitqiesu fid-determinazzjoni tat-tixrid possibbli tal-pest speċifikat jenħtieġ li jinkludu wkoll l-ilma li jista’ jiġi infettat.

(5)

Fiż-żona demarkata, minbarra l-miżuri applikabbli fil-każ tal-ilma deżinjat bħala infettat, l-ilma li jista’ jiġi infettat jenħtieġ li jkun soġġett ukoll għal dawk il-miżuri.

(6)

F’konformità mal-Artikolu 6 tar-Regolament ta’ Implimentazzjoni (UE) 2022/1193, l-awtorità kompetenti trid tiżgura li l-pjanti speċifikati infettati jinqerdu jew jintremew b’xi mod ieħor, f’konformità mal-punt 1 tal-Anness V dment li jiġi stabbilit li ma hemm l-ebda riskju identifikabbli tat-tifrix tal-pest speċifikat.

(7)

Peress li l-awtoritajiet kompetenti ma jistgħux jaċċessaw faċilment il-postijiet rispettivi kollha, dawk il-miżuri jistgħu jitwettqu b’mod aktar prattiku u effettiv mill-operaturi professjonisti milli mill-awtoritajiet kompetenti nnifishom. Għal din ir-raġuni, l-operaturi professjonisti jenħtieġ li jwettqu dawk il-miżuri taħt is-superviżjoni uffiċjali tal-awtoritajiet kompetenti.

(8)

L-Anness II tar-Regolament ta’ Implimentazzjoni (UE) 2022/1193 jistabbilixxi mudell għall-preżentazzjoni tar-riżultati tal-istħarriġ li jikkonċernaw il-pest speċifikat, għall-ħsad tal-patata u tad-tadam tas-sena kalendarja preċedenti. Dak il-mudell jenħtieġ li jittejjeb għall-użu prattiku u l-effikaċja minħabba li d-data tar-rapportar dwar il-kampjunar tat-tuberi ċċertifikati għat-tħawwil, it-tuberi għat-tħawwil għajr it-tuberi ċċertifikati, it-tuberi għajr dawk għat-tħawwil, kif ukoll il-patata għall-konsum u għall-ipproċessar, ma tipprovdix informazzjoni notevoli għall-fini tal-istħarriġ.

(9)

L-ordni ta’ ċerti kolonni tal-mudell jenħtieġ li tinbidel abbażi tal-kronoloġija tal-azzjonijiet rispettivi. B’mod partikolari, il-kolonna dwar l-ispezzjonijiet viżivi tal-għelejjel tat-tkabbir u tat-tuberi maħżuna jenħtieġ li tiddaħħal qabel il-kolonni dwar ir-riżultati tal-laboratorju miksuba minn kampjuni miġbura matul dawk l-ispezzjonijiet viżivi.

(10)

Barra minn hekk, jeħtieġ jiġi ċċarat jekk l-ittestjar fil-laboratorju ikunx ġej mill-kampjunar tat-tuberi maħżuna jew tat-tuberi waqt l-ispezzjoni viżiva tal-għelejjel tat-tkabbir.

(11)

Meħtieġ ukoll jiżdiedu kolonni fir-rigward tal-ittestjar tal-ilma fil-laboratorju biex tittejjeb il-preċiżjoni tar-rapportar tar-riżultati.

(12)

L-għadd ta’ spezzjonijiet viżivi pożittivi jistgħu jiġu rreġistrati biss wara li jinkisbu r-riżultati mill-ittestjar fil-laboratorju. Għalhekk, u biex tinkiseb preżentazzjoni aktar ċara u konsistenti tar-riżultati, il-kolonna rispettiva jenħtieġ li tiġi trasferita taħt it-taqsimiet dwar it-testijiet tal-laboratorju.

(13)

Matul l-ispezzjonijiet viżivi, jittieħdu kampjuni sintomatiċi u asintomatiċi. L-infezzjonijiet latenti jinstabu fil-kampjuni asintomatiċi. Minħabba l-importanza tal-infezzjonijiet latenti għall-fehim tat-tixrid possibbli tal-marda, u għall-miżuri li jridu jittieħdu biex jiġi evitat it-tali tixrid, jenħtieġ li fil-mudell issir distinzjoni bejn ir-riżultati mill-kampjuni sintomatiċi u asintomatiċi

(14)

L-esperjenza wriet li r-rappurtar tad-data dwar il-perjodu tal-kampjunar tat-tuberi għall-ittestjar fil-laboratorju ma jipprovdix informazzjoni notevoli għall-fini tal-istħarriġ.

(15)

Ir-rekwiżiti għad-daqs tal-kampjun huma previsti fil-punt 4 tal-Anness I tar-Regolament ta’ Implimentazzjoni (UE) 2022/1193. B’konsegwenza ta’ dan, id-data meħtieġa fil-mudell dwar id-daqs tal-lottijiet f’tunnellati jew f’ettari ma tipprovdix informazzjoni notevoli għall-fini tal-istħarriġ.

(16)

Barra minn hekk, jeħtieġ li fl-ewwel sentenza tal-Anness II jiġi ċċarat li l-mudell irid jippreżenta r-riżultati tal-istħarriġ mill-ħsad tal-patata mis-sena ta’ qabel is-sena tar-rapportar.

(17)

Għaldaqstant, jenħtieġ li r-Regolament ta’ Implimentazzjoni (UE) 2022/1193 jiġi emendat skont dan.

(18)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

fl-Artikolu 5(4), it-tieni subparagrafu, il-punt (b) huwa sostitwit b’dan li ġej:

(2)

fl-Artikolu 6(1), l-ewwel subparagrafu huwa sostitwit b’dan li ġej:

“Il-pjanti speċifikati ddeżinjati bħala infettati mill-pest speċifikat skont l-Artikolu 5(2), il-punt (d)(i), ma għandhomx jitħawlu. L-operaturi professjonisti, matul il-produzzjoni jew il-moviment tal-pjanti speċifiċi, taħt is-superviżjoni uffiċjali tal-awtorità kompetenti, iridu jiżguraw li l-pjanti speċifikati infettati jinqerdu jew jintremew b’xi mod ieħor, f’konformità mal-punt 1 tal-Anness V dment li jiġi stabbilit li ma hemm l-ebda riskju identifikabbli ta’ tifrix tal-pest speċifikat.”;

(3)

L-Anness II huwa ssostitwit bit-test fl-Anness ta’ dan ir-Regolament;

(4)

L-Anness IV huwa emendat kif ġej:

(5)

L-Anness V, il-punt 4.2(2) huwa emendat kif ġej: