(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fl-għalf tal-annimali u r-raġunijiet u l-proċeduri għall-għoti jew għall-modifika ta’ din l-awtorizzazzjoni.

(2)

Is-sustanza 4-idrossi-2,5-dimetilfuran-3(2H)-on ġiet awtorizzata bir-Regolament ta’ Implimentazzjoni tal-Kummissjoni (UE) 2022/1452 (2) bħala addittiv tal-għalf għall-qtates u għall-klieb.

(3)

F’konformità mal-Artikolu 13(1) tar-Regolament (KE) Nru 1831/2003, il-Kummissjoni talbet lill-Awtorità Ewropea dwar is-Sigurtà fl-Ikel (“l-Awtorità”) biex toħroġ opinjoni dwar jekk l-awtorizzazzjoni ta’ 4-idrossi-2,5-dimetilfuran-3(2H)-on bħala addittiv tal-għalf għall-qtates u għall-klieb tibqax tissodisfa l-kundizzjonijiet stabbiliti fl-Artikolu 5 tar-Regolament (KE) Nru 1831/2003, jekk it-termini ta’ dik l-awtorizzazzjoni jiġu modifikati. Il-modifika hija relatata maż-żieda tal-kontenut massimu rrakkomandat minn 5 għal 25 mg/kg ta’ għalf komplet għall-qtates u għall-klieb. Flimkien mat-talba, intbagħtet id-data ta’ sostenn rilevanti.

(4)

 (3)Fl-opinjoni tagħha tat-13 ta’ Marzu 2024, l-Awtorità kkonkludiet li 4-idrossi-2,5-dimetilfuran-3(2H)-on huwa sikur għall-klieb fil-kontenut massimu rrakkomandat ta’ 25 mg/kg ta’ għalf komplet u għall-qtates fi 18 mg/kg ta’ għalf komplet. Ikkonkludiet ukoll li l-addittiv huwa irritanti għall-ġilda, għall-għajnejn u għas-sistema respiratorja u huwa sensitizzatur tal-ġilda. L-Awtorità kkonkludiet li peress li 4-idrossi-2,5-dimetilfuran-3(2H)-on jintuża fl-ikel bħala sustanza li tagħti t-togħma, u li l-funzjoni tiegħu fl-għalf hija essenzjalment l-istess bħal dik fl-ikel, m’hemmx bżonn ta’ iktar provi tal-effikaċja.

(5)

Il-Kummissjoni tqis li l-awtorizzazzjoni ta’ 4-idrossi-2,5-dimetilfuran-3(2H)-on għadha tissodisfa l-kundizzjonijiet previsti fl-Artikolu 5 tar-Regolament (KE) Nru 1831/2003, meta jiġu mmodifikati t-termini tagħha fir-rigward taż-żieda tal-kontenut massimu rakkomandat għal 25 mg/kg għall-għalf komplet għall-klieb u għal 18 mg/kg għall-għalf komplet għall-qtates. Barra minn hekk, il-Kummissjoni hija tal-fehma li jenħtieġ li jittieħdu miżuri protettivi xierqa sabiex jiġu evitati effetti negattivi fuq is-saħħa tal-bniedem, b’mod partikolari fir-rigward tal-utenti tal-addittiv.

(6)

Għalhekk, jenħtieġ li r-Regolament ta’ Implimentazzjoni (UE) 2022/1452 jiġi emendat skont dan.

(7)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

“3.

Fuq it-tikketta tal-addittiv għandu jiġi indikat dan li ġej: “Kontenut massimu rrakkomandat tas-sustanza attiva f’kull kg ta’ għalf komplet b’kontenut ta’ ndewwa ta’ 12 %: