(1)

Ir-Regoli ta’ Proċedura tal-EDPS tal-15 ta’ Mejju 2020 (2) adottati f’konformità mal-Artikolu 57(1)(q) tar-Regolament jipprevedu, fl-Artikolu 18, għal proċedura ta’ rieżami f’każijiet ta’ lmenti limitati għal evidenza fattwali u argumenti legali ġodda.

(2)

Madankollu, l-applikazzjoni tal-proċedura ta’ rieżami ppreżentat diffikultajiet prattiċi u legali għall-istituzzjonijiet, il-korpi tal-uffiċċji u l-aġenziji tal-Unjoni kif ukoll għall-ilmentaturi. Il-proċedura ta’ rieżami għandha għalhekk titneħħa.

(3)

L-Artikolu 58(5) tar-Regolament jirrikjedi li l-eżerċizzju tas-setgħat mogħtija lill-EDPS skont dak l-Artikolu għandu jkun soġġett għal salvagwardji xierqa, inklużi rimedji ġudizzjarji effettivi u proċess ġust, stabbiliti fid-dritt tal-Unjoni. Bl-istess mod, l-Artikolu 66(5) u (6) tar-Regolament jipprevedi li qabel ma jittieħdu deċiżjonijiet li jimponu multa amministrattiva, l-EDPS għandu jagħti lill-istituzzjoni jew lill-korp tal-Unjoni li huwa s-suġġett tal-proċedimenti mmexxija mill-EDPS l-opportunità li jinstema’ dwar il-kwistjonijiet li għalihom ikun oġġezzjona l-EDPS. Sabiex jiġu ssalvagwardjati b’mod effettiv id-dritt għal amministrazzjoni tajba u d-drittijiet tad-difiża kif minquxa fil-Karta tad-Drittijiet Fundamentali tal-Unjoni Ewropea (“il-Karta”), inkluż id-dritt ta’ kull persuna li tinstema’ qabel ma tittieħed kwalunkwe miżura individwali li tolqotha b’mod negattiv, huwa għalhekk importanti li jiġu previsti regoli ċari fir-Regoli ta’ Proċedura tal-EDPS dwar l-eżerċizzju ta’ dawn id-drittijiet.

(4)

Il-kontrolluri jew il-proċessuri għandu jkollhom l-opportunità li jesprimu l-fehmiet tagħhom qabel ma tittieħed deċiżjoni li taffettwahom b’mod negattiv mill-EDPS. Għalhekk, ir-Regoli ta’ Proċedura tal-EDPS għandhom jipprevedu li l-EDPS jabbozza valutazzjoni preliminari u jikkomunikaha lill-kontrollur jew lill-proċessur li huwa s-suġġett tal-proċedimenti mwettqa mill-EDPS qabel ma jadotta deċiżjoni li jkun fiha sejba ta’ ksur tar-Regolament jew ta’ kwalunkwe att ieħor tal-Unjoni relatat mal-protezzjoni tad-drittijiet u l-libertajiet fundamentali ta’ persuni fiżiċi fir-rigward tal-ipproċessar ta’ data personali minn istituzzjoni jew korp tal-Unjoni, jew meta jeżerċita setgħat korrettivi skont ir-Regolament, jew jimponi multa amministrattiva, jew jeżerċita setgħat kontra l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol), l-Aġenzija tal-Unjoni Ewropea għall-Kooperazzjoni fil-Ġustizzja Kriminali (Eurojust), jew l-Uffiċċju tal-Prosekutur Pubbliku Ewropew (UPPE).

(5)

Il-kontrolluri jew il-proċessuri għandu jkollhom l-opportunità li jesprimu l-fehmiet tagħhom qabel ma tittieħed deċiżjoni li taffettwahom b’mod negattiv mill-EDPS. Għalhekk, ir-Regoli ta’ Proċedura tal-EDPS għandhom jispeċifikaw is-sitwazzjonijiet li fihom il-EDPS għandu jabbozza valutazzjoni preliminari u mbagħad jikkomunikaha lill-kontrollur jew lill-proċessur li huwa s-suġġett tal-proċedimenti mwettqa mill-EDPS.

(6)

Bl-istess mod, l-ilmentaturi għandu jkollhom l-opportunità li jesprimu l-fehmiet tagħhom qabel ma tittieħed deċiżjoni li taffettwahom b’mod negattiv mill-EDPS. Għalhekk, ir-Regoli ta’ Proċedura tal-EDPS għandhom jispeċifikaw is-sitwazzjonijiet li fihom l-EDPS għandu jabbozza valutazzjoni preliminari u mbagħad jikkomunikaha lill-ilmentatur.

(7)

Il-valutazzjoni preliminari tikkostitwixxi salvagwardja proċedurali essenzjali li tiżgura li jiġi osservat id-dritt li wieħed jinstema’. Ir-Regoli ta’ Proċedura tal-EDPS għandhom konsegwentement jistabbilixxu l-elementi li għandhom ikunu inklużi f’valutazzjoni preliminari bħal din. Minħabba li dawn l-elementi huma differenti f’każijiet fejn l-EDPS beħsiebu jimponi multa amministrattiva, ir-Regoli ta’ Proċedura tal-EDPS għandhom jistabbilixxu wkoll l-elementi li għandhom ikunu inklużi f’valutazzjoni preliminari f’dawn il-każijiet.

(8)

Tista’ tkun meħtieġa limitazzjoni tal-informazzjoni li tinsab fil-valutazzjoni preliminari biex jiġu protetti l-interessi msemmija fil-liġi tal-Unjoni jew ta’ Stat Membru. Dawn l-interessi jinkludu s-sigurtà nazzjonali, is-sigurtà pubblika jew id-difiża tal-Istati Membri; il-prevenzjoni, l-investigazzjoni, is-sejbien u l-prosekuzzjoni ta’ reati kriminali jew l-eżekuzzjoni ta’ pieni kriminali, inkluż is-salvagwardja kontra u l-prevenzjoni ta’ theddid għas-sigurtà pubblika; objettivi importanti oħrajn ta’ interess pubbliku ġenerali tal-Unjoni jew ta’ Stat Membru, b’mod partikolari l-objettivi tal-politika barranija u ta’ sigurtà komuni tal-Unjoni jew interess ekonomiku jew finanzjarju importanti tal-Unjoni jew ta’ Stat Membru, inklużi n-networks monetarji, baġitarji u ta’ tassazzjoni, is-saħħa pubblika u s-sigurtà soċjali; is-sigurtà interna tal-istituzzjonijiet u l-korpi tal-Unjoni, inkluż in-networks tal-komunikazzjoni elettronika tagħhom; il-protezzjoni tal-indipendenza ġudizzjarja u l-proċedimenti ġudizzjarji; il-prevenzjoni, l-investigazzjoni, is-sejbien u l-prosekuzzjoni ta’ ksur tal-etika għal professjonijiet irregolati; funzjoni ta’ monitoraġġ, spezzjoni jew regolatorja marbuta, anke jekk okkażjonalment, mal-eżerċizzju ta’ awtorità uffiċjali; il-protezzjoni tas-suġġett tad-data jew id-drittijiet u l-libertajiet ta’ oħrajn; l-infurzar tat-talbiet tal-liġi ċivili; l-evitar ta’ xkiel ta’ inkjesti, investigazzjonijiet jew proċeduri uffiċjali jew legali; l-evitar ta’ preġudizzju għall-prevenzjoni, l-investigazzjoni, l-iskoperta jew il-prosekuzzjoni ta' reati kriminali jew l-eżekuzzjoni ta’ pieni kriminali. Interessi oħra jinkludu interessi leġittimi ta’ kunfidenzjalità jew ta’ segretezza professjonali u kummerċjali. Ir-Regoli ta’ Proċedura tal-EDPS għandhom għalhekk jinkludu referenzi speċifiċi għal dawn l-interessi u jispeċifikaw l-informazzjoni li għandha tiġi kkomunikata lill-ilmentatur.

(9)

Wara l-komunikazzjoni tal-valutazzjoni preliminari tiegħu, il-kontrollur jew il-proċessur u l-ilmentatur għandhom jingħataw l-opportunità li jissottomettu l-osservazzjonijiet tagħhom. L-EDPS għandu għalhekk jistabbilixxi regoli dwar meta għandu jagħti lill-kontrollur jew lill-proċessur, jew lill-ilmentatur, l-opportunità li jinstema’, u f’liema perjodu ta’ żmien.

(10)

L-aċċess għall-fajl jifforma parti mid-drittijiet tad-difiża u d-dritt għal amministrazzjoni tajba stabbiliti fil-Karta. Madankollu, limitazzjoni għall-aċċess għall-fajl tal-EDPS tista’ tkun meħtieġa għall-protezzjoni tal-interessi msemmija fil-liġi tal-Unjoni jew ta’ Stat Membru u għalhekk għandha tkun riflessa fir-Regoli ta’ Proċedura tal-EDPS.

(11)

Biex jinżamm proċess ġust ta’ teħid ta’ deċiżjonijiet, ir-Regola ta’ Proċedura tal-EDPS għandha tikkjarifika li kwalunkwe deċiżjoni tal-EDPS għandha tkun ibbażata biss fuq sejbiet u miżuri li fuqhom il-kontrollur jew il-proċessur jew l-ilmentatur ikunu setgħu jikkummentaw, ħlief f’każijiet ta’ applikazzjoni tal-limitazzjonijiet meħtieġa għall-protezzjoni tal-interessi msemmija fil-liġi tal-Unjoni jew ta’ Stat Membru.

(12)

Sabiex jiġi ggarantit b’mod konsistenti li kull miżura legalment vinkolanti tal-EDPS tirreferi għad-dritt għal rimedju effettiv, ir-Regola tal-Proċedura tal-EDPS għandha tipprevedi li l-EDPS jinforma, fit-test tad-deċiżjoni tiegħu, lill-kontrollur jew lill-proċessur, u lill-ilmentatur, dwar id-dritt tagħhom li jikkontestaw id-deċiżjoni quddiem il-Qorti tal-Ġustizzja tal-Unjoni Ewropea f’konformità mal-Artikolu 263 tat-Trattat dwar il-Funzjonament tal-Unjoni Ewropea,